السكن مع أهل الزوج بين القبول والرفض (ناقش ذلك) [الأرشيـــــف]

بنوتة حلب

30/10/2006, 19:43

حببت اطرح عليكم قضيه او موضوع لاخذا ارائكم وانطباعااتكم الا وهو

السكن مع الزوج في بيت العائلة(بيت اهله) هل يؤثر على الاستقرار

منذ سنوات مضت كان من الطبيعي أن تسكن الزوجه مع والدة زوجها في منزل

واحد بل كانت تسعد الزوجة بهذا ويسود بينهما كل الود والحب والتعاون

أما الآن فعادة ما تحلم العروس ببيت الزوجية المستقل

الذي يضمها وحدها مع شريك حياتها لتكون هي صاحبة الأمر

وآلاتي يرفض العيش في بيت العائله ينسقن وراء حلم الاستقلالية

متذرعات بالمثل كن بعيداً تصبح حبيباً

عزيزاتي هل تقبلن السكن في بيت عائلة زوجك؟؟

ام تفضلن الاستقلالية في بيت خاص لكِ؟؟

وان كان زوجك وحيد والديه واكبر عائلتة؟؟ماذا ستفعلين؟؟

لك أيها الزوج

هل تفضل ان تسكن في بيت خاص لك وحدك

وتستقل بحياتك بعيد عن امك وابوك واخوانك ام تفضل العيش في بيت العائلة

واذا كنت وحيد والديك وزوجتك تريد الاستقلال بمنزلها الخاص ماذا ستفعل ؟؟

.بانتظار أرائكم حول السكن مع أهل الزوج ونواحيه السلبية والإجابيه

Gazita

30/10/2006, 20:20

اول شي بتشكرك بنوتة على طرح هالموضوع اللي صار سيرة ازواج المستقبل.برأيي ما بقبل عيش مع اهل زوجي .تفاديا للمشاكل.وخصوصا انو جيلنا ما عندو صبر لحتى يتقبل سلوكيات غيرو.اي شخص بحياتو الزوجية بيصادف مشاكل مع الطرف التاني سواء بسيطة او معقدة وما بتنحل الا اذا في اتفاق الطرفين.فما بالك تعيشي مع الاب والام والاخوة.واذا صار مشكل بينك وبين فرد من هالافراد او حتى زوجك.بيكبر هالمشكل وبيخلق مشاكل تانية ما النا خلق ليها.احسن شي يكون لي بيت يخصني انا وزوجي.وحاول اتقرب اكتر من اهلو بالزيارات والعزومات وخلي علاقتي بيهم متل علاقتي باهلي.بهيك راح اضمن رضا كل طرف بالتاني.
وميرسي مرة تانية بنوتة:deal: .ومتابعة:D

Odell

30/10/2006, 21:51

انا بعرف انو مافي ولا بنت بتتحمل تعيش مع بيت حماها و شو الله جابرها يعني.. ان

رضيت فهو كرم منها,, اما لو بدنا نطبق احكام الرجل الشرقي فنحنا منودي زواجنا و حبنا للهاوية بايدينا

وانا من هلاء طاقق ميت لعيش لحالي فشو رايك يعني لما يكون في بالبيت ( المدام ) ايضا .... يعني حاجتي وحدة

تسالني لوين و شلون

مو ناقص حدا تاني:pos: :frown:

شكرا

بنوتة حلب

31/10/2006, 01:57

اول شي بتشكرك بنوتة على طرح هالموضوع اللي صار سيرة ازواج المستقبل.برأيي ما بقبل عيش مع اهل زوجي .تفاديا للمشاكل.وخصوصا انو جيلنا ما عندو صبر لحتى يتقبل سلوكيات غيرو.اي شخص بحياتو الزوجية بيصادف مشاكل مع الطرف التاني سواء بسيطة او معقدة وما بتنحل الا اذا في اتفاق الطرفين.فما بالك تعيشي مع الاب والام والاخوة.واذا صار مشكل بينك وبين فرد من هالافراد او حتى زوجك.بيكبر هالمشكل وبيخلق مشاكل تانية ما النا خلق ليها.احسن شي يكون لي بيت يخصني انا وزوجي.وحاول اتقرب اكتر من اهلو بالزيارات والعزومات وخلي علاقتي بيهم متل علاقتي باهلي.بهيك راح اضمن رضا كل طرف بالتاني.
وميرسي مرة تانية بنوتة:deal: .ومتابعة:D

يا هلا عيوني
انا معك برايك ورايك سليم 100%
شكلاا على مرورد وردك الحلو حبيبتي والله يوفقك بأبن الحلال الي يسعدك ويستتك بيبيت لحالك
نورتي

بنوتة حلب

31/10/2006, 02:04

انا بعرف انو مافي ولا بنت بتتحمل تعيش مع بيت حماها و شو الله جابرها يعني.. ان

رضيت فهو كرم منها,, اما لو بدنا نطبق احكام الرجل الشرقي فنحنا منودي زواجنا و حبنا للهاوية بايدينا

وانا من هلاء طاقق ميت لعيش لحالي فشو رايك يعني لما يكون في بالبيت ( المدام ) ايضا .... يعني حاجتي وحدة

تسالني لوين و شلون

مو ناقص حدا تاني:pos: :frown:

شكرا

العفووووووو انا معك انو المرأه ما بتقبل تعيش مع بيت احما
بس الفقير والي ما معوا يشتري بيت ولا حتى يستاجر بيت بيقومو اهلو بيجوزوا قال على اساس يفرحوا
فية
مابيعرفوا انو رح يفرحوا اول فترة بعدين المشاكل رح تبلش
يا اما بتكون الحماية قوية يا الكنة قوية
والله يستر من الاتنين

نورت وشكرا عالمرور والرد والله يوفقك ببنت الحلال الي تسعدك
ويوفق كل الشباب يارب

أبو النور الحمصي

31/10/2006, 18:29

بنوتة حلب :

أول شي شكراً كتير عالموضوع لأنو بيلامس واقع كتيرين منا .

بصراحة أنا ما بقدر اتحمل انو تكون في سلطة فوقي بالبيت يعني انا يادوب بقبل من أهلي الأوامر و الطلبات و هدول أهلي و مجبور اني نفذلن طلباتن فما بالك مرتي يعني انا ما ممكن اقدر انو عيش معها لا ببيت اهلي و لا ببيت اهلا علما انو انا بحالتي هيي وحيدة لأهلها .
من راسي لراسها منتفاهم اما إذا حدا دخل بالنص فممكن تصير مشاكل نحنا بغنى عنها

:D :D :D :D

Lotus

31/10/2006, 19:48

بالنسبة إلي بشوف إنه هي القضية غير قابلة للنقاش... لإني بطبعي بحب الاستقلالية والحرية... وعندي شي إنه بأدّر الخصوصية كتير... وبحب عيش على راحتي... لإني بولع حدن يسألني لوين رايحة ومنين جاية ومين شفتي ومع مين حكيتي حتى لو مو من باب التدخل!!!!! هادا أكتر شي بيخليني عصب...ما عندي هالنzام أساسن عند أهلي!!!!
وبعدين حتى لو كانو أهله كتير مناح يمكن ما يكونو متقاربين فكريا معي وثقافيا ما يؤدي إلى مشاكل لا قِبَلَ لأي شخص بها.... وإزا برضى بكون حكمت على حياتي بالتعاسة والفشل... بعيد الشر!!!!
ميرسي على الموضوع يلي بيلامس الواقع بعنف;-)

لاوديسا

31/10/2006, 20:02

بكلمة وحدة @ مستحيل @ :larg:

jouli

31/10/2006, 20:21

بنوتة حلب
انتي طرحتي موضوع حساس لنقاش
بصراحة الامر صعب وصعب كثير وهي صعوبة تطرحها عدة اسباب مترابطة
يعني لما توافق البنت على هده الوضعية لزم تعرف انها مجبرة انها تقوم بعدة تنازلات من بينها
الحريةيعني حرية التصرف في اي شيء يخطر على البال
وانا اتكلم انطلاقا من التجربة التي اعيشها
صدقوني شيء صعب

محمد ابراهيم

31/10/2006, 20:31

لك أيها الزوج

هل تفضل ان تسكن في بيت خاص لك وحدك

وتستقل بحياتك بعيد عن امك وابوك واخوانك ام تفضل العيش في بيت العائلة

واذا كنت وحيد والديك وزوجتك تريد الاستقلال بمنزلها الخاص ماذا ستفعل ؟؟

.بانتظار أرائكم حول السكن مع أهل الزوج ونواحيه السلبية والإجابيه

ذكرتونا بالزواج :jakoush:

هلا بدي اعمل موضوع اطلب فيه عروسه
المهم
انا اعشق المملكه الخاصه والخصوصيه في العلاقه الزوجيه
لكن بالنسبه الي ممكن كاحتمال وليس قرار اعيش بييت كبير واخود طابق الي ولزوجتي (بس هاد ممكن في قريتنا بالريف فقط )
والي تحفظات على الحياه هونيك :shock:

بنوتة حلب

31/10/2006, 20:57

بنوتة حلب :

أول شي شكراً كتير عالموضوع لأنو بيلامس واقع كتيرين منا .

بصراحة أنا ما بقدر اتحمل انو تكون في سلطة فوقي بالبيت يعني انا يادوب بقبل من أهلي الأوامر و الطلبات و هدول أهلي و مجبور اني نفذلن طلباتن فما بالك مرتي يعني انا ما ممكن اقدر انو عيش معها لا ببيت اهلي و لا ببيت اهلا علما انو انا بحالتي هيي وحيدة لأهلها .
من راسي لراسها منتفاهم اما إذا حدا دخل بالنص فممكن تصير مشاكل نحنا بغنى عنها

:D :D :D :D

يا اهلا وميرسي كتير على المرور والرد
يالله عملك همه شتري بيت لحتى نجوزك
موفق

بنوتة حلب

31/10/2006, 21:00

بالنسبة إلي بشوف إنه هي القضية غير قابلة للنقاش... لإني بطبعي بحب الاستقلالية والحرية... وعندي شي إنه بأدّر الخصوصية كتير... وبحب عيش على راحتي... لإني بولع حدن يسألني لوين رايحة ومنين جاية ومين شفتي ومع مين حكيتي حتى لو مو من باب التدخل!!!!! هادا أكتر شي بيخليني عصب...ما عندي هالنzام أساسن عند أهلي!!!!
وبعدين حتى لو كانو أهله كتير مناح يمكن ما يكونو متقاربين فكريا معي وثقافيا ما يؤدي إلى مشاكل لا قِبَلَ لأي شخص بها.... وإزا برضى بكون حكمت على حياتي بالتعاسة والفشل... بعيد الشر!!!!
ميرسي على الموضوع يلي بيلامس الواقع بعنف;-)

معك حق كتير صعب الواحد الي متعود على الحرية وثقة اهلها فيهاتجي تعيش عند بيت احما يتدخلو بكل شي وين رايحة وين جاية وطلعاتا كتير ومدري شو وبتبلش الحماية زن على ادان ابنها مرتك ومرتك وبتبلش المشاكل

يسلمو على مرورك وردك يا قمر

بنوتة حلب

31/10/2006, 21:01

بكلمة وحدة @ مستحيل @ :larg:

حق معك شو ما قلتي مافي احلى من الاستقلالية
نورتي:lol:

بنوتة حلب

31/10/2006, 21:04

بنوتة حلب

انتي طرحتي موضوع حساس لنقاش
بصراحة الامر صعب وصعب كثير وهي صعوبة تطرحها عدة اسباب مترابطة
يعني لما توافق البنت على هده الوضعية لزم تعرف انها مجبرة انها تقوم بعدة تنازلات من بينها
الحريةيعني حرية التصرف في اي شيء يخطر على البال
وانا اتكلم انطلاقا من التجربة التي اعيشها

صدقوني شيء صعب

الله يساعدك يارب
يا هلا وشكرا على المرور والرد

بنوتة حلب

31/10/2006, 21:08

ذكرتونا بالزواج :jakoush:

