تاريخ اختراع النوتة الموسيقية ( السلم الموسيقي )


بداية بتمنى هالموضوع يعجبكون وتلاقو فيه الفائدة:D

الموسيقى او ( الموسيقا ) بغض النظر عن الطريقة الاملائية يلي بنكتب فيها هالكلمة ان كان بالالف المقصورة او الممدودة فهالكلمة الرائعة تعتبر من ارقى الفنون يلي عرفا الانسان واقدما تاريخيا , والي بتجمع بين عدة عناصر والي اولا البناء الذاتي للانسان يعني الامكانيات الفطرية الي بيتمتع فيها وحجم الموهبة الكامنة فيه بالاضافة للبناء العلمي يلي بيرتكز عليه هاد الفن من حيث اعتبارو علم صوتي بيعتمد على اسس رياضية بحتة من ناحية وهالشي لانو الاوزان الموسيقية والنوتات والالحان عبارة عن تركيبات وزنية وازمنة متساوية بتشبه باوجه كتيرة ميزان الشعر المؤلف من حركات وسكنات حسب قيم معلومة بتتغير مع زياده او نقصان بهالميزان

ويمكن الشعر والموسيقى هنن اكتر الفنون قراب من بعض لهيك بنسمي يلي بميز الشعر الموزون من الغير موزون بانه ( صاحب اذن موسيقية :pos:)
ازا بنرجع لتاريخ هالكلمة حسب المؤرخين ودارسي التاريخ الموسيقي بنلاقي انو اصلا يوناني والمقصود فيها ( فن الغناء) قبل ما ينفصل الغناء عن الموسيقا ويصير كل وحده الها شروطا الخاصة وعلاقاتا الوطيدة بنفس الوقت
ويحكى انو اهل اليونان كانو بيعبدو تسع آلهات بيدعو كل وحده منون باسم ( موسيقة او موسا ) ولانو نسبة الشي لمهنتو باليونانية هوي ( يقي ) صارت ممارس الموسيقى اسمو ( موسيقي ) وهالنسبة بتشبه الياء بالعربية يعني متل قولنا ليلي بيشتغل بالصحافة اسم ( صحافي ) والي بيشتغل بالصحف باي صفة تانيه غير المهنة ( صحفي ) لهيك عالاغلب اليونانيين اختارو هالتسمية من الهتهم واطلقوها عالموسيقى وهالشي بدل على زكاء عالي وزوء رفيع عندون لانو معنا هالكلمة هوي( الملهمة :angel:) وهيك بكونو ربطو بين الموسيقى و بين اهم وظائفا والي هيي الالهام بشكل دقيق

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وطبعا الموسيقى متلا متل أي فن تاني كالرسم والشعر والزي منو ما كان الا مكان محدد يعني كانت نشاط عالمي لكل البشرية طول ما الانسان عميحاول يعبر عن مشاعرو من الحزن والفرح وغيرا من خلالا وهيك بنقدر نقول انها لغة عالمية ولدت بكل انحاء العالم ومانا حكر على حدا . بس هاد الفن وابتكار ادواتو ومدى تطورو تأثر بالضرورة بمدى تطور هالشعب او غيرو . ومن هالشي كان في اعتقاد بانو اجواء الموسيقى الها صلة باجواء الكهنة واجواء السحر حيث كانت طقوس السحر المرتع الافضل يلي حظي فيه هالفن بالمزيد من العناية . وعهالاساس كانت حضارات بلاد الرافدين وخاصة بابل دفعت هالفن لمرحلة متقدمة
وطبعا مو لانو البابليين اكتر مين اعتنى بالسحر بل لانو السحر كان اداة الطبيب الاولى لشفاء الارواح والابدان . حتى انو الساحر كان يتسمى بالطبيب .. والمثير للدهشة انو العلم الحديث اكد بالتجربة انو الموسيقى ممكن تكون وسيلة ناجعة لمعالجة امراض كتير
طبعا مو بس ببابل كان هالاهتمام الكبير بالموسيقى كمان عند السومريين كانت القيثارة الذهبية يلي بدل استعمال الذهب بصناعتا على مدى اهتمامون بالموسيقى وكمان بغير بلدان تانيه نفس الشي . ويمكن هالاهتمام الكبير ناتج انو الانسان القديم يلي كان يحاول ينقل مشاعرو و مخاوفو ومعاناتو عن طريق الرسم عجدران الكهوف رسوم بدائية حاول كمان يعبر عن مشاعرو عن طريق الموسيقى باستخدام ادوات بسيطة متل الخنجر والكف والقدم حتى يصد ر اصوات او ايقاعات او نغمات بتتناسب مع الحالة الي بمر فيها لا وكمان الجو المحيط بالانسان والي بيولد فيه هوي جو مفعم بالموسيقى وبصوت العصافير وحركة الرياح وقرقرة المياه وحفيف الاشجار . وما بننكر انو هالفن هوي سيد الفنون واكترا علاقة بالمفردات الحياتية التانيه . فهو الو علاقة بالشعر والغناء والطرب والرقص والسحر والطب النفسي و التربية و التذوق الرفيع والخلق السامي ...
ما زكرلنا التاريخ الموسيقي اسم سابق لاسم الراهب ( جيدو داروز :clap:) وهالشي بين اعوام (1000 و 1050ميلادي) والي بيرجعلو الفضل الاول باختراع ( النوتة ) او تدوين الانغام الموسيقية . لما تنبه هالمخترع العظيم وهوي عم يتسمع على احد الالحان انو كل شطر شعري كان يبلش بصوت بزيد درجة عن مطلع الشطر السابق . وهالشي بيقتضي ياخد نفس عالي الشفافية واذن بالغة الحساسية لالتقاط هالفروقات الي بنى عليها هالاختراع . وما هالحروف الي بتعرفا اليوم وبنسمع فيها كتير والي هيي ( دو – ري – مي – فا – سو – لا – سي – دو ) الا اسماء المقاطع الاولى من كل شطر . والي حملت اسم السلم الموسيقي والي ما تغير لحدا هلا
وطبعا في عدة الات موسيقية انوجدت عبر التاريخ متل الالات النفخية والوترية و النقرية وغيرا وغيراتا والي كلا بتخضع بشكل كامل للسلم الموسيقي
ولازم نلاحظ انو الموسيقى مع الزمن خضعت لنوع من التخصص فمثلا في ايقاع سريع وفي بطيء .. في الراقص وفي الجنائزي .. بس عالعموم ارتبط هالفن ببيئة ومجتمع ودرجة تطور ارتباط قوي .. حتى انو الالحان والانغام بتعبر عن مخزون النفس ومعطيات الطبيعة . وهيك بيقدر هالتخصص انو يتلمس بان هالموسيقى ممكن توائم اجواء الجبال والشلالات او اجواء البادية والصحراء او اجواء المدن الصاخبة المزدحمة او اجواء الحرب او الفرح او .. او .. او .. بمعنى انو في روح سارية وخفية عم تتسرب للنص الموسيقي .وهالشي جميل بالنسبة لهيك فن عظيم ..

اما العلامات الموسيقية يلي حكيت عنا من شوي فالاغلب بيعرف انو هيي سبعة والي هيي والي هيي ( دو – ري – مي – فا – سو – لا – سي ) بس ليش هيي سبعة يمكن ما حدا بيعرف :lol:

ازا بنرجع للتاريخ وحسب زعم علماء التاريخ انو القدماء اعتمدو الرقم سبعة كاحد ثوابت الحياة ومن اهم صحة مسيراتها لا وحتى انون وصلو لدرجة الاعتقاد ان الرقم سبعة هوي السبب الرئيسي في التنظيم البديع للكون

فالبابليون قالو انو في سبع كواكب هيي عالتوالي : الشمس - القمر – جوبيتر – فينوس – ساتورن – مارس – وهارمس .. وقالو انو المعادن سبعة كمان وهيي .: الذهب – الفضة – القصدير – النحاس – الزئبق – الرصاص والحديد . وانو الايام سبعة والالوان سبعة ( فعلا الوان قوس قزح سبعة :shock:)

وحتى انو المصريين قالو انو الاخطاء سبعة وانو لكل خطأ ست قضاة بحاسبو موتاهون عليها على هيكل مسبع الاضلاع بيوزن الخطايا بسيع اوزان وبمر الميت بسبع مراحل من السؤال .

والعبرانيون عملو الرقم سبعة مقياس لزمن الخطايا . فالسنة عندون بتبلش بالشهر السابع . وكل سبع سنوات ( حسب الديانه اليهودية ) تنتهي الحلقة وتغفر الخطايا

فيثاغورس عالم الرياضيات العظيم قال : يمر الانسان بتسلسل سباعي .. فتنبت اسنانه في شهره السابع ويبدأ سن الفهم في السابعة ويدرك الحلم في ال 14 ويدرك الرجولة في 21

ويقول ارسطو ان هضاب الحكمة هي سبع وهي الهضاب الواجب تسلقها حتى المفارقة العجيبة ان الرقم 7 هو القاسم المشترك لمعظم قصص الاطفال

حتى انو الخطايا هيي سبعة ( البخل – الفجع – الكسل – الكبرياء – الغضب – الشهوة – الفجور )

وفي القصص الدينية بنشوف انو السيد المسيح عليه السلام وهالحكي حسب الانجيل :pos:) قال سبع كلمات للي كانو حوليه قبل ما يندفن باليوم السابع

وبنشوف انو نوح ( حسب التوراة :?) انتظر سبعة تيام قبل ما يبعت الحمامة من الفلك تبعو

وفي كتيييييييييييير من القصص عن رقم سبعة بس الي بهمنا انو تقسيم السلم الموسيقي لسبع علامات هوي اكتر شيوعا مع انو في تقسيمات تانيه متل ( السلم الخماسي الهندي والخماسي الافريقي الخ ) طبعا هالتقسيمات رح تكون غريبة علينا اما التقسم السباعي فكل العالم بتنطربلو اكتر

والغريب بالموضوع انو ازا كان صوت الواحد بيمتد لمساحة صوتية كبيرة فهو بغني العلامات السبع بسهولة ( طبعا بدون مرتكز ) وازا صار الواحد ينطوط لفوق ولتحت رح يحس بالضيق ويفقد السهولة بالاداء

والقدماء ... اه من القدماء ربطو كل علامة موسيقية بكوكب معين واحيانا بلون معين ( وحتى انو دافنشي الو عدة تجارب بهالشغلة )



طبعا يا شباب هاد بضل نظرة تاريخية يمكن تكون سبب لتقسيم السلالم الموسيقية لسبعة او ممكن تكون نظرة ملحمية او اسطورية بس ممكن تكون صحيحة
:dunno:

من التاريخ :D