مرحباً بكم جميعاً
يؤسفني وبعد أن مرت على منتدى الأخوية أكثر من سنتان ونصف أن يتحول إلى معمل للتكرير والقص واللصق
في البداية أعجبني المنتدى منذ بداياته وكنت من أوائل الأعضاء ولكن بعد غياب عدت لأجد المكان كالفوضى فلا المنتديات مرتبة ولا المواضيع في أماكنها ويصعب علي أن أجد موضوعاً ذو قيمة مع العذر من جميع المشاركين
فالحال هنا قد صات على نحو لا يمكن السكوت عنه ويخجلني أن أجد الجميع قد تنكرن بهيئة ببغاء ليكرر أقوال الآخرين في المنتديات الأخرى ويبحث هنا وهناك عن مقالة أو قصاصة فيسارع بمؤشر الفأرة ليحدد المقالة وينخسها لاصقاً إياها هنا في المنتدى وليتراكض الأخرين عليها محاولين الرد إما بهتافات وتصقيفات أو بعمل مشابه كالبحث عن ردود من منتديات ومواقع أخرى ولصقها أيضاُ وقس على ذلك ليتحول الموقع إلى معمل لتكرير المواضيع ويا ليتها تتكرر نحو الأفضل بل تسؤ أكثر ويأتي المشاركون من هنا ومن هناك بترهات وتفاهات الماوضيع التي تثير فقد الجدل لا الحوار
وتثير الإشمئزاز لا الإنشداد وتشتت العلوم ولا تزيد من معلوماتها شيئاً :aah:
غريب حالكم يا شباب أتعلمون كم أضعتم على أنفسكم من فرص تتبادلون بها المواضيع الهامة التي تخصكم كشباب خام
أليس منكم من يهوى الموسيقا مثلاً يفيد أصحاب الذوق بمعلومة عن موسيقانا أو الموسيقا العالمية كالجاز والبلوز والكلاسيك
هذا على سبيل المثال لا الحصر. ولكن كما وجدت أن معظم بل وجل اهتماماتكم أن تتشاحنوا بالحوارات وتتطاحنوا النقاشات البيزنطية دون أن تربطوا مواضيعكم بشخصية مميزة أو بإسلوب جاد
يؤسفني جداً ويؤلمني أن هكذا الجيل. لربما لست من أجيالكم ولست من أعماركم لكنني أتذكر بكل عنفوان عندما كنت في مثل سنكم كيف كنا نتهافت على المجلات العلمية والأدبية والمواضيع الفنية وكيف نتبادلها فيما بيننا أيام الجامعة وحتى أيام الدراسة الثانوية. لعل لسان الحال قد وجد من أغنية فيروز سبيلاً له ليقول

كان غير شكل الزيتون وكان غير شكل الصابون
حتى انتا يا حبيبي كان إلك غير عيون

:(

و الله صح حكيك بس الواحد ما فينو يقول للعضو انت ما تكتب هيك و هادا رد سخيف
لانو بالنسبة لهل العضو هل الرد هو ما يراه مناسب هاي من ناحية
و من نحاية تانية انت ليش تطلعت على الاوجه السلبية ليش ما تطلعت على الاوجه الايجابية بالمنتدى بعد عودتك
انت خود الاقسام واحد واحد و شوفون و انا متاكد انو رح تغير رايك
اما بالنسبة لموضوع الاجيال و طريقة تفكيرون ف لا انا و لا انت ممكن نجبرون على انو يغيرو طريقة تفكيرون لانو هاي هي الثقافة يللي عم يشربوها كل يوم من التلفيزيون و الانترنت و انت ما فينك تقلو لواحد لاتحضر هل الفيديو كليب حضار برنامج ثقافي....الخ
و من جهة تانيو هادا الموضوع عم يتم التناقش فيه من الادارة حالبا و هلا عم نحاول نتوصل لانسب الحلول لحتى نخفف من هل المشكلة
و اخر شي بحب اسالك هيك موضوع ليش حطيتو بعلى الطاير ؟؟ :?

انا بعتقد انو هوي ب عالطاير لأنو اكتر منتدى شغال

و الكل بيفوتلو

انا توقعت نفس الشي الصراحة

انا بعتقد انو سموا عالطاير لحتى نغير جو ونكت وننبسط هاد اولا
تانيا بالموقع في منتديات للثقافة وتبادل الاراء اما هاد المنتدى فهو للضحك
انا هاد راي وما بعتقد انو المنتدى فاشل بالعكس كتير حلو
:pos: :pos: :pos: :pos: :pos: :pos: :pos: :pos: :pos: :pos:

تعليقات وتوقعات وتخمينات وتصقيفات وأشياء أخرى بدون معنى
:aah: :confo:

انا بعتقد انو سموا عالطاير لحتى نغير جو ونكت وننبسط هاد اولا
تانيا بالموقع في منتديات للثقافة وتبادل الاراء اما هاد المنتدى فهو للضحك
انا هاد راي وما بعتقد انو المنتدى فاشل بالعكس كتير حلو
:pos: :pos: :pos: :pos: :pos: :pos: :pos: :pos: :pos: :pos:
النكتة حلوة بس كمان لما بيكون للها معنى
بس يللي ما الو معنا ماعنتا متل التو او بالفصحى سخيف
وهيك عم بيصير بالمنتدى السخافة عم بتزيد متل الوباء

اي والله معك حق ...يعني انا صرلي بالفورم شي سنة و شوي ....
بس يعني مافي فرق بين المواضيع القديمة و مواضيع هلق .... :aah:
يعني بكل صراحة و من دون زعل الفورم صاير من سيء لأسوء :jakoush: :jakoush:

يا باسل ..
تحياتي أول شي و تاني شي بحب اسألك كذا سؤال ..
أول شي .. لما قريت حكيك كلامك حسيتك شي واحد مخضرم بالمنتديات ( الكلام مو كلامك يعني حصيلة ردود غير منتديات ) و حسيتك عمرك شي 1000 سني بقولك :
يؤسفني جداً ويؤلمني أن هكذا الجيل. لربما لست من أجيالكم ولست من أعماركم

تاني شي حبيب ... وين العيب بأنو الواحد ياخد من منتدا تاني ( كوبي بيست ) يعني أنا مشرف و نص العالم بتعرف أنو اذا عجبني شي موضوع من منتدا تاني .. بحب جيبو لهون مشان خلي العالم تشارك فيه ...
نحنا هون ما عم نتعامل بوكالة حصرية أو حقوق نشر أو ما الى ذلك ...
بعدين انت عندك 39 مشاركة لتاريخ هاللحظة ( شو قدمت فيهم شي مفيد ) راجع حالك و شوف ..
و بالمقابل في غيرك عم بيشتغل على المبدأ اللي سميتو ( قصاصين وقصاصات ملصقين وملصقات )و عم بفيد غيرو ..
فوين الغلط بالموضوع .. بالعكس ترا هو فاد 100 مرة أكتر من أنو يبقى ساكت ..
على العموم لا تزعل من الرد بس حبيت وصل رأيي بصراحة
تحياتي :D

يا جماعة انا ماني معكون بكل هالحكي .. يعني معلش لما أنتو ما بدكون تفوتو غير على الصالون وعلى الطاير .. شو متوقعين تشوفو .. مثلا" بيان سياسي .. أو قصيدة ابداعية أو شو .. والله في عالم كتير عم تشتغل بالمنبر الحر .. ونقاشات رائعة وتبادل أفكار .. وبالشعر .. في مواهب رائعة .. وبالخواطر .. كمان كلمات عميقة وتثير المشاعر ..
يعني ما بدنا نظلم كل الأعضاء .. ونظلم الموقع .. :D :D

كان غير شكل الزيتون وكان غير شكل الليمون
وكل هالإشياء اللي إلها طعمة ما عاد عم ترجع
يمكن اللي عم يتذوقوا الطعمة اتغيرت خلاياهم الحسية وصارت تستطعم هامبرغر وبس

يمكن اللي عم يتذوقوا الطعمة اتغيرت خلاياهم الحسية وصارت تستطعم هامبرغر وبس

:o

حلوي هاي عجبتني كتير :lol:

كيفك باسل طولت الغيبة علينا واهلا وسهلا فيك :wink:

انا متأكد انك ما داخل غبر عالصالون وعالطاير وما في داعي عيد شو حكى العاشق :D

يا باسل ..
تحياتي أول شي و تاني شي بحب اسألك كذا سؤال ..
أول شي .. لما قريت حكيك كلامك حسيتك شي واحد مخضرم بالمنتديات ( الكلام مو كلامك يعني حصيلة ردود غير منتديات ) و حسيتك عمرك شي 1000 سني بقولك :
يؤسفني جداً ويؤلمني أن هكذا الجيل. لربما لست من أجيالكم ولست من أعماركم

تاني شي حبيب ... وين العيب بأنو الواحد ياخد من منتدا تاني ( كوبي بيست ) يعني أنا مشرف و نص العالم بتعرف أنو اذا عجبني شي موضوع من منتدا تاني .. بحب جيبو لهون مشان خلي العالم تشارك فيه ...
نحنا هون ما عم نتعامل بوكالة حصرية أو حقوق نشر أو ما الى ذلك ...
بعدين انت عندك 39 مشاركة لتاريخ هاللحظة ( شو قدمت فيهم شي مفيد ) راجع حالك و شوف ..
و بالمقابل في غيرك عم بيشتغل على المبدأ اللي سميتو ( قصاصين وقصاصات ملصقين وملصقات )و عم بفيد غيرو ..
فوين الغلط بالموضوع .. بالعكس ترا هو فاد 100 مرة أكتر من أنو يبقى ساكت ..
على العموم لا تزعل من الرد بس حبيت وصل رأيي بصراحة
تحياتي :D
مزبوط انا معك :gem:

كان غير شكل الزيتون وكان غير شكل الليمون
وكل هالإشياء اللي إلها طعمة ما عاد عم ترجع
يمكن اللي عم يتذوقوا الطعمة اتغيرت خلاياهم الحسية وصارت تستطعم هامبرغر وبس
طيب تفضل و اعمل الاصلاح !!
او تعا كون مشرف على المنتدى و غير و حط المواضيع يللي بتعجبك !!

مابعرف أنو ليش مكبر القصة كتير هيك الأخ باسل كأنو ماكتير مستاهلة
بعديين معليشي لو بدي أقسى بالكلام ..... ما منحق أي حدا يقيم و يصنف تصرفات الأخريين :x و خصوصي بمنتدى متل منتدانا
و بقسم أسمو على الطاير
يعني أنو مابظن في أفضليات لحتى تكون أنت أو غيرك المرشد و العقل المفكر الأكبر و الأوعى بالمنتدى
لهيك أنو طيب ماعاجبينكون المواضيع و حاسينون سخيفين ياعمي لا تقروون خلوون للسخيفين يلي متلنا يقرو مو أنت أكبر من هيك
و عنجد عزروني مرة جديدة بس حسيت أنو عم يصير كتير تصنيفات بالأخوية و كل واحد عم يعنتر على حساب غيرو
و أسف مرة أخيرة
و بتمنى الأخ باسل مايدايق لأنو عم نحكي بصرحة :D

طول بالك و دخنلك هالحشيشة و لا تعصب
:D :D :D