على راسي الشعب السوري [الأرشيـــــف]

MadMax

16/07/2007, 02:44

كنت عم احضر مبارح برنامج ( منبر الجزيرة ... أكيد على قناة الجزيرة )..و كان محور الحلقة هو السؤال
هل يحق للدولة أن تراقب المساجد ( أو تتدخل بأمورها ) ... و هل دور المساجد ديني أو سياسي
كان في استفتاء من ( سوريا و مصر و اليمن و المغرب )
و كانت النتائج :
100% من السوريين كانو مع تدخل الدولة بالمسجد و مع حصر دور بالمسجد بالعبادة فقط
و مع فصل الدين عن الدولة
( مع العلم أنو يللي انطرح السؤال عليهم من شرائح اجتماعية و عمرية مختلفة و من الجنسين )
بينما كان 100% من المصريين ضد تدخل الدولة بالمساجد و مع توسيع دور المساجد لتشمل حتى الحكم
باليمن الأكترية كانت مع توسيع دور المسجد ليشمل جميع نواحي الحياة
بالمغرب ................ بصراحة ........ ما فهمت شي من كلامهون
و استقبلوا بالحلقة اتصالات من أكثر الدول العربية ....
و كان الجميع ضد تدخل الدولة و مع ارجاع دور المساجد كما كان من 15 قرن
و الجميع نسوا باقي طوائف الوطن ....و هل من العدل أن يحكموا من المساجد ....
و هل رجل الدين مؤهل للعمل السياسي

هلأ يللي لفت نظري مو موضوع الحلقة بحد ذاتو
يللي لفت نظري هو تميز الشعب السوري عن كل الشعوب العربية
و أنو هو الشعب الوحيد يللي قدر يتجاوز التقاليد و العادات البالية
و هو الوحيد يللي ربي على ثقافة احترام الآخر...و أكيد هو الوحيد المؤهل لعيش بمجتمع علماني حقيقي

بقى ...تحية للشعب السوري يللي يوم بعد يوم عم يثبت أنو شعب واعي و على قدر كبير من الثقافة

ما بعرف

16/07/2007, 02:49

:ss: :clap: :larg: :deal: :ss:

BL@CK

16/07/2007, 02:56

شو بدك بالحكي شعبك السوري علماني بالفطرة " :lol: "

Nirvana

16/07/2007, 08:55

شو بدك بالحكي شعبك السوري علماني بالفطرة " :lol: "

:lol::lol::lol:

ما بعرف اذا كلامي مزبوط بس يمكن هاي الايجابية الوحيدة في الحكم السابق .. !!! (بتمنى حدا يصححلي هالمعلومة اذا خطأ .. اذا كان للحكم السابق دور في ترسيخ هذه الفكرة عند الشعب السوري طبعا دون انكار للعوامل الأخرى.)

بضل في ثقافة عند الشعب السوري أعلى من غيرها من المجتمعات العربية (ما بعرف هيك بحس من تجربتي) !!

Willi

16/07/2007, 09:02

100% من السوريين كانو مع العلمانية؟؟؟
اي شو هالخرطة هاي!!

يمكن مفكرين انو المخابرات عم تعمل هالتقرير :o

Nirvana

16/07/2007, 09:32

100% من السوريين كانو مع العلمانية؟؟؟
اي شو هالخرطة هاي!!

يمكن مفكرين انو المخابرات عم تعمل هالتقرير :o

هلا يمكن مو 100% من الشعب .. بس يمكن 100% من اللي شاركو بالبرنامج .. بكلا الاحوال بظن انو الشعب السوري أكتر شعب بالاضافة يمكن للبناني الاقرب ليكون رأيو هيك !

BL@CK

16/07/2007, 10:21

:lol::lol::lol:

ما بعرف اذا كلامي مزبوط بس يمكن هاي الايجابية الوحيدة في الحكم السابق .. !!! (بتمنى حدا يصححلي هالمعلومة اذا خطأ .. اذا كان للحكم السابق دور في ترسيخ هذه الفكرة عند الشعب السوري طبعا دون انكار للعوامل الأخرى.)

بضل في ثقافة عند الشعب السوري أعلى من غيرها من المجتمعات العربية (ما بعرف هيك بحس من تجربتي) !!

قد و قد ,

بس كرأي شخصي لو قسمنا الشعب السوري لطبقتين ..

الطبقة العليا , دائماً بتلاقي أفراد هالطبقة بتتغنا بالعلمانية و مع إني ما بتمت للعلمانية بصلة , بس كل شي خروج عن ما يسمى بالقيم و الأخلاق كان ( و ما زال ) عم يندرج تحت بند " فصل الدين عن الدولة " ..

أما طبقات الشعب السفلى ( العوام ) , فكانت و ما زالت عم تعيش في دوامة فكرية و ما هي مستعدة تفكر بالعلمانية لإني همّا الأوحد كيف تحصل الخبز ..

و الخلود لنضال أمتنا المرير , :lol:

Nirvana

16/07/2007, 11:16

قد و قد ,

بس كرأي شخصي لو قسمنا الشعب السوري لطبقتين ..

الطبقة العليا , دائماً بتلاقي أفراد هالطبقة بتتغنا بالعلمانية و مع إني ما بتمت للعلمانية بصلة , بس كل شي خروج عن ما يسمى بالقيم و الأخلاق كان ( و ما زال ) عم يندرج تحت بند " فصل الدين عن الدولة " ..

أما طبقات الشعب السفلى ( العوام ) , فكانت و ما زالت عم تعيش في دوامة فكرية و ما هي مستعدة تفكر بالعلمانية لإني همّا الأوحد كيف تحصل الخبز ..

و الخلود لنضال أمتنا المرير , :lol:

عم أيدك باللي حكيتو .. خصوصي انو الطبقة العليا وارد جداً انو تصطنع العلمانية ولا تكون مؤمنة بها ...
والعوام .. مو فاضيين يفكرو بهيك شي ..
والطبقة المتوسطة؟ والطبقة النخبوية ؟
.. بس اللي فعلا قد يؤمن بالعلمانية من هذه الطبقات !
يعني انا عم اطلع عسوريا من برا سوريا .. فما بقدر اجزم بشي .. بس بحس انو كطابع عام الدين ما عم يتدخل بالسياسة وحتى الناس ببعضا مع عم يكون في مشاكل على اساس ديني متل غير دول.

ليندا

16/07/2007, 11:39

هلا يمكن مو 100% من الشعب .. بس يمكن 100% من اللي شاركو بالبرنامج .. بكلا الاحوال بظن انو الشعب السوري أكتر شعب بالاضافة يمكن للبناني الاقرب ليكون رأيو هيك !

مزبوط 100% من يلي شاركو علمانين بس طبعاً هاد مابيعني انو سوريا كلياتها علمانيه لسا قدامون كتير

امير الاردن

16/07/2007, 11:46

الحكومات العربيه اصلا ضد الدين يعني بالاحرى الامام ازا بدو يخطب متل ما بدا الحكومة ;-)

was616im

16/07/2007, 11:57

السوريين شعب متفهم و متعايش مع بعضو من يوم يومو بكل اديانو و طوائفو واقل شعب بيصير بيناتهم او حتى صارت مشاكل دينية او طائفية و هاد شي بيعرفو الكل و كمان الكل بيعرف انو الدين و السياسة ما بيلتقوا بوقتنا الحاضر ابدا لانو رح يخدم اشخاص معينين و بس و رح يصير في تلاعب بالدين مشان اغراض سياسية فالافضل يضل الدين لحال و السياسة لحال

suryoyo

16/07/2007, 13:10

الحمد لله على افشال خطة القناة باظهار الرأي الآخر فقط !!!!!!!!!

abosleman

16/07/2007, 13:23

MadMax

16/07/2007, 13:25

:ss: :clap: :larg: :deal: :ss:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

MadMax

16/07/2007, 13:29

100% من السوريين كانو مع العلمانية؟؟؟
اي شو هالخرطة هاي!!

يمكن مفكرين انو المخابرات عم تعمل هالتقرير :o
100% من يللي شملهم الاستفتاء بسوريا كانوا ضد حكم المساجد
و مع حصر دور المساجد بالعبادة ....
و انا مو مستغرب هالنتيجة ... لأنو نحنا أول شعب عانى من الأصولية

MadMax

16/07/2007, 13:33

الاحوال بظن انو الشعب السوري أكتر شعب بالاضافة يمكن للبناني الاقرب ليكون رأيو هيك !
لشعب اللبناني ...... بالرغم من ثقافتو ( بالنسبة لباقي الشعوب العربية )
بس لحد الآن ما قدر يطلع من انتماءو الطائفي
يللي بأكتر الأحيان بيتفوق على انتماءو الوطني

نائب الرئيس

16/07/2007, 13:37

لا لحكم المساجد ...
قال مساجد ؟؟؟؟

طبيعي تكون نتيجة التصويت من مصر واليمن 100% ضد التدخل لانه بعيد عنك شعبين ما عندن لا ثقافة ولا حضارة ومتمسكينلي بخزعبلات الدين ...
يا سيدي على راسي الدين بس مو على حساب الحياة العامة ولا على حساب الدولة وقتها ولا على حساب حرية الاشخاص ...

هي اوروبا ما صارو ملاح الا لما تعلمنو ....

وعلى كل تحية للشعب السوري وانا افخر اني من مواليد دمشق وانتمي لها ....

وتحيا سوريا وشعبها واللي صوتو مع تدخل الدولة .....

روووووووووووووووووووووووووووح

MadMax

16/07/2007, 13:40

مزبوط 100% من يلي شاركو علمانين بس طبعاً هاد مابيعني انو سوريا كلياتها علمانيه لسا قدامون كتير
هلأ مزبوط سوريا مو كلها علمانية
بس قلنا انو الشعب السوري هو أكتر شعب عربي مؤهل لينتقل للنظام العلماني و هو الشعب العربي الوحيد يللي ممكن يتقبل فكرة فصل الدين عن الدولة

MadMax

16/07/2007, 13:45

الحكومات العربيه اصلا ضد الدين يعني بالاحرى الامام ازا بدو يخطب متل ما بدا الحكومة ;-)
مزبوط أنو رجال الدين عم يهتفوا للحكام ....بس هاد حديث آخر
نحنا عم نحكي عن الشعوب العربية

MadMax

16/07/2007, 13:56

:lol::lol::lol:

ما بعرف اذا كلامي مزبوط بس يمكن هاي الايجابية الوحيدة في الحكم السابق .. !!! (بتمنى حدا يصححلي هالمعلومة اذا خطأ .. اذا كان للحكم السابق دور في ترسيخ هذه الفكرة عند الشعب السوري طبعا دون انكار للعوامل الأخرى.)

بضل في ثقافة عند الشعب السوري أعلى من غيرها من المجتمعات العربية (ما بعرف هيك بحس من تجربتي) !!
صحيح أنو هي نقطة ايجابية ....تحسب لحكم البعث
بس ما بظنها الايجابية الوحيدة ..... كما أنو هناك الكثير من السلبيات

و كمان الشعب السوري بطبيعتو شعب منفتح ....... و بيتقبل للآخر
و عندو القدرة و الاستعداد دائماً للتطور ( يعني مو متقوقع متل كتير من الشعوب العربية )

MadMax

16/07/2007, 13:59

انو من الطبيعي تطلع النسبه هيك
بس اكيد وبرجع بأكد متل ما حكو الشباب
هي نسبة العالم المتصلة او اللسي شاركت بالبرنامج
انو بربك مين عنا بسوريا عندو ديجتال وبيتفرج ع الاخبار والبرامج السياسية غير
العالم الواعية والعلمانية إلى حد ما وخاصة ع قناة الجزيرة
أنا ما قلت أنو كل السوريين هيك ( مع انو يمكن الأكترية هيك )
بس قصدي بين الفرق عن غير شعوب
و خاصة أنو الناس يللي شملهم الاستفتاء من باقي الدول ....من نفس السوية الاجتماعية و الاقتصادية
بس جوابهن كان غير

Nirvana

16/07/2007, 14:13

لشعب اللبناني ...... بالرغم من ثقافتو ( بالنسبة لباقي الشعوب العربية )
بس لحد الآن ما قدر يطلع من انتماءو الطائفي
يللي بأكتر الأحيان بيتفوق على انتماءو الوطني

ايه مزبوط .. بس انا بحكي هلا بعيد عن طائفيتو .. كثقافة ممكن يكون عندو قابلية لاستقبال هيك تجربة ..

abosleman

16/07/2007, 14:14

أنا ما قلت أنو كل السوريين هيك ( مع انو يمكن الأكترية هيك )
بس قصدي بين الفرق عن غير شعوب
و خاصة أنو الناس يللي شملهم الاستفتاء من باقي الدول ....من نفس السوية الاجتماعية و الاقتصادية
بس جوابهن كان غير

انا معك انو يمكن الاكترية هيك وانو الشعب السوري شعب واعي ومنفتح وهالشي بيرفع الراس
بتمنى يكونو الاكترية

Nirvana

16/07/2007, 14:16

صحيح أنو هي نقطة ايجابية ....تحسب لحكم البعث
بس ما بظنها الايجابية الوحيدة ..... كما أنو هناك الكثير من السلبيات

طلعت معي هيك ... خلينا نقول أحد ايجابيات الحكم السابق .. :lol:

وأكيد في بعض الايجابيات والكثير من السلبيات بس هاد مو موضوعنا هون ..

اممي

16/07/2007, 15:25

الحكومات العربيه اصلا ضد الدين يعني بالاحرى الامام ازا بدو يخطب متل ما بدا الحكومة ;-)

بعتقد رفيق ان الحكومات العربية هي الاكثر تبني للدين لان مفعول الدين متل مفعول الحشيش بعقول الشعب
ويعني كل المصايب تبع الحكام بيصير مصدرها الاهي وبالتالي الرجعية والسلطة هن عبر التاريخ حلفاء مابيتخلو عن بعض

اممي

16/07/2007, 15:30

بعتقد ان المشكلة مو كامنة بالي عندن مصاري بتكفي ليحكو مع الجزيرة ليعبرو عن رايهم
بعتقد الرجعية بالعة الفئة الي ماعندها مصاري لتاكل وتشرب وهن شريحة كتير كبيرة بشعبنا
وبعتقد شباب ان المتابعين لنشاطات المراكز الثقافية راح يلاحظ الاقبال الكتير كبير لما بيكون الموضوع الوعلاقة بالدين وكمان الاعداد الهائلة بصلات الجمعة بالمقابل في كتير ندوات بتكون كتير قيمة بيكون عم يحظرها 10 الي 15 واحد نصهن من حبال المضيف
مافينا ننكر ان الرجعية ناخرة بقسم مابيستهان فيه من شعبنا وهاد الي نازم الدولة والشباب الواعي ان يطوقو ويحاول يغير وضع مو يستهان فيه ويصغر من قيمة
اسف عكتر اللعي

صياد الطيور

16/07/2007, 19:33

أكتر شعب بالاضافة يمكن للبناني الاقرب ليكون رأيو هيك !
مو تهجم على الشعب اللبناني .. على العكس
بس لبنان من اكتر دول العالم عنصرية و طائفية و لأعلى الحدود

و بالنسبة للموضوع مو غريبة على شعبنا الي عانا كتير من الأصوليين و كل الشعب السوري بيعرف انو لما بدها تولع الخلافات الطائفية والدينية بسوريا ما بتنطفى ( لكثرة الأديان و المذاهب و الملل )
و أروع شي ..

الدين لله والوطن للجميع .....

Nirvana

16/07/2007, 20:49

مو تهجم على الشعب اللبناني .. على العكس
بس لبنان من اكتر دول العالم عنصرية و طائفية و لأعلى الحدود

و بالنسبة للموضوع مو غريبة على شعبنا الي عانا كتير من الأصوليين و كل الشعب السوري بيعرف انو لما بدها تولع الخلافات الطائفية والدينية بسوريا ما بتنطفى ( لكثرة الأديان و المذاهب و الملل )
و أروع شي ..

الدين لله والوطن للجميع .....

انا بحكي اذا جردنا الشعب اللبناني من طائفيتو .. يعني كثقافة وانفتاح فقط .. بيقدر يستوعب العلمانية .. بس اكيد بوضعو الحالي وبهالطائفية الموجودة ما رح يقدرو يعملو هالشي .. هاد اذا بدهم يعملو اساسا .. لانو كل طايفة بهمها الحكم .. المسيحيين بهمهم يكون الحكم بإيدهم .. والمسلمين من بعض الجماعات بهمهم يكون الحكم بايدهم .. وهكذا ........

vanina

16/07/2007, 22:40

و كمان الشعب السوري بطبيعتو شعب منفتح ....... و بيتقبل للآخر
و عندو القدرة و الاستعداد دائماً للتطور ( يعني مو متقوقع متل كتير من الشعوب العربية )
:deal:
انشالله لقدام دائما ..
:D

Government

16/07/2007, 23:59

بدي اقرا الموضوع وارد عليه
بس المشكلة تخورفت بالفاتورة تبعت المحل
يحرء اختو

اللي رجع الشهر الجاي :p

MadMax

17/07/2007, 00:12

انا بحكي اذا جردنا الشعب اللبناني من طائفيتو .. يعني كثقافة وانفتاح فقط .. بيقدر يستوعب العلمانية .. بس اكيد بوضعو الحالي وبهالطائفية الموجودة ما رح يقدرو يعملو هالشي .. هاد اذا بدهم يعملو اساسا .. لانو كل طايفة بهمها الحكم .. المسيحيين بهمهم يكون الحكم بإيدهم .. والمسلمين من بعض الجماعات بهمهم يكون الحكم بايدهم .. وهكذا ........
بصراحة في بلبنان ناس كتير فهمانة و آخدة خط كتير واعي و مشرف
متل الحزب الشيوعي و القومي السوري و حركة الشعب و غيرون كتير
بس نسبتهون لسا زغيرة بالنسبة لعدد الشعب اللبناني

Willi

17/07/2007, 01:28

100% من يللي شملهم الاستفتاء بسوريا كانوا ضد حكم المساجد
و مع حصر دور المساجد بالعبادة ....
و انا مو مستغرب هالنتيجة ... لأنو نحنا أول شعب عانى من الأصولية

اي فهمان عليك
بس انت قلت انو الاستفتاء جمع عالم من مختلف طبقات الشعب.
بعدين معلم, يمكن نحن عانينا من الاصوليين بسوريا.
بس لسى عنا كتير اصوليين.
وبظن هون منتدى اخوية اكبر مثال.
دايما بيدخل عليه ناس من سوريا. اصوليين ومتشددين ومتعصبين كمان.

MadMax

17/07/2007, 03:15

اي فهمان عليك
بس انت قلت انو الاستفتاء جمع عالم من مختلف طبقات الشعب.
بعدين معلم, يمكن نحن عانينا من الاصوليين بسوريا.
بس لسى عنا كتير اصوليين.
وبظن هون منتدى اخوية اكبر مثال.
دايما بيدخل عليه ناس من سوريا. اصوليين ومتشددين ومتعصبين كمان.
أكيد النسبة فيها شيء من الصدفة يمكن
بس مو هاد محور الموضوع
القصد من الموضوع اظهار الفرق بين الشعب السوري و بين باقي الشعوب العربية

امير الاردن

17/07/2007, 05:30

بعتقد رفيق ان الحكومات العربية هي الاكثر تبني للدين لان مفعول الدين متل مفعول الحشيش بعقول الشعب
ويعني كل المصايب تبع الحكام بيصير مصدرها الاهي وبالتالي الرجعية والسلطة هن عبر التاريخ حلفاء مابيتخلو عن بعض

يا سيدي انا معاك بالكلام هادا بس انا اصدي انو بالنسبه للشيوخ الاسلام ازا فتح موضوع بتعلق بالجهاد وبالاحداث يلي عم بتصير بالعالم العربي بضل محصور عند المخابارات والامن بعملولو بلبله هيك كان اصدي

اممي

17/07/2007, 07:16

يا سيدي انا معاك بالكلام هادا بس انا اصدي انو بالنسبه للشيوخ الاسلام ازا فتح موضوع بتعلق بالجهاد وبالاحداث يلي عم بتصير بالعالم العربي بضل محصور عند المخابارات والامن بعملولو بلبله هيك كان اصدي

انا على علمي ان الشيخ مرتبط بالله يعني بين قوسين مابيخاف غير من الي خلق وبالتالي نحن امام خيارين
1-يا المشايخ عم يعتبرو الحكام هبة الله للبشرية وبالتالي هن بيسروا امور العباد لمصلحة هالحاكم العادل(تحالف رحعي-مستبد)
2-يا المشايخ اتحول ربهن من الله (عزج) الي الاب القائد والمنظمة الحزبية وبالتالي ماعادو مشايخ للاديان بل عناصر مخابرات وهاد الشي مو عسبيل الحصرببعض المشايخ لا بل بيطول الكل
والشيخ الي خايف من البلبلة مابيعرف ان الله اكبر (حسب معتقدات) من كل شي ؟؟

أبو السييم العظيم

17/07/2007, 07:50

أول شي بدي قولو لرفيقي و صديقي الأممي أنو يسلملي ربك و أنا معك للعضم بكل شي حكيتو :deal:

كمان بحب إشكر مادو العظيم على هيك موضوع :D

الشعب السوري يا شباب بعتقد أنو ممكن يتقبل التغيير و التطور بس مو لأنو منفتح وواعي ، لأ في طبقة كبيرة من الناس الشعبيين يللي تعلقن بالدين كبير كتيير و رح يصعب التأثير عليهم .. بس بشكل عام فينا نقول أنو نسبة لا بأس بها من الشعب السوري مع العلمانية كونو نحنا تربينا على نظام و حكم علماني و مبني على احترام الآخرين و تقبل الآخر ..

بس السؤال هل هذا الإحترام و تقبل الآخر نتيجة وعي عند أفراد الشعب أم هو خوف من أن يتهم بتهمة الطائفية و بذلك يخضع لمحاسبة عناصر الأمن و وقتها الله يعينو ؟؟:?::?::?: يعني هل هو ناتج عن وعي أم عن خوف ؟؟؟؟؟:?::?::?::?::?:

اممي

17/07/2007, 08:41

:?::?::?: يعني هل هو ناتج عن وعي أم عن خوف ؟؟؟؟؟:?::?::?::?::?:

يمكن التنتين بس بعتقد التانية اكبر من الاولي وهاد هوه الي مخوفني ....ان في لحظة اهتزاز االاجهزة الامنية(لآسامح الله) راح يشكلو القسم الرجعي بالتيارات الاسلامية خطر حقيقي بيهدد الوفاق الوطني عنا بالبلد وساعتها البلد راح تعاني كتير كتير من حكم الناطقين باسم الله
وعلة راسي تحيتك
ملاحظة:رفيقي عملت مشاركة بقسم الصور بعتقد انها راح تعجبك
وبتظل الراية حمرا :D

جان بن جاك الروسوي

17/07/2007, 10:45

شو هالدين التافه اللي عم تحكي عنو لسا عملولنا المسجد الاحمر والاصفر والازرق لك يضرب الاسلام والنصارى واليهود بقلب بعضن بس تحية للشعب السوري على هالاجماع كيف ما كان يكون

MadMax

17/07/2007, 13:17

يعني هل هو ناتج عن وعي أم عن خوف ؟؟؟؟؟:?::?::?::?::?:

يمكن التنين سوا
بس لما الشغلة بتتعلق بتصويت ببرنامج تلفزيوني ...ما بظن رح يكون في حاجز خوف كبير
كمان لا تستغربو كتير أنو صارعنا أجيال واعية (نسبياً )
لأن سوريا محكومة بنظام علماني من 44 سنة
و كمان الناس عم تشوف الأصولية شو عم تعمل بباقي البلدان ...و الوضع مو خفيان على حدا

المهم شو ماكنت الاسباب ....برجع و بقول :على راسي الشعب السوري

Barleb

18/07/2007, 04:52

مزبوط 100% من يلي شاركو علمانين بس طبعاً هاد مابيعني انو سوريا كلياتها علمانيه لسا قدامون كتير
يهيييييييييييي علينا ... بلشنا حسد ؟

أبو السييم العظيم

18/07/2007, 05:15

يمكن التنتين بس بعتقد التانية اكبر من الاولي وهاد هوه الي مخوفني ....ان في لحظة اهتزاز االاجهزة الامنية(لآسامح الله) راح يشكلو القسم الرجعي بالتيارات الاسلامية خطر حقيقي بيهدد الوفاق الوطني عنا بالبلد وساعتها البلد راح تعاني كتير كتير من حكم الناطقين باسم الله
وعلة راسي تحيتك
ملاحظة:رفيقي عملت مشاركة بقسم الصور بعتقد انها راح تعجبك
وبتظل الراية حمرا :D

تمام و أنا بعتقد نفس الشي ، حاليا الخوف من الأجهزة الأمنية هو يللي ضابع هال الفئة المتشددة بس بكرا أي مشاكل أمنية شوف شو حيعملو و خصوصا منلاحظ أنو موجة التدين كترانة بالبلد بلكم سنة الأخيرات أكيد ملاحظين موضة هالحجاب يللي البنات صايرين عم يلبسوا و صاير منتشر بشكل كتيير و حتى بكتير أحيان عم نرجع نلاحظ لبس المنديل على الوجه أو تغطية نصف الوجه هاد كللو ما بيدل على الخير و بأكد أنو في توجه ديني عند نسبة كبيرة من الشعب و هاد التوجه هو يللي نحنا متخوفين أنو يطور بشكل معين وخصوصا إذا راحت هالقوى يللي حاطة حدود لكل هي المظاهر المتشددة ... :shock:

ولييييييي الله يجيرنا بكرا قال بصيرو يلاحقو الشباب يللي لابسين شورت بالشوارع منصير نحنا منخاف على حالنا من الطلعة برا البيت :p

صورة رائعة رفيق تحياتي من كل قلبي :D :D

أبو السييم العظيم

18/07/2007, 05:27

يمكن التنين سوا
بس لما الشغلة بتتعلق بتصويت ببرنامج تلفزيوني ...ما بظن رح يكون في حاجز خوف كبير
كمان لا تستغربو كتير أنو صارعنا أجيال واعية (نسبياً )
لأن سوريا محكومة بنظام علماني من 44 سنة
و كمان الناس عم تشوف الأصولية شو عم تعمل بباقي البلدان ...و الوضع مو خفيان على حدا

المهم شو ماكنت الاسباب ....برجع و بقول :على راسي الشعب السوري

هلق بالنسبة لنسبة الأجيال الواعية يللي عنا والله أنا بصراحة بشك فيها يعني بتجي شي 10بالمية و لا أنا متشائم ،، :o بتمنى كون متشائم و تكون النسبة أكتر من هيك ..:?

كل الناس عم تشوف الأصولية شو عم تعمل بغير بلاد بس بدك مين يفهم :confo: :idea: شوف بمصر كل مانها عم تقوى و عم يزيد خطرها ، و حتى عنا هون بسوريا لاحظ نسبة المحجبات بالسنين الماضية إديش زادت نسبتون و لو بتعرف شو المغريات يللي عم تتقدم للصبايا و شو مقدار الدعم يللي عم يتقدم لحتى يحطو قطعة هالقماش و يلفو راسون فيها و يدعو التدين فيا :frown:

يعني هلق و المهم وشو ماكانت الأسباب ......... كمان بدي إرجع و قول : على راسي الشعب السوري ( بس يصير يفهم كمان شوي زيادة ) :p :D

اممي

18/07/2007, 16:24

هلق بالنسبة لنسبة الأجيال الواعية يللي عنا والله أنا بصراحة بشك فيها يعني بتجي شي 10بالمية و لا أنا متشائم ،، :o بتمنى كون متشائم و تكون النسبة أكتر من هيك ..:?

