المشاكل زادت صراحة بعد ما تم تعيين منسقين جداد,
وبرجع بسأل نفس السؤال هلئ
شو المعيار او التقييم او الترشيح او ...........الخ يلي صار عليه اختيار المسقين ؟
اذا شفنا المنسقين الجداد منشوف انو هنة على نفس اللون ونفس الوتيرة وكلن بيعرفو وانا مو ضد انو يعرفو بعض بس ما انجاب شخص من الغرب وشخص من الغرب وشخص من الشرق مشان تكتمل الصورة
بدي وضح شغلة مهمة كتير انا بكن كل الاحترام لجميع المنسقين الجداد ومافي اي مشكلة مع اي منسق فين بالعكس في منن بحترمن كتير وبقدر تعبن على اخوية وفي منن بحترمن كتير بس يعني والله مو خرج يكونو منسقين وفي ناس اجدر منن انو يكون منسقين لا بل مشرفين ورح اعطي اسماء( من منظوري الشخصي )


:lol: :lol: طلعنا نحنا راس البلا
أي فلاشو .. (انو بداية طرحك الرايق واحترامي لألك بيجبرني رد )
أنو عأي أساس اختارونا ما بعرف والله .. بس كوننا جديرين أو لأ ... أنا عندي ثقة بالمعظم ... اللي متتبعتو أو اللي بفهم شوي :oops: بأقسامون
طيب يا أخي المية بتكذب الغطاس .. روقو علينا يا أخي لسى ما شفتو خيرنا من شرنا .. :cry:
وكوننا ما مختلفين :
لأ لأ لأ بالعكس مختلفين بطريقة انا كتير حبيتا
مختلفين دينا ومواقف سياسية وحتى بالبلدان الساكنين فيا ..
وبخصوص الأسامي اللي زكرتا بحترم منظورك الشخصي اللي ما بتفق معك بكتير نقط منو ... ( بتبقى كل شخص بيعجبو ناس وناس تانيين ما بيعجبوه ..
وبدي قلك ....... شغلة
اللي بتعنيلو أخوية شي .. وحابب يعطي ما حدا بيمنعو .. مانو بحاجة المسؤولية
أنا كمرسيل بتعنيني مكتبة أخوية .. بغض النظر أنا ولا مين مستلما .. المنسقين ( أسمون منسقين .. بينسقو .)
بس اللي بيعيش أخوية هوي كلياتنا سوا .. ايدي بأيدك بأيد غيرنا وهيك

سوري فلاشو بدي لومك عالتعميم بدي لومك عالسلبية ...أنو في جهد عم ينبذل
جهد جبااااااار عم يبذلو حسام ... وبنسب أقل تباعا ً نحنا كلنا ...
هالسلبية ما بتخلينا نمشي لقدام
:mimo:

:lol: :lol: طلعنا نحنا راس البلا
أي فلاشو .. (انو بداية طرحك الرايق واحترامي لألك بيجبرني رد )
أنو عأي أساس اختارونا ما بعرف والله .. بس كوننا جديرين أو لأ ... أنا عندي ثقة بالمعظم ... اللي متتبعتو أو اللي بفهم

اول شكرا الك على ردك بالمجمل وعلى مجرد مشاركتك بهالحديث وتاني شكرا لتفهمك الموضوع ككل :D

انتو راس البلا ؟
لا والله مو هادا اصدي بنوب
اصد الطريقة يلي تم فيها اختياركن هي المشكلة مو المنسقين بحد ذاتن
وانتو على العين والراس
طيب يا أخي المية بتكذب الغطاس .. روقو علينا يا أخي لسى ما شفتو خيرنا من شرنا .. :cry:

انا مابتفق معك كتير بهالشي للاسف
ليش ؟
لأنو اي عضو فاعل بأخوية وعندو بعد نظر قادر يكتشف اي عضو تاني من مجرد 50 مشاركة مابدي قول اقل من هيك
يعني منشوف اعضاء جداد عندن مشاركات احسن مني بكتير (مابدي اجرح غير حالي وانا مو مقياس لحدا غير حالي ) لدرجة انو بفرضو احترامن على السريع وان يكن بتكوني مختلفة معن

وكوننا ما مختلفين :
لأ لأ لأ بالعكس مختلفين بطريقة انا كتير حبيتا
مختلفين دينا ومواقف سياسية وحتى بالبلدان الساكنين فيا ..

دينيا اي مواقف سياسية ممكن اما بلدان كيف هي ؟
اي ماشفت غير السوريين وان يكن عايشين برا
انا كان اصدي اختلاف بجميع الاشياء والمفاهيم
يعني على مبدأ المعارضة والموالة
يعني حتى يوم بكون المنسق او المشرف او الامين على اختلاف مع الادارة بس انو يكون موجود مشان يحسن يوصل الصوت التاني

وبخصوص الأسامي اللي زكرتا بحترم منظورك الشخصي اللي ما بتفق معك بكتير نقط منو ... ( بتبقى كل شخص بيعجبو ناس وناس تانيين ما بيعجبوه ..


شكرا الك لأحترامك رأيي وانا بحترم رأيك كمان وكلامك سليم 100% وحتى الانبياء كانو الناس مختلفين عليهن يعني مافي حدا عليه اجماع تام بس بضل في نسب عالية ( مابدي الموضوع ينقلب لحوار ديني ):lol:

وبدي قلك ....... شغلة
اللي بتعنيلو أخوية شي .. وحابب يعطي ما حدا بيمنعو .. مانو بحاجة المسؤولية

مزبوط وانا معك بس انو التجاهل هو الحل ؟
طيب شو بتفسري رد الاخ حسام يلي اقتبسو جيمس ؟(بشكل عام )
وشو بتفسري تجاهل هادا الموضوع؟ ( بشكل شخصي )////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أنا كمرسيل بتعنيني مكتبة أخوية .. بغض النظر أنا ولا مين مستلما .. المنسقين ( أسمون منسقين .. بينسقو .)
بس اللي بيعيش أخوية هوي كلياتنا سوا .. ايدي بأيدك بأيد غيرنا وهيك


انت معك الحق بهالشي
وانا هون الي عتب عليكي وعلى غيرك من المنسقين
ليش ؟
لأنو انتو بعد ماصرتو منسقين معد شفناكن بكتير مواضيع مهمة وهي بحاجة لإيضافة ومشاركة منكن مشان نتحاور .
اكيد كل عضو في الو مواضيع بيهتم فيها اكتر من غيرها بس وقت بكون الموضوع ذو حالة او مشكلة اجتماعية بتمس اي شخص فينا مابيمنع انو نشارك كلنا
وانا شخصيا يوم بشوف موضوع مهم وحتى لو كنت على خلاف مع صاحب الموضوع بشارك فيه مشان استفاد منو

سوري فلاشو بدي لومك عالتعميم بدي لومك عالسلبية ...أنو في جهد عم ينبذل
جهد جبااااااار عم يبذلو حسام ... وبنسب أقل تباعا ً نحنا كلنا ...



اول شي ولا يهمك انا مابزعل, طول مانحنا عم نتحاور ومحترمين بعض
بس انت شفتي انو انا ردي كان سلبي !!!!! ليش ؟
يعني لو ما اخوية بتهمني كنت كتبت بهالموضوع ؟
كنت قلت متل مافي عالم بتقول (فخار يكسر بعضو ) بس انا ما هيك بتعامل مع المشاكل
هالسلبية ما بتخلينا نمشي لقدام
:mimo:
تمام الحكي
بس يعني انو لازم دائما يكون في مدح ؟ يعني ما لازم يكون في انتقاد بناء ؟
التحاور والاخذ برأي الأخر هو يلي بخلينا نمشي لقدام

:D
:deal: ؟

وبالنهاية بشكرك كمان مرة على تفهمك للموضوع والمشاركة فيه
تحياتي

لأنو اي عضو فاعل بأخوية وعندو بعد نظر قادر يكتشف اي عضو تاني من مجرد 50 مشاركة مابدي قول اقل من هيك
يعني منشوف اعضاء جداد عندن مشاركات احسن مني بكتير (مابدي اجرح غير حالي وانا مو مقياس لحدا غير حالي ) لدرجة انو بفرضو احترامن على السريع وان يكن بتكوني مختلفة معن

يعني حتى يوم بكون المنسق او المشرف او الامين على اختلاف مع الادارة بس انو يكون موجود مشان يحسن يوصل الصوت التاني :shock:

سوري بس أنت هيك عم تقيمنا وتوصفنا بعدم الكفاءة ... ما بعرف عأيا أساس ... ما عم أعرف :(
نحنا مختلفين عن الأدارة ... وجدا ً ... بس مانا على خلاف وهادا ضروري ليمشي العمل بطريقة منيحة ..


طيب شو بتفسري رد الاخ حسام يلي اقتبسو جيمس ؟(بشكل عام )
سبق وفسرتو لعزيزتي ( مورنينغ )
في هدف ما بيصير يضيع حتى لو الأغلبية هيك بدا ...
السقيفة مانا مكان للنقاش ..
شو ضل غامض برد حسام
أنا عني .. شعرت بالارتياح بعد رد حسام .. برتاح مع الأشخاص اللي بيعرفو أهدافون من البداية
الجماعة اللي ما عندا هدف بتموت بسرعة ... والجماعة اللي كل شوي بتغير أهدافا بتتشتت وبتشتت الأفراد معا



وشو بتفسري تجاهل هادا الموضوع؟ ( بشكل شخصي )////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


هون بقى زعلتني منك
المواضيع اللي بتنتقل عسقيفة البريد ما عاد بيرد عليها ... المفروض تفتح موضوع بالبريد بس صارت بالسقيفة حسام ما عاد بيشوفا


وانا هون الي عتب عليكي وعلى غيرك من المنسقين

أي لأ لأ لأ
من وقت ما صرت أنا ( مخولة أحكي عن حالي )
نزلت موضوع بالصالون وخربوشتين وعم شارك بالمنبر .. عكذا موضوع ...
سوري ماني مضطرة أشارك بموضوع أغلبا مكرر ... وماني مضطرة شارك بمواضيع سبق وناقشت فيا كذا مرة

لك شو أعمل إذا الحب :sosweet: مانو ضمن أفكاري بهالمرحلة:lol: ... ونص مواضيع اللي عم تنزل شغل حبيبة ؟


تمام الحكي
بس يعني انو لازم دائما يكون في مدح ؟ يعني ما لازم يكون في انتقاد بناء ؟
التحاور والاخذ برأي الأخر هو يلي بخلينا نمشي لقدام

:deal: ؟

بالعكس النقد بيمشي العمل لقدام ... بس وقت بيترافق مع المدح
أي ذكر للنقاط الضعف وبيسكت بيكون ما عم ينمي نقاط القوة
بتقول نقاط الضعف .. وبتقول نقاط القوة
وبتعطي حلول عالأرض ... بتنقد العمل مو الأشخاص
أنا مرسيل .. .ورح ضل مرسيل .. ما عندي استعداد ألبس عباية أخوية ... والمنسق مشان أكتب ...
إذا بدي أكتب رد وأحترم فيو الأخر بس لأني منسقة
أي بلاه ...
أنت عم تنقدنا لشخصنا ... وهادا ما بيجوز ... بيجوز تجيني بعد شهر تلومني على شي بالمكتبة
تقلي يا أختي ما عم تعملي شي بقسمك .. تقلي بعدتي عن هدف أخوية ...
بس تقلي أنو شاركتي وماشاركت .. هي أذواق ..
تقلي مع الأدارة أو ضد ...
وبعدين لاتنسى فلاشو .. أنو دائما أرائنا بالأشخاص موضوع نسبي ... أنت شايفنا ماجديرين وشايف غيرنا جدير
هادا رأيك بحترمو وبحطو عراسي من فوق ... بس ؟؟؟ دقيقة مانا جديرين ليش ؟
شو ناقصنا يعني :lol: ( الله يحميني بجنن :ss: )
:mimo:

سوري بس أنت هيك عم تقيمنا وتوصفنا بعدم الكفاءة


سوري ولا لبناني :o :o :o

سوري ولا لبناني :o :o :o
معلاااااااااااااااااااااا ااااااق :lol:

السؤال : كيف بيتم تعيين المشرفين؟؟؟ يعني في مراحل معينة و في اساسات و في مزايا عند المشرف ليتم تعيينو؟
و الاهم من هيك ... اذا المشرف صار مشرف خلص بيتم مشرف للأبد ؟؟؟ و اللا في خطوط حمرا لما بيتجاوزا بيبطل مشرف او ظروف بتوقف المشرفين؟؟؟
وهادا اللينك ومشاركة كريمبو هي رقم 10

هيك سؤال مو مكانو هون لهيك مارح تلاقي الجواب الوافي

هيك سؤال مو مكانو هون لهيك مارح تلاقي الجواب الوافي

اول شي ياحبيبنا هاد السؤال مو تبعي هادا السؤال تبع كريمبو يلي حاطط جنبو اللينك (جرى التوضيح )
تاني باشتان دليني وين بكون المكان الصحيح والجواب الشافي بكون ممنونك :D

سوري بس أنت هيك عم تقيمنا وتوصفنا بعدم الكفاءة ... ما بعرف عأيا أساس ... ما عم أعرف :(



انا ماعممت انتو كا منسقين كلكن بحترمكن بس انا قلت انو في ناس مو جديرة بس الاغلبية بيستحقو هالشي
70%

سبق وفسرتو لعزيزتي ( مورنينغ )
في هدف ما بيصير يضيع حتى لو الأغلبية هيك بدا ...
السقيفة مانا مكان للنقاش ..
شو ضل غامض برد حسام


والله صراحة مابعرف كتير بأقسام اخوية بس انو موضوع متل هاد ليش انحط هون ان كان صاحب الموضع او يلي قلو فتاح هيك موضوع ؟
وهيك موضوع مو جيدر انو ينتقل على شي قسم مشان نتناقس فيه

هون بقى زعلتني منك
المواضيع اللي بتنتقل عسقيفة البريد ما عاد بيرد عليها ... المفروض تفتح موضوع بالبريد بس صارت بالسقيفة حسام ما عاد بيشوفا

الله لايجيب زعل
بس انو كمان للبريد في سقيفة اي والله مابعرف بعدين يعني موضوع اسمو اقتراحات للمنتدى ليش ليطير على السقيفة يعني كل مابدنا نحط اقتراح بدنا نفتح موضوع جديد بس مشان نقول انو فتحنا موضوع وصار عنا كذا موضوع (بالنسبة للاعضاء هالحكي )

أي لأ لأ لأ
من وقت ما صرت أنا ( مخولة أحكي عن حالي )
نزلت موضوع بالصالون وخربوشتين وعم شارك بالمنبر .. عكذا موضوع ...
سوري ماني مضطرة أشارك بموضوع أغلبا مكرر ... وماني مضطرة شارك بمواضيع سبق وناقشت فيا كذا مرة

انا هون كان اصدي انو انت وغيرك منحترمكن كتير وتواجدكن بأي موضوع بضيف رأي جديد وشغلات مهمة
زطبعا كل شخص حر انو يشارك بأي مو ضوع او مايشارك

بالعكس النقد بيمشي العمل لقدام ... بس وقت بيترافق مع المدح
أي ذكر للنقاط الضعف وبيسكت بيكون ما عم ينمي نقاط القوة
بتقول نقاط الضعف .. وبتقول نقاط القوة
وبتعطي حلول عالأرض ... بتنقد العمل مو الأشخاص

انا قلت انو في حلول بس ليجي الاخ حسام
طيب بركي ما رضي انو نعطي حلول هيك من اولها محدا بيزعل من التاني
أنت عم تنقدنا لشخصنا ... وهادا ما بيجوز ... بيجوز تجيني بعد شهر تلومني على شي بالمكتبة
تقلي يا أختي ما عم تعملي شي بقسمك .. تقلي بعدتي عن هدف أخوية ...
بس تقلي أنو شاركتي وماشاركت .. هي أذواق ..
تقلي مع الأدارة أو ضد ...

والله
والله
والله مااصدي اجرح حدا كل يلي قلتو انو رأيي الشخصي هو انو في ناس بتسحق وفي ناس لاء
ومع انو مابحب الدبلوماسية انا بس مافي اذكر الاسماء لي مابتسحق هالشي (مشان محدا يزعل )
وكل شخص بيعرف حالو منيح وحتى الاعضاء الفاعلين بيعرفو هالشي (هي امها وهي ابوها )
شو ناقصنا يعني :lol: ( الله يحميني بجنن :superstar: )
:mimo:
والله ياعمي مو ناقصكن شي بنوب انتو على العين والراس والله يحميكي ويحمي الجميع كمان آمين يارب
:D
بس بدي ضيف كم اسم (من منظوري الشخصي ) بعتذر لأنو انسيتن
ابو طرق
هاندسوم
منوشة
أمين
ابو مرسيل

وتحياتي للجميع وبعتذر اذا كلامي او جزء من كلامي ما انفهم او ماعرفت عبر عنو بشكل صحيح
:D

يا جماعة والله حرام عليكم حرام عليكم

شو الي صاير والله انا رح انجن من هالردود

ليك والله رح اتدمر من الي صاير

ليش شو القصة ليك نحنا بمنتدى اخوية الي الكل بحبو وما بقدرو يفارقو

عنجد انا مستاءة من الوضع يعني مش معئولة هيك الوضع

يعني انتو فتحتو الموضوع لتحلو المشكلة وبالاخر كبرتو المشكلة عنجد مش وضع

يا شباااااب يا قبضايات يا زعماء يا مستشارين يا مشرفين يا منسقين

انا عم بوجه الكلام للجميع ليش هيك عم تعملو؟؟

انتو بدكن تدمرو اخوية الي قضينا فيها احلى الاوقات ؟؟مع احلى اعضاء؟؟

نحنا بدل ما نقدم لقدام ونتطور عم نرجع لورا ليش؟؟

ليش الكل انقلبو فجئة على المشرفين

يعني كل واحد الو مشكلة مع شي مشرف او منسق يعني ما بعرف يحلها بينو وبين المشرف او المنسق؟؟

انا هلأ لا مع المشرفين ولا مع المعارضين يعني ليش؟؟

انا بحياتي ما كنت متوقعة هيك يصير باخوية الي بيجمعنا المحبة والاخوة

بليييييييييييييييز يا جماعة يا كل الزعلانين روقو شوي ما تكبرو القصة

انتو هيك عم بتدمرو اخوية الي جمعتنا باحلى اوقات

تحياتي للكل مع كل الاسف ...((القلب المنادي))

معلم فلاش باك, عن سؤالك اذا في حدا من المنسقين ما بعرفون قبل ما يصيرو.
اي معلم, تشي فادي ما بعرفو, دوت ما بعرفو, دانيتو ما بعرفو, كهربجي مثقف ما بعرفو, سرسورة ما بعرفا, امراة من ورق وكوستا حاكي معهون شي مرتين او تلاتة عالماسنجر وبس. طبعا في معرفة بالمنتدى, بس متل ما بعرفك وبتعرفني. اما الباقي اي بعرفون.

اما بالنسبة لكلامك عن انو المشاكل بلشت لما اجو المنسقين.
اسمحلي اعترض على كلامك. المشكلة مو من المنسقين. المشاكل موجودة قبل ما يجو المنسقين. يمكن هلق بس بينت اكتر. المنسقين ما الون علاقة فيها.


المشاكل من ...........

يلا بلاها
هلق بقلولي يا رايح كتر ملايح :lol:

معلم فلاش باك, عن سؤالك اذا في حدا من المنسقين ما بعرفون قبل ما يصيرو.
اي معلم, تشي فادي ما بعرفو, دوت ما بعرفو, دانيتو ما بعرفو, كهربجي مثقف ما بعرفو, سرسورة ما بعرفا, امراة من ورق وكوستا حاكي معهون شي مرتين او تلاتة عالماسنجر وبس. طبعا في معرفة بالمنتدى, بس متل ما بعرفك وبتعرفني.


اول شي خليني اعتذر منك لأنو بجوز سؤالي كان غامض شوي ومافسرت شو اصدي منو بس صراحة انا كنت قاصد هالشي
تاني شي بدي اشكرك شكر من القلب لأنك جاوبت بكل صراحة على السؤال مع انو متل ما انت حكيت انو نحنا مامنعرف بعض لهي اللحظة :D :D :D

وهلئ خليني فسرلك شو كان مغزى سؤالي
سؤالي كان انو بما انو انت وهاني اكتر مشرفين متواجدين بالمنتدى بشكل يومي ومتفاعلين مع الاعضاء وبما انو كان في نية لأختيار منسقين فخطر ببالي بصراحة وبكل وضوح الأتي :
بما انو الاخ حسام مشغول بدراسة او عمل وما كتير بفوت على اخوية وهو بحاجة لمنسقين فربما اخد رأيكن انو مين الاعضاء يلي بترشحون للتنسيق طبعا اضافة لبعض الامناء المتواجدين بأخوية يلي عطو اسماء كمان
فطبعا انا هيك حسبتا انو انت والبقية يلي ذكرتن انو انتو رشحتو الاسماء

فعلى مايبدو انك انت ما الك علاقة بالموضوع لامن قريب ولامن بعيد
لذلك بدي اعتذر منك مرة تانية وتالتة ورابعة ( ارجوك سامحني )


اما بالنسبة لكلامك عن انو المشاكل بلشت لما اجو المنسقين.
اسمحلي اعترض على كلامك. المشكلة مو من المنسقين. المشاكل موجودة قبل ما يجو المنسقين. يمكن هلق بس بينت اكتر. المنسقين ما الون علاقة فيها.


المشاكل من ...........

يلا بلاها
هلق بقلولي يا رايح كتر ملايح :lol:

ممكن كلامك يكون صحيح لأنو انت بالادارة وبتعرف شو عم يصير خلف الكواليس

وطبعا المنسقين ما الن علاقة انا معك يعني هني شو ذنبن اذا في شي عم يصير من تحت الطاولة
كل الاحترام للمنسقين الجداد وحتى يلي فكرني انو عم احكي عنو بالذات (مع انو انا ما لمحت ولا اوحيت لشخص معين ) وحتى يلي عصب وانحمق :D


وبدي اشكرك على صراحتك المعهودة والشجاعة يلي بتتصف فيها :D وبقلك انو شخص متلك جريئ وشجاع خسارة والف خسارة انو يروح ويترك المنتدى
وبدي اشكر كمان مرة تانية بترفلاي وجاد لأنو شاركو بالموضوع وحاولو يفسرولي بعض الامور :D :D :D
اما البقية يلي شافو الموضوع وماردو عليي او عطو وجهة نظرن بقلكن انو وصلني حقي :D

وبضل السؤال الكبير برسم الاجابة من الاخ حسام
انو كيف تم اختيار المنسقين ؟

انو كيف تم اختيار المنسقين ؟


باختصار........
الواسطة الا دور كبيرررر بتعين المنسقين
والكل بشهد على هالشي

وفي منسقين او تلاتة ((مو الكل طبعا)) هنن ابعد مايكونو انن ينحطوا منسقين وحرام ينحظو منسقين اصلا ;-)
وفي كتيررررر اعضاء جداد او نص قدامى احق منن بالف الف مرة انن يصيرو منسقين ((وانت ذكرت اسمائن))
وطبعا هون بجي دور الواسطة ((ومنرجع منقول مو الكل)):pos: :pos:

باختصار........
الواسطة الا دور كبيرررر بتعين المنسقين
والكل بشهد على هالشي

وفي منسقين او تلاتة ((مو الكل طبعا)) هنن ابعد مايكونو انن ينحطوا منسقين وحرام ينحظو منسقين اصلا ;-)
وفي كتيررررر اعضاء جداد او نص قدامى احق منن بالف الف مرة انن يصيرو منسقين ((وانت ذكرت اسمائن))
وطبعا هون بجي دور الواسطة ((ومنرجع منقول مو الكل)):pos: :pos:

اي انا معي واسطة من وزير السياحة ووزير الاعلام ووزير الاقتصاد ووزير ....... يعني شو بدي عد لعد :o

هلأ بلا المزح وخلينا بالجد انا فعلا مابعرف على اي اساس تم اختيارنا بس فيي قلك عالاكيد انو مو عن طريق الواسطة لاني انا عن حالي ولقبل ماتم اختيارنا مابعرف اي حدا من الادارة غير من خلال المنتدى هون وتحديدا من خلال المشاركات ومن خلال الرسائل الخاصة احيانا مع هاني وجاد واللي حكيت معون يمكن مرة او تنين عالماسنجر....... وصار مراسلة مرات كتير قليلة مع اعضاء تانيين من الادارة بخصوص استشارات بمواضيع او طلبات منون بشغلات بتخص مواضيعي متل انو يتسكر واحد من مواضيعي او هيك شي..... المهم انو هاد مافيك تسميه شللية ووسايط متل ماانتو حابين تسموه ...... وانا اكيدة متل مااختاروني اختارو الباقيين على نفس الاساس يعني مو الواسطة

بكل الاحوال برجع بطلب منكن انو بس تنقدو تنقدو على اساس وقائع مو بس شكوك او اشاعات (وواضح انها اشاعات من كلمتك اللي انت حكيتها بانو الكل بيشهد على هالشي :shock: )

:D

(وواضح انها اشاعات من كلمتك اللي انت حكيتها بانو الكل بيشهد على هالشي :shock: )



لا انا ماعبحكي هالكلام عن رأي الاعضاء بس
وعلى فكرة......
انا لو بدي نثبت انو في كم مشرفة تعينو بالواسطة فهالشغلة بتنثبت وبكل سهولة
بس رح يصير ذكر اسماء بهالشغلة ((وطبعا انا مابدي اذكر اسماء حدا))
وكمان اذا بدكن بتشوفوا العلاقة الوثيقة بين هالكم منسق اللي بقصدن وبين المشرفين
وبالتالي هالغلاقة القوية ادت لانن يتعينوا منسقين بسبب الدعم والمدح اللي اجاهن من اصدقائن المشرفين

وطبعا انا مارح اذكر اسم حدا ولا رح احكي اي شي عن حدا
واللي صار صار ولا انا ولا غيري منحسن انو نشيل المنسق اللي تعين
وهي هية القصة

وبرجع بذكر مرة تانية
((انا ماعبحكي عن الكل طبعا))

:D

انا بدي اكتب رد كتير قصير موجه لفلاش باك وبيخصني انا...
قبل تعييني كمنسق وحتى الان ما بعرف اي حدا من الادارة معرفة شخصية ابدا...ومن بعد تعييني كمنسق تعرفت شوي ع جاد وحكينا مرتين ع الماسنجر..ومن بين المشرفين والامناء بعرف الاسماء الحقيقية لخمسةاو ستة بس..ولهد هلق ما تبادلت حديث شخصي مع اي من المشرفين...وبالتلي ما فيني اقول ابدا انو الواسطة لعبت دور...
بالمقابل اذا الاعضاء بيشوفوني غير مؤهل لكون منسق..فأنا مستعد قدم اعتذاري عن البقاء بالتنسيق..لأنو نحن كمنسقين مو شغلتنا نكون عسكر او نكون بالمرصاد لحدا....ومان بالمقابل بحب اشير لنقطة مهمة...انو مو دايما الخيار بيشمل كل الناس يللي بيستحقوا لأن المنتدى فيه اكتر من مية عضو بيستاهلو يكون بالتنسيق او الاشراف...
وتقبل محبتي

بالمقابل اذا الاعضاء بيشوفوني غير مؤهل لكون منسق..فأنا مستعد قدم اعتذاري عن البقاء بالتنسيق..ل


انا من جهتي بحطك انت وكم منسق تانيين
بحطكن على راسي من فوق
وبعتقد انو تعينكن كمنسقين ماعليه اي كلام لانو انتو بتستحقوا انو تصيرو منسقين عنجد
لانكن عنجد بتستحقوا كل احترام وتقدير

:D :D :D

وكمان اذا بدكن بتشوفوا العلاقة الوثيقة بين هالكم منسق اللي بقصدن وبين المشرفين
وبالتالي هالغلاقة القوية ادت لانن يتعينوا منسقين بسبب الدعم والمدح اللي اجاهن من اصدقائن المشرفين

:D

معلم بحب الفت انتاهك انو اذا كان صار صداقة متل ماعم تحكي بين الاعضاء اللي صارو منسقين وبين مشرفين فهيي صارت من خلال التعارف بالاخوية وبس...... يعني معرفة المشرفين بهدول الاعضاء صارت من خلال مشاركة الاعضاء بالاخوية ومااجت من خلال معرفة شخصية او لانو هاد اخو هاد وهاد ابن عم هاد....... وبالتالي اذا كان صار هيك شي (وانا واثقة انو ماصار بس يعني اذا ولا بد بدنا نحكي فيها) فهيي شغلة ايجابية ومانها سلبية

:D

انا من جهتي بحطك انت وكم منسق تانيين
بحطكن على راسي من فوق
وبعتقد انو تعينكن كمنسقين ماعليه اي كلام لانو انتو بتستحقوا انو تصيرو منسقين عنجد
لانكن عنجد بتستحقوا كل احترام وتقدير

:D :D :D

ع راسي حسون وانا بعرف انو رغم الخلافات يللي صارت بيناتنا فانا بضل بشوفك متل اخي الصغير...
طبعا في ناس كتير بالمقابل بيشوفون بشكل تاني والهم رأيهم الخاص وكما بحترم رأيهم...بس بحالة وحدة..وقت بكون رأي موضوعي مو رأي عشوائي نتيجة اللبس بالاسماء...

انا بدي اكتب رد كتير قصير موجه لفلاش باك وبيخصني انا...
قبل تعييني كمنسق وحتى الان ما بعرف اي حدا من الادارة معرفة شخصية ابدا...ومن بعد تعييني كمنسق تعرفت شوي ع جاد وحكينا مرتين ع الماسنجر..ومن بين المشرفين والامناء بعرف الاسماء الحقيقية لخمسةاو ستة بس..ولهد هلق ما تبادلت حديث شخصي مع اي من المشرفين...وبالتلي ما فيني اقول ابدا انو الواسطة لعبت دور...
بالمقابل اذا الاعضاء بيشوفوني غير مؤهل لكون منسق..فأنا مستعد قدم اعتذاري عن البقاء بالتنسيق..لأنو نحن كمنسقين مو شغلتنا نكون عسكر او نكون بالمرصاد لحدا....ومان بالمقابل بحب اشير لنقطة مهمة...انو مو دايما الخيار بيشمل كل الناس يللي بيستحقوا لأن المنتدى فيه اكتر من مية عضو بيستاهلو يكون بالتنسيق او الاشراف...
وتقبل محبتي

اول شي خليني ابدي اعجابي بصراحتك واشكرك عليها
وانت مانك مضطر تجاوب على شي انت مابتعرف شي عنو انا سؤالي كان موجه للأخ حسام وليس للمنسقين
وخليني كون معك صريح متل ماكنت صريح معي
انا بيشهد ربي عليي انو مافي شي شخصي ضد اي حدا منكن ابدا
انا في الي بعض التحفظات على بعض المنسقين هي القصة كلها
وانت بتستاهل اكتر من انو تكون منسق
وذا بتذكر معي ذالايت من شي 3 شهور يوم صارت المشكلة بأخوية مشان اعضاء السعودية وغيرها ويوم كوستا عم اضراب 48 ساعة وكنا كلنا معو بهالشي
وقتا كانت المشكلة انو المشرفين ماكانو عم يدخلو على اخوية يعني كانت الشغلة بس القاب
طيب وهلئ مو نفس الشي بس زاوية تانية
يعني نحنا شومنستفيد من امين او مشرف او منسق مابيدخل بالشهر مرة ؟ يعني الشغلة بس محسوبيات والقاب ؟
طبعا هادا غير انو في اعضاء اقدر من بعض المنسقين على ادارة العمل

وبما انو انت صريح وانا كمان صريح بدي اسألك سؤال وياريت تجاوبني عليه بصراحة ومابدي منك اسماء بدي منك جواب نعم او لاء
السؤال انت كا عضو اولا ومنسق تانيا بتشوف كل المنسقين بيستاهلو انو يصيروا منسقين ؟

واذا السؤال بيحرجك انت مانك مضطر تجاوب ابدا

وتحياتي الك وبشكرك مرة تانية على صراحتك :D

وانا قبلت محبتك واحترامك للغير وارجو تقبل مني محبيتي ايضا :D
وبتمنى انك تضل هيك على طول

معلم بحب الفت انتاهك انو اذا كان صار صداقة متل ماعم تحكي بين الاعضاء اللي صارو منسقين وبين مشرفين فهيي صارت من خلال التعارف بالاخوية وبس...... يعني معرفة المشرفين بهدول الاعضاء صارت من خلال مشاركة الاعضاء بالاخوية ومااجت من خلال معرفة شخصية او لانو هاد اخو هاد وهاد ابن عم هاد....... وبالتالي اذا كان صار هيك شي (وانا واثقة انو ماصار بس يعني اذا ولا بد بدنا نحكي فيها) فهيي شغلة ايجابية ومانها سلبية




لك خيتو انت ما فهمتيني
مو موضوع خلافنا على انو كيف تعرفوا على بعضن
ان شاء الله يكونو تعرفوا على بعضن بالعسكرية هي مو مشكلتنا
نحن مشلكتنا انو المعرفة اللي صارت بين هالمنسق والمشرف التاني هي اللبي خلت هالمنسق يصير منسق ولا لولا هيك ماكان حدا انتكش في لانو هو مو اهل لانو يصير منسق بالمرة ;-)
بس صداقتو لهالمشرف هي اللي عطتو الدعم وصار اللي صار
على كلن متل ماقلت اللي صار صار وان شاء الله تتغير هالاوضاع وترجع الاخوية متل ماكانت
لانو والله العظيم وجعنا راسنا من المشاكل وخاصة بالفترة الاخيرة ومتل مزكرت من قبل انو نحن جايين هون لاخوية لانو بتزكرنا ببلدنا وباهلنا وبناسنا مالنا جايين مشان نعمل مشاكل مع هادا وهادا ونقاتل هداك
وهي هي الفكرة اللي بدي وصلا
وكل مشرف تعين سواءا بالحق او بغير الحق
فالله يهني وان شاء الله منا للاعلى

ونقطة عالسطر حبيتك ااااااااااااااااخ شو حبيتك :o


ع راسي حسون وانا بعرف انو رغم الخلافات يللي صارت بيناتنا فانا بضل بشوفك متل اخي الصغير...
طبعا في ناس كتير بالمقابل بيشوفون بشكل تاني والهم رأيهم الخاص وكما بحترم رأيهم...بس بحالة وحدة..وقت بكون رأي موضوعي مو رأي عشوائي نتيجة اللبس بالاسماء


واعز من اخي والله :oops:
ومتل ماقلت انو من الاول لازم تصيرو منسقين
ومشرفين حتى لانكن اكتر ناس ممكن يصيروا مشرفين لانو كل شروط المشرف او المنسق بتتوافر فيكن

وتوقيعك القديم اللي كنت كاتب في
لا للظائفية
اكبر دليل على هالشي



ومية وردة للجميع
:D :D :D


ولاتواخذوني لاني حكيت كتيرررررررر
بس المهم تكون وصلت فكرتي ومارح كل هالكتابة اللي كتبتا علااااااااك
((لانو والله ايدي انكسرت)):p

اي شباب بدي اسئل سؤال قصير وسمبل
مع اني كنت قايل لحالي بلا هالحوار يلي مالو نفع و بعتبرو مضيعة للوقت
يعني ليش لهلق لحتا شفتو انو الاشراف مو منيح ( هلق بعد ما اجا الجيل الجديد ) ليش :shock:
وين العبرة ؟ ( في قلب الشاعر ؟ ) :lol:

اي شباب بدي اسئل سؤال قصير وسمبل
مع اني كنت قايل لحالي بلا هالحوار يلي مالو نفع و بعتبرو مضيعة للوقت
يعني ليش لهلق لحتا شفتو انو الاشراف مو منيح ( هلق بعد ما اجا الجيل الجديد ) ليش :shock:
وين العبرة ؟ ( في قلب الشاعر ؟ ) :lol:

بتسمحلي جاوبك ؟
اذا سمحتلي فالجواب الأتي :

بالنسبة الي انا ماحكيت انو انتو عم تعملو مشاكل او اي شي من هالقبيل
يلي قلتو كيف تم اختياركن ؟
يعني لو كانت مجموعة تانية من الاعضاء هنة يلي صارو منسقين كنت رح اسأل نفس السؤال ؟
اما بخصوص صلب سؤالك
فهو على حسب معلوماتي المتواضعة انو وقت صار في شي اسمو مشرفين جداد كان باب الترشيح مفتوح متل ماحكى الاخ حسام( بهداك اللينك يلي حطيتو بالصفحة يلي قبل هي ) وانو في مجموعة اسئلة بدو يجاوب عليها العضو في شي خاص وفي شي عام وطبعا الادارة هي يلي بتشوف مين الانسب
اما بالمنسقين فلا صار باب ترشيح ولا محزنون يعني ماشفناكن غير صرتو منسقين (احلى منسقين والله شباب وصبايا ):D
طيب هلئ انت حاول تنسى انك منسق وشوف انو معي حق اسأل ولا لاء ؟

واذا مابتسمحلي جاوب
انسى يلي قلتو
تحياتي

اول شي خليني ابدي اعجابي بصراحتك واشكرك عليها
وانت مانك مضطر تجاوب على شي انت مابتعرف شي عنو انا سؤالي كان موجه للأخ حسام وليس للمنسقين
وخليني كون معك صريح متل ماكنت صريح معي
انا بيشهد ربي عليي انو مافي شي شخصي ضد اي حدا منكن ابدا
انا في الي بعض التحفظات على بعض المنسقين هي القصة كلها
وانت بتستاهل اكتر من انو تكون منسق
وذا بتذكر معي ذالايت من شي 3 شهور يوم صارت المشكلة بأخوية مشان اعضاء السعودية وغيرها ويوم كوستا عم اضراب 48 ساعة وكنا كلنا معو بهالشي
وقتا كانت المشكلة انو المشرفين ماكانو عم يدخلو على اخوية يعني كانت الشغلة بس القاب
طيب وهلئ مو نفس الشي بس زاوية تانية
يعني نحنا شومنستفيد من امين او مشرف او منسق مابيدخل بالشهر مرة ؟ يعني الشغلة بس محسوبيات والقاب ؟
طبعا هادا غير انو في اعضاء اقدر من بعض المنسقين على ادارة العمل

وبما انو انت صريح وانا كمان صريح بدي اسألك سؤال وياريت تجاوبني عليه بصراحة ومابدي منك اسماء بدي منك جواب نعم او لاء
السؤال انت كا عضو اولا ومنسق تانيا بتشوف كل المنسقين بيستاهلو انو يصيروا منسقين ؟

واذا السؤال بيحرجك انت مانك مضطر تجاوب ابدا

وتحياتي الك وبشكرك مرة تانية على صراحتك :D

وانا قبلت محبتك واحترامك للغير وارجو تقبل مني محبيتي ايضا :D
وبتمنى انك تضل هيك على طول

اي فلاش باك....انا بدي كون صريح معك...بالنسبة لموضوع المنسقين وبصراحة راح الك...انو انا في من المنسقين الجدد ناس ما بعرفهم ولا بعرف شي عنهم...وبالتالي مافيني قيمهم...بس من حيث انو مو كلنا متوافرين فهاد كلام صحيح وانا أول واحد لنو بالنهاية نحن عنا حياتنا وشغلنا ودراستنا ومو دائما بنكون متواجدين بالشكل المطلوب.... هاد مو سبب كافي لتقييم مشرف اومنسق او عضو...
نقطة تانية...ف ناس تانية عندها مؤهلات تكون منسقة واذا بتحب بسميلك كتير ناس بس عندي اعتراض بالوقت نفسو على بعض الاسماء يللي انت حطيتها...وهاد الشي عم قولو بس لقلك انو دايما في اختلاف بوجهات النظر...ويللي انت بتشوفو مناسب بيجوزانا ما شوفو هيك...
تحياتي

اي فلاش باك....انا بدي كون صريح معك...بالنسبة لموضوع المنسقين وبصراحة راح الك...انو انا في من المنسقين الجدد ناس ما بعرفهم ولا بعرف شي عنهم...وبالتالي مافيني قيمهم...بس من حيث انو مو كلنا متوافرين فهاد كلام صحيح وانا أول واحد لنو بالنهاية نحن عنا حياتنا وشغلنا ودراستنا ومو دائما بنكون متواجدين بالشكل المطلوب.... هاد مو سبب كافي لتقييم مشرف اومنسق او عضو...


اهلين ذالايت
اول شي انا ماقيمت حدا, ولا قلت انو التواجد بأخوية هو المعيار ابدا انا ماحكيت هيك شي بنوب وطبعا كل شخص مننا عندو شغلو ودراستو وعملو وحياتو الخاصة كلامك صحيح 100%
انا يلي قلتو انو شو المعيار يلي تم اختيار المنسقين عليه ؟
بس انا قلت انو الي بعض التحفظات على بعض المنسقين
وقلت انو في بعض المشرفين والامناء مابيدخلة بالشهر مرة ولاء حتى اكتر من شهر انو ليش يعني شو الاستفادة من هالشي


نقطة تانية...ف ناس تانية عندها مؤهلات تكون منسقة واذا بتحب بسميلك كتير ناس بس عندي اعتراض بالوقت نفسو على بعض الاسماء يللي انت حطيتها...وهاد الشي عم قولو بس لقلك انو دايما في اختلاف بوجهات النظر...ويللي انت بتشوفو مناسب بيجوزانا ما شوفو هيك...
تحياتي

كلامك على العين والراس مزبوط متل ماحكيت انت وانا كلشخصمننا من منظورو الشخصي بشوف شخص مناسب للترشيح
لهيك ومشان مانطلع عن الموضوع الاساسي برجع بطرح السؤال الجوهري ويلي بأجابة الاخ حسام عليه بينهي الموضوع نهائيا
وهو كيف تم اختيار المنسقين ؟

تحياتي حبيبنا وشكرا كمان مرة لمشاركتك بالحديث انت ويلي شارك بالموضوع واخص بالذكر اصحاب العلاقة وكنت على قد المسؤلية وكمان اصحاب العلاقة وماعملت متل غيرك عم يشوف الموضوع بس يبدو مابدو ينهي هالسجال

سلامات

هو العيد امتى والخبز شو صار 50 ليره