صار حكي كتير عن الألحاد والملحدين بأخوية
و من جهتي أنا شخص محايد لا متدين ولا ملحد مع إني مريت بحياتي بمراحل تقلب بين الجهتين قبل ما استقر عالوضع الحالي اللي فيه راحة بال أكتر من خلال نسيان مواضيع الدين قدر الإمكان والتفكير بالحياة اليومية العملية ومن دون إنتقاد هالطرف أو هالطرف إلا الأشخاص المتطرفين.
بس الشي اللي لاحظتو على (بعض) الإخوة الملحدين ومن زمان بدي ناقشن فيه...
هوي مجاهرتن بالألحاد و أحيانا تعمد إهانة الشخصيات الدينية والمتدينين دون تمييز بين صالح وطالح "فقط لمجرد كونه متدين حتى لو ما كان متطرف" بدل ما يكون الإنتقاد بناء ، إيجابي و ديمقراطي
إضافة لإنتظار أي فرصة لإعلان هالإنتماء اللي برأيي ما فيه شي يدعو للفخر متل كون التدين شي عادي ما بيرفع الراس ... الحالتين متل بعض
و لما منطالب المتطرف دينيا(و الأحمق غالبا) إنو يحتفظ بعقيدته وإيمانه بقلبه وما يصرع طي*نا فيهن ...
لازم بالمقابل نطلب من الطرف الآخر الملحد نفس الشي...
وإلا صدقوني ما رح يكون في فرق بين الطرفين!
يعني أنا بعتب على إخوة بيعلنوا بمناسبة وبدون مناسبة إنن ملحدين أو حتى بيحطوها بالتوقيع وكأنو منتظرين منا نقول"ياي شو هالقوة"
أو "شو متحرر و فريي" !!
لاء أبدا ... الإلحاد بعمرو ماكان تميز إلا لناس ما قدروا يتميزوا بشي تاني للأسف...
لأنو الإلحاد بالنهاية مانو فكر أو عقيدة تتبناها و تشهرها للعالم ، فإما إنك تؤمن بالله أو ما بتعترف بوجوده وبالحالتين هاي قناعتك خليها بقلبك ، وأنا ماشفت بالدول الديمقراطية أحزاب للملحدين(لأنو شو هالحزب اللي برنامجو نقض الدين!؟) ، بس متل ما بتعرفوا في أحزاب بتنقض الفكر الديني وبتعتبره عائق أمام تقدم البشرية دون الدعوة لمحاربته لأنو هيك بتصير قمع لحرية الرأي المقدسة بالنظام الديمقراطي .

أنا وجهت كلامي للملحدين لأني بتوقع منن ذهن منفتح أكتر من الطرف التاني.
و يا ريت تتقبلوا كلامي بصدر رحب.
و إذا حدا إلو ملاحظة عليه يناقشني فيها بطريقة حضارية دون تهجم (حاكم دمكن حامي شوي)
تحياتي الصادقة للجميع.

و أنا كمان لا ملحد و لا متدين .... يعني بتقدر تقول علماني
بس من وجهة نظر محايدة أنا بشوف العكس
المتدينين هني يللي بينظروا للملحدين و كأنهم شي قذر
و للأسف ما بيخبوا عالشعور بقلبهم
و فيك تشوف المسبات تبعهن بموضوع ( نكات لادينية )

بربي يامعلم كلام حلو كتير كتير كتير وراكز

وبصراحة انت حكيت الزبدة يعني بصراحة لو بطبق هالكلام اللي حكيتو والاعضاء بطبقوا بشرفي مارح يعود في مشاكل ولا خناقات ولا اكل

وكمان بهنيك على موقفك اللي قاعد عليه انت (بلامعنى) اللي بقصد فيه الوسطية "لاملحد ولامتدين" وبصراحة هيك واحد بريح بالو من القال والقيل

وشهيتني بصراحة اتبع ه السياسة



ومية وردة على هالموضوع الموزون

كلامك صحيح مية بالمية وعقلاني .
يعطيك العافية .

مافي حل لهلقصة الا انو الشباب يعملو اتفاق كل مين بحالو...

بس بدي افهم ليش المتدين بفوت عمواضيع مكتوب فيها للملحدين فقط وبقرأ وبستمتع وبعدين بقلك حرام!!!:jakoush:

يا فوت وخليك ساكت يا ما تفوت من الاساس !!!!!!!!!!!!!!!!!!وحتى العكس مزبوط يعني الشبا الملحدة كمان ما يستنفرو من اي كلمة ويطولو بالهم شوي :)


يعني بالعربي كل مين حر بحالو واخوية مو موقع هداية او تكفير !!!كل مين حر بدينه والي ما بعجبو اسم الموضوع ما يفوت ويسم بدنو...

هاد الحل الوحيد لأنه كلمة من كل جهة وعم تتحول المواضيع لمعارك حامية الوطيس :p


عفكرة الله وكيلكن انا مسلمة بس بفوت وبقرأ وما بشارك :)

يعني طرف محايد :)

شكلو منظمة وسموها منظمة اخوية المحايدة ... او منظمة اخوية لعدم الانحياز... وصل الله وبارك

وانا هلأ طرف محايد...

أنا اللي شفتوه .. بهالكم يوم ..

دائماً المتدينين .. بحاولوا يهاجمو الملحدين ..

يعني هنن اللي بتحارشون ..

و بسمعو حالون كلام .

يا أخي الموضوع اسمو للملحدين فقط .. إذا انت بتعرف الله لشو لتفوت

يعني أمرار بحشروا انفون بشي ما خصون فيون

بس معك حق يعني لازم ينحط حد لهالخلافات اللي بتصير ..

:D

و من جهتي أنا شخص محايد لا متدين ولا ملحد مع إني مريت بحياتي بمراحل تقلب بين الجهتين قبل ما استقر عالوضع الحالي اللي فيه راحة بال أكتر من خلال نسيان مواضيع الدين قدر الإمكان والتفكير بالحياة اليومية العملية ومن دون إنتقاد هالطرف أو هالطرف... اقتباس...
يا اخي ما في مجال ليكون الانسان محايد او بلا موقف واضح من هالحياة يعني ممكن تكون مسلم بس انو ما تكون متطرف وممكن تكون ملحد او شيوعي وانت مقتنع هاد كلو ما بيهم ما دمت مقتنع انو هاد الي انت بتامن فيه هو الصح... الانسان موقف فكون لنفسك موقف:larg: :larg:
اما بالنسبة للي بيشوف في حالو انو هو دائما الي صح وغيرو ما الو وجود على خارطة الحقيقة فهاد بيمثل دور المتخلف الاعمى:larg: :larg:

أنا وجهت كلامي للملحدين لأني بتوقع منن ذهن منفتح أكتر من الطرف التاني.
و يا ريت تتقبلوا كلامي بصدر رحب..

يعني أنو وجهة نظرك معقولة و متفتحة بعض الشيئ ... بس أنو أعذرني فادي أنو شايفك خبصت بأخر سطر !!!

مجرد وجهة نظر مش اكتر . حاسس انو المؤمن من وجهة نظرك زلمة مانو منفتح و عم بيفكر بعقلية العصور الوسطى ... يعني كنت بنتظر بعد كلامك الرائع ببداية الموضوع أنو ينتهي الموضوع بجملةتعبر عن المساواة ما بين الملحد و المؤمن على الأقل .. طالما انهم متاوسين بكل شي من وجهة نظرك على حسب مازكرت بكزا نقطة .
كان الاجدر انو تختم موضوعك بما يعبر على انو الكل متساوي و ليس الاجحاف بحق المؤمن مثلما زكرت بالسطر الاخير ..

تحياتي لك اخي :D

يعني أنو وجهة نظرك معقولة و متفتحة بعض الشيئ ... بس أنو أعذرني فادي أنو شايفك خبصت بأخر سطر !!!

مجرد وجهة نظر مش اكتر . حاسس انو المؤمن من وجهة نظرك زلمة مانو منفتح و عم بيفكر بعقلية العصور الوسطى ... يعني كنت بنتظر بعد كلامك الرائع ببداية الموضوع أنو ينتهي الموضوع بجملةتعبر عن المساواة ما بين الملحد و المؤمن على الأقل .. طالما انهم متاوسين بكل شي من وجهة نظرك على حسب مازكرت بكزا نقطة .
كان الاجدر انو تختم موضوعك بما يعبر على انو الكل متساوي و ليس الاجحاف بحق المؤمن مثلما زكرت بالسطر الاخير ..

تحياتي لك اخي :D


فادي قصدو المتعصبين دينيا

فادي قصدو المتعصبين دينيا


أنا وجهت كلامي للملحدين لأني بتوقع منن ذهن منفتح أكتر من الطرف التاني

واضحة كتير هاني فادي ذكر " الطرف التاني " يعني ملحد أو مؤمن ... !!! ما في وسط و ما في متعصب و مو متعصب ...

اممممم
انا كمان محايدة ..
بس جد المتدينين بينظرو للملحدين نظرة دونية عالاخر
وبيطبو فيهم عالطالعة وعالنازلة
وهدلاك مش بيقصرو
كلامك منيح
ويااااااا ريت ينسمع !

في مجال انو الواحد ينسى الحال الدينية والسياسية يلي عم نعيشها

في مجال انو الواحد ينسى الحال الدينية والسياسية يلي عم نعيشها

عــــــــ السقيفة أبو سليمان بنتظرك هناك يا بعدي :sosweet:

بلا من كل هالعلاك الفاضي :larg:

ط£ط®ظٹ ظˆط§ط¦ظ„
ظ…ط§ ظپظٹ ط*ظٹط§ط¯ ط¨ط§ظ„ظ…ط·ظ„ظ‚ , ظˆ ط£ظ†ط§ ظ‡ط§ط¯ ط±ط£ظٹظٹ ط¨ط§ظ„ظ†ط³ط¨ط© ظ„طھظپظƒظٹط± ظƒظ„ ط·ط±ظپ
ظˆط¨ط±ط£ظٹظٹ ط§ظ„ظ…طھط¯ظٹظ† ط¨ظٹظƒظˆظ† ظ…طھط*ظپط¸ ظˆظ…طھظ…ط³ظƒ ط¨ظ…ط¨ط§ط¯ط¤ظ‡ ط£ظƒطھط± ظ…ظ† ط؛ظٹط±ظ‡
ظˆط¹ظ†ط¯ظ‡ طµط¹ظˆط¨ط© ط£ظƒطھط± ط¨طھظ‚ط¨ظ„ ط§ظ„ط±ط£ظٹ ط§ظ„ط¢ط®ط± ظ…ط«ظ„ط§... ظˆط¨طھط¨ظ‚ظ‰ ط§ظ„ط´ط؛ظ„ط© ظ†ط³ط¨ظٹط©
ط¨ط³ ط£ظ†ط§ ط£ط¨ط¯ط§ ظ…ط§ ظ‚طµط¯طھ ط¥ظ†ظˆ ط§ظ„ظ…طھط¯ظٹظ† ط¨ظٹظپظƒط± ظ…طھظ„ ط§ظ„ط¹طµظˆط± ط§ظ„ظˆط³ط·ظ‰!
ط£ظ…ط§ ط§ظ„ظ…طھط·ط±ظپ ط£ظƒظٹط¯ ط¥ظٹ ظˆط£ظƒطھط±.

ترجمة

"اخي وائل ما في حياد بالمطلق وانا هادا رايي بالنسبة لتفكير كل طرف
برايي المتدين بيكون متحفظ ومتمسك بمبادؤو اكتر من غيرو
وعندو صعوبة اكثر بتقبل الطرف الاخر مثلا وبتبقى الشغلة نسبية
بس انا ما قصدت انو المتدين بيفكر متل العصور الوسطى اما المتطرف اكيد اي و اكتر"

شفت ابو الفود ما في حدا غيري بيفهمك :p

ترجمة

"اخي وائل ما في حياد بالمطلق وانا هادا رايي بالنسبة لتفكير كل طرف
برايي المتدين بيكون متحفظ ومتمسك بمبادؤو اكتر من غيرو
وعندو صعوبة اكثر بتقبل الطرف الاخر مثلا وبتبقى الشغلة نسبية
بس انا ما قصدت انو المتدين بيفكر متل العصور الوسطى اما المتطرف اكيد اي و اكتر"

شفت ابو الفود ما في حدا غيري بيفهمك :p

ثانكس هاني :sosweet:

مشكور يا أحلى أبو الهن
بس ما بعرف ليش طلعت الأحرف سنسكريتة
القصة يا جماعة إني عم فوت عالنت من الموبايل
وطلعت روحي من كتابة الكلمات وبالأخير سنسكريتي(سمايلي تبع الجاكوش شنو صعب عليي حط سمايلات)
الظاهر صار لازم نطالب بالإنترنت للجيش كمان مشان يصير عنا جيش عصري و مقتمت
(سمايلي تبع البؤس والميزربل والملتعن نفسو)

شكراً كتير أبو الفاد .. ( بس شكلك صاير عما تكتب هندي بالفتر الأخيرة )

المهم ..

أنا بصراحة هي .. قدام الملحد متدين و قدام المتدين ملحد ( لا تسألوني كيف .. بس أنا هيك خيو ..)

و كـ جزئي الملحد .. ألي الشرف أنو المتدين ينظرلي نظرة دونية ..


و كمان عـ قولة وفاء سلطان ..

أعبد الحجر ولكن لا تضربني به :D

و كمان عـ قولة وفاء سلطان ..

أعبد الحجر ولكن لا تضربني به :D
و الله .. كترانة شعبيتها بهالأيام

و الله .. كترانة شعبيتها بهالأيام

لا أخي .. من أولتها .. هي وحدي عميلة طابور خامس .. وحدي مزندقة كافرة ..

بس مرة الله وكيلك بالغلط حضرتا بـ أتجاه معاكس هي و شيخ .. الحلقة كانت حول صراع الحضارات ..

و قالتلتو هل جملة للشيخ .. و علقت هي الجملة براسي :D

معلم انا بحب شد ع ايدك وشجعك ع الي عبتعملو لهالمنتدى , وصراحه سابقا كنت شوف هالمواضيع تبع النقاشات ع النت والمنتديات حكي فاضي وهوي صراحه في هيك بس هون في شي حلو انو النسبه الساحقه محترمه وحابي تستفيد من الاخر بالرغم من تعدد الديانات والاتجاهات السياسيه وها شي حلو , و المهم بالنسبه للادب وللفهم وللشغلات الي بتخلي الانسان يصير انسان فاعل و حاسس انو عبيعمل شي بالحياه هاي شغلي مالقيتا ابدا غير هون يعني انصدمت انو في حدا غيري مهتم بهالمواضيع والله شي حلو , احييك انا انتي بالتحديد لان وين ما بروح بلاقيك باي شي بخص البني ادمين والناس المثقفه , احييك جد .
سلام:deal:

الموضوع فيّو شويّة تجنّي ..
الإنسان الديني .. ما بيسكت عن معتقداتو .. وقلّما منطالبو يسكت .. بالعكس هوّ ببعبع كل جمعة عالمكرفون "لعن الله الكافرين" .. نحن منطالبو يحترم حقنا بالحكي .. بالنقد .. بدراسة التاريخ .. بتحليل (عكس التركيب) الشرائع والعقائد ودراستا .. ووضع رأينا عنها .. هالشرائع والعقائد مؤثّرة علي بشكلا اليومي .. بتحاصرني من كل مكان .. بحياتي .. بشغلي .. بدراستي .. بشربي للبيرة .. وبطلعتي مع رفيقتي .. وبتقليعتي من السفارة الأمريكيّة لما بدي روح أطلب فيزا ..
هي مانا شي منعزل عنّي .. حتّى دير ضهري إلها وإمشي .. هي ببعض الأحيان عبتنطق عنّي لما عبينكتب عجوازي مسلم أو مسيحي أو بوذي .. عبتقيّم أنا من خلالا .. من واجبي أخضعتا للنقد والدراسة .. و حاول طوّرا .. أو حوّرا .. أو حتّى إلغيها .. بحيث يصير تأثيرا علي إيجابي ..

نحن حالياً عايشين بغمامة من الجهل والرجعيّة .. وعبر التاريخ ما حدا حارب الجهل بأنو دار ضهرو ألو .. هاد عدا .. إذا أنا افترضت إني بمجتمع سليم معافا .. دينو لذيذ وخالي من الكلسترول .. فأنا من حقّي كملحد أنو عبّر عن وجهة نظري .. عن طقوسي ومعتقداتي متل ما الديني بعبّر عنا بكل لحظة .. وبكل مناسبة وحتى بالرموز الدينيّة يلي بعلقا عصدرو أو بخبّي فيها راسو .. إذا الهندوسي ما بياكل البقر .. من حقي آكل البقر .. وإذا انت بتآمن بالله .. من حقّي أنا نزّل الله من السما .. وإذا أنا بموت بدباديب نيتشة .. روح انت قلعلو دباديبو :) ..

بحياتو ما كان الإلحاد أيدولوجيّة .. حتّى نعمل منا حزب .. الإلحاد موقف وجودي مو أكتر .. وما بيتصف بالشموليّة تبعيت الدين .. يلي بتسوّلّو يعمل أحزاب من خلالا ..


تحيّاتي ..

خوليو

ينصر دينك يا خوليو

امممممم اول شي حلو الموضوع :pos: ولازم الكل يشوفوو

طبعا انا في ردوود كتير مع احترامي للي كتبوها ما عجبتني

بس طبعا كل واحد حر بنظرته ورايه

رح احكي بشكل عام كلمه دايما بقولها شو ما كان دينك انت انسان فرووقووو شوي وبكفي


قتالات وتعليق على دين كل واحد الانسان قبل ما نعرف دينووو بنشوف اخلاقوو


ماهيك؟؟؟؟


تحيااااااااااتي

معلم خوليو

الاتزان عبنئط تنئيط في كل كلمة حكيتا

بس في الي كم نقطة على حكيك

شفت إنو الله يعني الإله دعم أتباعه اللي هن المتدينين و بعتلهن إنت مشان تكون دليل على حكي الأخ صاحب الموضوع ...

لحظة شوي ... ايه فادي .. ما شا الله الموضوع طويل ... منرجع للحديث .. و ئصدي بحكيي إنو السيد فادي كان عم يحكي مع الملحدين إنو هالجماعة بسبب طريئة تفكيرهن اللي ما بتعترف بوجود الإله و بالتالي الإله عندهن متل العنقاء أو الغول يعني بإمكان الناس إنو تحكي عنهن و تألف ئصص و حكايا و حتى تسبهن ، هالطريئة بتسمحلهن من وجهة نظرهن إنو يستهزؤوا بالإله و يهينوه و بالتالي و النتيجة الطبيعية طبعاً يثيروا المتدينين يعني إنت إذا معجب بـ 50 cent مثلاً و هو اللي ما ممكن يفيدك أو يضرك بس مجرد إعجاب فإنت ما بتئبل إنو ينسب إدامك فكيف بدك يكون موقف شخص عندو شغلة كتير بقدسها و بيستمد منها القوة و يتساعدو على التخلص من مشاكلو و بتكون سند إلو وئت الزنئة ... إلخ و بيجي واحد بيستهزئ منها إدامو ، طبعاً رح ينكت هاد المتدين كل شي عندو من مواقف مخبأة أو معلنة تجاه الملحد اللي أهان أقدس شي بحياته مو بس هيك كمان رح ينظرله متل ما بينظر للحشرة يعني نظرة دونية جداً لأن إذا بتجيب واحد من المدينة الفاضلة و ئعدت تسبه رح يكرهك بئا ما بالك بالبشر اللي موجودين حالياً .

و حضرتك عم تئول إنو الإلحاد مو إيديولوجية يعني لا يصلح ليكون محور لحزب و هاد يؤدي مباشرة لإن من السذاجة يئعد شخص يحارب هيك مبدأ بهالضآلة ، و لو رجعنا للمتدينين منلائي إنو معظم أو كل الأديان اللي بالدنيا إن كانت سماوية أو أرضية بتشترك بشغلة غير الاعتراف بوجود الإله و هيه الدعوة للتسامح و عدم إيذاء الناس اللي من طوائف تانية و في مقولة أو آية ما بعرف شو هيه بئولوها المسلمين (و ادعُ إلى سبيل ربك بالحكمة و الموعظة الحسنة) يعني بظن إنو هالجملة ما فيها دعوة لسب الملحدين أو الاستهزاء فيهن و كمان لما بصير مناظرة بين شخص ملحد و شخص متدين المتدينين ما بيبعتولوا إلا واحد من أحسن العقول عندهن و هاد يدل على اعتراف المتدينين بقوة و ذكاء الملحدين و بالتالي من المستحيل إنو يكونوا بينظرولهن نظرة دونية ، أيضاً شغلة تانية بسمعها بين المسلمين - و عذراً يعني أمثلتي من ناح المسلمين لأن عايش ببلد كلا مسلمين) إنو ما بصير يسبو مقدسات الناس اللي من غير دين ، يعني مراعاة لمشاعر هالخلئ و بتصور إنو كل الديانات بتدعو لنفس الشي ، كمان السيد المسيح بئول ( اذا صفعك شخص على خدك الأيمن أدر له الخد الأيسر انجيل متة 9 : 35 ) يعني دعوة لعدم ملاقاة الإساءة بالإساءة ، و إذا بدي إذكر أمثلة ما رح اخلص اليوم ... لذلك بكتفي بهالقدر ..

و زبدة الحكي إنو من وجهة نظري المتدين لازم يعترف بوجود العقل و التفكير و الأسباب و المسببات و بدون ما يهين الملحد و على العموم ما بيئدر يهينه يعني ما في عند الملحد شي مقدس ممكن ينهان ، فمنلائي الملحدين عم يستغلوا نئطة الضعف عند المتدينين و بيستثيروهن من هالطرف و اللي يؤدي بدوره ليطلع المتدين عن طوره و يصير يخبص و هون بكون الملحد مروء و بيئعد يمسك نئاط على المتدين .

هلأ منرجع لأهم نئطة و هيه إنو من حق الملحد كما من حق المتدين إنو يعبر عن وجهة نظره لكن مع الانتباه لعدم التجريح بالآخر ، و إذا متل ما عم تئول من حقك تنزل الله من السما بتنزلو بس مو ئدام واحد بيؤمن بالله لأن إذا ما بتعرف معنى التجريح و الإساءة هاد مثال عن الإساءة ، فتنزلو ببيتك بمحلك على طاولتك مو وين ما كان ، و شغلة تانية إنو الأمور مو بالبساطة اللي متخيلها بحيث إنو ئلت حضرتك (( وإذا انت بتآمن بالله .. من حقّي أنا نزّل الله من السما .. وإذا أنا بموت بدباديب نيتشة .. روح انت قلعلو دباديبو )) يعني ما فيك مثلاً تئول لواحد خود دوس على رجلي أد ما بدك أنا ئبلان بس بدي دوس على رجلك أد ما بدي ، يعني بجوز الزلمة ما بيتحمل تدوس على رجلو ، فوئتها كمان ما بصير تئول هي مشكلتو إنو أنا بدي دوس و هو يصطفل ، الزبدة إنو اللي بتئبلو انت على حالك و على مقدساتك ما بيئبلو كل الناس .

ببتمنا أكون وصلت للحياد .. في حكيي .. و ئدرت .. أحكي بغض النظر عن وجهة نظري الخاصة و قناعاتي الشخصية

و ممكن يكون إلي رجعة ... لأن الحكي بطول و بطول ...

آسف على الإطالة ،

و بشكركن مسبقاً على رحابة الصدر اللي أكيد رح تكون موجودة .

:D

الزميل بلاك ..
في كتير أمور ذكرتا بردّك استعصى علي فهما .. بجوز لأني مو متعوّد عالجو هون لسا .. يعني ما ميّزت المزح من الجد .. لذلك خلّيني وضّح بعض الأمور .. إذا كان فيها رد مباشر عحكيك .. كان بها .. ما كانت .. ما منكون خسرنا شي غير هالكم دقيقة بكتابة هالرد ..

بالنسبة للإلحاد .. كونو عدم أيدولوجيّة ما بيعني أنو هو "بالضآلة" يلي صوّرتا .. الإلحاد مفهوم عام كتير .. متل مفهوم "الإيمان" .. ممكن الإيمان "حاف" يكون أيدولوجيّة .. !!!!؟؟
أظن في شويّة خلط هون ..


أما بالنسبة لكمالة ردّك .. حول حقوق الملحد أنو يحكي "قدّام" ولا "قفا" المؤمن .. فأنا ما بعرف ناقش بهالطريقة .. أنا بقلّك أنو أنا كإنسان إلي تلت حقوق .. المفروض تنصان إلي :
- حق الحياة
- حق الاعتقاد
- حق التعبير ..


وحق التعبير .. بيعني إنّي امتلك الحق بإنّي روّج أفكاري بالورقة والقلم .. بالإذاعة .. برسم كاريكاتوري .. بنكتة .. بالتلفزيون .. بفلم .. إلخ .. إلخ .. (مو بالخفا !!!!)
لما الفرد بالمجتمع بوصّل لمرحلة قادر فيها يفهم حقوقو وحقوق غيرو .. الشي يلي ألو .. والشي يلي لغيرو .. بيقدر وقتا يستوعب الحريّة المعطاه لغيرو .. وبقدّر الحريّة يلي معطاة ألو .. يومياً بأمريكا بتصدر عشرات المجلات الساخرة من المسيح .. المجتمع الأمريكي (رغم يمينيتو) ما بروح بدمّر مباني هالصحف .. متل ما نحن حرقنا السفارة الدنماركيّة .. ليش ..!!!

تقبّل الآخر .. فهم الآخر .. واستيعابو .. واحترام الاختلاف عنو .. هي ثقافة بحد ذاتا .. وبالنهاية مفهوم "التجريح" نسبي كتير .. بضيق .. كل ما كان المجتمع منفتح أكتر .. وبيزداد .. كل ما كان منغلق ..

قيسا عمستوى الفرد .. عأصغر بينية من بنيات المجتمع .. عيشو لهالفرد بالجامع طول عمرو .. وحطّو فجأة قدّام قسيس .. حيجن .. بهستر .. وبجوز يشيل قنبلة ويفجرو .. لهالقسيس الكافر يلي عبقول عيسى ابنو لله .. إي ما هيك قلو الله بقرآنو .. !!

بينما بمجتمع منفتح .. النقد الذاتي فيه مستمر من خلال مكوّناتو المختلفة .. بكون الوضع مختلف ..


خوليو

صديقي خوليو ..

أعتذر إن كانت بعض النقط مبهمة .. في ردي الأسبق سوف أحاول أن أوضحها بهذا الرد ..


بالنسبة للإلحاد .. كونو عدم أيدولوجيّة ما بيعني أنو هو "بالضآلة" يلي صوّرتا .. الإلحاد مفهوم عام كتير .. متل مفهوم "الإيمان" .. ممكن الإيمان "حاف" يكون أيدولوجيّة .. !!!!؟??
أظن في شويّة خلط هون ..

أنا و أنت متفقين على كون الإلحاد ليس بأيدلوجية .. و لكنني لم أتعمد الانتقاص من قيمة الإلحاد ..



أردت أن أوضح فكرة .. و هي .. الإنسان من أتباع ديانةٍ ما يشكل الإله أو النبي أو الرسول .. بالنسبة له رمزاً مقدساً



من هذا المنطلق يصعب ( و ليس يستحيل ) تقبل نقد المقدسات .. و هنا أقصد بالنقد النقد السلبي ..



للمتدين الحرية في الدفاع عن مقدساته .. و للملحد الحق في دفاع عن إلحاده


بين قوسين يعني المتدين بالنسبة إلوه الله أو النبي أو الخوري أو الشيخ .. إلخ .. شي مقدس .. بينما الملحد لا يملك شيئاً مقدساً إلا الفكر ..


إذا كنت قد فهمت ردي الأسبق بالانتقاص .. من قيمة الإلحاد .. فأنا أعتذر .. و هي وضحتلك الفكرة


لست بضد طائفة أو مذهب أو آخر .. و لكنني أحاول أن أصل للمنطقية ..

أما ما تبقى من ردك ..

جميع هذه الحريات نتفق عليها أنا و أنت و جميع من يفكر بوعي و بمنطق .. و لكن تكمن المشكلة في التطبيق ..

:D

وانا الثاني لاحظت انو الملحدين هين بهاجمو دايما المسلمين
غريب ولله!

خيو خليني بالموضوع احكي كلمتي
بربك انو محايدة
بتكون عم تحكي مع شي مؤمن عاملي حالو فهمان وبدو يناقشك وهو اللي بيفتح اي موضوع فرعي متل موضوع المرأة مثلا لحتى تصفي الشغلة بالدين ( وما فيك تعزل اي نقاش عن الدين لإنو ماشاء الله شعبنا عنده خلفية دينية بدها الله ومستحيل يتنازل يعني اذا عم تحكوا عن الشاي بتقلب شو حكى سبحانو وتعالى عن الشاي )
المهم بتكون قاعد مع هدول المتثقافين وبتوصل لنقطة بيصير بدك تستشهد بحدا معين فبتقول مثلا "بيقول داروين ولا بيقول روسو ولا لينين " بيقوم بيتفرج فيك بغباء زائد وبيقلك اي مين هيدول الأغبياء أو الجحاش مثلا
ما طيب كل واحد فيهون زلمة قد حالو وأسمو على الأقل بيعرف فيه الرايح والجاي لحتى ييجي غبي متل يلي عم تتناقش معو يقلك مين هالحمار هدا بربك شو بتقول وقتا
ف ما تقلي لحنا اللي عم نحط من قيمة رجال الدين لإنو رجال الدين ما في شي علمي بيثبت قدسيتهن بس رجال العلم يا اخي لو ما إنهن عظماء ما إنشهروا

خيو خليني بالموضوع احكي كلمتي
بربك انو محايدة
بتكون عم تحكي مع شي مؤمن عاملي حالو فهمان وبدو يناقشك وهو اللي بيفتح اي موضوع فرعي متل موضوع المرأة مثلا لحتى تصفي الشغلة بالدين ( وما فيك تعزل اي نقاش عن الدين لإنو ماشاء الله شعبنا عنده خلفية دينية بدها الله ومستحيل يتنازل يعني اذا عم تحكوا عن الشاي بتقلب شو حكى سبحانو وتعالى عن الشاي )
المهم بتكون قاعد مع هدول المتثقافين وبتوصل لنقطة بيصير بدك تستشهد بحدا معين فبتقول مثلا "بيقول داروين ولا بيقول روسو ولا لينين " بيقوم بيتفرج فيك بغباء زائد وبيقلك اي مين هيدول الأغبياء أو الجحاش مثلا
ما طيب كل واحد فيهون زلمة قد حالو وأسمو على الأقل بيعرف فيه الرايح والجاي لحتى ييجي غبي متل يلي عم تتناقش معو يقلك مين هالحمار هدا بربك شو بتقول وقتا
ف ما تقلي لحنا اللي عم نحط من قيمة رجال الدين لإنو رجال الدين ما في شي علمي بيثبت قدسيتهن بس رجال العلم يا اخي لو ما إنهن عظماء ما إنشهروا

جحا في أيش انشهر يا حبيبي؟
اقلك يا زلمه؟
خلي داروين وستالين وكارل ماركس الخ ينفعوك احنا المتخلفين احنا بدنا نتبع الدين الأسلامي
انا مستعد ان اموت عشان شيخ او عالم اسلامي! هذا انا شو اعملك؟
بنلتقي يوم القيامه!
اذا انت فلحت!
مبروك
واذا انا فلحت الله يعينك!
خلص فش فيها جدال كل واحد في حال سبيلو!
:frown:

خلي داروين وستالين وكارل ماركس الخ ينفعوك احنا المتخلفين احنا بدنا نتبع الدين الأسلامي
خيي إتبع مين ما بدك بس مو تيجي تقول عن رجال عظماء إنهن اغبياء ومدري شو
بغض النظر إنهن ملحدين بس كل واحد فيهن عالم إلو شهرتو لحتى ييجي بني أدم بعدو ما عنده شي برصيدو يقول عنهن أغبياء
يعني لما كم ملحد بيقولو عن إنسان مؤمن بإنه غبي الكل بيقوم ضدهن بس بيحق للمؤمن يسفه فكر الملحدين بسهولة وبيقلك ما أصلا هم أغبياء انا لما قلك إنو المسلم مثلا على خطأ بعطيك مبررات واقعية علمية أما بيجي المؤمن شاطر بس يقول هيدا غبي وهيدا غبي
اي شو هاد يا

خيي إتبع مين ما بدك بس مو تيجي تقول عن رجال عظماء إنهن اغبياء ومدري شو
بغض النظر إنهن ملحدين بس كل واحد فيهن عالم إلو شهرتو لحتى ييجي بني أدم بعدو ما عنده شي برصيدو يقول عنهن أغبياء
يعني لما كم ملحد بيقولو عن إنسان مؤمن بإنه غبي الكل بيقوم ضدهن بس بيحق للمؤمن يسفه فكر الملحدين بسهولة وبيقلك ما أصلا هم أغبياء انا لما قلك إنو المسلم مثلا على خطأ بعطيك مبررات واقعية علمية أما بيجي المؤمن شاطر بس يقول هيدا غبي وهيدا غبي
اي شو هاد يا

شووووف يا أمور يا ذكي يا فصح يا الخ...(من الصفات الشكسبيريه)
مبروكين عليك!
انشالله بتشوف الهناء عليهم يا رب!
بأختصار: بنلتقي يوم الدين!

و كمان عـ قولة وفاء سلطان ..

أعبد الحجر ولكن لا تضربني به :D

هذه وحده غبيه! هي ونوال السعداوي!
شوفو كيف بصير اشكالهن من غير حجاب زي اللي طالعات من الأرض والعياذ بالله!

هذول عميلات لأسرائيل،بس عشان تعرفو اليهود بعاملو العملاء زي الكلاب!

في الفيديو المنشور في youtube تبع وفاء سلطان شفت اكام رد ليهود بزبلو عليها،اليهود ما بحبو حدا يتخلا عن دينو عشانهم!
بأختصار ما بحبو الكلبنه!

قال بتدافع عن اليهود قال،أسألوني انا عايش بينهم شعب منحط حقير واطئ!
في كثير ناس مخدوعين فيه هذا الشعب بفكرو مثقف وهو لا يملك ذرة ثقافه كلهم من روسيا وأمريكا وبريطانيا اللي قايمين عليه!
هذا شعب ما ألو صاحب
عشان الست نوال السعداوي ووفاء سلطان تمدحو!
خليهم ينفعوها!
أري هسا وفاء سلطان تطلب جنسيه أسرائيليه؟!!
تفو في لحيتي اذا اعطوها!

:jakoush: :jakoush: :jakoush: :jakoush:
شبكن يا سباب روقو !!!
لك الموضوع عم يحكي انو ما تتئاتلو على مسلم ومسيحي و يهودي و ملحد!!!


شو يعني خالف تعرف يا شباب ...

خلص روئو والمثل الي مدري مين حاكيه بقول العالم كلن خير و بركة...:D

شووووف يا أمور يا ذكي يا فصح يا الخ...(من الصفات الشكسبيريه)

يعمش .. الذكاء و الفصاحة .. أنا بعرفون صفات عربية أصيلة .. كيف طلعو معك صفات شكسبيرية .؟!

بعدا يا ريت تشرحلي شو عطلو أو شو وجعو شكسبير .. من شو بشكي يا بعدي ..

معليه خدني على قد عقلي ..و قلي من شو بشكي

هذه وحده غبيه! هي ونوال السعداوي!
شوفو كيف بصير اشكالهن من غير حجاب زي اللي طالعات من الأرض والعياذ بالله!

هذول عميلات لأسرائيل،بس عشان تعرفو اليهود بعاملو العملاء زي الكلاب!

في الفيديو المنشور في youtube تبع وفاء سلطان شفت اكام رد ليهود بزبلو عليها،اليهود ما بحبو حدا يتخلا عن دينو عشانهم!
بأختصار ما بحبو الكلبنه!

قال بتدافع عن اليهود قال،أسألوني انا عايش بينهم شعب منحط حقير واطئ!
في كثير ناس مخدوعين فيه هذا الشعب بفكرو مثقف وهو لا يملك ذرة ثقافه كلهم من روسيا وأمريكا وبريطانيا اللي قايمين عليه!
هذا شعب ما ألو صاحب
عشان الست نوال السعداوي ووفاء سلطان تمدحو!
خليهم ينفعوها!
أري هسا وفاء سلطان تطلب جنسيه أسرائيليه؟!!
تفو في لحيتي اذا اعطوها!
اي كفرنا قلنا وفاء سلطان ... منعتذر من حضرتك ..

خيي هي وحدة عميلة انشظاحية .. بس هل كلمة اللي قالتها .. ولو الواحد فكر فيها شو ..

حكيها مو غلط

يعمش .. الذكاء و الفصاحة .. أنا بعرفون صفات عربية أصيلة .. كيف طلعو معك صفات شكسبيرية .؟!

بعدا يا ريت تشرحلي شو عطلو أو شو وجعو شكسبير .. من شو بشكي يا بعدي ..

معليه خدني على قد عقلي ..و قلي من شو بشكي
خيي انا برأيي انسى وما تسأل الأخ فوق شي
شوف كيف كنا بموضوع عن الملحدين والمؤمنين و وين صرنا
صار الاخونا يحكي عن نوال السعداوي إنها غبية خيي شو بدك تعمل هيك هيدول الناس شاطرين بس بتحويل مسارات الحديث
خيي شو جاب سيرة نوال السعداوي يا حبيب خليك بالموضوع نفسو
وبس يصير عندك نص معرفة وإطلاع وعلم نوال السعداوي إبقى قابلني
اوكي خيو
حبيبي
دير بالك على حالك
شروش فلسطين انتو بدنا إياكن اوعى من هيك
حبيبي يا airospeed