كل الناس عم تشوف الأصولية شو عم تعمل بغير بلاد بس بدك مين يفهم :confo: :idea: شوف بمصر كل مانها عم تقوى و عم يزيد خطرها ، و حتى عنا هون بسوريا لاحظ نسبة المحجبات بالسنين الماضية إديش زادت نسبتون و لو بتعرف شو المغريات يللي عم تتقدم للصبايا و شو مقدار الدعم يللي عم يتقدم لحتى يحطو قطعة هالقماش و يلفو راسون فيها و يدعو التدين فيا :frown:

يعني هلق و المهم وشو ماكانت الأسباب ......... كمان بدي إرجع و قول : على راسي الشعب السوري ( بس يصير يفهم كمان شوي زيادة ) :p :D

حكيك سليم وبعتقد الكل عم يلاحظ ان من السنة االاولي لحد التخرج كم بنت بتتحجب
والله ياشباب في رفيقات اتحجبو ...يارفيقة ليش اتحجبتي ...والله الله هداني يا اخ...بعد اسبوع بنسمع ان البنت اتزوجت
يعني القصة صايرة توجه اجتماعي بالاضافة الي ان في كتير من الناس التقدمين اتحولو لكتير رجعين والمشكلة
ان المورجعي هو بالشرط تقدمي لان المجتمع اليوم مقسوم بين واحد رجعي او واحد فوضوي(الي ماهمن بالحياة غير البسط ويعيشو ايامن)

علي هواري

20/07/2007, 20:23

هلا أنا وعم أقرا بالموضوع من أولو خطر ببالي نفس السؤال يلي حكيتو فيه

هو وعي ولا خوف

ومن جهة قصة الحجاب يلي حاسسكن خايفين كتير منها أنا بالعكس شايفها ظاهرة ايجابية وفيها نوع من التحرر
لأنو في كتير صديقات ألي بالجامعة تحجبو وعندهن أخوات لساتهن مو محجبين أو بالعكس وهادا نوع من حرية الرأي يلي مستحيل تشوفها برات سورية يعني يا كل العيلة محجبين يا كلها مو محجبين
طبعا مع وجود كتير حالات بيكون الحجاب فيها اجباري وهون هي المأساة
يعني اذا البنت حابة تتحجب ومقتنعة هي حرية رأي ولا شو رأيكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

وأهم شي تحية للشعب السوري :D:clap:

كل مره بزعل وبفل

21/07/2007, 01:29

هلا معئووووووووول يا ماد موكس راسك بيتحمل الشعب السوري كلو
ههههههههههههههههههه

MadMax

21/07/2007, 01:48

هلا معئووووووووول يا ماد موكس راسك بيتحمل الشعب السوري كلو
ههههههههههههههههههه
يحرق حريشك شو مهضوم
روح عمو العب بالحارة لأني مو فاضي لثقالتك هلأ

علاء.

21/07/2007, 02:22

هي فطرة بالشعب السوري من وجودو

بس يلي خايف منو مظاهر التطرف الجديدة عمجتمعنا

مع ندرتا والردة عالدين من كل الطوائف والأديان

MadMax

21/07/2007, 03:05

هي فطرة بالشعب السوري من وجودو

بس يلي خايف منو مظاهر التطرف الجديدة عمجتمعنا

مع ندرتا والردة عالدين من كل الطوائف والأديان
مزبوط في ردة عالدين بكل المنطقة حالياً
بس يمكن شعبنا ( بشكل عام ) صار عندو أرضية ثقافية معقولة بتجنبو هيك موجات

أهلين علاء :D

أبو السييم العظيم

21/07/2007, 04:06

وهي موجة الدعوة للتحجب هي مو موجة ردة ع الدين ؟؟

و بالواقع يعني في كتيير عم يتأثرو بكم كلمة و بتقللك أقنعوني مع أنو بكون مجتمعها و فكرها و عائلتها و بيئتها لهال البنت بشكل عام مو هيك بس بتتأثر بسرعة نتيجة إفتقار الكثير من شباب مجتمعنا للوعي الكافي يللي بيحمي الشباب من هيك موجات

و أحلى تحية لأحلى أبو سمرة و للشباب كلها :D