من اعمال الفنان النرويجي أدفارد مونش

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

إدفارد مونك (مونش) (12 ديسمبر 1863 - 23 يناير 1944) (Edvard Munch) وكان رساماً تعبيرياً وطباعاً نروجياً...

تعد لوحة "الصرخة" (عام 1893) اللي معروضة فوق... أشهر أعمال الفنان مونك (مونش)، وكانت من بين سلسلة لوحات سماها الفنان باسم "إفريز الحياة"، حيث طغت عليها مواضيع الحياة، والحب، والخوف، والموت، والكآبة. كما هو الحال مع معظم أعمالو التانية، أصدر أكثر من نسخة من لوحتو المشهورة الصرخة الأولى انسرقت بعام 1994 والتانية بعام 2004، وتم استراجاع اللوحتين... مواضيع "إفريز الحياة" طغت على معظم أعمال مونك(مونش) الأخرى، مثل: "الطفل المريض"، و "مصاص الدماء"، و "الرماد"، و "الجسر"....

صورتو الشخصية
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



نخليكم مع بعض لوحاتو...

اسم هاللوحة
Death in the Sickroom
زيتي ع قماش


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

واسم اللوحة التانية
The Dance of Life
كمان زيتي ع قماش

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


واسم اللوحة التالتة
Sisters In The Garden
زيتي ع قماش

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يعطيك العافية اسير ..:D
حلوين ماعدا الصرخة ..مابعرف ماحبيتا ، حسيتا مالها طعمة
او يمكن انا مابفهم بمعاني اللوحات كتير :oops:

شكرا يا اسير على ه الصور الجميلة.
ــــ

شكرا عالصور
أنا بعكس فراشة اكتر شي عجبتني الصرخة
حسيت بهالاحساس كأنو فيه حدا راكد وراك وناويلك شر وانت بدك تصرخ بس اختنقت وخانك صوتك وما رضي يطلع

خلينا نحكي شوي ع لوحة الصرخة ...
هاللوحة متل ما بنعرف رسمها الرسام النرويجي بعام 1893 .. (لاحظ سنة تولد الرسام مع تاريخ رسم هاللوحة)...

وهاللوحة من اشهر لوحاتو المرسومة وبالرغم من بساطة اللوحة الظاهرية، والرسمة اكتسبت شهرتها الاكبر بعد نهاية الحرب العالمية الثانية... وبقولوا انو شهرة هاللوحة بتعود لشحنة الدراما المكثفة اللي فيها والخوف الوجودي اللي بتجسده...
باللوحة بنشوف بالجزء الامامي طريق سكة حديد وع الطريق بنشوف شخص رافع ايديه جنب رأسه وبنلاحظ عيونو فيهم هلع وشكل الفم ع هيئة انو عم يصرخ... وبالخلفية بنشوف شخصان حاطين قبعة وورائهم منظر طبيعي من التلال...

هلأ الرسام شو قال بحق هاللوحة... بقول وهو عم يشرح ظروف رسمو لهللوحة:
"كنت أمشي في الطريق بصحبة صديقين، وكانت الشمس تميل نحو الغروب، عندما غمرني شعور مباغت بالحزن والكآبة. وفجأة تحولت السماء إلى لون أحمر بلون الدم. توقفت وأسندت ظهري إلى القضبان الحديدية من فرط إحساسي بالإنهاك والتعب.واصل الصديقان مشيهما ووقفت هناك أرتجف من شدة الخوف الذي لا أدري سببه أو مصدره. وفجأة سمعت صوت صرخة عظيمة تردد صداها طويلاً عبر الطبيعة المجاورة "....

هاد مخلص سرد للوحة ... ورح حاول فصّل باللوحة اكتر... قريباً...
وبشكر كل اللي مروا من هون واضافوا كلماتهم المعبرة عن اللوحات... وتقبلوا مني هالباقة من الورود:D

شكرا عالصور
أنا بعكس فراشة اكتر شي عجبتني الصرخة
حسيت بهالاحساس كأنو فيه حدا راكد وراك وناويلك شر وانت بدك تصرخ بس اختنقت وخانك صوتك وما رضي يطلع
تعبيرك حلو كتير... وقريب من وصف اللوحة...
وبشكرك ع المرور...:D