حكـايـة زوازة....سعدو من سعدية !!!!!!!!!!!!!! [الأرشيـــــف]

عرض كامل الموضوع : حكـايـة زوازة....سعدو من سعدية !!!!!!!!!!!!!!

Tarek007

12/06/2005, 13:07

حكـايـة زوازة....سعدو من سعدية !!!!!!!!!!!!!!

هي حكايه كل الشباب هل الايام .. حنشوفها ب واحد أسمو سعدو و حبيبتو سعدية

سعدو: تتجوزيني ؟
سعدية ـ نعم ؟؟؟؟؟!!!!!
سعدو عم ألك تتجوزيني ؟
سعدية ـ !!!!!
سعدو ـ تتجوزيني ؟
سعدية ـ لأ !
سعدو ـ ليش ؟؟؟؟؟
سعدية ـ بصراحة شكلك مو عاجبني ..
سعدو ـ شلون يعني ؟؟؟؟؟ ؟
سعدية ـ يعني .. أنا عندي مواصفات معينة لفارس أحلامي .
سعدو ـ مواصفات معينة ؟ .. ليش أنتي رح تتجوزي سيارة ...و لا مكنة ....و لا شو...على الايزو يعني ؟
سعدية ـ لا ! بالله !! .. بصراحة .. إنت مو فارس أحلامي اللي باتمناه !

*****

سعدو ـ تتجوزيني ؟
سعدية ـ شوووووووو ؟؟؟؟؟ شكلك تغير ! !!!!!
سعدو ـ شو رأيك ؟ ؟؟؟
سعدية ـ واو .. شعرك كتير ناعم !!!!!! شو هي باروكة ؟
سعدو ـ آيه...
سعدية ـ و شو هي ؟؟؟... عدسات خضراء ؟
سعدو ـ آيه...
سعدية ـ واو ! .. بس عن جد .. صاير حليوة!!!! .. واو صاير متل نيكولاس كيج !
سعدو ـ مين كسام كيج هاد ؟؟؟؟؟؟
سعدية ـ كسام ؟!! ياي شو كسام ما كسام ؟ اسمه نيكولاس ..
سعدو ـ مين نيكولاس هاد ؟
سعدية ـ ما بتعرف بالسينما و جاية تحكي معي ؟؟؟؟ ؟ .. ياي !

*****

سعدو ـ تتجوزيني ؟
سعدية ـ لك انت لسةألك عين تحاكيني؟؟؟؟؟ ؟
سعدو ـ أية .. أنا عرفت مين بنكرياس كيج هاد
سعدية ـ أولاً : اسمه نيكولاس كيج ..
سعدو ـ أيوة أيوة .. كنت رح اقول اسمه صح .. بس اختصرته .. هاد ممثل
سعدية ـ ممثل شو ؟
سعدو ـ ممثل أمريكاني !
سعدية ـ أمريكاني ؟! .. إخّييي ! .. اسمه أميريكان يا أبي لا تصير
دونكي
سعدو ـ دونكي هي مسبة ؟؟؟؟؟
سعدية ـ أوف كورس

*****

سعدو ـ تتجوزيني ؟
سعدية ـ سيارتك شو موديلها ؟ ؟؟؟
سعدو ـ موديل هي مسبة ؟؟؟؟؟

*****

سعدو ـ تتجوزيني ؟
سعدية ـ قلي الأول .. شو هنن النغمات في موبايلك ؟
سعدو ـ نغمة هي مسبة ؟؟؟؟؟

*****

سعدو ـ تتجوزيني ؟
سعدية ـ ما قلتلي .. إنت شو بتشتغل ؟؟؟؟؟ ؟
سعدو ـ أنا -بلا فخر- عاطل
سعدية ـ عاطل ؟ .. ياي ! ..
سعدو ـ مو أحسن من يلي ما عم يشتغلو ؟
سعدية ـ لا !
سعدو ـ يعني ما رح تتجوزيني ؟
سعدية ـ لا يا سعدو
سعدو : هيك رح أزعل
سعدية ـ ما تزعل يا أبي .. خليك فريش ...و أذا زعلت بحفض ...
سعدو ـ ماشي .. ماشي .. بس قليلي ..
سعدية ـ شو ؟
سعدو ـ فريش هي مسبة ؟؟؟؟؟

*****

سعدو ـ تتجوزيني ؟
سعدية ـ لقيت شغل ؟
سعدو ـ أيوة طبعًا .. سنتين وأنا عم دور .. أخيرًا لقيت ..
سعدية ـ شو؟؟؟؟؟؟
سعدو شوفير تكسي .
سعدية ـ ياي ! .. ما لك مستحي وانت عم تقولها ؟
سعدو ـ شو فيها ؟ العمل شرف .. وكلها كم سنة و بجمع كوشة مصاري ..
سعدية ـ شرف ؟ بلا قرف !

*****

سعدو ـ تتجوزيني ؟
سعدية ـ صار معك مصاري ؟؟؟ ؟
سعدو ـ طبعًا .. كوشة مصاري ! ..
سعدية ـ قديش يعني ؟
سعدو ـ مية ألف ليرة ! ليرة تنطح ليرة
سعدية ـ نعم ؟!!! .. ـ مية ألف ليرة هدول روح بيع فيهم بطاطا ..
سعدو ـ يعني موافقة ؟
سعدية ـ أنقلع من خلقتي ولاه !

*****

سعدو ـ تتجوزيني ؟
سعدية ـ عندك بيت ؟
سعدو ـ طبعًا .. أوضة على الاسطوح ..
سعدية ـ نعم ؟!! ..
سعدو ـوين المشكلة ؟! .. أحسن ما ننام ب الشارع !
سعدية ـ ب الشارع ؟! ..شو هل الألفاظ السوقية هي ؟! ياي ! .. لازم يا أبي تجيب بيت
سعدو ـ طيب .. كلها كام سنة وح جيب أحلى بيت ...سجلت بالسكن الشبابي .
سعدية ـ و رح تكون بالمالكي ؟ و لا ب أبو رمانة ؟
سعدو ـ لأ .. بالحجر الاسود.. خخخخخخ !

*****

( بعد سنوات) :

سعدو ـ تتجوزيني ؟
سعدية ـ جبت بيت ؟
سعدو ـ لكان ! .. خلص المشروع تبع السكن الشبابي ...صحيح تأخر شي عشر سنين ...بس المهم صار عندي بيت ......
سعدية ـ فانتاستيك
سعدو ـ بس البيت ناقصو شغلة .
سعدية ـ شو هي ؟
سعدو ـ ما فيو حمام !
سعدية ـ أنقلع من وشي!!!!! ما لي طايقتك ! ..

*****

سعدو ـ تتجوزيني ؟
سعدية ـ رجعت ؟ شو بدك ؟
سعدو ـ جبتلك حمّام أما شو حمام ...بيمزع ضبنات العقل
سعدية ـ خلي ينفعك
سعدو ـ ليش بس ؟ هاد بينفعنا نحنا التنين !
سعدية ـ وأنا شو دخلني ؟
سعدو ـ مو عاجبك؟ .. مو مشكلة .. رح أكتبو بأسمك !

*****

(بعد سنين) ..

سعدو ـ هتتجوزيني ولا بعمل شغلات ...يا لطيف ؟
سعدية ـ شبك محروق هيك ؟
سعدو ـ حكايتنا طولت كتير .. طولت أكتر من اللازم
سعدية ـ أوكي .. بس ممكن أعرف شغلة ؟
سعدو ـ شو ؟
سعدية ـ إنت ليش متمسك فيني كل هل القد يا سعدودتي ؟
سعدو ـ لاني ...لاني ..
سعدية ـ لانك شو ؟
سعدو ـ لاني ....بحبك............ ( كل الاحرف تبع- بحبك – عليها شدة....الباء الاولى تلت شدات )
سعدية: شو ؟!! .. شو هي بّحّبّكّ ؟! .. إسمها بحِبك ..............(......ناعمة كتير ) ! ..
وبعدين خليك مودرن وقول : I love you
سعدو ـ ماشي .. بس قليلي ..
سعدية ـشو؟؟؟؟ ؟
سعدو ـ مودرن هي مسبة ؟

*****

سعدو ـ تتجوزيني ؟
سعدية ـ بصراحة .. في شغلة بدي ألك ياها من زمااااااااااااااااان يا سعدو .
سعدو ـ شو ؟
سعدية ـ أنا بصراحة .. مو شايفة إنو في حدا ب هل العالم بيستاهلني
سعدو ـ يا سلام ! ....و ليش ؟
سعدية ـ لانو أنا حلوة كتير .. خفيفة الدم .. رشيقة .. رقيقة .. ..و...و....
سعدو ـ رقيقة ؟! .. ده انت بلشتي تخشبي ...و يبستي كمان
سعدية ـ فشرت !
سعدو ـ فوقي على حالك .. العمر عم يمشي ..
سعدية ـ أنا مصرة على رأيي
سعدو ـ يعني شو ؟
سعدية ـ يعني خلص ما عاد بدي ياك
سعدو ـ بعد كل هل السنين هي ؟! .. بعد كل هل الحب هاد ؟!!
سعدية ـ بلاها التراجيديا من فضلك
سعدو ـ ماشي .. بس قبل ما روح بدي أسألك سؤال واحد بس ..
سعدية ـ شو هو ؟
سعدو ـ تراجيديا هي مسبة ؟

*****

( بعد سنوات ) .. ......( ....ملاحظة : الكتابة صحيحة ...و ما في أخطاء )

سعدو ـ ـتتجوجيني ؟
سعدية ـ سو ؟
سعدو ـ ـ تتجوجينييييي ؟
سعدية ـ إنت مين ؟
سعدو ـ ـ أنا حبيبك يا هبلة .. البشي الكزلك منشان تشوفيني
سعدية ـ طيب شاعدني منشان لاقي الكزلك
سعدو ـ ـ شحوعلى الطربيزة قدامك
سعدية ـوين ؟؟؟؟؟؟ ؟!!
سعدو ـ ـ لا هاد كزلكي أنا
سعدية ـ أيوا...... لقيتون ..
سعدو ـ ـ البشيهم لكان
سعدية ـ ططييبب
سعدو ـ ـ عيونك لفوق كمان يا شوشو .....كمان لفوق !
سعدية ـ طيب لبسني ياهم إنت
سعدو ـ ـ عقبال ما لبشك الخاتم
سعدية ـ خجلتني يا شعدو ....لا تقول هيك أنا بخجل ؟
سعدو ـ ـ كنت عم ألك تتجوجيني ؟
سعدية ـ جوجك ؟؟؟؟؟ ؟ .. شو؟؟؟؟؟؟ ؟
سعدو ـ ـ يا بنت الحلال مو جوجيني........ تـ .. تـ .. جـ .. و.. ج .. و .. جـ .. ي...ن...ي.. ؟
سعدية هي مسبة ؟
سعدو ـ لاااااء .. عم ألك ...تتجوجيني ؟
سعدية ـ آه !! .. أتجوجك ؟؟؟؟
سعدو ـ تمام .. هي هية ؟
سعدية ـ خنيني فكر
سعدو ـ ـ خليكي تفكري ؟! .. أنت رح تموتي ...خلص ...كمان بدك تفكري !
سعدية ـ لا .. خنيني
سعدو ـ الله يوفقك
سعدية ـ شو ؟
سعدو ـ الله يوفقك
سعدية ـ شو عم تقول ؟؟؟؟؟؟
سعدو ـ الله ياخدك !!!

*****

(على فراش الموت) :

سعدو ـ ـ تـ … هئئ .. هئئ .. تتـ .. هئئ هئئ هئ .. تتجو .. هئ .. هئ ..
تتجوجـ .. هئ هئ .. يني ؟
سعدية ـ ما ني شامعة ؟
سعدو ـ عم ....ألك .. هئ .. هئ .. عم ألك .. تـ .. تـ .. هئ .. هئ .. تتجوجيـ .. ؟ هئ .. هئ ……. ني
سعدية ـ أتجوج مين ؟!!!
سعدو ـ ـ هـ .. و.. ه .. هووئ هئ هئ .. يعني إنتي .. هئ هووئ .. ما عرفتي .. .. هئ هئ هئ .. ميـ .. هوئ .. مين ؟!!
سعدية ـ شو ؟ ..
سعدو ـ ـ لا ..هئ هئ .. أبدًا .. هئ هوئ .. كنت … هئ هوئ ...عم أسعول
سعدية ـ كنت عم تسعل ؟!!!! .. شلامتك .. ما قلتلي ليش ؟
سعدو ـ ـ هو ..هئ هوئ .. إنتي .. لشة .. بتعرفي .. هئ هئ هوئ
سعدية شو عم تقول ؟
سعدو ـ ـ يا .. بنت الحلال .. هئ هوئ .. ردي .. هئ هئ .. علي .. تـ .. تـ .. جو.. جيـ .. هئ هئ هئ هئ هئء .. نـي ؟
سعدية ـ أتجوجك ؟!! .. طيب بش خود الدوا بالأول
سعدو ـ ـ يا ب...نت .. هئ .. هئ .. أنا .. هئ .. هئ .. هتتجوجيـ .. هئ
هئ هئ .. ـني ؟
سعدية ـ أيوة يا حجي .. موافقة .. موافقة إنك تتجوجني ..
سعدو ـ ـ أخيـ….هئ هئ ..راااااً !!.....بدي حبة .....تحت اللسان هئ هئ هئ
هئ هئ هيك رح موت .. هئ ..
هئ .. وأنا .. هئ .. مطمئن ومرتاح .. الودااا .. هئ ..ع ع ع ع
سعدية ـ يا حجي .. يا حجي ..
لاااااااااااااااااااااااا ااااا !!

Tarek007

12/06/2005, 13:22

الموضوع مترجم (هيك شي ) مع التصرف ...

mounia

12/06/2005, 13:35

:lol: :lol: :lol: :lol: :lol: :lol: :lol: :lol: :lol:
cooooooooooool
thanks

ألف

12/06/2005, 16:21

موضوع روعة وورا الفكاهة اللي فيه عم يطرح كتير من المشاكل الاجتماعية الخطيرة بمجتمعنا
مشكور طارق عالموضوع

حيفاويه

12/06/2005, 16:25

شكرا Tarek007
كتير حلو :P fantastic

sezar

12/06/2005, 17:50

:D :D :D :D :D

رووووووووووووووووووووووعة :D :D :D

شو فانتاستيك مسبة :shock: :shock:

krimbow

12/06/2005, 20:14

ما بعرف بس انا زعلت انا و عم اقراه :cry: :cry: :cry:

مشكور ابو طريق :D

Kakabouda

12/06/2005, 20:23

مهضومي كتير هههه مشكور يا غالي ...
تحياتي :D :D

Godfather

12/06/2005, 20:43

حلو ....

شكرا" Tarek007

ياسمينة دمشق

12/06/2005, 23:31

waaaaaaw shou cool

krimbow

13/06/2005, 00:27

طارق كتير كتير كتير حلو يعني ما بعرف ............. :o :o :o :o :o :o

Tarek007

13/06/2005, 00:45

طارق كتير كتير كتير حلو يعني ما بعرف .............

شو قصتك ؟؟؟؟؟ شو رجعت أريتو مرة تانية ... وما زعلت ؟؟؟
أنا لسا ما بدي رد ....بس خليتني أقطع الصفنة ؟؟؟؟
و رد عليك نيئة عن الخليقة ....شو صرلك ؟؟؟؟

...............................................
شكراً للجميع على المرور :D :D :D

Tarek007

13/06/2005, 01:10

waaaaaaw shou cool

you mean :
woooooooooooooooooow so cool

I want to give you my gratitude for your attention

thanks

Tarek007

13/06/2005, 01:14

GodFather....krimbow....ياسمينة دمشق.....sezar....علوش ....ألف....Kakabouda..mounia

شكراً :D :D ....خجلتونا يا جماعة :wink: ...مع خالص حبي :hart:

:wink: 8)

krimbow

13/06/2005, 01:16

Tarek007

13/06/2005, 01:32

مرحبا شباب

في حدا فات ع اسمي مع اني اون لاين :jakoush:

الرد يلي اشار الو طارق مو انا كاتبو

المهم انو انتبهنا قبل ما يصير شي و الحمدالله غيرنا الباسوورد و انشالله خير 8)

ابو طريق انا عاجبتني بس بكيت ع حالي لما قارنت :cry:

والله توقيعك طلع ألو معنى بالاخير :lol: ....كنت مفكرو بس تحشيشة 8) ....طلع كلشي ع الحشيش ماشي ؟؟؟ :mrgreen:

روق كريم ؟؟؟؟ :wink:
شلون يعني واحد فات باسمك ؟؟؟؟ :confo: :confo:

سلام تحشيشي :D

ملاحظة أنا يلي كاتب الرد 8)

krimbow

13/06/2005, 01:33

ملاحظة أنا يلي كاتب الرد

:shock: :shock:

شلون عرفت الباسوورد :confo:

ع العموم غيرتو 8)

zozo

13/06/2005, 02:07

طارق كتير حلوة :o :o :o مشكور اخي :D :D :D :D

Tarek007

13/06/2005, 02:08

شلون عرفت الباسوورد

شو ضاربة الحشيشة ع الاخير :mrgreen: ....من وين بدي أعرف باسوردك :dr: ؟؟؟؟؟

اقتباس:

ملاحظة أنا يلي كاتب الرد

يعني أنا كاتب ردي ...مو حدا تاني نانانا :lol: :lol: :lol: :lol: :lol: :lol: :lol:

العموم غيرتو

و شو دخلني أنا

سلام يا معشر المحشيشين ....سلام قولٌ من رب رحيم

Tarek007

13/06/2005, 02:09

طارق كتير حلوة مشكور اخي

شكراً زوزو :D :D :D

layla

13/06/2005, 03:46

مشكور طارق كتير حلو :D :D :D :D :D

Tarek007

13/06/2005, 03:53

مشكور طارق كتير حلو

أهلاً ليلى نورت المنبر :wink:

شكراً :D :D :D

Danito

13/06/2005, 04:29

هيهيهيهيهيه ضحكتني كتير خصوصي هاد المقطع تبع:
تتجـ... هئ هئهئهئهئـ يني....

أنا عزفت عن الزواج بسبب غلاء المهر و ارتفاع أسعار غيارات الأطفال

Tarek007

13/06/2005, 04:47

ارتفاع أسعار غيارات الأطفال

ضروري تجيب ولاد؟؟!!؟!؟! :confo: :wink:

شك ....هئهئهئهئهئههئهئ هئ .....راً ....ألك بس عداني سعدو :wink:

Danito

13/06/2005, 04:50

ارتفاع أسعار غيارات الأطفال

ضروري تجيب ولاد؟؟!!؟!؟! :confo: :wink:

شك ....هئهئهئهئهئههئهئ هئ .....راً ....ألك بس عداني سعدو :wink:

أنا ما دخلني أنا ما بجيب شي .. هدول من الله..

Tarek007

13/06/2005, 04:57

هدول من الله

لا آله الا الله ....كمان رح تلزقو هي بالله :jakoush: :jakoush: :jakoush: :jakoush:

ألف

13/06/2005, 05:55

ارتفاع أسعار غيارات الأطفال

ضروري تجيب ولاد؟؟!!؟!؟! :confo: :wink:

شك ....هئهئهئهئهئههئهئ هئ .....راً ....ألك بس عداني سعدو :wink:

أنا ما دخلني أنا ما بجيب شي .. هدول من الله..

انت مادخلك :shock:
انت مابتجيب ولاد :confo:
يعني الاولاد مو ولادك :shock:

Atramez_Zeton

13/06/2005, 06:37

بحبك هاي مسبة شي ؟؟؟

:lol: :lol: :lol: :lol: :lol: :lol:
يعني ابداع الصراحة بحيك من كل هئ هئ هئ تبعي :lol: :lol:

aboalzeik

13/06/2005, 09:03

عند قراءة هذة القصة الرومنسية ذات البعد الأجتماعي
و عند تغلغلنا بتفاصيلها الدقيقة و محاولة استخلاص الحالة النفسية
للقصة الواقعية نرى و بكل وضوح تمخض أفكار الكاتب و استقراءة
للبعد العاطفي و حيث أن البعد العاطفي يشكل وتيرة اساسية للبعد الكارزمي
و حيث أنني وصلت لمرحلة خبصت فيها كتير و ما عدت اعرف شو عم احكي

بقول لظارق موفق اخي و للامام القصة ذات بعد بعيد حتى انا ماشفته

aboalzeik

13/06/2005, 09:04

Tarek007

13/06/2005, 11:50

الرومنسية

الأجتماعي

الحالة النفسية

تمخض أفكار الكاتب و استقراءة

للبعد الكارزمي

شو هي مسبات .. :evil: :evil: :evil: :evil: :evil: :evil:
الله يسامحك

بقول لظارق موفق اخي و للامام القصة ذات بعد بعيد ماحسنت اشوفة

خود الكزلك

aboalzeik

13/06/2005, 12:42

ماتزعل أخي Tarek007
كنا عم نمزح
شو بيعرفني و الله اذا سالتني انا ما بعرف شو كاتب
بس اذا زعجتك المداخلة منحذفها
بس روقنا يا بيييييييييي

Tarek007

13/06/2005, 12:48

ماتزعل أخي Tarek007
كنا عم نمزح
شو بيعرفني و الله اذا سالتني انا ما بعرف شو كاتب
بس اذا زعجتك المداخلة منحذفها
بس روقنا يا بيييييييييي

له يا أبو شريك شو ما بعرف المزح يعني :?: :?: :?: :?: :?: :?:
أهلين بالزكرت يل بييييييييي 8)

AL Zaeem

14/06/2005, 18:44

يا زلمي القصة كتير حلوة لمغزاها
بس انعست ما كانت تخلص
معقول يصير فينا هيك :pos: :pos: :pos: :pos: :pos: :pos: :pos:

sezar

10/11/2007, 05:34

ملحق للدين الجديد سفر التكوين :lol: