مرحبا يا شباب

هلق معليش نحنا منقول بسوريا ما في طائفية ونحنا شعب واحد... إلخ

بس على مين عم نضحك.. ما رح بعّد كتير

هي مشكلة طائفية
[thread=63110]وهي مشكلة تانية[thread/]

طيّب لإيمتا؟؟؟ معليش بدون تنظير.... لإيمتا؟؟؟

واللي بدّو يشمت من برا البلد ما حدا يرد عليه لو سمحتو

كم مرة بدنا نقول هيك مواضيع اخرتا معروفة..........
يعني الا مايطلعلك شي واحد جاهل ومالو بهالنقاشات الي لازم يكون الرد فيها متفهم وبكل تعقل..
وبيشلحلو شي كلمة دج وهاد الي بدو يدافع عن دينو وهداك بدو يرد ....وبتعلق.....
للاسف ناقصنا توعية...........وهاد مو هكي جديد

:sick: :sick: :sick: :sick:

:D ممكن كلمة انا مو سورية ويالي يفرح لمصيبة اخو ما بيستاهل لقب العربي بس براي الطائفية موجودة في كتير من البلدان بخاصة يالي فيها تعدد الديانات والسبب الرئيسي لهذا المشكل هو الاوضاع الراهنة في العالم وعلى راسهم القضية الفلسطينية
ولا ننسى ان الاعلام هو كمان الو دور اما في صب الزيت على النار لتزيد اشتعالا او ترمي عليه الرمل لتطفيه

بسوريا مافي طائفية انا متأكد يمكن يكون في شوية حزازات بين المذاهب نفسها اكتر من الاديان حتى
وعلى الارض الواقع بس تصير نقاشات وجها لوجه ما بيصير هاد التهجم السافر وعادة بيكون في احترام للرأي الاخر
ومقولة كل واحد على دينو الله بعينو
بس هون بالمنتديات بتجيك كل شخصية اجبن من التانية وبتصير تزت بهالكلام اللاذع بدون ادنى اعتبار لأي منطق

ما بظن ممكن نخلص من الطائفية بالوقت الحالي. رح تاخد القصة قريب المية سنة.
نجنا بطباعنا عشائريين حتى ابناء المدن مننا و الملحدين كمان. الفكرة انو طول تاريخنا و نحنا هيك... بعمرنا ما كان عندنا تجربة ديمقراطية او انتماء للوطن الكبير. الانتماء للأسرة و بعدين للعيلة الكبيرة و بعدين الحارة و المنطقة و اهل الطائفة و الدين و ووو ... بينما بأوروبا خلال تاريخهم ما كان عندهم هاي الروح العشائرية ابدا. بطبعو الاوروبي كتير فرداوي ... individualistic ... نحنا منتصر ضمن المجموعة
و المصيبة هي لما الأوروبي يحاول يطبق علينا نظام حياتو هوي... الدولة الكبيرة و كذا. ما رح يمشي الحال. احسن حل إلنا هو تقسيم بلادنا حسب الانتماءات الدينية.. دولة للشيعة دولة للسنة دولة للمسيحيين دولة للدروز دولة لليهود... و هكذا دواليب !!!
هلق البعض رح ينط يقلي اني خاين و ما بعرف شو... و صح انا هلق بعارض بعاطفتي هادا الشي... بس عندي ثقة انو هادا احسن حل بالنهاية

بسورية في طائفية وبصورة مخيفة كمان......بس كل القصة انو الوضع تحت سيطرة الشباب يعني لما حدا بدو يتعدا على طائفة التاني علناً بيعرف إنو رح يتعاقب لذلك بيسكّر وبيئصرها......بس من داخلنا كلنا منحقد على الآخر....
ولما بيجي واحد يعمل منيحة ويئول لا للطائفية...بيتفاجئ إنو هو نفسو لما بتنسب طائفتو بتكون ردة فعلو عنيفة
وبيدافع عنها بإيدي ورجلي... وهي المشاعر وردات الفعل منشوفا عند الأقليات وحقن يتصرفو بهي الطريقة برأيي
ومتل ما حكى Joe كل كل طائفة تصير دولة وخلصنا......

ما بظن ممكن نخلص من الطائفية بالوقت الحالي. رح تاخد القصة قريب المية سنة.
نجنا بطباعنا عشائريين حتى ابناء المدن مننا و الملحدين كمان. الفكرة انو طول تاريخنا و نحنا هيك... بعمرنا ما كان عندنا تجربة ديمقراطية او انتماء للوطن الكبير. الانتماء للأسرة و بعدين للعيلة الكبيرة و بعدين الحارة و المنطقة و اهل الطائفة و الدين و ووو ... بينما بأوروبا خلال تاريخهم ما كان عندهم هاي الروح العشائرية ابدا. بطبعو الاوروبي كتير فرداوي ... individualistic ... نحنا منتصر ضمن المجموعة
و المصيبة هي لما الأوروبي يحاول يطبق علينا نظام حياتو هوي... الدولة الكبيرة و كذا. ما رح يمشي الحال. احسن حل إلنا هو تقسيم بلادنا حسب الانتماءات الدينية.. دولة للشيعة دولة للسنة دولة للمسيحيين دولة للدروز دولة لليهود... و هكذا دواليب !!!
هلق البعض رح ينط يقلي اني خاين و ما بعرف شو... و صح انا هلق بعارض بعاطفتي هادا الشي... بس عندي ثقة انو هادا احسن حل بالنهاية
100 سنة ابو شريك؟ شو هالتفاؤل كلو؟؟؟؟
هاد اسمو الاثم الكنعاني، ولد معنا، و ما بيموت غير بموتنا، طول عمرنا هيك، و ازا من جديد صايرين بس 200 طايفة، فهاد تقدم كتير كبير مقارنة بقبل 2500 سنة ... وقت كنا كل ضيعة دولة.

بدكم حل للطائفية، الحشيش...
فقد اكتشف "زياد الرحباني" ان الحشيش هوي الوحيد يللي بيوحد الطوايف كلها

أساااسي استاذ و كبير كريم

ربما كان الكائن البشري يميل إلى الانتظام في جماعات, عرقية, مذهبية, دينية, جنسية, قومية ربما , نستطيع أن نطلق عليها ما نشاء من تسمية, حيث يبحث البشر عن القواسم المشتركة بينهم
وبالنسبة لي لا فرق بين التمييز على أساس مذهبي أو على أساس عرقي أو على أساس قومي أو حتى على أساس طبقي , والمشكلة الموجودة في سوريا هي ليست سورية حصرا وإنما عامة
وقطعا فإن الحل لا يكمن بالفصل الكامل بين هذه المجموعات, وإنما يكمن بدمجها مع بعضها البعض
وعلى هامش هذا الأمر يخطر لي موضوع الزواج المدني الذي كان من الممكن أن يمثل خطوة في طريق التقريب والدمج
طبعا ما يزيد من تعمق هذه المسألة هو الطبيعية الدينية للشعوب الشرقية, حيث يبقى الدين أولوية الأمر الذي يعمق الخلافات, ويجعل من الصعب جدا التقريب بين الجماعات المختلفة
في جميع الأحوال أي حل لهذه المشكلة كما جميع المشاكل التي تطلب حلال طويل الأمد يجب أن يأخذ وقتا طويلا من التوعية والعمل على اختراق الأسوار التي تنفصل بها الطوائف المختلفة عن بعضها البعض

تحياتي

انو هاد السؤال برد عليه بسؤال تاني.....
مين قال انو لازم يلتقى حل للطائفية؟؟؟ومين قال انو الطائفية مو لازم تكون موجودة؟؟؟
اي لاء سيدي لازم يكون في طائفية وتدبح الناس بعضها لحتى يوصلو لتيجة ويكتشفوا غبائهن لانهم لحقو اديانهم.....ولاّ الك....لازم يكون في طائفية منشان يفهم الله انو العالم ما نهن لعبة بين ايديه بينزلهم تلات اديان وكل دين بيناقض التاني وبيقلهم روحو دقو ببعض.....
اي انا هاد رأيي ويللي ما عجبو يئحط....

للاسف مدام في بسوريا سني وشيعي وعلوي ودرزي ومسيحي
فالطائفية رح ضلا موجودة
ومدام في تعدد ديانات واعراق فالبلد فلازم يكونوا في مقابلوا طائفية وتفرقة .........

انو هاد السؤال برد عليه بسؤال تاني.....
مين قال انو لازم يلتقى حل للطائفية؟؟؟ومين قال انو الطائفية مو لازم تكون موجودة؟؟؟
اي لاء سيدي لازم يكون في طائفية وتدبح الناس بعضها لحتى يوصلو لتيجة ويكتشفوا غبائهن لانهم لحقو اديانهم.....ولاّ الك....لازم يكون في طائفية منشان يفهم الله انو العالم ما نهن لعبة بين ايديه بينزلهم تلات اديان وكل دين بيناقض التاني وبيقلهم روحو دقو ببعض.....
اي انا هاد رأيي ويللي ما عجبو يئحط....
1-شو هي الله يفهم لك شو متروح تشرحو انت لك يالي خلقك فاهمك وفاهم جد جدك كمان هو يالي برمجك متل الكمبيوتر
2- ما حط 3 اديان مختلفة وقال يالله تقاتلو :zen: والشاطر يربح:clap: ايجاو بتسلسل والتاني يكمل ويعدل يالي سبقو:jakoush: لانو للاسف الانسان بطبعو معارض:notok: :metal: بحب يقول :nono: لا ويعمل العكس
فهمت يا شطور;-)

هلى لساتكون عم تحكو عن الطائفية .... ؟؟؟؟؟؟:? :?



اذا هون وتالت مشاركة علئة .. بدكون بالمجتمع نتخلص من الطائفية ..
ئال الي بيعيش كتير بيشوف أكتر .. :melody:

لا يمكن ان نوجد حل للطائفية بان نقول ....لا توجد طائفية ...لا......اكيد في طائفية...بمعنى انه لكل طائفة مقومات تمنععا من اتذوب بطائفة اخرى..لكن لاتوجد مشكلة في ذلك....كما في سويسرا ةهة بلد مختلف الاعراق...اذن المشكلة اين؟؟؟؟عندما يكون لهذه الطائفية مردودات سياسية واجتماعية..واقتصادية.....ويتخلف مبدا المواطنه...لصالح الطائفية....هنا ستبدا المشكلة.....يذوب مبدا الولاء للدولة لصالح الولاء للطائفة.......

كل شي عنا طائفي الشغلة بتبلش من البيت ومن المدرسة ومن الشلة ومن ........:cry:
وانا بعتقد انو مستحيل ينوجد او يتطبق حل جذري للطائفية بمعنى انو رح يضل فيه طوائف بس
منتمنى ومنتمنى كتير انو ينتشر الوعي بشكل اكبر بحيث انو الانسان يقدر يتقبل ويستوعب اختلاف الاخر عنه:deal:
ومشكلتنا انو نحنا العرب(متل ارض البصل كلنا روس:p ) وكل واحد بدو التاني غصبا عن البشرية انو يصير متلو
واللي مو متلو فهوي غلط وكافر وبيقرف:nono: :yaa3:
وكلام ذا لايت برايي مظبوط لانو للاسف بلا ما يصير تدبيح الناس ما رح يفهمو ويوعو بالتي هي احسن

مين قال انو لازم يلتقى حل للطائفية؟؟؟ومين قال انو الطائفية مو لازم تكون موجودة؟؟؟
اي لاء سيدي لازم يكون في طائفية وتدبح الناس بعضها لحتى يوصلو لتيجة ويكتشفوا غبائهن لانهم لحقو اديانهم.....
لانو فعلا هيك الله بدو:?
بس متل ما قال كريم ومن قبلو زياد
ما في بيجمع العالم غير الحشيش:hashish:

طبعا الطائفية هي مفرز لتعدد الاديان والطوائف والانسان بغض النظر ع مستوى وعيه وادراكه لخطورة الطائفية راح يبقى طائفي طالما هو متدين.....سواء كان مسيحي أو مسلم أو يهودي....

البعض ممكن ما يوافقني الرأي بقوله انو كل الاديان بتنادي بالمحبة والتسامح...وهاد الكلام من حيث المبدأ صحيح...بس طالما كل الاديان فيها خلافات جوهرية بين بعضها البعض راح يضل التنافر بين الاديان كافكار قائم ومستمر...والترجمة لأي فكرة هي ممارسة...ولا يمكن أن تترجم الافكار الصدامية بين الاديان الا بممارسات صدامية قائمة ع رفض فكر الاخر وقناعاته طالما هي بتصطدم بافكار دياناتنا....

الحل الوحيد لالغاء الطائفية...او خلينا نقول..الطريقة الوحيدة لالغاء الطائفية هي تقويض الاديان والغاءها....

واثق تماما انو مو هاد الجواب يللي الناس بدها تسمعو بس يبدو لي انو الحل الوحيد المنطقي...رغم الرفض القاطع يللي راح يتعالى والاصوات المنادية بقطع رأسي....

المشكلة يا جماعة انو الحشيش بتعالج الظاهرة مرحليا مو بشكل دائم....يعني بتهدئ الاعراض بس ما بتعالج المرض....

انو ع هالحالة الصدمة الكهربائية أحسن معناتها....

[quote=TheLight;592470]طبعا الطائفية هي مفرز لتعدد الاديان والطوائف والانسان بغض النظر ع مستوى وعيه وادراكه لخطورة الطائفية راح يبقى طائفي طالما هو متدين.....سواء كان مسيحي أو مسلم أو يهودي....

البعض ممكن ما يوافقني الرأي بقوله انو كل الاديان بتنادي بالمحبة والتسامح...وهاد الكلام من حيث المبدأ صحيح...بس طالما كل الاديان فيها خلافات جوهرية بين بعضها البعض راح يضل التنافر بين الاديان كافكار قائم ومستمر...والترجمة لأي فكرة هي ممارسة...ولا يمكن أن تترجم الافكار الصدامية بين الاديان الا بممارسات صدامية قائمة ع رفض فكر الاخر وقناعاته طالما هي بتصطدم بافكار دياناتنا....

الحل الوحيد لالغاء الطائفية...او خلينا نقول..الطريقة الوحيدة لالغاء الطائفية هي تقويض الاديان والغاءها....

واثق تماما انو مو هاد الجواب يللي الناس بدها تسمعو بس يبدو لي انو الحل الوحيد المنطقي...رغم الرفض القاطع يللي راح يتعالى والاصوات المنادية بقطع رأسي....
التنافر بين الاديان..............امر مستمر
لكن في شغله يمكن مارح تفهم عليه فيها ان الاديان مكمله لبعضها يعني كل كتاب او دين نزل هو تكمله لما قبله
لان منزلها واحد وهالشي لا خلاف عليه بين الاديان الثلاثة ...........لكن وقوع التحريف في بعضها أدى الى الاختلاف
او التعارض فيما بينها ........هذا امر ..........
(طبعا هاد الامر حبيت نوه عليه لمجرد التنويه)
امر اخر ...........ان الاختلاف في الاديان ليس السبب الاساسي لوجود الطائفيه لكن السبب هو طريقة تطبيق الناس لهالاديان
فالدين هو دعوه للتسامح ..........لأن الاديان قبل ان تكون عبادات هي اخــــــــلاق ..........لكن نظرة واحدة للوضع الحالي تؤكد أن الاخلاق التي من ضمنها التسامح مع الجميع هي مجرد كلام متناقل ليس له من التطبيق نصيب.
هنا هو اساس الطائفيه .............من وجهة نظري .


اما تقويض الاديان والغائها فهذا ليس حل حتى لو فكرنا لمجرد التفكير به هذا امر مستحيل حدوثه (( بس مارح طالب بقطع راسك ;-) ))

وبالنسبة لايجاد حل للطائفية هي شي مستعصي لان قبل لازم تتغير النظرات نظرة كل طرف للاخر يكون اساسها احترام مش احتقار ,تتغير الافكار المحتله العقول للجميع ..للمسلم -المسيحي - اليهودي والملحد...........ونحنا هون عم نحكي عن جانب واحد يلي هو الطائفية الدينية.
شكرا ذا لايت.........:D

وبالنسبة لايجاد حل للطائفية هي شي مستعصي لان قبل لازم تتغير النظرات نظرة كل طرف للاخر يكون اساسها احترام مش احتقار ,تتغير الافكار المحتله العقول للجميع ..للمسلم -المسيحي - اليهودي والملحد...........ونحنا هون عم نحكي عن جانب واحد يلي هو الطائفية الدينية.
شكرا ذا لايت.........

مرحبا ليندا، كتير صعب، كتير صعب اني اسمع واحد عم يكفرني و احترمو..
و كتير صعب تخلي الطوايف تحب بعضها، ما هيي اساسا اغلب الطوائف نشئت من طوائف اقدم و اكبر.. و هلم جرا


هلأ المطلوب، اهم اهم شي يعني قبل ما يصير فينا متل لبنان و العراق، انو نعترف ببعضنا، و ما نفكر بالغاء بعضنا مستقبلا
نعترف انو الدرزي موجود، و نآمن انو ما بدنا نحذفو من الوجود
و نفس الشي الشيعة، و السنة، و الاسماعيلية و العلوية و الـ....الخ
و الاورتودوكس و الكاتوليك و الموارنة ... و القائمة تطول و تطول

مرحبا ليندا، كتير صعب، كتير صعب اني اسمع واحد عم يكفرني و احترمو..
و كتير صعب تخلي الطوايف تحب بعضها، ما هيي اساسا اغلب الطوائف نشئت من طوائف اقدم و اكبر.. و هلم جرا


هلأ المطلوب، اهم اهم شي يعني قبل ما يصير فينا متل لبنان و العراق، انو نعترف ببعضنا، و ما نفكر بالغاء بعضنا مستقبلا
نعترف انو الدرزي موجود، و نآمن انو ما بدنا نحذفو من الوجود
و نفس الشي الشيعة، و السنة، و الاسماعيلية و العلوية و الـ....الخ
و الاورتودوكس و الكاتوليك و الموارنة ... و القائمة تطول و تطول
اهلين كريم ........الطائفية موجودة ومتأصله كمان بس محاول الحد منها كمان شي مرغوبولكن صعب.بس تبقى المحاوله موجودة.
التكفير موجود عند الكل ماحدا بينكره فالمسيحي بكفره للمسلم والمسلم بيكفر اليهودي والكل بكفر الملحد وهكذا دواليك .......بقى لو صار هيك ان هاد بيكفرني وانا ماراح احترمه او انو رد عليه بطريقة وقحة مثلا اي نحنا هون بنزيد اسهم الطائفية ونرفعها.............مابقول ابدا ان هالشي سهل لا بالعكس صعب كتير لكن المحاوله مطلوبه دائما وكل شخص مابتتضح شخصيته الا من خلال اسلوب تعامله مع الطرف الاخر ومدى احترامه اله.
نحنا عم ندعي انو نحنا عالم مثقفة وعالم فهمانه بس لما نجي للواقع نحنا ابعد مانكون عن الثقافة والفهم.
الفرق موجودة وبالنسبه لالغائها امر مستبعد وانا قلت قبل ان ايجاد حل للطائفيه امر مستعصي ومااله حل واذا كل فرقة او كل حزب امن بوجود الطرف الاخر واعترف فيه لانتفت الطائفيه وماكان فيه اي مشكل.هون......بس هالشي مستحيل لان كل طائفة ستسعى الا زيادة مؤيديها وتوسيع دائرتها بالمقابل تضيق الخناق على الفرق او الاحزاب الاخرى ....فالمنافسه بينها شي طبيعي .....ونرجع ونقول تغير الافكار هو الاساس.
شكرا الك

للأسف ..

كل الأمم اللي صارت .. أمم .. وعالم وخلق ..


مسكت أمور الدين وشلفتها للمقام التاني ..

العالم يقسم إلى قسمين ..

غرب يعرف من أين تؤكل الكتف .. استطاع أن يخرج من مستنقعات الطائفة .. والعرق ليكون همه الأول في التنمية الثقافية والاجتماعية .. والسياسية .. والاقتصادية والعسكرية ..


وشرق .. مسيطر عليه من قبل الغرب .. أو بالأحرى الغرب ماسكو من الإيد اللي عم توجعه .. أنو يعني بيعرف علة الشرق .. اللي هيي التخلف .. وعم يلعب ع هالوتر لإذكاء الروح الطائفية والشقاقية .. ليضل بالنهاية المتحكم .



إذا شعبنا ما حكا بالدين .. بشو بدو يحكي ؟؟

بالأساس .. شعبنا عندو فهم بأي شي غير الدين .؟

بيعرف شعبنا شي عن الثقافة .. ولا عن الأيديولوجيا .. ولا عن النظريات الاقتصادية .. لحتى تكون موضوع تجاذب .؟؟

الدين هو ميدان التجاذب الوحيد .. ومابدو كتير فهلوية .. وهاد هو السبب .. اللي خلا الطائفية تتجلى بأبشع صورها

لكـ حتى الدين ما حدا فهمانه .. وللأسف كل الأديان خضعت للـ // تسييس//

الحل .. بهالموضوع أنو الدين يضل بقلب البني آدم .. وما يكون إلو علاقة .. بالناحية الاجتماعية .




برجع أنا لكفــّــي فكرتي

نقطة تانية

حدث في بريطانيا عام 2004 بعد الميلاد...
سكرتيرة امين عام الحزب الحاكم، بجلسة غدا مع الاصحاب، رمت نكتة عن الباكستانيين المجنسين في بريطانيا (نكتة هدفها احتقارهم) .. بعد نصف ساعة فقط، تم فصلها من عملها، و تبليغها حضور تحقيق لبت امر فصلها من الحزب... كل هذا بسبب نكتة

صحيح انو الغرب عندو حرية مقدسة، بس عندو قوانين ضد الطائفية صارمة جدا، و الاهم من هيك، انو عندو ضمير ضد الطائفية

نقطة تانية

حدث في بريطانيا عام 2004 بعد الميلاد...
سكرتيرة امين عام الحزب الحاكم، بجلسة غدا مع الاصحاب، رمت نكتة عن الباكستانيين المجنسين في بريطانيا (نكتة هدفها احتقارهم) .. بعد نصف ساعة فقط، تم فصلها من عملها، و تبليغها حضور تحقيق لبت امر فصلها من الحزب... كل هذا بسبب نكتة

صحيح انو الغرب عندو حرية مقدسة، بس عندو قوانين ضد الطائفية صارمة جدا، و الاهم من هيك، انو عندو ضمير ضد الطائفية

وعنده احزاب على اساس الدين المسيحي وفي مسيحيين متشددين وخاصتاً بين البروتستانت والاثذوكس بالغرب

ومن اشي عشر سنين طرد حزب المؤتمر في الهند 7 من اعضائه باسباب طائفيه والقانون الهندي يقمع الطائفيه او القبليه بس وصل حزب بهارتيا جناتا للحكم بعدا

بتعرف ايش صار ؟؟؟؟؟؟؟؟

الغرب بيحترام رآي الاغلبيه ولو كانت 51 % بس بالغرب مش بالشرق !!!!!!!!!!!!!!!!!!!!!!!!!!!!!!!!!!!!؟

يعني على 49% احترام الاغلبيه ضئيله والانتظار للإنتخابات مش الانقلاب

ممكن يكون في 100 قانون ضد طائفيه بس شغله هيه ثقافه وهيدا المنتدى دليل

مع احترامي الشديد لرايك ياكريم الا انو ما بوافقك حتى انو بقدر ااكدلك انو مو كل اوربا ضد الطائفية بس تتحول الى ضد طائفية لما هالشيء يخدم مصالها فحسب او لما بيتعلق الامر بالديانة الام اي الائدة في البلد نفسه

لوينتا؟؟

ههه

لمّا نبطل عرب