هلا بدي اعمل موضوع اطلب فيه عروسه
المهم
انا اعشق المملكه الخاصه والخصوصيه في العلاقه الزوجيه
لكن بالنسبه الي ممكن كاحتمال وليس قرار اعيش بييت كبير واخود طابق الي ولزوجتي (بس هاد ممكن في قريتنا بالريف فقط )
والي تحفظات على الحياه هونيك :shock:

يا اهلالا وسهلا نورت وشكرا عالرد الحلو
والله يجمعك ببنت الحلال

sweetdark

31/10/2006, 21:15

انا برفض اي ضد عشان البنت بتطلع من عند اهلها لبيتها مش بيت حماتها شو جابرها اذا هيك عمرو الجوز

Gazita

31/10/2006, 21:27

يا هلا عيوني
انا معك برايك ورايك سليم 100%
شكلاا على مرورد وردك الحلو حبيبتي والله يوفقك بأبن الحلال الي يسعدك ويستتك بيبيت لحالك
نورتي
تسلمي احلى بنوتة وميرسي عالمواضيع اللي بتطرحيها:deal:

بالنسبة إلي بشوف إنه هي القضية غير قابلة للنقاش... لإني بطبعي بحب الاستقلالية والحرية... وعندي شي إنه بأدّر الخصوصية كتير... وبحب عيش على راحتي... لإني بولع حدن يسألني لوين رايحة ومنين جاية ومين شفتي ومع مين حكيتي حتى لو مو من باب التدخل!!!!! هادا أكتر شي بيخليني عصب...ما عندي هالنzام أساسن عند أهلي!!!!
وبعدين حتى لو كانو أهله كتير مناح يمكن ما يكونو متقاربين فكريا معي وثقافيا ما يؤدي إلى مشاكل لا قِبَلَ لأي شخص بها.... وإزا برضى بكون حكمت على حياتي بالتعاسة والفشل... بعيد الشر!!!!
ميرسي على الموضوع يلي بيلامس الواقع بعنف;-)
اي و الله وانا كمان .:sick: بتفق معك:deal:

بنوتة حلب

31/10/2006, 21:58

العفو عيوني نورتي

suryoyo

31/10/2006, 22:59

الموضوع مهم جدا

صحيح البيوت غالية هل ايام

بس على اقل تقدير يحاول الرجل يفصلو غرفة و مطبخ له

لان الاستقلالية مهمة جدا في الحياة الزوجية

ري مي

31/10/2006, 23:07

بكلمة وحدة @ مستحيل @ :larg:
خير الكلام ما قل ودل:larg: :D

whiterose

31/10/2006, 23:10

موضوع شخصي كتييييييييير
وراجع تماما لطبيعة أهل الزوج وطبيعة أهلو

ممكن ببداية الحياة الزوجية اي ليش لاء يعني؟؟

والبيت المستقل رح يجي

ممكن هيك البنت تكسب خبرة بكتير قصص من ام الزوج

وبرجع بقول حسب طبيعة اهل الزوج

بعدين انا بعرف هلىء انو اهل الزوج يلي عم يرفضوا قبل العروس:p

whiterose

31/10/2006, 23:15

بكلمة وحدة @ مستحيل @ :larg:

تحية:D

طيب بركي حبيتي شب احوالو مش ولابد

ومطرين ومافي بيت شو ابتعملي؟؟؟؟

وخاصة مثلا اذا كانت الأم حبابة

صح مافي حماية حبابة:jakoush: بس وحدة عن وحدة بتفرق :pos:

المستحيل

31/10/2006, 23:15

الموضوع كتير حساس أولا
تانيا بالنسبة اللي ضد الزواج عند الاهل
ثالثا نص بنات سوريا واكثرهم هل الايام الحلبية مال بيرضو وبيرفضو تمام فكرة الزواج عند الاهل
حتا الاقرباء منهم
مشكورة يا بنت البلد

mm_88_18

01/11/2006, 00:14

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هاد رابط مشكلة حلوها

jouli

01/11/2006, 00:14

موضوع شخصي كتييييييييير
وراجع تماما لطبيعة أهل الزوج وطبيعة أهلو

شوتقصدي بكلامك اولا لحتا جاوبك

ممكن ببداية الحياة الزوجية اي ليش لاء يعني؟؟

هي الفكرة كل الشباب المقبلين ع الزواج
طبعا بس للاسف يلي بيبتدي بهيك مساعدات صعب يتركها و يعتمد على حالو

اما قضية البيت المستقل رح اتكلملك و جاوبك بتجربتي انا صارلي 3سنين متزوجة وساكنة مع عائلة زوجي
اتخدنا هدا القرار نظرا للحالة المادية يعني انت عارفة مصاريف الزواج وحنا عايشين عدة مشاكل
هي السنة قررنا يكون عندنا بيت زي ما قلتي مستقل بس المشكل انحنا مش قادرين نطرح موضوع الاستقلالية
على العائلة خوفا من ردة الفعل

ممكن هيك البنت تكسب خبرة بكتير قصص من ام الزوج
بنسبة الي افضل اكتسب الخبرة عن طريق التجربة مو عن طريق ام زوجي

وبرجع بقول حسب طبيعة اهل الزوج

انت تقصدي ان لو كان اهل الزوج طيبين وهيك يعني بتعيش معاهم
مفيش حدا بيبين من الاول

بعدين انا بعرف هلىء انو اهل الزوج يلي عم يرفضوا قبل العروس:p

هيد النوع هو يلي بيكون يحب ان اولاد يعيش في السعادة

crazycorn

01/11/2006, 03:07

سلاااااااااااام ياشباب وصبايا
هاي اول مشاركه لألي بس الموضوع شدني كتيييييييير
والصراحه هاي المشكله انا عم عاني منها يوميا
في البداية الواحدة يمكن تقبل بس بعدين وبعد ماتحصل المشاكل بتعرف ان العيش مع اهل الزوج مشكله كبيرة
مو عشان اهل الزوج مو كويسين يمكن لو هي عايشة مع اهلها صار نفس الشي
اللي بدي قولو انو الزواج من اساسياتو الأستقلالية وبهيك مابيكون في مشاكل
اما تقديم تنازلات وزيادة المشاكل مابيوصلو لأي حياة اسرية متوازنه

HOSAM4U

01/11/2006, 04:06

الزواج عند الشب او البنت بيعني للطرفين الاستقلالية
بقى كيف استقلالية وعيشة عند بيت الاهل
وخصوصا وبدي قولها بصراحة عند اهل حلب ................

والليل بدو يتزوج وما عندو بيت خاص فيه لشو هالجازة من اصلها

ومشكورة كتير عالموضوع بنوتة حلب
بالنسبة الي اذا في بنت بتتزوجني عند بيت اهلها (صهر بيت )
ماعندي مشكلة ................................

بنوتة حلب

01/11/2006, 13:49

شكرا للكل على ردودكون وارأكون الحكيمة والحلوة

فعلا اساس الزواج الاستقلالية للطرفين
والشب قد ماكان فقير او لنقول احوالو على قدها
مالازم يرضي انو يسكن مرتوا ببيت اهلو ولا هو يسكن ببيت اهلها

بنوتة حلب

01/11/2006, 13:51

الموضوع كتير حساس أولا
تانيا بالنسبة اللي ضد الزواج عند الاهل
ثالثا نص بنات سوريا واكثرهم هل الايام الحلبية مال بيرضو وبيرفضو تمام فكرة الزواج عند الاهل
حتا الاقرباء منهم
مشكورة يا بنت البلد

يا هلا
اي طبعا بنات حلب رح يرفضو هههههه لانون قوايا وقويتين بالبيت ما بيتحمل البيت
لهيك احسن شي الاستقلالية
نورت ابن بلدي

المستحيل

01/11/2006, 18:32

يا هلا

اي طبعا بنات حلب رح يرفضو هههههه لانون قوايا وقويتين بالبيت ما بيتحمل البيت
لهيك احسن شي الاستقلالية
نورت ابن بلدي

بوجودك ,,,,,,,,,,,,,,,,,,,,,,,,,,:D

jouli

01/11/2006, 18:57

سلاااااااااااام ياشباب وصبايا
هاي اول مشاركه لألي بس الموضوع شدني كتيييييييير
والصراحه هاي المشكله انا عم عاني منها يوميا
في البداية الواحدة يمكن تقبل بس بعدين وبعد ماتحصل المشاكل بتعرف ان العيش مع اهل الزوج مشكله كبيرة
مو عشان اهل الزوج مو كويسين يمكن لو هي عايشة مع اهلها صار نفس الشي
اللي بدي قولو انو الزواج من اساسياتو الأستقلالية وبهيك مابيكون في مشاكل
اما تقديم تنازلات وزيادة المشاكل مابيوصلو لأي حياة اسرية متوازنه

اي انا كمان اضم صوتي الك لو مافي استقلالية مافي زواج من الاصل
يعني عيشين بالتنازلات فقط ما بيفكرو في حايتكم واصلا ما بيكون عندهم فرصة لحتى يفكرو

أبو النور الحمصي

01/11/2006, 20:23

يا اهلا وميرسي كتير على المرور والرد
يالله عملك همه شتري بيت لحتى نجوزك
موفق

تسلمي يا بنوتة حلب و انشالله عن قريب بعزمكن على عرسي
:clap: :clap: :clap:

Lotus

01/11/2006, 21:24

معك حق كتير صعب الواحد الي متعود على الحرية وثقة اهلها فيهاتجي تعيش عند بيت احما يتدخلو بكل شي وين رايحة وين جاية وطلعاتا كتير ومدري شو وبتبلش الحماية زن على ادان ابنها مرتك ومرتك وبتبلش المشاكل

يسلمو على مرورك وردك يا قمر

أهلا وسهلا وميرسي إلك على طرح الموضوع يا أحلى بنوتة:D :D

Lotus

01/11/2006, 21:28

تسلمي احلى بنوتة وميرسي عالمواضيع اللي بتطرحيها:deal:

اي و الله وانا كمان .:sick: بتفق معك:deal:

لك أكيد منتفئ مع بعض gazita!!!!!:D :lol: :o ما نحنا تنيناتنا من برج الحمل:o إزا زاكرتي عم تشتغل مزبوط!!! ما؟!:deal: :deal:

بنوتة حلب

02/11/2006, 03:43

تسلمي يا بنوتة حلب و انشالله عن قريب بعزمكن على عرسي
:clap: :clap: :clap:

انشاء الله يالله بلش فصل فستان السهرة هههههههههه
ولا عامهلي

The morning

02/11/2006, 06:01

أنا مع اهلي دوبك عرفانه عيش .؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الناس صايره كتير عصبيه و متوتره بطبيعتها و لقمه العيش بتخلي الاحباب اعداء ..
لهيك بعتقد انو العيشه مع اهل الزوج هي سبيل لفتح باب للمشاكل بين الجميع بحكم ان المرأه لم تربى على عادات و تقاليد تلك الاسره .. و يختلف الامر عندما يكون الزوج من العائله و مع ذلك تبقى الامور صعبه بالنسبه للزوجه .......... و قد تكون اصعب عندما تكون من نفس العائله ..............
سلام:D

بنوتة حلب

03/11/2006, 20:26

شدي همتك و بلشي

:p :p :p

يالله يالله شباب وصبايا حضروا حالكون رح نحضر عرس ههههههههه
الله يتمملك عاخير

أبو النور الحمصي

03/11/2006, 22:27

انشاء الله يالله بلش فصل فستان السهرة هههههههههه
ولا عامهلي

شدي همتك و بلشي

:p :p :p

Eh@Ab

03/11/2006, 22:30

لا يؤثر عادي بالسنبة اللي كم سنة وبعديها ...;-)

مشكورة عالموضوع:D

بنوتة حلب

20/08/2007, 02:55

لا يؤثر عادي بالسنبة اللي كم سنة وبعديها ...;-)

مشكورة عالموضوع:D

ههههههههههه عيني يمكن ما ياثر عليك هههههه
بس على بنت الحلال يؤثر هههههه