الى الحكام والقادة العرب : الجميع يبحث عن المطر ،،البعض يقيم صلاة الاستسقاء ...
للمطر نكهة خاصة
المطر مخلوق غريب وموهوب جدا ,امكانياته غير محدودة ولديه القدرة على غسل الارض في زخة واحدة فقط !
المطر هو من غسل ارواح شهدائنا في لبنان (1975-1990)وفي الجولان(1973)
ولكن...نحن نختلف عن المطر في كل شئ ونشترك معه في السقوط فقط !!!!!!!!!!
نحن نريد انسانا كالمطر .. نقيا كالمطر .. عادلا كالمطر ..... من الاخر بدنا انسان مطري !!
هاد الانسان المطري لازم يكون طاهر متل ما ولدتو امو ! طيب سؤال كيف نعود كما ولدتنا امهاتنا ؟!!!!!
بعد ان تعاطينا بالوطن على اساس وجهة نظر ومصالح شخصية ..
بعد ان بعنا واشترينا بأوطاننا ..
بعد ان تنازلنا للاجنبي عن الضمير والاخلاق والقيم والشرف ..
بعد ان عثنا بالوطن فسادا ..
بعد ما حولنا اوطاننا الى بزنس (خود وعطي) ومهرجانا للرقص والاغاني(لك ابوس روحا لريم الخيام اخخخ بس يوم واحد )
العملية بسيطة جدا وخالية من التعقيد اخلع تيابك وروح البس منشفة بيضة لفها على جسمك
وبعد ما اعياك السعي بين واشنطن وبين لندن روح على الصفا والمروى واسعا هنيك !
وبعد ان ضحيت بكل شي متل الكرامة والمبادئ والقيم روح ضحي ببقرة او بخروف او حتى جيجات!
وبعد ان صعدت على اكتاف الوطن المنكوب ..
اصعد على جبل عرفة !بهذا تعود كما ولدتك امك لتعيد الكرة مرة اخرى من جديد وتواصل مسلسل الرذيلة والطعن بالوطن والدين من جديد منتظر موسم حج جديد !!!

كيف شريك :larg: ؟

لك الله حيوووووو :clap:


كتعقيب عالموضوع : [ كيف تعود الـ**** كما ولدتها أمها ؟ ] .. بالمرفقات شريك :p ;-)

تحياتي سيد سكران وكأس المحبة،صاحب التوقيع المميز دائماً.
الجواب على سؤالك هو مستحيل لا للسياسي ولا لغير السياسي فالإنسان غير معصوم عن الخطأ وكما قال السيد المسيح
(من كان منكم بلا خطيئة فليرجمني بحجر ) فلنفصل الدين والروحانيات عن
الدولة وعن السياسة ونبني جميعاً مجتمعنا بالعقل
وليس بالنقل.:deal: :deal: :deal:

اهلين بالاصلاحي وشكرا على وجهة نظرك الي انا بأيدها انو فعلا لازم الواحد يفصل بين الدين وبين الدولة
بس انا يا حبيبي كان اصدي انو: السياسي صحيح مو معصوم عن الغلط بس يا عيني في غلط عن غلط بيفرق ...
يعني اذا غلط وماكان اصدو منقول مو مشكلة.. او اذا غلط وكان اصدو مرة او مرتين كمان منقول مو مشكلة الله يسامحو... بس اذا كل يوم بيغلط وكل يوم بسرق وكل يوم بيقمع وكل يوم بيعتقل و .. و .. الخ ،، هيك بيكون زودها كتير !! وله شو رايك ؟؟؟ يعني اذا غلط منقول معلش عادي كل الناس بتغلط اذا سرق مثلا شو منقول خلص يعني منسكوت ومنقول انو عادي كمان الناس مو معصومة عن الغلط ؟؟
يعني انا كنت عمبتمسخر على بعض السياسين الي بيعملو العمايل وبيستمروا بالغلط وبالاخير بيروحو على الحج وكأنو ما صار شي !!! لانو عنا بالاسلام الي بيروح بيحج بتنغسل كل ذنوبو بس طبعا اذا تاب وندم من قلبو على الي عملو واعترف بغلطو (انما الاعمال بالنيات) ! اكيد الله مارح يغفر لواحد نيتو اذا كانت مو صافية !! فياريت وضحت الفكرة ... وشكرا الك

بهذا تعود كما ولدتك امك لتعيد الكرة مرة اخرى من جديد وتواصل مسلسل الرذيلة والطعن بالوطن والدين من جديد منتظر موسم حج جديد !!!
ملعوبة..;-)
THANKS..:D

رأي هو أن هناك فرق كبير بين سياسي وصل إلى منصبه نتيجة لانتخابات عادلة وشريفة وبذلك هو مجبر لاحترام عقول من انتخبوهم ومصالحهم والبرنامج السياسي الذي انتخبوه على أساسه.
أما ما تصفه يا سيدي بالسياسي، فلا علاقة له بالسياسة فهو ديكتاتور، على الأرجح وصل إلى الحكم على ظهر دبابة مع عصابة من اللصوص
والمرتزقة واستولوا على أعناق وأرزاق العباد
والباقي ليس خفيا على أحد.
أما عن ذهابهم إلى الحج فمع الأسف هؤلاء الدجالين يستخدمون الدين لتحقيق غايتهم تحت
شعار الغاية تبرر الوسيلة.لكنهم بالتأكيد لا يمثلون
هذا الدين الذي وصل إلى أقصى أسيا بالقيم والأخلاق والعدالة، المفقودة عند هؤلاء الطغاة.