الوضع التعليمي في سورية
انا حبيت اكتب هون لحتى شوف رأي الشباب بلكي بواسي نفسي و الموضوع هوه عن الوضع التعليمي في سورية .... هل هوجيد او مقبول او ماشي حالو.... يعني في عدد طلاب عمبيزيد .... في مناهج جديدة بالعالم في تطورات و نحنا وين بالله افيدوني و ريحوني ..... بيتخرج الواحد منا من الجامعة قال شو خريج و يا ارض اشتدي ما حدى قدي و بعدين بسافر على أساس انن ناطرينو عالحدود و فجأة بيلاقي حالو و كانو لا فت و لا غمس لا راح و لا اجى و يا خسارة السنين اللي راحت بالعلم .... المصري بيعطو شهادة بمعدل عالي و الله روح سافر و ورجينا همتك اما نحنا فماشاء الله الشباب ماسكينها حنبلية و مو شاطرين الا يعطوك 48 و قال شو نجحوك طيب يا اما حسنو التعليم و مناهجو و اساليبو يا اما لا تعقدوها بزيادة خلو هالناس تعيش
ملاحظة : هذه هي حكاية شخصية فبتمنى الرد يكون موضوعي مش تعليق و تنكيت ;-)

آخ .. موضوعك ذو شجون ..

تسجيل متابعة : موضوع كتير حلو يسلم دياتك :D

اي والله التعليم وضعو متردي ...والخريجيين.. ما ملاقيين الشغل ولا اللقمة ....

بس يا سيدي ... انا ع القليه بشوف التعليم بسوريا افضل بناحية.... انو هون (بالاردن)معك مصاري بتتعلم ما معك الله لا يردك....ريتو جعلو عمرك ما تعلمت.... التعليم تجارة .... وفقط للتجارة ....ع الاقل بسوريا بعدو بلاش ...حتى الجامعات الخاصة قسطها ما كتير عالي .... (مقارنة بالاردن )

بس يا ريت توضحيلنا شو بتقصدي بموضوعك تماما لنقدر نتناقش
يعني عم تحكي عن ماهية التعليم بسوريا
و لا عن تعديل شهادة الطلاب القادمين من الخارج
و لا عن مستقبل المتعلمين وفرص العمل
؟؟؟؟
:D

انا رح احكي شوي من الي بيقهرني من تعليم سوريا

انو ما بيعطي حق للمغتربين انو يدرسوا متلهم متل غيرهم

لا وبالعكس بيعطوا حق لغير السوريين من الدول العربيه انهم يدرسو بجامعات سوريا

بحسب مجموعهم يعني لا بزودو ولا بنقصوا

اما نحنا يا حسره طبعا مستحيل اي جامعه حكوميه تقبلنا حتى لو كان معدلنا 100%

اذا قبلنا بكون اقتصاد وتجاره يعني بضيع العمر بشي بصراحه مو قد الدراسه

سمعت سمعه انو هالسنه بسوريا رح يلغوا الموازي قال لانو صار في 25

جامعه خاصه بسوريا ولازم يتعبو هالسنه

على هالحاله صفت الدراسه برا سوريا احسن ..............


اما اذا جيت تقريبا لموضوعك انو المنهاج بسوريا اقل من غيرها ......... مابعرف بس من الي حولي بسوريا

بقولو انو تعليمهم قوي وبضاهي جامعات اوروبا ...... فما بعرف بس لازم يصير في شويه حركه

بمجال التعليم بسوريا ..........



تحياتي

انو ما بيعطي حق للمغتربين انو يدرسوا متلهم متل غيرهم

لا وبالعكس بيعطوا حق لغير السوريين من الدول العربيه انهم يدرسو بجامعات سوريا
يعني يخزي العين
اذا فاتورة موبايلك صايرة أكتر من الف ريال بالشهر
شو فيلك شي جامعة خاصة ( وصارو كتار بسوريا و مستواهون منيح )
و خلي جامعات الدولة للشعب الفقير المعتّر////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


لا تعليك

المشكلة عنا بسوريا إنو نفس المناهج من عشرين تلاتين سنة هية نفسا...يعني العالم صارت عم تدرس تركيب الكومبيوترات بالصفوف الابتدائية ونحنا عنا لسا عم يبلشو يعطوك دروس بالفيجوال بيسيك...ايه وبى صعي!!

يعني يخزي العين
اذا فاتورة موبايلك صايرة أكتر من الف ريال بالشهر
شو فيلك شي جامعة خاصة ( وصارو كتار بسوريا و مستواهون منيح )
و خلي جامعات الدولة للشعب الفقير المعتّر////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
يعني اذا درسنا بجامعات خاصه بقولوا نجحنا بالواسطه

وما بيشبعوا لعي ................

والجامعات الحكوميه ياعمي مابتتشرف فينا واذا صار وتشرفت بطالعوا روحنا اول سنه

مشان هيك عم فكر بالهجره ............... ان شا الله عن قريب


وبعدين شو دخل فاتورتي بالموضوع

ياأخي بلا تعليم بلا وجع قلب ;-)

روح لعبلك بشي نادي وزبط امورك في وبلا شغل بلا وجع قلب
او روح فتحلك شي محل استرزق منو ..


سيبك يا ;-)

ياأخي بلا تعليم بلا وجع قلب ;-)

روح لعبلك بشي نادي وزبط امورك في وبلا شغل بلا وجع قلب
او روح فتحلك شي محل استرزق منو ..


سيبك يا ;-)
الله يثبت علينا العقل

رووح ادرووس

الله يثبت علينا العقل

رووح ادرووس


بلاد راسة بلا اجري ;-)

و الله يا جماعة كإنكن قاعدين بقلبي وبفكري
لك آآآآآآآآآآآآآآه شو رح طق من التعليم يلي في سوريا
الحقيقة و الفاجعة الكبرى إني الحرب يلي مانا حاسين فيها إني نحنى عم نتحارب عن طريق مدارسنا وطرق التعليم عنا بسوريا
قالوا إني أحد أسباب نجاح الدولة هو : التعليم .........المجاني .......و الحقية هي خطوة كتير كتير ممتازة ..بس للأسف مع إذدهار العلم عنا و الثقافة كان في شي كتير مهم نسيوا إنهن يعلمونا ياه ألا وهو الأخلاق
نعم يا يأصدقائي للأسف ما قدروا يعلمونا مع العلم المجاني الأخلاق لإني وبكل أسف سنة بعد سنة وجيل بعد جيل صارت الأخلاق آخر شي بنقدر نفكر فيوا
أول شي رح بلش فيوا بالأساتذة يلي صار كل همهن هو الإتجار بالتعليم و ليس الهدف من التعليم هو الوصول إلى جيل مثقف ومتعلم (يعني بصريح العبارة إنته إذا كنت بتدرس عند إستاذك وبتاخد دروس خصوصية إنته يلي بتنجح وإلا عمرينك إنشاء الله ما تنجح) , يمكن أنا شايف شي ما حدا قدر يشوفوا بس أكيد بيسمع عنوا او شافوا على شاشات التلفزيون في بعض البرامج الناقدة على الوضع في المجتمع
المهم
كان الإستاذا إيام زمان يعني من شي حوالي 25 سنة كان هو يلي بيمثل لإلنا الأخلاق وكان الواحد بيحترموا أكتر من أبوه مو من شان شي بس من شان إنوا هو عم بيادي أمانة مسؤول عنها قدام ربوا وضميروا قبل اي شي ...
وهادا هو السبب الأول يلي خلا و للأسف العلم عنا بسوريا على هديك الأيام بتلاقي الواحد عمروا 7 او 8 سنوات بيعرف يقرا ويكتب ...وعلى العكس الآن بتلاقي الواحد إني صار عمروا 11 أو 12 سنة ومابيعرف يكتب جملة ما يكون فيها 50 % أخطاء إملائية
أنا برأي إني سبب تدهور أسهم العلم هو كبير كتير و أكبر من أي مناقشة لإني و للأسف عم بيحاولوا يدمرونا من كل النواحي
الواحد بيخلص من الإبتدائي بيبلشوا فيوا بالإعدادي
بيخلص من الإعدادي بيبلشوا فيوا من الثانوي
بيخلص من الثانوي بيجي على الجامعة ......وبينحط تحت رحمة الدكاترة يلي مافي بقلبهن جنس الرحمة....يعني معقول الواحد أو الوحدة بالجامعة ما بيقدر ينجح إلا إذا رضي عليه الدكتور صاحب ولا تقول إنوا صار الله.......أستغفر الله العظيم
لك الحالة صايرة بتبكي الحجر
من شان هيك الله يسترنا ويرحمنا أحسن الكل

أحلى شي في التدريس الجديد شغل الشباب يعني بتلقي التلميذ بيضف إستاذو سيكارة والله على زمن أول إذا شافوا في الحارة برجف لتني يوم اهههههههههههه يازمن