صباح الخير..
صباح ككل صباحات الدنيا
أبيض باهت..كأرواح الغرقى في المرافئ
قرأت في كتاب العلوم..
و في كتاب الجغرافيا
و في كتب القراءة و النصوص..
عن الأفق
فأدركت أن هذه الكتب كلها
كتب خيال علمي..
و حياتنا تمشي على أطراف أصابعها..
كراقصة الباليه..تمشي بهدوء ٍ جنائزي..كما يقولون
تمشي و تمشي..و تمشي و تمشي..
حتى نصل.. نحن و جميع أحلامنا السخيفة..
و قناعاتنا المنقوعة بماء البحر..
حتى نصل.. إلى الهاوية..
إذا ..أعيد التفكير..و أعيد دراسة الموضوع..
هل أكتب الشعر يوما..
تحت سنابك الأحصنة
رغم أنني أقوم يوميا بالتمارين الرياضية..
و أتلقى يوميا حوالي عشرة آلاف ملاحظة و نقد
و مئتين و خمسين فخا ليزل لساني
و محاولة اغتيال في الشهر
لأنني أكتب
و ما زلت لا أعرف ماذا أكتب..
قد تظونني سخيفا..أو أنني ألمح إلى شخص ما..
و لكنني أقول..و أنا في قمة البحار و الجبال و الوديان و السهوب..
أنني قد أتألم كثيرا ً حين أمشي حافيا..
و لكنني سأعرف حينها ..ملمس الأرض الحقيقي..!

حلوة كتير القصيدة يا غالي ..

هل أكتب الشعر يوما..
تحت سنابك الأحصنة

بس ممكن تقلي معنى كلمة سنابك لأنو عنجد ما بعرفها ..


كراقصة الباليه..تمشي بهدوء ٍ جنائزي..

تشبيه رائع .. :D


أنني قد أتألم كثيرا ً حين أمشي حافيا..
و لكنني سأعرف حينها ..ملمس الأرض الحقيقي..!

أنت هي يمكن كنت منزلها خاطرة .. بس حابب أسألك سؤال يا غالي .. هي كانت خاطرة وعطتك وحي لكتابة هالقصيدة ولا كيف .. لأنو أنا أحيانا" بيطلع معي شي خاطرة حلوة .. بس ما بيكون في وحي أني كفيها أو أني أعطيها أبعاد لتصير قصيدة وبعد فترة بترجع الخاطرة بتنط لمخي .. وبيكرو راها قصيدة .. أو بتكر قصيدة عمقها هوي الخاطرة ..

مشكور :D :D

سنابك يعني حوافر على حد علمي
أما بالنسبة للخاطرة فالفكرة أنو هذه القصيدة كاتبها من شي سنة ولكن هذه الخاتمة لقيتها حلوة بكل بساطة و حطيتها كخاطرة لأنها بتصح على كلا الوجهين.
و أنا كما وضحت لا أفكر بلقصيدة أو ما سأكتب فأنا كاتب عفوي إذا بدك ,بضل ساكت حتى صير قدام الورقة و بكب عليها كل اللي بقلبي و لكن هذه الحالة اللي تحدثت عنها يمكن صايرة معي بس يعد ما بلش بالكتابة بحس أنو لأ ما لازم أنو أنزع هالخاطرة الحلوي بأنو خليها قصيدة غصب عنها و بشق الورقة أو باكلها حسب الوضع و الحالة العامة.
و سلام..1

و أنا كما وضحت لا أفكر بلقصيدة أو ما سأكتب فأنا كاتب عفوي إذا بدك ,بضل ساكت حتى صير قدام الورقة و بكب عليها كل اللي بقلبي و لكن هذه الحالة اللي تحدثت عنها يمكن صايرة معي بس يعد ما بلش بالكتابة بحس أنو لأ ما لازم أنو أنزع هالخاطرة الحلوي بأنو خليها قصيدة غصب عنها و بشق الورقة أو باكلها حسب الوضع و الحالة العامة.

تماما" وهاد اللي بيصير معي .. يعني احيانا" خاطرة كاتبها من شي فترة ما بلاقيها غير نطت على الورقة أثناء كتابتي لشي قصيدة .. يعني شي متل الكذب .. وعلى فكرة أنو الواحد لما يقول هلا أنا بدي اكتب ويحط موضوع ليلي بدو يكتبو .. ما بيطلع معو شي حلو زيادة .. :D :D

poem i like it nice
THANK U
:) :D


بشق الورقة أو باكلها حسب الوضع و الحالة العامة

:? :roll: :confo: :confo:

مشكور يا أبو عبسى
تحياتي :D