أوكيه رح أكتب هذا الموضوع لشوف عدد المتشائمين والمتفائلين بالحياة وهل عندهم رغبة بإكمالها أو أن تنتهي حياتهم بأقرب وقت ممكن .. يومياً بصادف الكثير من الناس يللي بتقول أنو متفائلة ومبسوطة بعيشتها وأنو مافي أية مشكلة بحياتهم وهني بحبو الحياة .. بينما بنلاقي ناس عم تلعن الساعة يللي إنخلقت فيها ويللي عاشت فيها هيك عيشة .. وهذا الحكي ما بينطبق بس عالفقراء وكمان عالأغنياء ويللي معهم مصاري كتير بس بتلاقيها بالرغم من ذلك متضايقة من عيشتها لأحد الأسباب ..


أنا بالنسبة ألي ما بعرف شوبدي قول .. بس بالرغم من أنو حالتي المادية ماشي حالها وأنو أنجزت شغلات كتير بحياتي من إخراج صحفي عالكمبيوتر واحتراف التصميم عالفوتوشوب وبرامج التصميم الكورل والإليستريتر والبيج ماكير وكذلك إتمامي للغة الإنكليزية تماماً وحصولي بنهاية الصيف هذا على شهادة الآيلتس وكذلك اللغة الإيطالية بشكل نصفي .. ولكن مع ذلك حاسس أنو حياتي مالها هدف .. حاسس أنو الله عم يعذبني وليش ما بعرف .. في كتير أشياء بتخليني متشائم من الحياة ولهالسبب العالم بالخارج بتشوفني متشائم ومكتئب دائماً ..

يمكن الأسباب بتعود لأني عشت بعيلة إسلامية منغلقة على حالها وأنا فكري متحرر وعلماني ولحد الآن عايش بينهم بس ما بقول هالحكي إلهم مشان ما يتركوني .. يمكن لأني عشت حياة طفولية سيئة كتير تعرضت فيها لكل أنواع الممارسات السيئة من ضرب دائم ولظلم وحرمان وفقر وحبس في المنزل وخصوصاً إني كنت عايش بالسعودية وأنتو بتعرفو كيف الإسلام هنيك يللي للأسف سمم أهلي بأفكار سلفية وهابية كالعادة ..

يمكن بسبب مرض الأسبيكوشلاتر يللي عم ياكل ركبتي اليمين وعم يدمرلي حياتي لأنو وجع ركبتي عم يضايقتي .. وهذا الوجع يللي صرلو سبع سنين ولحد الآن ما لقيت علاج عند أكتر من دكتور .. كل ما أتوجع من رجلي باخد حبة مخدر مشان تنيمني طول اليوم وتنسيني الوجع يللي جواتي ويللي بركبتي ..

يمكن لأني ما بخالط الناس والسبب هو قلة المعرفة بأهل الشام .. ولأنو ما عندي رفقات وبخجل بقول هالشي إدام حدا .. وكمان خجلي الزائد يللي كان الحبس المنزلي أكبر سبب بنشوء خجلي الغريب .. والعزلة يللي عم عيشها مع نفسي وإبتعادي عن العالم يللي صاروا ياخدوني مسخرة لإلهم عالطالعة والنازلة ..

يمكن بسبب أني فاشل بالدراسة وصرلي أربع مرات عم قدم بكالوريا وعم إرسب وبعرف شو سبب رسوبي وهو أنو راسي عم ينفجر من التفكير بالعالم التانية وبحياتي قبل الدراسة .. حاولت ابتعد عن كل شي رفاهيات عني ولكن للأسف ماعم إحسن إضبط تفكيري حتى لو كنت بغرفة أربع حيطان بطاولة دراسة بس .. يا عالم بدي فوت عالجامعة وماعم إقدر لأني فاشل بالدراسة .. والله شيء بيضايق كتير ..

يمكن لأني حبيت مرة وحدة عن جد وحدة مسيحية متحررة بس للأسف ماعادت تهتم فيني مع أنو بالماضي كانت مستعدة تضل معي حتى لو كلفها الأمر تروح وين ماروح أنا .. ولكن يبدوا انها تراجعت مو بس عن الحب .. حتى صداقتي معها على الحفة وأنا صابر عليها .. ما بلومها لأنو خجلي وإكتئابي بحد ذاتهم مرض معدي للغير ... وخايف يجي هداك اليوم يللي شوفها عم تقلي أنو في واحد تاني بحياتها وأنو أنا خلص صرت متل إلتك!


أرجوكم أعذروني عن الفضفضة الزايدة .. ولكن حبي هالمنتدى يللي كنت دائماً متابع له وهو المنتدى الوحيد يللي فيه ناس عاقلة وبتحكي بالعقل والمنطق قبل الدين والعادات .. هذا المنتدى الوحيد يللي جعلني أحكي يلي براسي .. فآسف عالإزعاج إذا كنت ضايقت حدا..

تحية!

صديقي ..
فضفض ... وما تحط بقلبك ... هاي أحسن شي ممكن نستفيدو من فكرة المنتدى .. انو بنتشارك الهم ..
فضفض .. و بدي اتمنالك الشفا .. والنجاح ... !!

انا يمكن يكون متشائل ...
لأنو بعتبر انو التشاؤم مو هوي اليأس ... والتفاؤل ما بيكفي لحتى نوصل !!

كل شي بيرجع لإرادة الانسان ..

شكراً على الرد المشجع سيد قهوة دايمي .. بصراحة أنا حالياً عم فكرة بهالأسبوعين قبل كل شيء إستشير طبيب نفسي .. قبل ما تزيد الأمور للأسوأ .. بالرغم من الضغط المالي يللي أنا فيه ولكني مستعد قدم هذا الشيء مقابل عدم خسارة مستقبلي ولأسباب نفسية كالعادة ..

تحية لك!

و الله أنا متشاءم
و لو لم تكن الحياة صعبة لما ولادنا و نحن نبكي

اييييييييييييييييييييييه....


يا ريت ما يصير معنا اللي صار معك .....


انا متفائل مع كل الشؤم في الحياة والظروف السياسية السيئة .....
والظروف الاجتماعية الاسوأ ....


لكنما يابى الرجاء يموت .......

اول شي بكون متشائمة و بعدين اتفاءل احسن ما اتفائل و تصيبني خيبة امل مريرة مشن هيك بس متشائمة عالاغلب و الا ما نلاقي امل بين هالتشاائم ...

بصراحة رغم كل المصايب يلي عم تنزل على راسي وحدة ورا وحدة ... بس سبق وجربت مصيبة كانت كتير كبيرة عليي ... من وقتها صرت لاقي كلشي غيرها سهل ... وصرت متفائل بكلشي

والله يا شباب انا هي عادة (التفاؤل والتشاؤم ) بطلتا من زمان
لانو بتكون الشغلة ماشية تمام 100% وما بتظبط
وشغلة دعست عليها ومشيت بتلاقيها نطت بوشك ظابطة وما احلاها
اي عيفونا يا لسا تفاؤل وتشاؤم وضراب السخن :zen::zen::zen:

ال متفائل ال
والله لو شو ما صار ما بتفائل
حتى لو صا كل شي حولي حلو غير ضل متشائم لاني بكون عم بحلم
ثاااانك يووووووووووو سو متششششششششش

سيدي أول شي مش غلط تروح تراجع طبيب نفسي ((يعني علشان تفضفض قد ما بدك))

تاني شي انت هلأ بالشام يعني طلعت من السعوديه يعني فيك تغير كتير شغلات من حياتك

تالت شي التربية الاسلاميه مش المفروض تعمل فيك هيك المفروض تعلمك الثقه بالنفس أكتر إلا إذا أهلك ((الله يسامحهم)) كانوا عم يعلموك اياها غلط!!!

يعني لما تكون متضايق كتير جرب صلي ركعتين لرب العالمين و أقرأ سورة من القرآن و اتـكد أنك رح تتحسن

حتى بالنسبه لمرض جربت شي مره تدعي رب العالمين من قلبك انه يخفف عليك و يشفيك؟؟!!
أهم شي لما تصلي و تدعي لربنا كون واثق انه ربنا رح ينفذ إللي بدك اياه لو مش عاجلاً
بس المشكله انه نحنا ما بنصبر يعني بنطلب من ربنا و بنكون بدنا الاجابه مباشره!!!

و اعتبر كلي إللي عم يصيرلك امتحان من رب العالمين

أهم شي ادعي ربنا بقلب صادق و ابكي لربنا و اتذلل و ان شاء الله حتتحسن كل حياتك

((شغله كتييييييييييييييييييييير مهمه))
وانت عم تدعي كون متأكد بداخلك انه ربنا رح يستجيب

و الله مريت بكتييير شغلات و لجأت لرب العالمين و الحمدلله تحقق إللي بدي اياه بعد فتره

الله يخفف عنك و يوفقك بحياتك

ما في متشائم أو متفائل على طول كل لحظة تحمل في طياتها انقلابات مزاجية
على العموم لا يمكن المضي في الحياة من تفائل فهو مثل الألوان في لوحة

كنت حطلب تحط خيار متشائل !
لأنو انا هيك
متشائلة
في كتير مصايب بتصيب الواحد بحياتو خيو
مصايب يمكن اكبر كتير من المصايب اللي عندك اياها !
صعب تعيش حياة مرتاحة وما فيها تعب
عشان هيك لازم تعود تحلّي حتى الموت عشان ما تنفجرش وتموت بدري
كتير منيح بيكون لو استشرت دكتور نفسي
مش عيب نهائي ولا غلط
بالعكس اشي كتيييير منيح وبيدل ع انك فهمان
وبدك جد تطلع من الوضع اللي انت فيه
موفق
وقلبي معك

كتير حلو هالسؤال

أنا متفائل لأنو في خير

وبتشائم من اللي ما بيقول في خير

ولولا مافي خير ما كنا منشوف خيار :o

صديقي
اول شي الفشل اول خطوة لطريق النجاح بشرط انه ما يخالطه اليأس
خلي ثقتك بحالك اكبر من هيك ال شي يلي حققته مو قليل والبكالوريا والجامعة مو كل شي
توكل عالله واطلب منه المساعدة وحاول تفهم دينك صح
قطرة الماء تحفر في الحجر بالتكرار لا بالعنف
ركز اهدافك وصفي ذهنك و قول يا رب ورح تلاقي نتيجة و بس خليك صبور
بتمنالك التوفيق من قلبي

شكراً إلكم عالردود المشجعة يللي خلتني إنبسط بأنو في عالم لاحظت الوجع يللي جواتي ..

Miss Karmoosheh

شكراً إلك عالمداخلة اللطيفة .. ولو إنو صدقيني ساويت كل شيء قلتي عنوا .. دعيت ربي وقريت قرآن كتير وتركت كل شهوات الدنية كرمال إرضي ربي .. بس ماعد تحملت وحالتي صارت أسوء .. نعم بعترف أنو عائلتي أثرت كتير عليي بسبب الدين .. لأنو حرموني من كتير شغلات بصغري ولحد هلأ كمان .. حرموني أية نوع من أنواع الرفاهية .. حرموني إني إختلط بالعالم الخارجي وقت كنت صغير .. حرموني كل شي رفيق ما بيصلي أو مو مسلم وخلوني إحكي بس مع طلاب الجوامع يللي مافي بيني وبينهم شي ينحكى .. خلوا شخصيتي ضعيفة وكل هذا بسببهم وبسبب كلمتهم (الإسلام ما سمح بهالشي) .. خلوني إتمرد عالدين وكرهوني شي إسمو إسلام بسببهم .. وبالآخير عم تسأليني ليش صرت علماني ما بآمن بالدين ..

عموماً شكراً مرة تانية على مداخلتك اللطيفة .. وآسف من كلامك إذا ضايقك


LaMoUsH

شكراً كتير على كلماتك المشجعة .. بعترف أنو في كتير عالم مصايبها أكتر من مصايبي .. وبعرف أنو كل واحد في إلو مشاكل بحياتو ومو بس أنا .. بس كمان بنفس الوقت .. أوجاعي النفسية وأوجاعي الخارجية عم تخليني إتمنى الموت .. إنعزاليتي عن الخارج عم تخليني إتمنى الموت بدال الحياة .. يمكن عم بالغ .. بس هذا الأمر صرلو من أكتر من أربع سنين وأنا عم قول (بكرا إنشالله بيكون أحلى) .. الصيف الماضي عانيت من نفس المشكلة ولكن هالصيفية عم حس بإكتئاب أكتر لأنو الأمر تكرر للمرة التانية عالتوالي .. عم حس حياتي سودا لهالسبب ..

شاكر إلك كلماتك الحلوة مرة تانية .. وبشكرك عالمجاملة اللطيفة منك ..


pioneer


للأسف يا عزيزي أنا حطيت أمل الدراسة براسي مشان إترك هموم الدنية وإلتجئ لدراستي مشان عوض بالمقابل عن حياة العزلة تبعي .. حاولت إني أتفوق عالعالم يللي بشوفها عم تتسلى وأنا قاعد ببيتي وماعم إعمل شي .. حاولت إني إدرس مشان فرجيهم .. لكن للأسف طلعت بالآخير أسوء منهم وبرجع وبقول ما بلوم حالي .. حاولت صفي ذهني ولكن عبس .. تفكيري عم ياخدني ويجيبني وماعم يخليني ركز على شي ..


تحياتي إلك وشكراً على الكلمات الحلوة منك

انت متشائم لانك تحس بالفراغ ما تسميه انت بالتحرر قبلت ان تتخلى عن دينك من اجل هدف وهمي انت بنفسك لا تعرفه اخي ان كنت تؤمن بالله فسترى الخير في كل ما يحصل معك انت ترى الجانب المظلم من الحياة لانك تعيش في الفراغ الذي اوهموك بانه تحرر اياك ان تستسلم وجد هدفا تحيا لاجله وليكن هدفا يستحق ان تعمل لتحقيقه ولا تفكر كثيرا في الماضي .ان وضعت كاس ماء امامك فحاول ان ترى انه نصف مملوء وليس نصف فارغ.

متفائل و نص و خمسة .....:gem:

بيقولو تفائولو بالخير تجدوه .....مافيه شي يجي بالسهل

يعني الحياه فيها مصاعب ومشاكل انو مافي حدا ماعندو مشاكل بس أكيد بأرادتنا بنعديها بخير ونكمل الطريق

شو بنعمل ..هذا قدرنا :oops:

انت متشائم لانك تحس بالفراغ ما تسميه انت بالتحرر قبلت ان تتخلى عن دينك من اجل هدف وهمي انت بنفسك لا تعرفه اخي ان كنت تؤمن بالله فسترى الخير في كل ما يحصل معك انت ترى الجانب المظلم من الحياة لانك تعيش في الفراغ الذي اوهموك بانه تحرر اياك ان تستسلم وجد هدفا تحيا لاجله وليكن هدفا يستحق ان تعمل لتحقيقه ولا تفكر كثيرا في الماضي .ان وضعت كاس ماء امامك فحاول ان ترى انه نصف مملوء وليس نصف فارغ.

يعني هدا افضل رد إجالك romanista

يعني أنا حاولت وصلك هالشي بس شكلي ما عرفت عبر بس Ichigo عبر عني بكلمات رائعة جداً

يسلموا Ichigo على ردك الرائع جداً و ان شاء الله ربنا بيهدي romanista و بخفف عنه همومه

يعني هدا افضل رد إجالك romanista

يعني أنا حاولت وصلك هالشي بس شكلي ما عرفت عبر بس Ichigo عبر عني بكلمات رائعة جداً

يسلموا Ichigo على ردك الرائع جداً و ان شاء الله ربنا بيهدي romanista و بخفف عنه همومه

:shock:يعني هلا دينه بده يخليه مو متشائم؟؟؟

هي انا مو متدين ومتفائل لاني حاسس بفراغ ولا ما يحزنون ... وين المشكلة؟؟؟

غريب رايك ....

:shock:يعني هلا دينه بده يخليه مو متشائم؟؟؟

هي انا مو متدين ومتفائل لاني حاسس بفراغ ولا ما يحزنون ... وين المشكلة؟؟؟

غريب رايك ....


الله لا يجيبلك تشاؤم و ان شاء الله تبقى دايما متفائل

و ان شاء الله تصير متدين

عيني انت من البدايه هيك حياتك يعني ما تنقلت من كذا بلد على تربيه مفروضه عليك بطريقة غلط على ما بعرف شو........

و هو يا حرام من ورا هالتربيه صار يحس انه الدين هو العائق بحياته
طبعا ما حتئله اترك الدين و صير ملحد!!!!!! ولا بدك تاخد ذنبه كمان فوء ذنوبك!!!!!!!!!!!!!!!

بدك تخفف عنه و تبينله الدين الصح
عئبال ما يتبينلك انت كمان الطريق الصح
الله يهديك و تصير تصلي!!!!!!!!!!!!!!!

مابدها سؤال..
أنا أكيد متشائمة و متشائمة كتير كمان لأنه.......:cry:

مرحبا اخونا ما بعرف انا جديدي هون وهاي اول مرة بشارك
حلو انو انت بتقدر تفضفض
ومن ناحية التشاؤم انا كمان كتير متشائمي بس انا وصلت لدرجي صرت عرف فيا انو التشاؤم عم يخليني اتراجع لورا .....
نصيحة من اخت جديدي وحابي تكون بهل المنتدى
حياتنا عبارة عن حلم منعيشو والحلم رغبات مكبتوتي فينا نحنا منحور رغباتنا ونعيش الحلم مظبوط احسن ما نعيشو كابوس .....

الله لا يجيبلك تشاؤم و ان شاء الله تبقى دايما متفائل

و ان شاء الله تصير متدين

عيني انت من البدايه هيك حياتك يعني ما تنقلت من كذا بلد على تربيه مفروضه عليك بطريقة غلط على ما بعرف شو........

و هو يا حرام من ورا هالتربيه صار يحس انه الدين هو العائق بحياته
طبعا ما حتئله اترك الدين و صير ملحد!!!!!! ولا بدك تاخد ذنبه كمان فوء ذنوبك!!!!!!!!!!!!!!!

بدك تخفف عنه و تبينله الدين الصح
عئبال ما يتبينلك انت كمان الطريق الصح
الله يهديك و تصير تصلي!!!!!!!!!!!!!!!
على راسي ست كرموشة ...


بس شو انا ما بصير مليح الا اذا صرت اصلي يعني ..؟؟

انا ما قلتله اترك دينك ...قلتله انه ما اله دخل لا بفرحة ولا بحزن هي شغلة روحية ما الها دخل لا بحياة ولا ببطيخ ...

يعني شو ذنبه هو اذا عاش بالسعودية ؟؟( ابعدنا القدر عنها )

المهم انا مو حاسس انه الدين اله دخل ....

على كل رح ضل متفائل طول عمري ....


شكرا ..

:D

طولو بالكن يا شباب شو القصة :shock: :shock: :shock:
انا بشوف الحياة ع علاتا ومشاكلا وتعبا بتستاهل من الواحد ضحكة من قلبو
انا كنت متفائل رغم كل شي بحياتي على الرغم ...
بس يلي بيقرأ هالكم من الشباب المتشششائم .. :cry: :cry: بيبكي

التفاؤل بالحياة شي مهم
و التشاؤم سيزيد الأمر سوءا
بتمنى انك تلاقي السلام بداخلك لتقدر تلاقي الأشيا المنيحة من أي شي سئ ممكن يحصل معك
يعني حاول دائما النظر الى النصف المليان من الكأس
أكيد رح تحاول ترتاح
وكمان انتا قلت كتير أشيا إيجابية قدرت تحققها و لهالسبب لازم يكون عندك ثقة بنفسك لتحقق أي شي بتصمم عليه
بتمنالك التوفيق من كل قلبي:D

على راسي ست كرموشة ...


بس شو انا ما بصير مليح الا اذا صرت اصلي يعني ..؟؟

انا ما قلتله اترك دينك ...قلتله انه ما اله دخل لا بفرحة ولا بحزن هي شغلة روحية ما الها دخل لا بحياة ولا ببطيخ ...

يعني شو ذنبه هو اذا عاش بالسعودية ؟؟( ابعدنا القدر عنها )

المهم انا مو حاسس انه الدين اله دخل ....

على كل رح ضل متفائل طول عمري ....


شكرا ..

:D

يسلم راسك:D

بس انت اكيد بتعرف أنه اهم شي غذاء الروح
يعني كتييييييييييييييير سمعنا عن مشاهير و مليونيريه حياتهن فيها من التحرر و المتع ما يتمناه كل فرد لكنهم بيشعروا بفراغ لأنه ما في يشبع روحهم لأنه كل هالمتع عم تروح متعتها بمجرد ما انتهت و صار الواحد لحاله
و فيهم كتييييير انتحروا بسبب هدا الفراغ
أو على قول حدا فيهم - مش متذكره اسمه- ((لم يبقى في هذا العالم ما أفعله أو أسعى لفعله لقد حققت و فعلت كل ما يتمناه الأنسان لذلك قررت أن أنهي حياتي و أجرب الحياة الأخرى)) يا حرام فكره رح يروح يستثمر و يستمتع بعد ما يموت!!!!!!


بس شو انا ما بصير مليح الا اذا صرت اصلي يعني ..؟؟

بتصير كتييييييييييييييييييييييي ير احسن لما تصير تصلي و الله يا أخي انك رح تصير تشعر براحه غريبه عمرك ما حسيتها

لا تفكر أني عم اتفلسف عليك يعني أنا صارلي تقريباً سنتين بس ملتزمه بالصلاه و عن جد كتييير شغلات بحياتي تغيرت و نظرتي لكتييير شغلات صارت أحلى
و هدا الشي ما خلاني امتنع عن عمل كتييير اشيا بحبها
يعني بطلع و بروح و بسهر في كتييير محلات و بسافر و بلعب:clap: و برقص بس بطريقه مختلفه و بضحك:yahoo: و بنكت :pمع زميلاتي و زملائي في الشغل و ولاد عمامي و خوالي و أهل زوجي
و الله العظيم أنه عم حس نظرة الناس إللي صارت كتييييير أحلى و الأحترام زاد كتيييييييييييييير

التشاؤم والتفاؤل هوي شي بيتعلق بشخصية الانسان وبنظرتو للحياة يعني الله خلق الكون وحط فيه كل شي وعطانا العقل لحتى نحكم فيه على كل شي وموضوع التشاؤم والتفاؤل موضوع داخلي لكل فرد وما ممكن نحنا ندخلو بالجانب الديني من الانسان لأنو بهالحالة منكون رجعنا لمئات السنين لورا يعني لعند الفيلسوف الفرنسي فولتير المعروف جدا اللي كان ببداية حياتو من اتباع التفاؤلية الدينية اللي كان رائد هالفكرة الفيلسوف الالماني التفاؤلي ليبنتز ومن بعدا اكتشف فولتير انو التفاؤل بكل ما يحصل هو امر في غاية التفاهة لانو وعلى سبيل المثال من خلال قصةكانديد الشهيرة جدا بيوضح انو التفاؤل هو الوصول للسعادة الكبرى واللي مانا شرط انك تعيش بهنا وتسلية ورفاه وجسد الصراع بين التفاؤل بشخصية بانجلوس والفيلسوف المعلم لكانديد بطل الرواية اللي جعلو متفائل وبيقول على طول الرواية ان كل ما يجري على سطح الارض يجري على احسن ما يرام بينما الوقائع على الارض كانت عكس هيك هلق وتعليقي الاخير انو التشاؤم والتفاؤل مرتبطان بالحالة النفسية لاي انسان والحالة القريبة وليست البعيدة اي الحالة اليومية المعايشة بكل تناقضاتها وجزئياتها لها التأثير على الانسان بالحكم على التفاؤل بالمستقبل او التشاؤم منه

بعتقد انو التفاؤل بيجي من القناعة والايمان بالمقدر والمكتوب;-)

عن نفسي كلمة التشاؤم مانا موجودة بقاموس حياتي...

لاني ببساطة مؤمنة بنفسي وبربي

انو هيك الواحد احيانا.. بتفائل:shock:

بيقوم بيجي يوم نكدي هيك برجع بيتئشائم :?

عاتتي..

بس عن حالي متفائلة :gem:

بشكركم على الكلام المشجع منكم يا أعضاء المنتدى ..

Miss Karmoosheh .. بعترف أنو كلامك فيه منطقية وما بنكر أنو في عالم تاركة دينها وعم تعاني من ملل من هالحياة .. ولكن أنا بعرف ناس كتير بتصلي ومتدينة ولكنها دائماً متشائمة ومتضايقة من حياتها وعم تدعي على حالها بالموت ..

بعترف أني تهجمت كتير عالإسلام ويمكن أهلي والعيلة بشكل عام كانو أكبر سبب بهالشيء .. لأنو علموني أن الإسلام دين الإنغلاق والحبس والعدوانية وأنو الله خلقنا بس لنعبد وأنو مافي تسلاية بالحياة .. ناهيكم عن المشاكل العائلية الكبيرة يلي بتصير بهالعيلة المنغلقة .. كرهوني حياتي بسببهم وكرهوني الإسلام ..

بعرف شب .. عم يتسلى بحياتو وبيطلع وبيسهر وبيسافر وبيرقص وعايش حياة تسلاية كلها ومبسوط كتير بعيشتو وهو قال هالشي إلي .. هادا الشب بالرغم من كل يللي عم يعملوا إلا أن بيغار على دينو وبيصلي وما بيخجل من نفسوا كونوا مسلم .. يمكن دور تربية الأهل بتلعب دور هون .. لأنو قاللي أنو عيلتي معروفة بإنغلاقها الديني وهذا يللي يخليني إكره الدين بسببهم .. وقاللي أنو لو عايش حياة إنفتاح متلوا لما كنت عم اتهجم عالدين ..


تحياتي مرة تانية!

انا والحمد لله صحي معتر وعايف حالي وكرهان الارض البمشي عليها والتياب الي لابسا ويا دوبني عم لاقي مصروفي المعاشي والرفاهي ( لا تسدقو انو عندي مصروف رفاهي هاا الله وكيلكون عايش عالضروريات فقط:cry: ) وصحي لا عندي سيارة ولا بيت ولا رصيد بالبنك ولا مصلحة ولا شغله ولا عملة ولا شهادة ولا رفيقة ولا غيرل فريند ولا حبيبة ولا حدا ولا شي:cry: ,,,, وصحي انا صوتت باني متشائم وباصرار وبقوة وبجد:oops: ... بس والحمدلله الحمدلله الحمدلله بقولا الف مرة ومرة .. كل ما بكون مزعوج ودايق خلاقي ومزنوق و متورط ورح اتشرشح واتبهدل وينخرب بيتي وبكامل تعاستي وقواي العقلية ,,,الخ ... الله سبحانه وتعالى من عندو من فوق بيبعتلي واحد او وحده او سبب او حجة او شو ما كان يفكلي زنقتي والي انا فيه وبتنحل اموري والحمدلله مع اني لاني ملتزم ولا متعصب ولا شي بس بعرف انو رب العالمين يلي خلقنا ما بينسانا :larg:ومتل ما عم ينكد علينا عيشتنا عم يفرجلنا ياها كمان .. وبالنهاية ان كنا متفائلين او متشائمين نهايتنا عالمتر ونص بمتر وما حدا اخد معو شي غير عملو الصالح لهيك انا بشتغل يلي بقدر عليه لهداك اليوم .... وانشالله بتفرج عالجميع ,,, :hart:

عيني الله هيدي اول مشاركة الي .. تقبلو فائق احترامي وتشكري على استضافتكون الي مع اني معتر
وشكرا :ss:



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////[/B][/B][/B][/B]

انا متشفائلة:clap:

يسلم راسك:D

بس انت اكيد بتعرف أنه اهم شي غذاء الروح
يعني كتييييييييييييييير سمعنا عن مشاهير و مليونيريه حياتهن فيها من التحرر و المتع ما يتمناه كل فرد لكنهم بيشعروا بفراغ لأنه ما في يشبع روحهم لأنه كل هالمتع عم تروح متعتها بمجرد ما انتهت و صار الواحد لحاله
و فيهم كتييييير انتحروا بسبب هدا الفراغ
أو على قول حدا فيهم - مش متذكره اسمه- ((لم يبقى في هذا العالم ما أفعله أو أسعى لفعله لقد حققت و فعلت كل ما يتمناه الأنسان لذلك قررت أن أنهي حياتي و أجرب الحياة الأخرى)) يا حرام فكره رح يروح يستثمر و يستمتع بعد ما يموت!!!!!!


بس شو انا ما بصير مليح الا اذا صرت اصلي يعني ..؟؟

بتصير كتييييييييييييييييييييييي ير احسن لما تصير تصلي و الله يا أخي انك رح تصير تشعر براحه غريبه عمرك ما حسيتها

لا تفكر أني عم اتفلسف عليك يعني أنا صارلي تقريباً سنتين بس ملتزمه بالصلاه و عن جد كتييير شغلات بحياتي تغيرت و نظرتي لكتييير شغلات صارت أحلى
و هدا الشي ما خلاني امتنع عن عمل كتييير اشيا بحبها
يعني بطلع و بروح و بسهر في كتييير محلات و بسافر و بلعب:clap: و برقص بس بطريقه مختلفه و بضحك:yahoo: و بنكت :pمع زميلاتي و زملائي في الشغل و ولاد عمامي و خوالي و أهل زوجي
و الله العظيم أنه عم حس نظرة الناس إللي صارت كتييييير أحلى و الأحترام زاد كتيييييييييييييير

يا ستي ما بدي اصلي ....

مليح هيك ...

انا متاكد انه الله ما بهمو هالخراريف هي ...


:pos:

يا ستي ما بدي اصلي ....

مليح هيك ...

انا متاكد انه الله ما بهمو هالخراريف هي ...


:pos:

:tears::tears::tears::waa3::waa3::waa3:


يا الله شيطانك شو مسيطر عليك و لا تقلي لأ بس للأسف شيطانك امشيك متل ما بده
:devil::devil::devil:

انا والحمد لله صحي معتر وعايف حالي وكرهان الارض البمشي عليها والتياب الي لابسا ويا دوبني عم لاقي مصروفي المعاشي والرفاهي ( لا تسدقو انو عندي مصروف رفاهي هاا الله وكيلكون عايش عالضروريات فقط:cry: ) وصحي لا عندي سيارة ولا بيت ولا رصيد بالبنك ولا مصلحة ولا شغله ولا عملة ولا شهادة ولا رفيقة ولا غيرل فريند ولا حبيبة ولا حدا ولا شي:cry: ,,,, وصحي انا صوتت باني متشائم وباصرار وبقوة وبجد:oops: ... بس والحمدلله الحمدلله الحمدلله بقولا الف مرة ومرة .. كل ما بكون مزعوج ودايق خلاقي ومزنوق و متورط ورح اتشرشح واتبهدل وينخرب بيتي وبكامل تعاستي وقواي العقلية ,,,الخ ... الله سبحانه وتعالى من عندو من فوق بيبعتلي واحد او وحده او سبب او حجة او شو ما كان يفكلي زنقتي والي انا فيه وبتنحل اموري والحمدلله مع اني لاني ملتزم ولا متعصب ولا شي بس بعرف انو رب العالمين يلي خلقنا ما بينسانا :larg:ومتل ما عم ينكد علينا عيشتنا عم يفرجلنا ياها كمان .. وبالنهاية ان كنا متفائلين او متشائمين نهايتنا عالمتر ونص بمتر وما حدا اخد معو شي غير عملو الصالح لهيك انا بشتغل يلي بقدر عليه لهداك اليوم .... وانشالله بتفرج عالجميع ,,, :hart:

عيني الله هيدي اول مشاركة الي .. تقبلو فائق احترامي وتشكري على استضافتكون الي مع اني معتر
وشكرا :ss:



[/b][/b][/b][/b]


قطلعتي قلبي :?:?:?

انتي شو بتسوي هون :p

طول ما احنا شباب لازم نتفائل

امال حنتفائل امتى ؟؟؟؟

مابدها سؤال..
أنا أكيد متشائمة و متشائمة كتير كمان لأنه.......:cry:

لا انا عايز اعرف ايه هو ال....... اللي انتي متشائمة منه

بعتقد انو التفاؤل بيجي من القناعة والايمان بالمقدر والمكتوب;-)

عن نفسي كلمة التشاؤم مانا موجودة بقاموس حياتي...

لاني ببساطة مؤمنة بنفسي وبربي

:clap::clap::clap:

برافو

يا ريت كل الناس زيك

فعلا فيلسوفة و اسم على مسمى

انا متشفائلة:clap:

اهو دا احلى تعليق اتقال

على سيرة قطعتلي قلبي ........ حدا معو خمسميت ليرة لاخر الشهر :oops::deal:


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

انتي شو بتسوي هون :p


:pos::pos::pos:


مش عاجبك وجودي هون؟ :pos:



بلاش:o

:tears::tears::tears::waa3::waa3::waa3:


يا الله شيطانك شو مسيطر عليك و لا تقلي لأ بس للأسف شيطانك امشيك متل ما بده
:devil::devil::devil:
ههههههههههههههههههههههههه هههههههه



انا اممشي الشيطان مش هو مشيني .....




خخخخخخخخخخخخخخخخخخخخخخخخخ خخخخخخخخخ:jakoush:

ههههههههههههههههههههههههه هههههههه



انا اممشي الشيطان مش هو مشيني .....




خخخخخخخخخخخخخخخخخخخخخخخخخ خخخخخخخخخ:jakoush:


مهو هيك بالبداية الشيطان بمشيك بعدين ما بتعود محتاجله و بتريحه كتييييييييييييييييير لأنه ببدا يدور على غيرك

يعني ما عدت محتاج شيطان
خزات العين عليك اشطر من مية شيطان!!!!!! للأسف

((اسْتَحْوَذَ عَلَيْهِمُ الشَّيْطَانُ فَأَنسَاهُمْ ذِكْرَ اللَّهِ أُوْلَئِكَ حِزْبُ الشَّيْطَانِ أَلَا إِنَّ حِزْبَ الشَّيْطَانِ هُمُ الْخَاسِرُونَ ))

((وَمَن يَعْشُ عَن ذِكْرِ الرَّحْمَنِ نُقَيِّضْ لَهُ شَيْطَانًا فَهُوَ لَهُ قَرِينٌ ))

طبعا انا متفائلة بس المتشائم ليه بعيش لانو المتشائم ولا بيتفائل بخير وازا كان حيصير مع المتشائم شي منيح ببطل من ورا تشائمو علشان هيك يكون عنا لو شوية تفائل علشان نكمل حياة حلوة :lol:

تفائل





























:D


















































انا مبسوطة بوجود اللة معى

انا متشفائلة:clap:
:lol::lol:بجد ضحكتيني

الواحد بكون متفائل لما تضحك :lol:الدنيا بوشو ويتشاءم لما بتعطيه بظهرها :frown:
انا بصوت متل تالين:D يعني بين البينين;)

انا معارض :jakoush:

صديقي ..
فضفض ... وما تحط بقلبك ... هاي أحسن شي ممكن نستفيدو من فكرة المنتدى .. انو بنتشارك الهم ..
فضفض .. و بدي اتمنالك الشفا .. والنجاح ... !!

انا يمكن يكون متشائل ...
لأنو بعتبر انو التشاؤم مو هوي اليأس ... والتفاؤل ما بيكفي لحتى نوصل !!

كل شي بيرجع لإرادة الانسان ..


بتذكر هالرد يللي خلاني إرجع لنفس الموضوع .. يلي كتبتوا بالماضي .. وبدون ما إكتب موضوع تاني إقعد فضفض فيه ومشان ما تاخد العالم عني فكرة غلط (بالرغم من أنو مبدئياً أخدو فكرة عني) ..

حاولت إتصل مع الدكتور الحجار وللأسف ماعم ترد العيادة عندو وعم حاول ولكن للأسف مافي مجال حدا يرد .. ونفس الشي بينطبق على الدكتور حنا خوري .. للأسف مافي مجال بالمرة غير إنو نلتحش متل الكلاب بالغرفة عم نبكي متل الولاد على مرضنا وعلى وجعنا من جوا .. فما لقيت غير إنو إشكي وجعي هون بالأخوية وحتى لو ما سمعني حدا .. فعالقليلة كتبت يللي جواتي ..

ما بعرف شو بدي إحكي .. الله مافي عندو عدل إطلاقاً .. أنا الشب يللي صرلي مكتئب ومتشائم وبتمنى الموت وماعندي رغبة إني كمل بهالحياة .. صرلي أربع سنين عم إستنى هالرب ياخد أمانتي ويريحني من هالعيشة .. ولكن مافي خواص .. شو هالعدل هاد؟ لما بتلاقي واحد مبسوط بحياتو ومروق ومتفائل وماعندوا مشاكل وبتلاقيه بالآخير بيموت بين يوم وليلة وبسبب عملية بسيطة كتير وهو شب متل الوردة والعالم كلها بتحبو وكلهم زعلوا عليه وأولهم أنا .. بينما أنا يللي مالي حدا ويللي دائماً مرفوض من الكل وبتمنى الموت دائماً وبالآخير أنا لسه عايش!! شو هالعدل هاد؟؟

ولاشي عم يعجبني .. صرت إكره كل شي إدامي .. صرت وبخ وهين العالم وعصب دغري وين ما كنت بالشارع أو بين أهلي .. صرت عم نرفز وإتصرف تصرفات بندم عليها بعدين .. بس والله هالشي مو بإيدي .. كنت ساير الناس يللي شوفا كتير ولكن خلص طفح الكيل .. صرت إتكبر مع إنو أكره ما عندي التكبر وشوفة الحال .. صرت إتكبر لأني صرت شوف العالم عم تتكبر عليي .. صرت إحكي مع أية شخص بطريقة مهينة وبدون ما أكل هم زعلوا .. لأني كتير تعرضت للإهانة والبهدلة من هالناس .. كنت فكر إنو الغلط مني وإني أنا الغلط .. وحاولت إني حسن إسلوبي مع الناس ومع كل العالم .. ولكن العالم عم ترفضني لأكتر من سبب .. لأنو تفكيري مو متل تفكير الناس يلي برا .. لأنو شكلي بيقرف ومنظري بيرعب .. لأنو عم إتكبر وقت عم شوف واحد عم يتكبر عليي ..

بدي هاجر وإترك هيك ناس .. عم فكر سافر بس مشان يتغير الجو يللي أنا فيه .. بس عم عاني من ضائقة مالية وأبي حالف يمين أنو بيغضب عليي إذا بسافر .. مع إنو مالي آكل هم وضميري ما كتير عم يعزبني .. بس لسعتني عم فكر بهالأمر .. فأنا عم إعمل الأفضل بالنسبة إلي .. أنا بهيك جو رح إبقى مكتئب ومتضايق ..


قبل أربعة أيام .. كنت بالمستشفى عم آخد إبرة تخدير موضعي برجلي اليمين بعد ما اتشنجت تشجنج شديد .. كنت عم إبكي على وجعي يللي جوا .. وعم أتوجع من ركبتي يللي صرت عيط من وجعي الشديد .. آخ أديش حسيت إني لازم موت لإرتاح!

صدري عم يضيق عليي والدموع ماعم توقف وعم إتنفس بصعوبة .. راسي عم يجعني وحاسس بدوخة غريبة .. عم إتزور كل شي حوليي من شدة الكئابة يللي أنا فيها .. لك بتجيني حالات بقعد بكسر فيها كل شي بخلقتي .. صرت اجلس دائماً مع حالي عم فكر بالموت وبالتخلص من هالدنية يللي ماعم تقبلني ..


آسفين شباب .. ما بستاهل إني عيش والموت هي الأمنية يللي بتمناها!

:-)