اجتعو رجال تعسكرو وتسلحو
وقرروا مع بعضهم يمشوا الدرب
عار العلى جبين الوطن رح نمسحوا
بدهن حرب نحن خلقنا للحرب

شدوا العزيمة وحاملين عتادهن
ورصاص يتسابق ع بيت النار
مهما الاعادي حاولوا استعبادهن
احرار خلقوا بيفضلوا احرار


وطفل بين الجمع حامل قنبلة
ورشاش طولو معلقو بكتفو
قلتلو الحرب بدا مرجلي
ويمكن يروح الشخص ع حتفو


صرت قلو هيك ت دلو
وين الخطر والقصد ت يرجع
يللي علق بالحرب يا ذلو
بالحرب غول الموت ما بيشبع
وعنا الاعادي سم ع حلو
بين طفل وشب ما بتقشع
ساعة بدبابة عم يطلوا
ساعة قذيفة حدك بتفقع
وافكار ع افكار وصلو
وخوفو من الحب ت يقنع
ما هز ضلو واقف محلو
وقلي كلام انسمع فيه الموت
الموت منو ماكدي بيفزع


جبينو عقد وعيون عمتقدح شرار
وكلمات طلعو بفخر ع تمو
جاوب وقلي كلمتين زغار
معاني المجد بعبهن لمو
عودت عمري عاللعب بالنار
يللي تعود هيك شو همو
عنا الطفل بيخلق وفي حجار
بايدو وعجسمو ملفتو دمو
دورت ع امو ت قلا الصار
لقيتا ع جنبو مسلحة امو
سالت انت منين ايا دار
اطفالهن عالعز بينموا
جاوب وقلي ما بقا تحتار
اطهر ارض عنا واشرف شعب
انا من فلسطين يا عمو

بقلم زهير ملاعب
ابو سلينا
مع تحياتي لاطفال فلسطين

مشكووووووووووووووور


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////