-
دخول

عرض كامل الموضوع : هل تعتقد ان لديكم رأيا عاما كشريحة شبابية عربية؟؟؟؟؟؟؟؟؟

بنوتة حلب
22/10/2006, 23:37
ان كان لنا راي ...فمن يهتم به...؟
بالطبع لا احد...
قد لا نجرؤ عن الافصاح عنه ......
وقد نجتمع معا
ونطرح آراءنا ونناقش ونحلل
ومن ثم ....يعود كل منا الى منزله..
لا احد يهتم بالشباب للاسف ..ولايمكنهم ان يفتحو باب المشاركة لنا ..
لاننا بنظرهم مجرد شباب مستهتر تافه في تفكيره....


هل تعتقد ان لديكم رايا عاما كشريحة شبابية عربية؟
Eh@Ab
23/10/2006, 00:49
بالنسبة اللي بحس حالي بفهم وواعي بس اللي حولي من (امي ابوي ستي عمامي خالاتي ) بفكروني تافه ومستهتر :cry: :cry: :cry: :cry:
عيون جريئه
23/10/2006, 01:08
عنصر الشباب اهم عنصر في المجتمع ويجب على المجتمع ان يوفر الفرص الكافيه لتنمية مهارات الشباب
وانه يستفيد من اراء الشباب

الشاب هم الاساس المبني عليه المجتمع :D
Eh@Ab
23/10/2006, 01:11
كلام سليم 100%:D
عنصر الشباب اهم عنصر في المجتمع ويجب على المجتمع ان يوفر الفرص الكافيه لتنمية مهارات الشباب
وانه يستفيد من اراء الشباب

الشاب هم الاساس المبني عليه المجتمع :D
SchwarzerTeufel
23/10/2006, 01:59
كلامك مزبوط
انا برايي صحي في شباب مستهتر ونا بيفهم بس اغلب الشباب عقلو بيوزن بلد واكيد النا رأيي عام
بس بمجتمعنا ما بيعملو ايمة للشباب وبيعتبروون ولاد وما بيفهموا شي وكأنو الكبار تكفيرون كامل وما بيخطئوا
وبرأيي هاد واحد من اسباب تخلفنا وتقدم الغرب

يعني بيجي شب بيطرح فكرة او رأي ادام اهلو بيكون الرد:
لك شو بيفهمك انت لساتك غر ومو شاييف شي بهالدنيا
عود على نصتك

وبيجوا بعدين بيقولوا:
لك بس بدي افهم شو محببو برفقاتو
ما رفقاتو هنة اللي بيعملولو ايمة وبيسمعو
nowwara
23/10/2006, 16:20
له له له يا ايهاب
هيك انت بتحس
لا بالعكس عاد بعتبروك بتجننننننن و لذيذ:yahoo: :yahoo:
مفروض تكيف
نيااالك

بالنسبة اللي بحس حالي بفهم وواعي بس اللي حولي من (امي ابوي ستي عمامي خالاتي ) بفكروني تافه ومستهتر :cry: :cry: :cry: :cry:
Alshami
23/10/2006, 16:44
الشباب وكما ذكر الاخوة هي الشريحة الاهم بالمجتمع
ويجب علينا كشباب أن نوظف إيمكانياتنا في التعريف بما نملكه من قدرة على الانجاز والتحقيق اذا اتيحت لنا الفرصة المناسبة
ونرجوا من جميع الشباب المحاولة تلو الاخرى لإثبات ذاتهم
لا أحد يستطيع أن يقنع الأخرين برأيه من أول محاوله
فإذا أتيت انت كشاب لتقنع رجل في الستين من عمره بضروره الانترنت مثلا كوسيلة تواصل ونشر للمعلومات
بالتأكيد لن تستطيع أن تفهمه رأيك من المرة الأولى
لذلك الموضوع يحتاج منا أولا إلى الصبر والعزيمه
ولايوجد أي إنسان كان يريد شيئ ويسعى إليه إلا وحققه

والله ولي التوفيق

دمتم بود
:D
shahood
23/10/2006, 16:58
والله انا كمان بلاحظ ان راي الشباب ما بعتبرولوا اي اهمية
بس في شباب مستهترين خلوا نظرة كل الكبار لشباب انهم مستهترين
بنوتة حلب
24/10/2006, 11:39
ماحدا عم يسمع هالشباب لهيك المعظم عم يتجهوا لا المنتديات
لاحتى يطرحوا المواضيع ويحكو ويطرحوا رايون
لو لفيتو عالكل المنتديات رح بتلاقو انو في كتييييييييير من هالشباب والبنات عم يحكوا ويتناقشوا
بس انو يقدروا يغيروا شي او يزحزحزا شي فا مابعتقد او بالاحرى مافي لمين يروحو ويحكولو ويسمعون
ان كان من الاهل معظمون مشغولين او مواضيع حابب تستفسر عنا ومافيك تسال اهلك فيا
لانو ماعندون فكرة عن موضوع معاصر او معين طرحتوا او مشغولين
انا معم عم قول كل الاهل وانما البعض منون
وحتى البنت ما فيا تعبر عن رايا بشكل مباشر مع انو بتكون احيانا اوعى من الي حواليها

بعتقد انو هالشي برجع لطبيعة المجتمع ولاسلوب التربية في البيت
يعني في مجتمعات مو بس بتهتم بآراء الشباب، هي بتهتم بآراء الأطفال كمان
تربية الأفراد مشان يكونو قادري على ابداء آراء سليمة وصحيحة، هاد الشي بتكون من النواة الأساسية وهي الأسرة، يعني ان الآباء يسمعوا للأبناء وياخدوا آرائهم ومقترحاتهم على محمل الجد، هالشي هو اللي راح يغيرالنظرية المشوهة والظالمة في حد ذاتها.

شكرا على ردودكون الحلوة ونورتوا
ري مي
26/10/2006, 02:56
بعتقد فيه ازمة ثقة مو بين الشباب واهلن بس
وانما بين الاهل مع انفسهم
يعني لما الاهل بيكونو واثقين من حالن و من ترباية ولادن بيصيرو يتقبلو اختلاف آراء اولادن عنن
وانتقاد ولادن لالن
شكرا عالموضوع:D
بنوتة حلب
31/10/2006, 02:15
بعتقد فيه ازمة ثقة مو بين الشباب واهلن بس
وانما بين الاهل مع انفسهم
يعني لما الاهل بيكونو واثقين من حالن و من ترباية ولادن بيصيرو يتقبلو اختلاف آراء اولادن عنن
وانتقاد ولادن لالن
شكرا عالموضوع:D


مزبوط معك حق بكلامك وهي نقطة واردة جداااا بهالايام
تسلميلي وشكرا عامرورك وردك الحلو
نورتي
توفي
31/10/2006, 02:19
واللهي يابنوتة حلب انا كشلب عراقي لالالالالالالالالالالالالالالالالا اجد اي راي عام لا انا ولا اي عراقي وشكرا لكي
بنوتة حلب
31/10/2006, 02:29
واللهي يابنوتة حلب انا كشلب عراقي لالالالالالالالالالالالال الالالالا اجد اي راي عام لا انا ولا اي عراقي وشكرا لكي


اخي توفي مو بس اخوانا العراقيين ولكن الشباب العربي بشكل عااااام
ليس لديهم رأيا عاما

وشكرا على مرورك وردك



قرب لشوف قرب كمان
وحط عينك بعيني لشوف
مابدي تشاؤم من اليوم ورايح ماشي ههههههههههههههه

نورتي