صار في حوالي 200 ألف جندي أمريكي بالخليج غير الموجودين بالقواعد الأمريكية (بالخليج العربي)... بدرجة حرارة تصل حتى 50 درجة مئوية، وإرسال مزيد من حاملات الطائرات والسفن الحربية والبوارج (فيها الكبيرة والصغيرة واللي ما بتستحي ع دمها)، وإعلام أمريكي و عربي معتدل وإسرائيلي متشدد كل يوم بيوموا بيستلموا الموشح التالي: السلاح النووي والهيمنة الفارسية، والمواجهة السورية، وحركات التطرف والإرهاب وقوى الممانعة (حزب الله والجهاد الإسلامي وحركة حماس والمقاومة الوطنية (سنية وشيعية) بالعراق)).. وغيرو وغيراتو شي مبهدل شي بينطف القلب وبيهد الحيل...


ما حدى منا وما صار عندو مية إذا مو ألف خبر إنو الحرب ع الأبواب (الله يكذب هالعالم)، وهي الحرب خسارة لكل الأطراف، فيها وما فيها.

ونبوءات العالم الفلكي والعالم الغير فلكي (ديرو بالكن من الشهر الثامن والتاسع)، ومنطقة ساخنة وخط ساخن مقابل تحركات وتطورات وتغييرات دبلوماسية واقتصادية واجتماعية وخطابات حماسية واحتفالات نصر وانتخابات مفبركة........... يا ساتر...

أنا برأيي جهزوا حالكن للحرب ؟ متل ماني شايفكن (افتراضياً) ع النت رح نشوفها ؟؟
وللمرة الأولى ياريت تكذب كل التوقعات ؟؟؟

ما تكونو جهزتوا حالكن من ورا ضهرنا ... ولي أنا تأخرت معناها ؟؟:shock:

متل ما قلت يا سيدي كلو علك حكي وتهديد

حرب شو الي عم يحكو عنها الي بدو يحارب ايران وسوريه ما بيجيب حاملاتو

وبوارجو بحطهم تحت مرمى المدفعيه والصواريخ الايرانيه والسوريه

بعدين العراق ما عم يعطي مجال لحدا يتنفس او يقب راسو

وافغانستان شكلهم طالبان مدري المدرسه كلها رح ترجع على كابل قريبا اذا بيضل التراجع مستمر عند شباب حلف الناتو

بظن انو لازم نقدم نصيحه لامريكا انو روحو خيطو بغير هي المسله

ما بيجيب حاملاتو وبوارجو بحطهم تحت مرمى المدفعيه والصواريخ الايرانيه والسوريه



:?:?:?:?:?:?:?:?:zen::zen::zen::zen: