مسا الخير للكل

هلق في سؤال فوق وأنا حطيت خيارات.. إذا بتحبوا تجاوبوا أهلا وسهلا بس رجاء مرّة تانية بلا مسبات وتهجم..

طبعاً السؤال يتعلق بسوريا حصراً وهو ما بيفترض إذا كان موجود الإصلاح حاليّاً أو لأ

عندما يتم احترام القانون ...
و يتم تطبيق القانون ... على جميع فئات الشعب
بظن الباقي بصفي تحصيل حاصل

عندما يتم احترام القانون ...
و يتم تطبيق القانون ... على جميع فئات الشعب
بظن الباقي بصفي تحصيل حاصل

بظن هي الفكرة مافي اتنين بيختلفو عليها
وقت المجتمع بكافة فئاتو من مواطنين وسلطات وقيادات
بيحترمو القانون اكيد بتكون خطوة اولى وكبيرة باتجاه التخلص من الفساد

أكيد القانون ...

في مقولة معروفة
- اذا القضاء بخير .... أكيد المجتمع بخير -



برايي بالبداية لازم اصلاح القانون و معو القضاء
و من بعدها كل شي رح يتصلح

أنا عندي فكرة تانية وهي انو يبدأ الإصلاح من التعليم
في كتير مجالات بحاجة لإصلاح سريع و منها كمان ( البطالة ) يعني إصلاح السياسة الداخلية للبلد بشكل عام

بتصور ان الاصلاح الاقتصادي ممكن يكون الممر للاصلاح السياسي و الاصلاح القضائي و الاصلاح الاجتماعي
الفقر لا يولد الا الجهل

الاصلاح يبدأ من اصلاح القضاء
وبعدها القضاء على جميع المخالفات والحرامية
و المعارضة :o

هلأ مالي فهمان ليش الكل مركز عالقانون ..

يعني برأيي أكدع قانون حطو بين ايدين شعبنا .. بيتشرشح ..

ليش ؟


لأنو بدكـ جيل كامل .. يحترم انو تطبيق القانون هو صح لاله وللبلد ..

لأنو مع الجهل الموجود .. أي فرصة لأي متواطن بتصير .. لأنو يقفز فوق القانون بيلاقيها دح .. وبيشرشحنا .




ف التربية ثم التعليم ... وبرأيي الثقافة الحياتية قبل كل شي هي الأساس

هلأ مالي فهمان ليش الكل مركز عالقانون ..

يعني برأيي أكدع قانون حطو بين ايدين شعبنا .. بيتشرشح ..

ليش ؟


لأنو بدكـ جيل كامل .. يحترم انو تطبيق القانون هو صح لاله وللبلد ..

لأنو مع الجهل الموجود .. أي فرصة لأي متواطن بتصير .. لأنو يقفز فوق القانون بيلاقيها دح .. وبيشرشحنا .




ف التربية ثم التعليم ... وبرأيي الثقافة الحياتية قبل كل شي هي الأساس
هلق بالنسبة لشغلة جيل كامل دخلك ومين يلي بدو يربيه مو هادا الجيل يلي مخربط الله
يعني دود الخل منو وفيه
يعني عحكيك لازم ناخد فئة عمرها 60 سنة ونعدمهن كلون والفئة يلي بعدا 30 سنة نحبسهون منشان ما يعدوا غيرون ونربي الجيل يلي بعدو :jakoush:
اي ما بتظبط
بتعرف احياناً بحس انو ستالين ما كان غلطان:o

يا سيدي الى حد ما ستالين ما كان غلطان


مممممممممممممممممم...

الجيل بيتربى بأبو شي خمسميت سنة بس ..

يعني شغلة تراكمية ..

شوية ثقافة ع شوية فن .. ع شوية أخلاق بتتراكم فوق بعضها البعض .. بتساوي .. بعد خمسسميت سنة متل ما قلتلكـ جيل ممكن يصلح ويحترم القانون .

بضل بقول شوفوا أوروبة كيف صارت .

هلأ مالي فهمان ليش الكل مركز عالقانون ..

يعني برأيي أكدع قانون حطو بين ايدين شعبنا .. بيتشرشح ..
لما بكون في قضاء منيح ...... أكيد القانون ما بيتشرشح

يا سيدي الى حد ما ستالين ما كان غلطان


مممممممممممممممممم...

الجيل بيتربى بأبو شي خمسميت سنة بس ..

يعني شغلة تراكمية ..

شوية ثقافة ع شوية فن .. ع شوية أخلاق بتتراكم فوق بعضها البعض .. بتساوي .. بعد خمسسميت سنة متل ما قلتلكـ جيل ممكن يصلح ويحترم القانون .

بضل بقول شوفوا أوروبة كيف صارت .

لما بكون في قضاء منيح ...... أكيد القانون ما بيتشرشح

بالنسبة ل ماد انا معك مية بالمية
اما اخي موسيقار (على فكرة كتير بحب ملحم بركات )
برأيي اوروبا ما صارت هيك لحتى صار الدين لله والوطن للجميع :D

ماد ماكس

حياتي القانون مو روبوت بيتطبق لحالو ..

في بشر هنن اللي بطبقوه .. بشر مؤمنين بانو الولااء للوطن قبل ألله حتى .. وبيعرفوا أنو إذا ما طبقوا القانون .. بتبهدل عيشتهم متل مو صاير عندنا هلق (وأنا هون عم بحكي عالشعب قبل القضاة)

أعطيكـ معادلة تريحكـ كل هالتفكير

ثقافة المواطنة _____ بتعطي ____ شعب مواطن ____ بيعطي ____ حاكم فهمان ____ بيعطي _____قضاء نزيه

قضاء نزيه _____ بيعطي _____ تطبيق قانون _____ بيعطي _____ اصلاح


وثقافة المواطنة .. هي حالة راقية كتير أوروبة وصلتها بنص ألفية من التطور .

ها معناتا الكلام كمان الكـ رفيقي (مابعرف) :D

يا سيدي انا معك بدا الشغلة ثقافة المواطنة
بس لا تنسى انو نحنا شعب تعود يعمل ايا شي بس ما يكون حدا شايفو والمدعوم مو شايف حدا
يعني لازم دائماً يحس ان الله شديد العقاب

معناتا بدنا شي ستالين .. مو ؟ :cry:

بدّل غيّر بحياة العدرا

معناتا بدنا شي ستالين .. مو ؟ :cry:

بدّل غيّر بحياة العدرا
لك الله يحمينا بجاه العدرا
بيجوز انو الرد قاسي شوي
بس وحياتك يبدو ما في حل غير هيك:larg:

ماد ماكس

حياتي القانون مو روبوت بيتطبق لحالو ..

في بشر هنن اللي بطبقوه .. بشر مؤمنين بانو الولااء للوطن قبل ألله حتى .. وبيعرفوا أنو إذا ما طبقوا القانون .. بتبهدل عيشتهم متل مو صاير عندنا هلق (وأنا هون عم بحكي عالشعب قبل القضاة)

أعطيكـ معادلة تريحكـ كل هالتفكير

ثقافة المواطنة _____ بتعطي ____ شعب مواطن ____ بيعطي ____ حاكم فهمان ____ بيعطي _____قضاء نزيه

قضاء نزيه _____ بيعطي _____ تطبيق قانون _____ بيعطي _____ اصلاح


وثقافة المواطنة .. هي حالة راقية كتير أوروبة وصلتها بنص ألفية من التطور .


بأكدلك أنو بقرار واحد من القيادة ......... بيخلقو القضاء النزيه خلقة



هذا اذا فرضنا جدلاً أنو القيادة حابة تصلح
لأني أنا فهمت السؤال أنو اذا النظام حب يصلح .... من وين بدو يبدا

عندما يتم احترام القانون ...
و يتم تطبيق القانون ... على جميع فئات الشعب
بظن الباقي بصفي تحصيل حاصل

--------------------------------------------------------------------------------
برأيي لحتى نوصل لمرحلة تطبيق القانون على جميع فئات الشعب المعتر منها والمنتوف والواصل والموصول لازم نتربى على هالشي برأيي التربية اهم شي
بحترم اراء الجميع بس جميعا بنعرف انو الهرم يبنى من أسفل إلى اعلى لذا أرائي ان نبدأ بالتعليم والتربية قبل اي شي اخر
عندما نصل إلى مرحلة ننشأ فيها الجيل تنشئة تنمي احترامه للقانون سيرافق نمو هذا الجيل تطور اقتصادي
والدليل على كلامي الدول " العربية " ذات الدخل المرتفع والإقتصاد المتين ولا تملك من مقومات الإصلاح شيئا
هذه ارائي بحب
اخوكم بحب
ظل جيفارا

ثقافة المواطنة _____ بتعطي ____ شعب مواطن ____ بيعطي ____ حاكم فهمان ____ بيعطي _____قضاء نزيه

قضاء نزيه _____ بيعطي _____ تطبيق قانون _____ بيعطي _____ اصلاح
تماما هيك المعادلة

برأيي اذا ما في انسان سليم ما رح يكون في اصلاح سليم ..
في قوانين كتيرة موجودة ومنيحة بس يتم الالتفاف وتجاوزها لانو الانسان مو صح ..

لذا الجواب الأقرب لما نحتاجه من وجهة نظري هو التربية ..
لخلق مواطن جيد على الأقل ما عم قول ممتاز يمشي على القانون ويطبقو .. وبعدين بنبقى نشوف الأشياء التانية .
لانو كمان ما معقوب نجي نحط قانون ونقول للمواطن بدك تطبقو غصب عنك ولا بعذبك وبضربك متل اللي قبلي .. صح ولا لأ ..
منجي منربي هالمواطن ومنوعي ومنطلب منو يمشي على القانون .. اساسا اذا كان مربى ما في داعي نطلب منو .. هوي لحالو بيمشي على القانون .

حتى المسؤول اذا كان مربى صح ما بيغلط ..