هل ذهب زمن البطولة دون عودة؟
ألم يبق شيء يستحق البطولة؟
هل نقبل بالحال كما هو؟
هل أوطاننا بخير؟
ما هو الخطر الأكبر التهديد الخارجي أم الفساد الداخلي؟
اوطاننا هل بحاجة الى بطولة وأين هم الأبطال؟

اين غرندايزر و ساسوكي والرجل الحديدي، يرحم هديك الأيام!!! :gem:

اذا جاء وقت لحمل السلاح هل أنت مستعد لذلك؟

برجع بخبركن بعدين

هل ذهب زمن البطولة دون عودة؟
هوي ع الذهب فقد ذهب ... بس من أجل العودة بدا شخص صاحب قلب شجاع
وذكاء وحكمة ,والتلاتة ما عم يبينو بحدا هالايام
ليش؟ ... بقلك ليش لانو المصالح الاقتصادية والصراع عالكراسي هيي الاولويات بالنسبة للناس بهالايام
ألم يبق شيء يستحق البطولة؟
طبعا يعني هالشعب المسكين مو خطي:cry: .. معقول ما بيستحق انبثاق بطل منكم واليكم.:gem: . اكيد بيستحق بس مين؟ وايمت؟ وكيف؟
هل نقبل بالحال كما هو؟
هلق نقبل اكيد لا مو لازم نقبل بس ايد وحدة ما بتزقف
وبما انو شعبنا صعب يتفق ع نقطة بسيطة
وكمثال صغير
بما أنو اهم حديث واهم موضوع بالاخوية من وقت اللي رجعت هوي الخناقة من اجل الايمان
يعني حتى هالامر البسيط (الايمان) ما عم يقدرو يحترمو بعضن فيه وكلمين بيشد اللحاف لجهته
بس يبطل هيك موضوع يكون محور اهتمام الشعب وقتا يمكن العالم تبلش تفكر بشي اهم وبيفيد اكتر متل موضوع البطولة
هل أوطاننا بخير؟
الحمدلله عنا كتير اشيا موظابطة بس انو بيضل فيه اشيا منيحة وبيضل الامل موجود
ما هو الخطر الأكبر التهديد الخارجي أم الفساد الداخلي؟
تنيناتن سوا سوا على نفس الخط
اوطاننا هل بحاجة الى بطولة وأين هم الأبطال؟
اوطاننا بحاجة بالتاكيد الى بطولة
والابطال في قلوبنا ولكن لمّا يبصروا النور بعد

اين غرندايزر و ساسوكي والرجل الحديدي، يرحم هديك الأيام!!! :gem:
هيدول بقا بذاكرتنا الطفولية البريئة:oops: :cry: :D

اذا جاء وقت لحمل السلاح هل أنت مستعد لذلك؟
أنا عن نفسي مستعدة بشرط ان اقتنع لماذا احمل سلاحي ؟؟
وبوجه من؟؟
مع العلم اني عنيدة واقناعي صعب شوي
و من منطق حب الوطن كسوريا بكل ما تحمله من تناقضات وناس واديان وتاريخ وجغرافيا... من هالمنطق ومن هالباب ممكن اقناعي

وشكرا نيرفانا عالموضوع:D

رجعة نيرفانا و رجعة إمتحانات البكلوريا :p

هل ذهب زمن البطولة دون عودة؟

بعتقد ان ليس للبطولة أزمان .. التاريخ شاهد على ان كل الامم و كل الحضارات قد مرت بلحظات من الإنكسار و لحظات من الإنتصار .
لكن ليس كل من تعرض للإنكسار إستطاع أن يعيد صياغة ذلك الإنكسار ليغدو بطولة و إنتصار . كثيراً من الأمم و الحضارات إندثرت و لم يعد لها وجود الا في كتب التاريخ و هناك من استطاع اعادة صياغة ذاته و انكساره ليصبح الانكسار انتصاراً و كلنا يعلم ما وصلت اليه اليابان بعد ما تعرضت لاقصى ما يمكن ان تتعرض له دولة على مر التاريخ . و ألمانيا كذلك كيف إستطاعات في غضون نصف قرن أن تصبح من القوى المسيطرة .
فالسؤال هنا . هل يمكن أن يصبح الإنكسار بطولة و كيف ؟؟؟

ألم يبق شيء يستحق البطولة؟
حينها لن يبقى دافع للإستمرار !! البطولة أمل حين يكون الحال مثل حالنا . أمل في تغير كل شيئ . فإذا فقدنا إحساسنا بالامل و المستقبل فلا داعي حينها كي نبقى .

هل نقبل بالحال كما هو؟
و إن قبلنا بالحال كما هو . هل سيقبل الحال أن يبقى كما هو أم سيزيد غياً و إستعباداً لنا ؟؟؟
ببساطة هي معركة فإما النصر لنا او فلنذهب للجحيم .

هل أوطاننا بخير؟
الخير مفهوم نسبي متغير . لكن حتى يكون الوطن بخير يجب ان يكون الانسان بخير . هناك شعاراً يُردد دائماً لكن دون ان نعي مضمونه . فنقول ( من أجل تحرير الإنسان و الارض ) لاحظي نيرفانا الانسان قبل الارض .
حين يكون الانسان بخير سيكون الوطن بالف خير !!

ما هو الخطر الأكبر التهديد الخارجي أم الفساد الداخلي؟
أنفسنــــــــــــــــــــ ـــــــــــــــــا !!
الخطر مكمنه فينا .

اوطاننا هل بحاجة الى بطولة وأين هم الأبطال؟
أوطاننا بحاجة لوعينا و لإدراكنا . الوطن ليس بحاجة لبطولة بفدر ما هو بحاجة لوعينا . الوعي وحده من يملك أن توجه البطولة للبناء و التحرير . أما البطولة بدون الوعي فمن السهل ان توجه الى ضالة السبيل . و الواقع خير شاهد على ذلك .

اين غرندايزر و ساسوكي والرجل الحديدي، يرحم هديك الأيام!!! :gem:
لسنا بحاجة لهؤلاء . لا تتخيلي انه من الممكن انو ينتصر الوطن على كتف رجل واحد . الوطن بحاجة للجميع . الصراع صراع ثقافات و صراعاً حضاري . حين يكون الصراع حضاري فأننا بحاجة للجميع ليكون كل فرد فينا ترساً صغيراً في منظومة متكاملة تنهض بالوطن و تضعه في مقدمة الركب .

اذا جاء وقت لحمل السلاح هل أنت مستعد لذلك؟
التحرير يبدء بتحرير الارادة اولاً و بأن نعي جيداً إلي أين نريد أن نصل . و اعتقد أن ما نصبوا اليه لا يحتاج للسلاح . بل يحتاج لعق واعي متفتح متحرر من كل مخزون الحقد و الكراهية و البغض الذي نحمله لانفسنا و لمن يجمعنا معهم التاريخ و الجغرافيا و المصير .
إن أستطعنا ذ1لك سنصل . و إن بقينا هكذا سنمضي تيهاً كما نحن الآن .


ري مي :jakoush:

وكمثال صغير
بما أنو اهم حديث واهم موضوع بالاخوية من وقت اللي رجعت هوي الخناقة من اجل الايمان
يعني حتى هالامر البسيط (الايمان) ما عم يقدرو يحترمو بعضن فيه وكلمين بيشد اللحاف لجهته
بس يبطل هيك موضوع يكون محور اهتمام الشعب وقتا يمكن العالم تبلش تفكر بشي اهم وبيفيد اكتر متل موضوع البطولة

نتحدث عن معركة و عن مصير و عن أمل في غد مشرق . أمضينا قروناً نحمل الأحقاد في أنفسنا . ألسنتنا تنفط شهداً و الحقد و الكراهية تعبث في قلوبنا . و حين تسنح الفرصة لاي منا ينقض على أخيه منطلقاً من هذا المخزون العقيم .
ما حدث في الموضوع الذي أشرتي إليه هو عبارة عن مصارحة جادة لكل ما يجول في خواطرنا بكل وضوح و صراحة متجهين نحو إدراك للآخر و ما يحمله حتى و أن كان ما يحمله بكل ذلك السواد .
لعل تلك المصارحة تخلق لدينا شعوراً تجاه الآخر بعد أن ندرك ما يحمل في نفغسه و أن نرد على ذلك بعيداً منطق تجميل الصورة الذي لطالما إنتهجناه .
ما بعتقد أنو في شي أهم من أن نعرف أحنا مين و لوين متجهين و نحدد بوضوح من هو العدو . بدل ما نبقى تاركين الصورة متل ما هيا و نقبل بتصوير العدو بأنه جزء منا .

وقتها الوطن بيكون بخير .

هاي وجهة نظري ري مي :D

هل ذهب زمن البطولة دون عودة؟
هلق أنا عندي رأي خاص جدا بالبطولة والأبطال...
برأيي لو كان عزمانن في إعلام كان ما عادو أبطال ... هني أبطال لأنو ما منعرف غير جانب واحد من حياتن ...
يمكن لو منعرف عن هارون الرشيد الكم اللي منعرفو عن جورج بوش .. :shock::shock::shock:

ألم يبق شيء يستحق البطولة؟
عرفولي البطولة ...
لأنو أنا سوبرمان .. بطلي المفضل :oops::sosweet:

هل نقبل بالحال كما هو؟
هأ شو نقبل .. ما رح نقبل .. وما رح نبكي ... يعني ما رح ننعي الزمن المضى .. والزمن الجميل
رح نسعى للتغيير ..

هل أوطاننا بخير؟
هلق هادا لحالو بدو موضوع كامل .. أوطاننا بخير :cry: ما بظن ...
ماعم تحتضر .. بس مرضانة كتير
ما هو الخطر الأكبر التهديد الخارجي أم الفساد الداخلي؟
فيروس وقت بيهاجم شخص ما عندو مناعة بيقضي عليه
هلق مين أخطر الفيروس ولا المناعة
الخطر وقت بيشتركو التنين سوا

اوطاننا هل بحاجة الى بطولة وأين هم الأبطال؟
لأ ما بحاجة لأبطال .. أكيد ...
بحاجة لناس عاديين هيك متلنا .. بس قلبن عالبلد .. :D


اذا جاء وقت لحمل السلاح هل أنت مستعد لذلك؟
ما قضية عندي استعداد أو لأ ..
ما رح أحمل سلاح حتى دفاعا ً عن سوريا ...
انا من الناس اللي مابيتبنو سياسة العنف من أجل أي شيء ..
عقولة عمو غاندي " ليس هناك طريق للسلام .. السلام هو الطريق "
في حال ( والله يحميها ) بلادي كانت بحاجتي .. بكون بمشفى .. عم ساعد الأنسان المتألم من كلا الطرفين
:mimo:
وبس

abosleman
برجع بخبركن بعدين
يمكن بعد ما نخلص من موضوع حمل السلاح


ري مي
الحمدلله عنا كتير اشيا موظابطة بس انو بيضل فيه اشيا منيحة وبيضل الامل موجود
ما ضل عندي أمل
بما أنو اهم حديث واهم موضوع بالاخوية من وقت اللي رجعت هوي الخناقة من اجل الايمان
يعني حتى هالامر البسيط (الايمان) ما عم يقدرو يحترمو بعضن فيه وكلمين بيشد اللحاف لجهته
بس يبطل هيك موضوع يكون محور اهتمام الشعب وقتا يمكن العالم تبلش تفكر بشي اهم وبيفيد اكتر متل موضوع البطولة
الخلاف لا يفسد للود قضية، بس هالحكي لا ماشي بأخوية ولا غيرها.


وائل
رجعة نيرفانا و رجعة إمتحانات البكلوريا
ضحكتني غير شكل
الخير مفهوم نسبي متغير . لكن حتى يكون الوطن بخير يجب ان يكون الانسان بخير . هناك شعاراً يُردد دائماً لكن دون ان نعي مضمونه . فنقول ( من أجل تحرير الإنسان و الارض ) لاحظي نيرفانا الانسان قبل الارض .
حين يكون الانسان بخير سيكون الوطن بالف خير !!

أنفسنــــــــــــــــــــ ـــــــــــــــــا !!
الخطر مكمنه فينا .

متفقة معك
التحرير يبدء بتحرير الارادة اولاً و بأن نعي جيداً إلي أين نريد أن نصل . و اعتقد أن ما نصبوا اليه لا يحتاج للسلاح .
تحرير الارادة صحيح، بس اذا مو هاد هوي الوقت الي لازم يحمل فيو سلاح ما بعرف متى؟ خصوصا في بعض الدول (المحتلة)
بل يحتاج لعق واعي متفتح متحرر من كل مخزون الحقد و الكراهية و البغض الذي نحمله لانفسنا و لمن يجمعنا معهم التاريخ و الجغرافيا و المصير .
هاي لباقي الدول غير المحتلة


butterfly
هلق أنا عندي رأي خاص جدا بالبطولة والأبطال...

بهمني من هؤلاء ما فعلو لخدمة اوطانهم وشعوبهم.
رح نسعى للتغيير ..
يا ريت
لأ ما بحاجة لأبطال .. أكيد ...
بحاجة لناس عاديين هيك متلنا .. بس قلبن عالبلد ..
بس قديش في منهم الي قلبن عالبلد
ما قضية عندي استعداد أو لأ ..
ما رح أحمل سلاح حتى دفاعا ً عن سوريا ...
انا من الناس اللي مابيتبنو سياسة العنف من أجل أي شيء ..
عقولة عمو غاندي " ليس هناك طريق للسلام .. السلام هو الطريق "
في حال ( والله يحميها ) بلادي كانت بحاجتي .. بكون بمشفى .. عم ساعد الأنسان المتألم من كلا الطرفين

ليش لأ، كل واحد بقوم بدرو وبالشي الي بحس حالو قادر يساهم ويساعد وينتج فيو.

هل ذهب زمن البطولة دون عودة؟
لك لاء زمن البطولة ما راح عفوا ما ذهب:p
بس مقياس الابطال اتغير

ألم يبق شيء يستحق البطولة؟
والله بطولة كأس العالم بتستاهل ;-)

هل نقبل بالحال كما هو؟
اللي بيرضى بيعيش :sick:
بس محدا بيعيش بدون ...:jakoush:
هل أوطاننا بخير؟
شوهي :shock:
هدايلي كنا ندرسو بالجغرافيا مهيك :?
ما هو الخطر الأكبر التهديد الخارجي أم الفساد الداخلي؟

هلئ وقت ما بيكون في فساد داخلي ما بيصير تهديد خارجي

اوطاننا هل بحاجة الى بطولة وأين هم الأبطال؟

اي ممكن تجيبو براد بيت وسلفستر ستالون وجيت لي ورحت ليه
بحاجة لكتير شغلات مو بس لبطولة وابطال


اين غرندايزر و ساسوكي والرجل الحديدي، يرحم هديك الأيام!!! :gem:


صرنا بزمن البوكيمون وابطال الديجتال هلئ


اذا جاء وقت لحمل السلاح هل أنت مستعد لذلك؟


إذا اجا خبروني .... :adal:

هل ذهب زمن البطولة دون عودة؟
ألم يبق شيء يستحق البطولة؟
هل نقبل بالحال كما هو؟
هل أوطاننا بخير؟
ما هو الخطر الأكبر التهديد الخارجي أم الفساد الداخلي؟
اوطاننا هل بحاجة الى بطولة وأين هم الأبطال؟

اين غرندايزر و ساسوكي والرجل الحديدي، يرحم هديك الأيام!!! :gem:

اذا جاء وقت لحمل السلاح هل أنت مستعد لذلك؟
بقولو انو التاريخ يعيد نفسه ............. بس اذا بدنا الحق نحنا نعيد كتابة التاريخ نفسو
ومن هون بيطلع عننا الابطال ..... لانو البطولة ماهي الا تعبير عن الحرية او نابعة للحفاظ على الحرية
بس الاوطان لا مالها بخير منوب لانو بالسقيفة كنت عم اشحد وطن انا و نوستالجيا
أنا عن نفسي مستعدة بشرط ان اقتنع لماذا احمل سلاحي ؟؟
وبوجه من؟؟
مع العلم اني عنيدة واقناعي صعب شوي
و من منطق حب الوطن كسوريا بكل ما تحمله من تناقضات وناس واديان وتاريخ وجغرافيا... من هالمنطق ومن هالباب ممكن اقناعي

وشكرا نيرفانا عالموضوع:D
يعني مو صعب كتير ؟؟؟؟ طيب انا بقنعك ........ انت بس قولي وقت بدك
رجعة نيرفانا و رجعة إمتحانات البكلوريا :p



بعتقد ان ليس للبطولة أزمان .. التاريخ شاهد على ان كل الامم و كل الحضارات قد مرت بلحظات من الإنكسار و لحظات من الإنتصار .
لكن ليس كل من تعرض للإنكسار إستطاع أن يعيد صياغة ذلك الإنكسار ليغدو بطولة و إنتصار . كثيراً من الأمم و الحضارات إندثرت و لم يعد لها وجود الا في كتب التاريخ و هناك من استطاع اعادة صياغة ذاته و انكساره ليصبح الانكسار انتصاراً و كلنا يعلم ما وصلت اليه اليابان بعد ما تعرضت لاقصى ما يمكن ان تتعرض له دولة على مر التاريخ . و ألمانيا كذلك كيف إستطاعات في غضون نصف قرن أن تصبح من القوى المسيطرة .
فالسؤال هنا . هل يمكن أن يصبح الإنكسار بطولة و كيف ؟؟؟


حينها لن يبقى دافع للإستمرار !! البطولة أمل حين يكون الحال مثل حالنا . أمل في تغير كل شيئ . فإذا فقدنا إحساسنا بالامل و المستقبل فلا داعي حينها كي نبقى .


و إن قبلنا بالحال كما هو . هل سيقبل الحال أن يبقى كما هو أم سيزيد غياً و إستعباداً لنا ؟؟؟
ببساطة هي معركة فإما النصر لنا او فلنذهب للجحيم .


الخير مفهوم نسبي متغير . لكن حتى يكون الوطن بخير يجب ان يكون الانسان بخير . هناك شعاراً يُردد دائماً لكن دون ان نعي مضمونه . فنقول ( من أجل تحرير الإنسان و الارض ) لاحظي نيرفانا الانسان قبل الارض .
حين يكون الانسان بخير سيكون الوطن بالف خير !!


أنفسنــــــــــــــــــــ ـــــــــــــــــا !!
الخطر مكمنه فينا .


أوطاننا بحاجة لوعينا و لإدراكنا . الوطن ليس بحاجة لبطولة بفدر ما هو بحاجة لوعينا . الوعي وحده من يملك أن توجه البطولة للبناء و التحرير . أما البطولة بدون الوعي فمن السهل ان توجه الى ضالة السبيل . و الواقع خير شاهد على ذلك .


لسنا بحاجة لهؤلاء . لا تتخيلي انه من الممكن انو ينتصر الوطن على كتف رجل واحد . الوطن بحاجة للجميع . الصراع صراع ثقافات و صراعاً حضاري . حين يكون الصراع حضاري فأننا بحاجة للجميع ليكون كل فرد فينا ترساً صغيراً في منظومة متكاملة تنهض بالوطن و تضعه في مقدمة الركب .


التحرير يبدء بتحرير الارادة اولاً و بأن نعي جيداً إلي أين نريد أن نصل . و اعتقد أن ما نصبوا اليه لا يحتاج للسلاح . بل يحتاج لعق واعي متفتح متحرر من كل مخزون الحقد و الكراهية و البغض الذي نحمله لانفسنا و لمن يجمعنا معهم التاريخ و الجغرافيا و المصير .
إن أستطعنا ذ1لك سنصل . و إن بقينا هكذا سنمضي تيهاً كما نحن الآن .


ري مي :jakoush:


نتحدث عن معركة و عن مصير و عن أمل في غد مشرق . أمضينا قروناً نحمل الأحقاد في أنفسنا . ألسنتنا تنفط شهداً و الحقد و الكراهية تعبث في قلوبنا . و حين تسنح الفرصة لاي منا ينقض على أخيه منطلقاً من هذا المخزون العقيم .
ما حدث في الموضوع الذي أشرتي إليه هو عبارة عن مصارحة جادة لكل ما يجول في خواطرنا بكل وضوح و صراحة متجهين نحو إدراك للآخر و ما يحمله حتى و أن كان ما يحمله بكل ذلك السواد .
لعل تلك المصارحة تخلق لدينا شعوراً تجاه الآخر بعد أن ندرك ما يحمل في نفغسه و أن نرد على ذلك بعيداً منطق تجميل الصورة الذي لطالما إنتهجناه .
ما بعتقد أنو في شي أهم من أن نعرف أحنا مين و لوين متجهين و نحدد بوضوح من هو العدو . بدل ما نبقى تاركين الصورة متل ما هيا و نقبل بتصوير العدو بأنه جزء منا .

وقتها الوطن بيكون بخير .

هاي وجهة نظري ري مي :D
رجعة نيرفانا و رجعة إمتحانات البكلوريا :razz:
اكيد اخد صفر بالامتحان :o
برجع بقرا مرة تانية بس حتى حشش شي شوية لانو صار بدها حشيشة مع ابو حشيشة
بعدين وائل افندي ما تفضي صندوق الرسايل عندك ؟؟؟؟:jakoush:

لعل تلك المصارحة تخلق لدينا شعوراً تجاه الآخر بعد أن ندرك ما يحمل في نفغسه و أن نرد على ذلك بعيداً منطق تجميل الصورة الذي لطالما إنتهجناه .

حلوة المصارحة لا بل حلوة جدا:D ... بس مو كتير انعادت الامور؟!

ما بعتقد أنو في شي أهم من أن نعرف أحنا مين و لوين متجهين و نحدد بوضوح من هو العدو . بدل ما نبقى تاركين الصورة متل ما هيا و نقبل بتصوير العدو بأنه جزء منا .
اي وائل شكرا لرأيك:D
بس انو يعني مين المغفل اللي عايش بهالدني ( قصدي دنيتنا السورية) وما بيعرف كل طائفة شو مفهوما عن الايمان وشو اختلافا عن الاخرين... وطالما فلان بيعرف غيرو شو بيعتقد عنو , واخر بيعرف شو بيعتقد فلان عنو .
فإذا لشو وجعة الراس واعادة كلام ما منو فايدة , وخاصة وأنو شغلة الايمان هيي الشي الاول بالعالم يللي من الصعب جدا جدا جدا اقناع الاخر فيه الا اذا كان هالاخر هوي بقرارة نفسو رايد يقتنع:larg: :deal:
بقا لشو الحكي... يعني تكرار الامر بشو عم يفيد هلق
ما بعرف انا ما دخلني انشاالله بتضللو تحكو لبعد بكرا الصبح:p

ما ضل عندي أمل
:cry: ... ما بيصير دوري هيك وللا هيك بلكي فيه شوية متخبايين بشي زاوية وانتي مو منتبهة عليون:D


يعني مو صعب كتير ؟؟؟؟ طيب انا بقنعك ........ انت بس قولي وقت بدك
:lol: thx:lol:

اكيد اخد صفر بالامتحان :o
برجع بقرا مرة تانية بس حتى حشش شي شوية لانو صار بدها حشيشة مع ابو حشيشة
بعدين وائل افندي ما تفضي صندوق الرسايل عندك ؟؟؟؟:jakoush:

سوري كتير معلم . العمال عندي كانو عاملين اضراب ديمقراطي اليوم . أضطريت فضيه بنفسي :cry:
و عم إنتظر الحوالة:o قصدي الرسالة




حلوة المصارحة لا بل حلوة جدا:D ... بس مو كتير انعادت الامور؟!


اي وائل شكرا لرأيك:D
بس انو يعني مين المغفل اللي عايش بهالدني ( قصدي دنيتنا السورية) وما بيعرف كل طائفة شو مفهوما عن الايمان وشو اختلافا عن الاخرين... وطالما فلان بيعرف غيرو شو بيعتقد عنو , واخر بيعرف شو بيعتقد فلان عنو .
فإذا لشو وجعة الراس واعادة كلام ما منو فايدة , وخاصة وأنو شغلة الايمان هيي الشي الاول بالعالم يللي من الصعب جدا جدا جدا اقناع الاخر فيه الا اذا كان هالاخر هوي بقرارة نفسو رايد يقتنع:larg: :deal:
بقا لشو الحكي... يعني تكرار الامر بشو عم يفيد هلق
ما بعرف انا ما دخلني انشاالله بتضللو تحكو لبعد بكرا الصبح:p





حاضر ري مي ، بتموني على الرقبة انتي راح نفضها سيرة . و ما راح فوت الجنة بكريم :cry:


سوري أبلة نيرفانا خرجنا على القصة بس كوستا و ري مي السبب مو انا :oops:

حاضر ري مي ، بتموني على الرقبة انتي راح نفضها سيرة . و ما راح فوت الجنة بكريم
انت فوت الجنة لحالك وبدون الاستعانة بصديق :o :o

سوري أبلة نيرفانا خرجنا على القصة بس كوستا و ري مي السبب مو انا

اسفة عالخروج عن الموضوع:D

:cry: ... ما بيصير دوري هيك وللا هيك بلكي فيه شوية متخبايين بشي زاوية وانتي مو منتبهة عليون:D



:lol: thx:lol:

مو يأس لأنو أنا بطبعي متفائلة بس بمسألة بلادنا صار بدها أكتر من أمل.
صار بدها معجزة والمشكلة انو أنا ما بآمن بالمعجزات.
نحنا منمر بأوقات صعبة جدا بس ما عم شوف في وعي وطني او سياسي يخدم هالمرحلة، بالعكس الوضع من سيء الى اسوأ.
الجهل كل ما لو عم بيزيد وهاد بداية النهاية لأوطانا كما نعرفها.

بتمنى ينصلح الحال بس للأسف ما عندي أمل.:cry:

بقولو انو التاريخ يعيد نفسه ............. بس اذا بدنا الحق نحنا نعيد كتابة التاريخ نفسو
ومن هون بيطلع عننا الابطال ..... لانو البطولة ماهي الا تعبير عن الحرية او نابعة للحفاظ على الحرية
بس الاوطان لا مالها بخير منوب لانو بالسقيفة كنت عم اشحد وطن انا و نوستالجيا




والمشكلة انو الحرية اصبحت مفهوم غائب لدى الانسان في بلادنا.

هل ذهب زمن البطولة دون عودة؟
ألم يبق شيء يستحق البطولة؟
هل نقبل بالحال كما هو؟
هل أوطاننا بخير؟
ما هو الخطر الأكبر التهديد الخارجي أم الفساد الداخلي؟
اوطاننا هل بحاجة الى بطولة وأين هم الأبطال؟

اين غرندايزر و ساسوكي والرجل الحديدي، يرحم هديك الأيام!!! :gem:

اذا جاء وقت لحمل السلاح هل أنت مستعد لذلك؟
لك أهليييييييييييييييييييين بنيرفانا الغالية، لك وين رحتي و غطيتي بفرد غطة؟؟؟؟؟؟؟؟؟؟؟؟؟ المهم حمدالله على السلامة.
مشان موضوعك، نحنا يا نيرفانا بزمن القوة صارت إلها كتييييييييييير مقومات، بس أهم مقومين -برأيي- هنن الإيمان و العلم، يعني لما تكوني مؤمنة بربك و بقدرتك على التغيير و صاحب هالإيمان هادا علم على مستوى رفيع و حضاري ساعتها بس بنكوني إنتي صاحبة القوة، و مشان هيك لاحظي أعظم قوة بالعالم، و يللي هيي أميركا، عالدولار كاتبين "IN GOD WE TRUST" و كمان هنن عندن حقوق الإنسان شبه كاملة و مثالية و الأهم هوي القوة العلمية و الدعم الغير محدود للبحث العلمي وبهيك بس إدروا يسيطروا عالعالم و يمشوه حسب مصالحهن.
فبالآخر إزا كان أصدك بحمل السلاح هوي تشبيه معنوي، فأنا عحاول اتدرب على المبارزة من خلال علمي و مشان هيك عمكمل ماجستير و ناوي بإزن الله كمل دكتوراة، مشان حارب بالعلم و العقل و الإيمان، و أكيد بدون عنصرية أو طائفية أو تخلف. أما إزا كان أصدك حرفي، يعني نووي و بارودة و سيوف و تروس...الخ فأنا بخالفك بهالرأي و بظن إنو إزا لساتنا مفكرين حالنا عايشين بالزمن الماضي، زمن حمل السلاح و الخروج للمقاومة، فأكيد نحنا منكون غلطانين و عمنفكر بالاتجاه الخطأ، و للأسف هادا يللي صاير فينا.
المهم و الأهم من كلشي هوي رجعتك سيدتي الغالية، هادا بحد زاتو انتصاااااااااااااااااار :yahoo: :yahoo: :clap: :clap:

لك أهليييييييييييييييييييين بنيرفانا الغالية، لك وين رحتي و غطيتي بفرد غطة؟؟؟؟؟؟؟؟؟؟؟؟؟ المهم حمدالله على السلامة.
مشان موضوعك، نحنا يا نيرفانا بزمن القوة صارت إلها كتييييييييييير مقومات، بس أهم مقومين -برأيي- هنن الإيمان و العلم، يعني لما تكوني مؤمنة بربك و بقدرتك على التغيير و صاحب هالإيمان هادا علم على مستوى رفيع و حضاري ساعتها بس بنكوني إنتي صاحبة القوة، و مشان هيك لاحظي أعظم قوة بالعالم، و يللي هيي أميركا، عالدولار كاتبين "IN GOD WE TRUST" و كمان هنن عندن حقوق الإنسان شبه كاملة و مثالية و الأهم هوي القوة العلمية و الدعم الغير محدود للبحث العلمي وبهيك بس إدروا يسيطروا عالعالم و يمشوه حسب مصالحهن.
فبالآخر إزا كان أصدك بحمل السلاح هوي تشبيه معنوي، فأنا عحاول اتدرب على المبارزة من خلال علمي و مشان هيك عمكمل ماجستير و ناوي بإزن الله كمل دكتوراة، مشان حارب بالعلم و العقل و الإيمان، و أكيد بدون عنصرية أو طائفية أو تخلف. أما إزا كان أصدك حرفي، يعني نووي و بارودة و سيوف و تروس...الخ فأنا بخالفك بهالرأي و بظن إنو إزا لساتنا مفكرين حالنا عايشين بالزمن الماضي، زمن حمل السلاح و الخروج للمقاومة، فأكيد نحنا منكون غلطانين و عمنفكر بالاتجاه الخطأ، و للأسف هادا يللي صاير فينا.
المهم و الأهم من كلشي هوي رجعتك سيدتي الغالية، هادا بحد زاتو انتصاااااااااااااااااار :yahoo: :yahoo: :clap: :clap:

اهلين بابو طريق ...
مو مهم نحارب بالسلاح بالعلم بالسياسة باي شي المهم انو نحارب لننقذ ما يمكن انقاذه .
بس انا فقدت الامل نقدر نغير شي ..

مبسوطة برجعتي لكون معكم :D