خطبة سيدنا علي الخالية من النقاط [الأرشيـــــف]

عرض كامل الموضوع : خطبة سيدنا علي الخالية من النقاط

أبو الروض الورد

14/10/2006, 09:36

قرأوا يا شباب هالخطبة و شوفوا عبقرية سيدنا علي كرم الله وجهه :

الحمد لله الملك المحمود ، المالك الودود مصور كل مولود ، مآل كل مطرود ساطع المهاد وموطد الأوطاد ومرسل الأمطار ، ومسهل الأوطار وعالم الأسرار ومدركها ومدمر الأملاك ومهلكها ومكور الدهور ومكررها ومورد الأمور ومصدرها عم سماحه وكمل ركامه وهمل وطاوع السؤال والأمل أوسع الرمل وأرمل أحمده حمدا ممدودا وأوحده كما وحد الأواه وهو الله لا إله للأمم سواه ولا صادع لما عدله وسواه ، أرسل محمدا علما للإسلام ، وإماما للحكام ، ومسددا للرعاع ومعطل أحكام ود وسواع أعلم وعلم ، وحكم وأحكم ، واصل الأصول (أصل الأصول) ومهد وأكد الموعود وأوعد ، أوصل الله له الإكرام ، وأودع روحه السلام ورحم آله واهله الكرام ، ما لمع رائل وملع دال ، وطلع هلال وسمع إهلال إعملوا رعاكم الله أصلح الأعمال ، وإسلكوا مسالك الحلال واطرحوا الحرام ودعوه ، واسمعوا أمر الله وعوه وصلوا الأرحام وراعوها وعاصوا الأهواء واردعوها وصاهروا أهل الصلاح والورع وصارموا رهط اللهو والطمع ، ومصاهركم أطهر الأحرار مولدا ، وأسراهم سؤددا وأحلاهم موردا وها هو أمكم وحل حرمكم ، مملكا عروسكم المكرمة وماهر لها كما مهر رسول الله أم سلمة وهو أكرم صهر أودع الأولاد ، وملك ما أراد ، وما سها مملكه ولا وهم ولا وكس ملاحمه ولا وصم أسأل الله لكم احماد وصاله ودوام إسعاده ، وألهم كلا إصلاح حاله والإعداد لمآله ومعاده وله الحمد السرمد والمدح لرسوله أحمد صلى الله عليه وآله وسلم

The morning

14/10/2006, 10:45

طيب بس أنا ما فهمت ليش بلا نقط؟؟؟؟
بدكون لا تواخذوني مخي سميك شوي:p

salhilal

14/10/2006, 18:37

طيب بس أنا ما فهمت ليش بلا نقط؟؟؟؟
بدكون لا تواخذوني مخي سميك شوي:p
القصه كالتالي.....اخي سميك المخ...ان مجموعه من الصحابه...كانو يتحدثون عن البلاغه...والكلام والسنه قبائل العرب....ثم قالو انه لايمكن صياغه اي جمله او كلام مفيد بدون الاعتماد على حرف به نقطه كالباء او التاء او النون.....فوصل الخبر الى مسامع سيدنا علي فما كان من سيدنا علي الا ان قام وخطب الخطبه الانفه...وللقصه بقيه لمن شاء ان يسمع.....

Alshami

14/10/2006, 18:38

كم رائع ٌ أنت ياعلي
بوابه العلم هذا الرجل رضي الله عنه حتى أرضاه

Gazita

14/10/2006, 18:46

رضي الله عنه وعن الصحابة اجمعين.مشكور ابو الروض:D :D :D

وائل 76

14/10/2006, 18:52

مشكور اخي ابو الروض على هالموضوع الجميل :D

مبروك ذا مورننج صرتي اخ :clap:

أبو الروض الورد

14/10/2006, 18:57

مشكورين يا شباب و طبعاً هذا غيض من فيض لما عند سيدنا علي كرم الله وجهه

إذا الله راد رح واتيكم بشغلات عن سيدنا علي و عن الصحابة أجمعين بتحط العقل و الكل

سلامي للجميع :hart:

لاوديسا

16/10/2006, 13:26

كرم الله وجهه

يعطيك العافية يا رب :D

لسى يا ما فيه الاروع

KILLER011

16/10/2006, 13:54

ماشاء الله

اللهم ارضى عن صاحبة الرسول الكريم عليه أزكى وأفضل الصلاوات والتسليمات

:hart: ابوبكر :hart:...........:hart: وعمر:hart: ...................:hart: وعثمان:hart: ..................:hart: علي:hart:

MohdAnas

16/10/2006, 14:21

خطبة رائعة ............... وبلاغة أروع .
ومشكور صاحب الموضوع :D .
وصلى الله على سيدنا محمد وعلى آله وصحبه وسلم

TheLight

16/10/2006, 15:03

فكرة كتير حلوة
ميرسي
بس كأنو في كلمة (عليه) بأخر جملة؟؟؟؟
من وين الخطأ من النقل والتنضيد ولا هي بالفعل تم التغاضي عنها لانو لا بديل لها؟؟؟؟

krimbow

16/10/2006, 15:55

فكرة كتير حلوة
ميرسي
بس كأنو في كلمة (عليه) بأخر جملة؟؟؟؟
من وين الخطأ من النقل والتنضيد ولا هي بالفعل تم التغاضي عنها لانو لا بديل لها؟؟؟؟
ابو شريك، مدري ليش القصة كلها ما زبطت معي

خبرونا (على ذمة الراوي) انو التنقيط صار بعهد الخلفاء الامويين، على يد ابو الاسود الدؤلي
و خبرونا انو سيدنا علي (سيدي و سيدك الله) اغتالوه ع ايام معاوية

بقا مين هالانبيا يللي قالوا انو ما ممكن تمرق جملة بدون تنقيط.. هون السؤال

و الاهم..

انو شو هالعلي يللي عرف انو الحروف رح تتنقط و انو ما رح تتنقط

عجبي

suryoyo

16/10/2006, 17:23

يعني هو بزمن الحجاج بن يوسف الثقفي و بمشاركة ابو الاسود الدؤلي تم اضافة النقاط الى اللغة العربية وتم أيضا اضافة الشكل الجديد للحركات

ممكن توضيح

TheLight

16/10/2006, 17:25

والله يا كريمبو كيف انتبهت ع الموضوع
انو انا بعرف انو اللغة العربية تنقطت بوقت لاحق بس ما نتبهتت ع الفكرة ومن الاساس ما كنت بعرف ع أيام مين.....
ميرسي ع المعلومة
وسؤال يستحق الاجابة

The morning

16/10/2006, 21:29

مشكور اخي ابو الروض على هالموضوع الجميل :D

مبروك ذا مورننج صرتي اخ :clap:
شايف..........؟؟:? :?
و مشكور أخ salhilal
بالرغم من انك قلتلي أخ أنا ما رح قلك أخت :p

salhilal

16/10/2006, 21:43

ابو شريك، مدري ليش القصة كلها ما زبطت معي

خبرونا (على ذمة الراوي) انو التنقيط صار بعهد الخلفاء الامويين، على يد ابو الاسود الدؤلي
و خبرونا انو سيدنا علي (سيدي و سيدك الله) اغتالوه ع ايام معاوية

بقا مين هالانبيا يللي قالوا انو ما ممكن تمرق جملة بدون تنقيط.. هون السؤال

و الاهم..

انو شو هالعلي يللي عرف انو الحروف رح تتنقط و انو ما رح تتنقط

عجبي
طيب...خلي نتناقش....اولا الاحرف نقطت....بزمن سيدنا علي....(سيدي وسيدك الله..وماختلفنا)حيث كثرت المخطابات ..الرسميه..والتدوين..للكنب والرسائل وماشابه .وكثره دخول الاعاجم للاسلام..ومنعا للالتباس امر الامام علي ابو الاسود الدؤلي...بتنقيط الحروف التي كانت تكتب بشكل متشابه مثل الباء والنون والياء...حيث كان العرب قبل ذلك يميزون ان كان الحرف باء او نون او ياء من سياق الكلام....نعود الى الموضوع...قلت ان الصحابه كانو يناقشون هذا الموضوع بالذات ...هل يمكن الاستغناء عن هذه الحروف المتشابهه...كتابة...المختلفه لفظا..التي ممكن ربما تسبب الاشكالات..فبعد...النقاش ...قالو لايمكن الاستغناء عن ذلك....فوصل الخبر الى مسامع سيدنا علي...فقام وخطب...من دون الاعتماد على هذه الاحرف.(كنادرة اراد بها ملاطفه بقيه الصحابه...رضوان الله عليهم وبيان علو كعبه في البلاغه والبيان )...لكن... الرواه الذين نقلو القصه وبتقادم الزمن..وبعد انتشار الاحرف المنقوطه...قالو..عنها انها الخطبه الخاليه من النقط...للاختصار..ولم يقولو انها الخطبه الخاليه من الحرف المتشابهه كتابه المختلفه لفظاوالتي كانت تشكل عبئا على كل من اراد ان يكتب رساله او يدون كلاما......اما الصلاه على النبي فهي ليست كجزء من الخطبه.وانما خاتمه لها.وهي كبسم الله الرحمن الرحيم في بدء الكلام

krimbow

17/10/2006, 15:22

على راسي ...
كلام منطقي و مقنع

و خاصة انو من المعروف عن علي بن ابي طالب انو ابلغ العرب

لعمري إن بلاغة علي في نهجه تفوق بلاغة الله في قرآنه

Reemi

17/10/2006, 15:31

اي اخي مشكور...
حبيبي يا امام علي :cry:

layla

21/10/2006, 00:06

تم حذف جميع الردود الخارجة عن الموضوع ومخالفة المتسببين وتنويه البقية

الرجاء عدم الدخول في مهاترات ليس لها داعي والا سيتم اغلاق الموضوع او نقله الى السقيفة

Euphoria

21/10/2006, 06:52

krimbow

22/10/2006, 02:10

الاخت ليلى ذكرت انو تم حذف الردود الخارجة بس باقي رد واحد يمكن نسيتي او يمكن ما لاحظتية..عموما الرد كان للاخ كرمبو (لعمري أن بلاغة علي في نهجه تفوق بلاغة الله في قرآنه) يا ليت تعيدين النظر وتحذفينة لانو كلام جارح ومايجوز عندنا كمسلمين..تقبلي تحياتي :D
والله يا خالة .. لما بكتب شي رد ما بكتبو ع اساس ديني (شغل نصب يعني) ..

و لما قلت انو بلاغة علي اهم من بلاغة الله فهالشي موثق بنهج البلاغة..

عرفتي عليي كيف؟؟؟

يعني ان انجرحتي و اللا رضيتي هي مشكلتك، انا زلمة مشرك و آخر همي الانبياء تبع الله كلهم قشة لفة...

بس بالبلاغة.. اي علي بيطقو لالله عشرة صفر بربع ساعة

Euphoria

22/10/2006, 08:12

krimbow

22/10/2006, 18:58

أوكي عمو كارمبو ولا تزعل..بس اذا فعلا انتا مو معترف بالانبياء كيف تثق فيهم..You say you trust in Jesus when you don't believe in him well,it's either you do or you don't in both cases i don't care you see uncle i never did mind the little things in life..and you are a living proof.:D

بوثق فيهم متل ما بوثق بفيثاغوراس و عمر الخيام و اينشتاين

الثقة شي.. و الاعتراف بالرسالات السماوية شي تاني

Euphoria

22/10/2006, 20:05

Again i don't think that you are fit to talk about the prophets..i was taught to respect others no matter what..So,this is my last post regarding this issue..thank you Sir:D

krimbow

22/10/2006, 20:31

Again i don't think that you are fit to talk about the prophets..i was taught to respect others no matter what..So,this is my last post regarding this issue..thank you Sir:D

يا هلا..

توت توت توت

23/10/2006, 15:19

:D خيو مرحبا ...

الكلام بجوز يكون منطقي ومقنع .. بس مانو صحيح من وجهة نظري ...

ليش ؟؟؟

للتالي ...

باللغة العربية .. وبتاريخ اللغة العربية صار في تنقيطين .. !
مو تنقيط واحد !
تنقيط الإعراب ( واللي حطو ابو الأسود الدؤلي ) .. وتنقيط الاعجام ( واللي حطو يحيى بن يعمر ) ..

هلأ لازم نوضح شو هوي تنقيط الإعراب وشو هوي تنقيظ الإعجام .. ؟

تنقيط الإعراب ..
النقط في عهد ابو الأسود الدؤلي ما كانت بمعناها اليوم من حيث التمييز بين التاء والباء والثاء وما إلى ذلك ..
النقطة فوق الحرف يعني الفتحة .. والكسرة نقطة تحت الحرف .... و الخ ...

سير أعلام النبلاء ج4ص81 : ( وقال الواقدي : أسلم في حياة النبي صلى الله عليه (وآله) وسلم ، وقال غيره : قاتل أبو الأسود يوم الجمل مع علي بن أبي طالب وكان من وجوه الشيعة ومن أكملهم عقلا ورأيا ، وقد أمره علي رضي الله عنه بوضع شيء من النحو لما سمع اللحن ، قال : فأراه أبو الأسود ما وضع ، فقال علي : ما أحسن هذا النحو الذي نحوت . فمن ثم سُمّي النحو نحواً .

قال أبو عبيدة : أخذ أبو الأسود عن علي العربية . فسع قارئا يقرأ ( إن الله برئ من المشركين ورسولِه ) فقال : ما ظننت أن أمر الناس قد صار إلى هذا فقال لزياد الأمير : أبغِني كاتباً لقناً فأتى به فقال له أبو الأسود : إذا رأيتني قد فتحت فمي بالحرف فانقط نقطة أعلاه ، وإذا رأيتني ضممت فمي ، فانقط نقطة بين يدي الحرف و إن كسرت فانقُط نقطة تحت الحرف فإذا أتبعت شيئاً من ذلك غُنَّـةً فاجعل مكان النقطة نقطتين فهذا نَـقْـط أبي الأسود " ، ذكره ابن خلكان في وفيات الأعيان ج2ص537.

وهناك شاهد محسوس على وجود هذا النقط الذي اخترعه أبو الأسود الدؤلي وحلى به المصاحف يذكره جرجي زيدان في تاريخ التمدن الإسلامي ج3ص61 : ( فمضى نصف القرن الأول للهجرة و الناس يقرؤون القرآن بلا حركات ولا إعجام . وأول ما افتقروا إليه الحركات ، وأول من رسمها أبو الأسود الدؤلي واضع النحو العربي المتوفى سنة 69 ه‍ فانه وضع نقطاً تمتاز بـها الكلمات أو تعرف بـها الحركات ، ولذلك توهم بعضهم أنه وضع الإعجام . والحقيقة أنه وضع نقطاً لتمييز الاسم من الفعل من الحرف ، وليس لتمييز الباء من التاء من الجيم من الحاء ) .

***تنقيط الإعجام*** ..

كان تنقيط الإعجام على زمن عبد الملك بن مروان ...
وبأمر من الحجاج بن يوسف الثقفي .. قام يحيى بن عمر بتنقيط الحروف .. للتمييز بين الباء والتاء والثاء وبين السين والشين ...الخ ..

((((( كانت نقط الإعجام تكتب باللون الأسود ..ونقط الإعراب باللون الأحمر ...))))))

للمعلومة ...
الطريقة اللي منكتب فيها اليوم ما صارت إلا على ايدين الخليل بن احمد الفراهيدي .. اللي اخترع شكل الضمة والفتحة والكسرة و الشدة , ............الخ ..

في عدة نقاط لازم ناخدها بعين الأعتبار ..

1. وفاة الامام علي كانت في عام 40 للهجرة
2. وفاة ابو الأسود الدؤلي كانت في عام 69 للهجرة
3. تنقيط الاعجام كان على ايدين تلميذ ابو الأسود ويرجح انو بعد وفاة ابو الأسود ..

من كل هالحكي اللي انحكى ....

هالقصة اللي انحكت .. ما فاتت براسي .. مع الأسف .. !!!! :D

TheLight

23/10/2006, 17:29

عمي توت توت توت....مشكور ع الايضاح...السؤال يللي بدو أسالو هو التالي
حسب رد كريمبو

خبرونا (على ذمة الراوي) انو التنقيط صار بعهد الخلفاء الامويين، على يد ابو الاسود الدؤلي
و خبرونا انو سيدنا علي (سيدي و سيدك الله) اغتالوه ع ايام معاوية

كأنة فيه شوي لبس يعني كأنو كريمبو خلط بين التنقطين...تنقيط أبو الاسود الدؤلي والتنقيط تبع يحيى بن عمر....مظبوط؟؟
السؤال أنو أبو الاسود الدؤلي نقط الاحرف بطريقتو ع ايام علي ابن ابي طالب..؟؟؟
ماتواخدني ع سؤال الساذج شنو تخربطت من ورا كتر الاراء يللي انطرحت بالموضوع....

krimbow

23/10/2006, 18:14

يا جماعة الخير

بغض النظر عن ايمت صار التنقيط و كيف و ليش..

الفكرة هيي فكرة "حروف متشابهة كتابة، مختلفة لفظا.."

سواء نقطنا او ما نقطنا .. هي الحروف موجودة من يوم ما انوجدت اللغة العربية ... يعني في حروف متل الباء و التاء و الثاء.. الخ... هي الحروف متشابهة كتابة (بدون نقط) بس مخلتفة لفظا ...

و بالتالي علي بن ابي طالب، لما حط خطبتو اعلاه، حطها بدون استعمال هالحروف المتشابهة لفظا، و المختلفة كتابة ... و هي اسمها بلاغة

لما اجوا بعدين و اعتمدوا التنقيط.. اكتشفوا انو هالخطبة هي خالية من النقط...

حنظلة

26/08/2007, 04:35

demon0084

26/08/2007, 16:42

dot

26/08/2007, 17:27

الامام علي عليه السلام.

khalkhool

03/03/2008, 12:17

لا جدل في بلاغة سيدنا علي كرم الله وجهه الكريم وعلينا من ذكره السلام
مين نحن حتى نقيم من وصل بالمعرفة الى حدود الله أدرى بها
وما في داعي نتناقش بموضوع محسوم أمر......................

مين نحنا؟؟؟؟ نحنا البشر, نحنا الإنسان, وعلي بن أبي طالب هوه بش وإنسان أيضا, يعني متلو متلنا, و هاد المبدأ تبع لا تناقش ولا تجادل هوه مبدأ الحركات القمعية!!!

لا يوجد شيء في الكون لايمكن إخضاعه للنقاش والجدال, من الذرة, وحتى المجرة!

souriana

03/03/2008, 15:19

مين نحنا؟؟؟؟ نحنا البشر, نحنا الإنسان, وعلي بن أبي طالب هوه بش وإنسان أيضا, يعني متلو متلنا, و هاد المبدأ تبع لا تناقش ولا تجادل هوه مبدأ الحركات القمعية!!!

لا يوجد شيء في الكون لايمكن إخضاعه للنقاش والجدال, من الذرة, وحتى المجرة!

اي و اينشتاين بشر ليش ما طلعتلنا بشي نظرية متل نظريتو ؟
من جهتي ما ني خرج هالجماعة

khalkhool

03/03/2008, 16:03

اي و اينشتاين بشر ليش ما طلعتلنا بشي نظرية متل نظريتو ؟
من جهتي ما ني خرج هالجماعة
شو يعني؟؟؟
يعني يا بكون أينشتاين, يا أما بتقبل كل النظريات والفرضيات يلي بالدنية بدون نقاش؟؟؟؟
شو هالتفكير هاد؟

souriana

03/03/2008, 16:06

شو يعني؟؟؟
يعني يا بكون أينشتاين, يا أما بتقبل كل النظريات والفرضيات يلي بالدنية بدون نقاش؟؟؟؟
شو هالتفكير هاد؟

الشغلة مو تكفير بس يعني لازم نعترف انو في بشر الله عطاها الموهبة والقدرة الغير عادية متل هالشخصيات المذكورة
صح كلنا بشر بس كل البشر متفاوتين بقدراتهم:D

khalkhool

03/03/2008, 16:10

الشغلة مو تكفير بس يعني لازم نعترف انو في بشر الله عطاها الموهبة والقدرة الغير عادية متل هالشخصيات المذكورة
صح كلنا بشر بس كل البشر متفاوتين بقدراتهم:D
تكفير؟؟؟ مين حكى عالتكفير؟؟؟

souriana

03/03/2008, 16:14

شو هالتفكير هاد؟

همممممم شكلك ما بتعرف شو عم تكتب بعتذر عالنقاش :D

khalkhool

03/03/2008, 16:25

ما بعرف شو عم أكتب!!!!

شكرا على المديح!

فإذا أتتك مذمتي من ناقص ٍ ,,,,,, فهي الشهادة لي بأني كاملُ!

souriana

03/03/2008, 16:29

ما بعرف شو عم أكتب!!!!

شكرا على المديح!

فإذا أتتك مذمتي من ناقص ٍ ,,,,,, فهي الشهادة لي بأني كاملُ!

وكبف طلعت معك ناقص ؟؟
انت بتعرفني حتى هيك تحكي عليي
وبعدين مين انت لحتى تقيم الناس
انا ما جبت شي من عندي عم فرجيك شو انت كتبت مو اكتر
جود باي
وحاج تنكش مواضيع قديمة معروف شو هالدف من وراها
الموضوع الو سنة مسكر

khalkhool

03/03/2008, 16:33

وكبف طلعت معك ناقص ؟؟
انت بتعرفني حتى هيك تحكي عليي
وبعدين مين انت لحتى تقيم الناس
انا ما جبت شي من عندي عم فرجيك شو انت كتبت مو اكتر
جود باي
وحاج تنكش مواضيع قديمة معروف شو هالدف من وراها
الموضوع الو سنة مسكر
لك يا أخي طالمة مواضيع مسكرة من سنة, انت ليش رديت!؟!؟!؟!؟
معروف شو الهدف من وراها؟؟!؟!؟!؟ إي مزبوط, أكيد طلعت معك أني عميل للأمبريالية والصهيونية العالمية!

جود باي

Zoro73

14/02/2009, 14:04

بك تتكى على أيقونة الرد الصاروخي ، بأيتها مشاركة (المشاركة الي عم بترد عليها يعني)، لحتى يتنشط هذا الصندوق و إتصير فيك تكتب فيه ...

Zoro73

14/02/2009, 14:07

نقول كمان

رحم الله عظماء العرب وبلغاءهم
فهذا يدل على تقوى هؤلاء العرب وقوتهم ودقتهم وتركيزهم ليتنا نصل لعشر وما وصلوا إليه
والله نسأل أن يحصننا من شر الفتن

ورده بغداد

21/02/2009, 16:48

السلام على الضارب بالسيفين والطاعن بالرمحيين

ابا الحسم والحسين ع