يسعد أوقاتكو يا أبناء أخوية الصامدين

بما إني من عشاق سفيرتنا إلى النجوم


السيدة فيروز


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



بحب أخصص موضوع إلها .. عن حياتها .. أغانيها .. وكل ما يتعلق بها من قريب أو من بعيد
واللي جاي عبالو يسمع غنوية إلها ومش ملاقيها يتفضل يطلبها وإحنا بالخدمة ... أغاني جديدة أو قديمة .. سكتشات مع مطربين تانيين .. مقاطع من مسرحيات .. وشو ما بدكو كمان
وانشالله تعمر هالصفحة بالفن الجميل والصوت الملائكي
وأهم إشي تكونو مستمتعين

وهاي أول غنوية بهديها لبلادي فلسطين .. ولأبناء شعبي في الوطن والشتات والعروبة قاطبة .. عقبال ما نرجع أرض وحدة




بيقولوا زغيّر بلدي

احلى وارق واجمل صوت نسوي
نبراته الخارقة تهز القلوب
فيروز يا من احببت
فيروز يا ونيستي في حزني والمي
فيروز
انت الاسطورة
انت الفن
انت الحب
انت السلام
فيروز
اليكي
ستبقى اذاننا صاغية الى اخر يوم من السمع
شكرا لبيلسان على الالتفاتة الطيبة الى فنانة كبيرة كفيروز

أهلين يا آية تسلمي :oops:
وهاي غنوية تانية لعيونك


يمّي ما بعرف كيف حاكاني .. وكنت حدّ العين حيرانة
تركتو بقصدي بدي رووووح .. مدري شو حدّ العين خلاني
يمّي ما بعرف كيف .. ما بعرف كيف :?

* * *

يحكي ويحكي وصرت إسمعلو .. والحكي كيف كان طايعلو
صاروا الزنابق حدّنا يعلــوا .. ولو ضل كان الورد خبّانــي
يمّي ما بعرف كيف .. ما بعرف كيف :ss:

* * *

وغابت الشمس وخفت وقت واحتديت .. وما عدت عا درب لِنا استهديت
ما وعيت كيف ركدت صوب البيت .. قلبي يدقّ وكنت فزعانة
يمّي ما بعرف كيف .. ما بعرف كيف :shock:

* * *

مبارح بعتلي محرمة هديّة .. سرّ وعطر أبيض وغنيّة ..
ومتل اللي زاغوا هيك عينيّي .. وحسيت شي بالبال بكّاني
يمّي ما بعرف كيف .. ما بعرف كيف :sosweet:



بتمنى تعجبكو

ايه الحركات دي يا بت
كتير يسلمو

حركات مين والناس نايمين :?
أهلين ببنت البلد والله
على كلن انشالله يكونو عجبوكي حركاتي :yahoo:
خدي هالغنوية إلك
ولكل أخوية طبعن ;-)



ردّي منديلك ردّي .. بيضا والشمس حدّي
بكرا بيجي محبوبك وبيلاقيكي مسودّة
:sosweet:
ردّي ردّي الشمسية .. خليها ترفّ عليّي
لمّا عيونك بتفيّي .. وراق الزنبق بتندّي

:D

بيلسان موضوع كتير حلو والفكرة رائعة

وبتنمى انك تسمحيلي شاركك فيه

أهلين أبو سليمان
أنا مبسوطة إنو الموضوع عجبك
وبدكاش إذن للمشاركة ولو :oops:
تفضل أهلا وسهلا

أهلين أبو سليمان
أنا مبسوطة إنو الموضوع عجبك
وبدكاش إذن للمشاركة ولو :oops:
تفضل أهلا وسهلا

إلك كل الشكر بيلسان :D
بصراحة انا في فكرة عجبتني بمنتدى
ومن وقت شفتها قلت لازم نعملها بالاخوية
مكتبة فيروز بتضمن سيرة حياتها كاملة
اغانيها مسرحياتها افلامها صورها
وبتمنى انو نقدر نعمل هالشي

أنا عندي مجموعة كبيرة من أغاني فيروز
يعني كل المسرحيات والسكتشات والأغاني القديمة
بالاضافة لقسم كبير من أغاني الحفلات والمهرجانات
وبالنسبة لحياتها ومعلومات عنها فهاي مقدور عليها
عندي كتاب عنها وبقدر أصير أكتب كل مرة شوي

الفكرة حلوة كتير

انا بالبداية قلت لحالي أكيد منتديات أخوية فيها موضوع شامل عن السيدة فيروز
لما شفت إنو فش هيك موضوع من اللي ببالي قررت أبادر
بكون مبسوطة اذا صفحة فيروز بهالمنتدى كبرت وعمرت
شكرا لاهتمامك :D

ولدت فيروز باسم نهاد حداد كأول مولود لوديع حداد وليزا البستاني, في 21\11\1935
كانت عائلة حداد تعيش في بيت متواضع مؤلف من غرفة واحدة في زقاق البلاط الحي القديم المجاور لبيروت حيث عاش الفقراء من جميع الطوائف ولأجيال حياة مشتركة وآمنة.
بضعة عائلات أخرى كانت تعيش في تلك الدار وكانوا يتشاركون المطبخ والأدوات الأخرى.
لقد كان ذلك زمن الهجرة إلى المدينة ففجأة كان يمكن أن تأتي عائلة من أي مكان لتبدأ بالبحث عن أقرباء مقربين أو حتى مجرد معارف من نفس الضيعة ممن وصلوا قبلاً إلى المدينة الكبيرة. وديع, الذي اشتغل كعامل مطبعة في مطبعة (le Jour) القريبةكان هادئاً حسن الأخلاق وسرعان ما اعتبره الجيران كواحد منهم.

نهاد(فيروز) والتي تعتبر واحدة من أشهر المطربات في الوسط العربي والعالم أجمع وأسطورة زمانها كان لديها نزعة عفوية إلى الغناء منذ نعومة أظفارها. في ليالي الشتاء ومع جمعة الجيران كثيراً ما كانت تدهش الجميع برندحة أغنية ما. كانوا فقراء الحال كما تتذكر فيروز لكنها تصر على أن حياتهم كانت سعيدة دون تطلّب.
لم يكن بمقدور العائلة الدفع للحصول على جهاز الراديو هذا الجهاز السحري الذي كانت تمتلكه قلّة محظوظة.
لقد كان ذلك من ضروب الخيال كان يعطي بيوت الفقراء شحنة من عزاء ومن شعور مبهم بالانتماء إلى ما كان ينبض بعيداً خلف حدود الوصول.
اعتادت نهاد على الجلوس على حافة الشباك لتستمع إلى الأغاني التي فتنت بها من راديو أحد الجيران. بعض من هذه الأغاني التي طالما أحبت أن تغنيها في تلك الفترة المبكرة كانت أغاني ليلى مراد و أسمهان .
كانت تفعل ذلك أثناء الغسيل خلف البيت أو العجن لتحضير المرقوق (الخبز الريفي في لبنان) أو أثناء مساعدة أمها في الصباح. في نفس الوقت كان عليها الاعتناء بأختيها هدى وأمال وأخيها جوزيف كونها الأكبر سناً.
تعتبر المشاركة عنواناً للثقة. كان هذا ولا يزال مبدأً بين الفقراء مرة بالأسبوع كانت إحدى الجارات تدعو أولاد حداد للاستحمام وتقوم بذلك بنفسها وقبل أن يخلد الأطفال للنوم كان لا بد للفتاة ابنة عائلة حداد أن تغني لهم أغنية أو اثنتين لنوم طيب وهانئ.
كانت نهاد معروفة بحبها الكبير للزهور فقد كانت تمضي الكثير من وقتها بجمع الزهور البرية تنسقها في باقات لتزيّن البيت بها. كانت تحبها لدرجة أن أمها اعتادت على مضايقتها بفكرة أنها ستزوجها إلى بستاني كانت فتاة خجولة تخجل من الآخرين حتى من الأصدقاء في نفس الوقت كانت جدية ومسؤولة في تعاملها.
المرات الوحيدة التي كانت تتغلب فيها على الخجل كانت في التجمعات عندما يطلب منها أن تغني إذ كانت معروفة بجمال صوتها منذ أيامها المبكرة.
حبها للزهور لم يكن ينافسه سوى حبها لجدتها التي كانت تعيش في ضيعة الدبيّة. كانت تمضي نهاد معظم عطلاتها الصيفية في بيت جدتها تساعدها في أعمال البيت نهاراً وتستمع إلى حكاياتها في الليل.

وفّر الأب بعضاً من دخله الضئيل من أجل تعليم أولاده لذلك حظيت نهاد بفرصة الالتحاق بالمدرسة وهناك استطاع صوتها أن يجذب الانتباه فوراً بوصفه يتمتع بنوعية فريدة حيث كان يمكنها تحويل الأناشيد العادية الوطنية إلى شيء مدهش بجماله كانت تلميذة نجيبةمع أنها كانت تكره الحساب كثيراً لم تكن لتستوعب مفهوم جمع وطرح الأعداد ناهيك عن ضربها ويقال أنها لم تكن قادرة على حفظ جدول الضرب غيباً حتى يومنا هذا.

في حفلة المدرسة عام 1946 سمعها أستاذ في المعهد الموسيقي اللبناني الذي صرح بأنه حقق اكتشافاً هذا الرجل محمد فليفل (أحد الأخوين فليفل اللذين لحنا النشيد الوطني السوري) كان يبحث عن مواهب جديدة في ذلك الوقت في مدارس الأولاد لغناء الأناشيد الوطنية في الإذاعة اللبنانية المؤسسة حديثاً.
لكن والد نهاد الذي ينتمي إلى بيئة محافظة كان مستاءً من فكرة أن ابنته ستغني للعامة لذلك رفض منح موافقته لفليفل في البداية لكن هذا الأخير نجح في النهاية في إقناع السيد حداد بأن طمأنه أن نهاد سوف تشارك فقط في غناء الأغاني الوطنية وأنه سوف يتحمل نفقات تعليمها في المعهد الموسيقي, بعد الموافقةطلب والد نهاد أن يرافقها أخوها جوزيف.


كان يرأس المعهد الموسيقي في ذلك الوقت وديع صبرا ملحن النشيد الوطني اللبناني والذي بدوره رفض تقاضي أي مبلغ من نهاد ومن بقية الطلاب المشار إليهم من قبل فليفل.
فليفل الذي اعتنى بصوتها عناية أبوية لإيمانه بذلك الصوت الذهبي المخبأ في حنايا حنجرة المغنية الصغيرة فقد أوعز إليها بعدم تناول الطعام المبهّر أو أي شيء آخر يمكن أن يؤذي حبالها الصوتية. كما حذرها من غناء الطبقات العالية أو المقاطع التي تتطلب جهداً شديداً. بعد ذلك أكمل معروفه بأن ساعدها لأن تدخل المعهد الموسيقي الوطني. ربما كان أبرز ما ساهم به فليفل هو تعليم نهاد علم التجويد في القرآن الكريم الذي يعتبر الأسلوب الأكثر رفعةً في تلاوة الآيات في الموروث العربي.
استمرت دراستها في المعهد الموسيقي مدة أربع سنوات. بعدئذ ساعدها فليفل في المثول أمام لجنة مؤلفة من: حليم الرومي, خالد أبو النصر, نقولا المني وآخرين ممن عينوا لفحص الأصوات لصالح الإذاعة اللبنانية. لقد كان يوماً مصيرياً في حياة نهاد وقفت هناك بنوع ثيابها الأبدي الذي طالما فرضته على نفسها (بلوزة وتنورة) وبمصاحبة عود حليم الرومي غنت "يا ديرتي" لأسمهان. ذهل حليم الرومي بصوتها لدرجة أنه توقف عن العزف في منتصف الأغنية. استمرت نهاد فغنت مطلع "يا زهرة في خيالي" لفريد الأطرش, ثم ما لبثت أن أحيطت بأعضاء اللجنة الذين هنؤوها بحرارة وأظهروا تقديرهم لصوتها الفريد.
وكان حليم الرومي بشكل خاص شديد الإعجاب بصوتها حيث وجد أنه شرقي أصيل وبنفس الوقت مرن كفاية لأن يحمّل النمط الغربي بشكل مثير للإعجاب. اختيرت كمغنية في جوقة الإذاعة في بيروت بعد الحصول على موافقة والديها ومدير الإذاعة اللبنانية السيد: فايز مكارم. في البداية عارض والدها فكرة ذهابها إلى الإذاعة. إذ تطلبت موافقته الكثير من الإقناع وبعض التدخل القاسي من قبل معارف مقربين واشترط الأب أن ترافقها أمها أو أخوها جوزيف, أو ابن الجيران عند ذهابها إلى الإذاعة.
أمنيتي كانت أن أغني في الإذاعة, تتذكر فيروز. "أخبروني أنني سوف أتقاضى مبلغ 100 ليرة (21 دولار) في الشهر. كانت فرحتي لا توصف لكن في نهاية الشهر لم أكن محظوظة كفاية لأن أشبع عيني برؤية الورقة من فئة المئة ليرة بسبب خصم الضريبة (كانت تقبض 95 ليرة فقط بعد اقتطاع الضريبة). استغرق الأمر وقتاً طويلاً حتى تمكنت من الحصول على ورقة كاملة من فئة المئة ليرة". راتبها الأول أنفق في شراء حاجيات لها ولأشقائها الذين أرادت أن تدللهم ولو قليلاًوأن تعوض عليهم الحرمان المادي الذي عاشوه طوال حياتهم.
كانت هذه المرحلة هي فترة الممارسة والملاحظة بالنسبة لفيروز درست عن كثب أسلوب العطاء الغنائي عند كل مغنٍ في الجوقةوكان غالباً ما يحدث أن يتم استبدال مغنية تأخرت أو فشلت في الأداء بفيروز.
كانت تمتلك إحساساً فنياً عالياً وذاكرة حادة حيث أنها كانت تمتلك القدرة على حفظ أربع صفحات من الشعر عن ظهر قلب خلال ساعتين أو خمس صفحات منوّطة. مهمة نهاد في الجوقة دامت حوالي الشهرين بعدها صارت تؤدي بشكل انفرادي.يتبع ...

شكرا عالمعلومات " أخي أبو سليمان " ..

وأنا من عشاق السيــدة فيروز .... ومعلوماتها جدا رائعة ..

يا عيني عليك يا ابو سليمان
معلومات ممتعة وحلوة
يسلمو دياتك
وبانتظار الكمالة



موقع "فيروز أونلاين" (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

القمر بيضوّي عالناس والناس بيتقاتلوا
ع مزارع الأرض الناس ع حجار بيتقاتلوا
نحنا ما عنا حجر .. لا مزارع ولا سجر
أنت وأنا يا حبيبـــي .. بيكفينا ضوّ القمر

* * *

القمر بيزور الطرقات .. بيشعشع كل الدّني
بيضوّي بالسهريات .. عالفقير وعالغني
نحنا منحب السهر .. وعا درب الليل السفر
أنت وأنا يا حبيبـــي .. ويرافقنا ضوّ القمر

* * *

قالولي البلابل صبحيّة .. هالحقول وساع والدني بتساع
نيّال اللي بيرجع عشيّة .. وعا كل البواب بيتلاقى بصحاب

* * *

تعا يا حبيبي مع طير الغياب
نقعد عا هالباب غريب وغريبة
غريب وغريبة

* * *


هاي من أحب أغنيات فيروز على قلبي
وغنتها بمسرحية "جسر القمر" سنة 1962
اسمعوها واستمتعوا :D

بساطة وعمق المعاني و دفئ اللحن ووصولها للروح بصوت الملائكي يالي مستحيل يعوض بختصار نحن بنحكي عن فيروز بحبها كتير
بعدك على بالي ، بأطفلك بس ، و كتير كتير من الأغاني الرائعة يالي مستحيل الواحد يأدر يحصيها
:larg: :melody: :gem:
يسلموا على الموضوع كلك زوء

هاي من أحب أغنيات فيروز على قلبي
وغنتها بمسرحية "جسر القمر" سنة 1962

اسمعوها واستمتعوا :D

بالفعل هالغنية من أجمل ما غنت فيروز..
يسلمو بيلسان :D

بساطة وعمق المعاني و دفئ اللحن ووصولها للروح بصوت الملائكي يالي مستحيل يعوض بختصار نحن بنحكي عن فيروز بحبها كتير
بعدك على بالي ، بأطفلك بس ، و كتير كتير من الأغاني الرائعة يالي مستحيل الواحد يأدر يحصيها
:larg: :melody: :gem:

يسلموا على الموضوع كلك زوء



# بعدك على بالي
# بقطفلك بس

:D

بالفعل هالغنية من أجمل ما غنت فيروز..
يسلمو بيلسان :D


الغناني الحلوة لفيروز كتار وبينعدّوش
هني كلهن حلوين بس دايما لكل واحد فينا في غنوية مفضلة مختلفة عن التاني لأنو إحنا من جواتنا كلنا مختلفين :D

يسلموا هالايدين يابيلسان الرائعة
على فكرة انا بعتبر حالي من المحظوظين لأني حضرت حفلة لفيروز في بصرى الشام، مو ممكن انساها بحياتي.
وكان عندي مجموعتها الكاملة لما كنت بالشام، و هللأ عندي معظم اعمالها، بس للأسف لسا في اسكتشات ناقصة، وبدي اسألك اذا موجودين عندك وكمان اذا فيكي ترفعيهن عنجد بتكوني احسن بيلسان بالعالم
السكتشات من اجمل مايكون، واكتر شي بيميزهن البراءة والاحساس بالطمأنينة اللي تعودنا عليها لما بنسمع صوت فيروز .
السكتشات هي
اسكتش حكاية الاسوارة
ضيعة الاغاني
بارود اهربو
هاتي لشوف فرجينا همتك
تحياتي:D :D :D

بتوقع انو في عنا موضوع ... عن كل كلمات اغاني فيروز حسب الكاسيتات... فشو رايكن لو اقترحنا بدمج الموضوعين...لنعمل موضوع كبير للست فيروز... احسن ما يتشتتو المواضيع هيك....؟؟؟؟

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بتوقع انو في عنا موضوع ... عن كل كلمات اغاني فيروز حسب الكاسيتات... فشو رايكن لو اقترحنا بدمج الموضوعين...لنعمل موضوع كبير للست فيروز... احسن ما يتشتتو المواضيع هيك....؟؟؟؟

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

:ok: :ok: :ok: :ok: :ok:

القمر بيضوّي عالناس والناس بيتقاتلوا
ع مزارع الأرض الناس ع حجار بيتقاتلوا
نحنا ما عنا حجر .. لا مزارع ولا سجر
أنت وأنا يا حبيبـــي .. بيكفينا ضوّ القمر

* * *

القمر بيزور الطرقات .. بيشعشع كل الدّني
بيضوّي بالسهريات .. عالفقير وعالغني
نحنا منحب السهر .. وعا درب الليل السفر
أنت وأنا يا حبيبـــي .. ويرافقنا ضوّ القمر

* * *

قالولي البلابل صبحيّة .. هالحقول وساع والدني بتساع
نيّال اللي بيرجع عشيّة .. وعا كل البواب بيتلاقى بصحاب

* * *

تعا يا حبيبي مع طير الغياب
نقعد عا هالباب غريب وغريبة
غريب وغريبة

* * *


هاي من أحب أغنيات فيروز على قلبي
وغنتها بمسرحية "جسر القمر" سنة 1962
اسمعوها واستمتعوا :D

:oops::oops::oops:مرسي كتير والله احم من بء فيروز احلى هدية
تسلميلي:D:D

:lol: يسلموا هالايدين يابيلسان الرائعة
على فكرة انا بعتبر حالي من المحظوظين لأني حضرت حفلة لفيروز في بصرى الشام، مو ممكن انساها بحياتي.
وكان عندي مجموعتها الكاملة لما كنت بالشام، و هللأ عندي معظم اعمالها، بس للأسف لسا في اسكتشات ناقصة، وبدي اسألك اذا موجودين عندك وكمان اذا فيكي ترفعيهن عنجد بتكوني احسن بيلسان بالعالم
السكتشات من اجمل مايكون، واكتر شي بيميزهن البراءة والاحساس بالطمأنينة اللي تعودنا عليها لما بنسمع صوت فيروز .
السكتشات هي
اسكتش حكاية الاسوارة
ضيعة الاغاني
بارود اهربو
هاتي لشوف فرجينا همتك
تحياتي:D :D :D


أهلين سمسوم
واضح انك عم بتنكشي عالشغلات الأنتيكة ( اللي انا بحبها :lol: )

"بارود اهربو" و "ضيعة الأغاني" أول مرة بسمع فيهن :shock: بس بحاول أنكش وبردلك خبر

"حكاية الإسوارة" موجودة وهيي 9 مقاطع تفضلي يا ستي
في أكم مقطع طلع حجمهن أكتر من 5 ميغا ( يعني بينفعوش للتحميل )
رحت ضاغتهن انشالله تكون جودة الصوت ما تأثرتش كتير عالضغط

حكاية الإسوارة حلوة كتير .. صبية بتنهدى إسوارة من ختيارة طيبة عايشة وحيدة .. بيغارو منها صبايا الحيّ وبيتغامزو عليها بدهن يعرفو شو القصة .. هيي قصة بيت ربّى ولادو عالحب وإسوارة عم تتنقل من إيد لإيد رمز للحب ..
الحوارات ممتعة كتير ومليانة خفة دم .. قسم من غناني السكتش معروفين منيح
مدتها حوالي تلت ارباع الساعة

:D

1. وطى الدوار
2. بيتك يا ستي الختيارة
3. يا كرم العلالي
4. رقصة غيرة
5. يا محلا ليالي الهوى
6. شو عم تحكو
7. هونيك في شجرة
8. يا ريت إنت وأنا بالبيت
9. سعيدة

بتوقع انو في عنا موضوع ... عن كل كلمات اغاني فيروز حسب الكاسيتات... فشو رايكن لو اقترحنا بدمج الموضوعين...لنعمل موضوع كبير للست فيروز... احسن ما يتشتتو المواضيع هيك....؟؟؟؟

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


فكرة منيحة
بس لو بعرف من الأول انو في موضوع خاص بس بالسيدة فيروز :lol:
الهيئة إنو موضوع هالكلمات كبير كتير
أكتر ما تصورت :shock:
يا عمي بعرفش أنا من رأيي يضلو موضوعين منفصلين
لأنو هون رح يصير في سلسلة نصوص بتحوي معلومات عن حياتها
( بهمّة أبو سليمان اللي واعدنا ب "يتبع" )
بالإضافة للغناني المرفقة اللي موجودة حاليا واللي جاية عالطريق :o
بقا تخيلي معي رح يصير الموضوع المدمج متاهة
أنا هيك رأيي وبترك القرار لإدارة أخوية
:D

انا حبت ندمج كل الاشيا سوى...ع كل حال لنشوف ابو سليمان شو رأيو

[quote=بيلسان;601142]:lol:


أهلين سمسوم
واضح انك عم بتنكشي عالشغلات الأنتيكة ( اللي انا بحبها :lol: )

"بارود اهربو" و "ضيعة الأغاني" أول مرة بسمع فيهن :shock: بس بحاول أنكش وبردلك خبر
تسلم ايديكي يابيلسان
على فكرة انا شب وشيخ الشباب
ضيعة الاغاني من اجمل سكتشات فيروز ، بتغني فيه فايق ياهوى ، وغالي الدهب غالي ،وبتغني فيه هدى حداد وسليم دويتو :ياي ياي شو عذبنا الهوى، وفيه حوارات كتيييييييير حلوة
وبارود اهربوا كمان قصتو جميلة جدا بطلتها طبعا فيروز مع فيليمون وهبي ونصري شمس الدين، اذا لقيتهم قبلك برفعم فورا ، مع انو عنا هون يادوب الواحد يلاقي مصطفى قمر وشلته
سلامات

:lol:


أهلين سمسوم
واضح انك عم بتنكشي عالشغلات الأنتيكة ( اللي انا بحبها :lol: )


مافيني قول الا الله يسلم هالايدين يا بيلسان ياقمة
بس على فكرة انا شب وشيخ الشباب
هالانتيكات هي من احلى ما غنت فيروز، واسكيتش ضيعة الاغاني بتغني فيه فايق ياهوى، وغالي الدهب، وكمان بتغني فيه (هدى حداد وسليم) دويتو : ياي ياي شو عذبنا الهوى، مابعرف اذا سامعتيه.بس فيه حوارات اكثر من رائعة، طبعا جو الرحابنة والضيعة والصبايا الحلوين .. الخ
اما بارود اهربو فهو عبارة عن مسرحية قصيرة مدته حوالي 40 دقيقة، بطولة فيروز وفيليمون وهبي ونصري شمس الدين،وآخرين، فيها كتير خفة دم وبساطة.. ويمكن هذا هو اللي محليها.
انا عم دور عليهن صرلي فترة ، واول مابلاقيهن برفعن فورا، مع اني مابظن اني لاقيهن بهالبلد، هون بالكتير تلاقي شي لمصطفى قمر وناس اول مرة بسمع باسمهم.. بنقول انشالله
سلامات

[quote=بيلسان;601142]:lol:



أهلين سمسوم واضح انك عم بتنكشي عالشغلات الأنتيكة ( اللي انا بحبها :lol: )

"بارود اهربو" و "ضيعة الأغاني" أول مرة بسمع فيهن :shock: بس بحاول أنكش وبردلك خبرتسلم ايديكي يابيلسانعلى فكرة انا شب وشيخ الشبابضيعة الاغاني من اجمل سكتشات فيروز ، بتغني فيه فايق ياهوى ، وغالي الدهب غالي ،وبتغني فيه هدى حداد وسليم دويتو :ياي ياي شو عذبنا الهوى، وفيه حوارات كتيييييييير حلوةوبارود اهربوا كمان قصتو جميلة جدا بطلتها طبعا فيروز مع فيليمون وهبي ونصري شمس الدين، اذا لقيتهم قبلك برفعم فورا ، مع انو عنا هون يادوب الواحد يلاقي مصطفى قمر وشلتهسلامات


:o يا عمي تواخزوناش على هالغلطة الشنيعة
على راسي شيخ الشباب والله :D

السكتش اللي بتقول عليه إنت "ضيعة الأغاني" موجود عندي بس مش بهالاسم يا خيو
اسمو عندي "مع الحكايات" وفعلا حلو كتير وفيو حوارات بتجنن ظريفة كتير
ومشتركين بالسكتش هدى وأبو سليم وأسعد ونصري شمس الدين وفيلمون وهبي وسهام شماس ..
بس مش مشتركة فيو فيروز :pos:
وغنوية فايق يا هوى أنا بعرف إنها من ضمن غناني مسرحية "الشخص" بالأصل

[quote=samsoum;601170]

:o يا عمي تواخزوناش على هالغلطة الشنيعة
على راسي شيخ الشباب والله :D

السكتش اللي بتقول عليه إنت "ضيعة الأغاني" موجود عندي بس مش بهالاسم يا خيو
اسمو عندي "مع الحكايات" وفعلا حلو كتير وفيو حوارات بتجنن ظريفة كتير
ومشتركين بالسكتش هدى وأبو سليم وأسعد ونصري شمس الدين وفيلمون وهبي وسهام شماس ..
بس مش مشتركة فيو فيروز :pos:
وغنوية فايق يا هوى أنا بعرف إنها من ضمن غناني مسرحية "الشخص" بالأصل
لا خطأ شنيع ولا شي، ولا يهمك
مع الحكايات سكيتش تاني غير ضيعة الاغاني،كان عندي من زمان، وراح مع اخواته اللي راحو.. اعتقد انو فيه شي بيحكي عن السيارة او فيليمون بيكون عم يسوق سيارة او هيك شي والله ماعاد اتذكر
وأغنية فايق ياهوى صحيح غنتها فيروز بمسرحية الشخص، بس اذا بتلاحظي بتغنيها بالمسرحية بدون الموال، اما في ضيعة الاغاني بتغنيه كامل، واكيد سامعة الموال تبع هالاغنية وبتقول فيه
فايق ع سهرة وكان في ليل وندي والنار عم تغفى بحضن الموقدة ..
والعتوبة مسافرة ومافي كلام.. لا هدي قلبك ..ولا قلبي هدي..
ونام الحكي والناس وانهد السراج..
وتكيت خصور الورد ع كتف السياج...
وفل القمر ع ضيعتو وفلو الدراج ..
وقلك بقاش بكير وتقلي قعدي
في اروع من هيك صور؟؟؟
على فكرة انتي جنيتي على حالك .. وبعرف انو لو بدي تقل دم عليكي .. ياريت لو بترفعي مع الحكايات.. مو ضروري دفعة وحدة.. على مهلك.. وبكون ممنوووووووووووووووووووووو ووووون
:D :D :D :D :D :D :D :D :D :D :D :D :D :D :D :D

[quote=بيلسان;601186]


مع الحكايات سكيتش تاني غير ضيعة الاغاني،كان عندي من زمان، وراح مع اخواته اللي راحو.. اعتقد انو فيه شي بيحكي عن السيارة او فيليمون بيكون عم يسوق سيارة او هيك شي والله ماعاد اتذكرحرقصتني عالاخير هيك انت .. مين هدول اخواتو اللي راحو .. وكيف راحو :o وأغنية فايق ياهوى صحيح غنتها فيروز بمسرحية الشخص، بس اذا بتلاحظي بتغنيها بالمسرحية بدون الموال، اما في ضيعة الاغاني بتغنيه كامل، واكيد سامعة الموال تبع هالاغنية وبتقول فيهفايق ع سهرة وكان في ليل وندي والنار عم تغفى بحضن الموقدة .. والعتوبة مسافرة ومافي كلام.. لا هدي قلبك ..ولا قلبي هدي.. ونام الحكي والناس وانهد السراج.. وتكيت خصور الورد ع كتف السياج... وفل القمر ع ضيعتو وفلو الدراج .. وقلك بقاش بكير وتقلي قعديفي اروع من هيك صور؟؟؟فش أحلى من هيك صور :hart: على فكرة انتي جنيتي على حالك .. وبعرف انو لو بدي تقل دم عليكي .. ياريت لو بترفعي مع الحكايات.. مو ضروري دفعة وحدة.. على مهلك.. وبكون ممنوووووووووووووووووووووو ووووون:D :D :D :D :D :D :D :D :D :D :D :D :D :D :D :D


تكرم شواربك .. منحمللك ياهن بس مش بهالموضوع لإنهن مش فيروزيات
وإنما رحبانيات .. شو رأيك بصفحة أغاني رحبانيات .. بيطلع شغلة
مع نصري وهدى وكل الشلة :deal:

[quote=samsoum;601197]


تكرم شواربك .. منحمللك ياهن بس مش بهالموضوع لإنهن مش فيروزيات
وإنما رحبانيات .. شو رأيك بصفحة أغاني رحبانيات .. بيطلع شغلة
مع نصري وهدى وكل الشلة :deal:
ياستي الله يكرمك .. وحمليهن وين مابدك ،وحاولت اشكرك بأغنية من روائع فيروز بس الحظ خذلني ومابعرف يبدو في مشكلة عندي ، ما عم يفتح ملف المرفقات.. بس بأقرب وقت، عندي اغاني نادرة ورائعة.
سلامات:deal:

نسيت خبرك انو اللي راحو هني اخوات سكيتش مع الحكايات، قصدي السكيتشات اللي سألتك عنهن وعم دور عليهن، كيف راحو ولوين ؟؟ والله علمي علمك،:? كل اللي بعرفه اني غلطت وتركتهن بالشام وسافرت على المانيا، وبعد هيك اختفو، يمكن تقاسموهن الورثة:lol:
تحياتي

الظاهر إنك بلشت انت كمان تجني على حالك ..
اطلع بكل النوادر الفيروزية اللي عندك .. اسمك بدك تهديني اشي يعني :p
ومشان أضمن إنك تحمّلهن هون قبل ما يروحو هني كمان بعيد الشر
رح إهديك هالغنوية الغير شكل
شغلة أنتيكة من الملفات الموسيقية النادرة للسيدة فيروز
كلمات روعة ولحن فريد من نوعو

فايق شو حكينا
.....

فايق شو حكينا بليالينا وزرعنا بالسهرات غنيات
فايق شو بنينا أمانينا وضيّعنا تنهيدات وحكايات
فايق عالبيت الكلّو زنبق وشبابيكو بتميل عالأحلام
ع ستار الورد وضوّ الأزرق وعيون العشقانين ما بتنام
وعدك إلي ونروح نسرح بمرج بعيد
نشكي الهوى ونبوح والعمر أحلى عيد
.....

أولى أغانيها الخاصة كانت من ألحان حليم الرومي وكلمات ميشيل عوض بعنوان: (تركت قلبي وطاوعت حبك).
عند التحضير لبث الأغنية على الهواءاقترح حليم الرومي أن تحمل نهاد أحد اسمين كان قد اختارهما لها: شهرزاد أو فيروز. في البداية لم تأخذ الأمر على محمل الجد لكن أخيراً عملت بنصيحته واختارت اسم: فيروز.
بثت الأغنية في الأول من نيسان/أبريل لعام 1950. و الأغنية الثانية: (في جو سحر وجمال) كانت باللهجة المصرية
و الثالثة: (عاشق الورد) غنتها مع حليم الرومي كثنائي. تلا ذلك أغنيتي: يا حمام و أحبك مهما أشوف منك, اللتين سوقتا تجارياً في العام 1952.
ثم تبع ذلك العديد من الأغاني القصيرة الخفيفة ذات الأهواء المختلفة خاصة تلك التي اختيرت من قبل حليم الرومي في محاولة منه لتجنب حصر فيروز في نمط غنائي واحد. في العام 1951 كانت قد غنت أغانٍ من ألحان الروميو مدحت عاصمو نقولا المني و سليم الحلو و محمد محسن و توفيق الباشا و خالد أبو النصر وآخرين.
كان حليم الرومي متحمساً جداً للموهبة التي اكتشفها لكنه كان كثير الانشغال لأن يعطيها ما تستحق لذلك اقترح أن يقدم فيروز لعاصي الرحباني الشرطي عازف الكمان في الإذاعة والملحن الطموح. رأيها المبدئي كان أنها لا تود التكلم مع عاصي إذ أنها لم تكن تتوقع الكثير من هذا اللقاءلكنه نجح في أن يغير رأيها.
عاصي من جهته كان رأيه الأولي أن صوت فيروز مناسب لغناء الأغاني الشرقية فقط وليس مناسباً للأغاني العصرية والتي كان مهتماً بها. احتج الرومي بقوله أن صوت فيروز غير محدود الإمكانيات فهو قادر على أداء الأغاني الحديثة كما الأغاني الفلكلورية وهذا ما سوف تثبته الأيام المقبلة وسيشهد المستقبل على أنه أكثر صوت في العالم قادر على غناء الموسيقى العصرية... ولقد تحققت نبوءته.
كانت أول أغنية غنتها لعاصي( لما ولمياء) ثنائية غنائية بالاشتراك مع مغنية تدعى حنان. أما أول أغنية خاصة لحنها عاصي لفيروز فكانت( غروب) من شعر قبلان مكرزل تلتها (ماروشكا) ثم جاءت أغنية سوف تشكل علامة فارقة في تاريخهما الفني والتي تعتبر فاتحة الاحتراف هذه الأغنية هي (عتاب) أغنية حزينة تقول في مطلعها:

حاجي تعاتبني يئست من العتاب

ومن كتر ما حمّلتني هالجسم داب

حاجي تعاتبني وإذا بدّك تروح ..

روح, روح, روح وأنا قلبي تعوّد عالعذاب


بين ليلة وضحاها صنعت( عتاب) من فيروز مطربة كبيرة في العالم العربي. ومن أسباب نجاح هذه الأغنية كانت تجهيزات إذاعة دمشق المتميزة حيث سجلت الأغنية هناك في 12 تشرين الثاني/نوفمبر 1952. ثم في وقت لاحق طبعت على اسطوانة في باريس أغنيتهما الرابعة كانت (راجعة) ثم عدة أغان أخرى مثل (بلمح ظلال الحب في عيونه )و( قوي حبك). ثم تبع تلك المرحلة المبكرة انضمام منصور الرحباني الشقيق الأصغر لعاصي إليهما ليشكلوا الثلاثي الرحباني والذي استمر ليصنع تاريخاً.
في البداية انصبت جهودهما بشكل رئيسي في صياغة الألحان الخفيفة الراقصة. في ذلك الوقت كانت بيروت تستقطب الفرق الفنية الكبيرة القادمة من وراء البحار لتعزف التانغو والرومبا لشريحة واسعة ذات الأهواء الغربية في العاصمة اللبنانية. إحدى هذه الفرق كانت فرقة إدواردو بيانكو الأرجنتينية. أثناء التسجيل في استوديوهات إذاعة الشرق الأدنى اقترح صبري الشريف الذي كان يدير القسم الموسيقي فيها أن يتم تنفيذ تجربة غير مسبوقة في الموسيقى الشرقية حتى ذلك الوقت. وهي أن تغني فيروز مع أوركسترا بيانكو ألحاناً وضعت بالأصل لرقصات, مثل "la compersita" وتانغو ""la boheme . كان ذلك في الأول من تشرين الأول/أكتوبر 1951, يوم ذو أهمية خاصة في حياة فيروز والأخوين رحباني عاصي ومنصور اللذين آمنوا بأنها كانت البداية الحقيقية للأغنية الراقصة في الموسيقى العربية والتي لم تكن مسبوقة من قبل باستثناء أغاني الملحن المصري مدحت عاصم.
في ذلك الوقت كانت برامج الإذاعة تبث على الهواء مباشرة دون أن تسجل بانتظار أن يأتي دورهما فيروز وعاصي ملحنها ومرافقها الدائم اعتادا على الجلوس تحت شجرة قرب بركة ماء في الفناء الخلفي للاستوديو والدردشة لتمضية الوقت وأحياناً أخرى كانت فيروز تطلق العنان لأحلامها. لم تكن تتوقع مستقبلاً باهراً لنفسها كمطربة. بالأحرى كان حلمها الحقيقي أن تصبح معلمة. كثيراً ما صرحت في مناسبات عديدة بأنها لن تتزوج في حياتها أبداً. فيروز التي نشأت ضمن عائلة تقية أقرب إلى الزهد في أخلاقها واحتمالها كانت مثالية بالمقارنة مع الفتيات اللبنانيات من عمرها. الكثير ممن عرفوها أخبروا كيف كانت أثناء الاستراحات غالباً ما تصلي راكعة في مكان ما في جوار الاستوديو.
مرة أخبرت فيروز عاصي وبشكل عابر أنها لم تستسغ الطريقة التي اهتم فبها بإحدى الفتيات في المحطة. هذه الملاحظة البريئة لم تذهب سدىً. بينما كانت لا تزال تحتفظ بذلك الرفض العنيد لفكرة الزواج. ولكن في ذلك الربيع من العام 1954 وبينما كانا يتمرنان سوية على حافة نفس البركة تحت نفس الشجرة كرر عاصي عرضاً كان قد عرضه سابقاً للزواج هذه المرة ردّت فيروز بالإيجاب.
تزوجا في كانون الثاني/يناير من العام 1955. تجمعت في العرس حشود كبيرة من البيروتيين في مساء ذلك الأحد لمشاهدة هذه الاحتفالية. بالنسبة للبنانيين يعتبر فندق مسابكي في شتورة المحاط بشجيرات الصبار مكان الأحلام الذي يغفو في قلب جبال لبنان في ذلك المكان ذهب العريس والعروس لقضاء شهر العسل.
مع أغانٍ مثل (عتاب), بدأت فيروز والأخوين رحباني مرحلة الشهرة في كثير من البلدان حول العالم العربي وكانوا كثيراً ما يدعون إلى إذاعة دمشق لتقديم أعمالهم. محطة إذاعية أخرى هي صوت العرب من القاهرة أوفدت المعتمد الرئيسي لديها: أحمد سعيد, ليعقد اتفاقاً مع الثلاثي. في العام 1955 ذهب الأخوان رحباني وفيروز إلى القاهرة وهناك كتبوا أهم عمل موسيقي على الإطلاق في ذلك الوقت: ( راجعون) كما غنت فيروز العديد من الأغاني الأخرى منها ثنائيات بالاشتراك مع المطرب المصري كارم محمود.
عادت فيروز والرحابنة إلى بيروت بعد ستة أشهر وفي أول يوم من سنة 1956 أنجبت فيروز بكرها زياد. في صيف عام 1957, كان لها أول لقاء حي مع الجمهور واقفة على قاعدة أحد الأعمدة الستة التي تشكل معبد جوبيتير في بعلبك. كان هذا الحشد الجماهيري الأكبر على الإطلاق الذي تجمع في المعبد الروماني تحت قمر بهيئة هلال. أغرق المخرج فيروز بضوء أزرق من إتجاهات مختلفة حتى بدت وكأنها تحلق في الفضاء. وحين بدأت بالشدو بصوت واثق سكون: ( لبنان يا أخضر حلو) كانت تلك لحظة سحرية حقاً ووقع الناس مفتونين.
بدءاً من ذلك الوقت فصاعداً فيروز سوف تغني وتمثل مرة واحدة في السنة على الأقل في بعلبك بمسرحيات غنائية ضخمة مثل البعلبكية مسرحية تهجر فيها الآلهة مدينة بعلبك بعد أن تهدمت وتطلب من صبية ذات صوت شجي أن ترافقها ولكن الصبية تفضل البقاء بين البشر حتى تعيد لبعلبك مجدها القديم جسر القمر حيث تصنع صبية مسحورة طيبة السلام بين أفرقاء يكرهون بعضهم وأيام فخر الدين قصة الأمير فخر الدين الذي ناضل ليعيد إعمار وطنه في القرن السابع عشر والذي حارب بشرف من أجل تحريره. من هنا بدأت فيروز طريقها للشهرة والمجد.


في حين أن موهبة فيروز في البداية وجدت تعبيراً من خلال أشعار و موسيقى الأخوين اللبنانيين عاصي ومنصور رحباني فقط إلا أن معظم الشعراء العرب المبدعين هرعوا الآن ليكتبوا أشعاراً لصوتها عله يترجمها. قائمة الشعراء الذين كتبوا لها قصيدة أو أكثر بما مجموعه أكثر من 800 أغنية تضم: (عمر أبو ريشة),( قبلان مكرزل),( نزار قباني), (ميشيل طراد),( سعيد عقل),( بدوي الجبل),( الأخطل الصغير),( أبو سلمى9,( أسعد سابا),( جوزيف حرب),( طلال حيدر) وشعراء آخرين معاصرين. غنت أيضاً أعمالاً لجبران خليل جبران, ميخائيل نعيمة, الياس أبو شبكة, هارون هـ . رشيد, وبولس سلامة, كما هو الحال بالنسبة لشعراء عرب من العصور القديمة مثل: ابن دريق البغدادي وابن جبير, كما اتسعت قائمة من لحنوا لفيروز لتضم: حليم الرومي, توفيق الباشا, خالد أبو النصر, جورج ضاهر, نجيب حنكش, فليمون وهبة, محمد عبد الوهاب,محمد محسن, الياس الرحباني, زكي ناصيف, وابنها زياد .

لعل أبرز من لحن لفيروز من غير الأخوين رحباني في تلك الفترة هو (فليمون وهبة). تميزت ألحان فليمون بروحها الشرقية الواضحة بخلاف ألحان الرحابنة التي كانت تنزع نحو التجديد والتطوير الموسيقي.
فليمون صاحب الشخصية المرحة والخفيفة الظل كان صديقاً حميماً لفيروز أحبت شخصيته وألحانه على حد سواء كان كثيراً ما يفاجئها على المسرح بأن يرتجل ويخرج عن النص مما يضطرها إلى كبت ضحكها لتفجره وراء الكواليس. كان فليمون موهوباً بالفطرة عند التحضير لأي عمل مسرحي أو غنائي مقبل كان الرحبانيان يعرضان عليه جميع الكلمات المقترحة لكي يختار فيختار الأجمل دوماً. ألحان فليمون أبرزت فيروز كمطربة شرقية بامتياز.
كانت فيروز أيضاً نجمة ثلاثة أفلام سينمائية أنتجت في الستينات : (بياع الخواتم) من إخراج يوسف شاهين, و(سفر برلك) و(بنت الحارس) من إخراج هنري بركات.
مع ذلك حياتها الاجتماعية كانت ولا تزال محافظة جداً تكره فيروز فكرة الذهاب إلى الحفلات والنشاطات الاجتماعية الأخرى وهي تفضل عليها البقاء في المنزل مع أولادها. كان لفيروز تأثيراً على بيروت عندما كانت تعيش تجربة التأثير المتنامي للعصرنة كان هذا التأثير واسعاً على البلاد إذ تمكنت من نقل صورة الثقافة اللبنانية إلى العالم الغربي.


يتبع ... :D

بتوقع انو في عنا موضوع ... عن كل كلمات اغاني فيروز حسب الكاسيتات... فشو رايكن لو اقترحنا بدمج الموضوعين...لنعمل موضوع كبير للست فيروز... احسن ما يتشتتو المواضيع هيك....؟؟؟؟

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

انا حبت ندمج كل الاشيا سوى...ع كل حال لنشوف ابو سليمان شو رأيو


الموضوع الموجود بضم الكلمات فقط
وهون حابين نعمل شي اكبر من هيك
يعني متل مكتبة فيروزية بضم كل شي لفيروز
وطبعا هالشي بيحتاج لجهد كبير بترتيب المواضيع
وبالنهاية القرار إلكن انتو الإدارة وانتو ادرى :D

أنا كتير مبسوطة بالمعلومات اللي عم تمتعنا فيها يا ابو سليمان
ومبسوطة أكتر لاهتمامك .. رح تكون مكتبة غنية بوجودكو
بتحب نضل مرافقين النصوص مع الموسيقى ؟ .. قدر الإمكان :D



# ماروشكا
# عتاب
# راجعة

أن أغاني فيروز والتي غنت الكثير منها في المسرحيات الغنائية الفولكلورية كانت منسجمة مع الاتجاهات السياسية والاجتماعية والسكانية في لبنان خاصة تلك التي صيغت قبل الحرب الأهلية وغالباً ما عبرت أغانيها عن المشاعر العربية المشتركة على نحو واسع واستخدمت نصوصاً عربية كلاسيكية لشعراء معروفين مثل: جبران خليل جبران. بعض الأغاني ارتكزت بالشكل الصوتي على الموشح التقليدي وأخرى عادت وقدمت أعمالاً قديمة من بدايات القرن العشرين بشكل حديث كأعمال الشيخ سيد درويش وغيرها.
وهذه الأغاني المبكرة, أبرزت طابعاً صوتياً متميزاً لديها والأشعار عبرت عن حب رومانسي وحنين لحياة الضيعة. تعشّقت مع مزيج موسيقي رقيق حيث تظهر آلات موسيقية عربية معينة بشكل بارز ولكن تندمج بلطف مع آلات غربيه أيضاً ومع إيقاعات غربية شعبية راقصة أحياناً كانت تغني ألحاناً عربية فلكلورية معاد توزيعها.
مع بداية الستينات أصبحت فيروز واحدة من المعالم الرئيسية لمهرجانات بعلبك السنوية وشهرتها لم تعد تقتصر على لبنان بل تعدته إلى العالم العربي إن بذار ألوف الأغاني العديد من المسرحيات الغنائية و بضعة أفلام انتشرت لتنزرع في قلوب جمهورها ولتشمل أيضاً العرب المقيمين في أوروبا والأمريكيتين.
منذ ظهورها الأول على المسرح أمام الجمهور في العام 1957, سافرت فيروز إلى عدة أماكن كأنها طفلة صغيرة حيث لم تكن تعرف عنها على ما يبدو إلا من خلال قصص الأجداد.
غنت على مدرج فيلادلفيا الأثري و في عمان أيضاً و دمشق, بغداد, الرباط, الجزائر, القاهرة, تونس, كما سافرت إلى ما وراء البحار حيث التقت بالمهاجرين العرب في ريو دي جانيرو, بيونس آيريس, نيو يورك, سان فرانسيسكو, مونتريال, لندن, باريس, ومدن أخرى عديدة حول العالم. في هذه الرحلات قدمت لفيروز علامات تقليدية من الترحيب مثل المفاتيح الرمزية للكثير من المدن و ربما كان الأقرب إلى قلبها يبقى المفتاح المصنوع من خشب الزيتون لمدينة القدس. على الرغم من أن فيروز لم تغني للقدس خلال زيارتها للمدينة المقدسة سنة 1961, إلا أن القدس كان لها الشرف الكبير في العديد من أغانيها منذ حجها هناك.

علاقة فيروز والرحابنة بدمشق جديرة بذكر خاص هنا. دمشق احتضنت الفن الرحباني منذ بداياته في الوقت الذي حورب في لبنان نفسه كانت انطلاقة فنهم الحقيقية من دمشق. لم تغني فيروز على مسرح في العالم مثلما غنت على مسرح معرض دمشق الدولي. جميع مسرحياتها قدمت عليه عدا عن الحفلات الغنائية المستقلة,فأواخر كل صيف كانت دمشق وبردى وقاسيون على موعد متجدد مع الحب والفن. أما من ناحية فيروز والرحابنة فقد بادلوا دمشق هذا الحب العظيم بأن كتبوا ولحنوا عشرات الأغاني للشام اعترافاً منهم بفضل الشام عليهم وليس أدل على ذلك إلا قول فيروز: (أنا صوتي منك يا بردى) هذه الجملة التي ما زال السوريون يرددونها بشوق غامر إلى تلك الأيام المجيدة من عمر الفن الخالد.
لفيروز صديق عمر ورفيق درب (هو نصري شمس) الدين صاحب الصوت الجبلي الحنون. كان نصري مرافقاً لها في جميع المسرحيات والحفلات إذ لعب دور الأب أو الجد أو ابن الضيعة أو الملك. كان فخوراً بصداقته مع فيروز ومحباً لها لدرجة نكران الذات. لفيروز معه أغان ثنائية ومحاورات زجلية جميلة شكلا ثنائياً منسجماً من الناحية الفنية و من ناحية الصداقة العميقة التي ربطت بينهما. حزنت فيروز كثيراً بوفاة نصري ورثته بكلمات مؤثرة جداً.

إن التعاون بين فيروز والأخوين رحباني لمدة عقدين ونصف من الزمن أثمر عن ثروة إبداعية لم يسبق لها مثيل في العالم العربي. غنت أكثر من 800 أغنية ومثلت في أكثر من 20 مسرحية غنائيةو ثلاثة أفلام وبضعة اسكتشات موسيقية, ناهيك عن الحفلات الغير معدودةو الجولات والظهور المتعدد على امتداد الوطن العربي والعالم. كتبوا وغنوا لمواضيع عديدة متنوعة خاطبوا قلب وعقل كل إنسان عربي. غنت فيروز البلدان و المدن والشعوب.و لم تغني قط لأي رمز سياسي. غنت للحب, للفرح والحزن, للأمل والتفاؤل, غنت للشعب الفلسطيني ولقضيته, غنت للأمهات في الأرض, للسماء والنجوم والقمر, للأطفال,للأب والأم, للأخ والأخت, للبنت والابن, غنت قلبها لوطنها الحبيب لبنان, وحملته معها إلى كل العالم, وأكثر من ذلك صلت واعترفت بإيمانها. الله والصلوات تخيم على أغانيها لأنها مؤمنة ومخلصة. الرحبانيون وفيروز أبدوا إهتماماً بمواضيع عديدة حتى يصعب إيجاد موضوع معين لم يحظ بالذكر في أعمالهم وأغانيهم. لقد خاطبوا شعباً من كل الأعمار والطوائف والجنسيات.

خلال الحرب الأهلية اللبنانية قررت فيروز البقاء في بيروت على الرغم من أنها كانت تملك المقدرة المادية لتعيش في الخارج لكنها لم تغادرها إلا بعد إصابة بيتها بصاروخ. لم تغنّي فيروز داخل لبنان خلال معظم سنيّن الحرب لأنها لم تكن تريد التحيز لأي فئة.

مرت علاقة فيروز بعاصي بمراحل مختلفة. عندما تعرض عاصي لأزمة صحية أصابت أحد شرايين دماغه اضطر معها لأن يغيب عن التحضيرات لمسرحية (المحطة) عام 1973, غنت له فيروز (سألوني الناس) التي تشتاق فيها إليه وتعبر عن أنه يعز عليها الغناء في غيابه خاصة وأنه الغياب الأول. كانت هذه الأغنية أول ما لحنه لها زياد ابنها. لكن علاقة فيروز بعاصي ومنصور تدهورت في أواخر السبعينات وعقد عملهم انكسر إذ جاءت مرحلة الخلافات الحادة بين عاصي وفيروز والتي أدت في نهاية المطاف إلى الانفصال. بعد تدهور عائد بحالته الصحيةو توفي عاصي في 21 حزيران/يونيو 1986 وكانت فيروز وقتها تحيي حفلات ناجحة في لندن بمرافقة زياد وترتل في كنيسة ويست منيستر. وشكل رحيل عاصي كارثة في مسيرة الفن العربي وفي حياة فيروز الشخصية. هذه المرأة العظيمة بصمتها والكبيرة بحزنها, فجعت أيضاً بوفاة ابنتها ليال بعد وقت قصير من وفاة عاصي.
وطوت وفاة عاصي تاريخاً من الإبداع المشترك لتفتح صفحات جديدة منه مع زياد الابن. فبعد عام واحد على رحيل عاصي, أصدرت فيروز اسطوانة معرفتي فيك التي جاءت لتستوعب الماضي الفيروزي العريق ولتضيف عليه إبداعاً أكثر جرأة وأكثر انطلاقاً نحو التطوير. وفي العام 1995 قدمت فيروز وزياد أسطوانة إلى عاصي كهدية إلى روحه, استعادت فيها فيروز غناء مجموعة من الروائع الرحبانية بتوزيع وإشراف موسيقي لزيادمع أوركسترا ضخمة كما كان يحلم عاصي أن تنفذ موسيقاهم عبرت فيها فيروز عن حبها الكبير له وتقديرها لفنه العظيم فكانت أجمل هدية لراحة نفسه.

استمرت فيروز في غناء الأغاني الرحبانية جنباً إلى جنب مع الأغاني الخلاقة والمتأثرة بشكل أساسي بموسيقى الجاز لابنها زياد. كما غنت أغان كان قد خبأها لها فليمون تحت وسادتها قبل رحيله. عملت أيضاً مع زكي ناصيف, ومؤخراً مع محمد محسن, بعد عقود طويلة من أول تعاون بينهما.
وبعد انتهاء الحرب الأهلية, أقامت فيروز حفلة في بيروت في العام 1994, ثم عادت إلى بعلبك عام 1998 حيث حققت حفلاتها نجاحاً مجروحاً. استمرت بإطلاق أغان جديدة وإحياء الحفلات حول العالم.
أغاني فيروز تدين بالكثير للعبقرية الموسيقية والشعرية للأخوين رحباني. في السنوات الأخيرة عكست أيضاً موهبة التأليف لدى زياد الرحباني. بالإضافة إلى ذلك عززت القاعدة الموسيقية الرحبة لفيروز التي تجمع ما بين الأداء الطقسي الكنسي و الغناء العربي التقليدي.
من أكثر أعمالها الجديرة بالذكر مؤخراً حفلتي بيت الدين عامي 2000 و 2001 اللتان أقامتهما بالتعاون مع ابنها زياد . هاتان الحفلتان بشرتا بولادة عصر جديد في حياة وأعمال فيروز وأوضحتا اختيارها وتفضيلها التركيبة الزيادية. ألبومها الأخير( ولا كيف) ,أيضاً بالتعاون مع زيادو وضع الختم الأخير على حصرية زياد في أية أعمال مقبلة.


انتهى..

هدول الصور بتضمنو صور الالبومات والمسرحيات وكمان صورخاصة بفيروز

وهي هون كلمات الاغاني مرتبة حسب الالبومات


وهيك ما بقي غير انو نزل الاغاني
بالاذن منك بيلسان :deal:
رح ارجع نزل الاغاني بالترتيب الابجدي
يعني فيروز من الالف إلى الياء

أنا كتير مبسوطة بالمعلومات اللي عم تمتعنا فيها يا ابو سليمان
ومبسوطة أكتر لاهتمامك .. رح تكون مكتبة غنية بوجودكو
بتحب نضل مرافقين النصوص مع الموسيقى ؟ .. قدر الإمكان :D



# ماروشكا
# عتاب
# راجعة


وشكرا كتير إلك عهدول الاغاني :D

بيلسان

الست فيروز .. بكل شي كانت عظيمة .. و ما بتنوصف ..

أكيد رح أشكرك .. كل الشكر على هالفكرة اللي أروع من الروعة

:D

abosleman

خيي أبو سليمان ..

يسلم هالديات على المجهود اللي قمت فيوه

وهيك ما بقي غير انو نزل الاغاني
بالاذن منك بيلسان :deal:
رح ارجع نزل الاغاني بالترتيب الابجدي
يعني فيروز من الالف إلى الياء

إذا بتحب عندي مجموعة حلوة لفيروز ..

و مشان ما لخبط الترتيب

أدرجلي ترتيب الأغاني اللي رح يصير و أنا بساعدك فيون من عيوني ..

كرمال الست فيروز تكرم الأخوية كلا

:D

بيلسان


الست فيروز .. بكل شي كانت عظيمة .. و ما بتنوصف ..

أكيد رح أشكرك .. كل الشكر على هالفكرة اللي أروع من الروعة

:D

abosleman

خيي أبو سليمان ..

يسلم هالديات على المجهود اللي قمت فيوه



إذا بتحب عندي مجموعة حلوة لفيروز ..

و مشان ما لخبط الترتيب

أدرجلي ترتيب الأغاني اللي رح يصير و أنا بساعدك فيون من عيوني ..

كرمال الست فيروز تكرم الأخوية كلا

:D


شكرا كتير لاهتمامك bl@ck :D

ومتل ما ذكرت رح يتم تنزيل الاغاني حسن الترتيب الابجدي

يعني مبدئيأ رح انبلش بالالف

بس انشاالله على بكرة :p ببلش فيهن لاني انعست :sleeping:
ومابقى عم جمع :sick:

بس انشاالله على بكرة :razz: ببلش فيهن لاني انعست :sleeping:
ومابقى عم جمع :sick:

يلا طالعين سوا .. معناها .. و غداً نلتقي ..

أحلام سعيدة أبو سليمان

و أحلام سعيدة للأخوية كلا

:D

وهي هون كلمات الاغاني مرتبة حسب الالبومات


وهيك ما بقي غير انو نزل الاغاني
بالاذن منك بيلسان :deal:
رح ارجع نزل الاغاني بالترتيب الابجدي
يعني فيروز من الالف إلى الياء




شكرا عالصور وكلمات الأغاني
وفكرة فيروز من الألف للياء فكرة ناجحة كتير
بتسهل للمتصفح البحث
أنا موافقة
بس شو رح نعمل بالأغاني اللي صارت نازلة ؟
وكمان شغلة .. يمكن لازم نعتمد ترتيب معين مشان اللي بدو ينزل أغاني من مكتبتو الخاصة
يضل محافظ عالترتيب الأبجدي .. يعني اذا انا بدي أنزل أو أي حدا بالمنتدى .. كيف هيك بدو يصير ؟
أنا بقترح نعمل ببداية الموضوع "فهرس" بيضم روابط الأغاني حسب الترتيب الأبجدي
بحيث إنو إذا فقس المتصفح على اسم الغنوية بهالفهرس يوصل لمكان إرفاقها بالموضوع بدون ما يضطر يقلّب صفحات
وتنساش كمان يا ابو سليمان إنو في بالمنتدى أغاني متناثرة لفيروز بمواضيع مختلفة أو منفردة
بلا ما نخربط المواضيع السابقة اللي أكيد صار عليها ردود .. منضمّ روابطهن للفهرس
وهيك بيصير فعلا موضوع فيروز شامل لكل المنتدى ومتل ما بدنا
قلي رأيك :D

تسلم ايديكي يابيلسان على هالاغنية الرائعة ( فايق شو حكينا)
واستني علي شوي بس ،عندي بلاوي زرقا لفيروز وحابب كتير حملهن بهالموضوع، بس في عندي مشكلة بالمرفقات، بعتت استفسار للادارة من شان يساعدوني مشكورين بهالقصة، انشالله تنحل المشكلة، واكيد رح تنبسطوا
سلامات

وهللأ مشي الحال
سامعين هالاغنية شي؟؟ وشو رأيكن فيها؟
هي هدية لبيلسان ولكل محبي فيروز:D

يسلمو ايديك يا سمسوم
حملتها للغنية وعم بسمعها
كلاسيكية وعتيقة وبتجنن
انا صرت متشوقة اسمع البلاوي اللي عندك

يسلمو ايديك يا سمسوم
حملتها للغنية وعم بسمعها
كلاسيكية وعتيقة وبتجنن
انا صرت متشوقة اسمع البلاوي اللي عندك
الله يسلمك، مابعرف اذا سامعتيها لهالغنية من قبل او لأ ، بس انا بشوفها كتير حلوة ، في ناس مابيحبو هالنمط من أغاني فيروز(عم احكي على اغنية قلبي عليك) وبكل الاحوال بتوقع هي مو كتير معروفة.
وهي أغنية تانية من اسكتش البعلبكية اسمها راحو.. بتوقع هي معروفة اكتر:?
ما قلتيلي .. انتي سامعة الموال اللي بآخر اغنية فايق ياهوى؟ لأنو بمسرحية الشخص ما بتغنيه
اتفضلوا و عيشوا مع هالكلمات واللحن والصوت
سلام فيروزي

مرحبا
شو وين الشعب ؟؟
شايف مافي حدا لحدا .. الظاهر بردت الهمة:pos:
يللا هي اغنية رائعة لفيروز ، مش كل يوم تمر... والله معها حق .. من اسبوع لهللأ ماحدا مر غيري
الله يرضى عليكن لا تزعلولنا ياها، وابقو مرو

أهلين يا آية تسلمي :oops:
وهاي غنوية تانية لعيونك


يمّي ما بعرف كيف حاكاني .. وكنت حدّ العين حيرانة
تركتو بقصدي بدي رووووح .. مدري شو حدّ العين خلاني
يمّي ما بعرف كيف .. ما بعرف كيف :?

* * *

يحكي ويحكي وصرت إسمعلو .. والحكي كيف كان طايعلو
صاروا الزنابق حدّنا يعلــوا .. ولو ضل كان الورد خبّانــي
يمّي ما بعرف كيف .. ما بعرف كيف :ss:

* * *

وغابت الشمس وخفت وقت واحتديت .. وما عدت عا درب لِنا استهديت
ما وعيت كيف ركدت صوب البيت .. قلبي يدقّ وكنت فزعانة
يمّي ما بعرف كيف .. ما بعرف كيف :shock:

* * *

مبارح بعتلي محرمة هديّة .. سرّ وعطر أبيض وغنيّة ..
ومتل اللي زاغوا هيك عينيّي .. وحسيت شي بالبال بكّاني
يمّي ما بعرف كيف .. ما بعرف كيف :sosweet:


بتمنى تعجبكو
يمايييييييييييييييييي شو حلوة هالغنية مرسي لالك زوء تسلميلي :D:D:D:D:D:D:D

حرف الالف

إذا كان ذنبي
آخر أيام الصيفية
احكيلي احكيلي
احبك مهما اشوف منك
ارجعي يا الف ليلة
اردن ارض العزم
اشتقتلك
اذكريني