اولا يا أصدقائي هاد الموضوع أثار جدل كبير بين الاعضاء بين معارض وموال

في كتير أعضاء كان اعتراضها على اعتراضي (عالقص واللصق ) على اعتباره من الحريات , وانا رح قلكم ليش انا معترض
يعني هدول رواد (القص واللصق) عندهم حاسة سادسة بالنسبة لهيك مواضيع بغض النظر عن مصدرها وصحتها ومصداقيتها عدا عن تناقضها في كثير من الاحيان , يعني الي يدخل المنتدى من بلد غير سوريا رح يترحم على نظامو ويقول قديش انا عايش بنعمة ورح توصلو فكرة انو الانسان السوري انسان وضيع منزوع الكرامة والحرية عايش عيشة حيوانات مو بشر, وطلاب الجامعات يا حرام مقطوع عنهم الاوكسجين وما عم يقدرو يتنفسو ومهددين بالرسوب ,والمواطن السوري نازل وزنه وشوي تانية يموت من الجوع , والى اخره من التشويه والقذف . حاج بقا هالمسخرة ليش بنحب نصور أنفسنا بأبشع الصور ليش بنحب نضل ننزل ونحط بكرامة الانسان السوري حتى أصبح بسبب رواد النسخ واللصق كما يقول المثل الشعبي " أوطى من الشفرة عالأرض " ليش .

رح قلكم شو الحل بتوقع نحن كلنا شباب وعندنا وجهات نظر وأراء بغض النظر عن اختلافها ليش مو كل واحد يشغل فكرو ويستغني عن أفكار غيرو ويخلي عقلو يشغل خاصية الاستقراء والاستنتاج ويشوفنا شو فهمان ويصيغ موضوعه بايده .

بتوقع احسن .

حكي سليم و نظامي 100%
بس يا ترى في شي حدا من جماعة القص و اللصق رح يرد يا ترى؟؟؟؟؟؟؟
هلق بعد شوية بتلاقي واحد منهن شفط شي مقطع من النت و لزقو هون كرد على الموضوع و الباقي عاد بيشتغل متلو و هكزا دواليك مبينة الشغلة....................
تحياتي يا حبيبي

برافو الحر الباكي
عنجد صح كلامك
برافو :clap:

بس ياريت حدا يسمع

يا سيدي ... أنا فيني أدخل على شي موقع لحزب البعث او صحيفة تشرين أو اي منتدى تابع بالولاء المطلق لسوريا ولسيادة الرئيس
و ما خلي مكان لأي موضوع تاني و كلها بمحور واحد
و ما خلي حدا يكتب غيري مواضيع
يعني بربكم هادا حل ؟

يعني شباب مو قصة نسخ ولصق
الفكرة انو احياناً في مواضيع ممكن تكون رد على كتير اسئلة براسي وبراسك
لهيك الواحد بينزلها هون منشان الكل يقروها
طبعاً عم بحكي عالمواضيع يلي فعلاً خرج مو حيالا موضوع
وتحياتي:D

يا سيدي ... أنا فيني أدخل على شي موقع لحزب البعث او صحيفة تشرين أو اي منتدى تابع بالولاء المطلق لسوريا ولسيادة الرئيس
و ما خلي مكان لأي موضوع تاني و كلها بمحور واحد
و ما خلي حدا يكتب غيري مواضيع
يعني بربكم هادا حل ؟
خليك قاعد متل سلطان الطرب ولا تعزب حالك وتروح و تجيب و تقص و تلصق من المواقع البعثية اساسا ما لازم نكون متلهم بشغلة القص و اللصق
روووووووووووووووووق:melody:

يا سيدي ... أنا فيني أدخل على شي موقع لحزب البعث او صحيفة تشرين أو اي منتدى تابع بالولاء المطلق لسوريا ولسيادة الرئيس
و ما خلي مكان لأي موضوع تاني و كلها بمحور واحد
و ما خلي حدا يكتب غيري مواضيع

:deal::deal:

لا مانع لدا حضرتنا و لا وجود لأي اعتراض على مواضيع النسخ و اللصق في حال الإشارة للمصدر و لكن ..!!

مواضيع النسخ و اللصق التي أشار إليها الحر الباكي في هذا الموضوع .. هي مواضيع قسم الفساد ..

إشكاليات هذه المواضيع ..

أول باشتان .. المصدر عم يكون بالأغلب سوريا الحرة .. و سوريا الحرة تروّج لمعارضة سورية تشابه المعارضة العراقية .. معارضة هدامة من الدرجة الأولى ..

أنا كسوّري مع المعارضة البنائة .. و المواضيع اللي عم نشوفا من الأخوة المعارضين بقسم الفساد .. مواضيع أقل ما يقال عنها استفزازية ..

تاني باشتان .. كل المواضيع عبتقدم مشاكل .. من غير حلول .. لك عمي شو الحل .. إيدي بزنارك شو الحل ...

يعني أنا رح أفترض صار جلسة مصالحة و مكاشفة بين المعارضاة و الموالاة .. المعارض لازم يقدم حلول لمشاكل البلد .. طيب شو بدك تقدم إذا انت ماسكا مسبحة السقوط للخونة و يسقط الحزب الحاكم .. يعني بالأخير عارضنا عالفاضي ..

و كمان تصرف الأخوة الموالين للنظام ما هو أنظم .. كمان مسبّات للمعارضة و اتهامات بالخيانة الوطنية و هذا ما نرفضه رفضاً قاطعاً ..

تالت باشتان .. و هوي الأهم .. قراءة منطقية لما يلوح في الأفق .. و بناءاً عالشي اللي صار و عبصير ( الحكم على أنور البني .. الحكم ع حسام و طارق و الشباب . .. و وو ,, ) بتلاحظ أو بالأحرى رح تشوف ما في تغيّر بالمستقبل القريب بسياسات الدولة .. فمعارضي الأخوية حالياً عم يخسرو شعبيتون .. و عم يكسبو أعداء لشخصون و عالمستقبل البعيد .. المعارضة عم تخسر .. و بتوقع المعارضة آنياً و من أجل المستقبل بهمّا أنو تكسب شعبيّة حالياً ما بواتيّا الخسارة ..

وجب التنويه .. الحكي السابق موجه إلى بعض الأشخاص .. و يبتعد كل البعد عن التعميم ..

لعيت كتير بشيء ما بفهم الكتير فيوه .. سامحونا .. :D

يحرق سماك على هالحكي الخيلة
بذمتي انا معك بكل كلمة حكيتا و كلامك سليم تماماً

رأي كتير صغير...

كلنا بنحب سوريا لانها بلدنا وارضنا...وارض اهلنا وجدودنا...بغض النظر عن انتمائنا الديني او السياسي او الاجتماعي او الطبقي....

وهاد الشي يللي الكل عم ينكره ع التاني...شباب المعارضة بيتهموا شباب الموالاة بالعمالة وشباب الموالاة بيتهمو شباب المعارضة بالخيانة....

كلنا عم نخوّن بعض...

ولما كلنا حنخوّن بعض...ما راح يصير في لا نقاش ولا حوار بناء...سواء استخدمنا النسخ واللصق او كانت مواضيعنا من بنات افكارنا...

الشي الوحيد المقروء وبشكل فج وصريح باخوية بشكل خاص وبسوريا بشكل عام...هو كره الطرفين لبعض...

شباب المعارضة...خلو خطابكن واعي ومنطقي....ما بدنا تنظير..بدنا حلول...

ويا شباب الموالاة...ما كتير تزاودو ع الناس بحبكن لسوريا...كل الناس بتحب سوريا...

الموضوع مو تكسير روس...الموضوع انو بدنا بلدنا احسن...بس المشكلة انو تطرف الكل بأرائهم..هو يللي خربها...

موفقين...

ايـــــــــه خير ان شاء الله يابي بانتظار اللول لكـــــــــن
الـــــــــى اشعار اخــــــــــــــر...............

كلامك طابو أخضر موقع عليه ومختوم

كلامك طابو أخضر موقع عليه ومختوم ......

:deal::deal:

لا مانع لدا حضرتنا و لا وجود لأي اعتراض على مواضيع النسخ و اللصق في حال الإشارة للمصدر و لكن ..!!

مواضيع النسخ و اللصق التي أشار إليها الحر الباكي في هذا الموضوع .. هي مواضيع قسم الفساد ..

إشكاليات هذه المواضيع ..

أول باشتان .. المصدر عم يكون بالأغلب سوريا الحرة .. و سوريا الحرة تروّج لمعارضة سورية تشابه المعارضة العراقية .. معارضة هدامة من الدرجة الأولى ..

أنا كسوّري مع المعارضة البنائة .. و المواضيع اللي عم نشوفا من الأخوة المعارضين بقسم الفساد .. مواضيع أقل ما يقال عنها استفزازية ..

تاني باشتان .. كل المواضيع عبتقدم مشاكل .. من غير حلول .. لك عمي شو الحل .. إيدي بزنارك شو الحل ...

يعني أنا رح أفترض صار جلسة مصالحة و مكاشفة بين المعارضاة و الموالاة .. المعارض لازم يقدم حلول لمشاكل البلد .. طيب شو بدك تقدم إذا انت ماسكا مسبحة السقوط للخونة و يسقط الحزب الحاكم .. يعني بالأخير عارضنا عالفاضي ..

و كمان تصرف الأخوة الموالين للنظام ما هو أنظم .. كمان مسبّات للمعارضة و اتهامات بالخيانة الوطنية و هذا ما نرفضه رفضاً قاطعاً ..

تالت باشتان .. و هوي الأهم .. قراءة منطقية لما يلوح في الأفق .. و بناءاً عالشي اللي صار و عبصير ( الحكم على أنور البني .. الحكم ع حسام و طارق و الشباب . .. و وو ,, ) بتلاحظ أو بالأحرى رح تشوف ما في تغيّر بالمستقبل القريب بسياسات الدولة .. فمعارضي الأخوية حالياً عم يخسرو شعبيتون .. و عم يكسبو أعداء لشخصون و عالمستقبل البعيد .. المعارضة عم تخسر .. و بتوقع المعارضة آنياً و من أجل المستقبل بهمّا أنو تكسب شعبيّة حالياً ما بواتيّا الخسارة ..

وجب التنويه .. الحكي السابق موجه إلى بعض الأشخاص .. و يبتعد كل البعد عن التعميم ..

لعيت كتير بشيء ما بفهم الكتير فيوه .. سامحونا .. :D

أولا اشكر كل الاخوة الي شاركونا بردودهم

ثانيا بشكرك يا صديقي على كلامك السليم , عالأغلب مواضيع النسخ واللصق هدامة واستفزازية غرضها قذر

يا سيدي مشان شباب المولاة عم يسبو على شباب المعارضةيعني الي بدو يحط موضوع نسخ ولصق عندو حلين يا بجيب صاحب الموضوع وبخليني انا ناقشو يا اما انا مضطر اني سبو , هلا بغض النظر عن المعارضة الشريفة(النادرة),ياصديقي مأساة الشباب عندنا بالبلد معارضين بس ما بيعرفو ليش معارضين يعني بجوز يكون قاعدالأخ عم يحضر فلم اكشن وتقطع الكهربا بنص الفيلم بقوم بصير معارض , او عم يحكي مع حبيبته عالتلفون وفجأة بنص المكالمة يعطل الهاتف بقوم بصير معارض ,وفي نفس اللحظة ينزل ملاك من السماء على الاخ المعارض ويزوده بشحنة من الديمقراطية ويعطيه دروسا في الحرية وابداء الرأي وفي تلك الليلة ينكشف للاخ المعارض انه كان يعيش في السجن الكبير وان حريته مسلوبة وعليه أن يستردها قبل أرضه المسلوبة .
والأحسن من هيك هاد الي بسميلك حالو الاصلاحي وكأنو بدو يصلح وطنه وشعبه بيوم وليلة قبل أن يصلح نفسه وهداك الي عايش بوطنه السليب وهداك يلي عم يطالب بالحرية والديمقراطية والى أخره من الشعارات .


وثالثا : مسامحك انت ما لعيت كتير

تحياتي :D

المشكلة بهالمواضيع ان صاحبها بيلحشها وماعاد الو علاقة لابتعليق ولاتوضيح ...لك الالعن ان لما بتشوف مشاركات بتشوفها عندو 157 مشاركة قطع ونسخ من اصل 155 مشاركة وهاد مشكلة عنجد
نحنا كلنا رفاق اخوة وخلونا نسمي ..عسبيل المثال الاخ زاهي
يحرق ديب هالرفيق لك كل هم ان يسقط نظام الحكم لان فاسد ومرتشي وعميل ...الخ
بس حبيت شي مرة بس مرة يعطينا شي حل بدو يعمل هوه وجماعتو لما بيوصلو عالحكم
ياجماعة النقد ماهيك هاد اسمو حكي قهاوي كل واحد يزت شي قاري وبيمشي مثل الطاووس
بدنا مشاركات تخلينا نحل مشاكلنا مو تزيد الفوضى التشتت بين الرفاق :pos:

مشان مواضيع الفساد بحب نوّه أنّو الآراء المكتوبة تعبر عن آراء أصحابها

بعدين صح معكن حق أنّو زاهي ماعم يتصرف صح.. بس إذا شي حدا نسخ ولصق شي مرّة هيك أبداً ما بلاقيها مشكلة

مشان مواضيع الفساد بحب نوّه أنّو الآراء المكتوبة تعبر عن آراء أصحابها

بعدين صح معكن حق أنّو زاهي ماعم يتصرف صح.. بس إذا شي حدا نسخ ولصق شي مرّة هيك أبداً ما بلاقيها مشكلة



رفيقي انا معك مرة مرتين لك حتى 5 بس موكل المشاركات تكون لصق نسخ ولو بتشوف بالنهاية كلن بيحكو عن نفس الموضوع
كلنا بدنا احسن شي للبلد وانا معك بدنا تظبطات الها اول ما الها اخر بس مابتكون الحلول بهالاسلوب
:D

انا بدي حيي الحر الباكي ..و bl@k على الحكي الحيلو وبايدوون بالحكي .....وانا ضد النسخ و اللصق دون كتابة مصدر موثوق للحكي ....لانو ما بدنا كل واحد ما شاف مقاله فيها نسج من الخيال يجي يحطا هون على اساس انا الواقع وكلام منزل ....وازا واحد قلو هالحكي غلط بيصير متعامل مع النظام وكزاب وما عندو اسلوب حوار ومدري شو...

مشان مواضيع الفساد بحب نوّه أنّو الآراء المكتوبة تعبر عن آراء أصحابها

بعدين صح معكن حق أنّو زاهي ماعم يتصرف صح.. بس إذا شي حدا نسخ ولصق شي مرّة هيك أبداً ما بلاقيها مشكلة

خيو يجبلنا اصحاب هالمواضيع ونحن بناقشها احسن ما يتكلم باسمها

انا مش ضد مرة ولا تنين , انا كانت اول مشاركاتي بالمنتدى بموضوع نسخ ولصق

بس طبعا ما فينا نقارن موضوع الشاورما للصديق( اممي) بموضوع خيالي متل تبعون زاهي

انا بقول انه كلامك صح بس نسبيا

خيو يجبلنا اصحاب هالمواضيع ونحن بناقشها احسن ما يتكلم باسمها

انا مش ضد مرة ولا تنين , انا كانت اول مشاركاتي بالمنتدى بموضوع نسخ ولصق

بس طبعا ما فينا نقارن موضوع الشاورما للصديق( اممي) بموضوع خيالي متل تبعون زاهي



بدينك ماحلو :lol: ...وياسيدي بالنهاية الناس الي بترجع لتعمل مناقشة حول الموضوع الي هنن ناسخين بيعطو شي من مبدا ان يااخي انا عندي هالموصوع وبدي رايكم او خلينا نتحاور على اساس
بس ان تلصق وتلحش فهاد عنجد شي منو حلو

رفيقي انا معك مرة مرتين لك حتى 5 بس موكل المشاركات تكون لصق نسخ ولو بتشوف بالنهاية كلن بيحكو عن نفس الموضوع
كلنا بدنا احسن شي للبلد وانا معك بدنا تظبطات الها اول ما الها اخر بس مابتكون الحلول بهالاسلوب
:D
هلق القص واللصق هي المشكلة أو الآراء اللي عم تنقص وتنلصق؟؟؟

إذا الأولى أنا معكون لازم يتغير الوضع.. بس التانية؟؟ هاد رأيو وهو حر فيه:D