والله يا عزيزي لا عايش باوروبا ولا شي كل هالشي اعرفه من بيت اهلي بالدير بس المشكل انه ابوي لسانه اطول منه ومشكلجي ومجرم طاير من فرع لفرع لانه تعرف التعاطي بها الامور مثله مثل السرقة والمخدرات وبي شباب جامعات سوري كثير يعرف هالحقائق بس عقدة الخوف ومضادات السياسية الحيوية اللي حقنوها اهلهم بروسهم هي اللي مخليتهم يضربون طناش ويلحقون المسخرة لانه على عليها لا جمرك ولا حسيب

كم واحد بالبلد .. بيفهم شو معناة ناصري .. وشيوعي وبعثي ؟

أنت عايش بأوروبا ؟

يا سيدي منجس عالشريحة المثقفة اللي هنن طلاب الجامعة .. بيعرفو شي .. غير شادي أسود وهادي أسود .. ونانسي عجرم شوعملت .. والواوا آح .. و friends و شو عمل فلان .. وشو أكلت فلانة .. و مين حب مين .. ومين كره مين ؟


مين بهالبلد عندو هالوعي ؟؟

ما بظن انو يحطو إيدون بإيد اميركا و بريطانيا ...
لأنون كمان بدون يكونو قدوة لأبناء الشعب ... يعني أكيد الشرفاء متلي و متلك ما رح يصوتو لواحد حاطط أيدو بأيد أميركي ولا بريطاني ... و أكيد ما لح نخلي الأميركان يحطو قاعدة بأرضنا سوريا مشان نطلع عال Google Earth
و أكيد ما لح تقلع شي طيارة أميركية من مطار سوري مشان تضرب شي بلد حليف او بلد عربي
يعني مع مين بدك يانا نوقف ؟؟ مع الأميركان يللي جايين يغتصبونا ؟؟ أصدي يغتصبو أرضنا ... و شايفين العراق شو عم بصير في ؟؟ ولا مع الحكومة ؟؟ سواء إذا كانت فاسدة أو لأ شي ما بهمني !!
ما بعرف هي نظرتك
بس أنا بالنسبة قلي عم حاول غير البلد من ورا الأحزاب الباقية ... يعني خلينا نجرب شي حزب تاني
داق خلقنا من القهوة ... صار بدا سكويز :melody: !!
كوستا ... يعني ليش لحتى ما يكون يللي بالبصرة مع الحلبي ولا ابن الساحل ؟؟ ليش لأ ؟؟
ليش سوريا ما فيا يللي من دير الزرو و الحسكة ؟؟ و ابن الشام و ابن ابو رمانة ؟؟
ليش ابن المخيم مو عايش مع ابن المالكي تحت سما وحدة ؟؟ و تحت شعار بلد وحدة ؟؟
بعدين العرب كلون كانو شقفة وحدة ؟؟
و ازا منطلع عالتاريخ ؟؟ بمستوى بياني ؟؟ ما منلاقي العرب طالعين إلا وقتا كانو سوا !!
بعرف انو حكي نظري و ممل انو امة عربية واحدة !!
بس هاد الشي الصحيح !! بعدين ما عم قللك انا نوحد تونس و مصر !! يعني التونسي و الجزائري ما منفهم عليهون
عم قللك نوحد سوريا الكبرى يللي كلنا منرجع لقلا !!

ولله بجوز تكون منافسة تمثيلية .. بس ما منخسر شي إذا لحقنا الكزاب لورا الباب ..
بس عندي سؤال !!
مين هوي أكتر واحد مثقف ببلدك ؟؟
مين هوي اكتر واحد فهمان ببلدك ؟؟
مين اكتر واحد عم يشتغل ببلدك ؟؟
شوف التطور يللي صار تقنياً و معلوماتياً و شوف كم شركة انترنت صار في ببلدك
بإختصار !!
كان في شخص بيشتغل بمايكروسوفت و جابو علا سورية و سلمو وزارة اللإتصالات
طبعا عمرو سالم :ss:
عمرو سالم من أحد رموز الحزب الإجتماعي القومي السوري !!
و ازا كانوا كللون هيك .. فلا تخاف عالحزب ..

على كل حال كلامك صحيح جداً مشان الحزب الشيوعي ... بس كمان أنا بظن انو دخلو الأحزاب مشان انو ديمقراطية ..
بس ما بعرف ازا هدول الأحزاب هنن عملاء ولا لأ ..
بس ما بظن
علا كل حال شكرا كوستا لح أخود بالإعتبار أنو 50 % من المنتسبين لهيك حزب هنن عملاء
شكراً عالنصيحة ;-)
و شكرا علا ردك و حوارك :deal:

اهلين Diabl0 :D
ما بظن انو يحطو إيدون بإيد اميركا و بريطانيا
طيب وقت كانو السوفييت عم يركدو لعننا ما حدا حط ايدو بايدهون
هل وينون السوفييت ...... ما ضل بالميدان غير حديدان
يعني مين البديل عن اميركا وبريطانيا ؟؟؟؟؟(طبعا هاد سؤال انا عم اطرحوا.... مو يعني انا موافق عليهن)

بس أنا بالنسبة قلي عم حاول غير البلد من ورا الأحزاب الباقية ... يعني خلينا نجرب شي حزب تاني
شو رأيك نعمل حزب انا وانت وفي كم شب قبضايات ;-)

كوستا ... يعني ليش لحتى ما يكون يللي بالبصرة مع الحلبي ولا ابن الساحل ؟؟ ليش لأ ؟؟
ليش سوريا ما فيا يللي من دير الزرو و الحسكة ؟؟ و ابن الشام و ابن ابو رمانة ؟؟
ليش ابن المخيم مو عايش مع ابن المالكي تحت سما وحدة ؟؟ و تحت شعار بلد وحدة ؟؟
كلون عايشين تحت سما وحدة وعلى ارض وحدة
والسما لما بتمطر بتمطر على الكل
والارض لما بتعطي بتعطي الكل
والسما والارض ما بتعرف اردني ولادقاني وعراقي وفلسطيني وحمصي ولا حتى مسلم ويهودي وعلوي ومسيحي ودرزي وكردي وماروني و...و....و......الخ
بس يللي بقصدو انو مافيهون يكونو بظل دولة واحدة بس في حل الهون هو الاقتصاد والتجارة والتبادل بيناتهون
وهيك بكونو متوحدين اقتصاديا وتجاريا

مين هوي أكتر واحد مثقف ببلدك ؟؟
مين هوي اكتر واحد فهمان ببلدك ؟؟
مين اكتر واحد عم يشتغل ببلدك ؟؟

في كتير مثقفين مو طالع بايدون شي ولا حدا عارف فيهون
والفهمانين شرحو متل المثقفين
اما عن الشغل واكيد المقصود بالشغل يللي لصالح البلد
هدول قلال كتير ...... ليش ؟
لانو يا معلم دوبا الناس ملتهية باكلها وشربها وتأمن عيشتها

على كل حال كلامك صحيح جداً مشان الحزب الشيوعي ... بس كمان أنا بظن انو دخلو الأحزاب مشان انو ديمقراطية ..
بس ما بعرف ازا هدول الأحزاب هنن عملاء ولا لأ ..

اي اكيد عملاء لانو يللي لساتون على كراسيهون عم يطاطو للنظام البعثي لاجل المحافظة على الكرسي
ويللي ملاحق بكون عم يخدم البلد عن طريق فكر حزبو وما رضي يصير بعثي منافق

و شكرا علا ردك و حوارك :deal:
شكرا الك يا باشا :D

داق خلقنا من القهوة ... صار بدا سكويز :melody: !!

وانا رايح جيب قنينة بيرة واشرب كاس ...... بصحتك

أصبح الموضوع بحكـــم ............ // الميؤوس من اللي خلقه //


لأنو ما حدا جاوبني .. ع استفساراتي لـ هلئ .,

أصبح الموضوع بحكـــم ............ // الميؤوس من اللي خلقه //


لأنو ما حدا جاوبني .. ع استفساراتي لـ هلئ .,


ولله لما يتفرع الموضوع و يبلشو يتناقشو , بضيع الموضوع كللو ..و هي أكبر مشكلة بتواجها الأمة العربية كلا :p
لح اكتب موضوع .. قرا .. عن هالمشكلة بالذات

أصبح الموضوع بحكـــم ............ // الميؤوس من اللي خلقه //


لأنو ما حدا جاوبني .. ع استفساراتي لـ هلئ .,
طيب انت شو يللي حابب تستفسر عنو ؟؟
اسأل حتى نجاوبك

برأيكـ واقفين مكانكـ راوح ... ليش ؟

رح تقوليلي من النظام ..


يعني لأيمتا بدنا نضل نلعن ونسب بالنظام .. ونحن لساتنا عم نكب الزبالة من آخر طابق ؟

رح تقوليلي مالها علااقة ... بس كل شي في ناس بيفهمو .. وألفوا كتب .. قالوا أنو إلها علاقة .

بعدين أنا ما عم قول أنو المعارضة رح تجيب أميركاا.


في كتير ناس معارضين أشرف من الشرف ..

بس غلط .. الطريقة .. غلط

:D


مممم إلي رجعة بس لراسي يفضى شوي .......
لا تخاف ما اتسكر النقاش

طيب انت شو يللي حابب تستفسر عنو ؟؟
اسأل حتى نجاوبك


أبو شريكـ .
أنا سألت كزا سؤال بنص الموضوع الرئيسي ..


الكل فهمو أنو عم هاجم .

وأنا ما عم هاجم .. أنا سألت كزا سؤال ..

بتمنى يتجاوب عليهون



صعبة ؟

مممم إلي رجعة بس لراسي يفضى شوي .......
لا تخاف ما اتسكر النقاش


لا خايف .. خايف أنو يتسكر النقاش ..

بروح فيها لأني كتير سنسيتيف

:cry: ;-)





يلا أوكي .. ناطر رجعتكــ

ولله لما يتفرع الموضوع و يبلشو يتناقشو , بضيع الموضوع كللو ..و هي أكبر مشكلة بتواجها الأمة العربية كلا :p
لح اكتب موضوع .. قرا .. عن هالمشكلة بالذات


يا سيدي عمول موصوع وأنا بشغللكـ ياه سنةلقدام . .





بالنسبة لموضوعي هون . شو رأيكـ؟