اكتر بلد عربي [الأرشيـــــف]

nour333

10/12/2006, 16:39

مرحبا يا جماعة بما اني من الاردن وبحب بلدي ومعلوماتي عن بلدي ممتازة انو اكتر بلد عربي في متعلمين ونسبة الامية فيه من اقل النسب

وطبيا كتير مطور هي لمحة بسيطة بس حاب كل اخ او اخت من بلد عربي يحكيلنا بلمحة صغيرة عن بلدو حتى نزيد معلوماتنا وبالاخير بنشوف مين :clap: اكتر بلد عربي متقدم

قهوة دايمي

10/12/2006, 17:11

الصومـــال !!

nour333

10/12/2006, 17:16

الصومـــال !!
عنجد نهفه القصد من الموضوع انو كل واحد يتحمس ويحكي عن بلدو :clap:

قهوة دايمي

10/12/2006, 17:23

طيب ما شايف حدا تحمس ..

:?

airospeed

10/12/2006, 17:48

nour333

10/12/2006, 17:53

احنا عرب ال 48 اكثر اشي متقدمين بين العرب,عشان عندنا يا نور اللي ما بقبلوه في الجامعه العبريه او جامعة تل ابيب او اي جامعه يهوديه بروح بتعلم برا يعني في الاردن, المانيا الخ...
لانو عندنا التعليم في الجامعات عالي وصعب كثييييييير وشروط القبول صعبه علاخر في اشي اسمو بسيخومتري,يعني ملان اجراءات!
ملاحظه هامه: ما تفهموني غلط انا بحبش اليهود ولا بكبر من شأنهم بلعكس,اتمنالهم ان يردو الى اسفل السافلين.

شكرا كتير ع ردك طبعا وللأسف اسرائيل بلد متقدم
انا بعرف انو كتير من عرب 48 بيجو بدرسو بالاردن بس بيدرسو بجامعات خاصه وهاي الجامعات هدفها تجاري بحت
بس في جامعات بالاردن كتير قوية وهلا صار عنا جامعة المانية بدل ما تروحو تدرسو بألمانيا

airospeed

10/12/2006, 18:01

على فكره ولله ما هو قدامك انا اكثر بلد عربي بحبو هو الأردن عشان هو بلد مسالم!
بس للأسف ولا مره كنت في بلد عربي غير فلسطين,انشالله اول بلد ألأردن :)

nour333

10/12/2006, 18:05

على فكره ولله ما هو قدامك انا اكثر بلد عربي بحبو هو الأردن عشان هو بلد مسالم!
بس للأسف ولا مره كنت في بلد عربي غير فلسطين,انشالله اول بلد ألأردن :)
شكرا الك على لطفك وهلا بيك بالاردن

airospeed

10/12/2006, 18:09

عفواً,يلا انا بستأذن بدي اروح على التدريب,باي :-)

القلب المنادي

10/12/2006, 18:09

ايوااااا متل ما حكيتي نور الاردن من البلاد العربية المتطورة ونسبة المتعلمين عالية كتير وما في بهالايام ناس اميين قليل كتير

لانو الحكومة عم تفرض التعلم على الكل فمنشان هيك الكل عم يتعلمو
وكمان ازا عم بتشوفي بهاليام كل شوي عم يبنو شي جديد ويعملو شي جديد
وهادا اكبر دليل انو الاردن عم تحاول تتطور

اي نسيت اقوللك انو انا كمان من الاردن
واحلى تحية للاردن واهل الاردن وكل الي بحبو الاردن

تحياتي وتسلمي على الموضوع

nour333

10/12/2006, 18:21

جمانة شهاب

10/12/2006, 23:03

مرحبا..
بيشرفني أكيد اني احكي عن بلدي البحرين..
بالنسبة لدول الخليج فالبحرين تعتبر أكتر دولة فيها حركة ثقافية
و التعليم الحمد لله ,, يعني عنجد صعب بس هدا دليل على تطورو
عندنا بندرس انجلينزي من الصف الاول اجباري .. و لما بنروح عالثانوي بناخد اول سنة موحد بعدين بنختار .. ادبي او علمي او تجاري.. و طبعا كل فرع من هاي الفروع الو اقسامو كمان..
عنا المدارس بتتبع أنظمة التعليم بأمريكا و بريطانيا.. نظام الساعات المعتمدة.. يعني كل فصل بيعتمد على الفصل الي قبلو.. يا تجيب منيح من اول فصل يا على الدنيا السلام..
و كمان عنا مشروه اسمو مدارس المستقبل.. بتم فيه الدراسة عن طريق الانترنت
يعني بالصف كل طالب عندو كمبيوتر لو شو كانت المادة.. و السبورة كمان الكترونية.. يعني بتكتب بايدك بس بدون قلم .. سبحان الله بتلاقي الكتابة بتطلع.. تطور يا عم..
هالمشروع تم تطبيقو على تقريبا نص مدارس البحرين.. و الباقي السنة الجاية..
أما عن الجامعة فهالكينا.. دراستنا قوية و كتبنا كلها من كامبريدج و اكسفورد و اللغة عنا كتير منيحة ..
يعني عنجد في صعوبات كتير
بس الحمد لله .. دراستنا بتعتبر أفضل دراسة بالخليج:D

الهوى سلطان

10/12/2006, 23:08

بدرسو بالاردن بس بيدرسو بجامعات خاصه وهاي الجامعات هدفها تجاري بحت
بس في جامعات بالاردن كتير قوية وهلا صار عنا جامعة المانية بدل ما تروحو تدرسو بألمانيا

عزيزتي من قال لك ان الجامعات الخاصة هدفها تجاري بحت ؟
لم لا تقولين ان التعليم عندنا في الاردن بشكل عام اصبح تجاري بغض النظر
ان كان خاص او حكومي يعني مثلا ساعة تكنلوجيا المعلومات في الجامعة الاردنية ب 86 دينار للساعة عادي وليس موازي
انا اختي بجامعة اليرموك ساعتها 45 دينار عادي وليس موازي
ايضا الجامعات الخاصة اتفق معك بانها ربحية ولكن لا ننسى انها ساعدت
من ابناء الطبقة الوسطى والفقيرة في مجتمعنا
يعني مثلا ساعة المحاسبة في جامعة جرش 28 دينار
ساعة المحاسبة في الجامعة الهاشمية 40 دينار

بعدين انا اردني وافتخر باني اردني واعتز لكن يا عزيزتي انتي تقولين ان المجتمع الاردني من اكثر المجتمعات العربية تعليما
انا معك لكن بالنسبة لعدد سكان الاردن العدد قليل نسبيا
مثلا محافظات الاردن الرئيسية عمان الزرقاء اربد جرش عجلون العدد فيها
لا يتجاوز ال 3 ملاين نسمة ان اردنا ان نخرج عنصر المتعلمين فيها سوف
نجد المتعلمين عدد ضئيل بالنسبة لهاذا العدد ايضا بالنسبة لعدد السكان
العدد طبيعي يعني احنا كل عددنا 5 ملاين نسمة بالنسبة لغيرنا لازم نكون
من اغنى اغنياء الارض فخليها بالقلب تجرح ولا تطلع لبرة وتفضح

بعدين وين هي الجامعة الاالمانية الجديدة ممكن اعرف شو اسمها ؟؟:shock:
هي معلومة جديدة عزيزتي :? :shock:

Lotus

10/12/2006, 23:13

بعدين وين هي الجامعة الاالمانية الجديدة ممكن اعرف شو اسمها ؟؟:shock:

هي معلومة جديدة عزيزتي :? :shock:

عند الجامعة الأردنية!!!

nour333

10/12/2006, 23:25

[quote=جمانة شهاب;594877]مرحبا..
بيشرفني أكيد اني احكي عن بلدي البحرين..
بالنسبة لدول الخليج فالبحرين تعتبر أكتر دولة فيها حركة ثقافية
و التعليم الحمد لله ,, يعني عنجد صعب بس هدا دليل على تطورو
عندنا بندرس انجلينزي من الصف الاول اجباري .. و لما بنروح عالثانوي بناخد اول سنة موحد بعدين بنختار .. ادبي او علمي او تجاري.. و طبعا كل فرع من هاي الفروع الو اقسامو كمان..
عنا المدارس بتتبع أنظمة التعليم بأمريكا و بريطانيا.. نظام الساعات المعتمدة.. يعني كل فصل بيعتمد على الفصل الي قبلو.. يا تجيب منيح من اول فصل يا على الدنيا السلام..
و كمان عنا مشروه اسمو مدارس المستقبل.. بتم فيه الدراسة عن طريق الانترنت
يعني بالصف كل طالب عندو كمبيوتر لو شو كانت المادة.. و السبورة كمان الكترونية.. يعني بتكتب بايدك بس بدون قلم .. سبحان الله بتلاقي الكتابة بتطلع.. تطور يا عم..
هالمشروع تم تطبيقو على تقريبا نص مدارس البحرين.. و الباقي السنة الجاية..
أما عن الجامعة فهالكينا.. دراستنا قوية و كتبنا كلها من كامبريدج و اكسفورد و اللغة عنا كتير منيحة ..
يعني عنجد في صعوبات كتير
بس الحمد لله .. دراستنا بتعتبر أفضل دراسة بالخليج:D[/quote

فعلا انا كتيييير بسمع انو اهل البحرين علميا كتير مميزين في دول الخليج العربي

basel126

10/12/2006, 23:26

انا اختي بجامعة اليرموك ساعتها 45 دينار عادي وليس موازي
ايضا الجامعات الخاصة اتفق معك بانها ربحية ولكن لا ننسى انها ساعدت
من ابناء الطبقة الوسطى والفقيرة في مجتمعنا
يعني مثلا ساعة المحاسبة في جامعة جرش 28 دينار
ساعة المحاسبة في الجامعة الهاشمية 40 دينار

والله يا جماعة مافي احلى من التعليم عنا بسورية يعني التعليم مجاني تصور انك بتدرس السنة وبتدفع ما يعادل 11 $ يعني انا درست 4 سنين جامعة بكلية الاقتصاد كلفتني (طبعا كاقساط ورسوم جامعية ) اد مادة من المواد بالجامعات بالاردن مثلا ...بالنسبة للطالب الحكومي انا ما شفت باي بلد عربي افضل من هيك هي الشغلة نحنا مامنحس فيها بس وقت بشوف رفقاتي من لبنان او الاردن عمبحطو مبالغ هائلة بقول الحمدلله بس عنا مشكلة وحدة وهي ان اللغة الانكليزية مو اخدة حقها بالكامل طبعا هلا الطلاب صاروا عنا بسوريا يدرسو انكليزي من السنة اولى ابتدائي بس المشكلة انها راحت علينا وبصراحة عماتعذب كتير لحسن مستوايي باللغة الانكليزية
شو راي شباب الجامعات السورية

KILLER011

10/12/2006, 23:27

صاحبي كان بالألمانية ........بالفصل الصيفي اخدو على المانية ليكمل الصيفي هناك

الجامعة الألمانية حاليا متل ماحكت لوتس
بالجامعة الأردنية بس بوسط البلد عم ببنوا مبنى الهم

تحياتي

الهوى سلطان

10/12/2006, 23:27

عند الجامعة الأردنية!!!

مشكورة عزيزني للمعلومة فعلا انا استفسرت طلع في جامعة اسمها
الجامعة الاردنية الاالمانية تقريبا بمنطقة الجبيهة

مشكورة للتوضيح عزيزتي :D :D

nour333

10/12/2006, 23:32

عزيزتي من قال لك ان الجامعات الخاصة هدفها تجاري بحت ؟
لم لا تقولين ان التعليم عندنا في الاردن بشكل عام اصبح تجاري بغض النظر
ان كان خاص او حكومي يعني مثلا ساعة تكنلوجيا المعلومات في الجامعة الاردنية ب 86 دينار للساعة عادي وليس موازي
انا اختي بجامعة اليرموك ساعتها 45 دينار عادي وليس موازي
ايضا الجامعات الخاصة اتفق معك بانها ربحية ولكن لا ننسى انها ساعدت
من ابناء الطبقة الوسطى والفقيرة في مجتمعنا
يعني مثلا ساعة المحاسبة في جامعة جرش 28 دينار
ساعة المحاسبة في الجامعة الهاشمية 40 دينار

بعدين انا اردني وافتخر باني اردني واعتز لكن يا عزيزتي انتي تقولين ان المجتمع الاردني من اكثر المجتمعات العربية تعليما
انا معك لكن بالنسبة لعدد سكان الاردن العدد قليل نسبيا
مثلا محافظات الاردن الرئيسية عمان الزرقاء اربد جرش عجلون العدد فيها
لا يتجاوز ال 3 ملاين نسمة ان اردنا ان نخرج عنصر المتعلمين فيها سوف
نجد المتعلمين عدد ضئيل بالنسبة لهاذا العدد ايضا بالنسبة لعدد السكان
العدد طبيعي يعني احنا كل عددنا 5 ملاين نسمة بالنسبة لغيرنا لازم نكون
من اغنى اغنياء الارض فخليها بالقلب تجرح ولا تطلع لبرة وتفضح

بعدين وين هي الجامعة الاالمانية الجديدة ممكن اعرف شو اسمها ؟؟:shock:

هي معلومة جديدة عزيزتي :? :shock:

اخي الهوى سلطان شكرا كتير ع مرورك كلامك مزبوط 100%
بس بتعرف معلومة انو اقل نسبة امية للاناث موجوده بالاردن وبعديها لبنان يعني احنا اقل بالاميه من بلد الاه ونص
بعدين الجامعة الالمانية
اعطيك فكرة عنها هي هلا ببنو فيها بس التدريس فيها بدا من السنة الماضية في مباني (الكلية العلمية) موقعها في منطقة لمشقر قريب من مادبا .وهي جامعة تعتبر حكومية

الهوى سلطان

10/12/2006, 23:33

والله يا جماعة مافي احلى من التعليم عنا بسورية يعني التعليم مجاني تصور انك بتدرس السنة وبتدفع ما يعادل 11 $ يعني انا درست 4 سنين جامعة بكلية الاقتصاد كلفتني (طبعا كاقساط ورسوم جامعية ) اد مادة من المواد بالجامعات بالاردن مثلا ...بالنسبة للطالب الحكومي انا ما شفت باي بلد عربي افضل

انت حكيت شي قمة بالمنطق فعلا الدراسية بسوريا شبه مجانية انا بعرف اصدقاء الي في الجامعات السورية
يدفعون بالاربع سنوات ما يدفعه الطالب الاردني في فصل واحد
وللعلم ايضا ما حدا يزعل مني ان بدنا نحكي عن الثقافة الجامعية الشعب السوري مثقف جامعيا اكثر من الشعب الاردني الدليل المناهج القوية التي تدرس في الجامعات السورية وليس مناهج المجلات التي تدرس عنا في الاردن
يعني طالب الثانوية العامة في سوريا اقوى تعليميا من طالب البكالوريس في الاردن وهذه حقيقة لا يختلف
عليها اثنان

تحياتي
لي عودة

اية الرحمان

10/12/2006, 23:38

اذا في بالمنتدى جزائريين راح احكي على هذا البلد العظيم:gem:

nour333

10/12/2006, 23:42

انت حكيت شي قمة بالمنطق فعلا الدراسية بسوريا شبه مجانية انا بعرف اصدقاء الي في الجامعات السورية
يدفعون بالاربع سنوات ما يدفعه الطالب الاردني في فصل واحد
وللعلم ايضا ما حدا يزعل مني ان بدنا نحكي عن الثقافة الجامعية الشعب السوري مثقف جامعيا اكثر من الشعب الاردني الدليل المناهج القوية التي تدرس في الجامعات السورية وليس مناهج المجلات التي تدرس عنا في الاردن
يعني طالب الثانوية العامة في سوريا اقوى تعليميا من طالب البكالوريس في الاردن وهذه حقيقة لا يختلف
عليها اثنان

تحياتي

لي عودة

بتعرف كلامك مزبوط الناحية المادية بالتدريس مصيبه الناس بالاردن عم بتبيع بأرضيها حتى درس ولادها
بس انو احنا مو مثقفين انت شايف النص الفاضي من الكاسة ع الاقل اكمن جامعة زي جامعتي الاردنية بس انا بقلك وين التياسه عنا في الكليات الادبية هدول فعلا ولا حبه

الهوى سلطان

10/12/2006, 23:42

بس بتعرف معلومة انو اقل نسبة امية للاناث موجوده بالاردن وبعديها لبنان يعني احنا اقل بالاميه من بلد الاه ونص

اول شي ليش الاه والنص عزيزتي يعني نانسي عجرم لا تمثل الشعب اللبناني
مثل ما انتي ما بتمثلي الشعب الاردني كل واحد بمثل نفسوو هي نقطة
الله يسعدك ما بدنا نخرج عن نطاق الموضوع وتصيري تحكي خربو علي ؟ :D :D

وبعدين انا بوافقك انو عدد الامية قليل عنا بالاردن بتعرفي ليش لان نص البنات بيدخلو الجامعات مش مشان الدراسة مشان عروض الازيااء طبعا انا ما بحكي من فراغ انا بعرف نسبة كبيرة جدا من البنات الجامعيات بسبب
قرب محلي من جامعة اليرموك عزيزي بقسملك يمين بالله ما في بنت بسمعها بدها تدرس مشان الدراسة
بس بدها تدرس مشان تهرب من الضغط الي عايشة فيه عند اهلها
واكبر مثال القرويين وما يفعلونه بالجامعات
ايضا عزيزتي الدليل بعدم الثقافة عند البنات وليس المهم الشهادة اعطائك صفة الاه ونص لبلد عربي مناضل
نصير احنا زي اللبنان ويكثر خير الله ;-) ;-)

تحياتي :D :D

KILLER011

10/12/2006, 23:45

يعني انا مقيم بقطر

قطر ...فيها ثروة بترولية غازية ضخمة ........ والتعليم بتطور مستمر ......والدليل على ذلك انوا خلو المدارس مستقلة
وبدرسوا مناهج اوروبية...... وكل هادا بفضل الله ثم المجلس الأعلى للتعليم

بس الجامعات بدها شويت شدة حيل..............اما بخصوص التطور العمراني فحدث ولاحرج عن الأبراج والنمو العمراني المتسارع.......

وبالنسبة للشعب من اكرم واطيب الشعوب

الهوى سلطان

10/12/2006, 23:46

بس انو احنا مو مثقفين انت شايف النص الفاضي من الكاسة ع الاقل اكمن جامعة زي جامعتي الاردنية بس انا بقلك وين التياسه عنا في الكليات الادبية هدول فعلا ولا حبه

دليل ثاني عزيزتي للثقافة العالية عند البنت الجامعية الاردنية نقاشك المتحضر;-) ;-) عيوني ان طارت الكليات الادبية او التياسة متل ما حكيتي باللغة المتحضرة شو ضل
يبدو انك عزيزتي من هوات الجلوس على ارصفة بوابة الاقتصاد
بالعربي فيااعة ;-) ;-)

nour333

10/12/2006, 23:57

دليل ثاني عزيزتي للثقافة العالية عند البنت الجامعية الاردنية نقاشك المتحضر;-) ;-) عيوني ان طارت الكليات الادبية او التياسة متل ما حكيتي باللغة المتحضرة شو ضل
يبدو انك عزيزتي من هوات الجلوس على ارصفة بوابة الاقتصاد
بالعربي فيااعة ;-) ;-)

يعني وبعدين اولا اذا انت ما هانلك ع لبنان كلمة فالاولى ما يهونلك في بنات بلدك ( اخوات الرجال)

بعدين انا ما كان عندي وقت اقعد ع الارصفة لأني كنت بدرس بكلية الصيدلة الجامعة الاردنية وكلية الاقتصاد بعيدة عنا واصلا مو فاضيين نحك راسنا من الدراسة

تاني شي انا مو من قرية وصح في جهل عند بنات القرى بس في كتير بنات محترمين .
كنت كتير حاب اتناقش معك بس انت تكلمت بطريقة هجومية ما الها اي معنى

الهوى سلطان

11/12/2006, 00:28

يعني وبعدين اولا اذا انت ما هانلك ع لبنان كلمة فالاولى ما يهونلك في بنات بلدك ( اخوات الرجال)

بعدين انا ما كان عندي وقت اقعد ع الارصفة لأني كنت بدرس بكلية الصيدلة الجامعة الاردنية وكلية الاقتصاد بعيدة عنا واصلا مو فاضيين نحك راسنا من الدراسة

تاني شي انا مو من قرية وصح في جهل عند بنات القرى بس في كتير بنات محترمين .
كنت كتير حاب اتناقش معك بس انت تكلمت بطريقة هجومية ما الها اي معنى

انا لم اتهجم على احد عزيزتي انا نقلت الواقع يا سيدتي بعدين ان ما بدي
تشملي بلد عربي انتي بكلمة اه ونص تبعتك نقلتي صورة متخلفة عن البنت الاردنية لانو مش كل الشعب اللبناني اه ونص متل ما حكيتي
بعدين بنت الاردن بنت بلدي ومتل اختي انا ما غلطت بحقها
ممكن تقتبسي الرد الي تهجمت فيه على البنت الاردنية
بعدين شغلة اخيرة مهوو نص الي بالجامعات عنا قرويات ;-) ;-)

وين رجعنا هي محل ما ... شنقووه بس يتوقع وصلت الفكرة

تحياتي :D :D

nour333

11/12/2006, 00:38

ما بدي ارد عليك
بس ياريت بما انك بتعتبرنا زي اخواتك اذا غلطنا تصححنا
مو تستخدم لهجة انا متأكد انك ما بتحب حد يحكيها لأختك .