بما أن الحلم ليس حراماً .. ولأن الحلم اليوم يبدو أقرب من أي وقت مضى بسوريا.
فلنضع أسماء ممكن انتخابها لرئاسة سوريا ضمن انتخابات ديمقراطية حقيقية.
ويرجى تعليل الانتخاب، وهو رجاء فقط لا غير

بالنسبة لي فأنتخب رياض الترك منديلا سوريا، لأنه أثبت صراحته وحبه لسوريا الوطن وتفانيه من أجله بغض النظر عن مصالحه الشخصية. فهو لم يفعل إلا الوقوف مع مبادئه ومن أجلها والتي تضع سوريا فوق كل اعتبار.
ولم يجبن يوماً رغم 17 عاماً من السجن التعسفي ورغم سجنه من جديد وبعد فترة وجيزة من خروجه لقوله ما يعتبره الحقيقة. ولم يخشَ لومة لائم فيما يقول.

مع ملاحظة : لست أنتمي لحزبه أو اتجاهه الإيديولوجي حتى ، لكنه " ثورة " حقيقية وانقلاب على الفكر لصالح ... الوطن

منقول بتصرف

فكرة حلوة كتير كتير :D :D :D

مشكور طارق :D

بس الفكرة انو انت ما مثلت كل التيارات يلي بالشارع السوري

انت ما مثلت غير الاتجاهات الاشتراكية (سواء بعثية او شيوعية) كأنو سوريا اشتراكية خالصة

بس باعتبار انو هدفي هوي تنحية بشار الاسد عن السلطة
و باعتبار انو هي اللعبة او الحلم بتشبه المعركة الانتخابية
لذلك رح العب بنفس القواعد

مشان هيك رح اتحالف معك و انتخب رياض الترك لحتى نقدر نهزم بشار الاسد
و بتمنى من كل واحد هدفو هوي تنحية بشار الاسد عن السلطة انو يتحالف معنا و ينتخب رياض الترك

و خصوصي انو الزلمة عندو ماضي نضيف و مشهود له بالوطنية مو متل كتير من المرشحين

شكرا كريمبو :D :D :D :D :hart:

بس ملاحظة : كانت الاحتمالات " المرشحين " أكتر من هيك بس ما كان يمشي الحال :evil: ...لحتى صار هادا عددون :x ....سامحونا :angel:

بس بظن أنو ماشي حالون :confo:

ننتظر الجميع

ملاحظة : أنا يعني أنا طارق :P :P :P
مو أنت :mrgreen:


:hart:


شكراً ليلي صوتولي مع أني ما صوتت لحالي
مع أنوا الشباب بتعرف أديش بحب " الأنا " :confo: :confo: :confo: :confo:


:lol:

ملاحظة : أنا يعني أنا طارق
مو أنت





شكراً ليلي صوتولي مع أني ما صوتت لحالي
مع أنوا الشباب بتعرف أديش بحب " الأنا "

و لك دخيلك انت و انا و الانا المقدسة كمان :lol:

طالما مافي انا يعني ألف :cry: .... مابصوت لحدى .... انا كمان كتير بحب الأنا :wink:

انو هوي ولا واحد من هدوول
لأنو ما منعرف شو خطتون
:wink:

هوي حلم بس يعني منكملو

شكرا طارق :D :D :D

لك يقطع عمرك يا سيزار :P :P :P (مزح)

لا تنزع الحلم :evil: .....ما عجبك حدا رشح واحد و انتخبوا خليتلك ياها مفتوحة ه الشغلة :mrgreen:


شو ألف ما تصوتي ؟؟؟؟؟؟؟؟؟؟ :?: :?: :wink:

طالما مافي انا يعني ألف .... مابصوت لحدى .... انا كمان كتير بحب الأنا

فكرة الامتناع عن التصويت او مقاطعة التصويت بتصير لما يكون في خلل او غش بالعملية الانتخابية ساعتها بيقاطعوا مشان ما حدا يجيب نتائج التصويت كدليل ضدهم

هون ما في مجال ما انو يكون في تلاعب بالاصوات او يكون في تصويت قسري لأنو اكتر من ديمقراطية المنبر الحر ما بتلاقي

في خيار اسمو شخص اخر فيكي تختاري و تكتبي انك صوتتي لحالك بس من هلأ بأكدلك انو رح تخسري المعركة

انا بنصحك باحد مرشحين: يا بشارالاسد يا رياض الترك لأنو هنين اكتر شي حاميي بهالانتخابات :D

أنا مع " الأنا " يعني حبيبي طارق ....بس بما أنوا أنتخب رياض الترك فأنا رح أنتخبوا كمان ....
هادا التصويت الالهي


بنشوفكم بجهنم :hart:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

رغم انكن حطيتو بشار بالمنافسة رشحت حالي وحصلت أصوات قدو

ثاني مرة لا زم يكون في شروط للترشيح
ما يكون المرشح مجرب
لأن الي بيجرب مجرب بيكون عقلو مخرب

فكرة حلوة طارق
تم التصويت

أنا بنتخب بشار الأسد :gem: :gem: :gem: :gem: :gem:

حلوة فكرة التصويت وبما ان هدفكم هوي احلال حرية الرأي فاسمحولي ادلي بصوتي.

أكيد أنا بصوّت للدكتور بشار لأسباب كتيرة لكن كتير منكن ما بيقدروها وكل همهم يصير معاش الموظف 4000$
ويطلعو يبعبعو ويشتمو الحكام فقط لإظهار قوة الشخصية أو للحصول على بعض الشهرة وإثارة البلبلة والحكي الي مالو لازمة.

أسباب تصويتي للدكتور بشار هي:
- لأن مجرّد قيامه بخطوة مماثلة بتعنى أنه عم يشتغل شغل ما حدا غيرو ممكن يشتغلوا
- لأن هو الشخص الوحيد الي عندي ثقة فيه بين كل هالأسماء
- لأن أي شخص غيره ممكن تدعمه فئات من الغالبية المعروفة ونتيجته التسلّط من قبل هذه الفئة على جميع حقوق الفئات الأخرى.
- وهو أهم سبب أؤمن فيه وهو:
أن حريتي لسيت في أن أقوم بالمعارضة والإتفاف نحو المسار الخاطئ لمجرد أني أكره شخص معين أو ملّة معينة وذلك على حساب مصلحة الوطن, وإنما حريتي هي أن أحظة بالأمن 24/24 ساعة حريتي هي أن أستطيع التجول في شوارع بلادي متى أردت ذلك دون أن ينتهك أحد حريتي هذه, أظن أن الحرية الموجودة في بلدنا لن تجد مثلها في أي دولة في العالم لأن الحرية أصبح لها مفهوم آخر وهو طاعة الولايات المتحدة الأمريكية حتى لو كنت مهددا بالموت بين ليلة وضحاها بسبب عدم حصولك على الامن والحماية

حاجتكم بعبعة >بقصد الي مو عاجبكم الوضع
لأنو بالمقابل وبكل حرية بحب خبركم أن النعمة الي عايشين فيها عم ترموها بعيد كتير عنكم من ورا المسار الأعوج الي ماشيين فيه.

والله يهدي الجميع

شباب شو معنى التصويت لشخصيات و لأسماء... انا ما بصوت لحدا بدون ما يكون قدامي برنامج سياسي واضح... مستحيل صوت لاسم مبهم حتى لو كان الله... شو شايف لساتنا مكانك راوح... هادا الحكي يعني لسا ما تعلمنا شي من 40 سنة من الرموز و الصور... لما كيف؟

يعطيكن العافة سباب الموضوع حلو
لانوا فية حرية التعبير من غير تقييد

أنا لو كنت بصوت فبصوت لبشار الأسد
ليش
أولا اذا مناخد سوريا و منعرضها على شريط زمني منلاقي أنو من وقت اللي استلم
و لحد الأن في تطور ( يعني الزلمة عم يشتغل ) هلا انا معكم انتوا مسيرة الاصلاح
بطيئة بس لاتنسوا انوا كمان متل مافي ملايين بدها اصلاح في مئات مابدها هالشي
و المشكلة انوا هالمئات هي شخصيات نافذة و قادرة بهذا البلد
ثانيا نحن مو معقول انوا متل اللي عم يعمر بناية كلما بنى طابق بيهدمه و بيبني
من جديد ( طيب خلي الاساس و غير الشكل )
يعني على الاقل عطوا فرصة للزلمة حتى يثبت الآراء اللي بدوا يشتغلها
و ثالثا التغيير مستحيل بظروفنا انوا يصير ب 180 درجة يعني لازم خطوة خطوة
و هاد الشي مو بس بالسياسة كل شي بهالحياة بده تروي
و أخيرا الزلمة شب و روح الشباب لسه فية يعني مازال الامر امامة مفتوح

على فكرة انا مابنتمي لاي تيار سياسي نهائيا

شباب شو معنى التصويت لشخصيات و لأسماء... انا ما بصوت لحدا بدون ما يكون قدامي برنامج سياسي واضح... مستحيل صوت لاسم مبهم حتى لو كان الله... شو شايف لساتنا مكانك راوح... هادا الحكي يعني لسا ما تعلمنا شي من 40 سنة من الرموز و الصور... لما كيف؟
نفس الشي انا

أن حريتي لسيت في أن أقوم بالمعارضة والإتفاف نحو المسار الخاطئ لمجرد أني أكره شخص معين أو ملّة معينة وذلك على حساب مصلحة الوطن, وإنما حريتي هي أن أحظة بالأمن 24/24 ساعة حريتي هي أن أستطيع التجول في شوارع بلادي متى أردت ذلك دون أن ينتهك أحد حريتي هذه, أظن أن الحرية الموجودة في بلدنا لن تجد مثلها في أي دولة في العالم لأن الحرية أصبح لها مفهوم آخر وهو طاعة الولايات المتحدة الأمريكية حتى لو كنت مهددا بالموت بين ليلة وضحاها بسبب عدم حصولك على الامن والحماية

انت بقلبي

تحيا سوريا

الله يخليلك بعثك :frown:

أن حريتي لسيت في أن أقوم بالمعارضة والإتفاف نحو المسار الخاطئ لمجرد أني أكره شخص معين أو ملّة معينة وذلك على حساب مصلحة الوطن, وإنما حريتي هي أن أحظة بالأمن 24/24 ساعة حريتي هي أن أستطيع التجول في شوارع بلادي متى أردت ذلك دون أن ينتهك أحد حريتي هذه, أظن أن الحرية الموجودة في بلدنا لن تجد مثلها في أي دولة في العالم لأن الحرية أصبح لها مفهوم آخر وهو طاعة الولايات المتحدة الأمريكية حتى لو كنت مهددا بالموت بين ليلة وضحاها بسبب عدم حصولك على الامن والحماية

حاجتكم بعبعة >بقصد الي مو عاجبكم الوضع
لأنو بالمقابل وبكل حرية بحب خبركم أن النعمة الي عايشين فيها عم ترموها بعيد كتير عنكم من ورا المسار الأعوج الي ماشيين فيه.

والله يهدي الجميع

هي الحرية بنظرك وأنا بحترمها .. بس الحرية بوطنك مو بس أنك تمشي وماحدا يقرب عليك .. لنو الدولة أول واجباتها أنو تحسس المواطن بالأمان .. علما" انو قوات الأمن المنتشرة بالشوارع بتحسسوا بالخوف والاضطراب أكتر من الأمان .. وبالمناسبة رئيسنا دائما" بيحكي أنو نحنا شعب مسالم وأليف ومحب ومتحاب .. ليش اذا هيك ناشر كل هالقوات الأمن بالبلد .. يعني هذا بعود لسببين يا أما نحنا شعب همجي ومجرم بالفطرة لحتى كل مواطن مفروزة زلمة مخابرات ... يا أما الحاكم مانو صالح وبخاف من حدا يهددلو عرشو .؟.

وراع رسول كسرى اذ رأى عمرا" بين الرعية عطلا" وهو راعيها ..
وعهده بملوك الفرس أن لها سورا" من الجند والحراس يحميها ...

يعني بظن الواحد فيه يستخلص شي عبرة من هالحكي ..


حاجتكم بعبعة >بقصد الي مو عاجبكم الوضع

وأنتو حاجتكن نفخ وتمسيح جوخ ووصولية وتصفيق وتطبيل وتزمير ... بقصد أنتو اللي عاجبكون الوضع ..

انا ممكن أقبل ببشار بحالة وحدة انو الإنتخابات تكون نزيهة 100% و أضمن انو يكون في انتخابات دورية متل كل البشر ما بيعملو :frown: :frown: :frown:

بس بما انو الأخيرة مانا مضمونة مشان هيك انا ما بقبل :jakoush:

رح خلي اللي بدي انتخبو ببالي أحسن شي :wink:

طيب بدي إتسائل

الي رشح سيادة الرئيس بشار
بيعرف مين غسان اللحام؟
بيعرف مين فاروق رمضان؟
وغيرن بس هذول مثالين
من كم سنة وقبل ما السيد الرئيس يستلم كان غسان اللحام مدير مكتبة الأسد.. وبعدين صار محافظ دمشق.. وبعدين على أيام الرئييس بشار صار وزير دولة لشؤون ..
المهم هذا الزلمي كان في علي حلقة خاصة بالملفات الساخنة على القاناة الأولى وبعدين البرنامج التغى نهائياً والمهم حكو بالأدلى عن عمليات السرقة التي قام بها وتحطيم البيوت رغم القرارات القضائية التي حكمت لأصحابها بالبقاء فيها
نتفاجأ أنه اليوم عضواً في القيادة القومية
هذا بين وعرفنا والي مو مبينين كثار غيرو ومو معقول الرئيس يكون ما بيعرف أو على الأقل ما في غيرو؟
كمان اليوم عبد الحليم بين ... شالو
بتعرفو نكتة الأرنب؟
على شو مختلفين على الأرنب؟ خذو
على خدام ؟ خذو

بشار الاسد ما بختار غيروا
انا بحبوووووووووووووووكتير

.التاريخ لا يصنعه اشخاص

بل شعب ونظام


كلنا سنتخب دستور حر لسورياالجميع ...يحب ويحترم سوريا الجميع.... وتحبه وتحترمه كل سوريا ..
..................

وهذا رأي رياض الترك أيضاً والذي تنحى عن قيادة حزب الشعب السوري.
لكن عندما نصوت لنظام ودستور فإننا نصوت لقائد لصوت هذا النظام والذي يحمل صوته .. ليس هناك أي تناقض بين الأمرين برأيي.


أنا لن أصوت( لابن العم) لأني حابب سواد عيونه أو أعتقده عظيم بحد ذاته بل أصوت للأفكار التي يحملها ويدافع عنها وللمشروع الذي يقوم به فريق كامل حوله..

................................................

السيد أبو علوش .....و أبو الزيك :


كتير منكن ما بيقدروها وكل همهم يصير معاش الموظف 4000$
ويطلعو يبعبعو ويشتمو الحكام فقط لإظهار قوة الشخصية أو للحصول على بعض الشهرة وإثارة البلبلة والحكي الي مالو لازمة


أولاً : ليس من العيب أن يكون راتبي أكثر من 4000$ ....يا سيدي قبلان ب 10$ بس يكون في كرامة .....
نحن و الحمد لله ( الذي لا يحمد على مكروه سواه ) نعيش بلا كرامة و بدون حرية ...( ليش ؟؟؟ لانوا ما بيصير يكون في أمن الا و أنت أخرس ...و مدعوس على راسك ....يا أخي ما بدنا غير حرية )
يا حبيبي نحنا ما بدنا نشتم حدا ...لاننا نحترم حرية أي أنسان و كرامته ....
بس فيك تقول لأجهزة القمع و التعذيب ( تبع مرشحك ) تكف عن أظهار البطش و القوة مع المدنيين ....و يعتبروا أنون عم يتعاملوا مع بشر مو حيوانات
وقت يكون في حرية .... رح يصير راتبي أكتر من 4000$ تبعك و أنا عم أشتغل 8 ساعات .....هلق أنا بشتغل 16 ساعة و بالاخير يا دوب بحصل 250$ ...بتعرف ليش ....لانو رب عملي مشاركينو جماعة مرشحك و غصب عنو و عم ياكلو الاخضر و اليابس
و أذا حب واحد يفتح شي مشروع ببلاد مرشحك ( سوريا الاسد ) فكلاب الاسد و شلتو الزعران و قرايبنو ما رح يخلوه ..لحتى ياخدو المقسوم .......يا حبيبي...هدول واضحين متل عين الشمس ...هدول كانوا من زمان تبع الثورة .... بس نحنا هلق تبع الثورة نحنا ما بدنا سلطة ....نحنا بدنا حرية للجميع و بدنا شفافية حقيقة
أكيد مسيرة التطويل بالتحديث ما رح تعنيلي شي ...لانوا المكتوب مبين من عنوانو ...و هي كوشة من السنين مرقوا و نحنا شو ؟؟؟
.................................................. ...........

أسباب تصويتي للدكتور بشار هي:
- لأن مجرّد قيامه بخطوة مماثلة بتعنى أنه عم يشتغل شغل ما حدا غيرو ممكن يشتغلوا

ليش؟؟؟ لانو منزل من عند الله !!! الله خلقوا وكسر القالب
و لانوا أكيد هو المسيطر ع الوضع مو الشلة الخسيسة يلي عدلت الدستور منشان تبقى محافظا على مصالحها ...أنسالي مجلس الشعب المسلوق تبعك .....يلي أذا واحد حكا : معروف مصيرو مسبقاً ...الاسماء معروفة !

- لأن هو الشخص الوحيد الي عندي ثقة فيه بين كل هالأسماء

أسمحلي أسألك من وين أجتك ؟؟؟؟ ه الثقة ...من نضالوا الطويل ....ولا من نسبو الرفيع و المبوز !

- لأن أي شخص غيره ممكن تدعمه فئات من الغالبية المعروفة ونتيجته التسلّط من قبل هذه الفئة على جميع حقوق الفئات الأخرى.

مين أقصدك السنة مثلا ً : ما في غيرون .... و السؤال أذا كانوا غالبية ما بيعني أنون أحق ......
يا أخي خلي الانتخابات شفافة و انشالة بيربح واحد بوذي ...المهم ياخد الاغلبية مو تشبيح



حاجتكم بعبعة >بقصد الي مو عاجبكم الوضع

حاجتك فزلكة ....لو ما كنت واحد منهم ما بتحكي هل الحكي يلي ما لو جنس الطعمة

لأنو بالمقابل وبكل حرية بحب خبركم أن النعمة الي عايشين فيها عم ترموها بعيد كتير عنكم من ورا المسار الأعوج الي ماشيين فيه.

خليني عيش بجحيم الحرية ....أهون من نعمتك أنت و أسيادك ....ردوها على جوعتكم

.................................................. ......................................

طيب بدي إتسائل

الي رشح سيادة الرئيس بشار
بيعرف مين غسان اللحام؟
بيعرف مين فاروق رمضان؟
وغيرن بس هذول مثالين
من كم سنة وقبل ما السيد الرئيس يستلم كان غسان اللحام مدير مكتبة الأسد.. وبعدين صار محافظ دمشق.. وبعدين على أيام الرئييس بشار صار وزير دولة لشؤون ..
المهم هذا الزلمي كان في علي حلقة خاصة بالملفات الساخنة على القاناة الأولى وبعدين البرنامج التغى نهائياً والمهم حكو بالأدلى عن عمليات السرقة التي قام بها وتحطيم البيوت رغم القرارات القضائية التي حكمت لأصحابها بالبقاء فيها
نتفاجأ أنه اليوم عضواً في القيادة القومية
هذا بين وعرفنا والي مو مبينين كثار غيرو ومو معقول الرئيس يكون ما بيعرف أو على الأقل ما في غيرو؟
كمان اليوم عبد الحليم بين ... شالو
بتعرفو نكتة الأرنب؟
على شو مختلفين على الأرنب؟ خذو
على خدام ؟ خذو

ما المشكلة انو فاجأنا طارق بيك و خلانا ندخل الانتخابات ضد التخلف و الجهل
يلي بقلك ليش مين في غيرو
و يلي عم ياكل الكف وعم يبوس الايد يلي ضربتو

والله هذا التصويت بيخلي الواحد يفقد الأمل من أي إصلاح
ومن أي فهم أو تحليل للواقع أو للسياسة
أو أو أو للحكي

الحكي ما ضللو طعمة.. والحكي الي انحكا بهذا المنبر راح على الفاضي
يا خسارة الحكي
اشبعو من بشاركم
وشبعو حالكم بشارات

وإن صارلو شي لا سمح الله لا تقبلو خلفة له إلا بشاراً

والسلام عليكم يا أشبال الأسد

ويا خسارة المصاري اللي انحطت عالانترنت

والسلام عليكم يا أشبال الأسد

عيثوا فسادا" وتخريبا" في البلد ..
قل هو بشار الأسد لم يلد ولم يولد ولم يكن له كفؤ أحد ..
صدق حافظ العظيم ..

:jakoush: :jakoush:

للقيام بمشروع كعمارة سكنية مثلافانه يحتاج جهدكبيرووقت كثيرلانجازه ولكن لوفكرنا بهدم العمارة فلا نحتاج سوى ضربة واحدة وعلى ما سبق اودالقول ان الاصلاح سيتم مع بعض الوقت بعونه تعالى بمساعي قائدناد.بشارووقوفنامعه والتحلي بالصبر والصبرلا التزمر

لا تيأسو يا شباب :---- أَنتُم مِلحُ الأرض‏.‏ فاذا فَسَدَ المِلح‏,‏ فبماذا يُمَلح ؟‏ ----

عاشت سوريا الحرة ....بدون كلاب البعث و الوصوليين و أحفاد القطط

لا تيأسوا يا شباب :
أنتم ملح الارض ....أنتم ملح الارض

رح قول كمان ان اللي رشح بشار رشح أكثر من واحد سوى

....بدون كلاب البعث و الوصوليين و أحفاد القطط

مقفعة معو على الاخر

يا شباب لا تيأسوا أخدنا فكرة عن الصعوبات .....مهمتنا صعبة .....

شعب عايش بقنينة من أربعين سنة ....شو بدو يطلع منو ؟؟؟؟؟؟؟؟

بس مازلت متفائل

عاشت سوريا الحرة ....بدون كلاب البعث و الوصوليين و أحفاد القطط

للقيام بمشروع كعمارة سكنية مثلافانه يحتاج جهدكبيرووقت كثيرلانجازه ولكن لوفكرنا بهدم العمارة فلا نحتاج سوى ضربة واحدة وعلى ما سبق اودالقول ان الاصلاح سيتم مع بعض الوقت بعونه تعالى بمساعي قائدناد.بشارووقوفنامعه والتحلي بالصبر والصبرلا التزمر

للقيام بمشروع عمارة سكنية من 4 طوابق بسوري بتاخود معك الشغلة سنتين لم تواقيع و موافقات و تمسيح جوخ و سنة و نص وسطيا بناء و ما في داعي انك تفكر تهدا رح تنهد لحالا بمعدل 4 سنين يعني لما تكون خلصت ديكور و وفيت ربع الديون يلي ركبتها ع حالك لتشتري هالتحفة الاثرية
اما بغير بلاد
للقيام بمشروع عمارة سكنية من 150 طابق بتاخود الشغلة شهر دراسة جدوى المشروع و 24 ساعة موافقات و سنة و نص وسطيا بناء

لا زابطة كتير

انشالله منصير بعد 50000000000 سنة بهمة المذكور

....بدون كلاب البعث و الوصوليين و أحفاد القطط

عيب يا شباب
:aah: :aah: :aah: :aah: :aah: :aah:

عيب يا شباب


عيب علي بيعمل العيب :jakoush: :jakoush: :jakoush: :jakoush: :aah: :evil:

بشار الاسد و بس ... :D :D :D :D

بشار الاسد و بس ... :D :D :D :D

:gem: :gem: :gem: :gem:

الله سوريا بشار وبس :gem: :gem:

وياشباب اللي ما عاجبهون الحكي بتمنى انو ما تعلقو بفظاظة ...

يعني انا كتبت هالشي وبعرف انو بدكن تقلبوها مسخرة او نقد لاذع في حين انو نحني عم نحترم رأيكن

وسلام

الرؤساء يتعلمون بشعوبهم..حافظ الأسد بعمر 36 وزير دفاع و 40 سنة رئيس جمهورية...لهيك الله خلق الشعوب ليتعلم بها وعلى حسابها الحكام وحتى لو أخطأووا كصدام ومات منهم مليون لايهم ....الانسان هو أرخص من الحمير ببلادنا....وهلأ بشار الاسد عميتعلم...التمديد للحود سبب مقتل 30 سوري...الله لايردهم...المهم الرئيس يتعلم..300,000 سوري انقلعو من لبنان...لايهم المهم القائد الملهم يكتسب خبرة ومعو معو بيتعلم...هكذا تجري الامور بدول الفرد الواحد....

عيب علي بيعمل العيب

و حضرنك قلتها عيب هالحكي بهذه الطريقة التي لاتدل على حس مطلق بالمسؤولية
شفتي شي مرة قلت كلاب المعارضة :confo: :confo:

حضرنك قلتها عيب هالحكي بهذه الطريقة التي لاتدل على حس مطلق بالمسؤولية
شفتي شي مرة قلت كلاب المعارضة

اغا وعن جد اغا

صديق آغا :
كلاب البعث ...لا تعني أن البعثيين كلهم كلاب ...صحيح النسبو مرتفعة جداً بس مو الكل
كلاب البعث ...غير البعثيين الكلاب و أنا لا أستعمل هذا الاسلوب

أما كلامك عن كلاب المعارضة ...فهو وارد ....
حتما رح يكون قسم كلاب ( هادا الشي وين ما كان موجود )
بس أغلبية المعارضة شرفاء و ألا ما كانوا ( معارضة )


و الفرق كبير بين مثالك و مثالي ؟؟؟؟؟



شكراً

شفتي شي مرة قلت كلاب المعارضة

بتمنا منك لاتنزل لهيك مستوى

بتمنا منك لاتنزل لهيك مستوى

يخلييلك حزبككك انت و يااا :frown:

انا بتزكر رديت مرّ على موضوع انو الشعب ما بيعرف و حدا اعترض و قلي لأ الشعب وااعي و عارف

ازا هوون بالمنتدى شووف نسبة الوعي يلي رجعو اختاروو بشاار :frown: :frown:

فماا بالك برّااا



برجع و بقوول الشعب نايم و غشيم كيف بدو يصحاا ما بعرف بس لازم يصحاا :frown:

يخلييلك حزبككك انت و يااا

هاد من زوقك :pos:

برجع و بقوول الشعب نايم و غشيم كيف بدو يصحاا ما بعرف بس لازم يصحاا

شد الهمة والبركة فيك

هاد من زوقك

لا تزعل ما في شخصيي انا ما حكيتك شي غلط :wink: :D :D

لا تزعل ما في شخصيي انا ما حكيتك شي غلط

ولا يمكن اني في يوم ازعل في اختلاف وجهات نظر ومافي شي شخصي
والحرية مبدأ رئيسي من مبادئ الحزب ، حرية الأمة وحرية الفرد وحرية الأمة لا يحدها قيد إلا حق أمة أخرى بممارسة حريتها ، ولا يقيد حرية الفرد قيد ، إلا عدم تجاوز حرية الآخر وحقوقه
حزب البعث العربي الاشتراكي