اليوم محسوبكون اجا ولبس تيابو وجهز حالو هيك طالع من البيت, قلت لافتح التلفزيون انا وعم اشرب الكولاي (حاكم رحت على مكدانلدز, واشتريت تشيزبرغر, وجبت معها كولا لارج, قمت انصدمت بحجما, وما عاد خلصت معي)
المهم
شغلت هالتلفزيون.
واذ بلاقي مسرحية ضيعة تشرين (لمحمد الماغوط, بطولة دريد لحام) طالعة على محطة قطر, قمت قعدت لاحضرها, وانا عم اتحسر على بلدنا. (على فكرة هاي مرة اول بشوف المسرحية هاي)
بعض من الكلمات اللي هيك لفتتني قالوها بالمسرحية.
صار في بالضيعة سجون اكتر من مافي مدارس.
صار في لكل مواطن سجن, بالوقت اللي في الاف الولاد بالشوارع مالهون مدارس.


كان في وحدة عم تكتب على الهوا. اجا "غوار" قلا, شو عم تكتبي.
قالتلو تاريخ ضيعتنا. قلا ليش عالهوا, اكتبيه هالورق.
قالتلو بخاف يغيروه
بعد شوي تفشكل بكلمة, قلا بنصحك تكتبي هالتاريخ على ورق احسن ما تجي نسمة هوا واتطيرو.

تاريخنا نسمة هوا بتطيرو. صحيح, بس ليش؟؟

ابو النار (يمكن هيك اسمو) غير محلو من محل لبيع الكتب, لمقهى. لانو صار اللي بيفتح كتاب وبيقرا. ينحط بسجون.

اجا مختار الضيعة علق الشعب ببعضو, مشان ينسو موضوع بستان مدري شو.
والشعب عملوها. ما قصرو.


هلق باخر المسلسل. اجا قال مختار جديد من بين الشعب وبحب الشعب والشعب بحبو. ومتل ما بقولو حرر الارض. والشعب انبسط وبلش يحتفل. هون طلع اسم المسرحية. "ضيعة تشرين" وذكرو بالاخر انو متل هون صار بحرب تشرين التحريرية.


هلق هون انا انصدمت.
ما بعرف شو كان الوضع قبل تشرين اللي بسموها "تحريرية".
بس بعرف الوضع هلق.
المخابرات وين ما كان.
الواحد بيرجع على بلدو من الغربة. بخاف ما ينشحط. واولها واخرها بينشحط.
المثقفين بالسجون. الواحد بيحكي كلمة بشوف متل ما سموه بالمسرحية فلم "نجوم الضهر".
الارض ما زالت محتلة, والوعود لساتا قائمة.
الشعب مو طايق "المختار" بس مسكر بوزو. و"المختار" مو مدور عالعشب.

طبعا مع الاسف ما انذكر شي بالمسرحية عن مساعدين هالمختار "المسؤولين".

بس المهم, انو ليش هيك؟؟
يعني نحن الشعب السوري لازم نضل محكومين من قبل عيلة الضباع, عفوا الاسد؟؟
ليش بلدنا دايما باخر ترتيب مع انو شعبنا بيطلع معو كتير. واكبر دليل انو عم يأبدع ببلاد برا.
انو ليش انا مجبور كون برات بلدي. بالوقت اللي مكاني المزبوط جواتا. (وطبعا هون عم قول مجبور, لاني بالفعل مجبور).
انو لك ليش كل ما بشوف شغلة هون باميركا. بقول لك يا ريتا لو كانت موجودة ببلدي. لو موجودة شو كان صار؟؟ مين كانت ضرت؟؟
لك ليش الواحد صار على شوي رح يكره بلدو من ورا اوبة هالحرامية اللي ماسكينها وعم يلعنو بربا؟؟


بعد ما خلصت المسرحية, خطر على بالي غنية "بكتب اسمك يا بلادي, عالشمس الما بتغيب, لا مالي ولا ولادي على حبك مافي حبيب"

والله غضب عليي وقلبت على محطة سوريا. وهون محطة سوريا متل عادتها, كانت حاطة ناس عم تقرا الاوضاع الداخلية والخارجية الراهنة باسخف الطرق. سبيت كام مسبة على سوريا. وزتيت جهاز التحكم وطلعت من البيت.

ايمت بدها ترجع بلدنا متل العالم والناس؟ وايمت بدنا نخلص من هالوسخ اللي ماسك البلد؟ وايمت بدنا نشوف سوريا المستقبل, سوريا الغد؟؟ لانو سوريا الحاضر قرف.

على فكرة موضوعك سخيف وبايخ..........:pos: :pos:
والي بيقرا طريقتك بالحكي عن غربتك بيعرف انك عم تسلبها.......
واذا كنت لهلق ماشفت مسرحية متل هي للماغوط ودريد لحام وانت سوري ....هذا بيدل على ثقافتك واهتماماتك المضمحلة......:frown: :frown:
وشو هالحقد هاد البلد ومن ايمتى كنا نجرجر الناس عالمخابرات الا اذا كانوا مجرمين؟؟؟؟؟؟؟؟؟؟؟
لو كل بني ادم ماشي بالشارع بادبه جرجرته المخابرات.....لكان مافي حدا بالبلد هلق؟؟؟؟؟؟:p :p
بقى بدال ماتاكل عند الماكدونالدز روح جيب مسرحيات غربة وشقائق النعمان وشوفهم بركي بتتثقف شوي...
:ss: :ss: :ss: :ss: :ss: :ss: :ss: :ss: :ss:

لا يخزي العين عنك من كتابتك مبين عليك مثقف وبحقلك تحكي عن الثقافة.

بركي بتتثقف شوي...

لا ما بدي شوف شي, الله يخليك علمني انت.

والله بس ترجع من المريخ زكرني قللكـ ..

صحي .. ؟؟ سكان المريخ بني آدمين ؟


سؤال يطرح نفسو .

السؤال اللي بيطرح نفسو هل انتو بني ادمين؟؟

ناقش بالموضوع يا....... "بني ادم"
لا تناقش بشي تاني

هلق هون انا انصدمت.
ما بعرف شو كان الوضع قبل تشرين اللي بسموها "تحريرية".
بس بعرف الوضع هلق.
المخابرات وين ما كان.
الواحد بيرجع على بلدو من الغربة. بخاف ما ينشحط. واولها واخرها بينشحط.
المثقفين بالسجون. الواحد بيحكي كلمة بشوف متل ما سموه بالمسرحية فلم "نجوم الضهر".
الارض ما زالت محتلة, والوعود لساتا قائمة.
الشعب مو طايق "المختار" بس مسكر بوزو. و"المختار" مو مدور عالعشب.


الوضع كان انو كانت العالم عايشي بأمان الله , صراعات طائفية اقل من هلق بكتير وكانت الاحزاب المتطرفة معيشي البلد يعني كيف بليلة وضحاها عملو هالأحزاب خوينة مع انو هني نفسون كانو عايشين على بركتون ( بلا ذكر اسماء احزاب انتو فهمتو لحلكن)
بالنسبة لبعد (التحريرية) كانت تحريرية لربع الشعب و وتلت الرباع التاني صفا بالمعتقل متل ما قلت انت
الارض المحتلة نساها ... باعوها
المختار ( مسير وليس مخير ) يعني الشباب مو مقصرين فيه عم يسوقوه منيح ;-)


يعني نحن الشعب السوري لازم نضل محكومين من قبل عيلة الضباع, عفوا الاسد؟؟


ما بينفع مو " الاسد للأبد "


ليش بلدنا دايما باخر ترتيب مع انو شعبنا بيطلع معو كتير. واكبر دليل انو عم يأبدع ببلاد برا.


يلي برا صارو اذا بتصير جنة ما بيرجعو غير للصيف و المناظر يلي من خلقة الله و مو من خلقة الشبيحة

موضوع مميز واكيد الي رجعا

( رح اطلع عن الموضوع الاساسي لحظة)
معليش willi بتمنى انو ما تتدايق اذا رديت عليه عنك بهالنقطة هي
واذا كنت لهلق ماشفت مسرحية متل هي للماغوط ودريد لحام وانت سوري ....هذا بيدل على ثقافتك واهتماماتك المضمحلة......
معليش ما فيك تتهم شخص هيك اتهام شو الشغلة بحجم مشاهداتك بعدين بصراحة لما تشوف شخص بعمر willi واذا فتت عالمواضيع اللي بيكتبها باخوية بتلاحظ قديش هوي بيتمتع بثقافة كبيرة مقارنة مع كتير شباب من عمرو
واكبر منو حتى وبصراحة انا كتير تفاجأت بثقافتو مقارنة مع عمرو وبقدملو تحياتي
حتى ولو كنت بختلف معو ببعض وجهات نظر(وخاصة بذوقنا الرياضي:lol: )الا انو ما بيجوز الا انو نحترم الاخر
............
وهلق نعود عالموضوع الاساسي
ما في شي سهل لا اللي بالبلد مرتاحين كتير ولا اللي برا
الدني بدا كتير تضحيات لنقدر نعيشها ونقدر نطور بلدنا بس بدك مين يضحي:D

السؤال اللي بيطرح نفسو هل انتو بني ادمين؟؟

ناقش بالموضوع يا....... "بني ادم"
لا تناقش بشي تاني
والله يا اخي المريخي اذا كانو كل البني ادمين متلك ...فانا اعترف انني مو مني ادم........:larg:
لح اعترف انا عندي تلت رجلين واربع عيون ...اما الاخ موسيقار فعنده سبع ايدين وتلت اذان.....
ونحن الاتنين واصلين للتعليم الابتدائي........:shock:
بس نسيت اسالك يا مشخصاطي: هلق الماكدونالدز وصل عالمريخ.؟؟؟؟؟؟؟
وعذرا من الاخ الموسيقار اذا تجاوزت...بس ياريت تسمعه شي لحن لاخونا الاكابر............
ومعلش حبيبي انا مالي فهمان ليش هيك كتير ارفان من سوريا والسوريين لهالدرجة وكاننا ساكنين بمزبلة؟؟؟؟
اذا كتير ارفان يا ريت تضل بالمريخ وانا بوعدك لما نترقى لدرجة البشر ببقى انا براسي بندهلك بس ياريت ماتسمعنا صوتك الشجي لوقتها.......:p
:melody: :melody: :melody: :melody: :melody: :melody: :melody: :melody: :melody:

وهلق نعود عالموضوع الاساسي
ما في شي سهل لا اللي بالبلد مرتاحين كتير ولا اللي برا
الدني بدا كتير تضحيات لنقدر نعيشها ونقدر نطور بلدنا بس بدك مين يضحي

كيف يعني نضحي ؟ اخد مسدس 9 ميل وروح حرر الجولان؟
روح عبلدي عيش عالدين والفشل؟
روح عبلدي احكي شغلة روح عالسجن مشانا ولو كانت نكتة؟
....
مشان الله حاج تبيعو وطنيات :D

ومعلش حبيبي انا مالي فهمان ليش هيك كتير ارفان من سوريا والسوريين لهالدرجة وكاننا ساكنين بمزبلة؟؟؟؟

بوجود امثالك بتعمر :D

كيف يعني نضحي ؟ اخد مسدس 9 ميل وروح حرر الجولان؟
روح عبلدي عيش عالدين والفشل؟
روح عبلدي احكي شغلة روح عالسجن مشانا ولو كانت نكتة؟
....
مشان الله حاج تبيعو وطنيات :D
لاانا ما ببيع وطنيات
انا ببيع بطيخ
التضحية اللي قصدتها هي تضحية المسؤولين بكراسيهم لاشخاص اكفأ منهم ولهيك كتبت بآخر ردي بدك مين يضحي
وصلت:D

ما كان فيك تطولو اكتر من هيك للموضوع !! ... ابدا ما طلعت عيوني وانا عم اقراه :lol:

ايمت بدها ترجع بلدنا متل العالم والناس؟ وايمت بدنا نخلص من هالوسخ اللي ماسك البلد؟ وايمت بدنا نشوف سوريا المستقبل, سوريا الغد؟؟ لانو سوريا الحاضر قرف.


الله واعلم ... بس يمكن مو على عمري وعمرك :pos:


صحي ملاحظة ... شباب يا ريت للي بدّو يرد يكون ردو ضمن حدود النقاش، باحترام وبدون اهانة او اتباع الاسلوب الاستفزازي لأي عضو ...
يعني هيك حبيت حطها ملاحظة حالياً لحتى ما تتطور الامور وتصير اجراءات اخرى ... ;-)

التضحية اللي قصدتها هي تضحية المسؤولين بكراسيهم لاشخاص اكفأ منهم ولهيك كتبت بآخر ردي بدك مين يضحي
وصلت:سوريا:

اي عيش يا كديش

بترجع سوريا وقت يصحى هالشعب من غطرسة البعث وعيله آل ضباع

بس يا حسرة يا غالي من بعد يلي اسمها الحركة البطيخية (( التصحيحة )) برمجونا متل تبع هش هش تعا تعا

المشكلة فينا انو تربينا على الجبن وكل واحد عم يمشي الستر الستر ويئول يا رب الحيط

كل كوم وتحت شعار شفتو بالمنتدى اذا الشعب يوما" أراد الحياة .. بقاءه مع البعث حتى الممات ... وأبرة بنج تعيد السبات ...

بس متل ما بيئولو مافي شجرة وصلت لعند ربها

تحياتي المعطرة :D

على فكرة موضوعك سخيف وبايخ..........:pos: :pos:
والي بيقرا طريقتك بالحكي عن غربتك بيعرف انك عم تسلبها.......
واذا كنت لهلق ماشفت مسرحية متل هي للماغوط ودريد لحام وانت سوري ....هذا بيدل على ثقافتك واهتماماتك المضمحلة......:frown: :frown:
وشو هالحقد هاد البلد ومن ايمتى كنا نجرجر الناس عالمخابرات الا اذا كانوا مجرمين؟؟؟؟؟؟؟؟؟؟؟
لو كل بني ادم ماشي بالشارع بادبه جرجرته المخابرات.....لكان مافي حدا بالبلد هلق؟؟؟؟؟؟:p :p
بقى بدال ماتاكل عند الماكدونالدز روح جيب مسرحيات غربة وشقائق النعمان وشوفهم بركي بتتثقف شوي...
:ss: :ss: :ss: :ss: :ss: :ss: :ss: :ss: :ss:

انت من اللي تبرمجو ونزلك برنامج البطيخ مافي حل غير تعمل فورمات
بتحكي عن المجرمين بأفرع المخابرات بس ما تنسى المثقفين والمبدعين والطلاب ( هدول بنظرك وبنظر النظام مجرمين ) وماتنسا التهم الموجودة عندك 21مليون تهمة بالأفرع جاهزة الك ولا غيرك

له له له له ياجمعة الخير ليش هيك عبتكو معو


المسكين ماقل إنو عبشر كولاته خلو ليخلص بعدين احكو

بركي طلع معو احسن:melody:

صحي ملاحظة ... شباب يا ريت للي بدّو يرد يكون ردو ضمن حدود النقاش، باحترام وبدون اهانة او اتباع الاسلوب الاستفزازي لأي عضو ...
يعني هيك حبيت حطها ملاحظة حالياً لحتى ما تتطور الامور وتصير اجراءات اخرى ... ;-)




أنو معلش ..

يا ريت .. لو بتشوفي الموضوع من كل الزوايا ديموزيل ..

هاد شكلو شكل واحد بدو ... يوصل لسوريا الغد ؟

هادا بيوصل .. لصوت الشباب .. وما بيعلق معو ..

أنتي معارضة .. بس في ناس شايفين أنو الأمور عم تمشي ..

ليش التحيز ؟

هلق بعيدا عن الجرابيع.



التضحية اللي قصدتها هي تضحية المسؤولين بكراسيهم لاشخاص اكفأ منهم ولهيك كتبت بآخر ردي بدك مين يضحي
طيب ليش بدهون يضحو؟؟
عايشين عيشة ملوك.
الواحد اذا حط عينو بعينون بيقلعولو ياها.
وما حدا عم يحكيهون, عين الله عليهون.

الله واعلم ... بس يمكن مو على عمري وعمرك
وانا كنت ظن انو بس يموت الكبير, رح يمشي الحال.
قام اجا اللي بعدو.
واذا الحالة هيك, مين بيعرف. الشبل بيكبر, وبياخد محل الوالد العظيم, اللي بصير قائد خالد.
والمسؤول الحرامي, بيجي محلو حرامي اكبر منو.

وليش لاء؟
مرتاحين وعين الله عليهون.

بحييك جاد على موضوعك الحلو وعلى وطنيتك وغيرتك على بلدك

كلمتين مختصرين مشان هدول يللي عم يحكوا ومتل العميان

هدول جماعة مرتزقة ( وانت بتعرف مين المرتزقة بالتاريخ ) منتفعين من النظام المستبد

تركون لشوف بكرا بس يطير نظام الاسد شو بدو يصير فيهن ... او بالاحرى وين بدون يتخبو

طبعا لما بذكر عن نظام الاسد يعني مو الاسد بذاتو بس كل واحد منتفع وعم يدمر البلد

بس مو مطولة ...... هانت وما بقي الكتير

willi


بدكـ نناقشكـ ؟؟ أوكي منناقشكـ .. أصلا ً ما عنا شغلة تانية ...

قبل .. ما تقللي محمد الماغوط .. ومسرحيات .. أنت قريتلو كتاب ,.. سأخون وطني ؟

طيب معلش .. مو حضرتكـ عم تكلف نفسكـ وتحط مواضيع تحليلية ؟

بدكـ نصير متل اللبنانية ؟ مافي غير عن نكر .. بطعمة وبلا طعمة .. والبلد برا عم يخرب ؟

فيكـ تقللي .. لو استلم حدا غير المستلم هلئ .. شو ممكن يزيد ؟

بترجع سوريا وقت يصحى هالشعب من غطرسة البعث وعيله آل ضباع
بس يا حسرة يا غالي من بعد يلي اسمها الحركة البطيخية (( التصحيحة )) برمجونا متل تبع هش هش تعا تعا
المشكلة فينا انو تربينا على الجبن وكل واحد عم يمشي الستر الستر ويئول يا رب الحيط
كل كوم وتحت شعار شفتو بالمنتدى اذا الشعب يوما" أراد الحياة .. بقاءه مع البعث حتى الممات ... وأبرة بنج تعيد السبات ...
بس متل ما بيئولو مافي شجرة وصلت لعند ربها
تحياتي المعطرة

لك اخ شو بدو يحكي الواحد.
المشكلة انو بالفعل برمجونا. لك انا بستغرب شلون ممكن الناس تتغاضى, عن كلشي صاير ببلدنا. وتقلنا في تصحيح؟؟
لك انو تصحيح هاد؟؟؟؟
لهلق الواحد اذا بيحكي بيشحطوه وبفرجوه فلم "نجوم الضهر".
لو بالفعل في تحسن, كانو اتطورو من هالطرق الهمجية. كانو فتحو المجال للشعب, انو يساعد ببناء بلدو.

مينون هني حتى يبنو بلدنا؟؟
كل واحد عندو قصر اكبر من قصر يلدز.
وعندو سيارات اذا ببيعها بطعمي شعب سوريا كلو.

بحييك جاد على موضوعك الحلو وعلى وطنيتك وغيرتك على بلدك

كلمتين مختصرين مشان هدول يللي عم يحكوا ومتل العميان

هدول جماعة مرتزقة ( وانت بتعرف مين المرتزقة بالتاريخ ) منتفعين من النظام المستبد

تركون لشوف بكرا بس يطير نظام الاسد شو بدو يصير فيهن ... او بالاحرى وين بدون يتخبو

طبعا لما بذكر عن نظام الاسد يعني مو الاسد بذاتو بس كل واحد منتفع وعم يدمر البلد

بس مو مطولة ...... هانت وما بقي الكتير

القصة مو قصة مرتزقة ... يا صاحبي .

