عيدوه لـhanny dagher يللا [الأرشيـــــف]

دخول

عرض كامل الموضوع : عيدوه لـhanny dagher يللا

صفحات : [1] 2 3

Syrian Gay

07/08/2007, 00:15

ريتو الف الف مبروك يا هاني :D

صار 20 اخونا ترى ها

فيللا يا شباب لا تطالعونا بالخجلة قدام الزلمة

يمان Rooooonaldo

07/08/2007, 00:17

Syrian Gay

07/08/2007, 00:34

العمى عالقفلة .... هلا كنت عم نزل موضوع:pos:

عكلن مو مشكلة ما في فرق

احلا شريك

واحلا ابو الهن ... وريتو هيك كل سني وانتي سالم .... وعقبال ما تصير وزير كبير قدك ودلقك... ونحتفل
هيك فيك ونصير بدنا صورة جنبك

الف الف الف مبروك وعثقبال ال 100 ابو الهن:D

سبقتك يعني :ghazool:

حتى يعرف هاني قديشو غالي عل لعالم :gem:
هو صح انا ما بعرفو كتير منيح بس يعني قريت مشاركاتو القديمة وهيك فطلع الزلمة فهمان واكابررر:larg:

يمان Rooooonaldo

07/08/2007, 00:35

وهيك فطلع الزلمة فهمان واكابررر

لا اشاعة ما تصدق :lol:

abosleman

07/08/2007, 00:37

اي انشاالله عقبال المية :D

The morning

07/08/2007, 00:46

هاني ..
لك ريتو كل سنه و انت سالم ..
بس انا ما بدي عايدك قبل بوقت .. :frown:
عالهامش ** انو حاج تتسابقو و نزلو المواضيع قبل بيوم :x ..
الحكي مو بس الك سيريان غي :pos:

sweetbaby

07/08/2007, 00:48

لسا ماصار عيد هاني لسا في 9 ساعات ليصير 20:jakoush::jakoush:

مارح قللو كل سنة وهوي سالم هلا:frown::frown::frown:

MadMax

07/08/2007, 00:48

كل عام و انت بخير
و عقبال الفرحة الكبيرة * يا رب

*
الفرحة الكبيرة يعني ....عرس...... تخرج ... أي شي من هالقبيل ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

Syrian Gay

07/08/2007, 00:49

هاني ..
لك ريتو كل سنه و انت سالم ..
بس انا ما بدي عايدك قبل بوقت .. :frown:
عالهامش ** انو حاج تتسابقو و نزلو المواضيع قبل بيوم :x ..
الحكي مو بس الك سيريان غي :pos:

شو عأساس انت مورنينغ ما مورنينغ وبتفهمي بالصبح يعني :larg:

شو بشان قلبت الساعة وصرنا يوم جديد

ما نحن صبح هللا وللا شو :?

sweetbaby

07/08/2007, 00:50

شو عأساس انت مورنينغ ما مورنينغ وبتفهمي بالصبح يعني :larg:

شو بشان قلبت الساعة وصرنا يوم جديد

ما نحن صبح هللا وللا شو :?
بماانو هاني باميركا
فلازم تشتغل ع توقيت اميركا عمو:?

BL@CK

07/08/2007, 00:52

كل عام و انت بخير هاني ... و عقبال المية ..:D

Syrian Gay

07/08/2007, 00:56

بماانو هاني باميركا
فلازم تشتغل ع توقيت اميركا عمو:?

شو بشان طلعت انا الحمار يعني :?

وشو بشان انقلب العيد قتال :?

لا تؤاخذوني يعني تقلت عليكون :pos:

بس يعني حبينا نكون اول المعيدين بتوقيت سوريا ما الموقع بتوقيت الشام

sweetbaby

07/08/2007, 00:57

شو بشان طلعت انا الحمار يعني :?

وشو بشان انقلب العيد قتال :?

لا تؤاخذوني يعني تقلت عليكون :pos:

بس يعني حبينا نكون اول المعيدين بتوقيت سوريا ما الموقع بتوقيت الشام
وليش عم تقاتل:jakoush::jakoush::jakoush::jakoush:
بس حبينا نقلك انوالعيد لازم يكون ع توقيت اميركا:pos:

Syrian Gay

07/08/2007, 01:03

وليش عم تقاتل:jakoush::jakoush::jakoush::jakoush:
بس حبينا نقلك انوالعيد لازم يكون ع توقيت اميركا:pos:

شو بشان انت هجمتي :?

لا كنتي تعيديه هون وخلصنا واستنى 9 ساعات وعيديه لحالك :pos:

وشو بشان صار خناقة بعيد ميلاد الزلمة وكللو منك

طيب بما انو انت بأميركا فعملي عيد حقيقي معو وخلص وخلينا نحن هون نحتفل بعيدو بسوريا

على جنب: انو لا بعرفك ولا تعرفيني على شو هالهجوم كللو ما عرفت :pos:

ليندا

07/08/2007, 01:12

كل سنه وانت سالم هاني وسنه بيضا عليك :D

sweetbaby

07/08/2007, 01:14

شو بشان انت هجمتي :?

لا كنتي تعيديه هون وخلصنا واستنى 9 ساعات وعيديه لحالك :pos:

وشو بشان صار خناقة بعيد ميلاد الزلمة وكللو منك

طيب بما انو انت بأميركا فعملي عيد حقيقي معو وخلص وخلينا نحن هون نحتفل بعيدو بسوريا

على جنب: انو لا بعرفك ولا تعرفيني على شو هالهجوم كللو ما عرفت :pos:
لك والله مااصدي هاجم:cry::cry::cry:
ولاصار خناقة بالعكس:cry::cry:

Syrian Gay

07/08/2007, 01:16

لك والله مااصدي هاجم:cry::cry::cry:
ولاصار خناقة بالعكس:cry::cry:

ولو عاااااااااادي :D
تسلاية شوي وتغيير شكل :larg:

عاشقةعمرودياب

07/08/2007, 01:30

انشالله عقبال المية بس هالحكي مو فعال لبعد 8 ساعات يعني هلق اذا بدي عايدك لازم قول عقبال المية و8 ساعات وخلص عالاوكازيون 10 دقايق هدية

brave heart2

07/08/2007, 01:48

كل سنة وانت سالم هاني

وسنة الجاي تحقق كل يلي بدك ياه

ويخلص هالموقع على خير

وهي الك :D

hanny dagher

07/08/2007, 06:40

ريتو الف الف مبروك يا هاني :D

صار 20 اخونا ترى ها

فيللا يا شباب لا تطالعونا بالخجلة قدام الزلمة

على عيني وعلى راسي
وشكرا عالموضوع
مية وردة :D

العمى عالقفلة .... هلا كنت عم نزل موضوع:pos:

عكلن مو مشكلة ما في فرق

احلا شريك

واحلا ابو الهن ... وريتو هيك كل سني وانتي سالم .... وعقبال ما تصير وزير كبير قدك ودلقك... ونحتفل
هيك فيك ونصير بدنا صورة جنبك

الف الف الف مبروك وعثقبال ال 100 ابو الهن:D

ابو اليمن يخليلي ياك يا رب :D

اي انشاالله عقبال المية :D

شكرا ابو سليمان عقبال ما نفرح منك :D

هاني ..

لك ريتو كل سنه و انت سالم ..
بس انا ما بدي عايدك قبل بوقت .. :frown:
عالهامش ** انو حاج تتسابقو و نزلو المواضيع قبل بيوم :x ..
الحكي مو بس الك سيريان غي :pos:

شوش ما بعرف شو قلك
منحكي عالمسنجر :D

كل عام و انت بخير
و عقبال الفرحة الكبيرة * يا رب

*
الفرحة الكبيرة يعني ....عرس...... تخرج ... أي شي من هالقبيل ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ماد ماكس العظيم
ثانكيو كتير وعقبال فرحتك الكبيرة

الفرحة الكبيرة بتعني عرس وفقط عرس :p

مية وردة :D

كل عام و انت بخير هاني ... و عقبال المية ..:D

بلاكو بلاكو بلاكو وما ادراك ما بلاكو
مشكور ابو العبد
انشالله بشوفك عن قريب :D

كل سنه وانت سالم هاني وسنه بيضا عليك :D

ثانكيو ليندا
صحي اني ماني حكيان معك بس سمعان عنك كتير
انشالله منلتقي باقرب فرصة كمان

مية وردة :D

انشالله عقبال المية بس هالحكي مو فعال لبعد 8 ساعات يعني هلق اذا بدي عايدك لازم قول عقبال المية و8 ساعات وخلص عالاوكازيون 10 دقايق هدية

ثانكيو بس هالثانكيو مو فعالة لبعد 4 ساعات :p
وثانكيو على الهدية 10 دقايق تطويل عمر

مية وردة :D

كل سنة وانت سالم هاني

وسنة الجاي تحقق كل يلي بدك ياه

ويخلص هالموقع على خير

وهي الك :D

على عيني ابو الروض
شكرا كتير

مية وردة :D

Roaa

07/08/2007, 06:44

كل عااام وانت بالف الف خير

وعقباااااال المليوووووووووووووووووووو ووووووووووون سنه بس

:D

hanny dagher

07/08/2007, 06:55

كل عااام وانت بالف الف خير

وعقباااااال المليوووووووووووووووووووو ووووووووووون سنه بس

:D

اهليييييييييييييييييييييي يييين دلوعة
شكرا كتير عالمعايدة
انا هلأ صرت اكبر بسنة وصرت بخوف اكتر :lol:

مية وردة :D

Roaa

07/08/2007, 07:01

اهليييييييييييييييييييييي يييين دلوعة
شكرا كتير عالمعايدة
انا هلأ صرت اكبر بسنة وصرت بخوف اكتر :lol:

مية وردة :D
هههههههههههههههههههههههههههه

لا تراجعت ... ما بتخوف ..

شفت صورتك ..... طلعت مغروور :p

hanny dagher

07/08/2007, 07:16

ههههههههههههههههههههههههه ههه

لا تراجعت ... ما بتخوف ..

شفت صورتك ..... طلعت مغروور :p

شفتي صورتي :? طلعت مغرور :shock:

لاء يا عمي خلينا عالبيخوف معناتا :pos:

Roaa

07/08/2007, 07:19

شفتي صورتي :? طلعت مغرور :shock:

لاء يا عمي خلينا عالبيخوف معناتا :pos:
التفتت حولي وشفتها :pos:

او ... ولاد الحلال دلوني عليها ... ماشي حالك ... حلو :larg:

أسير التشرد

07/08/2007, 07:23

:D كل سنة وانت سالم .. وعقبال مئة و10 سنين..

hanny dagher

07/08/2007, 07:31

التفتت حولي وشفتها :pos:

او ... ولاد الحلال دلوني عليها ... ماشي حالك ... حلو :larg:

ثانكيو :oops:

وانت بخير اسيرو الله يخليك يا رب
وسنة الجاي انشالله منكون بسوريا عم نحضر عرسك :D

لاوديسا

07/08/2007, 08:13

عقبال المية هاني .. بالسعادة والهنا

Nirvana

07/08/2007, 08:58

الفرحة الكبيرة بتعني عرس وفقط عرس :p

مستجوز .. :lol:

كل سنة وانت بخير وعقبال 120 مليانة حب وسعادة ونجاح .. وبتمنالك تحقق كل شي بدك ياه .. وترجع للحشيش كمان:D

layla

07/08/2007, 09:02

ولك يسعد الله :yahoo::yahoo::yahoo: هنهون صار ختيار و عشريني :lol:

انو شو قللك... يخليلي ياك ولا يحرمني منك ولا من حنيتك يا غالي
عقبال المية ابو الهن... يا اغلى اخ و اروق شب بهالدنيي

شو ماحكيت قليل عليك والله

انو طبيعي ... 15 سنة سوا يقطع حظي :clap::clap:
"اعتق" رفيق عندي :lol: ( و متل مابتعرف اغلى انواع الدهب الدهب العتيق.. .و اطيب انواع النبيت النبيت المعتق)

و روح جخ هي معايدة بتلت لغات كمان :yahoo:

احبك انا اخوي (مشقة2 :lol: )

كل سنة و انت سالم يارب :D

Willi

07/08/2007, 09:35

وين الدربكة والطبل؟؟
اه ليكون ليلى ونيرفانا.

يلا صلو على عيسى زين زين مكحول العين
والعالية والله عليـــــــــــــه

ويا صلاتك يا بو الهن.

كل عام وانت بخير
عيد ميلاد سعيد
مع شامبو شامبو سين
خلا شعرك حرير :lol:

كل عام وانت بخير ابو الهن الغالي عقبال ما هيك تنفرح فيك, والله لاجي احضر عرسك.
وبدي ارقص مع كل البنات اللي بالحفلة كمان.
:larg:

عقبال المية

Syrian__Angel

07/08/2007, 09:59

احم احم .. test test :p

هلللووووووووووز .. كيف الشعب !؟!؟ :yahoo:

انو انا اليوم - بجلالة قدري وعظيم شأني - كنت نايمة بأمان الله ، وإذ " تاتاتاا ... تاتاتا ... تاتاتا " وكل مالو عم يعلى الصوت.. بتطلع هيك ع الموبايل .. واذ ماذا ؟؟ التذكيــــــــــــــر عم يصرعني انو قومي فيقي لك قووووومي اليوم عيد ميلاد هاني !

قام طبعاً نطّــينا هيك لندقّلك ووووو ما عندي رقمك :o ههههههه اي والله لا تقاتل بس رقمي تبع الامارات مو معي !

هلأ المهم بالقصة ... انو فقنا وفئست النومة ومشي الحال ... وكللو كرمال هاني افندي .. :pos:

لاء هلأ شيلنا من المزح .. بس بالله كيفني بالدراما ؟!؟ :lol:

لك لاء لاء... عنجد ..

ابو الــــــــــهـــــــــــــن ... كل عام وانت بألف خــــيـــــر ياااااا رب :clap:.. وعقبال الـ 100 انشالله:D
وعقبال ما هيكي نشوفك عملتلك شغلة عظيمة ، وتصير كبير قـــــــــــد الدنيا .. ونصير نقول للعالم انو لك ييييه هاد ابو الهن السئيل اللي بنعرفو ما غيرو ! :lol:

هلأ صحي..
هامش 1 : كان جاية ع بالي اكتب عقبال ما هيكي ، عرفت شلون ! مدري ليش!؟ يعني عنجد انا فكرت فيها بيني وبين حالي وما طلع معي ليش كان بدي اكتب هيك؟ بـس بما انو قرقتني الفكرة وقرقتني قلت خلص بنخبرك ياها بفرد مرة .. - ما بتعرف يمكن تلزمك هيك معلومة! -
وكمان كان جاية ع بالي قللك اويهااااااا وما بعرف شو بيصير بعدا مو حافظتا .. بعدين خطر ع بالي انو هلأ بتجي مريومة وبتزبط الوضع ، هيي الادرى بهك شغلات :p

هامش 2 : وعلى سيرة مريومة ... احلى شي انو اول ما دخلت عالموقع من بعد مليون سنة لقيت خمسين الف رسالة .. 2 منــّون بهدلة من مريومة ( متذكرة والله متذكرة بس ماااااااا عم هيي .. عرفتي شلون ؟ هههههه )

هامش 3 : ليلى وقت اللي كتبتي روح جخ هي معايدة بتلت لغات كمان وبعدا دغري جملة " احبك يا اخوي " ..وكنت لسه مو منتبهة عالمرفقات .. فـ اول فكرة خطرت ببالي هيي " انو هيك عايدتيه بالمكسيكي !؟ :lol:

هامش 4 : حدا لاحظ اديش استخدمت ابتسامات وسمايليز بالمشاركة !! ما صدّقت انو شفت شغلات عم تتحرك :o.. صحي ع سيرة السمايليز .. بالعادة بكتب اسم السمايلي اسهل من اني دوّر عليه بالقائمة .. فـ من ورا تسميات جاد ، بدل ما اكتب :frown لحتى يطلع هاد ( :pos:) كتبت : مطموز : بعدين انتبهت ع حالي :lol:
يعدمني ياك يا جادو .. ما بناخد منك الا كل شي سيئ :p

هامش 5 : كأنو الهوامش اكتر من الرد الفعلي !؟

sweetbaby

07/08/2007, 10:05

هلا الساعة 12 بليل بتوقيت اميركا
فكل عام وانت بخير يااحلى واغلى هاني بالكون
والله لايحرمني منك يارب ويخليلي ياك
و الله يخليلي ياك وانت عم تبهدل وتمرطئ فيني
وتصير ترد عليي لما بدقلك مرة تانية

هلا المهم اني سبقتا للوش:yahoo::yahoo::yahoo::yahoo::yahoo::yahoo: :yahoo::yahoo:

وعقبال مانفرح فيك يارب...
وانا رح كوون الشبينة جكارة فيك:p:p

الله لايحرمني منك هنوووووش
حبك يااخي الكبير:oops::oops::oops:

هامش 1: دمدوووووووووووووووووووووو ش لك وينك اشتقتلك انا كتييييييييير

Maher 4x4

07/08/2007, 10:08

عقبال ال 120

هابي بيرثداي تو يو :D
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

Willi

07/08/2007, 10:08

ـ من ورا تسميات جاد ، بدل ما اكتب :frown لحتى يطلع هاد ( ) كتبت : مطموز : بعدين انتبهت ع حالي

:o:lol::lol:

layla

07/08/2007, 10:18

احم احم .. test test :p

هلللووووووووووز .. كيف الشعب !؟!؟ :yahoo:

انو انا اليوم - بجلالة قدري وعظيم شأني - كنت نايمة بأمان الله ، وإذ " تاتاتاا ... تاتاتا ... تاتاتا " وكل مالو عم يعلى الصوت.. بتطلع هيك ع الموبايل .. واذ ماذا ؟؟ التذكيــــــــــــــر عم يصرعني انو قومي فيقي لك قووووومي اليوم عيد ميلاد هاني !

قام طبعاً نطّــينا هيك لندقّلك ووووو ما عندي رقمك :o ههههههه اي والله لا تقاتل بس رقمي تبع الامارات مو معي !

هلأ المهم بالقصة ... انو فقنا وفئست النومة ومشي الحال ... وكللو كرمال هاني افندي .. :pos:

لاء هلأ شيلنا من المزح .. بس بالله كيفني بالدراما ؟!؟ :lol:

لك لاء لاء... عنجد ..

ابو الــــــــــهــــــــــــ ـن ... كل عام وانت بألف خــــيـــــر ياااااا رب :clap:.. وعقبال الـ 100 انشالله:D
وعقبال ما هيكي نشوفك عملتلك شغلة عظيمة ، وتصير كبير قـــــــــــد الدنيا .. ونصير نقول للعالم انو لك ييييه هاد ابو الهن السئيل اللي بنعرفو ما غيرو ! :lol:

هلأ صحي..
هامش 1 : كان جاية ع بالي اكتب عقبال ما هيكي ، عرفت شلون ! مدري ليش!؟ يعني عنجد انا فكرت فيها بيني وبين حالي وما طلع معي ليش كان بدي اكتب هيك؟ بـس بما انو قرقتني الفكرة وقرقتني قلت خلص بنخبرك ياها بفرد مرة .. - ما بتعرف يمكن تلزمك هيك معلومة! -
وكمان كان جاية ع بالي قللك اويهااااااا وما بعرف شو بيصير بعدا مو حافظتا .. بعدين خطر ع بالي انو هلأ بتجي مريومة وبتزبط الوضع ، هيي الادرى بهك شغلات :p

هامش 2 : وعلى سيرة مريومة ... احلى شي انو اول ما دخلت عالموقع من بعد مليون سنة لقيت خمسين الف رسالة .. 2 منــّون بهدلة من مريومة ( متذكرة والله متذكرة بس ماااااااا عم هيي .. عرفتي شلون ؟ هههههه )

هامش 3 : ليلى وقت اللي كتبتي روح جخ هي معايدة بتلت لغات كمان وبعدا دغري جملة " احبك يا اخوي " ..وكنت لسه مو منتبهة عالمرفقات .. فـ اول فكرة خطرت ببالي هيي " انو هيك عايدتيه بالمكسيكي !؟ :lol:

هامش 4 : حدا لاحظ اديش استخدمت ابتسامات وسمايليز بالمشاركة !! ما صدّقت انو شفت شغلات عم تتحرك :o.. صحي ع سيرة السمايليز .. بالعادة بكتب اسم السمايلي اسهل من اني دوّر عليه بالقائمة .. فـ من ورا تسميات جاد ، بدل ما اكتب :frown لحتى يطلع هاد ( :pos:) كتبت : مطموز : بعدين انتبهت ع حالي :lol:
يعدمني ياك يا جادو .. ما بناخد منك الا كل شي سيئ :p

هامش 5 : كأنو الهوامش اكتر من الرد الفعلي !؟
:lol::lol: يحرء حريشك يا شيخة والله اشتقنالك :cry:

موتتيني ضحك على اخر هالمسا :lol:

على سيرة السمايليز انا كمان بيصير فيني نفس الشي
بجي لحط هاد :lol: بكتب ضحك2 و مابيصير شي :shock:

ميس يو والله دمدوووم

vanina

07/08/2007, 10:27

كل سنة وانت سالم ..
وعئبال المليون يارب

marioma alghzayala

07/08/2007, 10:29

sweetbaby

07/08/2007, 10:37

وكبر هاني سنة...:clap:

كبر هاني سنة..:clap:

كبر هاني ..كبر هاني ..كبر هاني سنة...:clap:

وهنو يا هنو يسلملي طولك ..توقع بالجورة ومريومة تطولك... ترارا ..ترارا...:yahoo::yahoo:

عقبال المية ولوووووو ..وانشالله هيك بتضل بتجنن متل مو انت.....والله يخليلي ياك يا احلى واغلى اخ بالعالم...:clap::clap::clap::larg:

عالهامش: ديما بدي ادبحك.. مو بس بدي ادبحك..اغتالك...:frown::frown:
لك مرام عنجد هاني كبر سنة:yahoo::yahoo::yahoo::yahoo::yahoo::yahoo:
هههه حاسستو صار ختيار:lol::lol::lol::lol:
هلا صار اكبر مني ب سنتين:lol::lol::lol::lol::lol::lol::lol::lol: :lol:

ع الهامش: دمدووش ليش ماعم تردي:lol::lol::lol::lol:

ابو نجبو

07/08/2007, 10:43

مع أنو مابتعرفني
كل عام و انت بألف خير يا هاني وعقبال 1 قرن
ومن هاللحظة اعرف انو الك أخ بالطرف الاخر من الكرة الارضية
:D你好我爱你:D
(كل عام وانت بخير بالصيني)

Syrian__Angel

07/08/2007, 10:47

رتوووت ... وانا والله مشتاااااااااقة بالاكتر ... :D

جادو .. عرفت حالك شو عامل ما هيك ؟ لك يا زلمة ليش انت غليظ بس بتنحب ؟ غريبة عنجد غريبة :lol:

للـــوش ... عقدة شغلة تكتبي شي وانتي متعودة ع شي ... بس انو وقت اللي كتبتي ضحك 2 ذكرتيني بكرتون كانت تطلع زمان بيقلك ( من ميمو 1 لميمو 2 ...حوّل ) :lol: ..
ميس يو تووووو :D ...

مريومة ... بس حبّك انا :cry: .. بهون عليكي !؟

هلأ خطرلي كم هامش عالسريع ( هـ .س ) .. سامحونا يا جماعة ...
هـ.س 1 : انو كاني قلبت الموضوع لسلامات وتحيّات!! :lol: سوري ابو الهن :D...
خلص بعد هاد الرد بوعدك حاول اسكت وما رد ... بس قللون يتركوني بحالي وحاج ينكشوني :cry:

هـ.س 2 : يمكن لانو ما عم لحّق قاتل ع كل الجبهات ريتا افندي؟ :frown:

hanny dagher

07/08/2007, 10:51

اول شي سبحان الله كيف اللي الهن معزة خاصة عندي ردو ورا بعضهن هادا ما بيعني اني ما بحب باقي اللي عايدوني بس هالاشخاص هدول قريبين من قلبي كوني بعرفهن من زمان او لانهم اول مين تعرفت عليهن باخوية وصرلي سنتين عايش معاهن

عقبال المية هاني .. بالسعادة والهنا

ام ريتاج الغالية انا مشتقلك كتير
شكرا كتير الك عالمعايدة
ابقي طمنيني عنك وعن اخبارك

مية وردة :D

مستجوز .. :lol:

كل سنة وانت بخير وعقبال 120 مليانة حب وسعادة ونجاح .. وبتمنالك تحقق كل شي بدك ياه .. وترجع للحشيش كمان:D

نرفون اي طبعا مستجوز شو بخليكي تسبقيني يعني :D
نيرفانا صديقة التحشيش انا كان الي الشرف اني تعرفت على بنت بافكارك وطباعك واخلاقك
بتمنى انو يجي يوم ونلتقي حقيقة
بالنسبة لموضوع التحشييش عم ادرس الموضوع

ثانكيو كتير نيرفانا :D

ولك يسعد الله :yahoo::yahoo::yahoo: هنهون صار ختيار و عشريني :lol:

انو شو قللك... يخليلي ياك ولا يحرمني منك ولا من حنيتك يا غالي
عقبال المية ابو الهن... يا اغلى اخ و اروق شب بهالدنيي

شو ماحكيت قليل عليك والله

انو طبيعي ... 15 سنة سوا يقطع حظي :clap::clap:
"اعتق" رفيق عندي :lol: ( و متل مابتعرف اغلى انواع الدهب الدهب العتيق.. .و اطيب انواع النبيت النبيت المعتق)

و روح جخ هي معايدة بتلت لغات كمان :yahoo:

احبك انا اخوي (مشقة2 :lol: )

كل سنة و انت سالم يارب :D

قدام ام اللول معد طلع على لساني حكي
اول ما فتت على صف الاول كان عنا حصة فنية وكنت انا قاعد بالمقعد وكان في شوية صبايا عم يرسمو عالمنبر برا ومن بيناتن كانت ليلى اول ما طلعت فيها في شي شدني الها (على فكرة ام اللول حلوة كتير ) وصار انو قعدنا بنفس المقعد ست سنين ورا بعضن يعني لصف السادس وبحكم علاقة عليتي وعيلتها صرنا كتير قراب من بعض

ام اللول اختي اللي شو ما عملت ما بقدر ردلها شي من افضالها عليي بيكفي انها كانت القلب اللي بيسمعني وقت بكون متدايق والعين اللي بتبكي معي وقت بكون مزعوج

في كتير مواقف صارت بيناتنا بس نحنا كنا اقوى منها لانو نحنا اخوة والاخوة لو شو ما صار بيناتهن ما بيفترقو

ام اللول انتي اختي اللي الله ما طعمني ياها وبعرف انو انا بالنسبة الك متل اخوكي اللي الله ما طعمك يا

بحبك كتير والله لا يحرمني منك يا احلى واغلى واطيب اخت بالدنيا

وين الدربكة والطبل؟؟
اه ليكون ليلى ونيرفانا.

يلا صلو على عيسى زين زين مكحول العين
والعالية والله عليـــــــــــــه

ويا صلاتك يا بو الهن.

كل عام وانت بخير
عيد ميلاد سعيد
مع شامبو شامبو سين
خلا شعرك حرير :lol:

كل عام وانت بخير ابو الهن الغالي عقبال ما هيك تنفرح فيك, والله لاجي احضر عرسك.
وبدي ارقص مع كل البنات اللي بالحفلة كمان.
:larg:

عقبال المية

ابو الجوج العظيم اول شب بتعرف علي باخوية
زميل المعارضة الاخوية (وان كان اقوى مني بالمعارضة )
ابو الجوج انتي بتعرف قديش معزتك بقلبي وقديش بحبك انا صحي خافف الحكي بيناتنا كتير بس الايام جاي وبدنا نسهر سهرة مطولة نحكي فيها

احلى ابو الجوج :D
شكرا كتير يا غالي

عقبال ال 120

هابي بيرثداي تو يو :D
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ابو المهر رح ارجع عيد نفس الحكي وقلك اني اسعتني ناطر شوط بالسيارة معك بس انزل على سوريا
وانشالله عن قريب

حبيب قلبي ابو المهر :D
شكرا كتير الك

هلا الساعة 12 بليل بتوقيت اميركا
فكل عام وانت بخير يااحلى واغلى هاني بالكون
والله لايحرمني منك يارب ويخليلي ياك
و الله يخليلي ياك وانت عم تبهدل وتمرطئ فيني
وتصير ترد عليي لما بدقلك مرة تانية

هلا المهم اني سبقتا للوش:yahoo::yahoo::yahoo::yahoo::yahoo::yahoo: :yahoo::yahoo:

وعقبال مانفرح فيك يارب...
وانا رح كوون الشبينة جكارة فيك:p:p

الله لايحرمني منك هنوووووش
حبك يااخي الكبير:oops::oops::oops:

هامش 1: دمدوووووووووووووووووووووو ش لك وينك اشتقتلك انا كتييييييييير

فتووووووووووووووووووووووو ووووووووووووووووووووووووو ووووووووووووووووووووووووو ووووش
احلى واطيب واظرف اخت بالدنيا
الله لا يحرمني منك ولا يبعدني عنك طول ما انا عايش
انتي اول وحدة عايدتيني على توقيت امريكا (دقتلي الساعة 11:58 الله وكيلكن )
رتوش حبيبة قلبي عقبال ما افرح بعرسك يا رب

ليلى وريتا انا بحبكن كتير يخليلي ياكن يا احلى اختين بالدنيا :D

احم احم .. test test :p

هلللووووووووووز .. كيف الشعب !؟!؟ :yahoo:

انو انا اليوم - بجلالة قدري وعظيم شأني - كنت نايمة بأمان الله ، وإذ " تاتاتاا ... تاتاتا ... تاتاتا " وكل مالو عم يعلى الصوت.. بتطلع هيك ع الموبايل .. واذ ماذا ؟؟ التذكيــــــــــــــر عم يصرعني انو قومي فيقي لك قووووومي اليوم عيد ميلاد هاني !

قام طبعاً نطّــينا هيك لندقّلك ووووو ما عندي رقمك :o ههههههه اي والله لا تقاتل بس رقمي تبع الامارات مو معي !

هلأ المهم بالقصة ... انو فقنا وفئست النومة ومشي الحال ... وكللو كرمال هاني افندي .. :pos:

لاء هلأ شيلنا من المزح .. بس بالله كيفني بالدراما ؟!؟ :lol:

لك لاء لاء... عنجد ..

ابو الــــــــــهــــــــــــ ـن ... كل عام وانت بألف خــــيـــــر ياااااا رب :clap:.. وعقبال الـ 100 انشالله:D
وعقبال ما هيكي نشوفك عملتلك شغلة عظيمة ، وتصير كبير قـــــــــــد الدنيا .. ونصير نقول للعالم انو لك ييييه هاد ابو الهن السئيل اللي بنعرفو ما غيرو ! :lol:

هلأ صحي..
هامش 1 : كان جاية ع بالي اكتب عقبال ما هيكي ، عرفت شلون ! مدري ليش!؟ يعني عنجد انا فكرت فيها بيني وبين حالي وما طلع معي ليش كان بدي اكتب هيك؟ بـس بما انو قرقتني الفكرة وقرقتني قلت خلص بنخبرك ياها بفرد مرة .. - ما بتعرف يمكن تلزمك هيك معلومة! -
وكمان كان جاية ع بالي قللك اويهااااااا وما بعرف شو بيصير بعدا مو حافظتا .. بعدين خطر ع بالي انو هلأ بتجي مريومة وبتزبط الوضع ، هيي الادرى بهك شغلات :p

هامش 2 : وعلى سيرة مريومة ... احلى شي انو اول ما دخلت عالموقع من بعد مليون سنة لقيت خمسين الف رسالة .. 2 منــّون بهدلة من مريومة ( متذكرة والله متذكرة بس ماااااااا عم هيي .. عرفتي شلون ؟ هههههه )

هامش 3 : ليلى وقت اللي كتبتي روح جخ هي معايدة بتلت لغات كمان وبعدا دغري جملة " احبك يا اخوي " ..وكنت لسه مو منتبهة عالمرفقات .. فـ اول فكرة خطرت ببالي هيي " انو هيك عايدتيه بالمكسيكي !؟ :lol:

هامش 4 : حدا لاحظ اديش استخدمت ابتسامات وسمايليز بالمشاركة !! ما صدّقت انو شفت شغلات عم تتحرك :o.. صحي ع سيرة السمايليز .. بالعادة بكتب اسم السمايلي اسهل من اني دوّر عليه بالقائمة .. فـ من ورا تسميات جاد ، بدل ما اكتب :frown لحتى يطلع هاد ( :pos:) كتبت : مطموز : بعدين انتبهت ع حالي :lol:
يعدمني ياك يا جادو .. ما بناخد منك الا كل شي سيئ :p

هامش 5 : كأنو الهوامش اكتر من الرد الفعلي !؟

دمدووووووووش
ديما اول صبية بتعرف عليها باخوية (من ورا علقة على لعبة ملكة الجمال )
طبعا القلب الطيب والعقل الكبير واللسان الطويل :p (ما شاء الله قديش بتحكي ) بس انا من جهتي بحب حكيها وهيي بتعرف هالشي

دمدوش شكرا عالمعايدة الحلوة
ما يحرمني منك

وكبر هاني سنة...:clap:

كبر هاني سنة..:clap:

كبر هاني ..كبر هاني ..كبر هاني سنة...:clap:

وهنو يا هنو يسلملي طولك ..توقع بالجورة ومريومة تطولك... ترارا ..ترارا...:yahoo::yahoo:

عقبال المية ولوووووو ..وانشالله هيك بتضل بتجنن متل مو انت.....والله يخليلي ياك يا احلى واغلى اخ بالعالم...:clap::clap::clap::larg:

عالهامش: ديما بدي ادبحك.. مو بس بدي ادبحك..اغتالك...:frown::frown:

مريومة
انتي عنجد ما بعرف كيف بدي كافيكي قدمتيلي احلى هدية بعيد ميلادي عنجد الشي اللي عم تساوي معي ما بنسالك يا بحياتي وانشالله بقدر ردلك يا عن قريب

احلى اخت بتمنى اقدر شوفك هالسنة مشان اسمع صوتك انتي وعم تغني
مية وردة مريوم :D

شكرا الكن كلكن لانو قبلتوني كصديق او كاخ الكن :D

hanny dagher

07/08/2007, 10:53

كل سنة وانت سالم ..
وعئبال المليون يارب

شكرا كتير فانينا وعقبال ما نفرح منك واذا كنتي متزوجة عقبال ما نفرحلك بعريس صغير واذا كان عندك عريس صغير عقبال ما نفرحلو بعروس

مية وردة :D

مع أنو مابتعرفني

كل عام و انت بألف خير يا هاني وعقبال 1 قرن
ومن هاللحظة اعرف انو الك أخ بالطرف الاخر من الكرة الارضية
:D你好我爱你:D

(كل عام وانت بخير بالصيني)

شكرا كتير ابو نجبو
بيشرفني انو يكون الي اخ بالصين

مية وردة :D

محمد ابراهيم

07/08/2007, 11:01

الواحد بأي مناسبة من هالنوع (بيجي يحط كلمتين في غاية اللطافه)
متل (كل عام وانت سالم وعقبال ال 123 ولو في ربع غلاوة هاني يبقى نقلل العمر لانو الشيخوخه شيء مزعج )

انما لما يكون هالشخص هاني وبكل غلاوتو (اي شيء رح اكتبو مارح يعبر عن المشاعر ولا رح يوفي حق هاني).

يبقى رح فاكر كالتالي :

*انو اتمنى الك تعيش متل ما بدك واللي بدي انا انو اد مارح تعيش ,بدي تعيش بصحتك (عمر طويل بلا صحه = عذاب)
*اتمنى على الصعيد العلمي والدراسي ,تاخد شهادتك باسرع وقت وتكون متميز فعلا في علمك .
* على المستوى الوظيفي اتمنى انك تشتغل بمكان راقي جدا وكل سنه تتقدم اكتر فهالمكان عن السنه اللي قبلها .
*على المستوى العاطفي اتمنى الك تعيش حياتك كلها مع الانسانه اللي بتحبها (مع ملاحظة انها مارح تلاقي حد متلك لو لفيت الدنيا كلها وهاي حقيقه مو مجامله )
* هلأ مافي براسي شيء بس بدي احطلك انت بند تمنيات مفتوح (مشان مستجدات الحياه) عاساس بدي أأمن ألك مستقبلك قبل ما اموت .

*كنت تستحق اكتر من اللي كتبتو بس متل ما قلت مافي كلام بيوفي (ومافي ادامي غير اني اكتب او ما اكتب )

:akh:

hanny dagher

07/08/2007, 11:03

sweetbaby

07/08/2007, 11:07

فتوووووووووووووووووووووووووووووووووووووووووووووووو وووووووووووووووووووووووووووووش
احلى واطيب واظرف اخت بالدنيا
الله لا يحرمني منك ولا يبعدني عنك طول ما انا عايش
انتي اول وحدة عايدتيني على توقيت امريكا (دقتلي الساعة 11:58 الله وكيلكن )
رتوش حبيبة قلبي عقبال ما افرح بعرسك يا رب

ليلى وريتا انا بحبكن كتير يخليلي ياكن يا احلى اختين بالدنيا :D

لك الله يخليلك فتووووش ولايحرمك منها
اصلا ماانت اللي اخترعتلي اسم فتووش
لك ماضل حدا ماسالني شو يعني شو اعمل انا
والله لايحرمني منك ابدا ابدا ابدا ومشان ماتبعد عني قوووم احمل غراضك وتعى اسكن عنا عنا احلى:yahoo::yahoo::yahoo:
اي وبعرف اني اول وحدة عايدتك بس كانت الساعة 12 ع الضبط
اي خليني اتطمن انك توكلت بعدين بلحقك انا

وانا بحبك كتييييييييير ياغالي:D:D:D

hanny dagher

07/08/2007, 11:19

لك الله يخليلك فتووووش ولايحرمك منها
اصلا ماانت اللي اخترعتلي اسم فتووش
لك ماضل حدا ماسالني شو يعني شو اعمل انا
والله لايحرمني منك ابدا ابدا ابدا ومشان ماتبعد عني قوووم احمل غراضك وتعى اسكن عنا عنا احلى:yahoo::yahoo::yahoo:
اي وبعرف اني اول وحدة عايدتك بس كانت الساعة 12 ع الضبط
اي خليني اتطمن انك توكلت بعدين بلحقك انا

وانا بحبك كتييييييييير ياغالي:D:D:D

:D:D:D:D:D
ثانكس فتوش

cuty

07/08/2007, 11:21

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

كل عام و انت بالف خير ......و عقبال ال 100 يا رب

although i dun know u well........but i think u r great

wish u all the luck'

and thAt all ur dreams 'll come true:D

hanny dagher

07/08/2007, 11:28

كل عام و انت بالف خير ......و عقبال ال 100 يا رب

although i dun know u well........but i think u r great

wish u all the luck'

and thAt all ur dreams 'll come true:D

شكرا كتير الك والله يخليكي يا رب

even if i don't you i wanna thank you for your words

:D

The morning

07/08/2007, 11:28

هـــــــــــــــاني .. :yahoo:
صـباح الـخير :? ..
هلئ بما انو اسمي مورنينغ .. فما كان بيسوى عايد عـليك بالليل :o ..
و هـلئ الـضو عم يطـلع .. يعني هاد وقتو يعني :p ..
عقبال العمر كلو و عقبال السنه الجايه تكون (( اللي بالي بالك :p ))
و نـدبك :o ..
يـنعاد عليـك :D