_ أحياناً .. يضحك المرء لأشياء مبكية .. وأحياناً يبكي لأشياء مضحكة ..
ولأنني .. عربيّ .. ابن عربيّة ..
فأنا لم أضحك يوماً .. ولم أبك ..
أنا لم أعرف يوماً ..
كيف المرء يختار .. !!




_ بينما كانت أمّي يوماً .. في ( صباحيّة نسوان ) ..
حاولت أن تثبت ذكاءها لجاراتها ..
تلك الغبيّة .. لم تكن تعلم أنّ من لم يدخل مدرسة .. لا يعلم شيئاً ..
تكلّمت ولأوّل مرّة .. عن شيء غير ( الطبخ والطعام ) ..
ثم ضحكت ..
تشردقت أمّي بفنجان قهوتها .. واختنقت .. !!




_ عاد أبي يوماً .. إلى البيت صباحاً ..
يترنّح سكرانا ..
ارتمى أبي على الأرض .. وراح يبكي ..
لو كان لأرضيّة بيتنا تراب للوطن .. لعصره ..
عصر الحجر ..
فسقط من طابق خامس ..!!




- نطق أخي لأوّل مرّة .. حينما بلغ العامين ..
رجوته كثيراً لو يصمت ..
فصرخ ..
سددت فمه بيدي ..
فعضّها ..
لم أغفر له من يومها فعلته تلك ..
لكنّهم أخبروني اليوم أخيراً ..
أنّ أحد الظرفاء .. وضع في فم أخي فتيلاً كهربائياً ..
فعضّه ..




_ أنا لم أمت .. وجدّي لم يمت .. وجد جد جدّي .. لم يمت بعد ..
جميعنا نعرف ..
كيف نبيض عليك .. يا وطن .. !!
وأنت تعرف .. كيف علينا تبيض .. !!
فلنحيَ جميعاً ..
ولتحيَ بيضاتنا ..
يا وطن ..!!


خوليو

شي جميل, أهلا و سهلا فيك أخ خوليو
بنصحك تكتب هالنوع من المواضيع بالمنتديات الأدبية أفضل

تحياتي :D

شي جميل, أهلا و سهلا فيك أخ خوليو
بنصحك تكتب هالنوع من المواضيع بالمنتديات الأدبية أفضل

تحياتي :D

يسلمو كتير عالترحيب .. وبتمنى قضّي أوقات حلوة معكن ..

بالنسبة لكلامك .. فهوّ صح .. بس لسا أنا ضايع بالموقع .. لذلك .. للإدارة الحق بأنو تنقل الموضوع للمكان المناسب ..

خوليو

بداية كتير حلوة معليم ..

يعطيك الف عافية .. .. و على ما أظن .. الموضوع بمحلو

:D للشباب

أسلوب غريب بالتعبير
وقوي وشيّق
أفكار قاسية ومستفزة

حلو يا خوليو تابع بالكتابة
معك حق الموقع بيضيّع
وهالصفحة مكانها بشي قسم أدبي
انشالله بتنقلها الإدارة
شكرا الك :D

فأنا لم أضحك يوماً .. ولم أبك ..
أنا لم أعرف يوماً ..
كيف المرء يختار .. !!


رهيبة معلم ..
نورت أخوية ..
:D

بالفعل حلوين كتير، او لكون اكتر دقة، ماغوطيين كتير (الله يرحمو)

عندك حس سوريالي كتير حلو معلم

عن جد محتار انقلهم ع الخواطر و اللا ع الشعر ع اساس انو هنن من نمط القصيدة النثرية

يالله... رح حطهم بالخواطر اكيد كبيرنا كاكابودا* رح ينبسط فيهم كتير


نورت معلم
_____________________________________
* كاكابودا باشا هوي امين قسم الخواطر و الخربشات

كيف نبيض عليك .. يا وطن .. !!
وأنت تعرف .. كيف علينا تبيض .. !!
فلنحيَ جميعاً ..
ولتحيَ بيضاتنا ..
يا وطن ..!!



خوليو

حلو مستر خوليو حلو موفق:ss: :ss: :larg:

رائع رائع رائع

بجد, اول ما بلشت اقرا اجيت بدي اتأكد من تاريخ المشاركة اذا جديدة ولا قديمة بالمنتدى (حاكم عالمواضيع الحلوة, صارت قليلة هالايام).

بتمنى اتابع.


ومرة تانية, رائع
اهلا وسهلا فيك بالمنتدى :D

الصمتُ موتاً,, على أرضيّـةٍ خشبيّـةٍ من الجدل
أو ربّمـا الموتُ صمتاً بحجّـةِ الهزل
فهل تختارُ بين الصمتِ والكلام
وكلاهما صمت
في ثيابٍ لم يعد مهمّاً إن كانت بيضاءَ أم ملوّنـة
فنحنُ بعدَ الموتِ عادةً لا نختارُ الثياب
إذاً عزيزي
لا يهمُّ إن كنتَ تعرفُ أو لا تعرف
ولا تحاول أن تتعلّم كيفَ تختار..
في أحسنِ الأحوال
أسوأِ الأحوال
وكلِّ الأحوال

كلُّهم ماتوا جهلاً..
وليتهم كانوا بحقٍّ جهّال

بل إنّهم لا يعرفون الكذب..
ومن يعيش ههنا هم فقط من يعرفونه

فالكذبُ في وطني كالبيض..
والوطنُ بات يُكذِبنا كما نُكَذِبَه

كلنا يعيش.. لا ليكذبَ فقط
بل ليجعل للكذب ألوان

البيضُ يعيشُ لتصبحَ أجنّتهُ دجاجات
ونحن ههنا نعيش كالدجاج

عزيزي خوليو

الصمتُ موتاً آتٍ..
ولكن الموتَ صمتاً ليسَ لنا
ولا لحياةٍ يحكمها الكذب..
فإلى متى نعيش لنكونَ كالدجاج؟

حروفك .. أثارت غريزة قلمي قي الكتابة .. فخطَ من الكلماتِ ما خط
.. أتمنا أن تستحوز هذه الكلمات على إعجابك ..

:D

حين يجتزئنا الوطن .. إلى لعبة (بيت بيوت )

وإلى مسيــّـري معاملات .. ولاعبي ماراتون بين دوائره ..

وحين نضطر إلى إراقة دمائنا .. وجيوبنا .. ونسائنا .. على أبواب سادته ..





فهذا الوطن .. يستحق تقبيل ... بيـــــــــــــ ******

الله يسلم ايديك :D

كتابتك حلوة كتير..
مشكور على الموضوع..

يسلمو أبو الخل...

وهالموضوع أنا شايفه "صالح لكل زمان ومكان"..... لأنو ما عم يبيت يا أخي
بس ذكرني أرجع أعطيك رأي أكثر تفصيلاً بشي عشر صفحات.... لما منلتقي أنا وانت عالبيست المرة الجايي

نونة

يسلمو أبو الخل...

وهالموضوع أنا شايفه "صالح لكل زمان ومكان"..... لأنو ما عم يبيت يا أخي
بس ذكرني أرجع أعطيك رأي أكثر تفصيلاً بشي عشر صفحات.... لما منلتقي أنا وانت عالبيست المرة الجايي

نونة
:lol::lol::lol: كمل النصاب ولا لسى
في واحد انا هلق بعتلو دعوة :o
خود الحضور في حدا لسى بعد ناقص ؟؟

احيانا لما الواحد بيشوف صبية حلوة او بيسمع لحن جميل او بيشوف لوحة رائعة، بيكتفي بالصمت
انا رح قلك تسلم ايديك ياخوليو ... واصمت

شكراً كتير...

هادا الموضوع لازم يضل up :o

للتثبيت مدة أسبوع
:mimo:

لأننــــا شـــ ع ـــب لم يتـــعلم الابتســـامه



لــن نفرّق بيــنها وبين ســـواها





اجيــال




و





اجيــال





الى اللا شيء تمضــــي





اين انت؟




واين ما كنت ابلغكـ التحايا

goooooooooooooo:ss:oooooooooood

بس العنوان ... حضارة ... مؤثر ... تسلم هالديات :D