أخبار الكاتب نبيل فياض منقطعة منذ فترة و يبدو أنه اما قرف من الكتابة و معه حق يمكن " شعب مخو معفن " و مو لابقلو أو في شي قصة ...

يا ريت من عنده معلومات يخبرنا
موقعه اضاءات
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
مغلق :x

اخر الاخبار اللي بعرفا عنو انو كان مشغول بشتم الغادري بعد ما طالب الاخير باقالتو من حزب الاصلاح
بس هاد الحكي صرلو زمان :p

الله يكسر إيديه هوي و وفاء سلطان اذا كانت اخبار لقاءاتهم بسياسيين اسرائيليين صحيحة

نكسوا رايات العلمانية

نكسوا رايات العلمانية
فشروا

معلمي العلمانية و الليبرالية متلها متل غيرها من التوجهات الفكرية، ما حدا بيحمل خطية حدا

نكسوا رايات العلمانية


كلو كذب بس يمكن سلطان عملت مقابلة مع جريدةاسرائيلية و هذا غلط
و لكن ما دخل العلمانية بهم
صحيح هم من دعاتها و لكن لم تتأثر العلمانية بما يفعلونه لانها فكر

الله يكسر إيديه هوي و وفاء سلطان اذا كانت اخبار لقاءاتهم بسياسيين اسرائيليين صحيحة
اش معنى الجزيرة مخولة بجلب اسرائيليي يحكو ويتحاورو مع العرب، و الباقين لا
اش معنى حكومتك !! مخوّلة تجتمع مع الإسرائيلي و غيرون لا

حسبها اخي؟
انا رحت اجتمعت بالإسرائيلي، شو ممكن كون عم بعمل ؟ هل يا ترى البديهة بتخدم لبيب بإني كون عم عد لإنقلاب مثلا ؟؟ هل يا ترى في شخص بالعربان قاطبة عم بيفكر بعمل انقلاب ولا اصلاح ولا تغيير ولا شو ما كان الصيغة بيجتمع بالإسرائيلي؟؟؟؟

لو قلتلي اجتمع مع الأميركان مع الأوربيين مع العربان الي بالجهة التانيي كلو ماشي بيظبط ، بس ما في عاقل بقدر يتخيل انو ممكن انقلاب بدلة عربية ينجح بمساعي اسرائيليي ...

نكسوا رايات العلمانية
ما بيصير نتعامل مع الأشخاص كباكيجات ، مع تصرفاتهم كحزمة ..
رح افترض اجتمعو بالإسرائيلي ، هذا ما بينفي او بينقض اسهامات اي منهم (سلطان ولا فياض) بمجال التوعية و التنوير، و نشر الفكر العلماني المعاصر..
رح افترض ايضا هني اليوم إكتشفنا فجأة انو جماعة مرتشين مرتزقة، مارقة حراميي ..
اي عال ، بس كمان هذا ما بينفي اسهاماتهم الجلية في التنوير ، والتوعية ، واعلاء رايات الليبرالية او الديمقراطية او غيرها ..

لسبب او لآخر منتعامل دوم مع الناس كباكيج (بالوقت الي ما في شخص باكيج هوي)
خدام صرعو الدنيا لمن عارض النظام .. بحجة كانت مرتشي الزلمي او مرتزق ..
كتيـــــــــــــر الأشخاص المتنفعين او المرتزقة بس وطنيين .. بس زوي فلسفة ورأي ..! (ما عم بشملو بس ما عم بستثنيه)
موشي كساف (ر إسرائيل) يابا متهم بقضايا تحرش جنسي و عم بيحاكموم و قومو الدنيا ما قعدت لسا ..
طب بس انو الزلمي وطنيي؟ كان عم يخدم بلدو ، .. بتحاسبو على مخالفة القانون وفق القانون نظامي .. بس ما بتقيمو سياسيا انطلاقا من تحرشو الجنسي ؟

عمك كلنتون ، و قصة مونيكا لوينسكي و اتحرش فيها و ما اليه .. طيب بس الزلمي دماغو نضيف ، (و تحرشو بسكرتيرتو ما بيغير بواقع انو دماغو نضيف شي) ، فترة رئاستو كانت من افضل الفترات الي مرت على اميركا ، الإقتصاد و انتعش، العلاقات الخارجية وفل الفل.. ع دقرة كان رح ياخد نوبل الزلمي .. و اتحرش بمونيكا طيب .. يعني ما لون علاقة ببعض ..

انا ضد التعامل مع الأفراد و تصرفاتهم كباكيجات ..

______
نقطة تانية:
القانون، الدساتير، العدل.. بيقول ما بيصير محاكمة الناس ع النوايا ،
بمعنى انا عندي نية اقتلك اليوم .. مافي محكمة بالعالم بتديني على النية هاي .. !!
بتديني على التنفيز ع التخطيط و المباشرة .. بس العدل يقضتي بعدم محاسبة شخص ع النوايا

انا رح اجي معك قلك الجماعة عندهم نية يعملو انقلاب .. مافيك تحاسبون ! (بعزل النية هذي عن نوايا اخرى)
بحاسب فياض لمن شوفو عمل شيئ غلط ، لمن اتأكد من انو عم بيخطط ليعمل شيئ غلط ..
بحاسب سلطان لمن تباشر بالغلط ، تنقز الغلط، اخي تخطط للغلط .. بس مش ع النوايا ، (وبرجع بزكر عم بفترض النية العاطلة عندون ..)

فما بالك انو 1- اشاعات 2- النية من حسب معرفتنا العامة بهم ، يصعب جدا ان تكون عاطلة،(او جدا جدا جدا)..

طيب..
كلو كذب بس يمكن سلطان عملت مقابلة مع جريدةاسرائيلية و هذا غلط
و لكن ما دخل العلمانية بهم
صحيح هم من دعاتها و لكن لم تتأثر العلمانية بما يفعلونه لانها فكر

غلط تعمل مقابلة مع جريدة اسرائيليي؟؟ اوف ليه
ليش غلط لمن تساهم بإعطاء صورة إيجابية عن العرب؟؟
ايتها احسن يفضل المواطن الإسرائيلي مفكر احنا شلة بدو عايشين بخيم ع اموال النفط ما شاطرين غير بالتفجيرات و النسوان .. و يعطيه هذا شرعنة بعقلو الظاهر والباطن ليستولي على ارضنا و غيرها ..
ولا يشوف الصورة المشرقة للعربي.. الصورة الإيجابية ، (ويا ريت لو بالإمكان اختزالها برموز متل فياض ولا سلطان)

انت بتعرف اليوم عن السويد، بلجيكا ، النرويج .. الي بتشوفو بالأخبار عنهم ، العام ..
الصورة الي بزهني بزهنك عنهم هيي الصورة العامة المتناقلة عبر التراكمية ..
فبتعرف انهم دول متحضرة، متطورة ، ديمقراطية ، المواطن فيها ليه حقوقو .. الخ
من خلال ما تراه عن انجازاتهم العلمية، من خلال ما تراه في اكتشافاتهم، في مواقفهم الدولية .. الخ

الغرب (جملة) بتعرف عن العرب انو ارهابي، كسول عايش على اموال النفط ، ما شاطر غير بالتكفير .. (هوي التراكمية ايضا عملت هاي الصورة عندو .. بحكم تقوقعنا ، بحكم ما منخلي مفكرينا يطلعو يحكو ، ما منخلي علمائنا يشتغلو متل الخلق _وبدو العالم فتوى من مفتي الديار بكل دبة قلم_ ما منخلي مثقفينا يسمّعو صوتهم .. )

عزمي بشارة عضو كنيست !! (عضو مؤسسة تشريعية اسرائيلي!) لا عم يعمل مقابلة، ولا عم يتعاطى مع سياسي اسرائيلي، وانما عضو مؤسسة تشريعية اسرائيليي..
برأيك ، ايتها احسن (للقضية الفلسطينية والعربية) يكون هوي عضو كنيست (ويطلع يحكي عن القضية بالتلفزيونات والراديوهات والمجلات والصحف الإسرائيليي والأميركية والأجنبية و ينور الخلق و يوعيهم لمشروعية القضية شيتنا ولكم الموبقات الي عم يمارسها الجيش الإسرائيلي وهو يعيث فسادا في الأرض ، ويساهم كجماعة ضغط من الداخل بقدر ما ..)
ولا يكون شخص قاعد بين اربع حيطان _عم يندب حظو_ ما بدو يحاكي حدن لانو كلون اعداؤو وكلون حاطين حطاه وكلون ابناء القردة والخنازير وكلون ضالين وكفار وما بيفهمو ووحدو هوي الصالح المُختار الفهمان _ فهيك هوي شايف_ !!!

بأييد كتير أمور من اللي قلتا ..

بس في شي اسمو استقراء أو استنتاج أو تحليل، انو نحنا ما بنعرف هالشخصيات على حقيقتها تماما وشخص بيحمل فكر معين تلقائيا وبالتحليل والمنطق رح نستبعد يكون عمل شي يتعارض مع هالفكر.

مثلا خدام، قالو عنو خاين لعدة اسباب منها انو نهب البلد واعلن معارضتو للنظام بظروف سيئة.. يعني اتهامات نازلة زخ عالبلد وضغوط خارجية وهوي استغل هالظرف اييه فاستنتجنا انو دوافعو مشبوهة .

كلام الحكيم فيو وجهة نظر مهمة و انا معها و الواحد مو غلط يعمل حوار مع جريدة اسرائيلية بهدف خدمة مصالح شعبو مو مصالحو ,,,,,
بالنسبة لنبيل فباض عمل مقابلات و التقى بناس اسرائيليين بفرنسا و اميركا و انا ما تأثرت صورتو عندي بهي اللقاءات بس الشي اللي ماقدرت احترمو علي هو توافقو و انضمامو لحزب الغادري (طبعا هلق طلع من الحزب) و كل الناس بتعرف مين هو الغادري و شو بدو من سوريا ,,,,

لاء طبعا فرق بين ما يتم دعوة اسرائيليين لقناة الجزيرة و ما بين حوار بين اسرائيليين و سوريين على الصعيد الرسمي

الفرق انو الجزيرة تابعة لقطر و قطر فيها سفارة اسرائيلية... يعني العلاقات طبيعية بين قطر و اسرائيل

بينما دول متل سوريا و لبنان... هي بحرب مع اسرائيل و اسرائل مجرمة بحق الشعب اللبناني و لسا دماء الأطفال و المدنيين بالجنوب ما جفت... و لسا القنابل العنقودية بالأرض ناطرة حدا يدعس عليها

هلق اذا كان عبارة عن مواطن سوري عادي صار و التقى بإسرائيلي و تحدث معو... هادا شي معقول

بس لما شخصيات مهمة على المستوى الشعبي... انا برأيي لازم تكون منتبهة و مسؤولة عن كل تصرف و كل لقاء

نبيل فياض (هيك سمعنا و ما سمعناه طلع و نفى) التقى مسؤولين اسرائيليين بنفس الفترة يلي كان فيها مع حزب فريد الغادري و بنفس الفترة يلي حكى فيها الغادري انو بده يبني نصب تذكاري للهولوكوست بساحة المرجة. بكل بساطة هاي حقارة سياسية لا يمكن مسامحتها
لما بتكون صاحب منصب شعبي (يعني منصب غير رسمي بس في ألوف الناس عم تنظرلك و تتأمل فيك) ... فهيك لقاء يعني انا بعتبرو شبه خيانة

و مشكلة وفاء سلطان مشابهة بس مو بالضبط
مشكلتها اقبح من مبدأ انو حديثها صار بعد حرب لبنان
يعني هيي عملت لقاء مع صحيفة اسرائيلية... كان الأجدى انها تجيب سيرة حرب لبنان و لو باستنكار بسيط ... بينما راحت و عبرت عن رغبتها بزيارة إسرائيل!!!! على اي اساس قالت انها حابة تزور اسرائيل؟ و ليش؟
هلق يمكن الموضوع منشال من السياق الطبيعي... يعني يمكن كان مجرد سؤال هامشي انو حابة يا مدام سلطان تزوري اسرائيل؟ قامت قالت يس
بس المفروض كان تقول لاء... اسرائيل دولة عنصرية ارهابية (و هادا شي معروف و حتى الأكاديميين الأوروبيين يلي لسا ما سيطرت عليهم الصهيونية بيقولوا هيك).. و تقول انها بترفض تزور الكيان الصهيوني قبل على الأقل الانسحاب الكامل من جنوب لبنان و وقف التحليق فوق رؤوس الامنين من الشعب اللبناني


انا ما بشوف في امكانية انو اشخاص بمثابة و مركز نبيل فياض و وفاء سلطان يعملوا علاقات مع اسرائيل هلق

و للأسف نحنا ما عندنا عشرات التنويريين مشان نسمح انو كم تنويري يورح مع اسرائيل
كلهم كمشة
بسام درويش كمان سقط سقطة مريعة بنظري بسبب مقالاته وقت الحرب
و هلق نبيل فياض و وفاء سلطان للأسف بقول انو مصداقيتهم خفت كتير

ما منقدر نصرف النظر عن فساد شخص مثلا و ناخد منو يلي بيعجبنا... لما شخص بيكون فاسد ... فكل أقواله السابقة و كل مواقفه بتصير تحت شك
متل عالم بيصدر كتير ابحاث علمية ممتازة ... بيجي يوم بيطلع انو الزلمة كان فاسد و حرامي و مرتشي (مثلا) .. و انو مكذب كذبة خفيفة كتير ببحث علمي صغير... بقى للأسف كل ابحاثه السابقة بتصير فجأة تحت المجهر و بتفقد المصداقية
عم اعطيكم مثال من المجال تبعي بس بظن هادا المثال بيمشي على كتير حالات منها حالة نبيل و وفاء

نقطة تانية:
القانون، الدساتير، العدل.. بيقول ما بيصير محاكمة الناس ع النوايا ،
بمعنى انا عندي نية اقتلك اليوم .. مافي محكمة بالعالم بتديني على النية هاي .. !!
بتديني على التنفيز ع التخطيط و المباشرة .. بس العدل يقضتي بعدم محاسبة شخص ع النوايا

انا رح اجي معك قلك الجماعة عندهم نية يعملو انقلاب .. مافيك تحاسبون ! (بعزل النية هذي عن نوايا اخرى)
بحاسب فياض لمن شوفو عمل شيئ غلط ، لمن اتأكد من انو عم بيخطط ليعمل شيئ غلط ..
بحاسب سلطان لمن تباشر بالغلط ، تنقز الغلط، اخي تخطط للغلط .. بس مش ع النوايا ، (وبرجع بزكر عم بفترض النية العاطلة عندون ..)


لاء انا هون بختلف معك نظامي يعني
النية العاطلة بيتحاسب عليها بالقانون
اذا واحد كان و الله كاتب على ورقة بالبيت انو بدو يقتل شخص (يعني المهم انو تم اثبات انو الشخص عندو نية قتل شخص او ارتكاب اي جرم)... بقى يحاسب عليه و يحاكم... اكيد ما رح يتحاكم كما لو انه اركتب الجرم... بس يحاكم
بكندا مثلا ممنوع تهدد شخص شفويا... يعني واحد عم يتخانق مع واحد تاني ... قام قلو و الله لإدبحك!! هادا تهديد بالقتل .. مو متل عنا ببلادنا الكلام ببلاش... هون بتتحاس كل على كل كلمة

و من فترة بالجريدة قريت انو ولد بالمدرسة هدد الطلاب انو بدو يجي بكرا معه فرد و يقوص... تاني نهار اعتقلتو الشرطة و هوي على الطريق على المدرسة مع انو ما معه فرد و لاشي

شو مننتظر لحتى توقع الجريمة بعدين منحاسب؟


و انا طبعا مع اشخاص متل بشارة خوري... لأنه هوي عضو كنيست بس موقفه مع القضية الفلسطينية... يعني مانو قاعد بالكنيست و عم يتغزل بإسرائيل (متل ما وفاء عم تتغزل و تقول انها حابة تزور اسرائيل)... بينما لاء هوي صاحب كلمة و موقف
مجددا... مافي شي غلط اذا عملت حوار مع جريدة اسرائيلية... بس تعرف شو تحكي و ما تتغزل بالعدو

لما قول انا حابب زورك ببيتك يا حسام... معناتا انا و انت صحبة مو هيك؟

نفس الشي بينفهم من كلام وفاء سلطان انها صحبة مع اسرائيل

:D اسف بس تصحيح لحقائق
الفرق انو الجزيرة تابعة لقطر و قطر فيها سفارة اسرائيلية.
بقطر مافي سفار بس في مكتب تجاري .. عمليا نفس الشي بس وجب التنويه للدقة :D

بأييد كتير أمور من اللي قلتا ..

بس في شي اسمو استقراء أو استنتاج أو تحليل، انو نحنا ما بنعرف هالشخصيات على حقيقتها تماما وشخص بيحمل فكر معين تلقائيا وبالتحليل والمنطق رح نستبعد يكون عمل شي يتعارض مع هالفكر.

مثلا خدام، قالو عنو خاين لعدة اسباب منها انو نهب البلد واعلن معارضتو للنظام بظروف سيئة.. يعني اتهامات نازلة زخ عالبلد وضغوط خارجية وهوي استغل هالظرف اييه فاستنتجنا انو دوافعو مشبوهة .
ما اشرتي بالإستقراء والإستنتاج والتحليل، منطقي جدا ، بس من المنطقي ايضا عدم اطلاق الأحكام واتخاز المواقف من منطلق الشك .. (كما من المنطقي عدم التحليل و الإستنتاج اعتمادا على اقاويل عامة، او اشاعات .. )
بالنسبة لنبيل فباض عمل مقابلات و التقى بناس اسرائيليين بفرنسا و اميركا و انا ما تأثرت صورتو عندي بهي اللقاءات بس الشي اللي ماقدرت احترمو علي هو توافقو و انضمامو لحزب الغادري (طبعا هلق طلع من الحزب) و كل الناس بتعرف مين هو الغادري و شو بدو من سوريا ,,,,
ما عم قيم اشخاص كنت ، (انا ما بعرف عن الغادري اكثر مما يعرفه العامة ، وما يعرف العامة مجموعة تناقلات ليس اكثر، الفارق اني لا اعتمد على العامة او نبض الشارع ، او الإشاعة العامة، في تقييم شخص او تحليل تصرفه ..)
ايضا موضوع انضمام فياض لحزب الغادري (بالنسبة لي على الأقل لا يعني شيئ)
يا جماعة انا اليوم عم بحكي و عم قول العبارة xx xx xx
اذا ما اجيت لعندي و فهمت شو العبارة xx xx xx ما رح تفهم شو هيي..
بس تجي لعندي تفهم شو ال xx xx xx بتحدد انو اي انت بدك تكون معي ومع العبارة xx xx xx او لاء..
الي عم قولو هون ان لقاء شخص بشخص مش مشكلة ، مش مشيئ لازم تحسب على اساسه ..
يعني اليوم في حزب معارض بسوريا وليكن اسمو abc طيب بتروح لعند الحزب لتفهم شو هوي ، للوهلة الأولى لقيتو منيح عاشرتهم شوي لقيتهم مش مناح انسحبت
بعد فترة طلع هذا ال abc جماعة سيئة جدا وعندها اهداف لا تتفق والتوجهات الوطنية اطلاقا ..
مش من حق الشارع اليوم إدانتك انك بفترة ما .. بلحظة ما .. رحت التقيت بقيادي هذا الحزب، او حاولت تفهم توجههم ..
انت ما بتعرف بالغيب . ؟ انت ما بتعرف انو هذا الحزب هال الجماعة توجهاتها لا وطنية مثلا غير لبعد ما تعرفها تعاشرها ..

بالنسبة لرد Joe الأول ما عندي تعقيب عليه .. ما عندي معلومات اقدر انطلق منها (انت عم بتعالج معلومات عندك انا ما عندي هيي!) حتى المقابلة تبع د. سلطان انا مش حاضرها ..

انا عم بحكي عن موضوع التعامل مع الأفراد كباكيج ليس إلا ..

ما منقدر نصرف النظر عن فساد شخص مثلا و ناخد منو يلي بيعجبنا... لما شخص بيكون فاسد ... فكل أقواله السابقة و كل مواقفه بتصير تحت شك
متل عالم بيصدر كتير ابحاث علمية ممتازة ... بيجي يوم بيطلع انو الزلمة كان فاسد و حرامي و مرتشي (مثلا) .. و انو مكذب كذبة خفيفة كتير ببحث علمي صغير... بقى للأسف كل ابحاثه السابقة بتصير فجأة تحت المجهر و بتفقد المصداقية
عم اعطيكم مثال من المجال تبعي بس بظن هادا المثال بيمشي على كتير حالات منها حالة نبيل و وفاء
هيك صار خلاف بوجهات النظر ،
انا عندي مختلف الوضع ..
ليوم لو وجدو ان انشتاين شخصيا كان عندو ابنة غير شرعية ، كان بزماناتو عضو بالماسونية او الصهيونية العالمية، لو كان بزمانو (وجدو فجأه هيك) انو كان الزلمي عامل عملية احتيال كبيرة .. وسارق وناهب ..
هذا ما بيقلل من مكانتو العلمي عندي بشيئ ، ولا بقدر استخدمو (ولا بسمح بإستخدامو) في نقض النظرية النسبية !
لو داروين كان شخص فاسق زنديق ، مازوشي ، و بفترة من فترات حياتو اغتصب 7 مع بعض !
ما بيأثر هذا عندي بشيئ حيال وضعو العلمي ، ولا الدارونية ، ولا بقدر استخدمو ، (كما ولا اسمح) بنقض الدارونية ..

هذا الفرق الي عم بحكي عليه ، الناس مش باكيجات .. (الطبيعة البشريه هيك) ..

لاء انا هون بختلف معك نظامي يعني
النية العاطلة بيتحاسب عليها بالقانون
طبعا . انت عم تحكي عن ملموسات ، انا عم بحكي عن بواطن .. (لشاور ان ما نتنبئ و انحاكم الأشخاص على نية احنا افترضناها ..)

ما اشرتي بالإستقراء والإستنتاج والتحليل، منطقي جدا ، بس من المنطقي ايضا عدم اطلاق الأحكام واتخاز المواقف من منطلق الشك .. (كما من المنطقي عدم التحليل و الإستنتاج اعتمادا على اقاويل عامة، او اشاعات .. )



حقك بس بدي قول انو نحنا بموضوع اسرائيل تحديدا بيتجاوز الاحساس عنا العلم يعني القلب بيتغلب على العقل وهالموضوع تحديدا نسبي يعني في ناس ممكن تتقبلو وفي ناس لا وفي ناس ممكن تبرر لنبيل فياض وحتى يكون تبريرها صحيح وفي ناس ممكن تنجرح منو .

الانسان مو طيب بالمطلق ولا شرير بالمطلق.

وانتو كلكن افهم مني وبتقدرو تحطو هالجملة بموقعها الصحيح بدون ما اشرح.

ما عم قيم اشخاص كنت ، (انا ما بعرف عن الغادري اكثر مما يعرفه العامة ، وما يعرف العامة مجموعة تناقلات ليس اكثر، الفارق اني لا اعتمد على العامة او نبض الشارع ، او الإشاعة العامة، في تقييم شخص او تحليل تصرفه ..)
ايضا موضوع انضمام فياض لحزب الغادري (بالنسبة لي على الأقل لا يعني شيئ)
يا جماعة انا اليوم عم بحكي و عم قول العبارة xx xx xx
اذا ما اجيت لعندي و فهمت شو العبارة xx xx xx ما رح تفهم شو هيي..
بس تجي لعندي تفهم شو ال xx xx xx بتحدد انو اي انت بدك تكون معي ومع العبارة xx xx xx او لاء..
الي عم قولو هون ان لقاء شخص بشخص مش مشكلة ، مش مشيئ لازم تحسب على اساسه ..
يعني اليوم في حزب معارض بسوريا وليكن اسمو abc طيب بتروح لعند الحزب لتفهم شو هوي ، للوهلة الأولى لقيتو منيح عاشرتهم شوي لقيتهم مش مناح انسحبت
بعد فترة طلع هذا ال abc جماعة سيئة جدا وعندها اهداف لا تتفق والتوجهات الوطنية اطلاقا ..
مش من حق الشارع اليوم إدانتك انك بفترة ما .. بلحظة ما .. رحت التقيت بقيادي هذا الحزب، او حاولت تفهم توجههم ..
انت ما بتعرف بالغيب . ؟ انت ما بتعرف انو هذا الحزب هال الجماعة توجهاتها لا وطنية مثلا غير لبعد ما تعرفها تعاشرها ..

انا معك بالمجمل و هاد الكلام موافق علي جملة و تفصيلا ( من منطلق ديمقراطي بحت ) و اكيد اغلب شعبنا بيتاخد براي الشارع او براي السلطة بدون مايحاول يتعرف و يكون رايو و قناعاتو الذاتية ,,,,
بس بنا انو الحكي عن نبيل فياض فبفترض ب شخص وصل لمنصب نائب رئيس حزب فحتما هو بيعرف هدول الجماعة منيح و بيعرف اهدافون و قناعاتون و مبادئون ( و انا كمان معلوماتي عن الغادري و حزبو مستقاة بأغلبها مو من الشارع ) و يكمن تكوت غلطة الشاطر بعشرة و يمكن الزلمة متل ماقلت اكتشف بعد فترة سوء نوايا الحزب بس بكل الحسابات اكتشف متأخر كتير ,,,
تحياتي ,,,:D

نفسي نبيل فياض يصير وزير الثقافة
و يكون مسؤول عن تطوير النظم التربوية :ss:

بس بنا انو الحكي عن نبيل فياض فبفترض ب شخص وصل لمنصب نائب رئيس حزب فحتما هو بيعرف هدول الجماعة منيح و بيعرف اهدافون و قناعاتون و مبادئون ( و انا كمان معلوماتي عن الغادري و حزبو مستقاة بأغلبها مو من الشارع ) و يكمن تكوت غلطة الشاطر بعشرة و يمكن الزلمة متل ماقلت اكتشف بعد فترة سوء نوايا الحزب بس بكل الحسابات اكتشف متأخر كتير ,,,
تحياتي ,,,:D

بس تعليق جانبي
منصب نائب رئيس حزب الإصلاح؟ عزيزي حزب الإصلاح كلو على بعضو شي 3 أشخاص .. و واحد منهم (الناطق الرسمي) يمكن فركها
الشغلة بنظري ما بتتعدى عبارة عن لقاء بين فياض و الغادري و اجتماع مصالح قام عطاه منصب نائب الرئيس.. و بعدين صار خلافات
و التاني بسام درويش صرع سمانا على الناقد كيف بطل يتعامل مع فياض انو فياض انضم للغادري ... قام درويش كشف حالو كيف طلع مع اسرائيل اكتر من الغادري
شي مسخرة يا زلمة

هيك صار خلاف بوجهات النظر ،
انا عندي مختلف الوضع ..
ليوم لو وجدو ان انشتاين شخصيا كان عندو ابنة غير شرعية ، كان بزماناتو عضو بالماسونية او الصهيونية العالمية، لو كان بزمانو (وجدو فجأه هيك) انو كان الزلمي عامل عملية احتيال كبيرة .. وسارق وناهب ..
هذا ما بيقلل من مكانتو العلمي عندي بشيئ ، ولا بقدر استخدمو (ولا بسمح بإستخدامو) في نقض النظرية النسبية !


اكيد حسام ما رح يكون في نقد علمي مباشر للنظرية النسبية بفعل هيك تصرفات
بس لو اتضح انو الزلمة غير نزيه بحياتو العادية
فيلي ممكن يصير انو الأرقام و الداتا و كل الملاحظات يلي هوي مسجلها حتى طلع بالنظرية ممكن تصير تحت اعادة فحص... بدون طعن بالنظرية... بس على جنب رح تلاقي ناس يمكن ترجع و تطلع منيح... و لو كان في شغلة من زمان ما عاجبتها هلق رح تلاقيلها الف تفسير

عم احكي طبعا عن شي مو على المستوى الرسمي... يعني ما رح تجي هيئة علمية و تدقق لانو الزلمة كان سكرجي... بس رح تلاقي افراد عم تعمل هيك

في حد معين ممكن نفصل فيه بين تصرفات الشخص الاكاديمية و التصرفات اليومية... بس بأشخاص متل نبيل فياض و وفاء سلطان الفصل مو سهل... لأنو حياتهم اليومية هيي جزء من حياتهم الأكاديمية بحكم طبيعة عملهم

سلام

بقطر مافي سفار بس في مكتب تجاري .. عمليا نفس الشي بس وجب التنويه للدقة :D

شكرا كتير سيزار الحقيقة ما كنت بعرف هالشي :D

بس تعليق جانبي
منصب نائب رئيس حزب الإصلاح؟ عزيزي حزب الإصلاح كلو على بعضو شي 3 أشخاص .. و واحد منهم (الناطق الرسمي) يمكن فركها
الشغلة بنظري ما بتتعدى عبارة عن لقاء بين فياض و الغادري و اجتماع مصالح قام عطاه منصب نائب الرئيس.. و بعدين صار خلافات
و التاني بسام درويش صرع سمانا على الناقد كيف بطل يتعامل مع فياض انو فياض انضم للغادري ... قام درويش كشف حالو كيف طلع مع اسرائيل اكتر من الغادري
شي مسخرة يا زلمة

صديقي بغض النظر عن تعداد الحزب ( اللي تتضارب الاقوال حولها و خصوصا بعد الاجتماع مع خدام و الاخوان ) ف النتيجة متل ماقلت جمعتون مصالح و اهداف و رجعت فرقتون ,,,,
تحياتي ,,, :D

بس لو اتضح انو الزلمة غير نزيه بحياتو العادية
فيلي ممكن يصير انو الأرقام و الداتا و كل الملاحظات يلي هوي مسجلها حتى طلع بالنظرية ممكن تصير تحت اعادة فحص... بدون طعن بالنظرية... بس على جنب رح تلاقي ناس يمكن ترجع و تطلع منيح... و لو كان في شغلة من زمان ما عاجبتها هلق رح تلاقيلها الف تفسير
في حد معين ممكن نفصل فيه بين تصرفات الشخص الاكاديمية و التصرفات اليومية... بس بأشخاص متل نبيل فياض و وفاء سلطان الفصل مو سهل... لأنو حياتهم اليومية هيي جزء من حياتهم الأكاديمية بحكم طبيعة عملهم


مرحبا ...
أول شي بظن أنو في المثال ما كتير دقيق لأ ... كعالم اليوم أنا مطالبة أحكم ععلمو ... وككاتب عأدبو ...وكرجل دين عأخلاقياتو
وكرجل سياسة ... أكيد كونو بحزب سياسي ... بيسمحلنا نطلق أحكام مبدئية ( على الأقل ) وإلا كيف بدنا نحكم علي ؟؟؟

أما اللي أنا مابتفق معك جو فيو ... هوي ربطك بالبداية بين شخص وجماعة ...نبيل فياض ما بيمثل العلمانية بيمثل بس نبيل فياض ... أنا ماني من هواة الأشخاص الرمز
:D

بس المشكلة انو نحنا ما عنا كومات علمانيين او اقلام تنويرية حتى نقدر نوزع منهم بأريحية

وأحيانا الانسان بآمن بشي معين وبدافع عنو ولسبب من الأسباب بغير اتجاهاتو.

نبيل فياض او الصيدلي الكافر متل ما بيسموه اهل الحي تبعو الاغلبية ضمنيا بدون ياه يكون خاين وممكن يصدقوا اي شي بينحكى عنو بالعاطل بس لانو شغل مخو شوي

نبيل فياض او الصيدلي الكافر متل ما بيسموه اهل الحي تبعو الاغلبية ضمنيا بدون ياه يكون خاين وممكن يصدقوا اي شي بينحكى عنو بالعاطل بس لانو شغل مخو شوي
نبيل فياض او الصيدلي الكافر متل ما بيسموه اهل الحي ***بس لانو شغل مخو شوي


سلم الله يدك أخي الكريم
بالفعل كل من يتامل بكلامه و كتاباته و شجاعته
في كشف حقيقة قضايا تاريخية و دينية موغلة في القدم
او أمور حياتية حديثة يدرك هذا الكلام ..

كلي احترام لك ..:D
GOD bless you
و انشاءالله كل المسلمين يشغلوا مخهم شوي ..مو أكتر

:frown:
نفسي نبيل فياض يصير وزير الثقافة
و يكون مسؤول عن تطوير النظم التربوية :ss:

ليش ؟؟؟؟؟؟؟؟؟
لانه قال في سوريا مليون شاب شاذ جنسيا ....:o
مين بيعرف على قولة فياض قديش النسبة العامة بين الشباب (نسبة ال .... )
احسبوا عدد الشباب الذكور .. وانسبوا المليون لهم يظهر رقم مخيف واليكم تفنيد لاراء المذكور (الاراء الاجتماعية )

قرأت بعض كتيبات السيد نبيل فياض ( وبالمناسبة هو يعتبرها من اضخم الاعمال الانسانية التي لا يمكن ان يفهمها الا القليل ) فرأيته ينشر اوهاما يستعين فيها بما قاله غلاة المستشرقين
بل انه سخر ممن رفض مقولة ان عمرو بن العاص قد أحرق مكتبة الاسكندرية .... وهو مجرد وهم وببحث بسيط نستطيع ان نعرف ان ابن العاص برئ من التهمة.
ومن نتائج ابحاثه على موقع النقاد مايلي:
قوله في مقالة المارونية الحضارية مايلي :
((شعور الموارنة بتراجع دورهم الأهم في هذه المرحلة من تاريخ لبنان، خاصّة مع الانتشار الأفقي الهائل للحركات الأصوليّة الإسلاميّة، التي يشتم منها بسهولة رائحة الإرهاب؛ وعلى رأس القائمة الحزب المسمّى بحزب الله؛ ......))بل انه يتمادى بقلة ادبه... ليصف حسن نصر الله بقوله((:وهل يمكن أن نتـأمّل الخير من "بوي فرند" مراهق المتعة العراقي، المدعو نصر الله العنتري؟ شريكا القتل والشادور ومصادرة الحب(( ويصل بقمه بحثه الى : (( في لبنان لا توجد طائفة لها امتيازات على بقيّة الطوائف؛ ((
أما في مقالته العمالة الجميلة : 17 نيسان ففيها ما يبكي فهو يصف من قاتل الفرنسيين من اجدادنا بقوله:
))قبل أيام، أصدر الكاتب الأوّل عملاً عن المجاهدين الذين حاربوا فرنسا: بلغتي الخاصّة، مجموعة قطّاع الطرق الطائفيين المسكونين بهاجس كره الحضارة. الجميل في هذا العمل أنه امتلأ هو الآخر باتهامات لا حصر لها لنا كعائلة، يمكن تلخيصها بجملة واحدة: العمالة لفرنسا!((وهاهو رأيه بالاستعما ر الفرنسي:
))فرنسا الحضارة التي هطلت ثلجاً ربيعيّاً على البادية السوريّة بعد التجفاف التركي الطويل المقرف؛ فرنسا المدنيّة التي أنشأت للمرّة الأولى في التاريخ السوري جسوراً وسدوداً وشقّت طرقات وأشادت مدارس حديثة وخلقت جوّاً سياسيّاً نحن بأشد الحاجة إليه اليوم؛ فرنسا الحريّة التي كان التظاهر في زمنها فعلاً أقل من عادي؛ فرنسا الجمال التي علّمت طبقة سوريّا ولبنان البورجوازيّة كيف تأكل وتلبس وتحبّ! ويتهمون أصدقاء فرنسا ومحبيّها من السوريين واللبنانيين بالعمالة((وفي مقاله العظيم : الشذوذ الجنسي في ســـوريا فنستبشر خيرا بما وصلت اليه ابحاثه فيقول
((قد يبدو صادما لعيون كثيرين أن نُظهر أن دمشق أكثر مثلية جنسية من مدينة تشتهر بذلك أي سان فرانسيسكو؛))ويقرر ان عدد المنحرفين الشاذين من الذكور يتجاوز المليون :
((إنّ المثليّة الجنسيّة، المسألة القسريّة سلوكيّاً باعتراف كلّ مدارس التحليل النفسي، تحتل أسفل السلّم في التدرج الانحداري لحقوق الإنسان السوري: المثلي جنسيّاً، يُعامل عموماً كمنحرف محترف لأحد أنواع الدعارة الذكوريّة؛ من هنا، فالدفاع عن إنسانيّة هذه الأقليّة، التي قد تتجاوز المليون في سوريّا، قضيّة لا بدّ منها بغضّ النظر عن مواقف أولئك الذين لا يفقهون ألف باء علم النفس أو الحريّة أو حقوق الإنسان: خاصّة الذين يظهرون الرفض العنيف لهذا السلوك، وهم في واقع الأمر يكشفون بذلك عموماً رفضاً لحافز مدفون في أعماقهم، ))اذن مايفوق المليون من ذكور سوريا شاذين جنسيا .. أي مليون من تسعة ملايين من الذكور ... اذا استثنينا الاطفال والرضع والكهول يبقى لدينا مليون من اربع ملايين اي ربعنا شاذ جنسيا [SIZE=7]
يا له من بحث واقعي ... بل انه قد اجرى استطلاعا بين فيه اراء الشاذين من خلال اعطائه استمارة لاحد الشاذين من الشريحة المثقفة جدا ليوزعهاعلى مجموعته كما ذكر في بحثه :clap:

:frown:

بل انه سخر ممن رفض مقولة ان عمرو بن العاص قد أحرق مكتبة الاسكندرية ....:clap:

..سواء ثبت هذا أم لم يثبت ..
يبقى نبيل فياض عملاقاً و كاتباً فذاَ لا يشق غباره ..
و مؤسف أنك نسيت مئات المؤلفات و ركزت على هذا الأمر
بالمناسبة ما قاله صحيح . هؤلاء الذين يرفضون الاختلاط
و المتزمتون عندهم أعلى نسبة من الجريمة و الانحرافات الخلقية
و السلوكية

طبيبة سورية ترتب لزيارة اسرائيل

التقت طبية النفس السورية التي تحمل الجنسية الاميركي وفاء سطان مؤخرا بالقنصل الاسرائيلي في لوس انجلس في الولايات المتحدة الاميركية ، حيث اعلنت موافقتها على زيارة اسرائيل ، و" بدأ الاثنان يناقشان موعد الزيارة ".

مصادر صحفية اسرائيلية نقلت عن سلطان قولها بان سكان سوريا تعرضوا " لغسل دماغ " فيما يخص علاقات " اليهود والعالم العربي ".
سلطان غادرت سوريا عام 1989 حيث وصلت الى الولايات المتحدة مع اطفالها الثلاث واقامت هناك منذ ذاك الوقت ، معروفة بنظرتها النقدية للإسلام ، وظهرت مؤخرا في عدة مناظرات على الفضائيات ضمن هذا الاطار

====
شو... حلو كتير هيك شباب؟؟

" لغسل دماغ " فيما يخص علاقات " اليهود والعالم العربي ".


هلق بغض النظر عن كون اللي عملتو جيد أو لأ ...
بس أنا هالجملة ( بليز ما تضربوني :cry: ) أنا مقتنعة فيا تماما ً

باللاوعي عندنا ... علمونا نكره اليهودي ... ولازم ننرجع فلسطين هو الهاجس اللي كل قضايانا معلقة لأجلو .. لك وقت بدنا نكتب موضوع تعبير عن العيد كنا المفروض نختمو أنو أفراحنا ما بتكمل لأنو الجولان وفلسطين ...

بصراحة خلقوا مننا ومن ولادنا شعب موهوم أنو مضطهد دائماً ... وأنو عندو حلم وردي يرجع فلسطين وحقد تاريخي على اليهود

..سواء ثبت هذا أم لم يثبت ..
يبقى نبيل فياض عملاقاً و كاتباً فذاَ لا يشق غباره ..
و مؤسف أنك نسيت مئات المؤلفات و ركزت على هذا الأمر
بالمناسبة ما قاله صحيح . هؤلاء الذين يرفضون الاختلاط
و المتزمتون عندهم أعلى نسبة من الجريمة و الانحرافات الخلقية
و السلوكية
مئات المؤلفات !!!!!!!!!!!!!!
شو عم نحكي عن الجاحظ !!!!!!!!!!
اكبر كتاب ما بيطلع 100 صفحة من الترهات:o
عيوني عدد سكان سوريا 20 مليون
نصفهم ذكور ............. يعني 10 ملايين ذكر
نسبة الشباب 30 بالمية
اذن عدد الشباب الذكور ثلاثة ملايين ...
حسب فياض هناك مليون شاذ جنسيا بين الشباب السوريين
اذن ::x
حسب نتائج الباحث فياض :نسبة الشاذيين عندنا 33بالمية :yahoo:
يعني مثلا : اذا عندنا بالمنتدى 1000 شاب فيجب ان يكون بينهم 333 شاذ جنسيا
من العاقل الذي يوافق على مثل هذا الكلام:clap: :clap:

عدد اعضاء المنتدى في اخوية 39140
80 % شباب ...............
اذن عدد الشباب في اخوية31312 شاب
حسب الباحث العظيم فياض عدد الشاذين في منتدى اخوية (شذوذ جنسي )
31000/2/3=5218 شاذ من الشباب
وللللللللللللللللللللي هربواااااااا

هلق بغض النظر عن كون اللي عملتو جيد أو لأ ...
بس أنا هالجملة ( بليز ما تضربوني :cry: ) أنا مقتنعة فيا تماما ً

باللاوعي عندنا ... علمونا نكره اليهودي ... ولازم ننرجع فلسطين هو الهاجس اللي كل قضايانا معلقة لأجلو .. لك وقت بدنا نكتب موضوع تعبير عن العيد كنا المفروض نختمو أنو أفراحنا ما بتكمل لأنو الجولان وفلسطين ...

بصراحة خلقوا مننا ومن ولادنا شعب موهوم أنو مضطهد دائماً ... وأنو عندو حلم وردي يرجع فلسطين وحقد تاريخي على اليهود

هلأ ميمو بغض النظر عن كيف بتشوفي اليهودي واذا بتحسي انو عملولنا غسل دماغ لنكره اليهودي بس بتمنى تفرقي بين يهودي كدين وبين اسرائيلي يهودي وبين صهيوني ..... وانو تشوفي اللي عملتو من هاد المنظور وانو هيي لما حكيت هي الكلمة اي يهودي كان ببالها :confo:

بالفعل كل من يتامل بكلامه و كتاباته و شجاعته
في كشف حقيقة قضايا تاريخية و دينية موغلة في القدم
او أمور حياتية حديثة يدرك هذا الكلام ..
و انشاءالله كل المسلمين يشغلوا مخهم شوي ..مو أكتر

بالفعل هالنبيل شجاع ...........:ss:
وانشاء الله كل الشباب يشغلوا مخهم شوي مو اكتر .. يعني مثلا موضوع كشف حقائق القضايا التاريخية لا يتم من خلال الاستشهاد بكتب القصاص والكتب التي لا تعتمد مصداقيتها :clap:
بالنسبة لتشغيل المخ اتمنى عند تعداد مؤلفات فياض ان نكون موضوعيين قليلا
هل يستطيع احد ان يعدد لي فقط مائة كتاب للمذكور من مئات الكتب كما ذكرت :deal:
تشغيل المخ صعب موهيك معلم !!!!!!!!!!!!!!!!!!!!!!!!!!!!!!!!!!:clap: :clap: :clap:

اخبرا من عنده وقت زائد ادعوه للاطلاع على كتب فياض فهي ستفرج همه وسيستمتع بها اكثر من عيلة خمس نجوم ... وشكرا للكاتب الكوميدي نبيل فياض :deal:

بالفعل هالنبيل شجاع ...........:ss:
وانشاء الله كل الشباب يشغلوا مخهم شوي مو اكتر .. يعني مثلا موضوع كشف حقائق القضايا التاريخية لا يتم من خلال الاستشهاد بكتب القصاص والكتب التي لا تعتمد مصداقيتها :clap:
بالنسبة لتشغيل المخ اتمنى عند تعداد مؤلفات فياض ان نكون موضوعيين قليلا
هل يستطيع احد ان يعدد لي فقط مائة كتاب للمذكور من مئات الكتب كما ذكرت :deal:
تشغيل المخ صعب موهيك معلم !!!!!!!!!!!!!!!!!!!!!!!!!!!!!!!!!!:clap: :clap: :clap:

اخبرا من عنده وقت زائد ادعوه للاطلاع على كتب فياض فهي ستفرج همه وسيستمتع بها اكثر من عيلة خمس نجوم ... وشكرا للكاتب الكوميدي نبيل فياض :deal:
الكوميديا هي مزج الهزل مع الجد وعيلة خمس نجوم هي الهزل بحد ذاتو
بالفعل انا كتير ضحكت وقت اللي قريت كتاب ام المؤمنين تأكل اولادها
بس مو على نبيل فياض اكيد

للمصداقية انصحك بمطالعة كتبه التي تعد بالمئات (لو عددنا الصفحات في كتبه ربما بلغت المئات
من لا يشغل مخه لن يعرف ممن يجب ان يضحك ......
شو رأيك بشأن بحثه عن الشذوذ الجنسي في سوريا .........