-
دخول

عرض كامل الموضوع : الخيميائي باولو كويللو

me2
28/03/2006, 13:36
الكيمائي _رواية لباولو كويلو.
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
Willi
29/03/2006, 00:18
لك معلم الرواي اسمها الخيميائي
منين اخترعتلي كيميائي:jakoush:
krimbow
29/03/2006, 01:25
لك معلم الرواي اسمها الخيميائي
منين اخترعتلي كيميائي:jakoush:

اي صح

برافو عليك ولاه جاد

صاير عم تقرا لباولو كويللو من ورايا
فلسطينية
29/03/2006, 03:40
ثانكس كتير عالرواية:سوريا:

بعدني ما قريتها بس لازم اقراها
me2
29/03/2006, 12:53
ثانكس كتير عالرواية:سوريا:

بعدني ما قريتها بس لازم اقراها

مية وياكم ...
سرسورة
30/03/2006, 01:03
شكرا عل الرواية....باولو كويلهو كاتب ظريف....ميرسي
me2
30/03/2006, 19:48
شكرا عل الرواية....باولو كويلهو كاتب ظريف....ميرسي


العفو ... بس شلون ظريف ؟؟ :lol: :lol:
سرسورة
30/03/2006, 21:19
ظريف يعني اسلوبو حلو,الطريقة اللي بيكتب فيا بتعجبني....و لو اني ما حبيت روايتو الاخيرة.....اسمها احدى عشر دقيقة....قريتا شي؟؟؟؟
krimbow
30/03/2006, 22:00
ظريف يعني اسلوبو حلو,الطريقة اللي بيكتب فيا بتعجبني....و لو اني ما حبيت روايتو الاخيرة.....اسمها احدى عشر دقيقة....قريتا شي؟؟؟؟

معك حق

بس آخر رواياتو هيي "مكتوب" و ليس 11 دقيقة

بيني و بينك .. عدا الخيميائي و مكتوب ما حبيتللو ولا رواية
سرسورة
31/03/2006, 02:12
معك حق

بس آخر رواياتو هيي "مكتوب" و ليس 11 دقيقة

بيني و بينك .. عدا الخيميائي و مكتوب ما حبيتللو ولا رواية
مظبوط ....اخر وحدة مكتوب........وانا لقيت الخيميائي احلى الشي....اسلوبو فيا عجبني....و مكتوب ماشي حالا....فيما عدا ذلك حسيت حالي عم اقرا روايات ...رخيصة......
Willi
02/04/2006, 11:54
انو كنت عم فكر بالرواي

انو مثلا منين بجيبو هالافكار هاي
لا وعم يخاطب الشمس
والريح والصحرا
يا خيو قعدت وصفنت بهالدني
اي ولا شغلة حكت معي
حطيت عيوني بعيون هالشمس
بعد خمس دقايق ما عاد شفت شي قدامي :lol:

الرواي حلوة
بس فيها كل كلمة بدها مليون كتاب ترجمة ليترجمها
وبعدين النسخة هاي تبع الانترنت فيها اغلاط املائية كتير :jakoush:


طلب لو سمحتو يعني
شو اسم الرواي بالانكليزي؟؟
لان هاي الخيميائي لهلق بالعربي ما فهمت شو معناتها
me2
02/04/2006, 12:06
ظريف يعني اسلوبو حلو,الطريقة اللي بيكتب فيا بتعجبني....و لو اني ما حبيت روايتو الاخيرة.....اسمها احدى عشر دقيقة....قريتا شي؟؟؟؟

أنا لا قريت لا الخيميائي ولا أحد عشر دقيقة . رغم أتو التنتين بمكتبتي .. لأني حاليا متفرغ للكاتب التركي أورهان باموك .. و لن أمد أيدي على أي كتاب بالعالم ولا جريدة لحتى خلص كل ما كتب أورهان باموك .. أنا هيك بقرا .. يعني بمسك بكتب لكاتب معين و بقرا كل شي مترجم لألو . بعدين بنقل لكاتب تاني .


أما بخصوص رواية مكتوب : حدا عندو ياها ؟؟؟ حدا بيعرف شي مكتبة عم بتبيعها أكيد ؟؟ قلبت الدنيا ما لقيتها بالشام ... لا نبل ولا العمومية و لا غيرها ..
me2
02/04/2006, 12:07
انو كنت عم فكر بالرواي

انو مثلا منين بجيبو هالافكار هاي
لا وعم يخاطب الشمس
والريح والصحرا
يا خيو قعدت وصفنت بهالدني
اي ولا شغلة حكت معي
حطيت عيوني بعيون هالشمس
بعد خمس دقايق ما عاد شفت شي قدامي :lol:

الرواي حلوة
بس فيها كل كلمة بدها مليون كتاب ترجمة ليترجمها
وبعدين النسخة هاي تبع الانترنت فيها اغلاط املائية كتير :jakoush:


طلب لو سمحتو يعني
شو اسم الرواي بالانكليزي؟؟
لان هاي الخيميائي لهلق بالعربي ما فهمت شو معناتها


هي معناتها : الكيميائي الخيلة ... :lol: :lol:
Willi
02/04/2006, 12:09
هلق قولتك ممكن صير كيميائي خيلة ؟؟
me2
02/04/2006, 12:14
هلق قولتك ممكن صير كيميائي خيلة ؟؟


اذا فادي جوفينتوس صار كيميائي خيلة , ليش ما تصير أنت كمان .؟؟؟ :lol:
سرسورة
03/04/2006, 02:44
أنا لا قريت لا الخيميائي ولا أحد عشر دقيقة . رغم أتو التنتين بمكتبتي .. لأني حاليا متفرغ للكاتب التركي أورهان باموك .. و لن أمد أيدي على أي كتاب بالعالم ولا جريدة لحتى خلص كل ما كتب أورهان باموك .. أنا هيك بقرا .. يعني بمسك بكتب لكاتب معين و بقرا كل شي مترجم لألو . بعدين بنقل لكاتب تاني .


أما بخصوص رواية مكتوب : حدا عندو ياها ؟؟؟ حدا بيعرف شي مكتبة عم بتبيعها أكيد ؟؟ قلبت الدنيا ما لقيتها بالشام ... لا نبل ولا العمومية و لا غيرها ..
نيالك على هالبال الطويل....بس ما بتمل من الكاتب بهالطريقة؟؟؟؟؟؟
اما بخصوص مكتوب ...والله مابعرف لأنو انا اساسا ما جبتا من الشام بس رح اسالك وين ممكن تلاقيها هون...:سوريا:
krimbow
03/04/2006, 03:46
أما بخصوص رواية مكتوب : حدا عندو ياها ؟؟؟ حدا بيعرف شي مكتبة عم بتبيعها أكيد ؟؟ قلبت الدنيا ما لقيتها بالشام ... لا نبل ولا العمومية و لا غيرها ..

الناشر دار ورد، بتلاقيها (لمكتوب) بمكتبة ا(نسيت اسمها) افا اوتيل الفور سيزنز (ع الطريق يللي بياخدك ع اوتيل الشام)
me2
03/04/2006, 10:34
الناشر دار ورد، بتلاقيها (لمكتوب) بمكتبة ا(نسيت اسمها) افا اوتيل الفور سيزنز (ع الطريق يللي بياخدك ع اوتيل الشام)

أنا سالت دار ورد وقالو أنها خالصة .. بس رح أسال المكتبة اللي عمبتقول عنها .. اذا ماني غلطان اسمها أبن سينا.. بدخلة التجهيز .

شكا كريم على أي حال.
me2
03/04/2006, 10:37
نيالك على هالبال الطويل....بس ما بتمل من الكاتب بهالطريقة؟؟؟؟؟؟
اما بخصوص مكتوب ...والله مابعرف لأنو انا اساسا ما جبتا من الشام بس رح اسالك وين ممكن تلاقيها هون...:سوريا:


أي أنا بالي طويل "مع لساني بيشكلو ثنائية معتبرة". أنا الكتاب اللي بدبقون "إن صح التعبير" هنن من الكتاب اللي بتزعلي انو ماعد لقيتي شي تقرأي لألون.


شكرا الك ولكريم لجهودكم المشكورة .:سوريا::سوريا:
butterfly
03/04/2006, 11:24
أي أنا بالي طويل "مع لساني بيشكلو ثنائية معتبرة". أنا الكتاب اللي بدبقون "إن صح التعبير" هنن من الكتاب اللي بتزعلي انو ماعد لقيتي شي تقرأي لألون.
.
ما بقدر شو ما كنت عشقانة الكاتب أنو أأقرالو كتابين ورا بعض كيف بالأحرى كل كتبو ؟؟؟؟:?
بحس انو انبهاري بأسلوبو ... بروايتو ...بيخف كتير ان قريتلو كتبو ورا بعض ... بحب أنو بعد شوي أستمتع بالكتاب ... وبعدا بقرالو شي تاني ...
me2
03/04/2006, 12:36
ما بقدر شو ما كنت عشقانة الكاتب أنو أأقرالو كتابين ورا بعض كيف بالأحرى كل كتبو ؟؟؟؟:?
بحس انو انبهاري بأسلوبو ... بروايتو ...بيخف كتير ان قريتلو كتبو ورا بعض ... بحب أنو بعد شوي أستمتع بالكتاب ... وبعدا بقرالو شي تاني ...

كمان فكرة .. بس بما اني مجرب أقرأ بهالطريقة و بدون ما حس بأي ملل .ز بنصح بأنو تجربيها و لو لكاتب مقل . ومية وردة لعيونك. المهم بالنهاية هو أنو البني أدم ما يتوقف عن القراءة .
سرسورة
03/04/2006, 14:25
المهم بالنهاية هو أنو البني أدم ما يتوقف عن القراءة .
مظبوط.....بس بدي عزبك معي شوي......بدي منك بس كام اسم كتاب عبالك راسك تمام....لانو انا خلصت اللي عندي و ما عرفانة شو اقرا هلأ.......و مافيني ضل بدون ما اقرا....و مشكور سلفا....:سوريا:
krimbow
03/04/2006, 16:48
مظبوط.....بس بدي عزبك معي شوي......بدي منك بس كام اسم كتاب عبالك راسك تمام....لانو انا خلصت اللي عندي و ما عرفانة شو اقرا هلأ.......و مافيني ضل بدون ما اقرا....و مشكور سلفا....:سوريا:

بتسمحيلي اتدخل؟

في كاتب اسمو امين معلوف، قريانتيلو شي ؟؟؟
بنصحك بسمرقند لهالكاتب
ازا قاريتيها بنصحك بحدائق النور

اسلوب قراية اكتر من كتاب للكاتب اسلوب رائع جدا، يمكن يخف انبهارك عن هالكاتب، بس بالتأكيد هالشي بيصير في حال كان هالانبهار زائف
اما بالواقع الانبهار يأتي بقراية اكتر من كتاب لاي كاتب
butterfly
03/04/2006, 19:08
اسلوب قراية اكتر من كتاب للكاتب اسلوب رائع جدا، يمكن يخف انبهارك عن هالكاتب، بس بالتأكيد هالشي بيصير في حال كان هالانبهار زائف
اما بالواقع الانبهار يأتي بقراية اكتر من كتاب لاي كاتب
بعتذر عن سطحية انبهاري الكاذب ....:cry: لأ عفوا الزائف
أنا ما قلت أنا ما بقرا أكتر من رواية للكاتب ... انا قلت ما بقراهون ورا بعض ...بحس تيحدثوا فيي أثر ( عم احكي عن حالي مو ضروري كل الناس تقرا بنفس الطريقة ) لازم أنو ... أأقرا شي تاني وبعد كام يوم أرجع أأقرا لنفس الكاتب ... مشان ما يطغي كتاب على كتاب عندي .. أو حس أنو الكاتب عم يكرر نفسو لأنو أكيد أجزاء كبيرة منو عم تنعكس بكتاباتو ...

وبما أنو أستاذ كريم تدخل ... سمرقند أكتر من رائعة وحدائق النور بعد ما قريتا ...بحاول أأقراها بأرض هالأسبوع
وإنا غيرانة وحابة كمان أتدخل ... وأنصحك تقري ( زوربا ) لنيكوس كزنتزاكيس إذا كنتي ما قريتيا :سوريا:
krimbow
03/04/2006, 19:23
بعتذر عن سطحية انبهاري الكاذب ....:cry: لأ عفوا الزائف
أنا ما قلت أنا ما بقرا أكتر من رواية للكاتب ... انا قلت ما بقراهون ورا بعض ...بحس تيحدثوا فيي أثر ( عم احكي عن حالي مو ضروري كل الناس تقرا بنفس الطريقة ) لازم أنو ... أأقرا شي تاني وبعد كام يوم أرجع أأقرا لنفس الكاتب ... مشان ما يطغي كتاب على كتاب عندي .. أو حس أنو الكاتب عم يكرر نفسو لأنو أكيد أجزاء كبيرة منو عم تنعكس بكتاباتو ...

وبما أنو أستاذ كريم تدخل ... سمرقند أكتر من رائعة وحدائق النور بعد ما قريتا ...بحاول أأقراها بأرض هالأسبوع
وإنا غيرانة وحابة كمان أتدخل ... وأنصحك تقري ( زوربا ) لنيكوس كزنتزاكيس إذا كنتي ما قريتيا :سوريا:

بس انا ما عنيتك بحكيي عن الانبهار
قصدت الكلام بشكل عام
لما نقرا عن كاتب ... ما لازم نتاخد باسلوبو مهما كان كتابو جيد، فالكتاب جيد و الكاتب الله يعطيه العافية، بس لحتى نصدر حكم لازم نقرا اكتر من كتاب لهالكاتب

مثلا دان براون بكتاب "شيفرة دافينشي"... اسلوب تشويقي ساحر، مزج الماضي مع الحاضر، الغموض مع الوضوح،
عمليا لما نقرا "ملائكة و شياطين" لنفس الكاتب، ما رح نحس بذات الشي
شيفرة دافينشي صعب انو نتركها لحين ننتهي منها
بينما ملائكة و شياطين نسيان ازا كملتها للاخير و اللا لأ
butterfly
03/04/2006, 19:35
القصة مو أنو ملائكة وشياطين ما بيشد قد دافينشي كود ....
القصة أنو ال 100 صفحة الأولى من ملائكة و شياطين بتشعرك أنو أنت عم تقرا دافينشي كود مرة تانية
يمكن لو قريت ملائكة وشياطين ما كنت قدرت أنو تكمل دافينشي كود برأيي

مثلا أحلام مستغانمي ( ذاكرة الجسد ) جدا كتاب أنا بحترمو ... بس لو رح أأقراهو مباشرة بعد عابر سرير أو فوضى الحواس ...
ما رح أأقدر أنو أعجب بالكتب التلاتة ... لسبب بسيط أنو الكاتب في جزء منو عم يرسمو بكتابو وهالجزء موجود بنسب متفاوتة بكل كتبو ... وقت بقرا كتبو كلا ورا بعض ... أنا بشعر أنو الكاتب عم يعيد نفسو وبيخسر الكتاب جماليتو
سرسورة
04/04/2006, 00:25
انا شاكرة الكون نصيحتكن الغالية....وبالنسبة الي..كلما بقرا للكاتب اكتر...كلما بيزيد او بينقص انبهاري فيه...الشغلة نسبية بحسب الكاتب....
مثلا روايات احلام مستغانمي كانت عندي بنفس الدرجة....لانو الاسلوب واحد....وانبهرت بهاد الاسلوب مره وحدة بس.....
لما كنت اقرا لكوليت الخوري....كنت شوف شي جديد بكل مرة و بكل كتاب....
وكذلك الامر مع محمد الماغوط......
انا قريت حدائق النور....بس سمرقند لسا ما قريانتا.....طبعا امين معلوف ما في عليه كلام ابدا.....
و زوربا قريانتا من زمااااااااااااااااان.....هل ذكرتيني فيا.....بتذكر قديش تاثرت فيا بوقتا.....
شكرا كتير لالكن يا جماعة....ولا تبخلوا علينا باي كتاب بتشوفوا حلو و بتقدروا تنزلوا هون....لانو نحنا عنجد بحاجة دايما نضل متواصلين مع الكتب و القراءة....
:سوريا: :سوريا: :سوريا:
me2
04/04/2006, 11:42
مظبوط.....بس بدي عزبك معي شوي......بدي منك بس كام اسم كتاب عبالك راسك تمام....لانو انا خلصت اللي عندي و ما عرفانة شو اقرا هلأ.......و مافيني ضل بدون ما اقرا....و مشكور سلفا....:سوريا:


طبعا الاقتراح اللي اقترحو كريم هو مية بالمية بمكانو ... ولكن أنا شخصيا معجب ب أورهان باموك . بتمنى لو أني أقدر أخد كتاب "أسمي الأحمر" و أزرعو بدماغ كل اللي بحبهم .

لا أدعي أني قرات واحد بلألف من كتب الدنيا و لكنني لم أتوقف عن القراءة من خمس وعشرين سنة و لكن "أسمي الأحمر" لا يشبه أي كتاب آخر و جدير بالتفضيل على أي كتاب أخر حتى لو كانت كتب لونها سماوي أزرق. لأنو الأحمر أحلا .
me2
04/04/2006, 11:46
أنا ما بعرف شو بدي قول بهاليوم الحزين الغائم كليا ... بس رددودكم و نقاشكم الحضاري السوري الماغوطي ..بيرد الروح أو ما تبقى من الروح .. هي الروح اللي ملايانة بحبكم يا كريم و يا butterfly ويا sarsoora ويا مي توو ...يعني انا .
سرسورة
04/04/2006, 11:58
أنا ما بعرف شو بدي قول بهاليوم الحزين الغائم كليا ... بس رددودكم و نقاشكم الحضاري السوري الماغوطي ..بيرد الروح أو ما تبقى من الروح .. هي الروح اللي ملايانة بحبكم يا كريم و يا butterfly ويا sarsoora ويا مي توو ...يعني انا .
عنجد....اليوم كتير حزين....وانا حاسة انو ماني قدرانة اكتب شي لانو اي شي رح اكتبو رح يكون سخيف بهاليوم...
شكرا كتير ميييي توووو.....وانا صرت كتيييير متشوقة اقرا(اسمي الاحمر) ورح حاول جيبا باسرع وقت...و اذا عندك شي بينزل هون.....ما تبخل علينا اذا بتريد......
تحياتي الكبيرة لالك........:سوريا: :سوريا:
me2
04/04/2006, 12:11
عنجد....اليوم كتير حزين....وانا حاسة انو ماني قدرانة اكتب شي لانو اي شي رح اكتبو رح يكون سخيف بهاليوم...
شكرا كتير ميييي توووو.....وانا صرت كتيييير متشوقة اقرا(اسمي الاحمر) ورح حاول جيبا باسرع وقت...و اذا عندك شي بينزل هون.....ما تبخل علينا اذا بتريد......
تحياتي الكبيرة لالك........:سوريا: :سوريا:

ولا يهمك ... كلنا بالهوى سوا .... من عيوني .
سرسورة
05/04/2006, 00:31
ولا يهمك ... كلنا بالهوى سوا .... من عيوني .
تسلم......شكرا كتيررررررررررر.....:blush:
george maidaa
22/04/2006, 11:53
thanx a lot .. i wanted this novel a long time ago on my palm and here it is pdf file thanx again
نجوحة
24/04/2006, 18:08
كتاب الخيمائي من اروع ما قريت السنة اللي فاتت
كتاب اكثر من رايع
قريتو بالفرنسية في الاول
وبعد ما شفته عالموقع هنا عاودت قريته بالعربي ...لاكن لاحظت كانه مش نفس الكتاب ..لما تقرءة بلغة اخرى
لاكن يبقى روعة
وانشاء الله نقدر شوف هالسنة باولو كوهيلو في المعرض اللي جاي يحظره اخر الشهر عنا..:oops:
me2
24/04/2006, 18:27
كتاب الخيمائي من اروع ما قريت السنة اللي فاتت
كتاب اكثر من رايع
قريتو بالفرنسية في الاول
وبعد ما شفته عالموقع هنا عاودت قريته بالعربي ...لاكن لاحظت كانه مش نفس الكتاب ..لما تقرءة بلغة اخرى
لاكن يبقى روعة
وانشاء الله نقدر شوف هالسنة باولو كوهيلو في المعرض اللي جاي يحظره اخر الشهر عنا..:oops:


ليش أنتي وين ؟؟ اذا بتحبي هيك روايات جربي "الوله التركي " أو اذا بدك ألقي نظرة على قوائم الكتب اللي موجودة بموضوع "مكتبتي الصغيرة" و تحياتي ..
نجوحة
24/04/2006, 18:34
شكرا اخي انشا الله اشوفها..
انا من بلد يسموه تــــــونس

و رح اشوف العنوان اللي عطيتهولي:oops: وشكرا كثير عليه
me2
24/04/2006, 19:33
شكرا اخي انشا الله اشوفها..
انا من بلد يسموه تــــــونس

و رح اشوف العنوان اللي عطيتهولي:oops: وشكرا كثير عليه


برشة و نص ..
caesar7
30/04/2006, 19:59
لان هاي الخيميائي لهلق بالعربي ما فهمت شو معناتها

الخيميائي هو الشخص اللي يعمل في الخيمياء : و الخيمياء بقا منين اجت :
حدثت مجموعة من الاكتشافات الكيميائية الصغيرة " نسبيا " بدئا من الكيمياء الصينية و الكيمياء المصرية " الفرعونية " و التي لم يصل الكثير منها إلى أيدينا اليوم وقد ارتبطت دائما بالفلسفة و باقي فروع العلم ( الجبر و الهندسة و العلوم البصرية .... إلخ ) حيث أنها كانت مجموعة معارف ضرورية للارتقاء إلى رتبة فيلسوف ... ماعلينا .
النظرية الأساسية لأرسطو تفسر الوجود المادي بأربع عناصر رئيسية هي ( الهواء و التراب و الماء و النار ) أي أن كل شيء في الدنيا مكون من هذه العناصر و باختصار و بلا كتير جرش
ولدت فكرة هي كالتالي :
كل الأشياء مكونة من هذه العناصر.
المعادن مكونة من هذه العناصر لأنها أشياء موجودة.
الذهب مكون من هذه العناصر لأنه معدن .
إذن لابد من طريقة للتلاعب بتكوين هذه المعادن ( شي بيشبه التلاعب الجيني ) لتحويل معدن ما عادي و رخيص إلى ذهب اللذي هو معدن غالي مثلك يا غالي .
و شغلت هذه الفكرة جديا رؤوس الكيميائيين لفترة من الزمن و أهمهم عالميا ( bernard trevesion ) و الذي وصل بتفكيره أن يحصل على الذهب من الإنسان و يقال أن جابر بن حيان قد تعاطى نفس الفكرة .
طبعا تطورت القصة مع الشباب و بدأ البحث عن إكسير الحياة الذي يشفي كل الأمراض و يعطي الحياة المديدة أو الأزلية .. إلخ
هؤلاء الكيميائيين الذين استحوذت عليهم هذه الفكرة و جربوها بما فيها من معطيات وراء طبيعية و أساطير و فلسفة ذهنية بحتة كان اسمهم الخيميائيين .:clap:
Willi
01/05/2006, 03:40
احلا سيزر والله

الف شكر الك

اي والله هالخيمياء باينتها شغلة
يعني Interesting

ثانكيو مان عالشرح
Willi
29/06/2006, 06:16
هلق رجعت خطرلي هالسؤال
انشالله حدا يقدر يجاوب عليه

و شغلت هذه الفكرة جديا رؤوس الكيميائيين لفترة من الزمن و أهمهم عالميا ( bernard trevesion ) و الذي وصل بتفكيره أن يحصل على الذهب من الإنسان و يقال أن جابر بن حيان قد تعاطى نفس الفكرة .

شو صار معهون بعدين؟؟
يعني شو النتيجة اللي توصلولها؟؟
krimbow
29/06/2006, 18:45
هلق رجعت خطرلي هالسؤال
انشالله حدا يقدر يجاوب عليه



شو صار معهون بعدين؟؟
يعني شو النتيجة اللي توصلولها؟؟

يللي صار ...
بس اول خليني اشرحلك
انو هدول الخيميائيين ... كانوا يبحثوا عن طريقة لتحويل الرصاص إلى ذهب، و بالغلط، توصلوا لتأسيس علم الكيمياء، و بلشوا يستخرجوا الاحماض و الاساسات (القلويات) و بعد فترة من الزمن ... قدر عالم كيميائي يتوصل لانتاج حمض البول، و هوي حمض عضوي (يعني يدخل في تركيبه الكربون) و عادة الاحماض العضوية لا ينتجها إلا الاحياء، و كان يعتقد أنو هالشي عمل رباني لا يمكن للانسان انو يتدخل فيه، بس لما تم انتاج الحمض العضوي، تم بالواقع كسر هالقاعدة و بالتالي تم تأسيس علم الكيمياء العضوية .... و هيي يللي وصلتنا بمراحل لاحقة للاستنساخ و الهندسة الجينية الوراثية، عدا عن علم البتروكيماويات

يعني هدول الخيميائيين، على الرغم من بدائيتهم، إلا انهم كانوا حملة النور الحقيقيين، كانوا ابطال من نوع رومانسي

و على الرغم من غايتهم الطماعة (الحصول على الذهب) إلا انو الوسائل يللي اتبعوها اوصلتنا لاستخلاص ادوية و علاجات و تطويرات بحياتنا اهم لا تقدر بكل كنوز الدنيا

يقال ان الغاية تبرر الوسيلة
بس مع الخيميائيين .... الوسيلة بررت الغاية
lolo2_3
29/06/2006, 18:46
شكرا على الرواية مي تو:D
Willi
30/06/2006, 07:55
يللي صار ...
بس اول خليني اشرحلك
انو هدول الخيميائيين ... كانوا يبحثوا عن طريقة لتحويل الرصاص إلى ذهب، و بالغلط، توصلوا لتأسيس علم الكيمياء، و بلشوا يستخرجوا الاحماض و الاساسات (القلويات) و بعد فترة من الزمن ... قدر عالم كيميائي يتوصل لانتاج حمض البول، و هوي حمض عضوي (يعني يدخل في تركيبه الكربون) و عادة الاحماض العضوية لا ينتجها إلا الاحياء، و كان يعتقد أنو هالشي عمل رباني لا يمكن للانسان انو يتدخل فيه، بس لما تم انتاج الحمض العضوي، تم بالواقع كسر هالقاعدة و بالتالي تم تأسيس علم الكيمياء العضوية .... و هيي يللي وصلتنا بمراحل لاحقة للاستنساخ و الهندسة الجينية الوراثية، عدا عن علم البتروكيماويات

يعني هدول الخيميائيين، على الرغم من بدائيتهم، إلا انهم كانوا حملة النور الحقيقيين، كانوا ابطال من نوع رومانسي

و على الرغم من غايتهم الطماعة (الحصول على الذهب) إلا انو الوسائل يللي اتبعوها اوصلتنا لاستخلاص ادوية و علاجات و تطويرات بحياتنا اهم لا تقدر بكل كنوز الدنيا

يقال ان الغاية تبرر الوسيلة
بس مع الخيميائيين .... الوسيلة بررت الغاية


شي حلو
مشكور معلم عالتوضيح
butterfly
03/02/2008, 20:41
تم رفع الكتب على موقع خارجي لحين حل مشكلة المرفقات
:mimo:
Winter_Rose88
04/02/2008, 03:38
شكرا جدا ع الرواية الرائعة
مع اطيب الامنيات:D
cuty
05/02/2008, 14:26
روايه الخيميائي بالانجليزية

The Alchemist
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
:D
Dlifegoeson8
01/03/2008, 00:14
مشكور.............................
علاء.
01/03/2008, 01:26
النفس الكلية

اللغة الكونية

الأسطورة الشخصية

رواية رائعة
daintis
17/12/2008, 05:24
شكرا على الرواية و اتمنى ان يتحسن مستواي في "الخيمياء" بعد قراءتها