القصة قصة .. أنو بدنا نقلد الأميركان .. وما منعرف كيف ؟

بدنا نسب .. ونلعن و ننشر حريم .

أي وبعدين ؟ ..... ولا شي

مكانكـ راوح ..


يا سيدي أبو الزوز الرحباني .. دخيل اللي خلقه

هو بيجاوبكـ


التوقيع .. مرتزق

بدكـ نناقشكـ ؟؟ أوكي منناقشكـ .. أصلا ً ما عنا شغلة تانية ...
قبل .. ما تقللي محمد الماغوط .. ومسرحيات .. أنت قريتلو كتاب ,.. سأخون وطني ؟
طيب معلش .. مو حضرتكـ عم تكلف نفسكـ وتحط مواضيع تحليلية ؟
بدكـ نصير متل اللبنانية ؟ مافي غير عن نكر .. بطعمة وبلا طعمة .. والبلد برا عم يخرب ؟
فيكـ تقللي .. لو استلم حدا غير المستلم هلئ .. شو ممكن يزيد ؟

البلد خربان من جوا قبل برا.
واذا بدك تواجه اللي برا لازم تكون من جوا منظم.
مين رح يدافع عن هالبلد اذا الشعب مو ملاقي لقمة ياكلا؟؟
ليش بدو يدافع؟؟
مشان شو؟؟
مشان كل يومين يروح لعند الشبيحة ياكلها كفين وكام فلقة؟؟
عن شو بدو يدافع؟ عن البطالة؟
عن الفساد؟؟ عن انو ما الو كلمة بالحكومة؟
عن حرية التعبير المعدومة؟؟؟؟

شو رح يتغير اذا استلم غير اللي مستلم هلق؟؟
هلق هو للصراحة, اني قلك اذا راح الاسد. رح يتغير كلشي. لاء طبعا, لانو اوبة الحرامية اللي حواليه كلها بدا تقليع

لاكن ليش مينو هو حتى ما يكون في احسن منو؟؟
اصلا هو السياسة كلياتا ما الو علاقة فيها. فشلون مسلمينو البلد؟
لو ما مات "الشهيد" باسل الاسد ما كنا سمعنا فيه كلو على بعضو.

اذا استلم حدا بحب البلد, وعم يشتغل مشان البلد,
اذا استلم واحد من ضمن الشعب. وعم يشتغل متل ما بدو الشعب. ويزبط البلد من جوا.
ساعتها فينا نحكي عن برا.

او بالاحرا اذا سمعت باللي برا وقتها بكون وقتها الحكي.
اصلا الكل عم ينهش من لحمنا بسبب هالنظام الزفت. اللي باع ارضنا, وقتل شعبنا وحبس الباقي. ونزع البلد, وعمل من سوريا مسخرة. مع انو تاريخا بخلي اعظم الدول تنحيلو.

بحييك جاد على موضوعك الحلو وعلى وطنيتك وغيرتك على بلدك
كلمتين مختصرين مشان هدول يللي عم يحكوا ومتل العميان
هدول جماعة مرتزقة ( وانت بتعرف مين المرتزقة بالتاريخ ) منتفعين من النظام المستبد
تركون لشوف بكرا بس يطير نظام الاسد شو بدو يصير فيهن ... او بالاحرى وين بدون يتخبو
طبعا لما بذكر عن نظام الاسد يعني مو الاسد بذاتو بس كل واحد منتفع وعم يدمر البلد
بس مو مطولة ...... هانت وما بقي الكتير

المشكلة انو مو الكل مرتزق.
المشكلة قالها المعلم شامي من طوكيو.

برمجة عقول...
خلو الناس تفكر انو وجود سوريا من وجودهون. مع انو الاصح هو انو وجود سوريا من عدم وجودهون

willi


بدكـ نناقشكـ ؟؟ أوكي منناقشكـ .. أصلا ً ما عنا شغلة تانية ...

قبل .. ما تقللي محمد الماغوط .. ومسرحيات .. أنت قريتلو كتاب ,.. سأخون وطني ؟

طيب معلش .. مو حضرتكـ عم تكلف نفسكـ وتحط مواضيع تحليلية ؟

بدكـ نصير متل اللبنانية ؟ مافي غير عن نكر .. بطعمة وبلا طعمة .. والبلد برا عم يخرب ؟

فيكـ تقللي .. لو استلم حدا غير المستلم هلئ .. شو ممكن يزيد ؟
انا رح جاوبك على كلامك

شوف يا حباب الوضع بسوريا مختلف كتير عن لبنان وحتى عن العراق
لبنان يا معلم صرلها 15 سنة حرب اهلية بالسلاح وبعدها 15 سنة حرب اهلية بدون سلاح يعني بالكلام الطائفي والمذهبي
والعراق شعب عاش حرب مع ايران 8 سنين وبعدها حرب الخليج وجوع وفقر وامراض ونظام حزب البعث

اما سوريا يا معلم لولا شعبنا الجبار كنا صرنا بالحضيض
بتعرف انو في 36 مليون سوري خارج سوريا وهدول عم يعمروا بغير بلاد ... بتعرف ليش ؟؟؟
لانو السوري بعمر وين ما راح ومعتمد عليه
روح شوفون ببلاد برا كيف مستلمين اكبر المناصب
على شو بدو يرجع على البلد
اذا بدون يمشوا على كيفون
اذا ما في حرية

وبعدين يللي بدو يستلم اكيد رح يكون افضل وبتعرف ليش ؟؟
لانو بدو يعمل كل جهدو و يفرجي الناس انو عم يعمر البلد ... هي اذا ما كان منتسب لحزب ما من المعارضين بغض النظر اذا كان شيوعي او سوري قومي او ..... او .....واكيد حزبو بدو يدعموا

حاجة علاك مصدي اذا ما حدا بيعرف وضع البلد او كيف بتدور السياسة لا يتفزلك ويحكي بلا طعمة

القصة قصة .. أنو بدنا نقلد الأميركان .. وما منعرف كيف ؟

معلش حبيب, خلينا نقلد اميركا بالديمقراطية وبالحرية, وبالاصلاح.
احسن ما نقلدها باللبس والاغاني والموبايلات والسيارات.

على فكرة موضوعك سخيف وبايخ..........:pos: :pos:
والي بيقرا طريقتك بالحكي عن غربتك بيعرف انك عم تسلبها.......
واذا كنت لهلق ماشفت مسرحية متل هي للماغوط ودريد لحام وانت سوري ....هذا بيدل على ثقافتك واهتماماتك المضمحلة......:frown: :frown:
وشو هالحقد هاد البلد ومن ايمتى كنا نجرجر الناس عالمخابرات الا اذا كانوا مجرمين؟؟؟؟؟؟؟؟؟؟؟
لو كل بني ادم ماشي بالشارع بادبه جرجرته المخابرات.....لكان مافي حدا بالبلد هلق؟؟؟؟؟؟:p :p
بقى بدال ماتاكل عند الماكدونالدز روح جيب مسرحيات غربة وشقائق النعمان وشوفهم بركي بتتثقف شوي...
:ss: :ss: :ss: :ss: :ss: :ss: :ss: :ss: :ss:

انا قرأت الموضوع من أول ما نزلWilli بس ما قدرت رد لأنو للما شوف المغتربين وكيف أوضاعن بتدايئ كتير ولما حكى Williانو تزكر أغنية بكتب اسمك يا بلادي.......حسيت بغصّة!!!!
بس لما شفت مشاركتك حسيت انك غريب الأطوار ومع هيك بررتلك غرابة تصرفاتك.......بتعرف ليش؟؟؟؟
لأني حسيتك آكل ضرب لشبعان لحتى واصل لرأيك........أو في احتمال تاني واللي هو انك ما بتحس باخوانك...

........أو في احتمال تاني واللي هو انك ما بتحس باخوانك.


مزبوط تحليلك:gem:

مزبوط تحليلك:gem:

في مية تحليل لسى بس ما بدنا نتورط;-)
يلعن دين هالبشر.............

البلد خربان من جوا قبل برا.
واذا بدك تواجه اللي برا لازم تكون من جوا منظم.
مين رح يدافع عن هالبلد اذا الشعب مو ملاقي لقمة ياكلا؟؟
ليش بدو يدافع؟؟
مشان شو؟؟
مشان كل يومين يروح لعند الشبيحة ياكلها كفين وكام فلقة؟؟
عن شو بدو يدافع؟ عن البطالة؟
عن الفساد؟؟ عن انو ما الو كلمة بالحكومة؟
عن حرية التعبير المعدومة؟؟؟؟

شو رح يتغير اذا استلم غير اللي مستلم هلق؟؟
هلق هو للصراحة, اني قلك اذا راح الاسد. رح يتغير كلشي. لاء طبعا, لانو اوبة الحرامية اللي حواليه كلها بدا تقليع

لاكن ليش مينو هو حتى ما يكون في احسن منو؟؟
اصلا هو السياسة كلياتا ما الو علاقة فيها. فشلون مسلمينو البلد؟
لو ما مات "الشهيد" باسل الاسد ما كنا سمعنا فيه كلو على بعضو.

اذا استلم حدا بحب البلد, وعم يشتغل مشان البلد,
اذا استلم واحد من ضمن الشعب. وعم يشتغل متل ما بدو الشعب. ويزبط البلد من جوا.
ساعتها فينا نحكي عن برا.

او بالاحرا اذا سمعت باللي برا وقتها بكون وقتها الحكي.
اصلا الكل عم ينهش من لحمنا بسبب هالنظام الزفت. اللي باع ارضنا, وقتل شعبنا وحبس الباقي. ونزع البلد, وعمل من سوريا مسخرة. مع انو تاريخا بخلي اعظم الدول تنحيلو.

أنا وقت اللي قلت .. برررا .. ما كان ئصدي أنو برات البلد روحي ..

أنا كان ئصدي ببساطة أنو بررا بـ / الشارع /

يعني .. لبنان

وهو عم يعيش عصر ديمقراطيتو الزهبي .. // قبل الحرب // كان معدل إنفاق الفرد فيه أكبر معدل إنفاق بالشرق الأوسط .. ومع هيكـ ما في دولة .. ما في نظام .. ما في .. شي تسند راسكـ عليه

(( هي عم بحكي قبل ما تجي دول المنطقة ... وتبعبص .. فيه ))

في شغلة مهمة ..
أنت ع بتقول حدا بيحب الشعب .. ومن الشعب .. و الخ الخ ..


بتعرف أنو أجمعت استطلاعات الرأي السرية ..

أنو لوصار انتخابات نزيهة هون بالبلد ..

بتعرف مين بيستلم الحكم ؟؟؟؟؟؟؟؟؟؟؟؟؟؟؟

الإخوان المسلمين .. ببساطة .

كتير رح تكون مبسوط .. لما بيستلموا الإخوان المسلمين ؟؟

يا أخي اد الشعب السوري .. وهاد ميوله .. وهي ثقافته .. / الحالية/




قبل ما نسب ونشتم ونلعن سلسفيل النظام .. خلينا نفكر نفتتح .. مكتبة .. بتعطي الثقافة بالمجان للناس .. لتصلح الوضع الثقافي لأهل البلد ...

بعدين منفكر .. إذا بدنا نعمل جو ديموقراطي .. مو صينية بطاطا

وبعدين يللي بدو يستلم اكيد رح يكون افضل وبتعرف ليش ؟؟
لانو بدو يعمل كل جهدو و يفرجي الناس انو عم يعمر البلد ... هي اذا ما كان منتسب لحزب ما من المعارضين بغض النظر اذا كان شيوعي او سوري قومي او ..... او .....واكيد حزبو بدو يدعموا

حاجة علاك مصدي اذا ما حدا بيعرف وضع البلد او كيف بتدور السياسة لا يتفزلك ويحكي بلا طعمة


ميرسي لـ سعة صدركـ رفيئي .. ولـ كلامكـ اللي عم ينئط .. بتعرف شو


الي رح يستلم بتعرف شو ح يساوي ؟؟

ح ينهب البلد بس بطريقة أرقى ... لأنو شخص .. لأنو واحد .. لأنو بس استلم بدو يبلش إحساس الألوهية يتسرب لجواته .. هي السلطة .. أو بالأحرى (( الصلطة )) وشهوتها ..

لأنو ما عندنا قاعدة ثقافية .. تقدر ترسخ مفهوم المؤسسات بهالبلد ..





أنا مالي مع النظام الحالي و لا مع أي نظام بيشبهو ..

بس أنا مع أنو نعرف كيف نصلح ..

العياط صديقي .. ما بينفع

أوروبا لحتى صارت أوروبا ..


تطلب منها الموضوع .. أنو تفتتح مسرح بـ كل .. شارع

هون بيبلش الإصلاح ..


يا صديقي .. و.. المتواطن

على فكرة موضوعك سخيف وبايخ..........:pos: :pos:
والي بيقرا طريقتك بالحكي عن غربتك بيعرف انك عم تسلبها.......
واذا كنت لهلق ماشفت مسرحية متل هي للماغوط ودريد لحام وانت سوري ....هذا بيدل على ثقافتك واهتماماتك المضمحلة......:frown: :frown:
وشو هالحقد هاد البلد ومن ايمتى كنا نجرجر الناس عالمخابرات الا اذا كانوا مجرمين؟؟؟؟؟؟؟؟؟؟؟
لو كل بني ادم ماشي بالشارع بادبه جرجرته المخابرات.....لكان مافي حدا بالبلد هلق؟؟؟؟؟؟:p :p
بقى بدال ماتاكل عند الماكدونالدز روح جيب مسرحيات غربة وشقائق النعمان وشوفهم بركي بتتثقف شوي...
:ss: :ss: :ss: :ss: :ss: :ss: :ss: :ss: :ss:

المخابرات
كبوس هون وشوف الجرجرة

أوروبا لحتى صارت أوروبا ..


تطلبمنها الموضوع .. أنو تفتتح مسرح بـ كل .. شارع


لا انت الصادق كلفها اكتر من 50 مليون روح

بعدين يكون بعلمك انو لما يطير نظام البعث ما رح يضل شي اسمو سوريا
رح تخضع لخريطة الشرق الاوسط الجديد ;-)

قبل ما نسب ونشتم ونلعن سلسفيل النظام .. خلينا نفكر نفتتح .. مكتبة .. بتعطي الثقافة بالمجان للناس .. لتصلح الوضع الثقافي لأهل البلد ...

بعدين منفكر .. إذا بدنا نعمل جو ديموقراطي .. مو صينية بطاطا

كلامك بيضحك مين خلينا نفكر ونفتح ؟؟؟؟؟
ومين بتئصد متل ما تفضلو اللي قبلي
وقالو إذا الهوا المتنفس عم تتحاسب عليه وكل مين عم يرفع راسو بيندعس عليه وين ومن وين
لمعلوماتك يا محترم بظن ما بتعرف نص طلاب الجامعات السورية عندهم جلسة بأحد الأفرع كل شهر وتحت قاعدة ضبط البلد
ويلي بيشوفوه ماتبرمج بالحسنى مافي اسهل منها عمليه غسل دماغ وبيطلع خالص
وكمان لمعلوماتك 30 عالم سوري انغسلت دماغهم بين 1997 - 1999 وصارو بالعصفورية
وعيش انت ونظامك .............

اليوم محسوبكون اجا ولبس تيابو وجهز حالو هيك طالع من البيت, قلت لافتح التلفزيون انا وعم اشرب الكولاي (حاكم رحت على مكدانلدز, واشتريت تشيزبرغر, وجبت معها كولا لارج, قمت انصدمت بحجما, وما عاد خلصت معي)
المهم
شغلت هالتلفزيون.
واذ بلاقي مسرحية ضيعة تشرين (لمحمد الماغوط, بطولة دريد لحام) طالعة على محطة قطر, قمت قعدت لاحضرها, وانا عم اتحسر على بلدنا. (على فكرة هاي مرة اول بشوف المسرحية هاي)
بعض من الكلمات اللي هيك لفتتني قالوها بالمسرحية.
صار في بالضيعة سجون اكتر من مافي مدارس.
صار في لكل مواطن سجن, بالوقت اللي في الاف الولاد بالشوارع مالهون مدارس.

سوريا المستقبل, سوريا الغد؟؟ لانو سوريا الحاضر قرف.

بحيك على موضوع الرئع Willi ........ الماغوط روائي وكاتب فريد من نوعه ويمتلك افكار خزيئه والله يرحمه وكان من متهكمين على الواقع السوداوي ...

بس هون بضيعة تشرين كانت النهاية للحركه التصحيحيه المجيده :lol: :lol:
بعد سلسله من الانقلابات استقر الوضع للاسد وابن الاسد وانهم استطاع ذالك الحاكم طرد الحرامي من الكرم :lol: :lol: :lol: والحرامي لساتوا :cry:

انا متأكد انك شايف مسرحية((( كاسك ياوطن)))

بتلاقيها اقوى واعمق وفيها سخريه من النظام والى اين وصل الفساد بالشرفاء

والنهايه الشهيره وقت الاب الشهيد يتكلم مع ابنه (دريد لحام) والنهايه بقلوا والله لك يابي مو بقيان بالقضيه غير هل شفه (من البطحه)

آآآآآآآآآآآآآآآآآآآآآآه يازمن

وكاســـــــــــــــــــــ ـــــــــــــك ياوطن

الموسيقار,



شلون بدك تبني اذا شايف انو البلد مافي منو وعين الله عليه.
بعدين بالله ليش هالنظام العظيم رح يخليك تبني؟؟
ليش وين مثقفين الشعب. تلت ارباعهون بالسجون, او برات البلد. والباقي ما بيطلع بأيدو يعمل شي.
وكلو بسبب هالنظام العظيم.

ليش مين ساوا هالشعب متل ما هو هلق؟؟
مو النظام العظيم اللي عم تزقفولو؟؟

انت داخل عالمدرسة شي؟؟ يعني المفروض.
شفتلي كتب القومية؟؟
شفتلي التلفزيون السوري المحترم؟؟
سمعتلي عن معتقلي الرأي؟؟

بظل هدول كلهون كيف بدك تبني؟؟

ما بتقدر.

والنهايه الشهيره وقت الاب الشهيد يتكلم مع ابنه (دريد لحام) والنهايه بقلوا والله لك يابي مو بقيان بالقضيه غير هل شفه (من البطحه)

والله يا ابي ما ناقصنا شي,
الا شوية كرامة. :pos:

لا انت الصادق كلفها اكتر من 50 مليون روح

بعدين يكون بعلمك انو لما يطير نظام البعث ما رح يضل شي اسمو سوريا
رح تخضع لخريطة الشرق الاوسط الجديد ;-)



أنو يعني يا أبو الزلف .. بدكـ تساويني بعثي بالزور ؟

لكـ أخي أنا مالي بعثي .. وبعرف أنو فكر البعث .. ما عاد من قياس هالزمن ..

أنو يعني .. // كش // ع غسيل الأدمغة .

أنو راح البعث .. إي وبعدين .. مين عندكـ غيرو ؟ شو ممكن يساوي ؟

الشغلة .. مو معاهم معاهم .. عليهم عليهم .

مالي مع البعث أنا يا ابني .. بس مالي كمان .. مع // الضراط عالبلاط // سوري عالكلمة .. بس هي الحئيئة .



ما بدنا نبيض ع بعض وطنيات .. لأنو كل واحد بيعرف حالو شو ساوا للبلد ..

الموسيقار,



شلون بدك تبني اذا شايف انو البلد مافي منو وعين الله عليه.
بعدين بالله ليش هالنظام العظيم رح يخليك تبني؟؟
ليش وين مثقفين الشعب. تلت ارباعهون بالسجون, او برات البلد. والباقي ما بيطلع بأيدو يعمل شي.
وكلو بسبب هالنظام العظيم.

ليش مين ساوا هالشعب متل ما هو هلق؟؟
مو النظام العظيم اللي عم تزقفولو؟؟

انت داخل عالمدرسة شي؟؟ يعني المفروض.
شفتلي كتب القومية؟؟
شفتلي التلفزيون السوري المحترم؟؟
سمعتلي عن معتقلي الرأي؟؟

بظل هدول كلهون كيف بدك تبني؟؟

ما بتقدر.

تجاهل هدول .. كلهون

وحاول تعمل شي أنفع ..

هاد الجواب ببساطة ..

ولحتى ما نلغوص بالكلام ..

رح قللكـ كلمة شهيرة .. لـ شارل ديغول

// يفاجئني الشعب الفرنسي بحضارته ... فأقف مكتوف الأيدي .. حين ينتابني حب السيطرة //

التربة الي طول عمرها بينزرع فيها بطاطا ما بتئدر تزرع فيها ..... كيوي مثلا ً

العلة مو بالراس حبيبي .. / على علاّته /

العلة بالبطيخة ... القاعدة ..

بتعرف .. ؟ عندي فضول أسألكـ ..شو بتشتغل بالحياة ؟

والله يا اخي المريخي اذا كانو كل البني ادمين متلك ...فانا اعترف انني مو مني ادم........:larg:
لح اعترف انا عندي تلت رجلين واربع عيون ...اما الاخ موسيقار فعنده سبع ايدين وتلت اذان.....
ونحن الاتنين واصلين للتعليم الابتدائي........:shock:
بس نسيت اسالك يا مشخصاطي: هلق الماكدونالدز وصل عالمريخ.؟؟؟؟؟؟؟
وعذرا من الاخ الموسيقار اذا تجاوزت...بس ياريت تسمعه شي لحن لاخونا الاكابر............
ومعلش حبيبي انا مالي فهمان ليش هيك كتير ارفان من سوريا والسوريين لهالدرجة وكاننا ساكنين بمزبلة؟؟؟؟
اذا كتير ارفان يا ريت تضل بالمريخ وانا بوعدك لما نترقى لدرجة البشر ببقى انا براسي بندهلك بس ياريت ماتسمعنا صوتك الشجي لوقتها.......:p
:melody: :melody: :melody: :melody: :melody: :melody: :melody: :melody: :melody:

انت يللي عم تحكي رح قلك هالقصة يللي صارت معي من يومين
طلعت مع شوفير تكسي من ساحة باب توما وصار يتحدث معي عالبنات يللي بيجوا بيسهروا بالمطاعم
وسألني انت من وين ؟؟
قلتلو من القيمرية ........ بتعرف شو قلي
قلي القيمرية فيها مسيحية ؟؟؟؟........ لاحظ العنصرية والطائفية بسؤالو
قلتلو فيها مسيحية واسلام ويهود
قلي يلعن ابو اليهود ودينهون الباطل
قلتلو ليش عم تسب الدين ..... مو من حقك تسب الدين
قلي لا اليهود كلاب ومن الزنار و نازل بلش يسب
قليلو يا اخي هاد دين سماوي
قلي مو صحيح
قلتلو نازل بالقران انو دين سماوي
قلي انتى شو بعرفك رح تعرف انت اكتر مني
قلتلو لا ما بعرف اكتر منك انت من وين وشو دارس
قلي انا من ضيعة جنب حلب ووصلت لصف الخامس بس هاد الحكي بعلمنا ياه شيخ الجامع

وعم تحكي عالقرف يا افندي

:shock:
عجبتني هاي تجاهل,

تجاهل هدول كلهون.:shock:


شو عم نلعب نحنا عمو؟
شو بدك تعمل لكن اذا بدك تتجاهل هدول كلهون؟؟
تقعد ببيتك وتسكر الباب على حالك؟؟

بعدين بالله تشرحلي مثل الكيوي والبطاطا, وتبع الشعب الفرنسي.
هيك يعني يا ريت, حاكم فتلتهون يمين, شمال, فوق تحت
ما كانت لاقي منهون شي مفيد, والو علاقة بالموضوع.

أنو يعني يا أبو الزلف .. بدكـ تساويني بعثي بالزور ؟

لكـ أخي أنا مالي بعثي .. وبعرف أنو فكر البعث .. ما عاد من قياس هالزمن ..

أنو يعني .. // كش // ع غسيل الأدمغة .

أنو راح البعث .. إي وبعدين .. مين عندكـ غيرو ؟ شو ممكن يساوي ؟

الشغلة .. مو معاهم معاهم .. عليهم عليهم .

مالي مع البعث أنا يا ابني .. بس مالي كمان .. مع // الضراط عالبلاط // سوري عالكلمة .. بس هي الحئيئة .



ما بدنا نبيض ع بعض وطنيات .. لأنو كل واحد بيعرف حالو شو ساوا للبلد ..
شوف حبيب انا ما بهمني اذا كنت بعثي او غير ذلك
انا يللي بهمني البلد
انو بدنا نبني كلنا سوا
بس تقلي انو النظام هاد منيح ....... اسمحلي قلك انت يا ما بتشوف .... يا ما بتشوف
وبالنسبة للوطنيات ........ انا كرمال هالكلمة اعتقلت سنة

:shock:
عجبتني هاي تجاهل,

تجاهل هدول كلهون.:shock:


شو عم نلعب نحنا عمو؟
شو بدك تعمل لكن اذا بدك تتجاهل هدول كلهون؟؟
تقعد ببيتك وتسكر الباب على حالك؟؟

بعدين بالله تشرحلي مثل الكيوي والبطاطا, وتبع الشعب الفرنسي.
هيك يعني يا ريت, حاكم فتلتهون يمين, شمال, فوق تحت
ما كانت لاقي منهون شي مفيد, والو علاقة بالموضوع.

الشي المفيد بالموضوع أنو الشعب الفرنسي .. فتق حالو ثقافة

لحتى وصل لمرحلة .. أنو ما يخلي حدا يتحكم فيه ..

فهمان عليي قلبي ؟

يعني شعب .. بمستوا الكيوي .. ما بياكل بطاطا ..

فهمت .. ولا عيد وأفتئ ؟

ما بظن في داعي لكل الشقلبة ..

شوف حبيب انا ما بهمني اذا كنت بعثي او غير ذلك
انا يللي بهمني البلد
انو بدنا نبني كلنا سوا
بس تقلي انو النظام هاد منيح ....... اسمحلي قلك انت يا ما بتشوف .... يا ما بتشوف
وبالنسبة للوطنيات ........ انا كرمال هالكلمة اعتقلت سنة

يا سيدي ألف الحمدلله عالسلامة ..

وازرعها بدقني ..

وصدقني .. ما في حدا ممكن يقول عن حالو (( أنا ما بيهمني البلد ))

بس كل واحد ألو طريقتو بالبناء ..

ألو منهجو ..

أنا ضد مبدأ الثورية .. الغوغائية مو أكتر .

يعني معلش .. ولو أنو كان كلمتي مالها فكاهة ..

اعتقلوكــ ............................ قصرت من عمر النظام يعني ؟ ؟

لأ ..

بس الي صار باعتقالكـ .. أنو خسر البلد عقل متنور لمدة سنة ..

هون بطن الحقيقة :shock:


أنو بدنا نبني البلد .. ما بدنا نتخانق مع الناطور .

صحيح بدي ضيف .. شغلة ..

مين قال .. أنو أوروبا لما بلشت تبني حضارتها .. بلشت بالمعارضة السياسية للفاشستيين ؟

اقرؤوا تاريخ بليز ..

ميرسي لـ سعة صدركـ رفيئي .. ولـ كلامكـ اللي عم ينئط .. بتعرف شو


الي رح يستلم بتعرف شو ح يساوي ؟؟

ح ينهب البلد بس بطريقة أرقى ... لأنو شخص .. لأنو واحد .. لأنو بس استلم بدو يبلش إحساس الألوهية يتسرب لجواته .. هي السلطة .. أو بالأحرى (( الصلطة )) وشهوتها ..

لأنو ما عندنا قاعدة ثقافية .. تقدر ترسخ مفهوم المؤسسات بهالبلد ..





أنا مالي مع النظام الحالي و لا مع أي نظام بيشبهو ..

بس أنا مع أنو نعرف كيف نصلح ..

العياط صديقي .. ما بينفع

أوروبا لحتى صارت أوروبا ..


تطلب منها الموضوع .. أنو تفتتح مسرح بـ كل .. شارع

هون بيبلش الإصلاح ..


يا صديقي .. و.. المتواطن

مالح كون اسي لان مساطيل طبعون طيب :hart:

شي اكيد انك لاتكون مع النظام ولاضده .. لانك لامعلق ولامطلق :lol: :lol: :lol:

النظام تاركك تناضل بقصة شرطي المرور والقاضي الفاسد والقضيه تقلب حسب مابدوا شوية من يلي بالي بالك

وكيف تمشي معاملتك النظاميه بالرشوه هاد اكبر هم للمواطن الان مع الدوله لدرجه الاغلبيه تنازلة عن حقوقها السياسيه

اما ان تخيرنا بالاخوان او رفعت الاسد او النظام هذا ليس من حقك ان نطالب بالاصلاح والتغيير والحريه السياسيه والرآي والرآي الآخر ليس من حقق ولامن حق نظامك ان يحرمنا منه

اما النقد والتهكم والسخريه والمسرحيات والكركتير هذا فن حتى القرآن تهكم على على من يعبد النار والصنم

وفن التهكم من السوداويه الواقع لمناشدة الافضل هو من الاف السنين

لو لم تكن بمنتدى ديموقراطي فيه متسع من الحريه لكنت الان في المعتقل :lol: :lol:

اما ان تقارن سوريا بلبنان وديموقرطية الطوائف لما لم يترئا لك الا لبنان ...
لما ليس تركيا العلمانيه وفيها حزب اسلامي حاكم او احدى دول الاتحاد الاوربي او حتى جنوب افريقيا

واذا حابب تناقش اكتر بالديموقراطيه فوت لهون
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بس يستر على عرضك اذا ابوك ضابط او شي مسؤل ستور ماشفت منا هه:cry: يستر على حريمك

دنــــا غلبـــــــــــــــــــان

هممممم قريت بعض الردود و اللي لفت نظري اقتناع كتير عالم أنو مافي بديل لهالنظام (الفاشل) يللي عم يحكمنا ...
اي شو خليت البلد ؟ بلدنا فيا كتييييييير شخصيات عظيمة ممكن تبني البلد بس مشكلتن إنن بالسجون عم يلتعنوا و ما حدا دريان فيون ... يعني أي واحد فهمان بدو ييجي يحاول يساوي شي بيصير ورا الشمس .... فمشان هيك اي يمكن خليت البلد ...
حاجتو نظامنا , صرلو أكتر من 35 سنة عم يمص بهالشعب و الله عفن ... مشانو يعني (للنظام)
فساد على مجازر على فقر على تراجع بالموارد على قمع حريات... على كل شي ...ما كأنو حاجتنا ؟

الشي المفيد بالموضوع أنو الشعب الفرنسي .. فتق حالو ثقافة

لحتى وصل لمرحلة .. أنو ما يخلي حدا يتحكم فيه ..

فهمان عليي قلبي ؟

يعني شعب .. بمستوا الكيوي .. ما بياكل بطاطا ..

فهمت .. ولا عيد وأفتئ ؟

ما بظن في داعي لكل الشقلبة ..


لك انت عم تناقض حالك بحالك عم تقول ثقافة ايا ثقافة هي يلي عم تحكيها فيها شروي غروي
شوف تأسيسك من وانت وصغير بتفوت على رفيقي الطلعي اتحاد شبيبة البطاطا بعدين تنفس شوي
ايا فكر وايا مستوا وايا علم وايا بطيخ ضاربينا منية بكل الدول عن التعليم المجاني بسوريا بس عم يلعبو صح
انت وقت بدك تساوي برنامج وتصممو بدك تتكلف عليه وتتعب شوي بس بالنتيجة بيطلع بيشتغل متل مابدك
بعدين في شغلة بتحطها هيك قدامك إذا مافي غير البطاطا من وين الكيوي ؟؟؟؟؟

صحيح بدي ضيف .. شغلة ..

مين قال .. أنو أوروبا لما بلشت تبني حضارتها .. بلشت بالمعارضة السياسية للفاشستيين ؟

اقرؤوا تاريخ بليز ..

اي معلم
انا هوايتي التاريخ
يعني مدمن متل السيجارة على التاريخ
اصلا ما بنام اذا ما قريت شي اربع خمس صفحات كل يوم
المهم بالنسبة لاوروبا وحضارتها كل عمرها عندها حضارة حتى من 5000 سنة عندها حضارة
وبوقت العصور الوسطى يللي بسموها العصور المظلمة كان عندها حضارة
بس لما حطوا الدين على الرف بلش شي اسموا عصر النهضة وصارت اوروبا تتحكم بالعالم كلو واكبر دليل موجود كل يوم قدامنا

الحرية يللي دفعوا ثمنها

صحيح بدي ضيف .. شغلة ..

مين قال .. أنو أوروبا لما بلشت تبني حضارتها .. بلشت بالمعارضة السياسية للفاشستيين ؟

اقرؤوا تاريخ بليز ..

ولي على البي وعلى البليز
لمعلوماتك بلشت حضارة اوربا من الثورة الفرنسية ومن بعدها بدأت تنتج الديمقراطيات متل مالك شايف
إذا انت مافي مخك غير الأخوان المسلمين هي شغلتك