هل تقبل الزواج بفتاة تعرضت للإغتصاب؟ [الأرشيـــــف]

بنوتة حلب

24/10/2006, 11:54

في الآونة الاخيرة تضاعفت معدلات أغتصاب الفتيات قهرا تحت التهديد وبعد بالضرب وغيرها من الاسباب وذلك بسبب الفضائيات الاجنبية ومايعرضة التليفزيون من برامج هابطة تلفى بعقول الشباب مايرى دون ان يعرف ما الذى سوف يترتب على فعله للفتاة ضحيتة...

فمثلا يراهن بعض أصدقاءه ان يغتصب تلك الفتاة وينفذ بالفعل التحدى ويطفىء شمعة تلك الفتاة المسكينة البريئة وحتى لو كانت بريئة بل قد يصل الحد الى ان يقتلها والدها والشاب المجرم الذى فعل كل الجرم ينعم بحريته مع أصدقاء السوء الذين يعايشهم....

لماذا تحاسب الفتاة بذنب لم ترتكبه ولا دخل لها فيه..؟؟

لو تقدمت لخطبة فتاة واثقا فى أخلاقها ونواياها وطباعها وسلوكها واذا بها تخبرك أنها تعرضت لحادثة أغتصاب فهل تكمل الزواج وانت تعلم ان فتاتك لاذنب لها أم لاتكمله خوفا من نظرات المجتمع اليك...؟؟؟

إذا كنت تعشق فتاة وصارحتك بالذي قد حدث معها ( أي إغتصابها) ماذا تفعل وكيف تشعر و بماذا تفكر وهل يؤثر على حبك لها

وفي حال إختلاف الإجابة بين السوآل الثاني والثالث الرجاء توضيح السبب وبصراحة فنحن هنا للإفادة لا للنفاق الإجتماعي فقد لاحظت في ردود البعض ( أعزكم الله ) بعض المثالية والتي تشوه الموضوع الذي قد يكون مليئا بصراحة الأعضاء

منقول للنقاش فيه

بنوتة حلب

24/10/2006, 11:58

يمكن في ناس راح يقولون إيه ابتزوجا ليش لا
بس لما يينحط هو بالصورة و يصير معو هالموقف ما يتصرف ولا شي
بالعكس يرفض

بس الي بستغربوا من هالشباب انو بدل ما يحفظ ويستر بنت بلدو المعرضة لا هيك موقف الي ممكن تعرضلو اختو او بنتو لا سمح الله طبعا وبيروحوا عا البلاد الاوروبية والي بتكون رايحة مع الف واحد وبأرادتها بيعملها ست بيت وام اولادون
بقا لا تقلي بيقبل ما بيقبل اصلا مجتمعنا وبعض عاداتو كلا بدها اعادة تحديث لمفاهيمون
وبيعملوا حالون هالشباب شرفاء عابنات بلدون ومابيقبلو ام اولادون تكون مغتصبة
وبيقبلو بالاجنبية الي رايحة بارادتها ومو خليانة من شر حدا
من سن ال 16 سنة الاجانب بيفقدوا عذريتون وبارادتون

Liu Kang

25/10/2006, 17:13

طيب بنوتة انا رح جاوبك على الموضوع من جميع النواحي

بالنسبة لموضوع الزواج ..فهو مو لعبة حتى الواحد يحكي فيه او يغامر او لعبة شدة حتى يربح او يخسر
اكيد لما بيتقدم شاب ليتزوج من فتاة ام البنت تنتظر على احر من الجمر ليلة الدخلة حتى تثبت للعالم انو بنتها شريفة وطاهرة
وعلى ئولة المتل بدي بنت ما باس تما غير اما ..لذلك يمكن متل ما حكييتي انو يمكن بعض الاعضاء يدخل ويئول: اي موافق...!
بس الكلام ببلاش وما عليه ضريبة
وبالنسبة لحوادث الاغتصاب اللي بتصير ..المحطات الاجنبية على قمر الهوتبيرد ولا غيرو (خلينا نحكي بصراحة )
بتلعب دور بنسبة 75% وفي شغلة كمان انو البنات مو كلهن اغلبهم اللي بيلبسو بطريقة فاضحة ومغرية لكتير من الشباب الضعيفي النفوس ..في شباب لمجرد انهم يشوفو زند بنت او ايدها بتشتغل فيهن الثورة الجنسية
وفي بعض الشباب الامر يبدو لهم اكثر من عادي لانهم تاقلمو مع الوسط وقدرو يتخلصو من الشهوة

هلئ مسالة انو واحد يتقدم لبنت وتعجبو صفاتها واخلاقها ..وبعد فترة يكتشف انها مغتصبة ..من دون ارادة رح يرفض الامر لانو رح يفكر باولادو اول شي ويمكن يفكر بانتقال امراض ..ومتل ما حكيت الزواج مو لعبة
لانو لما واحد بدو يتزوج وحدة لازم يحسب حسابو انو رح يقضي العمر كللو معها ..

انا اسف على صراحتي الوقحة
بس الموضوع لفت انتباهي كتير
وانا جاهز لاي نقاش :D

شكرا بنوتة حلب :D

Liu Kang

25/10/2006, 17:21

هههههههههه
بالنسبة لعادات مجتمعنا مو بدها اعادة تحديث
بدها قلع من جذورها وتنسيق عادات افضل تتناسب مع العصر الحديث هالعصر الي بيهوي
المشكلة بمجتمعنا بعض الشباب بيعتقدو انو الاجنبيات اقدر من العربيات كون الاجانب هني الحضارة بنظرهم
علما انو المراة العربية اطهر واشرف من الاجنبيات كلهم

لذلك اول شي داوو هالعقول العربية المريضة اول شي بتنحل كل المشاكل

the hunter

25/10/2006, 17:31

سؤااااااااال محير!!!!!!!!
يعني شو ذنب البنت ؟

LaDyInReD

25/10/2006, 17:43

:shock: :shock: :shock:

:shock: :shock: :shock: :shock: :shock: :shock:

:shock: :shock: :shock:

ردك منطقي وشائع بين الشباب لوي-كينج للأسف! بس فكر فيها شوي..يعني البنت ايش ذنبها اذا تعرضت للاغتصاب ؟؟

انها ماشية بالشارع؟ ولابسة لبس مغري؟

يمكن حكيك معقول بعد ما تسأل حالك هالاسئلة او تستفسر منها هذه الاسئلة وتكون الاجابة بنعم:
كيف اغتصبت الفتاة؟
هل ذهبت مع شاب لغرض ما واغتصبها؟؟ اي هل كان لها دور بما حدث!؟؟

ليش المجتمع مش راضي يفكر في ظروف البنت نفسها انها تعرضت للاغتصاب رغما عنها ويكرس النظر اليها انها فتاة غير محترمه او انها هي اللي اختارت الاغتصاب لنفسها..مهما كان هي بنت ولها مستقبلها وضياع مستقبلها مو بيدها..

انا برأيي يجب على كل واحد من الشباب التفكير في هذه النقاط قبل اتخاذ اي خطوة لصالح الفتاة او ضدها:

1- اذا كانت ظروف اغتصابها غصب عنها.

2- اذا استطاعت الخروج من المحنه النفسية الواقعه بها.

3- اذا اظهرت التوبه......

4- اذا كانت ماتزال واثقه من نفسها ....

لأن جميع هذه النقاط هي مكون اساسي لنجاح علاقة من هذا النوع!!

نقطة اخرى بدي اتطرق الها:

* على كل فتاة ان تخبر خاطبها بذلك فاذا كان انساناً شهم سيتزوجها ويصون كرامتها
هو من سيصونها وليست هي.

ونعم الانسان ليس معصوم عن الخطأ...
ولكن خطأ عن خطأ يفرق...

وليس العيب من اخطأ
ولكن العيب من عرف ان هذا الشيء خطأ واستمر فيه...

( ومن ستر على الناس عورتهم ستر الله عليه يوم القيامة وله أجر عظيم ) ,
لأن هذا الموقف أنبل وأعظم الصفات ...

واكيد الواحد اذا جاء يخطب رايح يعرف :

البنت المحتشمة يبان منها الإحتشام
والبنت الغير محترمة تبان منها هذه الصفة

والناس مخابر وليسوا مظاهر عند الذين يوزنوا عقولهم بالحكم والأخلاق النبيلة!!

عيون جريئه

25/10/2006, 18:20

اول شي قبل ما اخوض بالنقاش في هذا الموضوع بحب اشكرك بنوته على هالموضوع الرائع والي بيفتح باب النقاش بين الاعضاء مو متل اي موضوع تاني الكل بيقول مشكور وبيعدي :D د

اول شي بحب احكي وبكل صراحه انه البنت المحترمه (الي ما بتكون كاسيه عاريه) قليل جدا ما بتتعرض للاغتصاب واذا تعرضت للاغتصاب مش راح حدا يسكت من اهلها المجتمع الي احنا عايشين فيه مجتمع شرقي و اله عاداته وتقاليده

اما لو انها مثلا بنت شريفه وتعرضت لاغتصاب ما بتخلي حد يحبها او ما بتوافق على حد يخطبها

والله موضوع كتير متشعب ومحير بس الله يجيرنا :D

Liu Kang

25/10/2006, 18:52

ليدي

انا سالت حالي هالسؤال وبعرف مسبقا انو رح يجي حدا ويوجهلي نفس السؤال اللي طرحتيه انتي
البنت مو ذنبها شي فعلا كلامك صح بهي الشغلة
بس للاسف فيه بالكون مبدا اسمو مبدا( الدين )...يعني التسليف وليس الديانة
يعني مثلا لحتى تحصلي على جواب لسؤال لازم تعرفي المتل اللي بيئول : الاباء ياكلون الحصرم والابناء يضرسون
كتير من الابناء بيدفعو تمن اخطاء ابائهم يعني مو بالضرورة تكون البنت مرتكبة ذنب حتى يصير فيها هالشي هادا
لما الله بدو يعاقب انسان ما بيعاقبو بنفسوو
بيعاقبو باولادو حتى يشوف فظاعة الذنوب اللي ارتكبها

شكرا ليدي وانا مستعد للنقاش معك ;-)

ta_06

25/10/2006, 18:54

اول شي قرأت الموضوع وما قرأت الردود ...
وبالنسبة لجواب ... لا ... أنا لا أتزوج بفتاة تعرضت للاغتصاب .. السبب : أعيش في مجتمع لا يسمح لي بذلك وحتى ان لم يكن احد يعلم فانا ساشعر بانني رجل ناقص الرجولة أعرف انها أراء رجل شرقي لكنه منطق وعقل ..

Liu Kang

25/10/2006, 18:56

اول شي قرأت الموضوع وما قرأت الردود ...
وبالنسبة لجواب ... لا ... أنا لا أتزوج بفتاة تعرضت للاغتصاب .. السبب : أعيش في مجتمع لا يسمح لي بذلك وحتى ان لم يكن احد يعلم فانا ساشعر بانني رجل ناقص الرجولة أعرف انها أراء رجل شرقي لكنه منطق وعقل ..

وجهة نظر قوية وصحيحة
وكلام سليم ;-)

rayan

25/10/2006, 18:57

اول شي
كل عام وانتو بخير
تاني شي
ازا في مجال فوت بالموضوع واعطي رايي يلي بعمرو ما حدن سمعو
انو بنت متعرضة للاغتصاب في احتمالات كتير طيب انا بحب البنت ولساها ما اغتصبت وبناتنا علاقة
قوية متل ما فرضتو _الحب_ وبهالمرحلة يلي احنا فيها تعرضت البنت للاغتصاب شوفو انا يمكن انزعج بس ما بتخلا عن البنت وهاد شي صعب لانو الواحد ببين بالمحنة بس وما تحكولي انو ببين بالحكي الحلو ما علينا
هاد الاحتمال الاول اما التاني فهو اني تعرفت ع البنت والتلي انها مغتصبة
فهون انا بوقف اكيد لانو يمكن مو متعرضة للاغتصاب وهي عم تكزب لحتى تغطي ع شي يمكن هي عامليتو برضاها واز حكيي فيو شي غلط صلحولي اياه وما بتوقع انو في نسبة اغتصاب كبيرة ببلادنا وبتوقع يلي بدو علاقة ما في اسهل منها ولا لا يومكن هاد رايي

rayan

25/10/2006, 18:59

اول شي قرأت الموضوع وما قرأت الردود ...
وبالنسبة لجواب ... لا ... أنا لا أتزوج بفتاة تعرضت للاغتصاب .. السبب : أعيش في مجتمع لا يسمح لي بذلك وحتى ان لم يكن احد يعلم فانا ساشعر بانني رجل ناقص الرجولة أعرف انها أراء رجل شرقي لكنه منطق وعقل ..
طيب
بدي اسالك بتززووج وحدة ارملة او مطلقة
وازا تزوجتها بتحس انك ناقص الرجولة

rayan

25/10/2006, 19:04

يمكن في ناس راح يقولون إيه ابتزوجا ليش لا

بس لما يينحط هو بالصورة و يصير معو هالموقف ما يتصرف ولا شي
بالعكس يرفض

بس الي بستغربوا من هالشباب انو بدل ما يحفظ ويستر بنت بلدو المعرضة لا هيك موقف الي ممكن تعرضلو اختو او بنتو لا سمح الله طبعا وبيروحوا عا البلاد الاوروبية والي بتكون رايحة مع الف واحد وبأرادتها بيعملها ست بيت وام اولادون
بقا لا تقلي بيقبل ما بيقبل اصلا مجتمعنا وبعض عاداتو كلا بدها اعادة تحديث لمفاهيمون
وبيعملوا حالون هالشباب شرفاء عابنات بلدون ومابيقبلو ام اولادون تكون مغتصبة
وبيقبلو بالاجنبية الي رايحة بارادتها ومو خليانة من شر حدا

