////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بدأ التلفزيون السوري بقنواته الثلاث حملةً دعائية للإعلان عن مهرجان المحبة الذي يُقام كل صيف في مدينة اللاذقية، لكن الجديد هذا العام هو أحد إعلانات المهرجان الذي كان تحفةً توّجت باكورة الأعمال التي اعتادت المؤسسة العربية للإعلان بثها للمشاهدين.

ترافق هذا الإعلان بموسيقى لفرقة إسرائيلية تُدعى (Orphaned Land) أي "الأرض اليتيمة". اسم هذه الأغنية هو (Ocean Land) وهي تعتمد بشكل أساسي على الموسيقى الشرقية التي يدّعي اليهود بأنها من تراثهم، وعلى ما يبدو فإن مخرج هذا الإعلان مقتنع بالفكرة تماماً!! من المعروف أن هذه الفرقة تدّعي غناءها للمناداة بالسلام والألفة بين الأديان والشعوب، لكن مع الصراع العربي الصهيوني بأشكاله المتعددة ومنها الصراع الثقافي والسرقة المفتوحة للملامح الثقافية العربية من قِبل الصهاينة (ابتداءاً من الفلافل ومروراً بالموسيقى وانتهاءً بالأرض)، قدّمت المؤسسة العربية للإعلان انتصاراً ذهبياً بإدخالها فن اليهود إلى بيوتنا، مع أننا لم نشهد ولم نسمع بأن الإعلام الصهيوني قد بثّ أو روّج للموسيقى العربية من قبل!! من الممكن أن نُرجع الأمر لبساطة الثقافة التي يحملها منتج الإعلان السوري، لكن المسألة قد تتجاوز هذه الإعلان مع انبهارنا بالكفاءة التي يتمتع بها القائمون على هذا العمل، ولا بد من التذكير بأننا في زمن يُسميه الإعلام السوري "عصر الكفاءات والتخصص"!!
(منقول من موقع عكس السير )
=====================================

هلأ النقطة وين يلي حابب قولو وآخد رأيكن فيه

بغض النظر عن مشاكلنا مع اسرائيل وقضايانا وكلشي بيربطنا بإسرائيل

بدي بس أعرف اعلامنا المصون والقائمين على التلفزيون السوري ومخططي المهرجان

لما جابوا الغنية كيف جابوها :shock: يعني أكيد عرفوا مين بغنيها وشو أصلها

وإذا كان هاد يلي صار فالله لا يعطيهن العافية فوق تعبن حدا بيعمل هيك عملة ولا بدنا نفرجي العالم أنو نحن شو ...!!!! :shock: أذكياء ولا أغبياء ولا متسامحين ولا مو فارقة معنا ولا ولا ولا :?

أما إذا كان جابوا هالغنية مثلا بس لأنو حلوة أو لأنو عجبتن ومن دون ما يعرفوا لمين هي أو شو أصلها

فهاد عادي وأقل من عادي :yahoo: لأنو نحن من قديم الزمان مشهود إلنا بكفاءة كوادرنا الاعلامية :p
ونجاحنا بهيك شغلات وعلى كافة الاصعدة الاعلامية
وانو شغلنا على طول مدروس وكلو تخطيط وما في شي اعتباطي ومو مخطط الو

والله يخليللنا القنوات السورية وبرامجها الخيلة

والمخرجين والمذيعين والمهرجانات والقائمين عليها:deal:

آرائكم....:larg:

الصراحة ما سمعتا
بس عالاغلب مو منتبهين ويمكن الشغلة ما تكون اكتر من موسيقا حلوة ما عذبو حالون ليعرفو مصدرها
:dabeek::-D

عادي إذا عمتقول
وهي تعتمد بشكل أساسي على الموسيقى الشرقية التي يدّعي اليهود بأنها من تراثهم

فهاد تأكيد عأنها مو ياهودية

معلمي سلامة فهمك .. هي الفرقة مشهورة كتير و كتير عالم بسمعولا

بقا خلولنا الموسيقا عـ جنب لا تدخلوا بقصة الأوطان و الحروب لإني الموسيقا من يوم يوما كانت رسالة سلام .. :D

شباب والله أنا معكن والموسيقى رسالة سلام وووو
وحكيت بأول الموضوع أنو بغض النظر عن علاقتنا مع اسرائيل

بس مقصد الحكي أنو القائمين عالمهرجان !!! ؟؟؟

أقل شي بهالوضع الراهن هاد ما كلفتوا حالكن تعرفو لمين الغنية أو شو أصلها

يعني حبيت دل عالمرض يلي عايشينو بإعلامنا السوري من وقت ما وجد هالإعلام :frown:

مرة حطو بالفضائية نشرة باللغة العبرية

والأسبانية ومدري شو وصارو يحطولون

دعاية أنو بالخطة البرامجية الجديدة

نشرات أخبار بلغات عالمية

بعدين أنتبهوا بعد شي شهر أنو بيناتون عبرية

فعدلوها وقالو بلغات متنوعة

فعادي

على قولتك تعودنا

المسئله بسيطه جدا وانت ذكرت السبب مجرد مسيقى عجبتن مو معرف قرعه ابوا منين (بالنسبه الن طبعا)
مفكرين ان لسا المشاهدين عايشين بجهل .......مو عارفين انو المشاهدين بيعرفو البيضه مين باضه والجاجه مين جاجه (جاجه=جابه بس مشن اللحن)

ليش ما بتعرف عنا الشباب كيف يعني...


بيشوف شي عجبو بيطجو شو ما كان....

المهم يعجبو... من هون من هون عادي...


:pos:

معناها طنش تعش تنتعش :frown:

معناها طنش تعش تنتعش :frown:

كنت ناوية حطو توئيعي بس في عضو اسمو هيك تئريبا:clap:

خليها على الله حبيب البي هي ما وقفت عالموسيقى :o

كنت ناوية حطو توئيعي بس في عضو اسمو هيك تئريبا

توقيع حلو ما هيك:p

خليها على الله حبيب البي هي ما وقفت عالموسيقى

على قولتك لسا في شغلات أفظع :o

والله انا ما بتفرج عل التلفزيون السوري لأن كلشي فيه بايت و طالعه ريحتو

بس اذا متل ما عم تئول الله لا يعطيون عافيه

التلفزيون السوري دائما بيفاجئنا با ابداعتو
شكر روميو عا النقل:deal:

هلا بالشباب مشكورين عالمرور:D

أخي روميو معك حق الفرقة أنا بعرفها وهي يهودية
بس أكيد عنا ما غارفين هالشي بتعرف نحنا كتييييييييييييير أذكياء

كتييييييييييييير أذكياء

ولو أكيد بعرف هي حقيقة علمية:o

مرحبا..
أنا الصحفي الذي اكتشف هذا الخطأ وكتب عنه المقال الوارد أعلاه في موقع عكس السير..

بدايةً لا بد لي من الاشارة لرد السيد علاء، والتأكيد بأن الموسيقى هي لفرقة يهودية، والدليل على ذلك هو الايقاف الفوري للاعلان بعد التأكد من صحة الخبر..هل تتوقع أخي الكريم سماع أغنية عربية (بغض النظر عن كونها سورية أو لا) في مهرجان اسرائيلي؟ نعم هي انتصار لاسرائيل، فالغزو الثقافي يا عزيزي يجعل العقول الضيقة تغدو منفتحة بالسلبية على واقعها الداخلي.. فكم من شاب سوري (بالهوية) أصبح محباً لإسرائيل وشعب اسرائيل منقاداً وراء تفاهة موسيقية كهذه!!

وللنتكلم بصراحة أكثر، وسؤال: لماذا لم أُذيّل الخبر بإسمي؟
يا سادتي وردتني عشرات الاتصالات من شخصيات مسؤولة في الإذاعة والتلفزيون ترجوا مني عدم نشر الخبر بعد أن اتصلت بهم لأنبههم بضرورة ايقاف الإعلان.. أجابني أحدهم: إن الذين قاموا بإنتاج هذا الاعلان هم أناس بسطاء وجهلة.. مما زادني تصميماً على كتابة الخبر، كوني تأكدت من العبث والفوضى التي هي أقل ما يمكن أن توصف به عملية انتقاء موظفي الاذاعة والتلفزيون..
أخيراً، أعتقد -من وجهة نظري الشخصية- أن هذا الخطأ هو خطأ فاضح، وليس من السهولة بمكان التغاضي عنه نظراً لحساسية الحدث، على أمل أن يحس القائمون على الاعلام بما يدور حولهم من عشوائية غير مبررة..
وشكراً لاهتمامكم..

رافع هزاع

مرحبا..

هل تتوقع أخي الكريم سماع أغنية عربية (بغض النظر عن كونها سورية أو لا) في مهرجان اسرائيلي؟ نعم هي انتصار لاسرائيل، فالغزو الثقافي يا عزيزي يجعل العقول الضيقة تغدو منفتحة بالسلبية على واقعها الداخلي.. فكم من شاب سوري (بالهوية) أصبح محباً لإسرائيل وشعب اسرائيل منقاداً وراء تفاهة موسيقية كهذه!!


شكرا لك اخ هزاع، وفي هذا الرابط ستجد التأكيد العملي على كل شي ذكرته، اتمنى ان تقرأ معظم الردود الموجودة فيه.


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

تحياتي:D

الله لا يعطيهم العافية فوق تعبهم

الصراحة ما سمعتا
بس عالاغلب مو منتبهين ويمكن الشغلة ما تكون اكتر من موسيقا حلوة ما عذبو حالون ليعرفو مصدرها
:dabeek::-D


هههه اي والله يمكن معك حق
على اساس عم يلحقوا التطور الفني هههههههه

من كل اسمو مهرجان "المحبة"

وللنتكلم بصراحة أكثر، وسؤال: لماذا لم أُذيّل الخبر بإسمي؟

رافع هزاع

حسيت في تناقض هون لمّا لأ ..

يا سلام شالو موسيقى الفوارس لسعد الحسيني وحطو موسيقى لفرقة يهودية

ما حدا يقلي بالغلط انا ما بسدق هالشي
لانو لو بالغلط المصيبة اكبر : لكان معقول مهرجان برعاية وزارة الثقافة والمؤسسة العربية للاعلان ما بيعرفو لمين الموسيقى ماشاء الله على وزارة الثقافة شو مثقفة

يييييييييييييييي لسا في ناس بتحضر التلفيزيون السوري والله انا كنت مفكرتو انقرض ونسيت انو في هيك قناة
اصلا التلفيزيون السوري ما بينحضر الا برمضان وبس المسلسلات لان برامجو بايخة وتافهة ومصطنعة
ومو بعيد عنهن بخبصو شي خبصة كبيرة ابدا متل تبع الموسيقى

فعلا يا اخي شي بيرفع الراس .. والتطبيع مع اسرائيل عم يبلش شوي شوي وبلا ما نحس ... الله يستر من بكرا
مع احترامي :D

تركى عى الله ليش هن بيعرفو حالون وين هههه مصخرة و بس

يا عم سرقوا العصيد والبرياني والزوربيان والقات وقالوا الصهاينة انه ملكهم , الصراحة التلفزيون السوري تغلب على اليمني نحن نبث برامج الاطفال مباشر والنشره الجوية تسجيل , يبدوا ان القنب الصهيوني عرف الى اين يجب ان يذهب

أول شي السلام عليكم
تاني شي أنا رغم اني ما سمعت الاعلان ولا سمعت اي شي للفرقة الاسرائيلية لكن ::....
أنا بشوف - من وجهة نظر شخصية طبعا - انو ما فيها مشكلة حتى لو عرفوا اصل الموسيقى لمين يعني ما خربت الدنيا وبعدين بادرة حلوة لحتى نؤكد انو الموسيقى لغة العالم وما هي حكر على شعب أو ثقافة معينة
يعني حتى بالأديان ما في شي يحرم الاستفادة من العدو بكل أشكالها يعني لما نقدر نستفيد من العدو بدون ما نفيده هاد يعتبر نصر
أنا رح اعطي مثال بيجوز بيعتبروه البعض عبثي بس أنا متأكد انو اللي بيفكر بشكل موضوعي وخالي من التعصب رح يشوفو مطابق تماما ::: يعني كلنا بنعرف انو اسرائيل حاولت وتحاول كل ساعة من سنة ال 48 الى اليوم انها تستفاد من العرب بأي معلومة حتى ولو كانت خبر عادي ونفس الشي كلنا بنعرف انو هلأ في يهود عرب اسرائيليين بيغنوا تراث فلسطيني فهل يا ترى هم أغبياء..؟؟
أو ما بيعرفوا انو هاد التراث فلسطيني عربي وباغلب الاوقات بيكون اسلامي او مسيحي...........؟؟؟؟
أنا من جهتي ما بظن :larg:
وبشوف انو ما في مشكلة
يعني اذا كانت الموضة الغربية من تسريحات و البسة وحتى مشروبات -- بما انو صار الاكل والشرب من ضمن الموضة - ما عم يشوف فيها الشباب اي مشكلة فاكيد مقطوعة انعملت مشان اعلان ما هي بذات قيمة قدام موجة الموضة الغربية الي راكبها الشباب العربي وعم يتفنن فيها ويضيف الها كمان - متل البنت اللي لابسة بنطلون المارينز الامريكي وكنزة صوف مكتوبة عليها لفظ نابي من الفاظ الامريكان الشوارعية ولافة على رقبتها الكوفية الفلسطيني :?
فبظن انو الامر أصغر من انو ينتشر متل النار بالهشيم على شكل خبر ساخن بكل هالمواقع
بتمنى كون ابديت راي موضوعي وهاد رأيي الشخصي ما بفرضو على حدا بس اللي بتمناه انو بيكون على قدر من القيمة بحيث تناقشوني فيه :frown:
..
.
.
.
.
.
والسلام