هلا انت لو عندك قطعه لحمة يا ترى تدير بالك عليها ولا بتتركها للذباب والحشرات وغيرو انا بقول انه لو يصحلك تحطها بعيونك وتخبيها عشان ما يمسها شيء رح تحطها

عشان هيك يا محترم بالالفاظك انو لازم تخبي شعر المراه لحتى ما يقرب منها الحشرات وغيرو لأنه هاي كائن حي ولازم تدير بالك عليه



هلأ هاد اللي طلع معك انو البنات شقف لحمة:?

حلوة هالنكتة بس للأسف مضحوك عليكم فيها
هي مجرد superstition
يا ست هي الآية كانت إن الدين عند الله الحنيفية
إجى مسيو عفان ما عجبتو ..قام بجرة قلم غيرها ..عم يتسلى الأخ
ما راح ناقشك الدين قناعة ..
على فكرة
و في تحسن بالردود:o بالعادة يكون الجواب
شو بدك البنات تطلع بالبكيني
بقى ..الشرف و الأخلاق لا يحافظ عليهم بالشعر
و دول الخليج أكبر شاهد ..الدعارة و الخلاعة و الزنى
و كلهو أشباح سود ..
أي نعم الحشمة مطلوبة ..بس للأسف ..الاسلام يفتقدون التفكير الموضوعي
و العقل و الرزانة ..و الردود التي هي بمجملها انفعالية و غريبة و تستغبي العقول الحية
و الضمائر الحريصة على إنسانية باقية في هذا الكون ؟..



الشرف زي ما بتفكر بالمحافظه على كل شيء ربي منحنا اياه
وبعدين لا تنسى قول النبي المصطفى صلوات الله وسلامة عليه في حديثه وانت اكيد سمعت فيه انه مش لازم يظهر من جسد المراه غير كفيها ووجها

وبعدين حلو انه الفتاه تتعود على لبس الحجاب وهيه صغيرة لأنه لو لبسته وهيه كبيرة يبقى راح من عمرها شهور وايام صعب تعوضها ويبقى كمان شافوة ناس ما بيستاهلوا يشوفوه

معك حق يوسف!!!!


خليه يبدا بنفسه أولا !!!

عن جد ايشي غريييييييييييييييب

وشكر ابو سكافي .............. لأنك معي

هلأ هاد اللي طلع معك انو البنات شقف لحمة:?
انا قلت شقفه لحمه لأني صغرت المثل وما كبرته

والانسان لحمه وكلك لحم وعظم

وقوله تعالى وكسونا العظام لحما
صدق الله العظيم

عشان هيك الانسان لحم ومش اهانه للانسان انه يكون لحم

وتتبع خلق الانسان رح تلاقي انه لحم ومو بس البنات

وكل بني ادم

اوك برجع للموضوع الاساسي..

يعني انا لحد اسا بعدني مش فاهمة يا سكايبي شو قصتك مع الاسلام ؟؟

يعني انت وبعض الاخوة المسيحية بدون ذكر اسماء عم تتدخلوا باشياء لا تعنيكم!!

انتوا لا فارضين عليكم شي ولا بنطلب منكم تعملوا هالشي يلي عملتها بنظرك "جريمة"...

عم بستنى منك لجواب على هالسؤال هاد؟؟ انت وغيرك من الناس المسيحية يلي عم ينزلوا مواضيع ذات صلة بالاسلام...بغض النظر اذا كانت تمس او لا تمس بالاسلام!!! سؤالي واضح لكم: انت شو دخلك باشياء ما بتخصك؟؟

واذا بدك تيجي تقولي انت ما قادر تشوف اشياء غلط بحق الانسانية, فانا اقترح عليك انك بدل ما تنزل موضوع ضد الانسانية يتعلق بالاسلام...نزل موضوع يستفيد منه كل العالم يلي هون...موضوع يتعلق بعدم وجود الانسانية كمان في العالم كله!!

يعني متل ما انا شايفة فانت كتير خايف وحريص على شعبك من جرائم الانسانية...اسمحلي اقلك انه يلي عم تحكي عنه هو يعد صفر ع الشمال بالنسبة لجرائم الحرب والانسانية يلي عم يرتكبها الصهاينة والامريكان بحق شعبنا العربي..

وباختصار: اذا كانت جرائم بحق الانسانية بتهمك هالقد...حطلك شي موضوع متل العالم والناس يتعلق بجرائم الحرب وهي كمان ضد الانسانية!!

يعني يا اخي..في النهاية نحنا كلنا عرب..وعيب عليكن تتشاطروا كل واحد فيكن على التاني(يعني هاد يلي شاطرين فيو نحنا العرب نتشاطر على بعض ونورجي مين القبضاي بينا) وما في واحد بيسترجي يفتح تمه ضد جرائم الانسانية يلي عم بتصير بالعرب من قبل الامريكان والصهاينة!!

تحياتي:D

اما بخصوص عرق الحيونة...
فهو مصطلح شامي يعبر عن الغضب الاعمى
و عرق الحيونة بيدق بكل البشر بس بحالات مختلفة
و حالة المسلمين، انو هالعرق بيدق بشكل ملحوظ جدا جدا لما يتعلق الموضوع بالتشريعات الدينية المتعلقة بالمرأة
و هاد شي طبيعي نتيجة اضطهاد المرأة ببلادنا، فالمرأة محرومة من حقوق كتير مهمة، بس هيي بتدافع عن حرمانها لهالحقوق، لحتى ما تخسر باقي الحقوق
فالمطلقة على سبيل المثال حرف ساقط
و بيكفي نص ساعة غياب غير مبرر من اي امرأة لحتى تكون صارت فلتانة

و فرض الحجاب على القاصرات هوي احد اهم الوسائل الذكورية لحتى يفرض سيطرتو المطلقة على هالمرأة، و متل ما بتعرفوا، السلطة المطلقة مفسدة مطلقة

بعرف كتير منيح حدودي، و بشكركم انكم ذكرتوني فيها، بس انا ما تجاوزتها

اما بخصوص عرق الحيونة...
فهو مصطلح شامي يعبر عن الغضب الاعمى
و عرق الحيونة بيدق بكل البشر بس بحالات مختلفة
و حالة المسلمين، انو هالعرق بيدق بشكل ملحوظ جدا جدا لما يتعلق الموضوع بالتشريعات الدينية المتعلقة بالمرأة
و هاد شي طبيعي نتيجة اضطهاد المرأة ببلادنا، فالمرأة محرومة من حقوق كتير مهمة، بس هيي بتدافع عن حرمانها لهالحقوق، لحتى ما تخسر باقي الحقوق
فالمطلقة على سبيل المثال حرف ساقط
و بيكفي نص ساعة غياب غير مبرر من اي امرأة لحتى تكون صارت فلتانة

و فرض الحجاب على القاصرات هوي احد اهم الوسائل الذكورية لحتى يفرض سيطرتو المطلقة على هالمرأة، و متل ما بتعرفوا، السلطة المطلقة مفسدة مطلقة

بعرف كتير منيح حدودي، و بشكركم انكم ذكرتوني فيها، بس انا ما تجاوزتها

دخلك انت بتحكي حكي متأكد منه؟؟ يعني دارسه قبل ما تقوله؟؟

هاي انا مسلمة وكتير صبايا كمان مثلي ما لابسين الحجاب وما رح نلبسه غير عن اقتناع تام انه هاد هو الشي الصح النا... يعني بيجي شي زلمة بيطلب مني اني ارتدي الحجاب اكيد ما رح رد عليه ولا رح اعطيه اهتمام لانه ارتداء الحجاب لازم يكون عن اقتناع مطلق مش لأنه اي انسان من هون او هون طلب مني هالشي ولازم تكون عارف انه انا اذا قررت ارتدي الحجاب بس لأنه الله فرضه علينا مش منشان فلان وعلنتان فرضه عليّ...لأن لبس الحجاب دون اقتناع هو الغلط بحذافيره...حيث بعدها رح يؤدي لتصرفات خاطئة نتيجة عن الكبت !!

وما بعتقد انه اليوم في صبايا بلبسوا الحجاب لانه البابا او الماما فرضه عليهن..ولو كان هالشي صح وطلبوا منها وعم شدد طلبوا!! ما فرضوا عليها!!!! ما بعتقد انه في اب او ام بالدنيا ما بدهم مصلحة بنتهم...وانه في حالة طلبوا منها لبس الحجاب هذا الشي ينجم على انهم خايفين عليها!! وبس!

هون الافكار والاراء تختلف.. وانا ارى ان هذا الموضوع هو دخول الى خصوصية الفرد...يعني لما اشوف شي صبية لابسة بنطلون وبلوزة ضيقة ما بصير اجي وحط موضوع وبحكي فيه: ليش عم تلبسوا هيك؟؟ وهذه جريمة بحق الانسانية انك عم ترضي تظهري مفاتنك للناس....

فعدم التدخل هو كل ما اطلبه...لما يوصل هالشي الك ويصير بمس فيك وبعائلتك الك الحق تيجي وتعترض...اما بنات المسلمين ما الك اي دخل فيهم...هاي حريتهن...وما بعتقد انك بتخاف عليهم اكتر من اهلهن ومن الله!!

تحياتي:D

كل دين أخلاق ...

الدين المسيحي و اليهودي و الاسلامي ؟؟
لك حتى الأديان الغير سماوية ؟؟؟؟

قال رسول الله محمد صلى الله عليه وسلم (بمامعنى الحديث ) :
من أذى ذميّا ً فقد أذاني
صدق رسول الله

أخواني المسلمين أياكم وتأذوا رسلوكم و حبيبكم و شفيعكم بمأذاى أخوانكم الغير مسلمين ...

أخواني المسيحية ... و غير المسلمين ... نحن بحاجة بعضنا البعض .... و ياريت ننطلق من نقاط المشتركة بيناتنا ... مو من النقاط يلي منختلف عليها ..

الحوار لغة الأقوياء ....

أذا بتحبوا فيكم تحطوا مقال للحوار بين الاديان مثلا .. وتشوفوا كل دين شلون بيعامل و بياخد المسألة ...
وشو رأي هالدين بهالمسألة .... يمكن يكون في شغلة مو خاطرة على بال حدا ...

أخواني المشرفين ياريت تتدخلوا ... و ما تجعلوا هالمنتدى الأكثر من رائع ساحة للمشاحنة بين الأديان

أول شي كان رأيي من رأي كوستا، بس بعدين فار دمي عالآخر.

هلأ أنا ملاحظ إنو سكايبي عندو تعصب ضد الإسلام، بس هادا مو مبرر لتأييد فكرة الحجاب للأطفال، أنا مسلم و بفتخر بهالشي، بس ما بصدق أبدا إنو من تعاليم الإسلام إنو بنت طاهرة متل الملايكة نحجبها، في ناس رح يؤولوا إنو البنت مقتنعة، حبيبي البنت الصغيرة لما تتحجب مستحيل تكون مقتنعة، يا بتكون بدها تثبت إنها مرأة وسط مجتمع فاسد، يعني إثبات وجود ولفت الأنظار، أو مرغمة عليه أو مشان ما تطلع مختلفة عن محيطها، أما تجو تؤولوا إنو فرض، هي زيادة عن الحد. والله العظيم شوهتوا الإسلام، والله لما شوف هيك ردود ما بلومو لسكايبي على تهجمو، بس سكايبي لازم تعرف شغلة إنو مو هادا هوي الإسلام الصح، مافي دين بالدنيا بيرضى بهيك أصلا، بعدين إنتي نفسك علقت إنو مو من "الروحانية و الغيرة على القيم الدينية"، يعني أي دين بالعالم و خاصة الإسلام بري من هيك خزعبلات و مظاهر.
يا جماعة الأطفال بنات أو صبيان، عبارة عن ملائكة، يعني البنت يللي بلغت مو ضروري تكون مرأة ناضجة، بجوز أيام زمان كانت مرأة ناضجة، بس لا تنسوا إنو التركيب الفسيولوجي للإنسان اختلف من هداك الوقت لهلأ، يعني مظاهر الأنوثة عند البنت غالبا بتتأخر لعمر ال14 أو حتى 15، بينما زمان أول كان البنت ما توصل ال12 سنة إلا صارت جاهزة للزواج و الخلفة، هاي الملاحظات العلمية لازم تنفهم مشان نئدر نتطور و نتحضر. بالمختصر براءة الطفلة تقتل بشكل بشع لما نحجب البنت على عمر صغير، و حتى الصبي كمان تنقتل براءتو لما يعيش بمجتمع متل هيك، يعني بصير أطفالنا مهووسين بالجنس بس، حرام عليكن، والله حرااااااااااااااااااااااا ااااااااااااااااااااااااا ام.

اهلين ابو طريق
خيو انا يللي صرت عم اكتشفو من خلال الردود بكل اقسام الاخوية ( طبعا بالمعنى المجازي)
انو الناس لقت شغلة تفش قلبها بيللي ما فيها تحكي بالشارع
بس نسيو شغلة انو لما يفوتو على الموقع بيكتبو كلمة اخوية
هو صح بيكتبوها بالانكليزي بس بقلبو بكون عم يقولها بالعربي
ومع الاسف فقدت معناها هالكلمة الكبيرة
والكل لما بفوت بيطلعلو الصفحة الرئيسية
وكلمة اخوية وتحتها كلمة انتم ملح الارض فاذا فسد الملح فبماذا يملح؟
وكل الصفحات موجودة ... هو صح قالها المسيح ..... بس خلينا نعتبروا شو ما كان يكون ...لك خلينا نقول عنو مجنون .... في متل بقول خذو الحكمة من افواه المجانين
ليش نسينا معناتها للكلمة ؟؟؟
ليش ما عم نحاول نفهما ....تو حتى عم نتناساها
صارت الاخوية ساحة حرب ..... من وراء الكيبورد وشاشة الكومبيوتر

فكرو شوي بس

ولا تقلولي انو شوف حالك
يا اخوان كلنا منغلط ...... بس خلينا نصلح الغلط حتى ما يكبر
ومية وردة:D

يا عمي مش ملاحظين انو عم تعطوه الي هو بدو اياه بالزبط؟.. بدو يعمل موضوع وراه شي 6-7 صفحات..وبدو يقاهر قاعد لا شغلة ولا عملة بهالحياة .. انسان مالوش دوور.. وجاي يجاكر ويقاهر.. وانتو عم تحققو هدفو..

اسمعو مني زتو حكيو عالصرماية حشاكو.. وتفوتوش عمواضيعوو.. وخلص هاي الحل.. وفش حاجة تثبتولو او تثبتو لغيرو شو ديننا هو.. احنا عارفينو منيح وعارفين انو دين حق.. وخلص..طققتوني يعني .. وكيف لونو اخرى بستاهل الرد؟ ..شو كنتو عملتو؟ لونو لا سمح الله عليه شوية قيمة؟..

بدك تبعتلي تنويه عالتكة ابعث يا اخي.. محنا قاعدين

سيدتي ذات الرداء الاحمر

اذا انتي مغمضة عيونك، فانا بتمنى انك تفتحيهم، بس اكيد ما رح اجبرك على هالشي...
بس ازا ما حدا خبرك، المرأة ببلادنا منقوصة الحقوق لدرجة تجعلني احسد نفسي اني رجل

بكل الاحوال، نحنا عم نحكي عن اكراه القاصرات على ارتداء الحجاب
مش عم نحكي عن الحجاب و ارتداء الحجاب
عم نحكي بس عن القاصرات، و بس عن يللي بيتم اكراههم على ارتداء الحجاب

اذا ما فهمتي هالشي، فهي مشكلتك وحدك

مدري ليش اي مسلم (او مسلمة) بس يقروا كلمة "حجاب" بيصيبهم العمى

و مدري ليش ساعتها بيدق فيهم عرق الحيونة



طيب هي مو اهانة لأعضاء أخوية شو هاد عرق الحيونة:?


ياعيب الشوم بس:pos:

...
بس ازا ما حدا خبرك، المرأة ببلادنا منقوصة الحقوق لدرجة تجعلني احسد نفسي اني رجل

بكل الاحوال، نحنا عم نحكي عن اكراه القاصرات على ارتداء الحجاب
مش عم نحكي عن الحجاب و ارتداء الحجاب
عم نحكي بس عن القاصرات، و بس عن يللي بيتم اكراههم على ارتداء الحجاب

اذا ما فهمتي هالشي، فهي مشكلتك وحدك
بالنسبة لأنتقاص حقوق المرأة انا بظن انو ها الشي موجود بالمجتمع الأسلامي و المسيحي
والدين ما الو علاقة فيه لأنو حقوق المرأه سلبتهاالعادات والتقاليد

أنا بصراحة مابناقش انسان مسيحي بموضوع الحجاب لأنو متل يلي عم يدق بمسار بالهوى :?

ممكن ناقش انسان مسلم غير متدين
اما انسان مسيحي عم ناقشو بفرض اسلامي وهو بعيد كل البعد عن الديانة الأسلامية
فهاد امر محال
ولذلك النقاش عقيم

طيب هي مو اهانة لأعضاء أخوية شو هاد عرق الحيونة:?


ياعيب الشوم بس:pos:
يا عيب الشوم منك
بس بتصور اني جاوبت
خرجت عن الموضوع و جاوبت

يا عيب الشوم منك
بس بتصور اني جاوبت
خرجت عن الموضوع و جاوبت

اي قرأت الجواب
بس الجواب ما الو علاقة شئش

سيدتي ذات الرداء الاحمر

اذا انتي مغمضة عيونك، فانا بتمنى انك تفتحيهم، بس اكيد ما رح اجبرك على هالشي...
بس ازا ما حدا خبرك، المرأة ببلادنا منقوصة الحقوق لدرجة تجعلني احسد نفسي اني رجل

بكل الاحوال، نحنا عم نحكي عن اكراه القاصرات على ارتداء الحجاب
مش عم نحكي عن الحجاب و ارتداء الحجاب
عم نحكي بس عن القاصرات، و بس عن يللي بيتم اكراههم على ارتداء الحجاب

اذا ما فهمتي هالشي، فهي مشكلتك وحدك

دخلك منين جايب كل هالثقافة هاي؟؟

انا ما فهمت وكنت عم بستنى بواحد على درجة عالية من الثقافة متلك يفهمني...

دخلك شو الفرق بين لبس الحجاب ولبس الحجاب للقاصرات... بما انك تتمتع بعقل خارق...رح اطلب منك تصححني اذا اخطئت... هو اكراه القاصرات على لبس الحجاب مش حالة خاصة من لبس الحجاب ككل؟؟؟

واذا عقلك اللا محدود :gem: ما قدر يفسر عن شو حكيت...ولشو تطرقت ولشو ما تطرقت...فهاي كمان مشكلتك!!

اليوم ما في شيء اسمه اكراه...يعني انا عايشة بمكان ما بشوف بنت تغصب من قبل والديها على ارتداء الحجاب..وفي حال طلبوا....يكون ذلك لمصلحتها...انا لا اتفق ان هناك اكراه...وهناك خطأ بالتفسير...يوجد فرق بين طلب وبين اكراه..ويوجد حق للبنت بان تقول لا..!!!

واذا انت شايف حالة فيها بنت اغصبت على ارتداء الحجاب..هات لشوف...

ورح اطلب من اي صبية هون معنا مرتدية الحجاب...تقول اذا اغصبت على لبسه...ورح نشوف سوى وين موجود هالاكراه يلي عم تحكي عنه!!:larg:

بالنسبة لأنتقاص حقوق المرأة انا بظن انو ها الشي موجود بالمجتمع الأسلامي و المسيحي
والدين ما الو علاقة فيه لأنو حقوق المرأه سلبتهاالعادات والتقاليد

أنا بصراحة مابناقش انسان مسيحي بموضوع الحجاب لأنو متل يلي عم يدق بمسار بالهوى :?

ممكن ناقش انسان مسلم غير متدين
اما انسان مسيحي عم ناقشو بفرض اسلامي وهو بعيد كل البعد عن الديانة الأسلامية
فهاد امر محال
ولذلك النقاش عقيم
طيب يا ستي
لا تناقشيني الي
ناقشي "محمد رضوان ابو كلة"
مسلم سوري من الشاغور، بيصلي خمس مرات، و بيصوم رمضان كلو، و ليلة نص شعبان، و حافظ القرآن، و امنية حياتو يحج بعدين يستشهد

يعني كيف بدي قلك
الزلمة مسلم تفصيل على كيف كيفك (فشر بيير كاردان يفصل اخوه)

ابو حميد يا ستي، ما بيعرف يكتب ع الكيبورد (معو تاسع خطي) و طلب مني انو اسألك عن رأيك بموضوع تحجيب الطفلات
المايك معك ست وايت روز

دخلك منين جايب كل هالثقافة هاي؟؟
شي ما بيعنيكي
يعني ازا خبرتك منوين جايب ثقافتي .. شو رح يهمك الموضوع؟
ما يللي متلك كتير صعب يتثقفوا

دخلك شو الفرق بين لبس الحجاب ولبس الحجاب للقاصرات...
لو قريتي الموضوع كنتي عرفتي شو الفرق

اليوم ما في شيء اسمه اكراه...
بحياة الله؟

انا عن جد اسف
انتي فعلا اقنعتيني، ما كنت منتبه انو ما في شي اسمو اكراه
و بعتذر لأنو ما كنت منتبه ع هالشي

خلص اقنعتيني
اقنعتيني انكم كمسلمات عايشين باليوتوبيا

و لو سمحتي لا عاد تكملي حوار بهالموضوع معي

و ازا شفتيني غلطت و رديت ع شي حدا
طنشي ردي
اعتبريه دبانة
يعني لا تزعجي حالك و تردي عليي

و اسف مرة تانية
و شكرا الك لأنو وضحتيلي انكم عايشين باليوتوبيا

اي صحيح

نيالك على عقلك

طيب يا ستي
لا تناقشيني الي
ناقشي "محمد رضوان ابو كلة"
مسلم سوري من الشاغور، بيصلي خمس مرات، و بيصوم رمضان كلو، و ليلة نص شعبان، و حافظ القرآن، و امنية حياتو يحج بعدين يستشهد

يعني كيف بدي قلك
الزلمة مسلم تفصيل على كيف كيفك (فشر بيير كاردان يفصل اخوه)

ابو حميد يا ستي، ما بيعرف يكتب ع الكيبورد (معو تاسع خطي) و طلب مني انو اسألك عن رأيك بموضوع تحجيب الطفلات
المايك معك ست وايت روز

الحجاب فرض على كل مسلمة بالغة مو على طفلة
طبعا حجاب الأطفال مو فرض ابدا

ولما الأهل بيعملوا هيك بكون مجرد تعويد الطفلة على فكرة الحجاب كرمال ما تكرهو بسبب ها الشوفات
يعني بحططوها ياه تدريجي متل صوم درجات المادنة من الفجر للظهر
وانا مارح قلك انو مافي اهل ما بيجبروا ولادهم على الحجاب
في وكتير بس بقولوا هي بالنهاية شرع الله ولا طاعة لمخلوق في معصية الله


وأجمعوا علماء الدين انو الأكراه على فروض الدين امر مكروه وخاصة للمسلم غير البالغ
مثل الحجاب والصلاة

وامروا بالأسلوب الراقي والحوار و النقاش معهم

و شكرا الك لأنو وضحتيلي انكم عايشين باليوتوبيا



اخ كريم لازم تعرف انو مو كل العالم بيفهمو المصطلحات النفسية
مهما كانت درجة ثقافتهم

شي ما بيعنيكي
يعني ازا خبرتك منوين جايب ثقافتي .. شو رح يهمك الموضوع؟
ما يللي متلك كتير صعب يتثقفوا


دخلك هاي لا تعد اساءة لعضو؟؟ :confo: :confo: رح استنى المشرف ليحطلك مخالفة!!

ومين قال اني صعب اتثقف؟؟ انت؟؟:o :o

وكيف توصلت لهالنتيجة؟؟

معجزة!! :gem:

ايه خلص معناها بنوقف كل محاولاتنا لاكتساب الثقافة...ونقعد لنتفرج على ثقافتك انت...


لو قريتي الموضوع كنتي عرفتي شو الفرق



كمان معجزة عرفتها :clap: :clap:

لأ يا عمتو انا قرأت الموضوع... ورغم انه ما شايفة اي هدف من تنزيله لأنه هاد شي ما بيعني اي انسان غير مسلم..ومتل ما ذكرت بمشاركة سابقة...اذا صرنا بنحكي عن جرائم ضد الانسانية...اهتموا بمواضيع وجرائم ضد الانسانية تتحفنا كلنا...وبتخص كل شعبنا العربي...

وعلى فكرة...انا ما كان لي اي هدف في الاساءة الك... او لأي عضو اخر..طريقة حواري موضوعية... ولكن هذه الاساليب والطرق التي تعرفونها في مثل هذه الحوارات وللأسف!!! ;-)

وكما ذكرت في رد سابق.. هيك خلافات بيناتنا نحنا العرب هي سبب ضعفنا...

تحياتي:D

مع اني ما بحب فوت بهيك نقاشات فارطة لكن في عندي وجهة نظر صغيرة حابب اطرحها بدون تحيز

هلاء السيد سكاي بي مشكور طرح الموضوع لهدف ما في نفسه قد يكون خيرا وقد يكون شرا ولكن نحمله على الاصل ونتوقع ان يكون الهدف خير لنا جميعا وطرح لمشكلة تهمنا جميعا في مجتمعنا العربي
اول نقطة انا بتفق مع صديقي ابو طريق في طرحه الذي افادنا به واتفق معه بعد قراتي لعدة فقهاء مسلمين حول هذا الموضوع فالجميع اتفق واجمع ان لا اكراه في الدين هذا اصل و قاعدة شريعة يندرج تحتها احكام كافة التكاليف الشرعية
النقطة الثانية تنطلق من ان المسلم المكلف انما اقترن تكليفه بسن معينة ومرجع ذلك اكتمال العقل والادراك لديه وقد ربط بين هذا السن وبين البلوغ على اعتبار ان البلوغ قرينة على اكتمال العقل
اذن فان بلوغ الانسان يستوجب تحققاً اكتمال العقل لديه وهذا استوجب ان يبدأ من هنا سن التكليف للانسان وبالتالي فان ما قبل ذلك السن لا يجوز ان يحمل او يطلب منه ان يقوم باي من التكاليف الشرعية لان الله عز وجل قد اعفاه ببساطة من تلك التكاليف
بالنظر لما طرحه السيد سكاي بي فاني اتفق معه وارفض كل الرفض ان يجبر الانسان باي حال من الاحوال على فعل معين بل يجب ان يقوم الانسان بتلك التكاليف عن سعة واختيار ولا عن اكراه واجبار لان ما اجبر عليه الانسان سيجد طريقة اخرى للتخلص منه وسينتقم من مجتمعه وذاته من اجل حريته التي اجبر واكراه على التضحية بها
لذلك فان الاختيار والرضى انما هو الاساس في التكاليف الشرعية
من هنا انطلق للفكرة الثانية المتعلقة باجبار القصر على ارتداء الحجاب واعتقد جازما ان الامر لا يعدو كونه جهل بالتكاليف الشرعية عند البعض ومن هنا لا يجوز لنا تعميم الاحكام بالنظر للجزء الفارغ من الكاس بل ان الحكم الذي يجب النظر اليه انما هو الحكم الشرعي وليس التطبيقات العملية والحكم الشرعي شكلا ومضمونا اعتقد انه كان يهدف للحفاظ على المراة ودرء الشبهات ولا اريد الخوض هنا في ذلك الحكم حتى ما يزعل مني كريم وانا ما بقدر على زعله
نقطة جديرة بالاهتمام طرحتها صديقتنا وايت روسي تتعلق بانه في كثير من الحالات فان الاهل يحاولون تربية الطفل على طريقة معينة الهدف منها ان يتعود على فكرة معينة متل الحجاب او الصوم واعتقد ان للاهل الحرية الكاملة في تربيتهم للطفل بالشكل الذي يرونه مناسباً وبعد ذلك حين يبلغ الطفل السن الذي تأهله لاختيار المناسب في نسق الحياة فانه سيختار ما يقتنع به وسيكون الامر مجرد تادية رسالة من الاهل بالشكل الذي وجدوه مناسباً وكم منا نشأ في بيئة محافظة ثم وجد السبيل في الحرية والخروج عن كافة الاطر والحواجز وكم منا نشأ في بيئة متحررة ثم رفض كل ذلك وانطلق من افكار اخرى

اذن في المحصلة الشرع لا يكلف الطفل
حينما نجد طفلة مرتدية حجاب فان الامر لا يعدو كونه جهل من الاهل بالتكاليف الشرعية او محاولة منهم لتربية الطفل على نسق معين وهذا من حقهم
وفي النهاية حين يبلغ الطفل سن الرشد سيختار ما يراه مناسباً من اسلوب الحياة
والاهم من ذلك ان التكاليف الشرعية تقوم جميعها على السعة والاختيار لا على الاكراه والاجبار

شكرا لكم جميعاً :D

اهلين ابو طريق
خيو انا يللي صرت عم اكتشفو من خلال الردود بكل اقسام الاخوية ( طبعا بالمعنى المجازي)
انو الناس لقت شغلة تفش قلبها بيللي ما فيها تحكي بالشارع
بس نسيو شغلة انو لما يفوتو على الموقع بيكتبو كلمة اخوية
هو صح بيكتبوها بالانكليزي بس بقلبو بكون عم يقولها بالعربي
ومع الاسف فقدت معناها هالكلمة الكبيرة
والكل لما بفوت بيطلعلو الصفحة الرئيسية
وكلمة اخوية وتحتها كلمة انتم ملح الارض فاذا فسد الملح فبماذا يملح؟
وكل الصفحات موجودة ... هو صح قالها المسيح ..... بس خلينا نعتبروا شو ما كان يكون ...لك خلينا نقول عنو مجنون .... في متل بقول خذو الحكمة من افواه المجانين
ليش نسينا معناتها للكلمة ؟؟؟
ليش ما عم نحاول نفهما ....تو حتى عم نتناساها
صارت الاخوية ساحة حرب ..... من وراء الكيبورد وشاشة الكومبيوتر

فكرو شوي بس

ولا تقلولي انو شوف حالك
يا اخوان كلنا منغلط ...... بس خلينا نصلح الغلط حتى ما يكبر
ومية وردة:D
صديقي الغالي كوستا أكيد شهادتي فيك مجروحة لأني باعتبرك أخ مو بس صديق، و هالشي ما إجا من فراغ، إجا من أفكارك المنطقية الراقية، و من هون أنا بأيدك بكل كلمة إلتها، صارت الأخوة بهالأيام أخوة عنصرية، يعني جاهلية متقعة، صار في حقد بين أبيض و أسود، مسلم مسيحي، سني علوي، ذكر و أنثى...الخ.
و المسيح لما وصفنا بملح الأرض ما كانت لحظة جنون، بجوز كانت لحظة تبصر، كان شايف أدامو شو رح يصير بالبشر بعد كزا ألف سنة، و كمان لما وصفنا علي بن أبي طالب -كرم الله وجهه-: "داؤك منك ولا تشعر ودواؤك فيك وما تبصر، وانت الكتاب المبين الذي بأحرفه يظهر المضمر، و تزعم أنك جرم صغير، وفيك انطوى العالم الأكبر " ما كان هالوصف جاي من فراغ، عرفان إنو طمع الإنسان رح يكون سبب كل داء بصيبنا، و بنفس الوقت الدواء فينا، و هالمقولتين -قول المسيح و علي بن أبي طالب- للأسف بعناهن ببيلاش، و زتيناهن ورا ضهرنا، هادا يللي بيقتل براءة الأطفال و هادا يللي مفكر حالو رب و بيعطي الغفران.... و يلي بسب عالمسيحيين و يللي بسب عالمسلمين، و هييييييييييك لحتى نصفي بعض و ترجع الأرض موطن للديناصورات و المخلوقات البدائية.
و بالآخر أنا معك، و لازم نصلح الغلط حتى ما يكبر.
ألف وردة :D

مع اني ما بحب فوت بهيك نقاشات فارطة لكن في عندي وجهة نظر صغيرة حابب اطرحها بدون تحيز

هلاء السيد سكاي بي مشكور طرح الموضوع لهدف ما في نفسه قد يكون خيرا وقد يكون شرا ولكن نحمله على الاصل ونتوقع ان يكون الهدف خير لنا جميعا وطرح لمشكلة تهمنا جميعا في مجتمعنا العربي
اول نقطة انا بتفق مع صديقي ابو طريق في طرحه الذي افادنا به واتفق معه بعد قراتي لعدة فقهاء مسلمين حول هذا الموضوع فالجميع اتفق واجمع ان لا اكراه في الدين هذا اصل و قاعدة شريعة يندرج تحتها احكام كافة التكاليف الشرعية
النقطة الثانية تنطلق من ان المسلم المكلف انما اقترن تكليفه بسن معينة ومرجع ذلك اكتمال العقل والادراك لديه وقد ربط بين هذا السن وبين البلوغ على اعتبار ان البلوغ قرينة على اكتمال العقل
اذن فان بلوغ الانسان يستوجب تحققاً اكتمال العقل لديه وهذا استوجب ان يبدأ من هنا سن التكليف للانسان وبالتالي فان ما قبل ذلك السن لا يجوز ان يحمل او يطلب منه ان يقوم باي من التكاليف الشرعية لان الله عز وجل قد اعفاه ببساطة من تلك التكاليف
بالنظر لما طرحه السيد سكاي بي فاني اتفق معه وارفض كل الرفض ان يجبر الانسان باي حال من الاحوال على فعل معين بل يجب ان يقوم الانسان بتلك التكاليف عن سعة واختيار ولا عن اكراه واجبار لان ما اجبر عليه الانسان سيجد طريقة اخرى للتخلص منه وسينتقم من مجتمعه وذاته من اجل حريته التي اجبر واكراه على التضحية بها
لذلك فان الاختيار والرضى انما هو الاساس في التكاليف الشرعية
من هنا انطلق للفكرة الثانية المتعلقة باجبار القصر على ارتداء الحجاب واعتقد جازما ان الامر لا يعدو كونه جهل بالتكاليف الشرعية عند البعض ومن هنا لا يجوز لنا تعميم الاحكام بالنظر للجزء الفارغ من الكاس بل ان الحكم الذي يجب النظر اليه انما هو الحكم الشرعي وليس التطبيقات العملية والحكم الشرعي شكلا ومضمونا اعتقد انه كان يهدف للحفاظ على المراة ودرء الشبهات ولا اريد الخوض هنا في ذلك الحكم حتى ما يزعل مني كريم وانا ما بقدر على زعله
نقطة جديرة بالاهتمام طرحتها صديقتنا وايت روسي تتعلق بانه في كثير من الحالات فان الاهل يحاولون تربية الطفل على طريقة معينة الهدف منها ان يتعود على فكرة معينة متل الحجاب او الصوم واعتقد ان للاهل الحرية الكاملة في تربيتهم للطفل بالشكل الذي يرونه مناسباً وبعد ذلك حين يبلغ الطفل السن الذي تأهله لاختيار المناسب في نسق الحياة فانه سيختار ما يقتنع به وسيكون الامر مجرد تادية رسالة من الاهل بالشكل الذي وجدوه مناسباً وكم منا نشأ في بيئة محافظة ثم وجد السبيل في الحرية والخروج عن كافة الاطر والحواجز وكم منا نشأ في بيئة متحررة ثم رفض كل ذلك وانطلق من افكار اخرى

اذن في المحصلة الشرع لا يكلف الطفل
حينما نجد طفلة مرتدية حجاب فان الامر لا يعدو كونه جهل من الاهل بالتكاليف الشرعية او محاولة منهم لتربية الطفل على نسق معين وهذا من حقهم
وفي النهاية حين يبلغ الطفل سن الرشد سيختار ما يراه مناسباً من اسلوب الحياة
والاهم من ذلك ان التكاليف الشرعية تقوم جميعها على السعة والاختيار لا على الاكراه والاجبار

شكرا لكم جميعاً :D
شكرا وائل على رأيك الصحيح جدا، بس حابب علق عشغلة، إنو مو من حق الأهل يربوا الطفل أو الطفلة على عادات سيئة، و الإجبار بيجي عن طريق غير مباشر، بصيروا الأهل يغسلوا دماغ بنتهن الصغيرة، و أبرز الوسائل عن طريق الإنكار، يعني بصير يحسسوا البنت بالإهمال، و إنو هيي طفلة لحتى تتحجب، و هالمثال واقعي و أنا عايشو، جيراننا عندهن بنت يمكن هلأ صار عمرها 13 سنة، بس لما تشوفها بتعطيها عمر مو أكتر من 10 سنين، و تحجبت لما كان عمرها شي 11 سنة، أكيد وصلت مرحلة البلوغ، بس لسا عقليتها طفولية، حكيها طفولي، بريئة، دائما هادية و الأط بياكل عشاها، بس يا ترى شو يللي خلاها تتحجب؟؟؟؟ يا سيدي السبب إنو جارتنا التانية يللي بتكون رفيقتها و أصغر منها بسنة كمان، بتعطيها أكتر من عمرها، سيكولوجيا و فسيولوجيا، و بعدين زكية و قوية و أد حالها، و مو محجبة، بس الحواليها بعاملوها على أساس إنها ناضجة و زكية، و هديك البنت بعاملوها على أساس إنو طفلة، فبالتالي مشان تثبت إنها واعية و كبيرة، و أكيد هي عقدة سببها الجهل و التخلف من الأهل و المجتمع، ما كان غير الحجاب حل وحيد لتشعر بإنها بني آدمة وسط هيك مجتمع فاسد، و فعلا ماتت براءتها، و صارت تعامل كامرأة ناضجة، وصارت تعامل باستحسان من الجميع و يحسبولها ألف حساب، و هلأ رفيقتها تحجبت كنوع من الغيرة و حب السلطة. فهي إجبار غير مباشر، الأهل ما غصبوا البنت، بس غصبوها بشكل غير مباشر و بأسلوب حقير، و هيك باقي المجتمع، يا أما إكراه بشكل مباشر و قمعي، أو غير مباشر و قمعي كمان، و برأيي هيك أهل لازم يتعاقبوا و ياخدوا جزاتن.
و ألف شكر إلك وائل. :D

و أكيد هي عقدة سببها الجهل و التخلف من الأهل و المجتمع،يا أما إكراه بشكل مباشر و قمعي، أو غير مباشر و قمعي كمان، و برأيي هيك أهل لازم يتعاقبوا و ياخدوا جزاتن.
و ألف شكر إلك وائل. :D

أنامعك و الدليل صارت معظم المحجبات مثل بعض الأطفال
كما البعض يدخن بالتواليت و بعيداً عن الأهل
كذلك البنات تخلع الحجاب بالسرقة و يحاولون جهدهم الخروج
من هذا السجن المهين الذي حول المراة لشيء مسيطر عليه
لا لكائن حي..
و نا مع أن الدول تساعد النساء المكرهات وما أكثرهن بقوانين مثل القوانين في فرنسا
و هولندة و تونس ..
و سؤالي هل يكره الرجال على لبس الشماخ و العقال بما أنه كان لباس الجاهلية أيضاً
أم هو الاستقواء على المراة فقط ؟؟

اذا المشكله الان ........ليست مشكلة دين او ان الاسلام حرم المرأة من حقوقها كما قرأت في بعض الردود .......(فلا اكراه في الدين)..المشكله هي ترسبات باليه في عقول افراد هذا المجتمع ...........فعندما شرع الله الحجاب وامربه وافق هذا الطبيعة التي جبل عليها الرجل (الغيرة على المحارم ,العرض والشرف) ........فالحاصل ان طريقة المجتمع في تطبيق ماشرع الله خاطئة ...انا لااقول ان جميع الأباء يفكرون بطريقه واحدة فهناك من الأباء من يجبر وا بناتهم على ارتداء الحجاب وهذا خطأ لأنه سينعكس سلبا على الفتاة.....فلابد من تغير هذاالاسلوب هنا.
لكن هناك ايضا من الأباء من يحاول زرع الفكرة لدى الفتاة من الصغر حتى تعتاد على ارتداءه وهذ لا يعد سلب لحقها ..او جريمه يرتكبها الأب....!ومصير الفتاة ان تكبر وتكون رأيها وتحدد اذا ماكان الحجاب جريمة في حقها او لا.واي طريق ستسلك..؟
فهل من الصحيح اللجوء الى جمعيات لتضمن حقوقها..؟الا يؤدي ذلك في النهايه الى سلبيات اخرى كتمرد الفتاه الصغيرة على الاهل ؟عدم احترام ارائهم مثلا؟؟
تحياتي لكم

واعتقد ان للاهل الحرية الكاملة في تربيتهم للطفل بالشكل الذي يرونه مناسباً وبعد ذلك حين يبلغ الطفل السن الذي تأهله لاختيار المناسب في نسق الحياة فانه سيختار ما يقتنع به وسيكون الامر مجرد تادية رسالة من الاهل بالشكل الذي وجدوه مناسباً وكم منا نشأ في بيئة محافظة ثم وجد السبيل في الحرية والخروج عن كافة الاطر والحواجز وكم منا نشأ في بيئة متحررة ثم رفض كل ذلك وانطلق من افكار اخرى


ما بتفق معك وائل .. أنو للأهل الحرية الكاملة بتربيتهم للطفل ..
مثلا في أهل بتعتبر أنو أفضل أسلوب للتربية .. هو الضرب والضرب المبرح في كتــــــــــــير من الاحيان إذا ما أغلبها
فإذا سمعت مثلا طفل جارك عم يصرخ بتدير وجهك وبتقول هوي حر .. !! لانو بوجهة نظرو انو هاد الاسلوب الانسب ..
للتربية في اسس وقواعد .. ورغم انو الاهل الهون سلطة .. بس ماهيي سلطة مطلقة ابدا ..
طلعنا شوي عن الموضوع .. بس حبيت وقف عند هاي النقطة ..

النقطة التانية ..

بنظري اذا انجبر الطفل على شيئ معين بصغرو ..
صحيح لح يكبر ويختار بنفسو .. بس اختيارو لح يكون على اسس غلط
اما هروب من الفكرة بشكل كامل ورفضها .. وهون عم نحكي عن الفتاة .. يعني الحجاب لا حدا يجيب سيرته مع انو كفكرة ممكن يكون صح ..
أو أنها لح تتابع الي بدو فيه اهلها بدون ادنى تفكير .. يعني أنها عورة وعيب وحرام .. ووووو
يعني نقطة عل الشمال .. (( وهون عم احكي عن الناس الي بتفهم الحجاب فهم سطحي ومريض )


كذلك البنات تخلع الحجاب بالسرقة و يحاولون جهدهم الخروج
من هذا السجن المهين الذي حول المراة لشيء مسيطر عليه
لا لكائن حي..
و نا مع أن الدول تساعد النساء المكرهات وما أكثرهن بقوانين مثل القوانين في فرنسا
و هولندة و تونس ..
و سؤالي هل يكره الرجال على لبس الشماخ و العقال بما أنه كان لباس الجاهلية أيضاً
أم هو الاستقواء على المراة فقط ؟؟

هلى على هوا ما بتذكر انك طرحت فكرة الحجاب للبنت .. ولا انا غلطانة ..
يعني بلشت تبصم عل الموضوع .. يعني وائل الاصل ما مشي الحال ..

بعدين هلى بنظرك هولندة وتونس وفرنسا وحتى المانية الي عايشة فيها عم تساعد ؟؟؟
شوف يا سكايبي ..
انا عايشة هون .. وعم ادرس هون ..
يعني وئت الي الشرطي بشد البنت من حجابها وبيمنعها من دخول المدرسة الا اذا شلحتو ..
واوقات بتوصل للبكي وشد الشعر بالغلط .. بيكون بنظرك انو مساعدة ؟؟ يي عليي شو قلبهون حنون ..
ما هوي هاد الاضطهاد بيعينو ..
بغض النظر عن الفكرة ..
هلى معناها دخلت الموضوع انت بشكل غير مباشر لمنحى تاني ..
هلى الحلقة التانية من الموسوعة ..
الحجاب وتأثيرو على المرأة ..

يتبع ..

هلق بالنسبة للتعليق عالموضوع ما رح علق لانو حاسة حالي اذا بدي احكي شي ..رح يكون متل العلاك ...:frown:
المهم مو كل واحد جديد يفوت عالموضوع ..يقعد يرد على نفس التعليق ..
على سبيل المثال ..(عرق الحيونة) اللي قالو كريم ...
كم عضو اقتبس هالكلمة ..مع انها عادية ...:? .... وشرحا هوي ورد فات عضو مدري عضوة سالو عنا ....:?

(( وقضى ربك أل تعبدوا إلا إياه وبالوالدين إحسانا ، إما يبلغنّ عندك الكبر أحداهما أو كلاهما فلا تقل لهما أف ولا تنهرهما وقل لهما قولا كريما ، واخفض لهما جناح الذل من الرحمة ، وقل رب ارحمهما كما ربياني صغيرا ))
على ما اعتقد أي واحد بآمن بهالحديث لازم عليه أنو مو يقبل بس الحجاب ... بل أكثر من هيك بعد ... فإذا كانت الطاعة للأهل بالدين فكيف لازم ترفض فتاة شيء من أهلها .... لهيك أنا بلاقي أنو النقاش بهالموضوع بيوقف هون

وجبت الطالعة للأهل ......... أي وجب الحجاب ........ أما إذا وجد تغاضي 1% عن الآية السابقة ( يعني نطبقها بمحلات وبمحلات لاء ) هون ممكن نتناقش حول إذا كان ممكن ما نكره البنت على الحجاب ......

هللأ انو اي تطيع والداها ..بس وقت اللي عم تتحجب من هيي وصغيرة ..ما عم بتكون واعية لهالقصة ... يعني متقنّعتو ومتل المانا عرفانة شو هوي .... هون اكس الموضوع
وللا الحجاب بالاخير قناعة .. وشي بعود للبنت ..بس بس تكبر مو من عمرا 8 سنين ولسا اخواتا عم يوصلوا عالمدرسة واما بتمشطلا شعرا ... :shock:

في آية بتقول : (( با أيها الذين آمنوا أطيعوا الله وأطيعوا الرسول وأولي الامر منكم ، فان تنازعتم في شيء فردوه إلى الله ورسوله ان كنتم تؤمنون بالله واليوم الآخر ذلك خير وأحسن تأويلا ))
هلأ بما أنو القرآن عم بيقول إذا صار في نزاع بشيء لازم الواحد يلجىء إما للقرآن أو للرسول ... وموضوع النزاع هوي الحجاب ... طيب إذا لجأنا إلى لقرآن ما رح نلاقي شيء بيحكي عنو .. وإذا لجأنا إلى السنة ... كمان الرسول ما حكا شيء عنو ..... طيب مين عملو ؟؟؟؟ معناتو اللي عملو لا القرآن ولا الرسول ... طيب بما أنو المرجعين الرئيسيين هنّي القرآن والسنة كيف بنلجأ لمرجع أدنى ؟؟؟؟؟ ما بيصير ومن هالمنطلق مو أجباري الحجاب فيما عدا الناس اللي بيحطّوا الحجاب كعادة أو كنوع من اللباس ... أما بالإكراه !!! فبلاقي في ظلم ......

حاجتنا تخلف اسلامي و عادات تافهة و فكر متزمت خرب الدنية و خرب مجتمعاتنا
و كلو نابع من عقول رجال الدين الاسلاميين المتحجريين و الذين وصفهم المفكر فرج فودة
بعلماء بول البعير ..هذا و الله أعلم :shock:

ما بعرف ليه وئت الي بقرأ ردودك بيضرب فيني عرء الحيونة الي حكى عنو كريم .. وبغوطن وبدوخ
بحياتي ما شفت حدا بينزع مواضيعو .. متلك ..
يعني الي بيرد عليك متل الي بيحكي مع الحيط ..
روح عمي ما ناوي اكلي شي مخالفة اللخر مشانك ..
بس يا ريت المشرفين بيشوفو شو كاتب انت .. وبعدين يوزعو علينا مخالفات ..
ودخلك نهر العاصي من وين نابع .. ؟؟؟

أنامعك و الدليل صارت معظم المحجبات مثل بعض الأطفال
كما البعض يدخن بالتواليت و بعيداً عن الأهل
كذلك البنات تخلع الحجاب بالسرقة و يحاولون جهدهم الخروج
من هذا السجن المهين الذي حول المراة لشيء مسيطر عليه
لا لكائن حي..
و نا مع أن الدول تساعد النساء المكرهات وما أكثرهن بقوانين مثل القوانين في فرنسا
و هولندة و تونس ..
و سؤالي هل يكره الرجال على لبس الشماخ و العقال بما أنه كان لباس الجاهلية أيضاً
أم هو الاستقواء على المراة فقط ؟؟
سكايبي أنا معك بجزء من كلامك، بس الجزء المتعلق بالقوانين، فهي ما بأيدك فيه، لأن من حق كل إنسان يعبر عن رأيو بأي طريقة، بس بدون ما تإزي الغير، يعني إزا في قوانين للحجاب، فالمفروض يكون قانون يمنع الأهل من إنن يحجبوا بنتهن إزا عمرها أقل من 15 سنة مثلا، أو معاقبة الأهل يللي بيجبروا بنتن بالإكراه على لبس الحجاب، بس إنو عالكل، هادا خطأ و دكتاتورية و عنصرية.
بعدين نوصف الحجاب بإنو مسيطر، فهي ما فيك تعمم، لأن في كتير نسوان بيلبسوا الحجاب عن قناعة داخلية و بدون تعصب، فهيك رأي بظن فيه جرح كبير لهالأشخاص، و بضل الحجاب للطفلة جريمة كبيرة و قتل مباشر و صريح و بشع لبراءة هالأطفال، أما الكبار، فما بظن هادا موضوعنا، رغم إني عندي تحفظ عليه، بس بضل حرية شخصية بحتة.

سيبك من موضوع الحجاب في ناس متشددين في الدين وهادا غلط
متلا انو يلبسها حجاب وهي زغير هادا تشدد وما بعرف شو بمت للانسانية
من جهة تانية الترهبن وعدم الزواج بحجة الله اعلم شو هي
بتصور انها جريمة بحق الانسانية !!

بعتقد انك يا سيد سكاي بي عم تدفعنا لعتناق الافكار المتشددة حتى نطوع افكارنا ومبدئنا لمواجهة الفكرة السقيمة يلي عم بتحاول الوصول الها
لكن ان كنت انت ممن يطوع الفكر والمبادئ لخدمة اهداف اخرى فنحن على العكس تماما منك لن نتنازل عن افكارنا وان كانت ضد بعض المناهج العقيمة في تطبيق التكاليف
فنحن جميعا واقصد هنا اخي ابو طريق ومايا ويافا وليندا وMeeM و ليدي ان ريد ووايت روسي جميعنا لسنا ممن يطوع الافكار والمبادئ لتخدم اهداف سقيمة
سنكمل جميعنا الحوار هنا ولكن من خلال ردود على من يريد الحوار البناء وادعو الجميع من هنا ان ينطلق حوارنا ليصب في ذات الموضوع ونبعد كل البعد عن اي تجاوز للموضوع بهدف توصيل افكار سقيمة
كثير ممن تحاور هنا يحمل افكار مختلفة فيكفينا اختلافنا وانتمائنا للحقيقة ان نتحاور ونترك كل من يريد حرف الموضوع ليصل لما يصبوا اليه


تحياتي للجميع واتمنى منك سيد سكاي بي ان ينطلق حوارك بشكل يحافظ على احترامنا لبعض والا نخسر محاور رائع متلك ولكن ان يكون هدفنا جميعا حوار هادئ يحافظ على احترامنا لبعض :D

شكرا وائل على رأيك الصحيح جدا، بس حابب علق عشغلة، إنو مو من حق الأهل يربوا الطفل أو الطفلة على عادات سيئة، و الإجبار بيجي عن طريق غير مباشر، بصيروا الأهل يغسلوا دماغ بنتهن الصغيرة، و أبرز الوسائل عن طريق الإنكار، يعني بصير يحسسوا البنت بالإهمال، و إنو هيي طفلة لحتى تتحجب، و هالمثال واقعي و أنا عايشو، جيراننا عندهن بنت يمكن هلأ صار عمرها 13 سنة، بس لما تشوفها بتعطيها عمر مو أكتر من 10 سنين، و تحجبت لما كان عمرها شي 11 سنة، أكيد وصلت مرحلة البلوغ، بس لسا عقليتها طفولية، حكيها طفولي، بريئة، دائما هادية و الأط بياكل عشاها، بس يا ترى شو يللي خلاها تتحجب؟؟؟؟ يا سيدي السبب إنو جارتنا التانية يللي بتكون رفيقتها و أصغر منها بسنة كمان، بتعطيها أكتر من عمرها، سيكولوجيا و فسيولوجيا، و بعدين زكية و قوية و أد حالها، و مو محجبة، بس الحواليها بعاملوها على أساس إنها ناضجة و زكية، و هديك البنت بعاملوها على أساس إنو طفلة، فبالتالي مشان تثبت إنها واعية و كبيرة، و أكيد هي عقدة سببها الجهل و التخلف من الأهل و المجتمع، ما كان غير الحجاب حل وحيد لتشعر بإنها بني آدمة وسط هيك مجتمع فاسد، و فعلا ماتت براءتها، و صارت تعامل كامرأة ناضجة، وصارت تعامل باستحسان من الجميع و يحسبولها ألف حساب، و هلأ رفيقتها تحجبت كنوع من الغيرة و حب السلطة. فهي إجبار غير مباشر، الأهل ما غصبوا البنت، بس غصبوها بشكل غير مباشر و بأسلوب حقير، و هيك باقي المجتمع، يا أما إكراه بشكل مباشر و قمعي، أو غير مباشر و قمعي كمان، و برأيي هيك أهل لازم يتعاقبوا و ياخدوا جزاتن.
و ألف شكر إلك وائل. :D




صديقي ابو طريق انا متفق معك في كل حرف حكيته ولكن مثلما اسلفت في مشاركتي السابقة الامر لا يعدو كونه خطأ في التطبيق
الاحكام الشرعية واضحة كل الوضوح اما ان نعمم الفكرة ونرفض فكرة الحجاب لاجل خطأ الاحاد في التطبيق فان الامر سيعدو خطأ اكبر
جميعنا ننطلق من نفس الفكرة وهي ان التكاليف الشرعية انما قائمة كاصل على السعة والاختيار على على الاكراه والاجبار
اما ما يتعلق فيما تحدثت انت عنه فانا اتفق معك والعقل والمنطق يتفق معك بل ان هناك ما هو اسوء من ذلك في التطبيق
لكني هنا اعذر الاهل في تلك الحالة وان كنت اتفق معك ان منهجهم خاطأ لكن الحرص على الطفلة هم المحرك الرئيسي لذلك المنهج
جميعنا نعيش الان ونراقب ما يدور حولنا وندرك تماما حرص الاهل على ابنائهم امام طوفان المفاهيم الجديدة
لكن في النهاية لا يمكن لنا بحال من الاحوال ان نعمم حكمنا على فكرة من خلال خطأ التطبيق او صوابه وانما حكمنا يجب ان ينطلق من سوء الفكرة او صوابها

و ساتحدث في مشاركات لاحقة عن فكرتي باسهاب

اشكرك اخي ابو طريق واشكر حوارك الرائع
كل الحب والاحترام اخي :D

ما بتفق معك وائل .. أنو للأهل الحرية الكاملة بتربيتهم للطفل ..
مثلا في أهل بتعتبر أنو أفضل أسلوب للتربية .. هو الضرب والضرب المبرح في كتــــــــــــير من الاحيان إذا ما أغلبها
فإذا سمعت مثلا طفل جارك عم يصرخ بتدير وجهك وبتقول هوي حر .. !! لانو بوجهة نظرو انو هاد الاسلوب الانسب ..
للتربية في اسس وقواعد .. ورغم انو الاهل الهون سلطة .. بس ماهيي سلطة مطلقة ابدا ..
طلعنا شوي عن الموضوع .. بس حبيت وقف عند هاي النقطة ..

النقطة التانية ..

بنظري اذا انجبر الطفل على شيئ معين بصغرو ..
صحيح لح يكبر ويختار بنفسو .. بس اختيارو لح يكون على اسس غلط
اما هروب من الفكرة بشكل كامل ورفضها .. وهون عم نحكي عن الفتاة .. يعني الحجاب لا حدا يجيب سيرته مع انو كفكرة ممكن يكون صح ..
أو أنها لح تتابع الي بدو فيه اهلها بدون ادنى تفكير .. يعني أنها عورة وعيب وحرام .. ووووو
يعني نقطة عل الشمال .. (( وهون عم احكي عن الناس الي بتفهم الحجاب فهم سطحي ومريض )



.



عزيزتي مايا جميعنا متفق على ان التربية الصيحية يجب ان تنطلق من وعي وادراك الاهل لمتطلبات الطفل خلال المراحل المختلفة التي يمر بها الطفل لكن هنا نحن نتحدث عن اختلافات لا حصر لها في العقول والاساليب بل انها مليارات الاساليب في التربية بين اللين والشدة والنسب المتفاوتة بين هذا وذاك
لكن ما يجمع تلك الاساليب كلها ويجعلها تنطلق من فكرة واحدة هو حرص الاهل وحبهم لاطفالهم وخوفهم عليهم
انا هنا لا ابرر الخطأ في التربية وانما اضع اعذاراً واقيس الفكرة على مبدأ الثواب والعقاب في القوانين الوضعية
فنحن نعلم ان هناك سلوكاً لو اقترفه الانسان فانه يعرض نفسه للمسألة القانونية ولتحمل تبعت العقاب الجزائي
قياساً على فكرة العقاب الجزائي والكم الهائل من الالم الذي يحمله العقاب في ثناياه فاننا بالنظر لحجم المنفعة التي عادت على المجتمع من خلال العقوبة الجزائية سنغفل الالم الذي تعرض له مرتكب ذلك السلوك والذي في كثير من الاحيان لا ينم عن شخصية شريرة هدفها ايقاع الاذى بالمجتمع
هنا انا اقيس نفس الفكرة على اساليب تربية الطفل واعتقد جازماً هنا اننا يجب ان نغفل الالم الذي يتعرض له الطفل بالنظر للمنفعة التي يريد الاهل تحقيقها وهنا انا انظر للاساليب الصحيحة وليس لبعض المتشددين الذين اعتبرهم مرضى نفسيين ليس اكثر
يا عزيزتي جميعنا هنا اغفل فكرة مهمة او قد نكون تنسيناها بقصد او دون قصد وهي ان الحجاب لا يفرض على الطفل من قبل الاهل بمعزل عن تربية دينية كاملة وشاملة
اقصد هنا ان الحجاب انما ياتي دوره مكملاً وتابعاً للتربية الدينية و ذلك من خلال ان الطفل يقوم بالفرائض التي تطلبها الشرع حتى وان كان في سن صغيرة والشرع لا يطلب منه ذلك
واعتقد ان مرجع ذلك هو الحفاظ على الطفل من الوقوع في الاخطاء من وجهة نظر الاهل
نستطيع هنا ان ننظر الف ساعة ونتحدث عن دور الوعي والادراك والفهم الصحيح لكن لا يمكن بحال من الاحوال ان نغفل ان هناك الكثير من العقول التي تفتقر للفهم الصحيح وللعواقب والنتائج المترتبة على الافعال بذلك لا يجدوا طريقة للحفاظ على ابنائهم سوى تحصينهم من خلال تربية دينية قد تكون هي الحائل بين وقوعهم في الخطأ

اضيف هنا نقطة اخرى اعتقد انها مهمة وهي ان السن التي تتحدثون عنها انما هي بداية سن المراهقة لدى الفتاة وجميعنا يدرك ان تلك السن انما تفتقر للادراك الصحيح و ان العقل هنا يضعف ادراكه لنتائج الافعال بل ان كثيراً من الافعال التي تلبي بعض الحجات لدى الانسان سيترتب عليها نتائج قد تحدد مصير هذا الانسان بعد ذلك
لذلك فإن الاهل من شدة حرصهم وخوفهم على ابنائهم وخصوصاً في تلك السن الحرجة يسعون لاضفاء الطابع الديني الملتزم على تربيتهم و ذلك للحفاظ على ابنائهم امام طوفان الفاهيم الجديدة حتى وان كان الاهل ممن ليسوا متدينين بالشكل المتعارف عليه
وفي النهاية بعد بلوغ هذا الطفل للسن التي تأهله للاتخاذ قراره المناسب اعتقد ان لن يستطيع احداً ان يمنعه
ولكن على ان يكون قراره هذا نابعاً من قناعة و يكون صحيحاً وطالما كان القرار صحيحاً و لا يمس بحال من الاحوال اي طرف فأعتقد انه لن يستطيع احداً وقفه

:D

في آية بتقول : (( با أيها الذين آمنوا أطيعوا الله وأطيعوا الرسول وأولي الامر منكم ، فان تنازعتم في شيء فردوه إلى الله ورسوله ان كنتم تؤمنون بالله واليوم الآخر ذلك خير وأحسن تأويلا ))
هلأ بما أنو القرآن عم بيقول إذا صار في نزاع بشيء لازم الواحد يلجىء إما للقرآن أو للرسول ... وموضوع النزاع هوي الحجاب ... طيب إذا لجأنا إلى لقرآن ما رح نلاقي شيء بيحكي عنو .. وإذا لجأنا إلى السنة ... كمان الرسول ما حكا شيء عنو ..... طيب مين عملو ؟؟؟؟ معناتو اللي عملو لا القرآن ولا الرسول ... طيب بما أنو المرجعين الرئيسيين هنّي القرآن والسنة كيف بنلجأ لمرجع أدنى ؟؟؟؟؟ ما بيصير ومن هالمنطلق مو أجباري الحجاب فيما عدا الناس اللي بيحطّوا الحجاب كعادة أو كنوع من اللباس ... أما بالإكراه !!! فبلاقي في ظلم ......



مع شديد احترامي لرئيك اضيف هنا اية من سورة النور تتحدث عن الحجاب

سورة النور يقول الله عز وجل: (وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن) والاستدلال بالآية من وجهين:

الوجه الأول: أن الله نهى في الآية عن إبداء المرأة المؤمنة لزينتها إلا ما ظهر منها ولم يقل أحد من علماء السلف أو الخلف أن الشعر داخل في (ما ظهر منها) حتى الذين توسعوا في الاستثناء أكثر من غيرهم

الوجه الثاني: إن الله أمر المؤمنات في الآية بضرب خمرهن على جيوبهن. والجيوب مواضع فتحات الثياب وهي الصدور. والخمر -كما قال المفسرون- جمع خمار، وهو ما تغطي به المرأة رأسها -ومنه اختمرت المرأة، وتخمرت، هي حسنة الخمرة (انظر مثلا القرطبي: جـ12، ص230) وقال الحافظ ابن حجر في شرح البخاري: الخمار للمرأة كالعمامة للرجل. وهذا ما تنص عليه كتب اللغة أيضا. قال في القاموس، الخمار: النصيف. وفي مادة نصف. قال: النصيف، الخمار والعمامة وكل ما غطى الرأس. وقال في المصباح: الخمار ثوب تغطي به المرأة رأسها.
هذا وتطلق لفظة "الخمار" على كل غطاء كما في الحديث "خمروا الآنية" أي غطوها، ويبدو أن هذا المعنى هو الذي ضلل الذين جادلوا في شأن الشعر. مع أن هذا المعنى العام غير المعنى الخاص الذي جاءت به الآية… وإذا كان اللفظ يراد به أكثر من معنى، فإن القرائن وسياق الكلام هو الذي يحدد المعنى المراد منه.

اضيف هنا معلومة بسيطة ان القران والسنة ليسا فقط اصوال الفقه في التشريع الاسلامي بل ان هناك اصوال اخرى مثل سد الذرائع والمصالح المرسلة والقياس والاجماع هذه هي اصول الفقه في التشريع الاسلامي الى جانب القران والسنة
لكن هناك ترتيباً معيناً لتك الاصوال بحيث ان القران مرجعنا الول في الاحكام الشرعية فان لم نجد فتكون السنة هي السبيل فان لم نجد فيكون القياس فالاجماع الخ الترتيب
من خلال تلك الاية اعتقد ان الحجاب كان فرضاً وتكليفاً شرعياً هذا من باب ومن باب اخر فإن سد الذرائع بإعباره باباً من ابواب الفقه الاسلامي نستطيع ان ندرج الحجاب تحت هذا الباب

:D

كما البعض يدخن بالتواليت

عجبتني هي:p
..

و سؤالي هل يكره الرجال على لبس الشماخ و العقال بما أنه كان لباس الجاهلية أيضاً
أم هو الاستقواء على المراة فقط ؟؟

هي مافهمتا شو دخل الشماخ بالقوة على المرأة؟؟؟؟مافي رجال بدون شماخ وماالهون علاقة بالرجولة

هلق بالنسبة للتعليق عالموضوع ما رح علق لانو حاسة حالي اذا بدي احكي شي ..رح يكون متل العلاك ...:frown:
المهم مو كل واحد جديد يفوت عالموضوع ..يقعد يرد على نفس التعليق ..
على سبيل المثال ..(عرق الحيونة) اللي قالو كريم ...
كم عضو اقتبس هالكلمة ..مع انها عادية ...:? .... وشرحا هوي ورد فات عضو مدري عضوة سالو عنا ....:?

;-) ............:D

سكايبي أنا معك بجزء من كلامك، بس الجزء المتعلق بالقوانين، فهي ما بأيدك فيه، لأن من حق كل إنسان يعبر عن رأيو بأي طريقة، بس بدون ما تإزي الغير، يعني إزا في قوانين للحجاب، فالمفروض يكون قانون يمنع الأهل من إنن يحجبوا بنتهن إزا عمرها أقل من 15 سنة مثلا، أو معاقبة الأهل يللي بيجبروا بنتن بالإكراه على لبس الحجاب، بس إنو عالكل، هادا خطأ و دكتاتورية و عنصرية.
بعدين نوصف الحجاب بإنو مسيطر، فهي ما فيك تعمم، لأن في كتير نسوان بيلبسوا الحجاب عن قناعة داخلية و بدون تعصب، فهيك رأي بظن فيه جرح كبير لهالأشخاص، و بضل الحجاب للطفلة جريمة كبيرة و قتل مباشر و صريح و بشع لبراءة هالأطفال، أما الكبار، فما بظن هادا موضوعنا، رغم إني عندي تحفظ عليه، بس بضل حرية شخصية بحتة.


بضيف هون شغلة لكلامك ابو طريق هلاء من الديمقراطية والتحضر واحترام حقوق الانسان ان تصدر كلاً من فرنسا وبريطانيا وتونس قوانيناً تحرم ارتداء الحجاب
هل اتفقوا هنا ان جميع المتحجبات مكرهين ؟؟؟؟؟؟؟؟؟؟؟؟؟؟؟؟؟؟؟
انا اطالب الدول التي تصدر قوانيناً تبيح الزواج المثلي ان تصدر قوانيناً تبيح ارتداء الحجاب لمن اراد ارتداءه انطلاقاً من احترام حقوق الانسان التي يتغنوا بها

الزلمة مسلم تفصيل على كيف كيفك (فشر بيير كاردان يفصل اخوه)


سؤال
شو دخل بييركرادان بتفصيل البشر
ماهو بفصل وبصمم تياب مو بني ادمين:?

بس اذا حواليك حدا بفصل بني ادمين تبقى تذكرنا:D

بضيف هون شغلة لكلامك ابو طريق هلاء من الديمقراطية والتحضر واحترام حقوق الانسان ان تصدر كلاً من فرنسا وبريطانيا وتونس قوانيناً تحرم ارتداء الحجاب
هل اتفقوا هنا ان جميع المتحجبات مكرهين ؟؟؟؟؟؟؟؟؟؟؟؟؟؟؟؟؟؟؟
انا اطالب الدول التي تصدر قوانيناً تبيح الزواج المثلي ان تصدر قوانيناً تبيح ارتداء الحجاب لمن اراد ارتداءه انطلاقاً من احترام حقوق الانسان التي يتغنوا بها


كلام حلو
انو ها الدول يلي بتدعي التحضر و الديمقراطية وحقوق الأنسان هل برأيها أنو الزواج المثلي هو عبارة عن احترام حقوق الأنسان يلي هي بمثابة حيوان بشري

وقضية الحجاب يلي هية مجرد قطعة قماش متل ما بقولو لا تعبر عن حقوق الأنسان واحترام حريتو

هي هية دول الديمقراطية :pos:

كلام حلو
انو ها الدول يلي بتدعي التحضر و الديمقراطية وحقوق الأنسان هل برأيها أنو الزواج المثلي هو عبارة عن احترام حقوق الأنسان يلي هي بمثابة حيوان بشري

وقضية الحجاب يلي هية مجرد قطعة قماش متل ما بقولو لا تعبر عن حقوق الأنسان واحترام حريتو

هي هية دول الديمقراطية :pos:


يا عزيزتي هناك حكمة تقول
( الاسباب الصغيرة تفضي الى نتائج كبير ة )

فتاة صغيرة ، فراشة بريئة ، تحرم بفكر والد متعصب و مجتمع أصولي منغلق
من ان تعيش طفولتها و براءتها ، عندما تصل لسن يسمى سن التكليف يحبس شعرها
بقطعة من القماش ، بدون أي تفكير أو مراعاة لها و لإنسانيتها و لمرحلتها العمرية
الحساسة التي تؤسس لها و التي قد تؤثر عليها سلباً طوال حياتها ،
تكره و تغصب على ارتدائه و هو لباس أو هوية كما يحب البعض ان يسميه عندما
يعترفون أنه لا يقي و لا يجعل الفتاة على خلق ، و لكن ما هي هذه الهوية ،
هي هوية التعصب الأعمى و شرخ المجتمع و اضطهاد المرأة و الفتاة الصغيرة
لذا فالأفضل وقف هذا التقليد الذي لا أظن أنه من الروحانية و الغيرة على القيم
الدينية بشيء ...
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


لك شو هل مشاعر لك سكاي بي .. حنون كتير كبير الله لايحرمنا من مواضيعك .. الامه العربيه والسوريه بشكل خاص يتنظر مواضيعك الاصلاحيه :sick:

طيب وين توثيق خبر هلاء عن جد بلشت اتآثر من كل البي :hart: لك آيه من كل البي

هلاء آذا انا جبتلك موضوع او كتاب عن المرآه في الغرب ومواضيع بتجنن اكيد لح طالبني انوا وثقلك ياه مهيك :p

هل تعلم كم عدد الاغتصاب يومياً في فرنسا ؟؟ او التحرش الجنسي ؟؟ وضد القاصر والمقارنه بين فرنسه والدول العربيه ؟؟:lol: :lol:

حبيب البي سكاي بي روح تعلم شلون تطرح خبر او موضوع لان خبر له صياغه والموضوع له طرق في الطرح :p

احلى شي هي فراشه ولي ولي على هل مشاعر هلاء هاد الخبر لجديد تبعك وين صار بسوريا ولا السعوديه ولا موزانبيق :o

لا نه هي اصولي وشو ايــــــــــــــه مجتمع ومنغلق وبرائه وفراشه:lol: :lol: يسلمي منفتح :o

صبحان الله لما يكون في 1000 خبر عن قتل اطفال في العراق وفلسطين لاأحد من الجميع يكلف نفسه بمواسات :cry:

وعندما يكون خبر لااصل له .. وصاحب الخبر معروف التوجهه مسبقاً بنلاقي كل هل مشاركات :shock: :? :pos: :frown:

الي بحب يشوف صور اطفال وفراشات المسلمين والعرب في العراق وافغانستان والشيشان والبوسنه والهرسك وفلسطين الخ عندي على ابو موزه.
.بس لح يطلع حدا ويقلي هدول مصممين عل آله حاسبه :sosweet:

سلمولي عل مجتمع المتحضر:melody:

صبحان الله لما يكون في 1000 خبر عن قتل اطفال في العراق وفلسطين لاأحد من الجميع يكلف نفسه بمواسات :cry:

وعندما يكون خبر لااصل له .. وصاحب الخبر معروف التوجهه مسبقاً بنلاقي كل هل مشاركات :shock: :? :pos: :frown:

الي بحب يشوف صور اطفال وفراشات المسلمين والعرب في العراق وافغانستان والشيشان والبوسنه والهرسك وفلسطين الخ عندي على ابو موزه.
.بس لح يطلع حدا ويقلي هدول مصممين عل آله حاسبه :sosweet:

سلمولي عل مجتمع المتحضر:melody:



لك ابو شريك لك بموت الوحنا منا ابو بيموتو بعيد الشر ولادك :cry: لك هدول مو سألين عنك ولا عني لك هدول متل تبع 3 مية وع مكسر يا بطاطا شوف هي مات جدي ابو عبدو حدا سأل عنو بس انا الهم شريك كلو واحد بتلاقي بمخو جزمة نفسية بعدين على قولة خليه يحكي الحكي ببلاش ;-)

خلينا عم نشوف ابدعاتو حرام بيجوز عندو شي عئدة بحياتو وحابب يفشها بالمنتدى خلي يكتب الكتابة والحبر ببلاش ;-)

بضيف هون شغلة لكلامك ابو طريق هلاء من الديمقراطية والتحضر واحترام حقوق الانسان ان تصدر كلاً من فرنسا وبريطانيا وتونس قوانيناً تحرم ارتداء الحجاب
هل اتفقوا هنا ان جميع المتحجبات مكرهين ؟؟؟؟؟؟؟؟؟؟؟؟؟؟؟؟؟؟؟
انا اطالب الدول التي تصدر قوانيناً تبيح الزواج المثلي ان تصدر قوانيناً تبيح ارتداء الحجاب لمن اراد ارتداءه انطلاقاً من احترام حقوق الانسان التي يتغنوا بها

أنا أصلا ماني مع هيك قوانين، بالعكس ضدها جملة و تفصيلا، بس بأيد و بقوة وجود هيك قانون عالقاصر أو يللي عمرها تحت 15 سنة أو عالبنت يللي بيجبروها أهلها بالإكراه، و الدول يللي بتبيح قوانين الزواج المثلي بتعاقب مغتصبي الأطفال، و عفكرة تحجيب البنت بعمر صغير هوي تماما متل اغتصابها، بس بأسلوب جاهلي منحط، و للأسف تحت مفهوم ديني خاطئ تماما. و إزا قرأت ردي منيح بتعرف إنو أنا ما كان أصدي تأييد لقوانين منع الحجاب بشكل قاطع، بالعكس هادا بدل على حدوث ثغرة لا يستهان بها في العدالة و الديمقراطية الغربية، و الحلم الغربي بدأ بالانتحار البطيء.
بالمحصلة أنا بعارض و بقوة الحجاب للأطفال، أما للكبار فهوي حرية شخصية بحتة بعيدة كل البعد عن المفهوم أو الوازع الديني.

أخي وائل بحييك و بحي حوارك الراقي الأكتر من رائع، ألف ألف تحية. :D

أنا أصلا ماني مع هيك قوانين، بالعكس ضدها جملة و تفصيلا، بس بأيد و بقوة وجود هيك قانون عالقاصر أو يللي عمرها تحت 15 سنة أو عالبنت يللي بيجبروها أهلها بالإكراه، و الدول يللي بتبيح قوانين الزواج المثلي بتعاقب مغتصبي الأطفال، و عفكرة تحجيب البنت بعمر صغير هوي تماما متل اغتصابها، بس بأسلوب جاهلي منحط، و للأسف تحت مفهوم ديني خاطئ تماما. و إزا قرأت ردي منيح بتعرف إنو أنا ما كان أصدي تأييد لقوانين منع الحجاب بشكل قاطع، بالعكس هادا بدل على حدوث ثغرة لا يستهان بها في العدالة و الديمقراطية الغربية، و الحلم الغربي بدأ بالانتحار البطيء.
بالمحصلة أنا بعارض و بقوة الحجاب للأطفال، أما للكبار فهوي حرية شخصية بحتة بعيدة كل البعد عن المفهوم أو الوازع الديني.

أخي وائل بحييك و بحي حوارك الراقي الأكتر من رائع، ألف ألف تحية. :D


اخي ابو طريق انا لم اكن منتقداً لردك الاخير وانا كنت اكمل الفكرة انطلاقاً من توافقي معك بالفكرة التي طرحتها في ردك على سكاي بي
الحجاب بالنسبة للكبار حرية شخصية انطلاقاً من كون التكاليف الشرعية تقوم على الحرية والاختيار هنا نتفق 100%
اما بالنسبة للصغار انا اختلف هنا معك فلا يمكن بحال من الاحوال ان نصور حرص الاهل على انه اغتصاب اخي العزيز ابو طريق انت تحدثت عن انهيار الحلم الحضاري لاوروبا بفعل سيطرت افكار المادية وانتفاء الكثير من القيم التي واكبة التطور الحضاري
انا هنا لا اقول ان الحجاب هو الذي سيحافظ على القيم الروحية بل انه عنصر من عناصر تربية دينية هدفها الاول والاخير الحفاظ على هذا الطفل امام انجراف القيم الروحية حيث ان الحجاب لا يمكن بحال من الاحوال ان نصوره وناخده منفرداً عن اسس التربية الدينية الاخرى
وحرص الاهل وخوفهم هو الوازع والمحرك الرئيسي
اختلفنا قيللاً اخي ابو طريق لكن الاختلاف في الراي لا يفسد للود قضية
لكي مني كل الاحترام والتقدير اخي العزيز ابو طريق:D

فالمفروض يكون قانون يمنع الأهل من إنن يحجبوا بنتهن إزا عمرها أقل من 15 سنة مثلا، أو معاقبة الأهل يللي بيجبروا بنتن بالإكراه على لبس الحجاب، بس إنو عالكل، هادا خطأ و دكتاتورية و عنصرية.
بعدين نوصف الحجاب بإنو مسيطر، فهي ما فيك تعمم، لأن في كتير نسوان بيلبسوا الحجاب عن قناعة داخلية و بدون تعصب، **و بضل الحجاب للطفلة جريمة كبيرة و قتل مباشر و صريح و بشع لبراءة هالأطفال، أما الكبار، فما بظن هادا موضوعنا، رغم إني عندي تحفظ عليه، بس بضل حرية شخصية بحتة.

في كاتبة إيرانية اسمها شهداروت جافان كتبت رواية اسمها
لينزع الحجاب يلي قامت و الدنيا و ماقعدتها مع انو فكرتها بسيطة
نابعة من تجربتها لانها أرغمت على ارتداء الحجاب و عندما هاجرت
لأوروبا نزعته
و تركته ..
فكرة الرواية هي ان يمنع إرغام الفتاة على ارتداء الحجاب حتى يصير عمرها 18 و بعد ذلك هي تقرر بكامل حريتها ..إن كان الأهل يفهمون
معنى هذه الكلمة ..و ليربوها على التقوى و العفة و الفضيلة
نحنا نؤيد ذلك ..بدون مظاهر تطرفية و شقاق بالمجتمع

اخي ابو طريق انا لم اكن منتقداً لردك الاخير وانا كنت اكمل الفكرة انطلاقاً من توافقي معك بالفكرة التي طرحتها في ردك على سكاي بي
الحجاب بالنسبة للكبار حرية شخصية انطلاقاً من كون التكاليف الشرعية تقوم على الحرية والاختيار هنا نتفق 100%
اما بالنسبة للصغار انا اختلف هنا معك فلا يمكن بحال من الاحوال ان نصور حرص الاهل على انه اغتصاب اخي العزيز ابو طريق انت تحدثت عن انهيار الحلم الحضاري لاوروبا بفعل سيطرت افكار المادية وانتفاء الكثير من القيم التي واكبة التطور الحضاري
انا هنا لا اقول ان الحجاب هو الذي سيحافظ على القيم الروحية بل انه عنصر من عناصر تربية دينية هدفها الاول والاخير الحفاظ على هذا الطفل امام انجراف القيم الروحية حيث ان الحجاب لا يمكن بحال من الاحوال ان نصوره وناخده منفرداً عن اسس التربية الدينية الاخرى
وحرص الاهل وخوفهم هو الوازع والمحرك الرئيسي
اختلفنا قيللاً اخي ابو طريق لكن الاختلاف في الراي لا يفسد للود قضية
لكي مني كل الاحترام والتقدير اخي العزيز ابو طريق:D

صديقي وائل أصلا إزا ما صار في اختلاف بوجهات النظر، ما بكون في حياة على الأرض، بس بضل الرابط الروحي الأخوي بيناتنا أكبر من أي خلاف.

بالنسبة لحجاب الأطفال، اسمحلي بررلك وجهة نظري في إنو اغتصاب، يا صديقي الحجاب للأطفال -برأيي- مستحيل يكون ولا بأي شكل من الأشكال عنصر تربية دينية، لأن بكل بساطة الفساد هلأ متغلغل فينا للعضم، و للأسف حجاب الأطفال عميعمل مفعول عكسي تماما عند الكبر، يا أخي تصور بنت طفلة بريئة، شو بدك تبررلها الحجاب؟؟؟؟ مشان ما يشوفك الصبيان؟؟؟؟؟ طيب ليش بدنا ياها تفتح على الممنوع، مع العلم إنو كلشي ممنوع مرغوب، يعني بجوز تتحجب مجاملة أو إثبات وجود و كمان إكراه، بس بتضل سيكولوجيتها مو مقتنعة بالحجاب، خليها تعيش طفولتها ببراءة و صدق، هالشعر يللي متل التاج بدوب الألب، ليش لنغطي و هيي لساتها صغيرة ما بتعرف عن الدنيا إلا لونها الأبيض النقي؟؟؟؟؟؟ ليش لنوسخ الدنيا و نسودها بوجهها و هيي لساتها أطهر من الملائكة؟؟؟؟؟؟ أما مشان التوعية و الحماية من النحراف، فهي بسيطة، توعية بالمدرسة عن طريق دروس تربية جنسية مدروسة من قبل أطباء نفسيين مختصين، مع تعاون مع الأهل، بصير عنا جيل صامد أمام الشهوة و الانحلال الخلقي، رح تقللي هي التجربة مطبقة بالغرب و رغم هيك في فساد خلقي، طبعا بدو يكون لأن مافي ضوابط، مافي رادع، إزا الكنيسة ما بيعترفوا عليها بنوب!!!!!!!!!!!
أما الحجاب للكبار، رغم إنو مو موضوعنا، بس بضل حرية شخصية بحتة، مو عنصر ديني أو رمز ديني نتقيد فيه، لأن الفساد ضمن المحجبات و بالذات المنقبات أو المخمرات أكبر بمليون مرة من الفساد ضمن البنات العاديات، مع احترامي للمحجبات بس نسبة كبيرة من البنات بتلبس الحجاب لأنو أحلى عليها، و بما إنو عايشة في مجتمع سطحي فأكيد رح تتحايل عالقانون العرفي و تلبس حجاب يللي ببينها أحلى بمليون مرة من شعرها المليان قمل و مزيت.
و لما حكيت إنو في دول بتشرع الزواج المثلي، أنا رديت إنو بنفس الوقت بتعاقب مغتصبي الأطفال، و نحنا نفس الشي، إزا بدنا نعتبر الحجاب رمز ديني و فيه حرية شخصية، هالشي ما بيعني إنو نفرضو عالصغار و نغتصب براءتن بكل بساطة و برودة أعصاب.

آسف عالإطالة.