الملل
لك والله شغلة
يعني افرض مثلا مثلا يعني أنك وصلت لمرحلة بعيدةمن الملل \للدرجة القصوى يعني\:pos:
عالاسطوووووح...... برافو عليك;-)
بحساب كل رفقاتك وأهلك مشغولين عنك...وأنت لحالك وبدك من الله شي جلسة صفا مع ناس ظراف ونفس أركيلة :shisha: ..وهيك...ولكن ما عم تظبط هالشغلة معك:tears:

.....
.....

شو ممكن الملل يدفعك لانك تساوي.؟؟؟!!!:humm:
..
بصراحة انا هيك صار معي مبارح لما فقعت وما عدت عرفت شو اعمل وتقطعت فيي السبل :krimbow:
قمت غليت ركوة قهوة وقعدت صرت أدرس
أي والله شو فيها:p .... يعني الدرس مفيد بلكي هيك الله بيرضى عني وفي يوم من الايام بتخرج:lol:
عنجد الدرس احيانا بيكون منفذ\ شباك\ باب\........مو هيك؟؟؟ .......هيك.:gem:
طيب هون بلش الجد بالموضوع :
انو وقت الفراغ اللي من المفترض انو يكون نعمة هوي لمعظم شبابنا نقمة:cry:
لانو كتير من الطاقات الكامنة اللي عم تنهدر وعم تخبو و تتلاشى مع مرور الوقت
الحق عالشخص نفسو وللا الحق على اهلو وللا عالحكومة...هيك انا ما بعرف لكل حالة حيثياتها
هلق مو بس الخوف من الطاقات اللي ماحدا عم يستفيد منها لا البلد ولا الانسان نفسه:nono:
لاء الاخطر من هيك انو الوقت الفاضي والملل القاتل بياكل من شخصية الانسان:eat:
وممكن انو يأدي لانو الشخص يتوجه توجهات سيئة ........
وفهمكون كفاية;-)
وللا شو رئيكون انتو؟!.:larg:

أطرد الفراغ بالعمل

الفارغون في الحياة هم أهل الأراجيف والشائعات لأن أذهانهم موزعة { رضوا بان يكونوا مع الخوالف } إن أخطر حالات الذهن يوم يفرغ صاحبه من العمل فيبقى كالسيارة المسرعة في انحدار بلا سائق تجنح ذات اليمين وذات الشمال.
يوم تجد في حياتك فراعا فتهيا حينها للهم والغم والفزع ، لأن هذا الفراغ يسحب لك كل ملفات الماضي والحاضر والمستقبل من أدراج الحياة فيجعلك في أمر مريج ، ونصيحتي لك ولنفسي أن تقوم بأعمال مثمرة بدلا من هذا الاسترخاء القاتل لأنه وأد خفي ، وانتحار بكبسول مسكن.
إن الفراغ أشبه بالتعذيب البطيء الذي يمارس في سجون الصين بوضع السجين تحت أنبوب يقطر كل دقيقة قطرة ، وفي فترات انتظار هذه القطرات يصاب السجين بالجنون.
الراحة غفلة ، والفراغ لص محترف ، وعقلك هو فريسة ممزقة لهذه الحروب الوهمية.
إذا قم الان صل أو اقرأ ، أو سبح ، أو طالع ، أو اكتب ، أو رتب مكتبك ، أو أصلح بيتك ، أو انفع غيرك حتى تقضي على الفراغ وإني لك من الناصحين.
اذبح الفراغ بسكين العمل ، ويضمن لك أطباء العالم 50% من السعادة مقابل هذا الإجراء الطارىء فحسب ، انظر إلى الفلاحين والخبازين والبناءين يغردون بالأناشيد كالعصافير في سعادة وراحة وأنت على فراشك تمسح دموعك وتضطرب لأنك ملدوغ.
مشكورة سيدتي للموضوع المفيد
سجلي اعجابي بطرحك الجميل
لي عودة مرة اخرى

موضوعك كتير حلو وبيصير مع كل العالم
يعن انا برايي انو الشخص هو ذاتو الي بيخلي الملل يسيطر عليه
لانو الملل يمكن انو نطردو بالدراسة بعمل شي شغلة
المهم الانسان يلهي حالو بشي
لانو اذا استسلم للملل رح تصيبو الكئابة
واحيانا الاهل يمكن يخلوكي تناصببي بالملل
مثلا كترة خناقاتون عدم تفهمون لا الك
بيناقضو رايك

وممكن ممكن ها الدولة الها دور بهالشي
بسبب انو ماعم توفر هالدروس الترفيهيه ان كان بالمدارس او الجامعات
او عدم توفر اماكن او مجمعات يمكن الواحد انو يكسر مللو الي عايش فيه
بس انا براي انو الانسان لازم عاطول يكون شاغل حالو
ان كان بالدراسة ولا الشغل
ولا دورات تقوية لغات ولا ولا ولا الخ

امممممممممم وبس هاد رايي
وشكرا الك

صح الدرس بيكون منفذ احيانا بس مرات بيكون السبب بالملل بس مابتهيئلي انو الواحد ممكن يفكر يقرا او يدرس ازا كان زهقاان:shock:

انا بعد على البلكون بشوف الرايح والي جاي:pos:

والله معك حق
بس احيانا بكون الواحد مل من كل شي ساعتا على اقرب حيط ......
تسلم ايدك عالموضوع الحلو

ههههه حلوو هالموضوع
أنا بس ملل برووووح عل البحر و بشرب أركيلة
مممممم

ري مي
أنا معك بقضية الملل المستفحل .. اللي ممكن نوصلوا
وقصة الدرس .. عفوا بعمرها ما كانت مسلية .. بالعكس فيها استيراد للملل من قبرص !!
للهوى احكام
عم بتقول أطرد الملل بالعمل .. طيب و إذا الواحد عندو ملل من العمل اللي مداوم فيه ..!
...
يعني هيك صار الموضوع معقد أكتر مني ..
انو وين ما تروح في ملل !!!
شو رأي الشباب والصبايا بالموضوع !!
....
...
.. بدنا حلول رجاء ً ..

اولا اشكر ري مي على موضوعها المميز والذي يمس صميم الواقع:D :clap:
واحب ان اضيف باننا غارقون اما بالدراسة او العمل شاغلين كل اوقاتنا
بصخب الحياة وضجيجها لذا فمن الطبيعي ان نشعر بالملل اما من روتين
الحياة واما من كثرة الترفيه احيانا اخرى لذا ارى ان ملأنا اوقات فراغنا
بهواياتنا القديمة والمنسية وان نعود الى زمن الابداع والفن الجميل
برسم لوحة او نحت بعض النقوش على سبيل المثال
فهذا افضل من الاستسلام للملل واليأس
تحياتي

الملل شي قاتل... موت بطيئ...بيخلي الإنسان فريسة للأفكار السودا... فريسة لمخاوف بكرة... أو لألم أحزان مبارح... بيئتل نشاط الواحد وآبليته لعمل أي شي..مو بس هيك بيئتل فينا شعور المتعة لمن نعمل أي شي... بيجردنا من فرحتنا فيه... وأي شي منعمله أو مننجزه وأت الملل للهرب منه بيكون كتير منيح وأحسن من إنه نبئى عايشينه...وأحيانا منصل مرحلة من الملل لدرجة الأرف الخانق:sick: يلي بيدفعنا للإنجاز بقوة كتير كبيرة لنخلص منه... بتحصل!!!
أما عني... بحمل حالي وبمشي على أد ما الله عطاني... منّو رياضة ومنّو بغير مناzر ونفسية ومنّو بفكر وبتأمل... أو إنو بقرأ... أو بحاكي رفيئتي إم الأفكار والتحليلات النفسية والمواضيع يلي بتحفز تفيكري...:o
ميرسي على الموضوع....:D

بداية شكرا للكل على مشاركاتكم:D .....
للهوى احكام...حلوة هالعبارة
الراحة غفلة ، والفراغ لص محترف ، وعقلك هو فريسة ممزقة لهذه الحروب الوهمية.
وكمان العمل مفيد..وفكرة حلوة انو الواحد يرتب او يظبط شي ببيتو بوقتو الفاضي
بس متل ما قالو الشباب حتى العمل بيكون ممل ببعض الاوقات...
بنوتة حلب...شكرا على مشاركتك
المهم الانسان يلهي حالو بشي
لانو اذا استسلم للملل رح تصيبو الكئابة
مظبووط وهون حطنا الجمال:D مو لازم نستهون ابدا بالكآبة لانها بتقضي عالحلا اللي فينا
واحيانا الاهل يمكن يخلوكي تناصببي بالملل
مثلا كترة خناقاتون عدم تفهمون لا الك
بيناقضو رايك
صح وهون فيه نقطة كتير مهمة وهي انو فيه كتير بنات بيصابو بالملل ببيوتن ومن وضع اهلون لهالسبب يمكن بيلاقو انو الزواج فرصة لتغيير الجو وكنتيجة لهالاحساس يمكن بيتسرعو بقرارون وبيقضو حياتون بملل اكبر اذا كان الخيار مش مظبوط

وممكن ممكن ها الدولة الها دور بهالشي
بسبب انو ماعم توفر هالدروس الترفيهيه ان كان بالمدارس او الجامعات
او عدم توفر اماكن او مجمعات يمكن الواحد انو يكسر مللو الي عايش فيه
بس انا براي انو الانسان لازم عاطول يكون شاغل حالو
يا هلا

صح الدرس بيكون منفذ احيانا بس مرات بيكون السبب بالملل بس مابتهيئلي انو الواحد ممكن يفكر يقرا او يدرس ازا كان زهقاان

:larg:
يا هلا ب جوديث
معك انا انو احيانا بيكون مزاج الانسان مو رايق للدرس بس صدقيني لما بتتقطع فيكي السبل بتضطري:lol:
بس احيانا بكون الواحد مل من كل شي ساعتا على اقرب حيط ......
:lol: :lol: ...يا هلا بابو وديع
اذا اجت على اقرب حيط هينة
احسن ما تجي على اقرب بياع حشيشة( مع انو التحشيش ما في منه:p )
عنجد لان احيانا الملل بيدفع بعض الناس لانن يتعودو على اشيا مضر ة بالصحة

نا بس ملل برووووح عل البحر و بشرب أركيلة
نيالك... صرلي اسبوع ميتة على هيك قعدة:cry:
وقصة الدرس .. عفوا بعمرها ما كانت مسلية .. بالعكس فيها استيراد للملل من قبرص !!
:lol: :lol: :lol: :lol:
معك انا انو بدنا حلول ولهيك انا طرحت الموضوع
بقا برايي
الحل هوي الانقلاب على الروتين ولو مرة باللاسبوع هيك تحس حالك مختلف وتغير من نمط حياتك
تقلبو ...تساوي اشيا مو متعود عليها.. وهيك

بهواياتنا القديمة والمنسية
شكرا ميمو ....وهيدا احد الحلول كمان:D
.مو بس هيك بيئتل فينا شعور المتعة لمن نعمل أي شي...
معك حق
عايشينه...وأحيانا منصل مرحلة من الملل لدرجة الأرف الخانق يلي بيدفعنا للإنجاز بقوة كتير كبيرة لنخلص منه... بتحصل!!!
هيك تمام صاير :D

أما عني... بحمل حالي وبمشي على أد ما الله عطاني... منّو رياضة ومنّو بغير مناzر ونفسية ومنّو بفكر وبتأمل... أو إنو بقرأ... أو بحاكي رفيئتي إم الأفكار والتحليلات النفسية والمواضيع يلي بتحفز تفيكري...
شكرا لوتس على أفكارك:D