-
دخول

عرض كامل الموضوع : تحية إلى الأحرار

Nirvana
13/07/2007, 03:36
حين تسقط كل القوانين ..
حين تسقط كل الأحلام ..
حين تسقط كل كلمة ..
وكل الأنخاب ..

ها نحن نجتمع حول كأس ..
نلقي ما في جعبتنا من أسى ..
نذكر الوطن .. نذكر الحب ..
ونذكر كل من مضى ..

لا تقل لي ..
لا تقل لي أن المستقبل آت ..
لا تقل لي أن وقتاً ما سوف يأتي ..
أنا أعرف أن النهاية هي التالي ..

هي سذاجتنا ..
هي الغباء الذي أصابنا ..
من كؤوس العشق ..
من كأس الثمالة ..

الوطن فانٍ ..
الحب فانٍ ..
والكأس فانٍ ..
ونحن فانون ..

لا وداع ..
لا لقاء ..
ولا ألف نحن سوف تقوى ..
لتقول كلمة لا أمام حمار ..

نحن عاجزون ..
نحن كافرون ..
نحن سكارى لا ندري ..
من السابقون ومن اللاحقون ..

نحن أبناء العجز ..
قلتها يوماً ..
وسأقولها دوماً ..
وإلى أبد الآبدين ..

نتكلم باسم الثورة ..
نصيح باسم الحق ..
نبكي باسم العدالة ..
لكننا عاجزون ..

اللعنة على الظالم ..
اللعنة على الشر ..
اللعنة على كل من قال نعم ..
أمام لا حرة ..

نحن أحرار ..
نحن أبناء الحرية ..
نحن الوطن .. أجمل وطن ..
نحن الحرية ..
thegodfather
13/07/2007, 05:07
مشكوة على الجهد الجميل
:hart::hart::sosweet::sosweet::sosweet::hart::hart :
Nirvana
14/07/2007, 00:58
مشكوة على الجهد الجميل

:hart::hart::sosweet::sosweet::sosweet::hart::hart :


وشكرا على مرورك الجميل أيضاً . :D
قهوة دايمي
14/07/2007, 06:53
كأس بصحة الحرية ..
وبصحة الأحــــــــــرار .. و الأوطــان ...





قهوة مرة على أرواحنا !!
TheLover-_-
14/07/2007, 06:56
شي حلو مشكور على جهدك
مع تحيات TheLover-_-:lol:
abosleman
14/07/2007, 11:36
نتكلم باسم الثورة ..
نصيح باسم الحق ..
نبكي باسم العدالة ..
لكننا عاجزون ..


ايه وسنبقى عاجزون ...!!؟؟

يعطيكي العافية Nirvana :D
Nirvana
14/07/2007, 17:15
كأس بصحة الحرية ..
وبصحة الأحــــــــــرار .. و الأوطــان ...





قهوة مرة على أرواحنا !!


بصحتك .. :cry:

شكرا على مرورك الراقي ..:D
Nirvana
14/07/2007, 17:15
شي حلو مشكور على جهدك
مع تحيات TheLover-_-:lol:


شكرا الك .. :D
Nirvana
14/07/2007, 17:37
ايه وسنبقى عاجزون ...!!؟؟

يعطيكي العافية Nirvana :D

اذا كنت عم تسألني .. فبأكدلك انو نحنا عاجزون .. وسنبقى ..

ما في أمل ...:pos:

وشكرا على هالمرور الحلو .. :D
abosleman
15/07/2007, 00:41
اذا كنت عم تسألني .. فبأكدلك انو نحنا عاجزون .. وسنبقى ..

ما في أمل ...:pos:

وشكرا على هالمرور الحلو .. :D


انو كنت بسأل حالي بس كمان هدا رأيي

بس في أمل إذا كان لسى في عالم بتدور ع اجابة للسؤال

وبشكرك مرة تانية ع الخاطرة الرائعة :D
Nirvana
15/07/2007, 09:01
انو كنت بسأل حالي بس كمان هدا رأيي

بس في أمل إذا كان لسى في عالم بتدور ع اجابة للسؤال

وبشكرك مرة تانية ع الخاطرة الرائعة :D

ايه عالقليلة لسا بتمنى يكون في أمل ..:D
Nirvana
15/07/2007, 09:02
عفكرا هالخاطرة طلعت معي وأنا مو بكامل قواي العقلية وفي حالة يأس شديد .. :pos:
TheLover-_-
15/07/2007, 09:06
عفكرا هالخاطرة طلعت معي وأنا مو بكامل قواي العقلية وفي حالة يأس شديد .. :pos:
له له طولي بالك ما في شي محرز
:larg::larg:
;-)
أبو السييم العظيم
15/07/2007, 10:11
الوطن فانٍ ..
الحب فانٍ ..

ونحن فانون ..




بس استوقفوني هال التلات جمل و خلوني فكر شوي زيادة

و إسأل كم سؤال إذا بتساعديني فيهون :


شعور يخالج النفس و العقل
هل هو وهم أم هو جهل
أكان في يوم صغيرا و هو الآن كهل

لماذا ليس له نفس الأثر في نفسي
لماذا أهرب منه في نومي و في وعيي

هل هو الضمير
أم هو ما تبقى منه بعد أن داسته حوافر الحمير

الوطن الوطنية المواطنة و أخيرا و ليس أخراً المواطن

لماذا ماتت معاني هذه الكلمات
لم أعد أجد مقالا عنها لا في جرائد و لا كتيبات
كل ما يكتب فيها يدعو للسخرية أو للضحك
أو ربما لتقول هيهات


أين هو وطني
هل هو من يبقيني فقيرا أم مذلولا أم خاضعا لهؤلاء من سلبوه منا

أم هو من يشعرني بالغربة و أنا فيه

أما الحب فأنا مغترب عنه كما وطني

و الموت الموت .. الموت هو الذي لا أعرف عنه شيئا

و لكنه يغريني كما تغري لهب النار جناحي الفراشة

و لكني أعود لأفكر بجملة مارسيل :

و أعشق عمري لأني إذا ما مت يوما أخجل من دمع أمي

..

..

..

شكرا كتيير و آسف عل الإطالة


:D :D :D :D
Nirvana
15/07/2007, 11:39
له له طولي بالك ما في شي محرز
:larg::larg:
;-)

اذا البلد واللي فيها وكل اللي نحنا فيو مو محرز :?.. خلينا نروح نموت لكان مو أحسن !!!
Nirvana
15/07/2007, 12:17
بس استوقفوني هال التلات جمل و خلوني فكر شوي زيادة

و إسأل كم سؤال إذا بتساعديني فيهون :


شعور يخالج النفس و العقل
هل هو وهم أم هو جهل
أكان في يوم صغيرا و هو الآن كهل

لماذا ليس له نفس الأثر في نفسي
لماذا أهرب منه في نومي و في وعيي

هل هو الضمير
أم هو ما تبقى منه بعد أن داسته حوافر الحمير

الوطن الوطنية المواطنة و أخيرا و ليس أخراً المواطن

لماذا ماتت معاني هذه الكلمات
لم أعد أجد مقالا عنها لا في جرائد و لا كتيبات
كل ما يكتب فيها يدعو للسخرية أو للضحك
أو ربما لتقول هيهات


أين هو وطني
هل هو من يبقيني فقيرا أم مذلولا أم خاضعا لهؤلاء من سلبوه منا

أم هو من يشعرني بالغربة و أنا فيه

أما الحب فأنا مغترب عنه كما وطني

و الموت الموت .. الموت هو الذي لا أعرف عنه شيئا

و لكنه يغريني كما تغري لهب النار جناحي الفراشة

و لكني أعود لأفكر بجملة مارسيل :

و أعشق عمري لأني إذا ما مت يوما أخجل من دمع أمي

..

..

..

شكرا كتيير و آسف عل الإطالة


:D :D :D :D

مشكور على مرورك ومشاركتك القيمة :D

رح جاوبك بس اعذرني بدي جاوبك بالعامي .. انا ما بقدر افصل حالي عن وطني عن الناس عن اللي بحبهم والاشياء اللي بحبا .. بحسا جزء مني .. وبحس هالجزء مني حساس كتير ..لانو بشكل ثقافتي وشخصيتي وحريتي وبجمع أهلي وأصحابي وذكرياتي.. وقت اللي بدي افصل حالي عن كل هالشي بكون مو عايشة .. بلا قيمة .. ما بعرف .. كأني مو موجودة ..
ايه فيو الواحد يعيش ليجمع مصاري أو ليشتغل بمنصب عالي أو ليتجوز ويصير عندو ولاد .. بصير كل هالشي .. وهلا هالشي هوي الدارج .. قلال اللي همهم البلد .. قلال اللي بفكرو بالبلد .. قلال اللي بفكرو بشو في جواتهم .. بس عم قلك طول ما البلد مريض بنضلنا مرضى .. وبس يصير البلد أحسن بنصير احسن .. البلد ونحنا مرتبطين بشكل اجباري لكن هالرابط من ارقى وأجمل الروابط بهالدنيا (الوطنية).

نحنا يا أبو السييم العظيم في مرحلة لازم يكون شغلنا الشاغل فيها الخروج من دائرة العنف والفساد في دولنا .. لازم يكون همنا البلد لنقدر نوصل لمحل بين هالدول .. عالأقل نقدر نعيش باكتفاء .. بحرية .. وبكرامة .. متل اي بشر في العالم .
ولا بتكون ثقافتنا وتاريخنا وإمكانياتنا وشعوبنا ودولنا راحو عالفاضي .. ومرّوا مرور الكرام .. ايه حتى الكرام ما وصلناها ..

واذا هالموضوع مو محرز متل ما عم يقول The Lover ما بعرف شو هوي اللي محرز ..

والوطن أبو السييم .. مو ضروري هو يعطينا .. واكيد حتحس بغربة فيو .. لانو ما لازم يكون هيك .. لازم نساعدو ليكون غير شي ..
والموت هوي النهاية وأول على آخر رح نوصلو .. بقا ليش ما نخلي لحياتنا قيمة قبل فوات الأوان ..
يمكن انت عم تهرب لأنك موجوع ..

وبعتذر على التنظير المطول .. بس عم حاول انقل احساسي بهالرد .. يمكن كون قدرت جاوبتك ولو عجزء بسيط من ردك ..
بشكرك كتير لانك حكيت عن هالموضوع :D
أبو السييم العظيم
15/07/2007, 23:05
آآآآآآآآآخ ... :cry:


أول شي بشكرك على ردك الآسر اللي من خلالو قدرتي توصلي لكتيير شغلات و تفهميها بفكري ، بالمناسبة أنا لما كتبت هال كم سطر فوق كنت يائس و كنت تعبان نفسيا و جسديا مشان هيك كان في شوية تشتيت بالأفكار .. بس أنت قدرت تفهميني بكتير نقاط و هاد دليل على فهمك العميق و إحساسك المرهف ..


أنا أكيد بحب وطني و بحب المساواة و أنو كل أبناء بلدي يعيشو بكرامة بس لما فكر شوي لما حاول شوي بنصدم بالواقع يللي دائما بكون أقوى مني مو لأني ضعيف بس لأني وحيد ما لقيت مين يساندني معنويا و روحيا ،، لهاد السبب قد تكون أفكاري مبعثرة متخبطة ، إلى أن أجد من يساندي و إن لم أجدها أخشى أن أتحول إلى مواطن عادي مستهلك يسعى لكي يجني المال و لكي يتزوج و ينجب أطفال و تنتهي روحي كما ابتدأت وحيدة ..

أنا دائما عندي أمل مشان هيك ما حيموت طموحي ببلدي يللي بحلم فيه و الحياة يللي بحلم فيها بس لحتى نواجه الواقع لازم نكون سوا و أنو نكون سوا حدا متلي أنا ولا متلك ولا متل أي حدا بهالمنتدى بحب بلدو عنجد ، أنو نكون سوا بالحياة الواقعية فهاد شي كتييير صعب إذا ما كان مستحيل ..


لأنو نحنا بعالم المنتدى أحرار و منقدر نحكي يمكن لأنو ما منعرف بعض يمكن لأنو ما حدا بيعرفنا فمنحس بالأمان نوعا ما ،، بس أنو نلتقي بعالم الواقع و نجتمع كلنا على هي الأهداف يللي منحلم فيها ...... بعتقد أنو هاد شي قريب للمستحيل ..

بتمنى كون غلطان ببعض النقاط بس للأسف هاد الواقع يللي شايفو و حاسس فيه :cry: ..

و شكرا أختي و صديقتي العزيزة Nirvana لتفاعلك الإنساني الرائع معي

أخوك سامي :D
Nirvana
16/07/2007, 09:24
آآآآآآآآآخ ... :cry:


أول شي بشكرك على ردك الآسر اللي من خلالو قدرتي توصلي لكتيير شغلات و تفهميها بفكري ، بالمناسبة أنا لما كتبت هال كم سطر فوق كنت يائس و كنت تعبان نفسيا و جسديا مشان هيك كان في شوية تشتيت بالأفكار .. بس أنت قدرت تفهميني بكتير نقاط و هاد دليل على فهمك العميق و إحساسك المرهف ..


أنا أكيد بحب وطني و بحب المساواة و أنو كل أبناء بلدي يعيشو بكرامة بس لما فكر شوي لما حاول شوي بنصدم بالواقع يللي دائما بكون أقوى مني مو لأني ضعيف بس لأني وحيد ما لقيت مين يساندني معنويا و روحيا ،، لهاد السبب قد تكون أفكاري مبعثرة متخبطة ، إلى أن أجد من يساندي و إن لم أجدها أخشى أن أتحول إلى مواطن عادي مستهلك يسعى لكي يجني المال و لكي يتزوج و ينجب أطفال و تنتهي روحي كما ابتدأت وحيدة ..

أنا دائما عندي أمل مشان هيك ما حيموت طموحي ببلدي يللي بحلم فيه و الحياة يللي بحلم فيها بس لحتى نواجه الواقع لازم نكون سوا و أنو نكون سوا حدا متلي أنا ولا متلك ولا متل أي حدا بهالمنتدى بحب بلدو عنجد ، أنو نكون سوا بالحياة الواقعية فهاد شي كتييير صعب إذا ما كان مستحيل ..


لأنو نحنا بعالم المنتدى أحرار و منقدر نحكي يمكن لأنو ما منعرف بعض يمكن لأنو ما حدا بيعرفنا فمنحس بالأمان نوعا ما ،، بس أنو نلتقي بعالم الواقع و نجتمع كلنا على هي الأهداف يللي منحلم فيها ...... بعتقد أنو هاد شي قريب للمستحيل ..

بتمنى كون غلطان ببعض النقاط بس للأسف هاد الواقع يللي شايفو و حاسس فيه :cry: ..

و شكرا أختي و صديقتي العزيزة Nirvana لتفاعلك الإنساني الرائع معي


أخوك سامي :D


اهلين بسامي :deal: .. الشكر الك انت على احساسك وحديثك الراقي :D

وانا معك بهالشي تماما ولأني بعرف انو التفكير اللي عنا هو تفكير فردي يعني يقتصر على أفراد بحس انو ما في أمل .. وانو كلو رح يسقط بالآخر ..
وأنا كمان بتمنى لو نقدر نعمل شي على الواقع أو عن طريق أخوية أو .. ، ما ضروري يكون سياسة وثورة وقصص يمكن ما نكون قدها، بس فينا نشتغل على قدنا .. نشاطات معينة اجتماعية .. ثقافية .. الخ .. بس هالشي متل ما قلت مستحيل لسببين الأول انشغال كل واحد بشي أو البعد الجغرافي بين الأعضاء والثاني بينقصنا الحافز لهالشي ..
هاد غير انو مو كل الأعضاء بتتفق على الشي اللي عم نقولو ...

يا ريت لو بقدر قلك انو في أمل .. بس لازم حس انا اول انو في أمل مشان أقدر انقلك احساسي ..

الشي الوحيد اللي بايدنا نعملو أنو ننقذ اللي ممكن انقاذو من جواتنا ونفسيتنا وإحساسنا ونحافظ على هالقيم يمكن نقدر ننقلها لولادنا أو للجيل اللي رح يجي بعدنا ولو اني بشك انو يقدر يعمل شي كمان!!

تحياتي الك :D
أبو السييم العظيم
17/07/2007, 02:59
وأنا كمان بتمنى لو نقدر نعمل شي على الواقع أو عن طريق أخوية أو .. ، ما ضروري يكون سياسة وثورة وقصص يمكن ما نكون قدها، بس فينا نشتغل على قدنا .. نشاطات معينة اجتماعية .. ثقافية .. الخ .. بس هالشي متل ما قلت مستحيل لسببين الأول انشغال كل واحد بشي أو البعد الجغرافي بين الأعضاء والثاني بينقصنا الحافز لهالشي ..
هاد غير انو مو كل الأعضاء بتتفق على الشي اللي عم نقولو ...

أكيد هاد الشي بوافقك عليه مية بالمية :D :deal:

يا ريت لو بقدر قلك انو في أمل .. بس لازم حس انا اول انو في أمل مشان أقدر انقلك احساسي .. :? للأسف

الشي الوحيد اللي بايدنا نعملو أنو ننقذ اللي ممكن انقاذو من جواتنا ونفسيتنا وإحساسنا ونحافظ على هالقيم يمكن نقدر ننقلها لولادنا أو للجيل اللي رح يجي بعدنا ولو اني بشك انو يقدر يعمل شي كمان!!

تمااااااام ........ يا عيني عليك و يسلملي ربك :p هاد هو الشي اللي أكيد من واجبنا أنو نعملو متل ما أنا أخدت المبادئ اللي أبي كان عم يسعى بشبابو مشان تحقيقها و يللي تحارب مشانها و تعرض لمضايقات ، و قدر إنو ينقللي ياها أنا كمان من واجبي متل كل واحد مؤمن بمبدأ لازم ينقلها لولادو مشان يحملو الراية من بعودو
و أحلى تحية لإلك :D :D :D
تحياتي الك :D



بس ما قلتيلي كيف لقيتيلي هال كم سطر من الشعر مناح يعني في أمل حاول من جديد و لا مافي داعي :p

عنجد بترجاك بكل صراحة تعطيني رأيك لأني أنا ما بكتب غير بالصدفة يعني يمكن كل كذا شهر ليخطر ببالي إكتب كم سطر ، بدي رأيك بكل صراحة و تقييمك و نقدك لكتابتي و إذا فيني حسنها و بكون كتيير شاكر

:mimo:
Nirvana
17/07/2007, 09:27
بس ما قلتيلي كيف لقيتيلي هال كم سطر من الشعر مناح يعني في أمل حاول من جديد و لا مافي داعي :p

عنجد بترجاك بكل صراحة تعطيني رأيك لأني أنا ما بكتب غير بالصدفة يعني يمكن كل كذا شهر ليخطر ببالي إكتب كم سطر ، بدي رأيك بكل صراحة و تقييمك و نقدك لكتابتي و إذا فيني حسنها و بكون كتيير شاكر

:mimo:
شعور يخالج النفس و العقل
هل هو وهم أم هو جهل
أكان في يوم صغيرا و هو الآن كهل

لماذا ليس له نفس الأثر في نفسي
لماذا أهرب منه في نومي و في وعيي

هل هو الضمير
أم هو ما تبقى منه بعد أن داسته حوافر الحمير

الوطن الوطنية المواطنة و أخيرا و ليس أخراً المواطن

لماذا ماتت معاني هذه الكلمات
لم أعد أجد مقالا عنها لا في جرائد و لا كتيبات
كل ما يكتب فيها يدعو للسخرية أو للضحك
أو ربما لتقول هيهات


أين هو وطني
هل هو من يبقيني فقيرا أم مذلولا أم خاضعا لهؤلاء من سلبوه منا

أم هو من يشعرني بالغربة و أنا فيه

أما الحب فأنا مغترب عنه كما وطني

و الموت الموت .. الموت هو الذي لا أعرف عنه شيئا

و لكنه يغريني كما تغري لهب النار جناحي الفراشة

و لكني أعود لأفكر بجملة مارسيل :

و أعشق عمري لأني إذا ما مت يوما أخجل من دمع أمي



أنا بدي مين يقيمني .. بصراحة ما بحب قيم كتابة حدا أو انقدو .. لانو انا نفسي غير محترفة .. وبكتب هيك بالاحساس والفطرة .. بس بقدر قلك احساسي .. واحساسي بقلي انو كلماتك صادقة ونابعة من القلب وواقعية، ما فيها صور كتيرة .. بس واقعيتها حلوة .. وهل بتقدر تحسن كتابتك أكيد .. كلنا بنقدر نحسن كتاباتنا بالقراءة والدراسة والتحليل.. وأيضا بكتابة المزيد .. مع اني لازم قول هالحكي لنفسي ..:oops:

مشكور على مرورك ومتابعتك وكلماتك الجميلة :D
Nirvana
20/07/2007, 03:41
هم الاحرار الذين ضحوا ..
بعمر ليس لهم غيره ..
بسنين تبكي أيامها ..
لعلّ لنا فيها خيرُ ..

يقول الحرُّ ..
لِمَ تنكرون أنفسكم ..
لِمَ تنسون حاضركم ..
أنا قد متُّ لأجلكم ..

ونحنُ ..
نرفع كؤوس النسيان ..
ونشرب نخب العصيان ..
ونبكي أحرارنا .. هم آخر الأحزان ..
أبو السييم العظيم
20/07/2007, 05:40
هل نتفكر ؟؟..... هل نتذكر ؟؟........

هل نرى الدنيا حولنا أم نعيش في عنبر ؟!!..

هل ندرك إلى أين تجري ينا سفن المستقبل ؟!!..
إلى الحرية المجهول ثمنها !
إلى الثورة المحتوم غرقها !

علينا أن نعي إلى أين ...

إلى جزر الأمل وجهتنا
حيث سنغرز جذورنا في تربتها
لتجتث الخنوع من أعماقها
و تستل الشجاعة من غمدها
لتفقأ عين الجهالة من مقلتها

و لنكون كالنخلتين على ضفاف الواحة في البيداء
و نربي تحت ظلالنا الفيحاء
فلنضحي بخضرة أوراقنا ...

كما ضحى بحياته من قبلنا


:D
علي خالد
20/07/2007, 05:55
[كلامك متناثر فهو بلا عنوان تقول في منتصفه نحن كافرون نحن عاجزون ثم تعيد نحن ابناء العجز لتتحول بهدوء اننا الاحرار وابناء الحريه وتسال سؤال ولم تجب عنه من السابقون ومن الاحقون فاجيبك بكلمات صغيره من نحن وما نكون قلتها سابقا من نحن ولماذا خلقت وكيف اسير وما هو الطريق واين الحق وما هي العداله ولماذا خلقت وهل انا مخير او مسير ولما الظلم يسيطر ...الخ فتعلمت التوحيد لاجد الاجابه فالله خالقي (فالله خلق الجن والانس ليعبدوه)وطريقي معروف جهاد في سبيله ونشر لدينه والحريه ان تعترف انك عبد لله فتنطلق لتكون حراااااااا........اما العجز فلا نعرفه ما دام بنا روح والسابقون هم صحابه رسول الله قال تعالى والسابقون الاولون من المهاجرين والانصار والذين اتبعوهم باحسان رضي الله عنهم ورضوا عنه واعد لهم جنات تجري تحتها الانهار خالدين فيها ذلك الفوز العظيم_اما الاحقون فنحن انصار التوحيد عندما اتبعنا السابقون باحسان اما الارض فهي ارض الله ونحن من سوف يخلفها فالله بشر المؤمنيين ان يكونوا الخلفاء في الارض . اللهم انصرنا بالتوحيد وثبتنا على الحق[/COLOR][/COLOR][/COLOR][/COLOR][/COLOR][/B][/B][/B][/B][/COLOR][/COLOR][/COLOR][/B]
brave heart2
20/07/2007, 07:17
[كلامك متناثر فهو بلا عنوان تقول في منتصفه نحن كافرون نحن عاجزون ثم تعيد نحن ابناء العجز لتتحول بهدوء اننا الاحرار وابناء الحريه وتسال سؤال ولم تجب عنه من السابقون ومن الاحقون فاجيبك بكلمات صغيره من نحن وما نكون قلتها سابقا من نحن ولماذا خلقت وكيف اسير وما هو الطريق واين الحق وما هي العداله ولماذا خلقت وهل انا مخير او مسير ولما الظلم يسيطر ...الخ فتعلمت التوحيد لاجد الاجابه فالله خالقي (فالله خلق الجن والانس ليعبدوه)وطريقي معروف جهاد في سبيله ونشر لدينه والحريه ان تعترف انك عبد لله فتنطلق لتكون حراااااااا........اما العجز فلا نعرفه ما دام بنا روح والسابقون هم صحابه رسول الله قال تعالى والسابقون الاولون من المهاجرين والانصار والذين اتبعوهم باحسان رضي الله عنهم ورضوا عنه واعد لهم جنات تجري تحتها الانهار خالدين فيها ذلك الفوز العظيم_اما الاحقون فنحن انصار التوحيد عندما اتبعنا السابقون باحسان اما الارض فهي ارض الله ونحن من سوف يخلفها فالله بشر المؤمنيين ان يكونوا الخلفاء في الارض . اللهم انصرنا بالتوحيد وثبتنا على الحق[/color][/color][/color][/color][/color][/b][/b][/b][/b][/color][/color][/color][/b]





يعني والله كنت مستمتع بالموضوع لشفت رد حضرتك .... يعني لو بلا رأيك اذا بتحتفظ في احسن
brave heart2
20/07/2007, 08:01
هل نتفكر ؟؟..... هل نتذكر ؟؟........

هل نرى الدنيا حولنا أم نعيش في عنبر ؟!!..

هل ندرك إلى أين تجري ينا سفن المستقبل ؟!!..
إلى الحرية المجهول ثمنها !
إلى الثورة المحتوم غرقها !

علينا أن نعي إلى أين ...

إلى جزر الأمل وجهتنا
حيث سنغرز جذورنا في تربتها
لتجتث الخنوع من أعماقها
و تستل الشجاعة من غمدها
لتفقأ عين الجهالة من مقلتها

و لنكون كالنخلتين على ضفاف الواحة في البيداء
و نربي تحت ظلالنا الفيحاء
فلنضحي بخضرة أوراقنا ...

كما ضحى بحياته من قبلنا


:D



يا ريت تقبلو مني هي المشاركة المتواضعة كمان تحية الى احرار الوطن :D


ناحت حمائم الشام اليوم حزنا وكربا
على عرض شبابها المهتوك ظلما ...
امسح دموعك قاسيونولا تيأس
وهلل فرحا يا بطل ميسلون

لقد اطلقو رصاصهم من جديد
على شبابالياسمين...
سلاحهم الممنوع قلما ...
اغسل ضفافك يا بردى
واشهد علينا اننا على العهد باقون

لن تنطفأ شعلة الحرية فينا ابدا ....
وقودها دماء من سبقونا .. في هذا الدرب
وحرية شباب اقتلعو من مقاعد الدراسة
وفتيلها من لحمنا من جرحنا .. من يأسنا

لكن لن نيأس . وعد منا لام كل حر
دموعك لن تذهب مع الريح ابدا
ستحفر في الارض خندقا جديد لحر جديد
لحلم اكيد ..لعهد للحرية .. يولد من جديد

هذا الحكم سيبقى برقبتكم سيفا من نار
ايقابل الشعر بالنار!ايقابل الامل بالظلم !!
أيقابل حبك سوريتي بهذا الغدر . لا لن نيأس




الحرية لي ولهم ولكم ...... وغدا يوم جديد
Nirvana
20/07/2007, 13:36
هل نتفكر ؟؟..... هل نتذكر ؟؟........

هل نرى الدنيا حولنا أم نعيش في عنبر ؟!!..

هل ندرك إلى أين تجري ينا سفن المستقبل ؟!!..
إلى الحرية المجهول ثمنها !
إلى الثورة المحتوم غرقها !

علينا أن نعي إلى أين ...

إلى جزر الأمل وجهتنا
حيث سنغرز جذورنا في تربتها
لتجتث الخنوع من أعماقها
و تستل الشجاعة من غمدها
لتفقأ عين الجهالة من مقلتها

و لنكون كالنخلتين على ضفاف الواحة في البيداء
و نربي تحت ظلالنا الفيحاء
فلنضحي بخضرة أوراقنا ...

كما ضحى بحياته من قبلنا


:D

يسعدني مرورك وقراءة كلماتك المعبرة والجميلة .. :D
Nirvana
20/07/2007, 13:38
[كلامك متناثر فهو بلا عنوان تقول في منتصفه نحن كافرون نحن عاجزون ثم تعيد نحن ابناء العجز لتتحول بهدوء اننا الاحرار وابناء الحريه وتسال سؤال ولم تجب عنه من السابقون ومن الاحقون فاجيبك بكلمات صغيره من نحن وما نكون قلتها سابقا من نحن ولماذا خلقت وكيف اسير وما هو الطريق واين الحق وما هي العداله ولماذا خلقت وهل انا مخير او مسير ولما الظلم يسيطر ...الخ فتعلمت التوحيد لاجد الاجابه فالله خالقي (فالله خلق الجن والانس ليعبدوه)وطريقي معروف جهاد في سبيله ونشر لدينه والحريه ان تعترف انك عبد لله فتنطلق لتكون حراااااااا........اما العجز فلا نعرفه ما دام بنا روح والسابقون هم صحابه رسول الله قال تعالى والسابقون الاولون من المهاجرين والانصار والذين اتبعوهم باحسان رضي الله عنهم ورضوا عنه واعد لهم جنات تجري تحتها الانهار خالدين فيها ذلك الفوز العظيم_اما الاحقون فنحن انصار التوحيد عندما اتبعنا السابقون باحسان اما الارض فهي ارض الله ونحن من سوف يخلفها فالله بشر المؤمنيين ان يكونوا الخلفاء في الارض . اللهم انصرنا بالتوحيد وثبتنا على الحق[/color][/color][/color][/color][/color][/b][/b][/b][/b][/color][/color][/color][/b]

شكرا على مرورك ... وان كان هذا رأيك .. فلك هذا الحق ..
أما انا فرأيي ما قرأت ..
Nirvana
20/07/2007, 13:39
يا ريت تقبلو مني هي المشاركة المتواضعة كمان تحية الى احرار الوطن :D


ناحت حمائم الشام اليوم حزنا وكربا
على عرض شبابها المهتوك ظلما ...
امسح دموعك قاسيونولا تيأس
وهلل فرحا يا بطل ميسلون


لقد اطلقو رصاصهم من جديد
على شبابالياسمين...
سلاحهم الممنوع قلما ...
اغسل ضفافك يا بردى
واشهد علينا اننا على العهد باقون

لن تنطفأ شعلة الحرية فينا ابدا ....
وقودها دماء من سبقونا .. في هذا الدرب
وحرية شباب اقتلعو من مقاعد الدراسة
وفتيلها من لحمنا من جرحنا .. من يأسنا

لكن لن نيأس . وعد منا لام كل حر
دموعك لن تذهب مع الريح ابدا
ستحفر في الارض خندقا جديد لحر جديد
لحلم اكيد ..لعهد للحرية .. يولد من جديد

هذا الحكم سيبقى برقبتكم سيفا من نار
ايقابل الشعر بالنار!ايقابل الامل بالظلم !!
أيقابل حبك سوريتي بهذا الغدر . لا لن نيأس


الحرية لي ولهم ولكم ...... وغدا يوم جديد







شكرا لمرورك وكلماتك الجميلة .. :D
الحرية للجميع
علي خالد
20/07/2007, 23:39
[quote=brave heart2;666021]
يعني والله كنت مستمتع بالموضوع لشفت رد حضرتك .... يعني لو بلا رأيك اذا بتحتفظ في احسن

اذا كنت من النوع الذي لا يقرأ الا الشيئ الذي يعجبه فسوف تبقى جاهل واذا كنت لا تقبل النقد فذلك غرور فيك يصعب اصلاحه واذا كنت تعتقد ان كل ما تكتب جميل فانصحك ان تكتب رسائل وتحتفظ بها لنفسك واقول رحم الله من اظهر لي عيوبي لاصلح نفسي وارجو ان تكون لديك روح رياضيه وتسمع لمن ينتقدك _مثل مصري يا بخت الي بكاني وبكى علي والي ما ضحكني وضحك علي:deal:_لا تزعل حالك كثير
أبو السييم العظيم
21/07/2007, 05:20
يا ريت تقبلو مني هي المشاركة المتواضعة كمان تحية الى احرار الوطن :D


ناحت حمائم الشام اليوم حزنا وكربا
على عرض شبابها المهتوك ظلما ...
امسح دموعك قاسيونولا تيأس
وهلل فرحا يا بطل ميسلون

لقد اطلقو رصاصهم من جديد
على شبابالياسمين...
سلاحهم الممنوع قلما ...
اغسل ضفافك يا بردى
واشهد علينا اننا على العهد باقون

لن تنطفأ شعلة الحرية فينا ابدا ....
وقودها دماء من سبقونا .. في هذا الدرب
وحرية شباب اقتلعو من مقاعد الدراسة
وفتيلها من لحمنا من جرحنا .. من يأسنا

لكن لن نيأس . وعد منا لام كل حر
دموعك لن تذهب مع الريح ابدا
ستحفر في الارض خندقا جديد لحر جديد
لحلم اكيد ..لعهد للحرية .. يولد من جديد

هذا الحكم سيبقى برقبتكم سيفا من نار
ايقابل الشعر بالنار!ايقابل الامل بالظلم !!
أيقابل حبك سوريتي بهذا الغدر . لا لن نيأس




الحرية لي ولهم ولكم ...... وغدا يوم جديد








يا عيني عليك شو كل هاد الإحساس و هي التعابير ....:o

قدرت إنك تعبر عن كتيير إشياء بسطور قليلة و وصفك كان وصف مؤثر جداً و أنا بصراحة كتيير تأثرت بحزنك على قاسيون و شباب الياسمين يللي بعتقد إنهون نحنا :cry:

ياريت دائما ما تحرمنا من إبداعاتك

:D
brave heart2
21/07/2007, 11:06
يا عيني عليك شو كل هاد الإحساس و هي التعابير ....:o

قدرت إنك تعبر عن كتيير إشياء بسطور قليلة و وصفك كان وصف مؤثر جداً و أنا بصراحة كتيير تأثرت بحزنك على قاسيون و شباب الياسمين يللي بعتقد إنهون نحنا :cry:

ياريت دائما ما تحرمنا من إبداعاتك

:D

على راسي يا ابو السيم العظيم .......... اي شباب الياسمين ... يلي سبقونا ونحن كمان وكل حر بهالبلد عم يدفع او دفع ثمن حبو لوطنو ....

على راسي يا ابو السيم والله .... واحلى رفيق ...:D:D
eng.munther
23/07/2007, 12:18
كاسك يا وطن . .

الظاهر هذي المسرحية راح تبقى تنطبق على واقعنا البارحو واليوم وبكرة . .

مشكورة نيرفانا
la vie défficile
24/07/2007, 00:02
والله شئ جميل ولمساتك سقطت على الحقيقة المؤلمة:cry:
Nirvana
24/07/2007, 09:49
كاسك يا وطن . .

الظاهر هذي المسرحية راح تبقى تنطبق على واقعنا البارحو واليوم وبكرة . .

مشكورة نيرفانا

كاسك يا وطن ..

شكرا لك :D
Nirvana
24/07/2007, 09:55
والله شئ جميل ولمساتك سقطت على الحقيقة المؤلمة:cry:

شكرا لك:D .. أعتقد أن هذه الحقيقة ستستمر لوقت طويل:pos:.
brave heart2
24/07/2007, 10:59
شكرا لك:D .. أعتقد أن هذه الحقيقة ستستمر لوقت طويل:pos:.


هي الحقيقة رح تضل لاجل غير مسمى الا اذا نحنا تحركنا ......


بس رح نتكلف كتير ويمكن بلا فايدة بس شرف التجربة يكفي
Nirvana
25/07/2007, 09:41
هي الحقيقة رح تضل لاجل غير مسمى الا اذا نحنا تحركنا ......


بس رح نتكلف كتير ويمكن بلا فايدة بس شرف التجربة يكفي

لا حياة لمن تنادي ..