فجر ابراهيم حل عنا [الأرشيـــــف]

Government

30/11/2006, 17:43

اول الشي مرحبا
بصراحة هادا الموضوع مو باسمي
هادا باسم كل الجماهير اللي بتحب وبتعشق منتخبنا الغالي على قلوبنا

وطبعا شي حارق قلب معظم عشاق منتخبنا (هي اذا مو كلن) وخاصة بعد مبارياتنا بتصفيات الالعاب الاسيوية ومباراتنا امس مع كوريا الشمالية اللي اللي طلعنا منا متعادلين بعد ماكانت اهم فرصة واهم مباراة النا لنحقق الفوز فيا ونلعب عالاقل مرتاحين شوي بمباراتنا الجاية مع اليابان يعني عالاقل لو فزنا فيا كانت عطتنا راحة نفسية شوي بمباراتنا مع اليابان بس مع الاسف طلعنا منا متعادلين (مع انو الشباب قدمو عرض ممتاز وبيستحقوا الشكر وتالقدير عليه) والكل بيشهد بهالشي

طبعا كلنا منعرف انو نحن ماكنا تأهلنا لنلعب بالاسياد الا بعد انسحاب ايران وطاجكستان واليمن
وتساهل المنتخب العراقي معنا بمبراتنا الاخيرة معن والا كان متخبنا هلأ شايل شناطي وحالق على سوريا
بس كان حظنا منيح والتيار اجا معنا وانسحب طاجكستان واليمن وصار النا فرصة

وبلا طولة سيرة هالحديث الطويل كلو منختصروا بعبارة وحدة
واللي هي انو كل النتائج اللي مابترضي حدا بتقع على عاتق شخص واحد
واللي هو مدربنا الكبير فجر ابراهيم :pos: :pos:

يعني مدرب عمرو مابتجاوز ال 35 سنة وحاطينو مدرب للمنتخب وببطولة مهمة متل هي شو بدو يطلع منو يعني
وبالاضافة لهيك الخبرة عندو تكاد تكون معدومة يعني مثلا تعادلنا بمبارتنا مع سنغفورا على الاقل كان لازم يدارك الوضع شوي ونحقق نتيجة افضل قدام كوريا
بس بالعكس طلعنا بنغس النتيجة وماتغير شي وضل الحال متلم ماهو

ومشان هيك بعتقد انو فجر ابراهيم مابيستحق انو يكون مدرب للمنتخب وببطولة متل هي
وكان اختيارو لتدريب المنتخب غلط كبيرررررررر ورح نتحمل نتااجوا عن قريب :pos: :pos:

Tony 124

01/12/2006, 01:54

والله مو الحق عليه الحق على الاتحاد الرياضي للي محدد اجور المدربين
يعني اكيد المدربين الكبار ما رح يجوا للمنتخب ببلاش

MadMax

01/12/2006, 03:43

هيي وقفت على المدرب
بدك حلول جذرية

Government

01/12/2006, 10:44

والله مو الحق عليه الحق على الاتحاد الرياضي للي محدد اجور المدربين
يعني اكيد المدربين الكبار ما رح يجوا للمنتخب ببلاش

حق معك والله
لانو الاجور اللي عبيعطوا لهالمدربين مابيقبلوا فيا غير هالطراطير
وبالاخر المنتخب بياكل هوا ومنتبهدل

Government

01/12/2006, 10:45

هيي وقفت على المدرب
بدك حلول جذرية

من بدم تبدا بالحلول الجذرية يعني

Government

04/12/2006, 11:59

عالحلاق يافجر ابراهيم عالحلاق
عالحلاق يافجر ابراهيم عالحلاق
عالحلاق يافجر ابراهيم عالحلاق

وان شاء الله مامنشوف وشك مرة تانية بالمنتخب لانو بهدلتنا ..........:pos:

أبو حازم

04/12/2006, 13:30

أبو حازم

04/12/2006, 13:31

بقصد الدفاع

Government

04/12/2006, 13:38

خيو انا بعرف السيد فجر شخصيا
وبقول بكل صراحة طريقة تفكير هالزلمي دفاعية بحتة
فهو من انصار طرقة لعب المنتخب اليوناني اللي فاز بكأس اوربا من سنتين
وراي بكل صراحة وقد اخبرته للسيد فجر انو الفاع ما بينفعنا
الكل بيذكر مع ايران ومع كوريا

لك ااااااااااااااخ ياخيو ااااااااااااااااااااخ
لك انو طريقة دفاعية وانو منتخب يوناني

يازلمة شفت هالطريقة الفلتة تبعتو لوين وصلتنا
تعادل مع سنغافورا صفر صفر
وكمان مع العراق صفر صفر ((بعد الاتفاق والتساهل طبعا))
وطبعا عيب انو مانفوز على اندونيسيا لانو منصير فرجة بعدين :oops:
وتعادلنا مع كوريا الشمالية كمان صفر صفر

وهي امبيرحة كسر حاجز التعادلات واكلنا خسارة عاى كيف كيفك
وماقدرنا نحط غول التعادل حتى
بقى شفت طريقة الدفاع تبعت الاخ لوين وصلتنا
وصلتنا لنحلق من البطولة :pos:

يعني بشرفك لوكان مدرب منيح ماكان غير هالطريقة وحاول يغير هالخطة ويلعب بعقلية تانية
بس مو العتب على مباراة امس لانو لو شو ماكنا مارح يطلعلنا مع اليابان فما بالك اذا مدربنا فجر ابراهيم :pos:
العتب على مباراتنا مع كوريا الشمالية اللي ماحسن الاخ يخلينا نفوز فيا ويخلي امالنا عالاقل تضاعف بالتأهل
او الحصول على افضل تاني

بس اااااخ مو بدك مدرب يفهم

ومية وردة الك
:D :D :D

abu-wdea3

04/12/2006, 15:45

"مو الحق عليه الحق ع الي حطو"

Government

04/12/2006, 15:47

"مو الحق عليه الحق ع الي حطو"

اي والله........................:pos:

Government

07/12/2006, 14:02

فلتسقط يافجر ابراهيم
الله يسود وشك متل ماسودت وشنا

لك مو حرام العراق يتاهل والجمهور العراقي يفرح ونحن مانقدر نتاهل للدور التاني حتى
رووووووووح تضرب انت واللي حطك مدرب
لانو انت ماخرجك تكون مدرب للمنتخب
انت زبادة عليك مدرب براعم

رووووووووح الله يخلصنا منك ومن امثال كل واحد كان السبب بتراجع منتخبنا :x :x