:D
مرحبا جميعا
اليوم انا حابب اخد هيك تعريفات برئيكن انتو كاعضاء بهالمنتدى الحلو عن تعريف الحب
بدنا نشوف اراء الشباب بمعنى هالكلمه
حتى لو كان تعبير فكاهي مو مشكله
بس خلونا نشوف الاراء حول هالكلمه وشو بتحمل جواتها من معااني
انا راح ابدي بتعريف لئلو
معانو مضحك بس انا لاقيت انو يمكن بيحمل جواتو معنى كامل للحب
فالحب برأي هوه
شعور تشعر به عندما تشعر بانك شعرت بشعور لم تشعر بمثله من قبل
هههههههههه بالله شلوني معكن 8)
جد انا هاد تعريفي لئلو
هاتو انتو عطونا تعريفاتكن
مع كل حبي
:hart:

تعريف الحب عندي بالمقولة:
كلاهما يبدأ حلواً وينتهي بكارثة السكر ...والحب

الحب يا حبيب هو لما يدق قلبك 200 لما تشوفها او تسمع صوتا
الحب لما تسمعها عم تقول اسمك و تتمنى انك تضل بها اللحظة كل العمر
الحب هو قلة النوم و التساؤلات اللي ما بتخلص
الحب هو تطليعة من عيونها يتفهم منها انو انا كمان
الحب هو كتر الشكوى للاصحاب و الاحساس انو ما حدا فهمان عليك شو عم تحكي
الحب هو لما اول مرة بتصغي لام كلثوم و بتبلش تحبا
الحب هو انو تجن لمجرد انو تسمع سيرتها
الحب هو تنين ختايرة قاعدين على مرجوحة على البلكون ماسكين ايدين بعض و عم يتفرجوا على الغروب

الحب هو الغصة لما تشوفها مرة تانية بعد شي سنتين تلاتة قطيعة و تبلع ها الغصة و تمشي


الحب اعقد و ابسط شغلة بالدنيا


و اسلموا



ديموزي :D

اي والله اي والله درر :wink:

الحب هو تطليعة من عيونها يتفهم منها انو انا كمان

الحب هو لما اول مرة بتصغي لام كلثوم و بتبلش تحبا

ديموزي :D


بعرضي انك ملك :)


الحب انو لما هي بتسكوت بتحسا عم تحكي ولما بتحكي بتحس انو كل العالم لازم تسكت :hart:

عراصيييييييي
انا بال 2001 كنت كاتب قصيدة صغيرة هيك شخبطات يعني اسمها تعاريف بالحب ..بتزكر منها هال المقطع

الحب ....

هو ان تحسّ ان الأرض من تحت قدميك تميد ..
انه في اعماقك بركانٌ يريد ان ينفجر .. ولا يريد ..
وانك مزبوح بها من الشريان حتى الوريد ..
وتقر بالأنسحاب و تحيد .. لكن لن تحيد ..
والي من سواها سوف تحيد..

هو ان تحس انه في اعماقك أعاصير بروقٌ رعود ..
وأنك رحلت عن هذه الدنيا .. قد تعود .. وقد لا تعـــــــــود ..
انه قد اكتسحتك لعنٌ تخقطت بك كل الحدود ..
فصرت رهن حبيبة قلبٍ .. قد تجود .. وقد لاااااااااا تجـــــــــــــود ..

تسالي

الحب هو أحد الأحاسيس التي تتميز بها المخلوقات البشرية عن غيرها من الحيوانات
و هو إحساس ناتج عن جملة من الإفرازات الكيماوية من غدد الدماغ الصماء التي تتأثر بشكل إنفعالي بالحواس الخمس المعروفة بوجود ارتباط وثيق مع خلفيات مسبقة يحملها الشخص في اعماق اللاوعي
وفي الختام لا يسعنس إلا أن أقول :
بلا حب بلا بطيخ
:evil: :evil: :evil: :evil: :evil: :evil:

يعني اذا بتحفظو التعاريف اللي بالكتب بكون أحسن
:evil: :evil: :evil: :evil: :evil:

مرحبا
الحب مثل السيل - - - - - يغرق بطل في العوم
ذكرى
:hart: :hart: :hart: :hart: :hart:

فلسفياً:
الحب لأول مرة: هو انتقال الإنسان من الواقع المادي المعتاد عليه والمنغمس فيه إلى الواقع العاطفي الرومانسي الذي لم يؤمن به يوماً والذي كان يهزأ به
واقعياً:
مراحل الحب: خجل-تردد-هواجس-انطلاق-تراجع-توازن-الاعتراف

هلق الحكي اللي انقال كلو حلو بس بصراحة انا ضد فكرة تعريف للحب من اساسا برأي هو اسمى من انو يتلخص بكلمتين حتى لو كانو حلوات :)

برأي هو اسمى من انو يتلخص بكلمتين حتى لو كانو حلوات


الله عليك .. يا رومنسي انتا

قال:
كلماتنا في الحب تقتل حبنا ............. ان الحروف تموت حين تقـــــــــالُ

على عيني انتي اخي ابو ميشيل :lol: