-
دخول

عرض كامل الموضوع : لماذا يا مناضلين ؟

ابو مرسيل
28/10/2006, 18:31
بعد ان لقب بوحش الانتفاضه واحبه الشعب العربي كبير و صغير

و غنوا الملايين اغانيه



اتهم بالخيانة

مرسيل خليفة

احد الشيوعيين المناضلي اصحاب القضايا

الذي جعل السجناء و هم وراء القضبان يعيشون الحرية باغانيه

اتهم بالخيانة

بعد ما اتضح انه يملك 7 مليون دولار

والسؤال هو ايجب ان يعيش كل مناضل و ثائر حياته فقيرا

واذا حصل على بعض المال يتهم بالخيانة لماذا؟
ابو مرسيل
28/10/2006, 18:37
شو ما حدا علق شايف
chefadi
29/10/2006, 04:45
تحية لألك و لمرسيل خليفة :D
انا ماكتير بصدق انو مرسيل معو 7 ملايين دولار
المهم بخصوص سؤاللك : اكيد الفقر مانو من ميزات المبدع او المناضل بس كمان فاقد الشيء لايعطيه و منلاحظ انو اغلب المبدعين بلشو فقراء و بعدين المصاري هي المكافأة الطبيعية للابداع و التميز ( طبعا ماعم احكي عن اليسا و هيفا وهبة ..... ) و متل مابيقول الكبير زكريا تامر (ليس على المبدع انو يبقى فقير ) ,,,,
بالعودة لمرسيل : الزلمة ماباع مبادئو و ماتخلا عن مشروعو الموسيقي و الغنائي و لساتو عم يقدملنا اعمال رائعة و لساتو عم يعمل حفلات غير مأجورة او لصالح جهات انسانية ,,, فلا ضير اذا كان يمتلك بعض المصاري
:D
سلامات
Spector
29/10/2006, 04:51
مرسيل خليفة انسان مناضل كبير

انا برأيي انو يكون غني مو مشكلة بس معلومة ال 7 مليون دولار شو مصدرا ؟!!

المهم انا بقول انو الحزب اليساري يملك قطعة ذهب ثمينة هيا مرسيل خليفة :D
الفوهرر
29/10/2006, 05:20
لا يعيب المناضل فقره أوغناه
بل يتم الحكم عليه بالفكر الذي يطرحه والقضية التي يدافع عنها
والمثال لأحد الأغنياء هو جون كنيدي الرئيس الأمريكي الوحيد الذي أنحاز بشدة للفقراء وكان يساريا رغم أنه من أغني العائلات الأمريكية
والكثيرين جدا كانوا كذلك
الغني والفقر ليس المعيار للحكم علي الانسان
المهم المبادئ
shosho cat
29/10/2006, 05:20
ما بهمني شو معو ولا اديش معو ....
اللي بهمني شو قدملنا مرسيل ...مرسيل صاحب قضيه ...مرسيل الاغنيه يللي بتحمل المعنى والفكره والثوره...بحكي عن قضايانا وهمومنا وكانو عم يقرا افكارنا ,انا هاده الانسان بحترمو كتيييير.

بعدين اذا كان المبلغ صحيح , ولك صحتين على قلبو لمرسيل هاده المبلغ ولا شي بالنسبه للشي اللي قدملنا اياه , بعدين الراجل مو ابن امبارح يعني طلع الشيب براسو شوف كام سنه وهوه عم يغني, في عالم ما صارلها سنتين وتلاته وصار معها 15 و17 مليون دولار.
Danito
29/10/2006, 12:57
مارسيل فنان
و فنان ملتزم
إذا معو مصاري فهي نتيجة فنو و أعمالو المتعوب عليها
التعويض المادي هوي نتيجة مو سبب يعني فنان متلو بيتعب على موسيقاه و بيحط فيه جهود و موهبة إذا دار أمورو بشكل مظبوط طبيعي يكون النجاح المادي جزأ من نجاحو
على كل حال هوي بشر متلنا بجوز إذا تعرفنا عليه عن قريب ما نحبو شخصيا بس بيضل فنو مهم و أثرو قوي علينا
بالمناسبة هلق طلع البوم جديد اسمو شرق