الحقيقة لا يوجد أسوأ من الحكومات العربية في التعامل مع الظواهر السلبية في المجتمع ، فهي تدفن رأسها في الرمل مقنعة نفسها بأنها تفعل الصواب ...
ظاهرة التدخين أبشع و أسوأ عادة و نعرف في كل الدول تحاربها و أفضل طريقة تطبق الآن حول العالم هي رفع الضرائب عليها و زيادة أسعارها فيبلغ سعر أي علبة سجائر حول العالم لا أقل من 8 دولار إلى 10 دولار بكندا - هذا عدا محاصرتهم ...في أقفاص و منع التدخين بالأماكن العامة ..
بينما هنا في بلاد العرب فالوضع عكسي يتفاخرون أن شركة التبغ ربحت كذا مليار للموازنة متناسين أنهم دفعوا أضعاف المبلغ كأدوية سرطان وحده ...لا ندري إن كان الهدف هو دعم هذه المادة التي يحرق العرب يومياً فيها مليارات الدلارات ليقتاتوا عليها ...
هل هي أهم من السكر و الشاي و السمن و المواد الغذائية حتى لا يطالها أي رفع ..كم من مراهق لم يكن ليلمسها لو كان سعر الباكيت 10 دولار ..كم من أم أراحت نفسها من عناء القلق على أولادها ......دعونا نبدأ حركة ضغط لمضاعفة أسعار هذا السم حتى لا يستطيع أطفال المدارس و المراهقون التفكير بشرائها و لكم الشكر

رفع السعر ما رح يمنع حدا من انو يشتريها
العالم مستعدة تتدين مشان تجيب باكيت دخان

بالعكس بدال ما يحلو المشكلة بزيدوها

اذا رفعو سعر الدخان بصيرو يسرقو;-)

فيبلغ سعر أي علبة سجائر حول العالم لا أقل من 8 دولار إلى 10 دولار بكندا

يحرق حريشك شو فتح و مخك نضيف ..

لك حبيبي بدك تراعي فرق العملة بين البلد اللي انت قاعد فيا و بين كندا ..

بكندا هالمبلغ على ما أتوقع .. مبلغ معقول لسعر باكيت

و إذا حدا قاعد بكندا يشرحلنا .. حق الباكيت بكندا معقول و لا غالي

تاني نقطة ..

رح أجي معك و أقلك رح يرفعو السعر

أنا واحد من الناس بدفع 2 دولار حق باكيتي .. و مستعد أدفع لحد ال 10 دولارات يومياً

يعني انت عبتحكي عن شي مقدس .. بالنسبة لإلي بشكل خاص و بالنسبة للمدخن بشكل عام

يعني بالأخير اقتراحك بخلي المشكلة تتفاقم .. متل ما قلك willi

و بس هيك

:shock::shock::shock::shock::shock::shock::larg::l arg::larg::larg:

كم من مراهق لم يكن ليلمسها لو كان سعر الباكيت 10 دولار ..



لا والله وحياتك ليصيرو يعملو شو ما كان ليجيبو حق الباكيت لو حتى يشتري دخان فرط بالسيجارة :)

بس يعني ما بظن الدخان مضر كتير بالصحة متل ما بقولو..جدي كان يدخن 4 باكيتات باليوم او اكتر ومات عمرو 85 سنة ومانو مريض ولا شي بقا كلو حكي فاضي...كل واحد عمرو مكتوب من ينخلق وراح يعيشو..

بخصوص التدخين!!

انا ابي رباني تربيه متخلفه(كان يقلي وانا صغير: لو اشوفك حامل سيجاره وبتدخن بكسر اديك واجريك)
(عشان مش دكتور ولا صيدلي عندو كراج عجلات سيارات)

كثير شباب في جيلي اهليهم ربوهم تربيه متطوره نحو(ممنوع التدخين يا حبيبي(مع ملاطفه) وهيك)

واليوم روحو شوفوهم بحششو وبسكرو!!


انا والحمدلله
لا عمري جربت ادخن ولا بدي اجرب ولا جربت اشرب ولا بدي اشرب

والتدخين هو شيئ مقرف يعني روح شم ريحة واحد مدخن بتقرف حياتك

رفع السعر ما رح يمنع حدا من انو يشتريها
العالم مستعدة تتدين مشان تجيب باكيت دخان

بالعكس بدال ما يحلو المشكلة بزيدوها

غلطان أنا متأكد معظم الشباب سيتخلون عنها و على الأقل سيحسون بصعوبة
اقتناء الدخان ... نحنا لسنا أفضل من بريطانيا التي ستحظر الأرغيلة من المطاعم بعد شهر - تحت طائلة الإغلاق لمدة طويلة :clap:+ دفع غرامة ..:o

بكندا هالمبلغ على ما أتوقع .. مبلغ معقول لسعر باكيت

و إذا حدا قاعد بكندا يشرحلنا .. حق الباكيت بكندا معقول و لا غالي

تاني نقطة ..

رح أجي معك و أقلك رح يرفعو السعر

أنا واحد من الناس بدفع 2 دولار حق باكيتي .. و مستعد أدفع لحد ال 10 دولارات يومياً





من أين تأتون بهذه الأفكار - اسأل أي شخص مهاجر و سيقول لك
هذا ليس مبلغ صغير أبداً و الكثير من الذين سافروا تركوا التدخين
بسبب غلاء ثمنه من أوروبا غلى أمريكا ..
نعم انت قد تستمر مهما كان سعر الباكيت لكن المراهقين لن يفكروا
في شراءه بمصروفهم الصغير ...هذا اذا تمت حملة كما نرى في المجتمعات
الغربية ...أنا واثق من هذا

نحنا لسنا أفضل من بريطانيا التي ستحظر الأرغيلة من المطاعم
بعد شهر - تحت طائلة الإغلاق لمدة طويلة + دفع غرامة ..



ما هنة عندن حشيش مو محتاجين اراجيل !

ما حدا بموت ناقصه عمر بقا دخنو شباب عضماننتي:p

بخصوص التدخين!!

انا ابي رباني تربيه متخلفه(كان يقلي وانا صغير: لو اشوفك حامل سيجاره وبتدخن بكسر اديك واجريك)
(عشان مش دكتور ولا صيدلي عندو كراج عجلات سيارات)

كثير شباب في جيلي اهليهم ربوهم تربيه متطوره نحو(ممنوع التدخين يا حبيبي(مع ملاطفه) وهيك)

واليوم روحو شوفوهم بحششو وبسكرو!!


انا والحمدلله
لا عمري جربت ادخن ولا بدي اجرب ولا جربت اشرب ولا بدي اشرب


لك أنت مافي منك ... :p

بس ما حدا مقدر مو هيك .. ؟ :pos:

أما بالنسبة للموضوع ..

ياجماعة ترى الزلمي ما كل كلامو غلط ..

يعني بالفعل عنا ( بالبلاد العربية ) بتدخل السرفيس .. و الدنيا فطيس شوب ..

و الي جاي من سوء الهال .. و الي جاي من الصناعة .. و كلو لازء ببعضو .. إيـــه ,, و بيجيك واحد و بيشعل حمرا طويلة ..:shock:
بالعكس ما غلط أبداً أنو بلادنا تتخذ خطوات جدية لحصر التدخين بأماكن معينة ..
يعني بالله الما بيدخن مجبور يشم نشح العالم .. ؟

هون ( بأوروبا )عن جد الي بيدخن برات البيت .. بيحس حالو عم يعمل شيئ غلط ..

يعني إن دخل قهوة بدو يدور ساعة وين مسموح التدخين ..
بالأماكن العامة .. ممنوع التدخين قطعا ..
بالمطارات .. محددين ( أقفاص ) حسب تعبير سكايبي .. بتظنها من برا أنو حيطانها مغشاي ..
بتفوت .. و الله العمى ضباب .. بتوفر باكيت دخان بدخلتك بس !!


شفت كيف .. هاي إجى يوم .. و صفيت معك , سكايبي .. :yahoo:
بس أنو يرتفع حقو ... هئ .. مو ظابطة ..
أنا بعملو ببلاش .. :gem: متل المشروب ..

خطي حسنة الدكاترة .. خليهون يعيشو ..

.جدي كان يدخن 4 باكيتات باليوم او اكتر ومات عمرو 85 سنة ومانو مريض ولا شي بقا كلو حكي فاضي...كل واحد عمرو مكتوب من ينخلق وراح يعيشو..



ما بعرف مع مين عم احكي - هلق عم تقارني حياة انسان عم يدخن
4 علب سجاير باليوم مع انسان لا يدخن ....معقول :x:?:

نحنا لسنا أفضل من بريطانيا التي ستحظر الأرغيلة من المطاعم بعد شهر - تحت طائلة الإغلاق لمدة طويلة :clap:+ دفع غرامة ..:o


أنت متأكد ... :shock:

ما حدا بموت ناقصه عمر :p

غلطانة في كتير بشر بيموتوا و عمرهن ناقص ... و عايشين و روايحهن معفنة
و مقرفة كمان من ريحة ثيابهن لريحة ......

أنتو مو معقولين ... :cry:

أنت متأكد ... :shock:



نعم متأكد - Sure about it

بس يعني ما بظن الدخان مضر كتير بالصحة متل ما بقولو..جدي كان يدخن 4 باكيتات باليوم او اكتر ومات عمرو 85 سنة ومانو مريض ولا شي بقا كلو حكي فاضي...كل واحد عمرو مكتوب من ينخلق وراح يعيشو..

لا هون بدي عارضك بالحكي
يمكن جدك عاش 85 سنة وما مرض.
وطبعا هو مو الوحيد اللي ما ضرو الدخان
لاكن هو من ضمن مجموعة بتساوي تقريبا ال 1% من المدخنين
يعني الواحد اذا دخن عندو نسبتين
1% انو ما يصيبو مرض خطير
99% انو يصيبو مرض خطير وممكن يسبب بموتو

الواحد ينقي

بس أنو يرتفع حقو ... هئ .. مو ظابطة ..
أنا بعملو ببلاش .. :gem: متل المشروب ..

خطي حسنة الدكاترة .. خليهون يعيشو ..



طالما عم تعملي ببلاش بكون اوفر :oو معناتوماحدا رح يخاف من انقراضو لا قدر الله .... بقى ماحدا يخاف في متبرع هون ياجماعه:gem::larg:

حتى و لو ما صابوا أي مرض - في عاقل بيعرف شخص بيدخن هالكمية
و طول هذه السنين و شخص آخر لا يدخن و يقارن بين طبيعة الحياة للاثنين !!!

من أين تأتون بهذه الأفكار - اسأل أي شخص مهاجر و سيقول لك
هذا ليس مبلغ صغير أبداً و الكثير من الذين سافروا تركوا التدخين
بسبب غلاء ثمنه من أوروبا غلى أمريكا ..
نعم انت قد تستمر مهما كان سعر الباكيت لكن المراهقين لن يفكروا
في شراءه بمصروفهم الصغير ...هذا اذا تمت حملة كما نرى في المجتمعات
الغربية ...أنا واثق من هذا

بالنسبة للأفكار و اللي جبتا .. من بيت الجيران ..

بعدين تعال لهون شو خصّك من وين جبت الأفكار .. هاد ما شغلك عيني .. احكي بالشي اللي بيعينك هي أولاً

ثانياً : ما في داعي أسأل أي شخص مهاجر لأني أنا كنت مهاجر و بعرف .. و عبحكي حكي واثق منو ..

ثالثاً : شو مفتكر إذا انسان مراهق مثلاً ما عندو إرادة أو تصميم .. ليك لفهمك هاد المراهق اللي م عاجبك .. بدو يسوي اللي في راسو و يدخن غصب من عالكبير و الصغير

بدك تناقش عن أساليب ترك الدخان .. منتناقش .. بس هاد ما أسلوب لترك الدخان ..

و بس هيك

حتى و لو ما صابوا أي مرض - في عاقل بيعرف شخص بيدخن هالكمية
و طول هذه السنين و شخص آخر لا يدخن و يقارن بين طبيعة الحياة للاثنين !!!

وحياه الله الشحدان بسوريا بتلاقي الباكيت بجيبو لا وياريت وطني

وحياتك اجنبي مشان المنظر

فاذا غلي او ما غلي ما بتفرق صاير كل شي غالي

أنا كنت مهاجر و بعرف .. و عبحكي حكي واثق منو ..
. بدو يسوي اللي في راسو و يدخن غصب من عالكبير و الصغير







بدو يدخن هو حر بس أنا ما دخلني ادفع فاتورة علاجو من جيبتي ..
انت وين كنت مسافر بجيبوتي ..
أنا حضرت تقرير - خبراء بالاتحاد الأوروبي أظهروا أن ما يدفعونه ثمن استشفاء
أضعاف ما يأخذونه من شركات التبغ ..هذا عدا الأضرار التي لا تقدر ...:x

نحنا ما عم نتناقش بريحة الدخان هاد موضوع تاني!!!

بس هلأ انتو تاركين الاشيا التانية الي بتضر وماسكين بالدخان!!!

مثلا الارجيلة بتضر 100 طاء اكتر من باكيت دخان...

والمشروب بضر بشكل اكيد ومثبت علميا...بقا قبل ما نحكي عالدخان خلينا نحكي عن اشيا اهم..

مع انه كل واحد من الي بدخنو او بشربو بيعرف مضار هالاشيا بس هاي حياته وهوة حر وما دام مقتنع مستحيل يغير رأيو ولو زاد سعر الباكيت راح يدبر ويشتريه..

عقصة حدا يموت ناقصو عمر هاي انا اكيدة منها..كل واحد عمرو مكتوب وراح يعيشو كلو سواء دخن او سكر او حتى جرب ينتحر ما بموت الا بوقتو..

(اكيد بحترم ارائكن شباب بس هاد رأيي)


:D:D

ثانياً : ما في داعي أسأل أي شخص مهاجر لأني أنا كنت مهاجر و بعرف .. و عبحكي حكي واثق منو ..





حكي بلاك صح..بكندا وبلاد برا دخل الفرد عالي كتير عندن وحتى الي قاعد ببيتو بلا شغل بياخد راتب مبلغ وقدرو من الدولة بقا مشان هيك اسعار اي شي عندن غالية بالنسبة النا..

مشان هيك ما فيكن تقارنو سعر بين هون وهنيك لانها بتتناسب مع الدخل

والمشروب بضر بشكل اكيد ومثبت علميا...بقا قبل ما نحكي عالدخان خلينا نحكي عن اشيا اهم..



خليكي بالدخان...:pos:

""دوخو شربو ضلو سكرو بكرى الفنا""

خليكي بالدخان...:pos:


""دوخو شربو ضلو سكرو بكرى الفنا""


ما تخافي ما غيرت افكاري لساتني مع التدخين والمشروب ومع انه الحياة مرة وحدة ولازم ننبسط فيها ونعمل شو ما بدنا :)

منيح خبرتيني بكرا الفنا لأنو لسا فيه كتيييييييير اشيا ما عملتا :p

بدو يدخن هو حر بس أنا ما دخلني ادفع فاتورة علاجو من جيبتي ..





من جيبتك ؟؟ :shock:
ليه فاتح تكية خاي .. !!
حكي بلاك صح..بكندا وبلاد برا دخل الفرد عالي كتير عندن وحتى الي قاعد ببيتو بلا شغل بياخد راتب مبلغ وقدرو من الدولة بقا مشان هيك اسعار اي شي عندن غالية بالنسبة النا..

مشان هيك ما فيكن تقارنو سعر بين هون وهنيك لانها بتتناسب مع الدخل

معلش فوفو ..
بس هلـ الكلام مانو دقيق مية بالمية ..
ما بتقدري أولا تعممي أنو دخل الفرد برا عالي .. لأنو مافي هيك شيئ
متل عنا في الي عايش فوء الريح .. و في الي آكلها ..
بس يعني باكيت الدخان هون .. حقو 4 أويرو .. يعني شيئ 5 دولار ..
و الي بيدخن باكيتين باليوم .. فرضا ً ./ صاروا 10 دولار ..
و معدل دخل الشخص بألمانيا .. بين 2000 و الـ 2500 أويروا .. ( أنا عم إحكي عن شريحة بتمثل 60 بالمية )
يعني حسبيها .. ما بتلاقي في فرق كبير ...
يعني عنا غالي .. و هون غالي نار صار ..
لهيك العالم قلبت علـ الأركيلة أوفر .. بس إن شاء الله ما تصل العدوى من بريطانيا .. :p

رفع اسعار الدخان افضل سلاح لتحريض المراهقين على السرقة والنشل

شو سرقة ونشل !
ما هم بيرفعو اسعار المواد الضرورية كل يوم بزيادة عن اليوم اللي قبلو !
ومش شايفة الناس كلها صارت تسرق !
انو ازا ارتفعو الاسعار عالأكيد ما ريح يبطلو الناس دخان
بس نسبة المدخنين رح تقل
وكمية السجاير ياللي بيدخنوها بتقل لأن سعر السجاير بيكون أعلى..
فكرك بينفع يعملوها هون ؟

معلومة صغيرة للمهتمين....حسب اخر احصائية السنة الماضية...في فرنسا...دخل الدولة من الضرائب المفوضة على الدخان والتبغ يزيد على ما تدفعه الدولة الفرنسية ع القطاع الطبي وتغطي كافة نفقات المشافي في كل فرنسا
يعني ضريبة الدخان بتكفي تكاليف علاج كل الامراض يللي الها ويلل ما الها علاقة بالدخان...
نقطة تانية...سعر الدخان موضوع معروف في كل فرنسا والتذمر عارم ويشكل ثمن الباكيت عبء حقيقي مقارنة مع متوسط دخل الفرد

بدو يدخن هو حر بس أنا ما دخلني ادفع فاتورة علاجو من جيبتي ..
انت وين كنت مسافر بجيبوتي ..
أنا حضرت تقرير - خبراء بالاتحاد الأوروبي أظهروا أن ما يدفعونه ثمن استشفاء
أضعاف ما يأخذونه من شركات التبغ ..هذا عدا الأضرار التي لا تقدر ...:x


ليك سكاي ليك

مرة تانية عبتتدخل بأشيا ما بتخصك .. ما خصك وين كنت أنا مهاجر هي أولاً :p

تانياً .. ما تدفع فاتورة من جيبتك ردون على جوعتك .. :p

تالتاً .. هلاء انت عبتقول لازم يصير سعر الباكيت عشرة دولار ..

رح أجي معك و أقلك تكرم

رح أضربلك مثال

دخل المواطن السوري شهرياً كمعدل وسطي 145 $ يعني إذا بصير حق الباكيت 10 $ رح يكون كتير غالي

أما في النرويج دخل المواطن وسطياً 8000 $ دخلك شو رح تفرق معو إذا كان سعر الباكيت 20 $ ما 10 $

كانت ستي تقلي متل " قعود أعوج بس احكي دغري "

يا أخي رفاع رجليك لفووق و راسك عالأرض بس احكي دغري و حكي واقعي

بعدا تعال لقلك لا تحكي بضبابية و تغير الموضوع كعادتك .. عمنحكي عن سعر الباكيت .. ما عمنحكي عن تقرير مدري مين

خليك بقصة رفع السعر .. ما تقلي اتحاد أوروبي و أضرار .... و و و و و و



حكي بلاك صح..بكندا وبلاد برا دخل الفرد عالي كتير عندن وحتى الي قاعد ببيتو بلا شغل بياخد راتب مبلغ وقدرو من الدولة بقا مشان هيك اسعار اي شي عندن غالية بالنسبة النا..

مشان هيك ما فيكن تقارنو سعر بين هون وهنيك لانها بتتناسب مع الدخل

دخلك فهمي و شرحيله .. لأني مخو مسكر .. عفواً ما في مخ بنوب

:o

نقطة تانية...سعر الدخان موضوع معروف في كل فرنسا والتذمر عارم ويشكل ثمن الباكيت عبء حقيقي مقارنة مع متوسط دخل الفرد



هذا كلام حقيقي و واقعي - مو كلام ناس عايشين بسوق الهال
و عم يناقشوا بعقلية العتالين - مع احترامي إلهم أكيد بيفهموا
أكثر من الذين يجادلون لمجرد المجادلة

مو فرقانة معي قد ما رفعو سعر الدخان رح تضل الحمرا بخمساوعشرين:frown::frown::frown:

من جيبتك ؟؟ :shock:
ليه فاتح تكية خاي .. !!

.. و هون غالي نار صار ..
لهيك العالم قلبت علـ الأركيلة أوفر .. بس إن شاء الله ما تصل العدوى من بريطانيا .. :p




إيه نعم - كثير من أموال الضمان الصحي و وزارة الصحة هي من اموال الضرائب و أموال الضرائب من جيبتك و جيبتي ...
و الأرغيلة كمان يجب فرض ضريبة دولار او دولارين على كل ارغيلة ....
هي السموم ينبغي محاربتها من دون هوادة ...

معلش فوفو ..
بس هلـ الكلام مانو دقيق مية بالمية ..
ما بتقدري أولا تعممي أنو دخل الفرد برا عالي .. لأنو مافي هيك شيئ
متل عنا في الي عايش فوء الريح .. و في الي آكلها ..
بس يعني باكيت الدخان هون .. حقو 4 أويرو .. يعني شيئ 5 دولار ..
و الي بيدخن باكيتين باليوم .. فرضا ً ./ صاروا 10 دولار ..
و معدل دخل الشخص بألمانيا .. بين 2000 و الـ 2500 أويروا .. ( أنا عم إحكي عن شريحة بتمثل 60 بالمية )
يعني حسبيها .. ما بتلاقي في فرق كبير ...
يعني عنا غالي .. و هون غالي نار صار ..
لهيك العالم قلبت علـ الأركيلة أوفر .. بس إن شاء الله ما تصل العدوى من بريطانيا .. :p


لأ معليه بدك تسمحيلي....انا متأكدة من الي عم قولو...عندن فيه الي عايش بمستوى عادي (يعني ما بشتغل بس بياخد مبلغ وقدره من الدولة) وعندن الي فوق الريح...بس هاد الي اكلا ما عندن اياه..

الضرايب الي بياخدوها من الي فوق الريح بيعطوها للناس الي ما بتشتغل...

وكمان ما تنسو انو عندن تأمين صحي كامل مجاني للكل بقا هالمصاري الي بياخدوها بتكون كافية ليعيسو وينبسطو ويدخنو و يشربو حتى لو سعلر الباكيت 20 دولار ما راح تفرق معن..

بقا الشغلة تناسب مع الدخل مكو أكتر :melody:

مرحبا...

بغض النظر عن سعر باكيت الدخان في أوروبا أو أميركا، أنا مع أنو يرفعو سعر الدخان عنا بسوريا...
بعرف أنو يلي بدخن بدو يضل يدخن وما رح تفرق معو إذا غلو السعر، بس يلي بتفرق معو هو يلي بدو يبلش تدخين..
يعني بيصير الولد قبل ما يفكر يبلش تدخين (أو قبل ما يصبح التدخين حاجة بالنسبة لجسمه) بيحسبها ميت مرة لأنو الدخان غالي

وشكراً

متل ماقالوا الشباب اذا غليت الاسعار

رح الناس تريد تدخن اكتر
والنشل والسرقة رح يشتغل