الموضوع مقتبس من جريدة قاسيون العدد 313 بتاريخ 07/07/2007


وهي اللينك منعاً للإلتباس

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



إعتذار إلى البنك الدولي .. وشكر لوزير الاقتصاد والتجارة... وبشرى لشعب سورية!!..

هكذا إذاً... لقد فعلها وزير الاقتصاد والتجارة السوري، وأعلنها سافرة لا لبس فيها ولا مجال للتأويل. أعني بها السياسة الاقتصادية الليبرالية (الاقتصاد الحر) التي طالما حاول بعض أفراد الفريق الاقتصادي في الحكومة أن يؤجل الإعلان عنها أو يتحاشى الحديث (علناً) حولها.
لقد كان وزير الاقتصاد والتجارة الدكتور عامر لطفي صريحاً عندما تولى الوزارة، إذ أعلن مراراً أن سياسته هي اقتصاد السوق. لكنه اضطر بعد قرار القيادة السياسية بالتوجه نحو (اقتصاد السوق الاجتماعي) أن يستخدم هذا التعبير في الوقت الذي يعلن صراحة أن (تحرير التجارة الخارجية هو قاطرة النمو) مستفيداً من التباس المصطلح وحداثته بالنسبة لسورية من جهة، وضعف الثقافة الاقتصادية من جهة ثانية. والمعروف أن تحرير التجارة هو أحد الأركان الرئيسية لليبرالية الاقتصادية الجديدة، التي تمثل جوهر سياسة البنك الدولي (وهو أحد أطراف إجماع أو توافق واشنطن). وبينما حاولت الإدارات الاقتصادية المتعاقبة، منذ منتصف الثمانينات، نفي أية علاقة لسياستها الاقتصادية بالبرنامج المعلن عنه للبنك الدولي وصندوق البنك الدولي (وإجماع واشنطن) الذي جمع هاتين المؤسستين الدوليتين مع حكومة الولايات المتحدة، نقول بينما حاولت هذه الإدارات نفي أية علاقة بين سياساتها (الانفتاحية)، وبرنامج الإصلاح والتكييف الهيكلي لإجماع واشنطن، فإن وزير الاقتصاد يقوم الآن بدور (المعرف) لهذا البرنامج وللبنك الدولي بالتحديد، فلأول مرة بتاريخ سورية، تعقد في دمشق ورشة عمل رسمية، يتم فيها الإعلان بأن علاقة (الحكومة) مع البنك الدولي تأخذ «خطاً تصاعدياً وإيجابياً» ويقوم وزير الاقتصاد والتجارة بالتعاون مع بعض أركان البنك من خلال هذه الورشة بتعريف الجمهور السوري بأفكار البنك الدولي وسياساته في محاولة «لتوضيح أهمية تطوير العلاقات مع البنك الدولي» شارحاً وموضحاً، خاصة (لأولئك الذين لا يعلمون تماماً الآلية المؤسساتية التي تعمل وفقها هذه المؤسسة) موضحاً لهؤلاء (الجهلة) الذين ترسخت لديهم مفاهيم قديمة (خشبية) عن لا إنسانية سياسة البنك الدولي، وعما يقدمه من (مساعدات وقروض مشروطة بسياسات معينة قد لا تصب في المصلحة الوطنية).

يا لجهلنا، ويا حسرتنا على الأيام والسنين التي انقضت دون أن نتعرف على ما يعرفه السيد وزير الاقتصاد عن هذه المؤسسة الدولية، كم ظلمناها، وكم كنا (أغبياء) حين اعتقدنا أنها تعمل لغير مصلحتنا الوطنية، فأضعنا الفرص العديدة في الأعوام السابقة دون أن نستطيع استيعاب تلك الغايات النبيلة التي يعمل من أجلها البنك الدولي، ومعه صندوق النقد الدولي، وفوقهما حكومة الولايات المتحدة ممثلة بالمدير العام الذي (الذي توافقت الدول الكبرى أن يكون أمريكياً) ولطالما وعدت الولايات المتحدة شعوب العالم بالازدهار والنمو الاقتصادي في مقابل شرط (بسيط)، هو أن تفتح أسواقها وترفع (وتطبق) شعار حرية التجارة، وتفتح عقلها وفكرها على القيم الأميركية، وتدع طرقاتها وسمائءها (مسرحاً) لأضواء إعلانات الكوكاكولا والماكدونالد، وغيرها من عناوين الحياة الأمريكية، فتعيش حياة التقدم والرفاه الموعود.
أخيراً.... كشف السيد وزير الاقتصاد والتجارة عن حقيقة السياسة الاقتصادية الليبرالية الجديدة، التي يتبناها بعض أعضاء الفريق الاقتصادي في حكومتنا العتيدة.
لم يعد هناك أي محذور من هذا الإعلان، واختفى التستر وراء الكلمات الغامضة أو المثيرة للالتباس مثل (اقتصاد السوق الاجتماعي)، إنها الحقيقة التي على الشعب أن يستوعبها أو يتعايش معها، حقيقة أننا نسير بهدي نصائح وتوجهات البنك الدولي وإجماع واشنطن، فهي (السبيل) إلى التقدم والالتحاق بالاقتصاد العالمي المعولم، وتلقي الثناء والرضا من عمالقة ومؤسسات العولمة.
أما أفكارنا السابقة عن البنك الدولي وتوصياته، فهي من نسج خيال (الموتورين) وأصحاب الآراء الخشبية. فهؤلاء من كانوا يروجون للأفكار الخبيثة ضد البنك الدولي وسياساته التي لا تستهدف إلا سعادة البشرية، فأوهمونا بأن أسباب الخراب والجوع والاضطرابات الاجتماعية والاختلالات الاقتصادية في العالم، هي الرضوخ لسياسات ووصفات (إجماع واشنطن)، وأن إخفاقات التنمية تعود لسياسات الليبرالية الاقتصادية الجديدة.
كيف صدقنا ذلك؟ كيف صدقنا عبد الناصر عندما قال: إن البنك الدولي رفض تمويل إقامة السد العالي إلا إذا (رضخ) لمطالب وشروط الولايات المتحدة؟ كيف صدقنا أن برامج الإصلاح والتكييف الهيكلي هي من سبب المجاعات والأمراض في أفريقيا؟ كيف صدقنا أن توصيات البنك الدولي هي التي أدت إلى التأزم وعدم الاستقرار في العالم؟ كيف صدقنا أن الاضطرابات الاجتماعية في أميركا اللاتينية وجنوب وشرق آسيا كان سببها (الروشتة) التي كانت تفرض من البنك والصندوق الدوليين؟ لماذا هذا التجني على هاتين المؤسستين الدوليتين المحترمتين؟ ومن قال إنهما تعملان بوحي الولايات المتحدة وتخضعان لسياساتها وتروجان لأفكارها؟
منذ عامين تولى «وولفوفيتز» رئاسة البنك الدولي، وأعلن أنه سيعمل على إزالة المفاهيم الخاطئة حول البنك الدولي، وأنه سيسعى إلى تصحيح الأفكار المنتشرة حوله. وورشة العمل التي شهدتها دمشق مؤخراً تأتي في هذا السياق. وحتى وإن كان (وولفوفيتز) قد غادر البنك بسبب الفساد (وهو أحد مهندسي الحرب على العراق)، وهو كان سيقول لنا (وهكذا سيقول خلفه الأميركي) إن احتلال العراق وتدميره وتفتيته هو إحدى ثمار (العولمة) بعد عسكرتها على يد الجيش الأميركي المسالم، والهدف السامي لذلك هو إقامة (نموذج ديمقراطي) مشابه للديمقراطية الإسرائيلية، قابل للتعميم على جميع دول المنطقة.
وبعد أن وقفنا على حقيقة الأهداف (السامية) للبنك الدولي، وما يقدمه من (مساعدات) ومعونات قيمة من خلال الورشة التي أقامها وزير الاقتصاد، وبعد أن توضحت لنا تلك الأهداف، ليس لنا سوى أن نتقدم (بالاعتذار) من البنك الدولي عن أفكارنا (الخاطئة) حوله، وحول أهدافه وسياساته وارتباطاته بسياسات وأفكار الولايات المتحدة ومشاريعها في السيطرة على العالم.
وبهذه المناسبة، ليس لنا إلا أن نتقدم من السيد وزير الاقتصاد والتجارة الدكتور عامر لطفي بالشكر الجزيل على تعريفنا بتلك الحقائق عن البنك الدولي، وعلى سعيه الحثيث بالترويج لهذه المؤسسة الدولية الهامة التي تعمل لخير البشرية وسعادة البشر.
وإذا كان من غير المعقول، أن يخطر ببالنا أن يقوم وزير الاقتصاد بهذا المجهود ويتحمل عبء التعريف بالبنك الدولي والترويج لسياساته لوحده، وأنه لا بد أن يكون قد (استأذن) مرجعه الرسمي في ذلك، إلا أننا نحصر الشكر به، لأنه الوحيد الذي يعرف حقيقة البنك الدولي وسياساته باعتباره الأكاديمي الاقتصادي المحترف، الذي (اكتشف) الخصال والمناقب التي يتحلى بها البنك، ووقف على أهمية المساعدات التي يقدمها لشعوب العالم التي لم تقف بعد على الحقيقة.
والشكر أيضاً إلى وزير الاقتصاد لأنه يسارع الآن إلى (الحج) والناس راجعة، ليجد لكوادر البنك عملاً جديداً يليق بها وبتاريخ البنك، بعد أن أصبحت تشكو من قلة العمل، بعد أن أحجمت معظم بلدان العالم عن طلب (معونة) البنك واتهمته (زوراً وبهتاناً) بأنه ضد الشعوب. فها هي روسيا تتوقف عن الاستفادة من مواهب البنك ومؤهلاته، كما فعلت قبلها دولاً عديدة في أميركا اللاتينية وجنوب وشرق آسيا، وهاهي الولايات المتحدة نفسها تتمسك بالإنفاق على الشأن الاجتماعي وتتمسك بالسياسات الحمائية، وها هي فنزويلا تنسحب من البنك الدولي ومن الصندوق فتشجع غيرها من البلدان (الملسوعة) من سياسات هاتين المؤسستين الدوليتين (الوديعتين).
لكن المدير الإقليمي للبنك الدولي في الشرق الأوسط وشمال أفريقيا السيد جوزيف سابا الذي حضر ورشة العمل إلى جانب السيد الوزير، أصبح مشغولاً جداً، بعد أن انهالت عليه أسئلة المسؤولين السوريين طالبة مشورته ونصائحه (كما جاء في المقال الذي نشرته النيوزويك في 15-5-2007) حيث نقل عنه كاتب المقال (ستيفين غلين) قوله: «إن عدداً من المسؤولين الكبار التواقين لتحديث الاقتصاد وإصلاحه يتزايد (في سورية). إنهم يسعون للحصول على (أفضل) نصائح دولية يستطيعون تحصيلها، بما في ذلك مشورة البنك الدولي وتطبيقها على الوضع السوري».
وهذا ما يفسر (عقد الورشة) الذي نحن بصدده، وما يؤكد حقيقة توجهات السياسة الاقتصادية للفريق الاقتصادي الحكومي، الذي أصبح يستمتع بالثناء والمديح الذي يأتيه من مسؤولي البنك الدولي وصندوق النقد الدولي (والغواني يغرهن الثناء) فنراه يختال «بفخر ليبرالي» منتشياً بهذا الثناء والمديح، كما يقول كاتب مقال النيوز ويك المشار إليه.
وإذا كنا نقدم هذا (الاعتذار) للبنك بعد أن وقفنا على (حقيقته)، وإذا كنا نتقدم (بالشكر) إلى السيد وزير الاقتصاد والذي يعود إليه فضل كشف هذه الحقيقة، فإننا (نغبط) شعبنا على ما سيلقاه من سعادة ورفاه بعد أن تستكمل السياسات الاقتصادية الليبرالية المطبقة حتى الآن، التي لم يبق منها سوى بندين أساسين لنصل إلى (حكومة الحد الأدنى) المطلوبة من إجماع واشنطن وصولاً إلى الدولة الهشة الضعيفة (وهذا ما تريده الولايات المتحدة)، وهذان البندان نقصد بهما (إزالة الدعم «خاصة عن المشتقات النفطية» والخصخصة).
ونبشر شعب سورية، بأن الفريق الاقتصادي جاد بهذا الشأن، ومشروع زيادة أسعار المازوت والبنزين أصبح جاهزاً، ما لم توقفه القيادة السياسية، كما فعلت مراراً قبل الآن.
أما الخصخصة فلها حديث آخر....

* د. منيـر الحمش

شو يا شباب؟ بلاقي ما حدا رد...

أكيد ما حدا رح يرد... حدا فاضي يقرا مقالة؟؟؟

لك أخ

شو بدو الواحد يحكي ..
يا سلام على لطف أمريكا .. يا عيني على بنك الزفت الدولي .. ويا روحي على الخصخصة ويا قلبي على رفع الدعم ..
بكرة بتصيرو متلنا .. كلنا على هالطريق ..
ليش سوريا رح تقدر تنفد من هالورطة !!!
افرحو .. ان غدا لناظره قريب .
:pos:

ونسيت شغلة كمان .. مع اني ما بفهم بالمرة بالاقتصاد ..
بس قد يكون في بعض الأمور الجيدة في الاقتصاد الحر بس نحنا مو مهيئين الو نهائيا ..
لكني بفضل الكل يعيشو مرتاحين على انو جزء من الشعب ينعم بالثراء الفاحش والجزء الآخر والأكبر ينتعس بالفقر الفاحش ... لانو في دولنا هاد هوي الاقتصاد الحر .. طبعا غير المديونية وتحكم البنك الدولي فيك بقيادة امريكا .. والارقام الهائلة اللي بميزانيتك الي ما بتعرف وين راحو !!!
يعني .. بتقدر تتخيل هالشي معي !!!

وطريقك مسدود مسدود .. يا ولدي !

وتفتح عقلها وفكرها على القيم الأميركية، وتدع طرقاتها وسمائءها (مسرحاً) لأضواء إعلانات الكوكاكولا والماكدونالد، وغيرها من عناوين الحياة الأمريكية، فتعيش حياة التقدم والرفاه الموعود.
حكينا كتير ...... طلع على لسانا شعر ..... الشعب بدو الحرية بحسب ما فهمتوا ياها هوليود
زمرنا كتير ....... انبح صوتنا .............بدون يسمعوا موسيقى الراب
طبلنا كتير ...... تكسرت ايدينا....... بدون الدرامز الاميركي
رقصنا كتير ...... تخلوعنا ....... بدون البريك دانس

نحنا سنافر ........ وشرشبيل اميركي قادم :jakoush:
يمكن هي يفهموها ؟؟؟؟
عل وعسى

حكينا كتير ...... طلع على لسانا شعر ..... الشعب بدو الحرية بحسب ما فهمتوا ياها هوليود
زمرنا كتير ....... انبح صوتنا .............بدون يسمعوا موسيقى الراب
طبلنا كتير ...... تكسرت ايدينا....... بدون الدرامز الاميركي
رقصنا كتير ...... تخلوعنا ....... بدون البريك دانس

نحنا سنافر ........ وشرشبيل اميركي قادم :jakoush:
يمكن هي يفهموها ؟؟؟؟
عل وعسى

عجبني التشبيه اللي بردك كتير ..


ما بعرف ليش نحنا عطول منقلل من قدر أنفسنا .. هل نحنا قاصرين وعاجزين عن انو نعمل اقتصاد مناسب لوضع دولنا وبيخدم مصلحتنا ؟ يمكن لانو مصلحة امريكا هي ذاتها مصلحة الرؤوس الكبيرة في دولنا .. تسكيت الشعب واستغلاله ... متل امريكا تسكيت الدول واستغلالها ..

وهل نحنا مجانين وأغبياء لحتى ما نفهم شو بدو يعمل فينا بنك الزفت الدولي وأمريكا مع انو 3/4 العالم عم بعاني منهم .. ونحنا عارفين هالشي ؟ كمان نحنا عاجزين نعترض على اشياء أقوى وأوسخ من هيك .. بدنا نعترض على اقتصاد الدولة ..

:sly:

شو يا شباب؟ بلاقي ما حدا رد...

اي بنختبر اعصابك :p
أكيد ما حدا رح يرد... حدا فاضي يقرا مقالة؟؟؟

لك أخ
انا عن نفسي قريتها مرتين من كم يوم (مارح تعرف كم واحد قراها بس تقدر تعرف كم واحد رد )

قبل ما ندخل بالموضوع بدي اعترف بسر خطير :o
انا لا بحب الاشتراكيه في مجملها ولا مؤمن انها تقدر تقدم شعوب وأمم
لانها ضد التطور والتقدم والابتكار والطموح والحريه .
ندخل عالنقطه الجوهريه اللي مزعلاني :pos:
ربط الاقتصاد الحر بالبنك الدولي وسياساته (انا شايف انو هدفو استغلال الاغراض الدنيئه والاستعماريه والتسلطيه والتحكميه اللي معروف بها البنك الدولي وصندوق النقد من زمان )
لكن الامر المهم انو يجب عدم ربط تحرير الاقتصاد بالبنك الدولي باي صوره ,
ادم سميث على سبيل المثال (ابو الاقتصاد كما معروف عنه بادبيات علم الاقتصاد) أول من نادى بالتخصص وأكد على اهمية التجاره الدوليه بين الدول والشعوب بكتابه الشهير ثروة الامم , لو اتى شخص او منظمه لها اهداف دنيئه او استعماريه وخرج النا بمجموعه من المبادئ من بينها التخصص يبقى ما نتهم التخصص لانو مالو علاقه بالاستعماريه ولكن المنظمه هي اللي الها العلاقه :D
وعليه قياسا بالنسبه لتحرير الاقتصاد وارتباطه بالبنك الدولي فلا دخل له بسياسات البنك الاستعماريه والتحكميه.

طيب بدي اوضح للقراء شو هي انواع النظم الاقتصاديه
هي ثلاثة انواع :-
اولا النظام الراسمالي (اقتصاد السوق الحر)
ثانيا الاشتراكي
ثالثا المختلط

انا رح القي بعض الضوء على نظام السوق الحر

في ظل هذا النظام يتم السماح لكل فرد من أفراد المجتمع أن يجري وراء مصلحته الخاصة في محاولة منه للحصول على أكبر دخل ممكن , بمعنى أن الفرد في النظام الرأسمالي حر في اختيار نوع النشاط الذي يمارسه وحر في اختيار ما يستثمره وما يستهلكه , وتؤمن الرأسمالية بأن ملكية الأفراد لوسائل الإنتاج هي أكبر حافز على بذل أقصى جهد في سبيل إنتاج الثروة التي تنعكس آثارها على كل أفراد المجتمع .

من الاخر وبلا كتر حكي تعني الديموقراطيه والحريه الكامله في الاقتصاد .

وفي مجموعة مميزات للنظام الرأسمالي منها
* عدم تدخل الحكومه في البيع والشراء او تحديد الكميات او انواع السلع وما الى اخره
* عدم تدخل الحكومه في الاسعار
* حرية الفرد في تقرير السلع التي يرغب في شرائها وكميتها وانواعها والوقت الذي يرغب في اقتناء السلعه فيه .
*حماية الملكيه الخاصه للافراد
*المنافسه الحره وحرية الانتاج , حيث يستطيع اي فرد انتاج اي سلعه (طالما كانت قانونيه) ويستطيع اي شخص منافسته في انتاجها طالما ليست ابتكارا خاصا وذلك يعني عدم تحكم جهه واحده بالمنتج فهي تمنع الاحتكار وكلنا يعلم مساوئ الاحتكار ..


في النهايه انا ما بختلف مع كاتب المقال في ان البنك الدولي له اهداف خاصه ويخدم الولايات المتحده ويحقق اهدافها ,بل ان معظم الحكومات التي استمعت الى نصائح البنك الدولي للحصول على قروضه ومنحه قد تعرض اقتصادها لضربات موجعه وبعضها قاصمه ولنا امثله على انهيار اسعار العملات بدوله مثل السودان وكثير من الدول
ولكن هذا لغباء مسئوليها اللذين لا يعلمون عن الاقتصاد غير اسمه والاداره غير اسمها . تعويم العمله يرتبط باقتصاد قوي قادر على حماية سعر العمله اما غير ذلك فيعني انهيار سعرها .
ولكن ما اختلف فيه هو اتهام الاقتصاد الحر بانه شريك البنك الدولي .
في النهايه شكرا كهربجي:D

ونسيت شغلة كمان .. مع اني ما بفهم بالمرة بالاقتصاد ..
بس قد يكون في بعض الأمور الجيدة في الاقتصاد الحر بس نحنا مو مهيئين الو نهائيا ..
بختلف معكِ مرتين
مرة بانو الاقتصاد الحر فيه بعض الامور الجيده ,
لانو الواقع انو في الكثير من الامور الجيده اوردت اهمها بردي السابق .
مرة تانيه , لما قلتي إنو نحنا مو مهيئين الو نهائيا
هاد رد ما بيطعم (الدول تقدمت لانو تحرر فكرها الاقتصادي )صحيح نحنا مو واخدين عالحريه باي شيء سواء سياسي او اقتصادي او فني او اجتماعي ,بس هاد ما بيعني انو نرفض التغيير الايجابي يعني اذا هلق مو مهيئين
نقدر نهيئ من حالنا مو شرط اليوم او بكره او بعد سنه , ممكن نعمل خطه في خلال 20 سنه بس المهم نتقدم للامام ومشوار الالف ميل بيبدأ بخطوه
لكني بفضل الكل يعيشو مرتاحين على انو جزء من الشعب ينعم بالثراء الفاحش والجزء الآخر والأكبر ينتعس بالفقر الفاحش ... لانو في دولنا هاد هوي الاقتصاد الحر ..
وين كان الكل مرتاحين وتحت اي نظام معجز؟؟؟!!!!!!!:?
وبالنسبه للاقتصاد الحر
هاي مو حرية اقتصاد هاي سرقه ونهب
والاقتصاد الحر بريئ منها وارجعي لما كتبته عن الاقتصاد الحر مشان تكوني فكره عنو :D

طبعا غير المديونية وتحكم البنك الدولي فيك بقيادة امريكا .. والارقام الهائلة اللي بميزانيتك الي ما بتعرف وين راحو !!!
يعني .. بتقدر تتخيل هالشي معي !!!
وطريقك مسدود مسدود .. يا ولدي !
متفقين على سياسات البنك الدولي وامريكا
بس ممكن نطبق الاقتصاد الحر من دون التعامل مع البنك الدولي وامريكا او وضع رقابنا تحت مقصلة امريكا وبنكها الدولي (اصبح بنكها فعليا الواحد مستحي يقول:oops:) بوش بيعين رئيس البنك عكيفو حتى لو ما بيفهم بالاقتصاد :lol:

انا رح القي بعض الضوء على نظام السوق الحر يلا كلنا سمع

في ظل هذا النظام يتم السماح لكل فرد من أفراد المجتمع أن يجري وراء مصلحته الخاصة في محاولة منه للحصول على أكبر دخل ممكن , بمعنى أن الفرد في النظام الرأسمالي حر في اختيار نوع النشاط الذي يمارسه وحر في اختيار ما يستثمره وما يستهلكه , وتؤمن الرأسمالية بأن ملكية الأفراد لوسائل الإنتاج هي أكبر حافز على بذل أقصى جهد في سبيل إنتاج الثروة التي تنعكس آثارها على كل أفراد المجتمع .
مزبوط بس الاقتصاد الحر في دولنا رح يتحول لاقتصاد مر .. لازم تنضيف اقتصاد البلد أولا وبعدين بنفكر باقتصاد حر ..

من الاخر وبلا كتر حكي تعني الديموقراطيه والحريه الكامله في الاقتصاد . وهاد بيعني استغلال أصحاب المال والسلطة لهالشي وبالتالي خراب أكتر للناس ذوي الدخل المتوسط والمتدني ..

وفي مجموعة مميزات للنظام الرأسمالي منها
* عدم تدخل الحكومه في البيع والشراء او تحديد الكميات او انواع السلع وما الى اخره بوافقك بس هالنقطة ممكن استغلالها بشكل شنيع خصوصا في دول ذات نسبة فساد عالية متل دولنا ومع طمع التجار رح تتحول كمان لمصيبة لهالشعب .
* عدم تدخل الحكومه في الاسعار مصيبة للشعب المسكين .. يعني مع تدخل الحكومة والوضع بحزن كيف بدون تدخل.
* حرية الفرد في تقرير السلع التي يرغب في شرائها وكميتها وانواعها والوقت الذي يرغب في اقتناء السلعه فيه . بوافقك عليها
*حماية الملكيه الخاصه للافراد بوافقك عليها
*المنافسه الحره وحرية الانتاج , حيث يستطيع اي فرد انتاج اي سلعه (طالما كانت قانونيه) ويستطيع اي شخص منافسته في انتاجها طالما ليست ابتكارا خاصا وذلك يعني عدم تحكم جهه واحده بالمنتج فهي تمنع الاحتكار وكلنا يعلم مساوئ الاحتكار .. بوافقك عليها


في النهايه انا ما بختلف مع كاتب المقال في ان البنك الدولي له اهداف خاصه ويخدم الولايات المتحده ويحقق اهدافها ,بل ان معظم الحكومات التي استمعت الى نصائح البنك الدولي للحصول على قروضه ومنحه قد تعرض اقتصادها لضربات موجعه وبعضها قاصمه ولنا امثله على انهيار اسعار العملات بدوله مثل السودان وكثير من الدول
ولكن هذا لغباء مسئوليها اللذين لا يعلمون عن الاقتصاد غير اسمه والاداره غير اسمها . تعويم العمله يرتبط باقتصاد قوي قادر على حماية سعر العمله اما غير ذلك فيعني انهيار سعرها .
اذا نحنا بحاجة لاقتصاد قوي أولا .. على الأقل اقتصاد مستقر مو على كف عفريت .
ولكن ما اختلف فيه هو اتهام الاقتصاد الحر بانه شريك البنك الدولي . انا ما قلت هيك
في النهايه شكرا كهربجي:Dايه شكرا كهربجي :pos::D

وشكرا محمد للتوضيح :D

بختلف معكِ مرتين
مرة بانو الاقتصاد الحر فيه بعض الامور الجيده ,
لانو الواقع انو في الكثير من الامور الجيده اوردت اهمها بردي السابق .
مرة تانيه , لما قلتي إنو نحنا مو مهيئين الو نهائيا
هاد رد ما بيطعم (الدول تقدمت لانو تحرر فكرها الاقتصادي )صحيح نحنا مو واخدين عالحريه باي شيء سواء سياسي او اقتصادي او فني او اجتماعي ,بس هاد ما بيعني انو نرفض التغيير الايجابي يعني اذا هلق مو مهيئين
نقدر نهيئ من حالنا مو شرط اليوم او بكره او بعد سنه , ممكن نعمل خطه في خلال 20 سنه بس المهم نتقدم للامام ومشوار الالف ميل بيبدأ بخطوه ايه خلينا نبلش بهالخطوة .. نحنا لساتنا عم نحبي حبي..

وين كان الكل مرتاحين وتحت اي نظام معجز؟؟؟!!!!!!!:? انا ما بقول انو نحنا مرتاحين بس احسن من اقتصاد حر ممكن يكون ضربة قاضية للشعب
وبالنسبه للاقتصاد الحر
هاي مو حرية اقتصاد هاي سرقه ونهب والاقتصاد الحر بفتح منافد كتيرة وواسعة للنهب والسرقة
والاقتصاد الحر بريئ منها وارجعي لما كتبته عن الاقتصاد الحر مشان تكوني فكره عنو :D
بتشكرك فعلا قرأت واستفدت .. لاني ما بفهم بالاقتصاد بالمرة ولا بحبو أساسا.


متفقين على سياسات البنك الدولي وامريكا متفقين :deal:
بس ممكن نطبق الاقتصاد الحر من دون التعامل مع البنك الدولي وامريكا او وضع رقابنا تحت مقصلة امريكا وبنكها الدولي (اصبح بنكها فعليا الواحد مستحي يقول:oops:) بوش بيعين رئيس البنك عكيفو حتى لو ما بيفهم بالاقتصاد :lol:

اذا وصلنا لمرحلة ما ينظلم فيها حدا نتيجة للاقتصاد الحر .. فليش لأ .. :D

نيرفانا كيفك :D
حسب ما فهمت منك انو بدك ضمان على تطبيق الاقتصاد الحر بدون ما يحصل سرقه او نهب او ضربات قاضيه
وبتقولي كيف والحكومه بتدخل وحاصل مشاكل طيب اذا الحكومه ما اتدخلت شو رح يحصل!!!


هو اصلا للحكومه مهمه اساسيه وجوهريه فهالنظام الحر ,
هو وضع القوانين واللوائح المنظمه للاقتصاد بالاضافه الى مراقبة هذا الاقتصاد ومتابعة اداء الشركات ,
يعني العمليه رح تكون محكومه مو عشوائيه (يعني اطمنى) التجار مارح يعملو اللي عايزينو بالشعب .

نيرفانا كيفك :D
حسب ما فهمت منك انو بدك ضمان على تطبيق الاقتصاد الحر بدون ما يحصل سرقه او نهب او ضربات قاضيه
وبتقولي كيف والحكومه بتدخل وحاصل مشاكل طيب اذا الحكومه ما اتدخلت شو رح يحصل!!!


هو اصلا للحكومه مهمه اساسيه وجوهريه فهالنظام الحر ,
هو وضع القوانين واللوائح المنظمه للاقتصاد بالاضافه الى مراقبة هذا الاقتصاد ومتابعة اداء الشركات ,
يعني العمليه رح تكون محكومه مو عشوائيه (يعني اطمنى) التجار مارح يعملو اللي عايزينو بالشعب .


أهلين محمد ..:D
بالزبط ..
يعني أنا الأولوية عندي للشعب واذا ما حقق الاقتصاد الحر فائدة للشعب ما بهمني طبقو ..
وأكيد الدولة رح تحط لوائح وقوانين لتنظم الاقتصاد وتابعو .. بس بضل في الاقتصاد الحر مساحة اوسع للاستغلال ..
بس اذا فعلا كان الاقتصاد الحر هوي اللي بناسبنا ولو اني لسا بشك .. فاذاً بعد ما نقوي اقتصادنا ونحط قوانين ولوائح مناسبة ونهيئ الشعب الو ممكن نفكر فيو .. لانو كمان ما تنسى مع الاقتصاد الحر بدو يصير انفتاح وبو يصير غلاء اسعار ..الخ .. وبدو يرافقو تغيرات سياسية واجتماعية ..

لقلك شغلة أبو حمبد... تطبيق أي إقتصاد يدو أساس مناسب... يعني متل مو الإشتراكية أساسها هو آليات العمل والبنى التحتية الرأسمالية فالإقتصاد (الحر) أو إقنصاد السوق هو من الأخطاء التاريخية للبشرية لأنو بيتجاهل أي أساس حقيقي وبيعتمد عالتعميم، يعني بيقول أنو الليبرالية بتجيب إنتاجية عالية بمصنع، إذاً فهي بتجيب إنتاجية عالية بالدولة وهون الخطأ الجوهري... بالتالي حتى لو كان اقتصاد السوق عم يتطبق بدولة اشتراكية فهو رح يعرض الشعب للاستغلال بشكل كبير والسبب أنو الدولة بحاجة لضوابط غير ضوابط المصتع، والدولة بتخضع لظروف غير تبعوت المصنع... عرفت عليي كيف؟ هون المشكلة النظرية واللي بتبين بشكل واسع عند التطبيق العملي...

بالإضافة لأنو اقتصاد السوق بيعتمد على سلاح ليعيش ماحدا قبلو استخدمو بها الشراسة وهو الإعلام.. تتلازم معو ماكينة إعلامية كبيرة من الصعب أنو حدا يخترقها، وهاد هو السبب اللي بيخلي نظريات مليانة تخبيص تتعمم على أنها الأساس الجديد للإقتصاد العالمي... وهات يا فقر

أهلين محمد ..:D
بالزبط ..
يعني أنا الأولوية عندي للشعب واذا ما حقق الاقتصاد الحر فائدة للشعب ما بهمني طبقو ..
وأكيد الدولة رح تحط لوائح وقوانين لتنظم الاقتصاد وتابعو .. بس بضل في الاقتصاد الحر مساحة اوسع للاستغلال ..
بس اذا فعلا كان الاقتصاد الحر هوي اللي بناسبنا ولو اني لسا بشك .. فاذاً بعد ما نقوي اقتصادنا ونحط قوانين ولوائح مناسبة ونهيئ الشعب الو ممكن نفكر فيو .. لانو كمان ما تنسى مع الاقتصاد الحر بدو يصير انفتاح وبو يصير غلاء اسعار ..الخ .. وبدو يرافقو تغيرات سياسية واجتماعية ..
انا معك بكل نقطه الا اللي لونتا بالاحمر لانو مهمة الحكومه منع الاستغلال ما مشكلة الاقتصاد الحر .

وبالباقي معك تماما يعني بكل نقطه عندك حق
لقلك شغلة أبو حمبد... تطبيق أي إقتصاد يدو أساس مناسب... يعني متل مو الإشتراكية أساسها هو آليات العمل والبنى التحتية الرأسمالية فالإقتصاد (الحر) أو إقنصاد السوق هو من الأخطاء التاريخية للبشرية لأنو بيتجاهل أي أساس حقيقي وبيعتمد عالتعميم، يعني بيقول أنو الليبرالية بتجيب إنتاجية عالية بمصنع، إذاً فهي بتجيب إنتاجية عالية بالدولة وهون الخطأ الجوهري... بالتالي حتى لو كان اقتصاد السوق عم يتطبق بدولة اشتراكية فهو رح يعرض الشعب للاستغلال بشكل كبير والسبب أنو الدولة بحاجة لضوابط غير ضوابط المصتع، والدولة بتخضع لظروف غير تبعوت المصنع... عرفت عليي كيف؟ هون المشكلة النظرية واللي بتبين بشكل واسع عند التطبيق العملي...

بالإضافة لأنو اقتصاد السوق بيعتمد على سلاح ليعيش ماحدا قبلو استخدمو بها الشراسة وهو الإعلام.. تتلازم معو ماكينة إعلامية كبيرة من الصعب أنو حدا يخترقها، وهاد هو السبب اللي بيخلي نظريات مليانة تخبيص تتعمم على أنها الأساس الجديد للإقتصاد العالمي... وهات يا فقر
عزيزي كهربجي بدي اشكرك تاني لانو هالمواضيع الها فايده عظيمه لانو بتزيد ثقافة الشعب الاقتصاديه
ونحنا كعرب بصفه عامه ثقافتنا الاقتصاديه ضعيفه جدا وغالبا منعدمه :D
يعني مليون :Dورده:D الك مو كفايه .

بالنسبه للجزء اللي لونته بالاحمر بتقصد انو مو لازم نعمم هالحكي
يعني مو شرط انو الليبراليه لما يتم تطبيقها بمصنع وتحقق انتاجيه عاليه انو نعمم هالنتيجه على الدوله ؟صح هيك؟

طيب انا رح اجاوب على اساس انو هيك
انا اصلا دارس لادارة الاعمال ودراستي للاقتصاد مو منعمقه (يعني على أد القدر اللي يمكني من تطبيق الاداره ومن قبل التطبيق ,الفهم للاداره كعلم ) انما دراستي للاداره متعمقه وجدا .
من خلال دراستي لعلم الاداره وخصوصا احد فروعه وهو التنظيم الاداري اقدر اقول انو (لو انا فهمت قصدك صح يبقى) فعلا كلامك مظبوط مليون الميه حتى لدرجة ان ظروف كل مصنع بتختلف (في نفس الصناعه) في إقتصاد السوق الحر وذا ما يفسر نجاح مصنع وسقوط اخر وفشله تحت مظلة نفس النظام الاقتصادي(السوق الحر) بس هو نفس الشيء بيحصل لمصانع الدوله (رأيي الاداري) لا يوجد حالتين متطابقين بنسبة 100% (مصنعين)

بس في نفس الوقت الاقتصاد الحر قائم على مجموعة اسس يعني موضوع التعميم هاد سيبك منو نهائيا انا شخصيا اوضحت الك تعارضي الشديد معو . وانا مو مقتنع فيه .
انا بدي اوضح شيئ تاني اهم .

انا صحيح مع الاقتصاد الحر ونظرياته المختلفه وافكاره لكن في ذات الوقت بلجأ لبعض مبادئ وافكار الاشتراكيه للالتفاف حول اوجه قصوره ,مثلا
* قطاعات الصحه والتعليم (انا بفضل ان الدوله ما تترك دورها فيه نهائيا تحت اي ظرف من الظروف) التعليم والدواء حق لكل مواطن سواء معو مصاري او ما معو .
*طبعا الشرطه والجيش بكل تاكيد مهمة الحكومه وغير قابله حتى للنقاش
* الفقراء والعجزه والغير قادرين على العمل (من سيوفر لهم احتباجاتهم في ظل الاقتصاد الحر؟؟ لابد وان تكون الدوله بكل تاكيد .

لكن بكل تاكيد الاقتصاد الحر افضل نظام يمكن ان تعتمد عليه الامم في سبيل تحقيق تقدمها
ولا اعرف لماذا يواجه وزير الاقتصاد بكل هذه المعارضه عندما يحاول ان يصحح الاوضاع الخاطئه !!!!!

انا معك بكل نقطه الا اللي لونتا بالاحمر لانو مهمة الحكومه منع الاستغلال ما مشكلة الاقتصاد الحر .

وبالباقي معك تماما يعني بكل نقطه عندك حق



مو لانو الحكومة مو متابعة .. بس لأنو كاقتصاد حر بتحكم بقدر كبير منو المستثمرين ورؤوس الأموال والتجار .. ففي مساحة كبيرة للي بدو يستغل ويلعب لأجل مصلحتو ..
بعدين متل ما قال كهربجي بترافق مع هالاقتصاد الحر الاعلام .. وشوف تاثير الاعلام عالناس وشوف شو بدهم يحطو بعقول العالم ..

يمكن ما عم اقدر اوصل فكرتي منيح .. :oops: اعذروني ..

انا معك بكل نقطه الا اللي لونتا بالاحمر لانو مهمة الحكومه منع الاستغلال ما مشكلة الاقتصاد الحر .

وبالباقي معك تماما يعني بكل نقطه عندك حق

عزيزي كهربجي بدي اشكرك تاني لانو هالمواضيع الها فايده عظيمه لانو بتزيد ثقافة الشعب الاقتصاديه
ونحنا كعرب بصفه عامه ثقافتنا الاقتصاديه ضعيفه جدا وغالبا منعدمه :D
يعني مليون :Dورده:D الك مو كفايه .

بالنسبه للجزء اللي لونته بالاحمر بتقصد انو مو لازم نعمم هالحكي
يعني مو شرط انو الليبراليه لما يتم تطبيقها بمصنع وتحقق انتاجيه عاليه انو نعمم هالنتيجه على الدوله ؟صح هيك؟

طيب انا رح اجاوب على اساس انو هيك
انا اصلا دارس لادارة الاعمال ودراستي للاقتصاد مو منعمقه (يعني على أد القدر اللي يمكني من تطبيق الاداره ومن قبل التطبيق ,الفهم للاداره كعلم ) انما دراستي للاداره متعمقه وجدا .
من خلال دراستي لعلم الاداره وخصوصا احد فروعه وهو التنظيم الاداري اقدر اقول انو (لو انا فهمت قصدك صح يبقى) فعلا كلامك مظبوط مليون الميه حتى لدرجة ان ظروف كل مصنع بتختلف (في نفس الصناعه) في إقتصاد السوق الحر وذا ما يفسر نجاح مصنع وسقوط اخر وفشله تحت مظلة نفس النظام الاقتصادي(السوق الحر) بس هو نفس الشيء بيحصل لمصانع الدوله (رأيي الاداري) لا يوجد حالتين متطابقين بنسبة 100% (مصنعين)

بس في نفس الوقت الاقتصاد الحر قائم على مجموعة اسس يعني موضوع التعميم هاد سيبك منو نهائيا انا شخصيا اوضحت الك تعارضي الشديد معو . وانا مو مقتنع فيه .
انا بدي اوضح شيئ تاني اهم .

انا صحيح مع الاقتصاد الحر ونظرياته المختلفه وافكاره لكن في ذات الوقت بلجأ لبعض مبادئ وافكار الاشتراكيه للالتفاف حول اوجه قصوره ,مثلا
* قطاعات الصحه والتعليم (انا بفضل ان الدوله ما تترك دورها فيه نهائيا تحت اي ظرف من الظروف) التعليم والدواء حق لكل مواطن سواء معو مصاري او ما معو .
*طبعا الشرطه والجيش بكل تاكيد مهمة الحكومه وغير قابله حتى للنقاش
* الفقراء والعجزه والغير قادرين على العمل (من سيوفر لهم احتباجاتهم في ظل الاقتصاد الحر؟؟ لابد وان تكون الدوله بكل تاكيد .

لكن بكل تاكيد الاقتصاد الحر افضل نظام يمكن ان تعتمد عليه الامم في سبيل تحقيق تقدمها
ولا اعرف لماذا يواجه وزير الاقتصاد بكل هذه المعارضه عندما يحاول ان يصحح الاوضاع الخاطئه !!!!!
حبيب قلبي عن جد مبسوط كتير بهاد الحوار ومعك كمان نيرفانا

في شغلة مهمة كتير, وهي أنو من أهم شروط الاقتصاد الحر (اقتصاد السوق للمرة العاشرة) انو تنطرح أسهم الحكمة بالبورص، أي ان الحكومة بتصير مؤسسة ربحية، وهيك بتبطل ممثلة حقيقية للشعب وبتصير ممثلة لحملة الأسهم، اللي ما بدها تخسرهون فبيصير بدها مصاري أكتر.. والمورد هو الضرايب، فبتعلى الضرايب بشكل غير عادل (لأنو الغني ممكن ينتقم من الضرايب بالبورصة)
بالمحصلة ما في شي عملي اسمو اقتصاد السوق الاجتماعي، الجمارك مهمة لنجيب مصاري، والتحصيل الضريبي وأرباح القطاع العام مهمة للتنمية، ولمّا بتروح هي الامتيازات الحكومية بتطلع الدكة بالشعوب..

إي شريك... اللي قصدتو أنو التعميم خطأ، بس هاد التعميم هو من أهم أساسات النيوليبرالية... عرفت كيف؟ هاد الشي بيعمل هي النظرية الإقتصادية غلط... لأنو ما بني على باطل فهو باطل...
طبعاً ما رح نناقش شو هي الليبرالية اللي أنا مع شقها الإجتماعي وضد الإقتصادي...

تحياتي:D

مو لانو الحكومة مو متابعة .. بس لأنو كاقتصاد حر بتحكم بقدر كبير منو المستثمرين ورؤوس الأموال والتجار .. ففي مساحة كبيرة للي بدو يستغل ويلعب لأجل مصلحتو ..
بعدين متل ما قال كهربجي بترافق مع هالاقتصاد الحر الاعلام .. وشوف تاثير الاعلام عالناس وشوف شو بدهم يحطو بعقول العالم ..

يمكن ما عم اقدر اوصل فكرتي منيح .. :oops: اعذروني ..
اصلا هو الكل باقتصاد السوق بيجري ورى مصلحتو هاد امر منتهي
ومهمة الحكومه انها تراقب الكل (يعني هيك الئصه )

اما عن الاعلام متل ماقال كهربجي فعلا صح
وهي من ضمن عيوب الاقتصاد الحر
بس وقت يصير الاعلام قوي والحكومه تحكم الرقابه عليه بيصير الوضع ممتاز (كلو بخدمة المجتمع) بتحقق تقدم كبير

بالمحصلة ما في شي عملي اسمو اقتصاد السوق الاجتماعي، الجمارك مهمة لنجيب مصاري، والتحصيل الضريبي وأرباح القطاع العام مهمة للتنمية، ولمّا بتروح هي الامتيازات الحكومية بتطلع الدكة بالشعوب..


ومهمة للنهب والسرقة والفساد كمان ..

بس مو موضوعنا ..

وحتى اقتصاد السوق الاجتماعي مو مطبق فعلياً .. لانو الدولة ما قدرت تضبط الاحتكار مثلا .. احتكار الاتصالات بسوريا .. واذا بتيجي للواقع صعب كتير ضبط هيك امو خصوصا مع واقع الالتفاف حول القوانين والاستثناءات والفساد المتفشي في دولنا .. بس بنحقق شغلة وحدة انو الشعب الطفران يطفر أكتر ..

ما عم اقدر افهم كيف الرأسمالية ممكن توصل للعدالة والمساواة .. ما دام اللي معو مصاري وبيدفع ضرايب أكتر هوي اللي عم يستفيد .. شو ذنب العامل أو الموظف البسيط ؟ هني مو جزء من هالمجتمع ؟

اصلا هو الكل باقتصاد السوق بيجري ورى مصلحتو هاد امر منتهي
ومهمة الحكومه انها تراقب الكل (يعني هيك الئصه )

اما عن الاعلام متل ماقال كهربجي فعلا صح
وهي من ضمن عيوب الاقتصاد الحر
بس وقت يصير الاعلام قوي والحكومه تحكم الرقابه عليه بيصير الوضع ممتاز (كلو بخدمة المجتمع) بتحقق تقدم كبير


بس لما تكون الحكومة فاسدة .. وحتى لو الحكومة مو فاسدة .. في أمور كتيرة ما بتقدر الحكومة تراقبها ..

بعدين شو نوعية المجتمع اللي حينتج عندك نتيجة للاقتصاد الحرررر .

حبيب قلبي عن جد مبسوط كتير بهاد الحوار ومعك كمان نيرفانا

في شغلة مهمة كتير, وهي أنو من أهم شروط الاقتصاد الحر (اقتصاد السوق للمرة العاشرة) انو تنطرح أسهم الحكمة بالبورص، أي ان الحكومة بتصير مؤسسة ربحية، وهيك بتبطل ممثلة حقيقية للشعب وبتصير ممثلة لحملة الأسهم، اللي ما بدها تخسرهون فبيصير بدها مصاري أكتر.. والمورد هو الضرايب، فبتعلى الضرايب بشكل غير عادل (لأنو الغني ممكن ينتقم من الضرايب بالبورصة)
بالمحصلة ما في شي عملي اسمو اقتصاد السوق الاجتماعي، الجمارك مهمة لنجيب مصاري، والتحصيل الضريبي وأرباح القطاع العام مهمة للتنمية، ولمّا بتروح هي الامتيازات الحكومية بتطلع الدكة بالشعوب..

إي شريك... اللي قصدتو أنو التعميم خطأ، بس هاد التعميم هو من أهم أساسات النيوليبرالية... عرفت كيف؟ هاد الشي بيعمل هي النظرية الإقتصادية غلط... لأنو ما بني على باطل فهو باطل...
طبعاً ما رح نناقش شو هي الليبرالية اللي أنا مع شقها الإجتماعي وضد الإقتصادي...

تحياتي:D
معلم مو هيك الوضع
انتا ما بتاخد كتاب مقدس وتطبقو كما انزل .لاء ابدا
يعني انتا رح تطبق الاقتصاد الحر وتعتبرو كأساس ومرجع بالاضافه الى بعض مبادئ الاشتراكيه (في نواحى قصور الاقتصاد الحر) وبتعمل توليفه مناسبه لبلدك (سيبك من وصفات البنك الدولي السريعه) عمرها ما نجحت والتاريخ خير شاهد .
اللي مارح يحط باعتبارو طبيعة اقتصادو وظروف بلدو مارح يقدر يطبق اقتصاد حر ويطلع معو نتيجه جيده .
انا كشخص متخصص بادارة الاعمال بشوف مثل ما اتعلمت من اساتذتي الكبار انو نظريات الاقتصاد مثاليه اكتر من اللازم وبيشوفو (اساتذة الاداره وعلماؤها) ان اي نظريه مثاليه او غير قابله للتطبيق العملي تستاهل الاهمال او عدم الاهتمام بها لذلك ما بيصير انو حد يتعلق باقتصاد حر كما انزل عاساس انو هاي هي النظريه بحذافيرها , لاء ابدا ,القصه رح اعيدا تاني
((يعني انتا رح تطبق من الاقتصاد الحر وتعتبرو كأساس ومرجع بالاضافه الى بعض مبادئ الاشتراكيه (في نواحى قصور الاقتصاد الحر) وبتعمل توليفه مناسبه لبلدك (سيبك من وصفات البنك الدولي السريعه) عمرها ما نجحت والتاريخ خير شاهد )).

* بدي اقول انو الحكومه رخ تخصص (يعني اترك فكرة انها تدير الشركات والمؤسسات من راسك) وحصيلة الخصصه مبالغ ضخمه رح تساعد الدوله كتير في التنميه , وعليه لن تكون للحكومه اسهم بالبورصه (لانها رح تبيع شركاتها ومؤسساتها) وبناءا عليه مارح تصير الحكومه مؤسسه ربحيه وما بني على باطل هو باطل .

ولما هالمؤسسات اللي رح تبيعا
وقت تحصل هالشركات على ارباح رح تستفيد الحكومه من الضرايب ولاحظ انو هاد من غير تعب او اي مصاريف عالاطلاق حتى لدرجة انو الانتاجيه رح تزيد نظرا للمنافسه وكمان المصانع والشركات تقدر تصدر وقت تكون المنافسه صارت اقوى (والحكومه رح تحصل ضرائب من هالشركات) والاسعار رح تكون منافسه يعني اقل من هلق وكلو بصالح الشعب (والحكومه توفر المصاري يللي كانت بتحا بهالشركات لاستثمارات اخرى ) وتحقيق التنميه .

بس لما تكون الحكومة فاسدة .. وحتى لو الحكومة مو فاسدة .. في أمور كتيرة ما بتقدر الحكومة تراقبها ..

بعدين شو نوعية المجتمع اللي حينتج عندك نتيجة للاقتصاد الحرررر .
لما تكون الحكومه فاسده لارح ينفع اقتصاد حر ولا اشتراكيه ولا بطيخ

وقت تكون مو فاسده بتقدر تراقب كل شيء مُخطط له أن يُراقب . وما مطلوب منها تراقب شيئ لا يمكن مراقبته

ولاحظي انو حتى بالنظام الاشتراكي مطلوب منها تراقب اوضاع السوق لانها المتحكم الوحيد فيه :wink:

يعني انتا رح تطبق الاقتصاد الحر وتعتبرو كأساس ومرجع بالاضافه الى بعض مبادئ الاشتراكيه (في نواحى قصور الاقتصاد الحر) وبتعمل توليفه مناسبه لبلدك (سيبك من وصفات البنك الدولي السريعه) عمرها ما نجحت والتاريخ خير شاهد .



يعني اقتصاد مختلط .. !

* بدي اقول انو الحكومه رخ تخصص (يعني اترك فكرة انها تدير الشركات والمؤسسات من راسك) وحصيلة الخصصه مبالغ ضخمه رح تساعد الدوله كتير في التنميه , وعليه لن تكون للحكومه اسهم بالبورصه (لانها رح تبيع شركاتها ومؤسساتها) وبناءا عليه مارح تصير الحكومه مؤسسه ربحيه وما بني على باطل هو باطل .

ولما هالمؤسسات اللي رح تبيعا
وقت تحصل هالشركات على ارباح رح تستفيد الحكومه من الضرايب ولاحظ انو هاد من غير تعب او اي مصاريف عالاطلاق حتى لدرجة انو الانتاجيه رح تزيد نظرا للمنافسه وكمان المصانع والشركات تقدر تصدر وقت تكون المنافسه صارت اقوى (والحكومه رح تحصل ضرائب من هالشركات) والاسعار رح تكون منافسه يعني اقل من هلق وكلو بصالح الشعب (والحكومه توفر المصاري يللي كانت بتحا بهالشركات لاستثمارات اخرى ) وتحقيق التنميه .

بس ما تكون الشركات اللي رح تشتري شركات اجنبية .. وما تأثر الخصخصة على الموظفين والعمال البسيطين ..

يعني اقتصاد مختلط .. !
كأني كتبت مسبه :lol:
هو بيني وبينك عمليا شبه مستحيل تنتقلي من اشتراكيه لراسماليه مباشرة
بدك محطة الاقتصاد المختلط (بس اديش رح تستمري هاد عحسب ظروف واوضاع كل اقتصاد ومجموعة تانيه من العوامل)
*بس هو انو تحطي الاقتصاد الحر كمرجع واساس بيخلي الشغله واضحه واسهل فيما بعد .
بس ما تكون الشركات اللي رح تشتري شركات اجنبية .. وما تأثر الخصخصة على الموظفين والعمال البسيطين ..
شو المانع من انو تكون الشركه اجنبيه ؟!!!
رح تشتغل وفق قانون البلد وتحت مراقبة الحكومه ورح تحقق نفس هدف الشركه المحليه واللي كان بدها الحكومه يتحقق .

بالنسبه للعمال والموظفين بتحفظ حقوقون الحكومه بعقود بيع هالشركات للمستثمرين اما بالابقاء عليهم او تعويضهم ماديا تعويض عادل وغالبا بيكون الخيار للعامل بين البقاء والتعويض المادي (غالبا بيكون مبلغ مغري)

كأني كتبت مسبه :lol: لا بس دخلنا بقصة تانية لانو :o
هو بيني وبينك عمليا شبه مستحيل تنتقلي من اشتراكيه لراسماليه مباشرة
بدك محطة الاقتصاد المختلط (بس اديش رح تستمري هاد عحسب ظروف واوضاع كل اقتصاد ومجموعة تانيه من العوامل)
*بس هو انو تحطي الاقتصاد الحر كمرجع واساس بيخلي الشغله واضحه واسهل فيما بعد .

شو المانع من انو تكون الشركه اجنبيه ؟!!!
رح تشتغل وفق قانون البلد وتحت مراقبة الحكومه ورح تحقق نفس هدف الشركه المحليه واللي كان بدها الحكومه يتحقق .

بالنسبه للعمال والموظفين بتحفظ حقوقون الحكومه بعقود بيع هالشركات للمستثمرين اما بالابقاء عليهم او تعويضهم ماديا تعويض عادل وغالبا بيكون الخيار للعامل بين البقاء والتعويض المادي (غالبا بيكون مبلغ مغري)

ما بظن التعويض المادي بيضمن لهالعامل الأمان الوظيفي وتوابعو .. (عمل + راتب مستمر + تامين صحي) ..

اما بالنسبة للشركات الأجنبية .. ليش ليربحو على حساب البلد والمصاري اللي رح يربحوها بتطلع برات البلد واي شي بدها تكسبو هالشركة الاجنبية هو مقدار ناقص من اللي ممكن تكسبو البلد .. أو ولاد البلد ..

معلم مو هيك الوضع
انتا ما بتاخد كتاب مقدس وتطبقو كما انزل .لاء ابدا
يعني انتا رح تطبق الاقتصاد الحر وتعتبرو كأساس ومرجع بالاضافه الى بعض مبادئ الاشتراكيه (في نواحى قصور الاقتصاد الحر) وبتعمل توليفه مناسبه لبلدك (سيبك من وصفات البنك الدولي السريعه) عمرها ما نجحت والتاريخ خير شاهد .
اللي مارح يحط باعتبارو طبيعة اقتصادو وظروف بلدو مارح يقدر يطبق اقتصاد حر ويطلع معو نتيجه جيده .
انا كشخص متخصص بادارة الاعمال بشوف مثل ما اتعلمت من اساتذتي الكبار انو نظريات الاقتصاد مثاليه اكتر من اللازم وبيشوفو (اساتذة الاداره وعلماؤها) ان اي نظريه مثاليه او غير قابله للتطبيق العملي تستاهل الاهمال او عدم الاهتمام بها لذلك ما بيصير انو حد يتعلق باقتصاد حر كما انزل عاساس انو هاي هي النظريه بحذافيرها , لاء ابدا ,القصه رح اعيدا تاني
((يعني انتا رح تطبق من الاقتصاد الحر وتعتبرو كأساس ومرجع بالاضافه الى بعض مبادئ الاشتراكيه (في نواحى قصور الاقتصاد الحر) وبتعمل توليفه مناسبه لبلدك (سيبك من وصفات البنك الدولي السريعه) عمرها ما نجحت والتاريخ خير شاهد )).

* بدي اقول انو الحكومه رخ تخصص (يعني اترك فكرة انها تدير الشركات والمؤسسات من راسك) وحصيلة الخصصه مبالغ ضخمه رح تساعد الدوله كتير في التنميه , وعليه لن تكون للحكومه اسهم بالبورصه (لانها رح تبيع شركاتها ومؤسساتها) وبناءا عليه مارح تصير الحكومه مؤسسه ربحيه وما بني على باطل هو باطل .

ولما هالمؤسسات اللي رح تبيعا
وقت تحصل هالشركات على ارباح رح تستفيد الحكومه من الضرايب ولاحظ انو هاد من غير تعب او اي مصاريف عالاطلاق حتى لدرجة انو الانتاجيه رح تزيد نظرا للمنافسه وكمان المصانع والشركات تقدر تصدر وقت تكون المنافسه صارت اقوى (والحكومه رح تحصل ضرائب من هالشركات) والاسعار رح تكون منافسه يعني اقل من هلق وكلو بصالح الشعب (والحكومه توفر المصاري يللي كانت بتحا بهالشركات لاستثمارات اخرى ) وتحقيق التنميه .

كيف هي شريك؟ إي شو عم تعمل سلطة؟ شوي من هون و شوي من هون، المشكلة أنو كيف بدّك تدمج بين هدول التنين بالمنطق؟ الإشتراكية أبداً مانها نظام إقتصادي مطلق، الإشتراكية هي نظام مجتمعي قبل كل شي، هي ثقافة، هي فكرة.. أبداً مو كتاب مقدس، وبتعتمد أفكار حملتها على عدم وجود ما هو مقدس ومطلق.. أما اقتصاد السوق فمن اسمو واضح معناه، هو نظام اقتصادي بحدت، خلفيتو الإجتماعية كتير بتختلف عن خلفية الاشتراكية ومبادئها، لهيك صعب كتير أنك تدمج بينهم... هاد السبب النظري، في أسباب إقتصادية كمان...


هلق هاد بيجيبنا لنقطة كتير مهمة، وهي أنو كيف اقتصاد السوق (اللي أساسو النظري مبني على الحسابات الإقتصادية على حد وعم اللي بدؤوه) ممكن يكون إقتصاد دولة، واللي هي بالمحصلة مجتمع واحد.. البشر مو أرقام، والحسابات الرياضية بتزبط بالمؤسسات، مو بالمجتمعات... يعني نمط الحياة اللي بيفترضو إقتصاد السوق هو نمط واحد، ما بيعطيك فعليّا فرصة إختيار نمط حياتك لأنك بتكون مو فاضي تعمل شي إلّا تشتغل... بيعامل البشر على أساس أنهن آلات، وهاد شي غير مقبول حتّى علميّا يا سيدي هاد قبل ما يكون مرفوض أخلاقيّاً..

أنا أصلا مو حاطط فكرة أنو تدير الحكومة الشركات براسي.. أنا ماعم قول أنو كل هي النظرية غلط.. طبعاً في إلها إيجابيات...
يعني أنو الحكومة بدل ما تكون ممثلة للشعب، يعني هي والشعب هنن أقطاب المجتمع فهي عم تسمح لقطب تالت يتدخل بشكل متساوي هو الشركات، واللي بيعمل العقد الإجتماعي ظالم لأنو الشركات ممثلة لعدد قليل من الشعب... بالتالي بيصير الإستقطاب باتجاه الشركات، يعني موازين القوى بتتغير، وبدل ما تكون علاقة الشعب-الحكومة هي العلاقة الحاكمة للمجتمع بدها تصير علاقة شركة-شركة هي الحاكمة لمجتمع للأسباب اللي ذكرنها من شوي...

سردنا على تنظير.. ما تواخذونا البضاعة غريب نوعها.. :hashish:

كيف هي شريك؟ إي شو عم تعمل سلطة؟ شوي من هون و شوي من هون، المشكلة أنو كيف بدّك تدمج بين هدول التنين بالمنطق؟ الإشتراكية أبداً مانها نظام إقتصادي مطلق، الإشتراكية هي نظام مجتمعي قبل كل شي، هي ثقافة، هي فكرة.. أبداً مو كتاب مقدس، وبتعتمد أفكار حملتها على عدم وجود ما هو مقدس ومطلق.. أما اقتصاد السوق فمن اسمو واضح معناه، هو نظام اقتصادي بحدت، خلفيتو الإجتماعية كتير بتختلف عن خلفية الاشتراكية ومبادئها، لهيك صعب كتير أنك تدمج بينهم... هاد السبب النظري، في أسباب إقتصادية كمان...

سردنا على تنظير.. ما تواخذونا البضاعة غريب نوعها.. :hashish:
بالاول قلت انو عنا 3 أنواع من الانظمه الاقتصاديه (ما كنت بمزح وقتا:o)

هالنظام السلطه هو النظام الاقتصادي التالت بس اسمو المختلط :oops:

عفكره هالسلطه موجوده باكتر من دوله :oops:منها دول عربيه متل مصر

وكمان دول اوربيه متل روسيا (هاي بيقولو عنها ليبراليه) بس ما تصدق انا رأيي وفي ادله عليه انو مو ليبراليه
هاي اقتصاد مختلط (سلطه)
بس بدي ما تاخد سلطه بالمعنى السلبي وتحكي عليه لانو مصطلحك انتا بالاول والاخير :D

يعني موازين القوى بتتغير، وبدل ما تكون علاقة الشعب-الحكومة هي العلاقة الحاكمة للمجتمع بدها تصير علاقة شركة-شركة هي الحاكمة لمجتمع للأسباب اللي ذكرنها من شوي... بس دخلت مخي هالجملة ..

سردنا على تنظير.. ما تواخذونا البضاعة غريب نوعها.. :hashish: ليكون مو عاجبك النوع:nono:

متابعة .. لشوف بالآخر وين بدها توصل .. راسمالي اشتراكي أو سلطة (مختلط) !

بالاول قلت انو عنا 3 أنواع من الانظمه الاقتصاديه (ما كنت بمزح وقتا:o)

هالنظام السلطه هو النظام الاقتصادي التالت بس اسمو المختلط :oops:

عفكره هالسلطه موجوده باكتر من دوله :oops:منها دول عربيه متل مصر

وكمان دول اوربيه متل روسيا (هاي بيقولو عنها ليبراليه) بس ما تصدق انا رأيي وفي ادله عليه انو مو ليبراليه
هاي اقتصاد مختلط (سلطه)
بس بدي ما تاخد سلطه بالمعنى السلبي وتحكي عليه لانو مصطلحك انتا بالاول والاخير :D

معلم أنا شرحتلك عالضبط ليش برأيي أنو الدمج مو ممكن فكان الرد تبعك هو أنو بمصر دمجو بينهم؟ على أي مستوى عم نحكي لأعرف... لأنو أكيد ما بدنا ندخل بنقاش عن مصر وإقتصادها.. لأنو شوف الناس كيف عايشة بالمقابر... شوف نسب الأمية والفقر والتضخم.. لك شوف التزايد السكاني.. لحالو بيكفي...
ما بعرف شو الفكرة اللي عم تحكي عنها.. أنا قصدي أنو غلط.. مو انو مستحيل الوجود... أنت ما حكيت شي لتبرهن أنو صح..

عنا بالأردن .. بظن انو الاقتصاد مختلط بس بطريقو إلى الاقتصاد الحر مع خصخصة كتير من القطاعات متل الاتصالات .. وقوانين تشجيع الاستثمار .. وغيرو ..
تحقق التنافس وتحققت أمورة كتيرة .. بس الفجوة بن طبقة الأغنياء وطبقة الفقراء كل مالها عم بتزيد .. والطبقة المتوسطة يا دوب مكفية حالها .. وين العدالة بالموضوع .. بظن انو الاقتصاد الحر عم يخدم بس اصحاب المال والسلطة.

انتو تبع البرولتاريا والاشتراكية بدي اسئللكم سؤال من واقعكم
في شركات سورية مؤممة منها الخماسية الدبس الأحذية الخ
كانت شركات ناجحة بيد أصحابها اليوم شركات مفلسة وصلت للهاوية ولسع بدكم تشدونا للوراء نحن بحاجة لابداع الفرد اللذي يوصل حتما لنجاح أمة :D


عنا بالأردن .. بظن انو الاقتصاد مختلط بس بطريقو إلى الاقتصاد الحر مع خصخصة كتير من القطاعات متل الاتصالات .. وقوانين تشجيع الاستثمار .. وغيرو ..
تحقق التنافس وتحققت أمورة كتيرة .. بس الفجوة بن طبقة الأغنياء وطبقة الفقراء كل مالها عم بتزيد .. والطبقة المتوسطة يا دوب مكفية حالها .. وين العدالة بالموضوع .. بظن انو الاقتصاد الحر عم يخدم بس اصحاب المال والسلطة.
اقتصاديات الدول العربية لاتزال ناشئة وتحتاج الكثير بعد من التطوير
نحن لانريد نظام اقتصادي اجتماعي متل امريكا فهو حتما فاشل نحن نريد نظاما اقتصاديا مثل بعض الدول الأوروبية المتطورة مع لمسة اسلامية حتى لايبدو النظام قاسيا :D

انتو تبع البرولتاريا والاشتراكية بدي اسئللكم سؤال من واقعكم
في شركات سورية مؤممة منها الخماسية الدبس الأحذية الخ
كانت شركات ناجحة بيد أصحابها اليوم شركات مفلسة وصلت للهاوية ولسع بدكم تشدونا للوراء نحن بحاجة لابداع الفرد اللذي يوصل حتما لنجاح أمة
:D

مين تبعوت البروليتاريا والاشتراكية؟ يا ريت يا معلم تكون محدد أكتر.. شلون فهمان الإشتراكية أصلاً؟؟ إذا تبع الإتحاد السوفييتي أو سوريا بتكون غلطان كتير... بس على كل حال اليسار السوري اعترض عالتأميم تبع البعث من أيام الوحدة.. اللي أمم مو هنن الإشتراكيين اللي أمم هنن المافيا يا حبيب.. يعني البعث ما قرا الماركسية متل العالم راحوا اخترعوا قصة التأميم.. وهي نفس أغلاط السوفييت... طبعاً هاد مو معناه أني أنا مؤيد للإشتراكية.. بس مشان هي الأفكار المسبقة اللي عم تتشاطر علينا فيها وهي بالأصل مو صحيحة ولا دققة.. وعبارة عن اعتراضات وحجج ناس مو عرفانة شو تحكي.. لزقوها بالإشتراكيين بعد ما لعنوا سما البلد...

لا أنا ولا غيري (حسب ما بتوقع ما بيأيّد الإبداع الفردي وبيفهم أهميتو... وهاد شي مختلف أصلاُ عن موضوع نقاشنا الأصلي..


اقتصاديات الدول العربية لاتزال ناشئة وتحتاج الكثير بعد من التطوير
نحن لانريد نظام اقتصادي اجتماعي متل امريكا فهو حتما فاشل نحن نريد نظاما اقتصاديا مثل بعض الدول الأوروبية المتطورة مع لمسة اسلامية حتى لايبدو النظام قاسيا :D


أول شي دخيل عينك شلون يعني لمسة إسلامية؟؟ ليش الإسلام بتمشي معو أصلاً بلمسة؟؟ شو هو الإقتصاد الإسلامي؟ مو على بنى اتبنّو الإسلاميين الليبرالية الإقتصادية؟ شو بقى اللمسة؟ أصلاً بحياتو ما كان في برنامج إقتصادي إسلامي بحت حتّى تجيب منّو (لمسة)
بعدين مو مهم يا معلم شو يبدو النظام.. المهم هو إذا كان قاسي أو لأ.. هون الفرق.. وهاد اللي بيعمل الفرق

خود يا محمد ابراهيم... شو ذكرك بهاد الموضوع هلق؟؟

بس بجد كانت إيام!!

خود يا محمد ابراهيم... شو ذكرك بهاد الموضوع هلق؟؟

بس بجد كانت إيام!!
يازلمة انا متذكر كل المواضيع اللي عجبتني وناقشت فيها , هالموضوع بيعجبني كتير لانو من النوع الغير متكرر (فصيلة المواضيع الاقتصادية) ما بتسنى كتير مناقشتها لانو بالاصل مابتنزل ما حد بيجيبها لهون :o

الخلاصة يعني فكرتو حلوة والنقاش فيه كان حضاري .

* شو منشان هالمصيبة !!!! ليش رفعت هالموضوع !!!
هلاء بيجي كوستا وبيعطيك تنبيه (مارح اتوسط الك عندو )
معلم أنا شرحتلك عالضبط ليش برأيي أنو الدمج مو ممكن فكان الرد تبعك هو أنو بمصر دمجو بينهم؟ على أي مستوى عم نحكي لأعرف... لأنو أكيد ما بدنا ندخل بنقاش عن مصر وإقتصادها.. لأنو شوف الناس كيف عايشة بالمقابر... شوف نسب الأمية والفقر والتضخم.. لك شوف التزايد السكاني.. لحالو بيكفي...
ما بعرف شو الفكرة اللي عم تحكي عنها.. أنا قصدي أنو غلط.. مو انو مستحيل الوجود... أنت ما حكيت شي لتبرهن أنو صح..

بما انك رفعتو واللي صار صار :o
طبعا مارح احكي عن اقتصاد مصر (بس اذا بدك رح اجيب الك مؤشرات اقتصادية واذا بدك عدد مصانع او اي شيء اوك) بكل حال الوضع باقتصاد مختلط افضل بكتير من الاقتصاد الاشتراكي (من ناحية دخل الفرد ومن كتير نواح)
بس بدي خبرك انو بمصر التعليم مجاني + الدعم لسا شغال +التامين الصحي لسا شغال .
بدي قول انو نسبة المتعلمين زادت جدا جدا هلاء تجاوزت 50%
*الدخل الفردي ارتفع
*التزايد السكاني مانو مشكلة نظام الاقتصاد (يعني سواء طبقت اقتصاد اشتراكي او ليبرالي ) عدد السكان رح يضل كبير (ال 76 مليون مالون علاقة بالنظلم الاقتصادي )