من سن ال 16 سنة الاجانب بيفقدوا عذريتون وبارادتون

الاجانب بس اان يا بنوتة بدي اسالك وبتمنى تجاوبي بدون احراج او تطنيش
ازا بتعرفي شب عندو علاقات كتير _شب _ بركز ع هالكلمة يعني مو بنت ووعجبك وبدو يخطبك
بتقبلي فيه
وسوال تاني لا سمح الله انتي كبنت تعرضي للاغتصاب _لاسمح الله _ وانتي اكتر وحدة بتعرفي
انو ما الك زنب او عليكي حق شو بتكون ردة فعلك

ta_06

25/10/2006, 19:06

طيب
بدي اسالك بتززووج وحدة ارملة او مطلقة
وازا تزوجتها بتحس انك ناقص الرجولة

مرحبا
أول شي انا بعدني شب والمستقبل قدامي متل ما بقولو ليش لتزوج وحدة مطلقة او ارملة

2انا ما عارضت فكرة الزواج لانه هي فقدت عذريتها عارضت لانو فقدت عذريتها بطريقة غير طبيعية
طبعاً اذا لقيت وحدة توفرة فيها شروط فتاة أحلامي لا انظر لهذا الموضوع هذا شي اكيد لانو الحياة مو بس فتاة عذارء وليلة دخلة وأكيد لا أشعر بنقص في رجولتي أبداً:D

Liu Kang

25/10/2006, 19:08

طيب
بدي اسالك بتززووج وحدة ارملة او مطلقة
وازا تزوجتها بتحس انك ناقص الرجولة

طيب انا بدي اسالك كمان

شو الفرق بين اللي ذكرتهن وبين البنت المغتصبة ؟؟؟

rayan

25/10/2006, 19:14

مرحبا
أول شي انا بعدني شب والمستقبل قدامي متل ما بقولو ليش لتزوج وحدة مطلقة او ارملة

2انا ما عارضت فكرة الزواج لانه هي فقدت عذريتها عارضت لانو فقدت عذريتها بطريقة غير طبيعية
طبعاً اذا لقيت وحدة توفرة فيها شروط فتاة أحلامي لا انظر لهذا الموضوع هذا شي اكيد لانو الحياة مو بس فتاة عذارء وليلة دخلة وأكيد لا أشعر بنقص في رجولتي أبداً:D
شكرا على ردك ونشالله مستقبل زاهر
واكيد فهمت وجهة نظرك وكمان ما قصدت شي بالسوال يجرح مشاعرك اسف :D

janus

25/10/2006, 19:15

اولا انا لا اوافق على عرضك للموضوع... لا ارى علاقة بين "البرامج الهابطة" وحالات الاغتصاب الاغتصاب موجود منذ القدم والفرق ان اليوم يوجد وعي أكثر للموضوع ووجود وسائل اعلام واستعداد الفتيات للشكوى الخ... في الماضي كان يجري التستر على هذه الحالات.
على فكرة تشير الدراسات العلمية ان أغلب حالات الاغتصاب تكون داخل نفس العائلة او ان الجاني صديق للعائلة...

ان الاغتصاب جريمة تحرمها القوانين الدينية والدنيوية وحسب رأيي فانه ينتج من الكبت اكثر منه من "الاثارة" فالشهوة غريزة بشرية ولا تحتاج الى اثارة من الفضائيات فالغريزة موجودة بغض النظر عن وجود الفضائيات.

بالنسبة للاسئلة فلا مانع لدي

adam_best

25/10/2006, 20:28

أول شي شكرا بنوتة على هالموضوع الحلو ...
أنا مو حابب ناقش بموضوع التركيز على البنت المغتصبة بارادتها أو بغير ارادتها...

أنا حابب اسأل سؤال وبس...وهدا السؤال رد على ta_06 تبع المجتمع الشرقي : اللي هوي:

في شب بهالمجتمع الشرقي مو نايم مع بنت ...

بدي الجواب وبعدين بنفوت على النقاش اذا ممكن !!

Eh@Ab

25/10/2006, 20:58

ممكن اقبل عشان استر عليها ;-)

بس برضو اشي بحير كتير :shock:

بنوتة حلب

25/10/2006, 21:10

اول شي حابة رد رد سريع لا الكل واشكركون على تفاعلكون بالنقاش لانو انا بحب مواضيع النقاش واتطلع على اراء الاخرين حتى اتعلم
وانا كتير مبسوطة او في تفاعل ووجهات نظر مختلفة

بس كمان ماحدا رد على سؤالي انو ليش الاجنبية الي بتكون فاقدة عذريتا بأرادتها بيعملو ست وخانم وام اولادون ومابيفكروا انو يتستروا على بنت بلدون
يعني الاجنبية بنت البطة البيضا والعربية بنت البطة السودا
ماعم قول انو لازم تتستر بس كمان ما بتفكر بمستقبل اولادك او حياتك الزوجية مع الاجنبية قد ما بتفكر بحياتك مع عربية مغتصبة

بنوتة حلب

25/10/2006, 21:18

طيب بنوتة انا رح جاوبك على الموضوع من جميع النواحي

بالنسبة لموضوع الزواج ..فهو مو لعبة حتى الواحد يحكي فيه او يغامر او لعبة شدة حتى يربح او يخسر
اكيد لما بيتقدم شاب ليتزوج من فتاة ام البنت تنتظر على احر من الجمر ليلة الدخلة حتى تثبت للعالم انو بنتها شريفة وطاهرة
وعلى ئولة المتل بدي بنت ما باس تما غير اما ..لذلك يمكن متل ما حكييتي انو يمكن بعض الاعضاء يدخل ويئول: اي موافق...!
بس الكلام ببلاش وما عليه ضريبة
وبالنسبة لحوادث الاغتصاب اللي بتصير ..المحطات الاجنبية على قمر الهوتبيرد ولا غيرو (خلينا نحكي بصراحة )
بتلعب دور بنسبة 75% وفي شغلة كمان انو البنات مو كلهن اغلبهم اللي بيلبسو بطريقة فاضحة ومغرية لكتير من الشباب الضعيفي النفوس ..في شباب لمجرد انهم يشوفو زند بنت او ايدها بتشتغل فيهن الثورة الجنسية
وفي بعض الشباب الامر يبدو لهم اكثر من عادي لانهم تاقلمو مع الوسط وقدرو يتخلصو من الشهوة

هلئ مسالة انو واحد يتقدم لبنت وتعجبو صفاتها واخلاقها ..وبعد فترة يكتشف انها مغتصبة ..من دون ارادة رح يرفض الامر لانو رح يفكر باولادو اول شي ويمكن يفكر بانتقال امراض ..ومتل ما حكيت الزواج مو لعبة
لانو لما واحد بدو يتزوج وحدة لازم يحسب حسابو انو رح يقضي العمر كللو معها ..

انا اسف على صراحتي الوقحة
بس الموضوع لفت انتباهي كتير
وانا جاهز لاي نقاش :D

شكرا بنوتة حلب :D

بالعكس انا بحييك على صراحتك ابدا مو وقحة بالعكس واضحة وصريحة

ياعيني عم تقول الي عم يطلع بالتلفزيونات وعلى الاقمار الاوروبية
نحنا بمجتمعنا الشرقي عاطول عنا حب الاستطلاع لانو شي مجهول مامنعرف شو يعني
عنا الشب بيوصل لا سن ال 30 سنة ومو خايض ولا تجربة ومابيعرف شو يعمل حتى لو سمع من حدا من رفقاتوا المتزوجين بس على ارض الواقع غير
بقا عم بيشبعوا معرفتون على هالقنوات التلفزيونيه
وبصراحة العرب لما بيطلعوا على اوروبا بقمة الغباء والفجعنة
انا كل ما شوف عربي جاي على بلغاريا بقرف من شي اسمو شب
مع انو لا بيحكي ولا بيعمل شي بس نظراتو بتخليك تقرف
متل واحد صرلو 10 ايام مو اكل وانحطت قدامو وجبة اكل شهية
هههههه ولي عليهون
وشكرا على ردك ومرورك ورايك كمان

بنوتة حلب

25/10/2006, 21:23

:shock: :shock: :shock:

:shock: :shock: :shock: :shock: :shock: :shock:

:shock: :shock: :shock:

ردك منطقي وشائع بين الشباب لوي-كينج للأسف! بس فكر فيها شوي..يعني البنت ايش ذنبها اذا تعرضت للاغتصاب ؟؟

انها ماشية بالشارع؟ ولابسة لبس مغري؟

يمكن حكيك معقول بعد ما تسأل حالك هالاسئلة او تستفسر منها هذه الاسئلة وتكون الاجابة بنعم:
كيف اغتصبت الفتاة؟
هل ذهبت مع شاب لغرض ما واغتصبها؟؟ اي هل كان لها دور بما حدث!؟؟

ليش المجتمع مش راضي يفكر في ظروف البنت نفسها انها تعرضت للاغتصاب رغما عنها ويكرس النظر اليها انها فتاة غير محترمه او انها هي اللي اختارت الاغتصاب لنفسها..مهما كان هي بنت ولها مستقبلها وضياع مستقبلها مو بيدها..

انا برأيي يجب على كل واحد من الشباب التفكير في هذه النقاط قبل اتخاذ اي خطوة لصالح الفتاة او ضدها:

1- اذا كانت ظروف اغتصابها غصب عنها.

2- اذا استطاعت الخروج من المحنه النفسية الواقعه بها.

3- اذا اظهرت التوبه......

4- اذا كانت ماتزال واثقه من نفسها ....

لأن جميع هذه النقاط هي مكون اساسي لنجاح علاقة من هذا النوع!!

نقطة اخرى بدي اتطرق الها:

* على كل فتاة ان تخبر خاطبها بذلك فاذا كان انساناً شهم سيتزوجها ويصون كرامتها
هو من سيصونها وليست هي.

ونعم الانسان ليس معصوم عن الخطأ...
ولكن خطأ عن خطأ يفرق...

وليس العيب من اخطأ
ولكن العيب من عرف ان هذا الشيء خطأ واستمر فيه...

( ومن ستر على الناس عورتهم ستر الله عليه يوم القيامة وله أجر عظيم ) ,
لأن هذا الموقف أنبل وأعظم الصفات ...

واكيد الواحد اذا جاء يخطب رايح يعرف :

البنت المحتشمة يبان منها الإحتشام
والبنت الغير محترمة تبان منها هذه الصفة

والناس مخابر وليسوا مظاهر عند الذين يوزنوا عقولهم بالحكم والأخلاق النبيلة!!

هو كل فتاة معرضة لا هل موقف
وانشاء الله ماحدا بيتعرضلو بس متل ما انذكر البنت المحتشمة بتبين والغير محتشمه بتبين شكرا على المرور والرد

jazz_music

25/10/2006, 21:26

انا ما عندي مشكلةابدا لأنو البنت ماالها علاقة ...

بنوتة حلب

25/10/2006, 21:29

اول شي قبل ما اخوض بالنقاش في هذا الموضوع بحب اشكرك بنوته على هالموضوع الرائع والي بيفتح باب النقاش بين الاعضاء مو متل اي موضوع تاني الكل بيقول مشكور وبيعدي :D د

اول شي بحب احكي وبكل صراحه انه البنت المحترمه (الي ما بتكون كاسيه عاريه) قليل جدا ما بتتعرض للاغتصاب واذا تعرضت للاغتصاب مش راح حدا يسكت من اهلها المجتمع الي احنا عايشين فيه مجتمع شرقي و اله عاداته وتقاليده

اما لو انها مثلا بنت شريفه وتعرضت لاغتصاب ما بتخلي حد يحبها او ما بتوافق على حد يخطبها

والله موضوع كتير متشعب ومحير بس الله يجيرنا :D

طيب وافترض وتعرضك لا الاغتصاب شلون عم تقول اهلا مارح يسكتوا طيب يفضحوا بنتون قدام العالم كلا
وليش لحتى اذا تعرضت للاغتصاب انو ماتخلي حدا يحبها يعني هيك كرمال نزوة شي واحد فايرة معو الغريزة وقضا على مستقبل بنت خلص تقعد وتسكر على قلبا وعلى حياتها ومستقبلا وقتا الناس رح يشكو انو في شي

بعدين هلاء صار في دكاترة تجميل يعني بيرجعوا الوحدة بنت ماباس تما غير امها
ههههههههه ماخلولكون مجال للحيرة
وحصل اذا بتحصل انها كانت مغتصبة
بس كمان فيا مسأله قانونية مو هيك مين مابدو يعمل عملية تجميل بينعملا
مو بهالسهولة
هههه حتى ماتنفروا وتشكوا بالبنات حبيت وضح انو مو بسهولة تنعمل العملية في الها مية اجراء
وشكرا على ردك

بنوتة حلب

25/10/2006, 21:30

اول شي قرأت الموضوع وما قرأت الردود ...
وبالنسبة لجواب ... لا ... أنا لا أتزوج بفتاة تعرضت للاغتصاب .. السبب : أعيش في مجتمع لا يسمح لي بذلك وحتى ان لم يكن احد يعلم فانا ساشعر بانني رجل ناقص الرجولة أعرف انها أراء رجل شرقي لكنه منطق وعقل ..

على كلن هاد رايك وانا بحترم كل الاراء
شكرا على ردك ومرورك وبتمنى تقرا الردود كمان لانو فعلا الردود مكتوبة من ناس فهمانين وبيعرفوا يناقشو

فلسطيني للأبد

25/10/2006, 21:36

وأنا كمان ما عندي مشكلة لو كانت هيك فعلا اذا كنت بحبها وبتحبني !!!

suryoyo

25/10/2006, 21:40

المشكلة تتلخص في الآتي

حكي الناس ما يرحم و المجتمع يدين البنت و يتناسى الرجل و ايام شبابه

كل واحد يتزوج من غربية يعيش في الغرب و هذا مشكلة المجتمع محلولة بالنسبة اليه

هو السؤال المهم :؟ متى تعلن البنت انها قد تعرضت للحادث الحقير ؟؟؟

ماذا لو عرف الشب انها مغتصبة قبل يومين من الزواج ؟؟؟

هذا هو السؤال المهم .........

و شكرا

بنوتة حلب

25/10/2006, 21:50

الاجانب بس اان يا بنوتة بدي اسالك وبتمنى تجاوبي بدون احراج او تطنيش
ازا بتعرفي شب عندو علاقات كتير _شب _ بركز ع هالكلمة يعني مو بنت ووعجبك وبدو يخطبك
بتقبلي فيه
وسوال تاني لا سمح الله انتي كبنت تعرضي للاغتصاب _لاسمح الله _ وانتي اكتر وحدة بتعرفي
انو ما الك زنب او عليكي حق شو بتكون ردة فعلك

1\ انا ماعندي مانع حتى لو كان عندو علاقات لانو انا عافترة عذوبيتوا مابحاسبو
بحاسبو من يوم ما حبيتوا او من يوم ما خطبني
اذا شفت زايحة منو او مابطل انو يكون الو علاقات مع البنات فا مارح تستمر الخطبة
واذا بعد الجازة كتشفت هالشي وصار عندي ولاد ما مارح اتطلق ابدا كرمال ولادي
بس والعفو من هالكلمة (_ بعملو كيس خرجية ) يعني بعتبروا اخي وعم يطلع علي وعلى اولادي
بعدين انا معي شهادتي مابيأثر عليي شي
بس اكيد مارح نحسس بشي الاولاد حتى يعيشو باستقرار نفسي
وامان بظل امون وابوهون

بس اغلب الرجال بيكون الهون نزوات كتيرة ولما بيحبو يستقروا بيتجوزوا عربية
وبيبطلوا الحركات القرعه الي كانو يعملوها وعافكرا الي عندو تجارب وبعدين بيستقر وبياخد عربية
بيصونها وبيقدرا اكتر غير الي ماعندو تجارب

2\ انا والحمد لله حريصة كل الحرص عاحالي مع انو بطلع سبور بس باوروبا ماعندون حالات اغتصاب لانون شبعانين
فا هنن مو بحاجة لاانو يعرضوا حالون لا القانون والمحاكم
واذا لاسمح الله تعرضت لا هال حادث من دون ارادتي فا اكيد اهلي رح يساعدوني لانو اهلى عيلة مثقفة وفهمانين
وكل واحد بيعرف شو مربي واهلي عندون ثقة عمياء فيني يعني اذا مثلا منعوني عن شي خلص عندون ثقة انو انا رح امتنع عنو يعني مابيتحروا من ورايي اذا امتنعت عنو او لاء
لانو بيعرفوني انا شو
اذا تعرضت غا متل ماقلت بعمل عملية ولامين شاف ولا مين دري
هي بابشع الاحوال
وانشاء الله ولا بنت بتتعرض لهيك موقف
وانا عاطول بتطلع على هيك امو ومعانات البنت بعد تعرضا او بارادتها لالااغتصاب لا حتى اعرف واخد فكرا والاحتياط
يعني انا بعمري ما مشيت بطريق فاضي ومعتم بليل حتى لو الصبح
ولا بشارع فيو ورشة عمار
بتمنع عن الروحة او باخود تكسي من الشركة مو من الشارع بيبقى أأمن

هي رديت وماطنشت ههههه

على كلن شكرا على مرورك وردك واذا في اي سؤال تاني انا حاضرة

بنوتة حلب

25/10/2006, 21:54

أول شي شكرا بنوتة على هالموضوع الحلو ...
أنا مو حابب ناقش بموضوع التركيز على البنت المغتصبة بارادتها أو بغير ارادتها...

أنا حابب اسأل سؤال وبس...وهدا السؤال رد على ta_06 تبع المجتمع الشرقي : اللي هوي:

في شب بهالمجتمع الشرقي مو نايم مع بنت ...

بدي الجواب وبعدين بنفوت على النقاش اذا ممكن !!

معك حق مافي شب وخاصة بأيامنا الحالية مو رايح مع بنت
وحتى لو قال انو مو رايح بيكون رايح وخاصة اذا كان ببلد اجنبي
اما ببلد عربي فا مليان بنات اجانب اما اذا كان مع اهلو فا ممكن 10% صدقوا انو مو رايح

شكرا عامرورك وطرحك للسؤال وناطرين رايك ومناقشتك

بنوتة حلب

25/10/2006, 21:56

وبشكر كل الي قالو انو ماعندون مانع لانو فعلا عقلون كبير
وشكرا على مروركون وردكون الحلو

نورتوا

المستحيل

25/10/2006, 22:23

اول شي بشكرك على هل الموضوع الجريئ والصريح بشكل عام
تاني شي بحب قللك انه هل الموضوع كتير حساس يعني موضوع الاغتصاب موضوع حساس
كتير فوق التصور يعني لو موضوع الغتصاب بيختص على قصة وحدة يعني في عدة شغلات للأغتصاب يعني انتي عم تقارني اني المنوضوع على الجانب مافي مشكللة هللق البنت ببللاد اجنبية في بعض البلدان اذا كانت عذراء معناها هية مو عارفة شو هية الحياة وهية اخدة راحتها وحريتها بشكل مو طبيعي وموضوع الاغتصاب عندهم بشكل كبير مع انهم هل الشغلة بالذات بتكون عيب كبير لأني بتكون البنت اخدة راحتها بشكل كبير وااللي بدها بتعلمو هللق يمكن البنت هية اللي ببلادنا تعرض نفسها لهل الموقف انه تروح على بيت الشخص اللي بتحبو مثلا ويطلع هو ندل ويغتنصبها بتكون هية اللي بهل الحالة مو عارفة كيف تستغل حريتها بالشكل الصحيح واناضد هيك بنت مو عارفة شو هو الصح وشو هو الغلط وشو اللي صح
مع اه هل الموضوع قد ما كان النقاش فيه مارح يخلص وانيت بتعرفي شو عاداتنا بحلب خاصة يعني مو متل بقية مثلا المحافظات بس انا مو ضد هل الشي اذا هية صارحتني وكنت بحبها مو بالداعي اتركها اذا كان الموضوع غصب عنها يعني حسب الوضع والحالة الليي هية فيها وشو السبب للشي الللي صار
وبشكرك على هل الموضوع وتحياتي الك :D

بقـ انسان ـايا

25/10/2006, 23:57

3- اذا اظهرت التوبه......

اول شي مشكورين كتيرعلا هيك موضوع

خيتي ليدي كلامك كلو علا عيني وعلا راسي بس من هاي الكلمة

بتبين انو كل الي صار منو اغتصاب يعني كل شي برضاهااا وليش لتوب اذا اغتصبت ما دام كل شي مانو بايدهااااااا

شباب انا برايي الاخلاق ثم الاخلاق ثم الاخلاق يعني اذا كانت مغتصبة ول مش مغتصبة الاخلاق والسمعة هي اللي بتحدد انا بقبل فيها ول لا

وكل شي جائز وممكن

مشكورين كتير علا الموضوع

:D :D

Alshami

26/10/2006, 00:03

بغض النظر بوافق ولا لاء
المشكلة ياترى هالبنت حدا عرف انو معتصبة؟؟
اذا حدا بيعرف هون مشكلة كبيرة ومابظن أي حدا يجرء انو يقدم على هيك خطوة
أما اذا ماحدا بيعرف فيها وجهة نظر ....
وكمان شغله شو اللي بأكد للشب انو هي مغتصبه إغتصاب مو هي اللي عملت بحالها هالشي؟؟؟
مابظن حدا يقدر يلاقي هيك إثباتات
الموضوع مجملا ً شائك ومعقد
والله يستر عالجميع

دمتم بود

:D

شاعرة الأقصى

26/10/2006, 00:03

اول شي قرأت الموضوع وما قرأت الردود ...
وبالنسبة لجواب ... لا ... أنا لا أتزوج بفتاة تعرضت للاغتصاب .. السبب : أعيش في مجتمع لا يسمح لي بذلك وحتى ان لم يكن احد يعلم فانا ساشعر بانني رجل ناقص الرجولة أعرف انها أراء رجل شرقي لكنه منطق وعقل ..

:shock: :shock: :shock:

adam_best

26/10/2006, 00:11

معك حق مافي شب وخاصة بأيامنا الحالية مو رايح مع بنت
وحتى لو قال انو مو رايح بيكون رايح وخاصة اذا كان ببلد اجنبي
اما ببلد عربي فا مليان بنات اجانب اما اذا كان مع اهلو فا ممكن 10% صدقوا انو مو رايح

شكرا عامرورك وطرحك للسؤال وناطرين رايك ومناقشتك

طيب بناءا على هالشي كيف البنت عم تقبل بالشب بس لأنو بحبها وشايفها بالدنيا وعم تتغاضى عن انو الو علاقات مع بنات و.......... ؟؟؟؟؟

Kakabouda

26/10/2006, 00:23

هلأ الموضوع على عيني وراسي مهم بس في مجال لللغط كتير فرجاءً خلينا نقلّص من هي المواضيع ..
تحياتي للجميع :D

بنوتة حلب

26/10/2006, 00:26

اول شي بشكرك على هل الموضوع الجريئ والصريح بشكل عام
تاني شي بحب قللك انه هل الموضوع كتير حساس يعني موضوع الاغتصاب موضوع حساس
كتير فوق التصور يعني لو موضوع الغتصاب بيختص على قصة وحدة يعني في عدة شغلات للأغتصاب يعني انتي عم تقارني اني المنوضوع على الجانب مافي مشكللة هللق البنت ببللاد اجنبية في بعض البلدان اذا كانت عذراء معناها هية مو عارفة شو هية الحياة وهية اخدة راحتها وحريتها بشكل مو طبيعي وموضوع الاغتصاب عندهم بشكل كبير مع انهم هل الشغلة بالذات بتكون عيب كبير لأني بتكون البنت اخدة راحتها بشكل كبير وااللي بدها بتعلمو هللق يمكن البنت هية اللي ببلادنا تعرض نفسها لهل الموقف انه تروح على بيت الشخص اللي بتحبو مثلا ويطلع هو ندل ويغتنصبها بتكون هية اللي بهل الحالة مو عارفة كيف تستغل حريتها بالشكل الصحيح واناضد هيك بنت مو عارفة شو هو الصح وشو هو الغلط وشو اللي صح
مع اه هل الموضوع قد ما كان النقاش فيه مارح يخلص وانيت بتعرفي شو عاداتنا بحلب خاصة يعني مو متل بقية مثلا المحافظات بس انا مو ضد هل الشي اذا هية صارحتني وكنت بحبها مو بالداعي اتركها اذا كان الموضوع غصب عنها يعني حسب الوضع والحالة الليي هية فيها وشو السبب للشي الللي صار
وبشكرك على هل الموضوع وتحياتي الك :D

كلامك مزبوط وحلو
وفعلا هيك الاجانب عيشتون بس انا ماعم قارن بين عيشتون وعيشتنا
انت بتعرف انو اسهل شي عندا الاجنبية الخيانة وماعندا ذرة وفاء او اخلاص لزوجها
والي عم يتزوجوا الاجنبية عم يكونوا واثقين ومتاكدين انو بغيابو عم بتخونو
ومع هيك بيعملا ام ولادوا
وهنن نفسون الاشخاص اذا ناقشتون بهالموضوع بيقلك لاء :x هي رايحة وفاقدة شرفا
يعني انا الي شايفتوا والي بعرفوا والي بسمعوا يمكن ما اقدر اقنعكون لانو هنن الاشخاص نفسوم بتكون ارائون ناقض ومنقوض

والله يستر من الاعظم

شكرا على ردك

بنوتة حلب

26/10/2006, 00:31

طيب بناءا على هالشي كيف البنت عم تقبل بالشب بس لأنو بحبها وشايفها بالدنيا وعم تتغاضى عن انو الو علاقات مع بنات و.......... ؟؟؟؟؟

لاء بس عاداتنا وفكرنا الاجتماعي وهيك تربينا انو الشب ما بيعيبو شي
وانا ذكرت وقلت انو الشب لما عم يتغرب ويرجع يتزوج من بلدو بيحس بقيمة المرأه العربية
وبيصونها وبيامن منها لانو بيعرف انو مارح تطعنو بظهروا وتخونو وبيكون مامن على ولادو معها

بنوتة حلب

26/10/2006, 00:34

بغض النظر بوافق ولا لاء

المشكلة ياترى هالبنت حدا عرف انو معتصبة؟؟
اذا حدا بيعرف هون مشكلة كبيرة ومابظن أي حدا يجرء انو يقدم على هيك خطوة
أما اذا ماحدا بيعرف فيها وجهة نظر ....
وكمان شغله شو اللي بأكد للشب انو هي مغتصبه إغتصاب مو هي اللي عملت بحالها هالشي؟؟؟
مابظن حدا يقدر يلاقي هيك إثباتات
الموضوع مجملا ً شائك ومعقد
والله يستر عالجميع

دمتم بود

:D

شكرا على ردك ورايك انا بحترمو
بس معلومة صغيرة انو الطبيب الشرعي فيو يشخص اذا كان غصبن عنها
او بارادتها

بنوتة حلب

31/10/2006, 02:19

:pos: :?

leoprad

31/10/2006, 02:34

أول شي شكرا بنوتة على هالموضوع الحلو ...
أنا مو حابب ناقش بموضوع التركيز على البنت المغتصبة بارادتها أو بغير ارادتها...

أنا حابب اسأل سؤال وبس...وهدا السؤال رد على ta_06 تبع المجتمع الشرقي : اللي هوي:

في شب بهالمجتمع الشرقي مو نايم مع بنت ...

بدي الجواب وبعدين بنفوت على النقاش اذا ممكن !!
انا
.
.
.

OsO

31/10/2006, 05:17

:D :D :D :D :D :D :D :D :D :D :D :D :D :D :D :D

Swanli

31/10/2006, 11:25

مرحبا شباب وصبايا

انا حبيت شارك بهل موضوع الحساس اللي عشت فيه انا شخصياً تجربة
طبعا مارح اقدر ضيف شي جديد على حكي الشباب والصبايا بهل موضوع لأنو ماشاء
الله عليكن كفيتو ووفيتو

انا بس حابب ساهم برأيي بهاد الموضوع:

أولاً: موضوع الاغتصاب معناه انو البنت اغتصبت غصباً عنها وعن اكراه ودون رضاها
من شخص لا تعرفه من الاساس. وبهل حالة البنت مالها ذنب والمفروض تتبلغ السلطات
الرسمية بهيك مواضيع لحتى ياخدو حقها و ما تنمس كرامتها بشي.... طبعا وهي حالة
نادرة بمجتمعنا هلأ ... وهي البنت انا شخصياً أقبل الزواج بها اذا كانت على
خلق وطيبة ومحترمة..

ثانياً : الحالة الثانية وهي ان البنت اساساً على علاقة بشب دون علم الاهل مثلاً
وهي الحالة الموجودة هلأ بنسبة 95% وتستمر هذه العلاقة فترة
تحت ستار الحب البريئ العذري على اساس وبعدين هالشب الظريف بلاقي
انو البنت عطتو كلشي وسلمتو حالها بدون ما البنت تحسب وتحس باضرار ومساوئ
هالشي وطبعا الشب من هدول ما بيصدق على الله يلاقي هالشي من البنت
وتبدأ بعدها مرحلة ممارسة الجنس بيناتن، ضاربين بعرض الحائط القيم والمبادئ
وثقة الأهل اللي مغلوب على أمرن ومفكرين انو بنتن منزلة من السماء
وبعد ما تنتهي هل مرحلة ، هالشب المهيب بيقرر بترك البنت لأنو بيصير بيفكر
انو ما رح يقدر يرتبط بهل بنت بما انها حالياً مو عذراء وهو بدو بنت ماباس تما الا امها
وبتنتهي هالعلاقة بأنو الشب بيعيش حياتو طبيعي وبيتزوج وحدة تانية وهالبنت بتقعد بتندب حظها

وهون مافينا نقول انو الشب بس المذنب،،، البنت عليها الذنب الأكبر من الشب
وبهل حالة حرام يتقدملها شب محترم ما بيعرف شو كان صاير قبل معها وينظلم معها وينضحك عليه
لازم هالبنت تتحمل نتيجة غلطها وسوء تصرفها وعدم حرصها على كرامتها وشرفها
البنت حتى لو كانت على علاقة حب بشب لازم تحافظ على شرفها تحت اي ظرف من الظروف

وآسف اذا ضايقتكن بردي
وآسف على الاطالة
وهاد رأي شخصي مو اكتر
وشكراً

shadi

31/10/2006, 16:21

انا عندي تعليق بتمنى ماحدا يزعل منو
هلا البنت اذا كانت مغتصبه المجتمع بيغضب عليها
بس في غير بنت عم تشتغل ( بالدعارة اسف على التعبير) واكتر العالم بتحترما وبتطلب ودها
طيب هلا اثبات للعقليه الغلط يلي عنا في شب مو نايم مع بنت باعة هوى ان صح التعبير وبكل امكانيته راح تبروظ قدام رفقاتو والله انا متأكد و واثق كل الثقة انو مافي شب كبير او صغير موعامل نفس الشي لك مين بدكن من اكبر مسؤول بالعالم لاصغر خلق الله انا وانت وابي وابوك عمي وعمك اخوك واخوي .........الى لا نهايه
طيب ليش مابتحاسب حالك قبل ماتحاسب غيرك (متى 7/4 : كيف تقول لاخيك دعني اخرج القذى من عينك و ها الخشبة في عينك ) وانا متأكد انو في بالقرأن شي متل هل ايه .
طيب ليش مامنتبع دينا طالما نحن المجتمع المتدين اكتر من الغرب
هاد رأي
طيب هلا انا خاطب واكيد كتير انا مبسوط وممتن لانو خطيبتي ماكان عندا اي علاقة حتى عادية بأي شب قبلي وهيدا الشي موثوق منو بس مو يعني اذا كان في اي شي رح يتغير حبي الها والله على كلامي شاهد انو حتى لو كان في اي شي قبل علاقتنما مارح حاسبها عليه لانو انا وبصراحة عامل العشرة وذمتها ومصرحها بهل شي بس الحمد الله من بعد الارتباط ماعاد في بنت حوا تعبي عيني غيرها
((((((( في شي بالطب اسمو غشاء اصطناعي يعني ممكن البنت تكتم هل شي وتروح تعمل عملية ترجع البكارة الها ))))))
خلي الثقة وعيون القلب هي تكون بموضوع الارتباط لانو الزواج هو سر رباني .
مشكور ياأمور

OsO

31/10/2006, 17:35

:D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D

راديا

31/10/2006, 19:30

لا ما بقبل
ههههه
لو شب
كنت
...

فروحة

31/10/2006, 21:01

وبيروحوا عا البلاد الاوروبية والي بتكون رايحة مع الف واحد وبأرادتها بيعملها ست بيت وام اولادون

وبيقبلو بالاجنبية الي رايحة بارادتها ومو خليانة من شر حدا

من سن ال 16 سنة الاجانب بيفقدوا عذريتون وبارادتون

في شغلة ما فهمتها:shock: :shock:
أنو ليش هالأد هاجمة عالبلاد الأوروبية ,واعتبرتي كل البنات الأجانب داشرين ومو فارقة معهن اذا فقدوا عذريتهن أو لا
يعني اذا جايبة معلوماتك من الأفلام الأجنبية وهالكم مسلسل أجنبي ....فهدا شي غلط
أنا بقلك أنو في نسبة منيحة مو فارقة معهن,بس كمان لا ننسى أنو في كتير بنات محترمات وفي كتير عائلات محافظة وبتحب السترة بالزواج
وغلط تقولي"من سن الـ16 الأجانب بيفقدوا عذريتهن وبارادتون"
هدا حكي مو منطقي
وفي شغلة تانية أنو بأميركا كتير مرتفعة نسبة الاغتصاب,وفي كتير بنات مظلومين,وبيصير عندهن اضطرابات نفسية,بس في منهن بيحكوا عن تجربتهن الأليمة مشان يفيدوا غير بنات ومشان يحذروا البقية شو يعملوا بالمواقف الصعبة,وفي منهن بيرفعوا دعاوي بالمحكمة,
بس الشباب هنيك ما بيفكروا كتير بهالقصة قبل ما يتزوجوا البنت اللي تعرضت للاغتصاب,وخصوصاً اذا البنت ما كان الها دخل.
بس لو صار هالشي عنّا,البنت بتسكت وبحمل همّا بقلبا.

هدا كلشي بدي قولو....

بنوتة حلب

31/10/2006, 21:23

في شغلة ما فهمتها:shock: :shock:
أنو ليش هالأد هاجمة عالبلاد الأوروبية ,واعتبرتي كل البنات الأجانب داشرين ومو فارقة معهن اذا فقدوا عذريتهن أو لا
يعني اذا جايبة معلوماتك من الأفلام الأجنبية وهالكم مسلسل أجنبي ....فهدا شي غلط
أنا بقلك أنو في نسبة منيحة مو فارقة معهن,بس كمان لا ننسى أنو في كتير بنات محترمات وفي كتير عائلات محافظة وبتحب السترة بالزواج
وغلط تقولي"من سن الـ16 الأجانب بيفقدوا عذريتهن وبارادتون"
هدا حكي مو منطقي
وفي شغلة تانية أنو بأميركا كتير مرتفعة نسبة الاغتصاب,وفي كتير بنات مظلومين,وبيصير عندهن اضطرابات نفسية,بس في منهن بيحكوا عن تجربتهن الأليمة مشان يفيدوا غير بنات ومشان يحذروا البقية شو يعملوا بالمواقف الصعبة,وفي منهن بيرفعوا دعاوي بالمحكمة,
بس الشباب هنيك ما بيفكروا كتير بهالقصة قبل ما يتزوجوا البنت اللي تعرضت للاغتصاب,وخصوصاً اذا البنت ما كان الها دخل.
بس لو صار هالشي عنّا,البنت بتسكت وبحمل همّا بقلبا.

هدا كلشي بدي قولو....

عيني انا ما عم لوم البنات الاجنبيات بعرف انو هاد شي طبيعي عندون وشبابون مو فارقة معون ان كانت متجوزة ولا مغتصبة ولا رايحة مع شي حدا
بس انا عم لوم شبابنا العربي الي بيقول انا بدي عربية ماباس تما غير امها
وبيرضي ياخود اجنبية بدون ما يسال عن ماضيها
وانا بعرف انو في بنات عوائل محافظين
بعدين معلوماتي لا من التلفزيون ولا من السمع
انا عايشة وسط مجتمع اوروبي وبعاصمة البلد يعني هون العالم كتيييير منفتحة وعم شوف هالشي قدامي
حتى عندي كتيييير رفقة اجانب طبعا شي اكبر وشي قدي
وكل وحدة موصلة على ال 25 سنة وعندها كذا علاقة على امل انو يتجوزا هالشب العايشة معو
بس ماعم خص كل الاجانب عم قول القسم الاكبر منو
بعدين بأعتقادون اذا البنت صار عمرا 18 سنة وماصار عندا رفيق او بقيت عذراء معناها هي هبلة ومابتفهم شي بالحياة

فلاح

31/10/2006, 21:25

الصراحه لالالالالالالالالالالالال الالالالالالالالالالالالا
بــــــــــــــــــــــــ ـــــــــــــــــــــــــ ـــس لحظه

لو كانت البنت اوحيدة ......ممكن افكر

تحياتي :gem:

بنوتة حلب

01/11/2006, 13:57

:shock: :larg: