صحيح أنا لست بمحامي أو قاضي أو دارس للحقوق بس ع الاقل بعرف اسماء التهم يللي بيحاكم عليها القانون...بس للمرة الأولى بتمر علي تهمة اسمها ((اضعاف الشعور القومي))
جهابذة القانون وفطاحل الحقوق ببلدنا الحبيب اخترعوا تهمة جديدة واسمها ((اضعاف الشعور القومي))
شو مناسبة هالحكي....اي مناسبتو أنو ميشيل كيلو وبعد ما صدر قرار اطلاق سراحه يوم الخميس الماضي منع من الخروج من السجن بعد ان وجهلوا قاضي التحقيق تهمة ((اضعاف الشعور القومي))....
ما بعرف شو بدي اسأل أو شو بدي أحكي....بس شو رأيكون بالموضوع؟؟؟

المصدر ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

له يا زلمي، إضعاف الشعور القومي، يعني ما بدها تفسير، مفسرة حالا بحالا:cry:
يا معلم اخترعوا هيك تهم لأن ما بقي في تهم ما تهموا فيها العالم، يعني إزا بدهن يتهموا بإنو عميل امبريالي، صارت موضة قديمة، بدهن يتهموا بالوقوف مع التيارات المعادية للأمة، صارت بايتة و معفنة، بدهن يتهمو بالوقوف في وجه أهداف الحزب و الثورة، كمان صارت معفنة، يعني الشباب مللوا و حبوا يمشوا عالموضة و يواكبوا ركب التطوير و التحديث، حبوا يجربوا شي جديد و يغيروا طعمة تمن، واضحة.:shock:

معلم بعد ما قريت كل الردود على المقال بالعربية، هدول أكتر ردين عجبوني، الأول بهلك من الضحك و التاني بموت من القهر والظلم، وه دول هنن الردين، الأول رقمو 12 و التاني رقمو 45:
- Feel freee in syria
Abul hamid |23/10/2006 م، 01:39 مساء (السـعودية) 10:39 صباحا (جرينيتش)
Syria must bee the first and only country in the world who has prision panishment for bad feeling


- اتركوني من الديمقراطيه سوري جوعان
مستر شكاك |23/10/2006 م، 07:10 مساء (السـعودية) 04:10 مساء (جرينيتش)
انا مواطن جوعان ومامعاي فلوس ثمن الاكل انتم جالسين بالقصور وتتحدثوا عن الديمقراطيه والشعور القومي اي شعور هههه وانا مامعي اطعم اولادي ولاحق لبس للولاد ياعالم احكوا بالعقل شعب ميت من الجوع بتقول شعور قومي خلينا نشبع العيش بعدين منفكر بالديمقراطيه والشعور القومي وسوريا مو لاحد لا للاسد ولاغيرو



طبعا الردود منقولة من موقع العربية يللي حطوا the light



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

نحنا بلد الإبداع, بلد المعجزات ... سوريا الله حاميها :larg:

نحنا بلد الإبداع, بلد المعجزات ... سوريا الله حاميها :larg:
إنتي سمعتي كمان بتهمة "وهن نفسية الأمة"؟؟؟؟؟؟؟؟؟ هي كمان اختراع جديد و مبتكر:clap: :frown: