اي طبعا حدا قراه
بس متل ما بتعرف اللي بيحكي صح كتير متل اللي بيغلط كتير
المعنى انو ما بتلاقي كلام مناسب ترد عليه فبتفضل تسكت
وانت هون كلامك كتير صحيح .....
:lol: على قولة الحكيم نقزت من عل كرسي و انا عم اقرا

العلويين في سوريا ...من لما حكم حافظ الاسد (الي عم يتهموا بالعنصرية .. وانو حط كا المقربين منو من العلويين ...مع انه الزلمة كان علماني ) اعدم كتير من افهم الرجال العلويين زمان..كتيرر... ومو كل المحاطين فيه كان علويين... مثلا طلاس...
بس هوي متل اي حد اكيدكانو المقربين منو في منهن علويين ...
االعلويين في سوريا في منهن مثقفين , في منهن من حثالة المجتمع... في منهن معارضة الاكبر ...
فهالهجوم المدسوس ع العلويين غير مبرر ابدا....
غاليتي ريمي، في نقطة ما عمتتوضح هون، أول شي نحنا بنووووووووب مو ضد العلويين، و تانيا
نحنا ما عمنقول إنو حافظ ولا بشار أعوانن كلن كانوا علويين، بس المشكلة إنو أغلب المناصب
الكبيرة و الحساسة كانت لعلويين مجرمين يا دوب مخلصين إعدادي، لاحظي أنا ما شملت كل
العلويين، أنا أشرت لفئة معينة بذاتها، بعدين روحي على كل الدوائر الحكومية، 99 بالمية من
الموظفين علويين، و ما حدا بينكر هالشي لأنو واقع ملموس، كمان ما بدي تفهمي إني ضد
هالشي، بس لما يكون المستلم علوي بالواسطة بكون شي بحز بالنفس، و بتلاقي هالموظف عنصري لطائفتو، و لك يا ريت بيشتغل بقلب و رب، لك ما بيعرف شو هوي الشغل، و صار يرتشي و يعمل و يكتر، ليش يا حزرك؟؟؟؟ لأن عرفان إنو في مين يدعمو من فوق، بيدعمو يللي حطوه، و بيسند ظهروا إنو من جماعة الرئيس، لو كان المتعين متعلم علوي كان الوضع غير شي، لأن رح يكون مثقف و فهمان، و ما ممكن يرتشي أو يكون عندو عنصرية، بس يا حسرة كل العلويين يللي بالدوائر الحكومية يا دوب ناجحين بالتاسع أو البكالوريا، و بتلاقيهن شاغلين المناصب من الموظف العادي للمدير العام.
المشكلة ببلدنا إنو المو مثقف عم يتوظف بالدولة على حساب المتعلم و المثقف، و هيك خربت البلد و وصلت لحالة الفساد و الانحطاط يللي هيي فيه.
الدليل على كل حكيي، روحي عالدوائر الحكومية، يللي بشهادة الكل الفوتة عليها ما بتسر القلب، بتلاقي الموظفين الغالبية العظمى علويين و بالواسطة، لك حتى العلوي العادي، يعني الفهمان و مو مدعوم، بتلاقي بيقرف من الفوتة عالدوائر الحكومية. أنا سبق و حكيتلك عن واحد علوي بعرفو قللي إنو حرروا الشام، و إنتي قلتي مو شرط إزا واحد غلط يكون كل العلويين غلط، بس لا تنسي إنو هاللي غلط مدعوم من جماعة أبوه، يللي هنن على نفس الشاكلة، يعني باختصار كانوا و ما زالوا ماسكين البلد، و القرار الأول و الأخير إلن.

شو القصة؟؟

بعدين روحي على كل الدوائر الحكومية، 99 بالمية من
الموظفين علويين، و ما حدا بينكر هالشي لأنو واقع ملموس،.

ابو طريق مابعرف من وين عم تجيب هالحكي:?
هلأ لقلك انا بالاصل عايشة بالساحل بمنطقة الاغلبية فيها علوية بتروح فيها على دوائر الحكومة بتشوف انو الاغلبية علوية بس اكيد مو واصلين لل 99 بالمية بس الاغلبية علوية وهون شي
طبيعي لانو هني بهالمنطقة النسبة الاكبر من السكان بشكل عام...... وبالتالي لما بتشوف نسبة الموظفين بالنسبة لنسبة السكان بتحسها انو منطقية

بس لما شتغلت باوراق من دوائر حكومية بالشام ماكان في علويين غير ماندر...... يعني معلش تقلي كيف طلعت معك انو بالدوائر الحكومية 99 بالمية علويين؟؟؟

بتمنى بس بدك تناقش بهيك امور تكون موضوعي ولما بدك تعطي معلومات تعطي معلومات واقعية ومو متل انت بتتخيل الوضع

:?
حدا قرا الرد تبعي
مرحبا سيزار
هلق أنا مو بس قريت ردك ، لا و بدي ضيف كمان
برأيي أنو النظام هوي اللي عم يحاول دائما يصور الوضع أنو نحنا أمام خيارين لا ثالث لهما، نظام يحقق الاستقرار نقبل فيه على عيوبه (لأنو ما في شي مثالي بالحياة) أو و حتو خطين تحت أو فوضى عارمة : لأنو رح تجي مجموعة دموية متعقصبة دينيا أو مجموعة ديكتاتورية جديدة جيوب فاضية تبلش من الأول أو احتلال أميركي أو .. يعني بالمحصلة فوضى و يمكن صراعات دموية

خلينا نعيد ترتيب الصورة :
النظام ما عندو رغبة بالتغيير و هدفوا الأول و الأخير هوي الحفاظ على احتكار السلطة و بالشكل الحالي
هلق لو في نية حقيقية بالتغيير كنا شفنا نتائج ملموسة على أرض الواقع، و كان النظام فتح المشاركة لما يصطلح على تسميته بـ "المعارضة" و اللي بالحقيقة هني عبارة عن ناشطين بيطالبو بالحقوق المدنية و السياسية و الاجتماعية مو بيطالبو بالسلطة

النظام هوي اللي عم ينغلق على نفسه و يقسى على العالم و يتمترس ورا الشمولية بشكل أنو ما ممكن يزيحه إلا خصم عنيف و عن طريق العنف حصرا ، يعني النظام هوي اللي عم يقوي الخيارات أمام الخصوم الأسوء ، لا و عم يقوي هدول الخصوم بشكل مباشر و غير مباشر و عم يقضي و بشراسة على أي محاولة سلمية للتغيير

اللي بدو يغير بيآمن بالمشاركة، و ما رح قول بيلغى الوصائية بس بيشجع المبادرة الوطنية بالتدريج لتحل محل الوصائية بالتدريج (هي إذا كان بدنا نحكي على موضوع التغيير بيحتاج لزمان) الحقيقة التغيير بدو زمن بس زمن لحصد نتائج أما التغيير الحقيقي لما بيبلش فما بيصعب ندركه أبدا ابتداء من نظام العمل و الزخم بالعمل و أسلوب العمل بس أنو النتائج الإيجابية اجتماعيا و ثقافيا بدها وقت لتظهر أكثر و لجميع المواطنين بكل المناطق برجع و بقول هذا إذا كان في نية التغيير


تغيير الرئيس ما رح بيقدم و لا ربيأخر لا و يمكن يأخر ، الفكرة بالتغيير من القواعد من أسلوب إدارة البلد ، وين دور النقابات ببلد الاشتراكية ؟ لك حتى أنتو اللي كاتبين تلت ارباعكم ما بيعرفو شو يعني نقابة (مو للتقليل من ثقافتكون ) وين دور الإدارات المحلية؟ النظام لما بيفكك القواعد الشعبية و بيحولها لأجهزة شكلية و ديكور و بيقضي على دورها و بتتحول إلى عكس دورها الطبيعي كله باسم الاشتراكية و العلمانية جريمته (و ليعذرني اصدقائي على استخدام كلمة جريمة) جريمته مزدوجة : القضاء على الحياة المدنية و السياسية، تشويه سمعة و معنى مفاهيم مهمة مثل العلمانية الاشتراكية

الحل: برأيي الحل هوي بحراك مدني على طريقة الثورة البرتقالية بأوكرانيا ثورة الورود بجورجيا حركة كفاية بمصر، هلق مو أنو هي الثورات حققت المعجزات بس هي فتح باب الديمقراطية و المؤسساتية و المشكلة أنو نحنا كل ما ضيعنا وقت و تأخرنا كلما الوضع عم يزداد سوء و تعقيد و النظام عم يلعب لعبات دنيئة بتعتمد على توظيف الطائفية و البلطجية و إبرام صفقات خارجية على حساب مصلحة الوطن

يعني عنجد ما بيعرف الواحد شو بدو يحكي قدام هالبشاعة وهالحقد عالطائفة العلوية
ما عم دافع عن النظام او عن حدة بس الفهمان يللي عم يحكي يراجع التاريخ شوي ويقرا كيف كانوا العلويين قبل السبعينات ولحد الان أفقر ناس بسوريا هنن العلويين ولهيك بيركضوا عالوظيفة لحتى يعيشو لأنو البركة مصاري البلد كلها مع تجار الشام وحلب السنة طبعا بعدين بتمنى أنو ماتنقاس الطائفة العلوية ببعض النلس يللي نزعو صورة العلويين وكمان الأستاز يللي حكى عن أنو في علويين مثقفين وفي منهن حثالة بقلو يكتر خيرك بس مين أنت وشو ثقافتك لحتى تقييم شعب أو طائفة وأنا ما بدي هاجم حدا بس بحب زكر هالشباب الطيبة أنو بكل طائفة في ناس مسيئة مثلا الاخوان المسلمين أو الاخوان المجرمين بالأحرى كتير شوهت صورة الاسلام والسنة فازا كل واحد بدو يرد على هالحكي الفاضي مصيبة وما رح نوصل لحل ومسلألة النظام شي تاني والها حل بس طبعا بدون أحقاد تاريخية وانتقامات وشتائم لا بتقدم ولا بتأخر وبتمنى أنو نوصل لمستوى من الوعي نفصل الدين عن الدولة ونشوف الغرب وين ونشوف حالنا وين

ابو طريق مابعرف من وين عم تجيب هالحكي:?
هلأ لقلك انا بالاصل عايشة بالساحل بمنطقة الاغلبية فيها علوية بتروح فيها على دوائر الحكومة بتشوف انو الاغلبية علوية بس اكيد مو واصلين لل 99 بالمية بس الاغلبية علوية وهون شي
طبيعي لانو هني بهالمنطقة النسبة الاكبر من السكان بشكل عام...... وبالتالي لما بتشوف نسبة الموظفين بالنسبة لنسبة السكان بتحسها انو منطقية

بس لما شتغلت باوراق من دوائر حكومية بالشام ماكان في علويين غير ماندر...... يعني معلش تقلي كيف طلعت معك انو بالدوائر الحكومية 99 بالمية علويين؟؟؟

بتمنى بس بدك تناقش بهيك امور تكون موضوعي ولما بدك تعطي معلومات تعطي معلومات واقعية ومو متل انت بتتخيل الوضع
اسمحيلي أنا ما بعرف منين عمبتجيبي هالحكي:shock: ، أنا ما قصدي 99 بالمية يعني تاخديها حرفي، أنا بقصد الأغلبية العظمى، و يا ستي هالحكي يللي جبتو مو اختراع من عندي، لأ واقع، مافي دائرة حكومية ما رحت عليها، رحت عالنفوس و عالمرور و عالجوازات و العسكرية و الخارجية و ....الخ، و بالتالي عندي خبرة عملية كبيرة بهالمجال، و الموظفين حفظناهن، أما تجي تقليلي إني عمألف هالحكي، هي ما حبيتها منك بنوب، أنا عمبحكي واقع، شو اعملك إزا إنتي ما احتكيتي كتير بالموظفين؟؟ روحي سألي كل الناس بأكدوا هالحكي.
بعدين إنتي هيك عمبتحوري مغزى الفكرة تبعي، أنا ماني ضد طائفة أو فئة تستلم، بس تكون قد المقام، مو يجيبوا حثالة هالطائفة و يحطولنا ياهن، حتى العلويين الفهمانين نفسن مو راضيين عن هالشي.
المهم يا سيدتي، أنا ما عمبتخيل أو احلم، إنتي بهالصورة عمترميني بحجارك، و عمبتشوهي صورتي، و تظهريني على إني حاقد و طائفي أنا عاقل و بعرف شو عمبحكي و بدون عنصرية، و روحي اسألي أبوكي، و إخواتك و قرايبنك مين محتكر الدوائر الرسمية؟؟؟؟؟؟؟ بس اسمحيلي بهالكلمة، مو يعني إزا طلعتلك بعثة مدري منحة، تجي تحاولي تمسحي جوخ، لأ، احكي الواقع أحسن، إنتي بتستحقي الإفادة، مو شحدتيها شحادة، يعني أخدتي حقك، فما في داعي تدافعي عن الباطل.

خليك كبير يا كبير ولا ترد ......

ما سمعت بـــ ( طنش تعش تنتعش )

تسجيل متابعة

بما انو اسلوبك بالرد فيو تهكم واستخفاف بقدرتي على فهم الامور فانا ابدا ما ني مضطرة رد على اشارة الاستفهام اللي قد هالصفحة ....

بيجوز تأخرت ع الرد بس بعتقد أنو أسلوبي ما كان فيه أي تهكم أو استخفاف أبدا وبعتقد أنو التساؤل يللي انطرح ما انطرح بهدف السخرية منك ام من أرائك بل كان بهدف اني افهم وجهة نظرك بما يتعلق بمستوى المعيشة بسوريا خصوصا أنو ما كتير مقتنع بوجهة نظرك عن تقييم هالمستوى المعيشي المتواضع جدا أو حتى الضعيف للمواطن السوري.....

اسمحيلي أنا ما بعرف منين عمبتجيبي هالحكي:shock: ، أنا ما قصدي 99 بالمية يعني تاخديها حرفي، أنا بقصد الأغلبية العظمى، و يا ستي هالحكي يللي جبتو مو اختراع من عندي، لأ واقع، مافي دائرة حكومية ما رحت عليها، رحت عالنفوس و عالمرور و عالجوازات و العسكرية و الخارجية و ....الخ، و بالتالي عندي خبرة عملية كبيرة بهالمجال، و الموظفين حفظناهن، أما تجي تقليلي إني عمألف هالحكي، هي ما حبيتها منك بنوب، أنا عمبحكي واقع، شو اعملك إزا إنتي ما احتكيتي كتير بالموظفين؟؟ روحي سألي كل الناس بأكدوا هالحكي.
بعدين إنتي هيك عمبتحوري مغزى الفكرة تبعي، أنا ماني ضد طائفة أو فئة تستلم، بس تكون قد المقام، مو يجيبوا حثالة هالطائفة و يحطولنا ياهن، حتى العلويين الفهمانين نفسن مو راضيين عن هالشي.
المهم يا سيدتي، أنا ما عمبتخيل أو احلم، إنتي بهالصورة عمترميني بحجارك، و عمبتشوهي صورتي، و تظهريني على إني حاقد و طائفي أنا عاقل و بعرف شو عمبحكي و بدون عنصرية، و روحي اسألي أبوكي، و إخواتك و قرايبنك مين محتكر الدوائر الرسمية؟؟؟؟؟؟؟ بس اسمحيلي بهالكلمة، مو يعني إزا طلعتلك بعثة مدري منحة، تجي تحاولي تمسحي جوخ، لأ، احكي الواقع أحسن، إنتي بتستحقي الإفادة، مو شحدتيها شحادة، يعني أخدتي حقك، فما في داعي تدافعي عن الباطل.
ياسيدي المحترم انا ماعم مسح جوخ ولا بعمري عملتها ولا رح اعملها ولاعم دافع عن باطل..... بس عم احكي اللي شايفتو ............وكمان ماني بحاجة اسأل حدا انا شايفة بعيوني وعايشة الوضع متلك واكتر يعني لما كنت عم اشتغل باوراق البعثة ضليت حوالي النص السنة متشنشطة بين الدوائر الرسمية بين الساحل الي ساكنة فيه بالاصل وبين الشام ولحد هلأ كل زيارة عسوريا عندي شغل بلاوي بالدوائر الرسمية يعني حافظتها حفظ وشايفة بعيوني الفرق الشاسع بين المنطقتين بنسبة العلويين بالدوائر الحكومية...... وبقلك عالاكيد انو مافي هالشي اللي متخيلو من احتلال العلويين للدوائر الرسمية
وبتمنى منك او من اي حدا يجبلنا احصائيات بالموضوع اذا بتتوافر واكيد تكون الاحصائيات مو عن الساحل اللي فيه اغلبية سكان من العلويين
وع فكرة لا انا ولا انت ماعم نألف حكي بمعنى التأليف بس كل واحد الو ملاحظات وللاسف ملاحظاتنا كانت متضادة وبظن الفصل الاكيد رح يكون باحصائيات:D

ياسيدي المحترم انا ماعم مسح جوخ ولا بعمري عملتها ولا رح اعملها ولاعم دافع عن باطل..... بس عم احكي اللي شايفتو ............وكمان ماني بحاجة اسأل حدا انا شايفة بعيوني وعايشة الوضع متلك واكتر يعني لما كنت عم اشتغل باوراق البعثة ضليت حوالي النص السنة متشنشطة بين الدوائر الرسمية بين الساحل الي ساكنة فيه بالاصل وبين الشام ولحد هلأ كل زيارة عسوريا عندي شغل بلاوي بالدوائر الرسمية يعني حافظتها حفظ وشايفة بعيوني الفرق الشاسع بين المنطقتين بنسبة العلويين بالدوائر الحكومية...... وبقلك عالاكيد انو مافي هالشي اللي متخيلو من احتلال العلويين للدوائر الرسمية
وبتمنى منك او من اي حدا يجبلنا احصائيات بالموضوع اذا بتتوافر واكيد تكون الاحصائيات مو عن الساحل اللي فيه اغلبية سكان من العلويين
وع فكرة لا انا ولا انت ماعم نألف حكي بمعنى التأليف بس كل واحد الو ملاحظات وللاسف ملاحظاتنا كانت متضادة وبظن الفصل الاكيد رح يكون باحصائيات:D
بدك إحصائيات؟؟ أنا معك، لازم تعرفي إنو أنا و كل مواطن سوري، و بالأخص الشباب، عبارة عن دائرة إحصاء عامة مستقلة بذاتها، ابتداءا بإحصاءات الرواتب و انتهاءا بإحصاء عدد المواطنين السوريين يللي عايشين على و تحت خط الفقر، نحنا مارق عراسنا كلشي بتعرفي و ما بتعرفي، اسمحيلي وين رحتي بالشام؟؟؟ عالتعليم العالي و التربية و التعليم و الخارجية؟؟؟؟؟ كلن كام دائرة، و ما احتكيتي هالاحتكاك يللي نحنا مرينا فيه، بس قبل ما احكي أي شغلة لازم تعرفي إنو أنا ماني ضد حدا، مشان الله فهمي هالشغلة، مو يعني إزا عمعلق على هي الظاهرة معناتو أنا ضد طائفة معينة، و الله مو هيك، بس الفكرة إنو هالموظفين عاملين شغلة إنن من جماعة الرئيس حجة مبررة للفساد تبعن، يعني يللي متلن بسهلولوا أمورو، بس لما يشوفو مو موافق عتصرفاتن ببلشوا يتمردوا عليه، أما يللي مو منن ما بمشوه إلا بواسطة أو رشوة، و نادرا ما يكونوا ولاد حلال و أكابر.
و الله العظيم كلشي حكيتلك ياه هوي من وحي الواقع، يعني أنا عمبلمسو شخصيا، أما هدول يللي بالشام، بجوز لهجتن مغيرة لأن تعودوا على لهجة أهل الشام، بس هادا الشي ما بينفي تمييزن العنصري، و الدليل أكتر من 16 مليون مواطن سوري مذلولين من ورا هالشغلة.
بس بتعرفي، إزا هالنقاش رح يسود صفحتي و يطالعني طائفي و كذاب، فأنا بعتذر و ما رح علق عشي، فخار يكسر بعضو، المهم أنا مرتاح من أشكال الموظفين يللي بتقطع الرزق، و مرتاح من معاملتن المهينة و المذلة و لأسباب طائفية بحتة، صحي صرلي أكتر من 10 سنين بهالدوائر، و كل سنة عمكحل عيوني بشوفتن البهية، بس هلأ انا مرتاح:melody: ، و إنشالله دوم هيك.

بدك إحصائيات؟؟ أنا معك، لازم تعرفي إنو أنا و كل مواطن سوري، و بالأخص الشباب، عبارة عن دائرة إحصاء عامة مستقلة بذاتها، ابتداءا بإحصاءات الرواتب و انتهاءا بإحصاء عدد المواطنين السوريين يللي عايشين على و تحت خط الفقر، نحنا مارق عراسنا كلشي بتعرفي و ما بتعرفي، اسمحيلي وين رحتي بالشام؟؟؟ عالتعليم العالي و التربية و التعليم و الخارجية؟؟؟؟؟ كلن كام دائرة، و ما احتكيتي هالاحتكاك يللي نحنا مرينا فيه، بس قبل ما احكي أي شغلة لازم تعرفي إنو أنا ماني ضد حدا، مشان الله فهمي هالشغلة، مو يعني إزا عمعلق على هي الظاهرة معناتو أنا ضد طائفة معينة، و الله مو هيك، بس الفكرة إنو هالموظفين عاملين شغلة إنن من جماعة الرئيس حجة مبررة للفساد تبعن، يعني يللي متلن بسهلولوا أمورو، بس لما يشوفو مو موافق عتصرفاتن ببلشوا يتمردوا عليه، أما يللي مو منن ما بمشوه إلا بواسطة أو رشوة، و نادرا ما يكونوا ولاد حلال و أكابر.
و الله العظيم كلشي حكيتلك ياه هوي من وحي الواقع، يعني أنا عمبلمسو شخصيا، أما هدول يللي بالشام، بجوز لهجتن مغيرة لأن تعودوا على لهجة أهل الشام، بس هادا الشي ما بينفي تمييزن العنصري، و الدليل أكتر من 16 مليون مواطن سوري مذلولين من ورا هالشغلة.
بس بتعرفي، إزا هالنقاش رح يسود صفحتي و يطالعني طائفي و كذاب، فأنا بعتذر و ما رح علق عشي، فخار يكسر بعضو، المهم أنا مرتاح من أشكال الموظفين يللي بتقطع الرزق، و مرتاح من معاملتن المهينة و المذلة و لأسباب طائفية بحتة، صحي صرلي أكتر من 10 سنين بهالدوائر، و كل سنة عمكحل عيوني بشوفتن البهية، بس هلأ انا مرتاح:melody: ، و إنشالله دوم هيك.

انا لما حكيت عن احصائيات رسمية مو احصائيات اشخاص متلي ومتلك لانها بتكون بعيدة عن العواطف بمعنى تاني مانها مع طائفة ضد طائفة (وانا ماعم اتهمك انت انو هيك) وكمان مانها مع النظام او ضد النظام ....... لانو لما بنكون عم نعيش واقع مع نظرة مسبقة الو بنصير نشوف الشي اللي بيخدم نظرتنا المسبقة وبس...... يعني لما عندك نظرة مسبقة عن الوضع انو الطائفة العلوية هي الاغلبية وهي عم تشجع الفساد بتصير لما بتشوف كم واحد منون (وانا مابقول انو مافي شي منو ابدا) بتصير تحس انو هالشي كتير قوي واقوى بدرجات من الواقع الحقيقي

وانا ماقلت انك طائفي وماقلت انك كذاب وبعتذر اذا فهمتني هيك...... بس رأيي سبق وشرحتو بالكم كلمة اللي فوق بانو مافي اي انسان يكون واقف عالحياد من اي ظاهرة حواليه وبالتالي وبشكل لا شعوري رح ينظر للظاهرة بطريقة عاطفية ممكن تضخم من هي الظاهرة:D

بتمنى يكون وضح رأيي وماتضل مدايق مني :D

بدك إحصائيات؟؟ أنا معك، لازم تعرفي إنو أنا و كل مواطن سوري، و بالأخص الشباب، عبارة عن دائرة إحصاء عامة مستقلة بذاتها، ابتداءا بإحصاءات الرواتب و انتهاءا بإحصاء عدد المواطنين السوريين يللي عايشين على و تحت خط الفقر، نحنا مارق عراسنا كلشي بتعرفي و ما بتعرفي

بالاذن من امراة من ورق ومنك طارق اسمحولي اقطعلكن نقاشكن ورد على بعض النقاط

هلق من شان النسب و الوظائف والاحصائيات فانا مع طارق مية بالمية كلامو صحيح بس السبب واضح يا طارق اول شي انا ما بدي عمم كلامي على كل سورية لاء خليني بالساحل مطرح ما ربيت وعشت يعني شي اكيد تكون الاغلبية من الموظفين للعلويين ببساطة السبب بيرجع انو العلويين بيختارو يدرسو ويكملو تعليمن و تطلع عيونن وهنن عم يركدو ورا الوظيفة ليقدرو يعيشو بينما نسبة الطوائف التانية اللي بيكملو تعليمن قليلة مقارنتن بالعلويين وبيختارو الطريق الاسهل اللي هوي الاعمال الحرة من سوق الخضرة للتجارة لاعمال البناء ل ... ل ... وبالتالي بيصير معن مصاري ولو سألت اي شخص من هدول شو رايو بالوظيفة راح يجاوبك ببساطة شو هالوظيفة اللي ما بتطعمي خبز والسبب انو لبينما يكون هالعلوي توظف بيكون الشخص هيدا صار عندو بالقليلة بيت - وهيدا الكلام عالساحل -
يعني مختصر كل هالكلام الوظيفة حلم العلوي لانو ما عندو شي يحلم فيه وطريقو الها هيي الدراسة اما الشخص التاني حلمو المصاري وهي طريقة اسهل
وكونك متل اي شخص احصائية بحد ذاتك بتمنى تعمل احصائية عن نسبة التعليم اللي هيي سبب كل هالكلام اللي عم نناقشو من الوظيفة للبعثات للمنح ل .......

، اسمحيلي وين رحتي بالشام؟؟؟ عالتعليم العالي و التربية و التعليم و الخارجية؟؟؟؟؟ كلن كام دائرة، و ما احتكيتي هالاحتكاك يللي نحنا مرينا فيه، بس قبل ما احكي أي شغلة لازم تعرفي إنو أنا ماني ضد حدا، مشان الله فهمي هالشغلة، مو يعني إزا عمعلق على هي الظاهرة معناتو أنا ضد طائفة معينة، و الله مو هيك

طارق ما بعتقد حد اجاه هالاحساس وخصوصي امراة من ورق وكلامها حيادي وخصوصي انها مو من هالطائفة

، بس الفكرة إنو هالموظفين عاملين شغلة إنن من جماعة الرئيس حجة مبررة للفساد تبعن، يعني يللي متلن بسهلولوا أمورو، بس لما يشوفو مو موافق عتصرفاتن ببلشوا يتمردوا عليه، أما يللي مو منن ما بمشوه إلا بواسطة أو رشوة، و نادرا ما يكونوا ولاد حلال و أكابر.

هون بدي قلك معلش الله يسامحك بغلطك علينا
يعني الموظف من طائفة تانية مانو مرتشي ولا عندو واسطة ولانو فاسد والاهم الاهم انو ابن حلال واكابر .......؟ اي ما الكل بالهوى سوى

و الله العظيم كلشي حكيتلك ياه هوي من وحي الواقع، يعني أنا عمبلمسو شخصيا

طيب معناها متفقين حتى نصدقك -وما عندي شك بكلامك ومن دون حلفان - لازم انت كمان تصدقنا ولا شو
خيار وفقوس الشغلة

، أما هدول يللي بالشام، بجوز لهجتن مغيرة لأن تعودوا على لهجة أهل الشام، بس هادا الشي ما بينفي تمييزن العنصري
، و الدليل أكتر من 16 مليون مواطن سوري مذلولين من ورا هالشغلة.

كمان الله يسامحك ما راح علق شي

بس بتعرفي، إزا هالنقاش رح يسود صفحتي و يطالعني طائفي و كذاب، فأنا بعتذر و ما رح علق عشي، فخار يكسر بعضو، المهم أنا مرتاح من أشكال الموظفين يللي بتقطع الرزق، و مرتاح من معاملتن المهينة و المذلة و لأسباب طائفية بحتة، صحي صرلي أكتر من 10 سنين بهالدوائر، و كل سنة عمكحل عيوني بشوفتن البهية، بس هلأ انا مرتاح:melody: ، و إنشالله دوم هيك.

يعني ملاحظ انو مصطلحاتك كتير كبيرة وعم تبين انك متحامل علينا بس مانك حاسس وما بدك تعترف
بس الله يسامحك بتعرف ليش ولا يلا بلاها احسن ما اجرح مشاعرك متل ما انت عملت :D

وهي لامراة من ورق :D

بيجوز تأخرت ع الرد بس بعتقد أنو أسلوبي ما كان فيه أي تهكم أو استخفاف أبدا وبعتقد أنو التساؤل يللي انطرح ما انطرح بهدف السخرية منك ام من أرائك بل كان بهدف اني افهم وجهة نظرك بما يتعلق بمستوى المعيشة بسوريا

هيك الكلام اختلف بما انك وضحت اللي عندك .. وبشكرك على هالشي

خصوصا أنو ما كتير مقتنع بوجهة نظرك عن تقييم هالمستوى المعيشي المتواضع جدا أو حتى الضعيف للمواطن السوري.....
شي اكيد ما راح تقتنع لاني ما وضحتو انا حكيت فكرة بكلمة يعني ما وضحت لهلق ولا قيمت حتى ما ابديت قبولي لهالمستوى المعيشي او حتى رفضو لانو ما كانت هي الفكرة اللي مطروحة


........:D

ما سمعت بـــ ( طنش تعش تنتعش )

لك كيف ما سمعت هاد ابن حارتي ولو :p
اهلين صيادو
واهلين بالاخ بس روق روق هيدا الشي منو كتير ولا تدايق حالك يعني عم ينحكى عالكل
يعني متلنا متلن .. لا تزعل ولا تحملها كتير .. وهيدي الك :D

مشكوور على الموضوع:D :D :D

نسجيل متابعة ومشاركة :p

هلق هوي الحل الاحسن انو الواحد ما يرد عليون...يعني متل ما قال خية صياد طنش تعش تنتعش.....;-)

بس كماان كلشي ااالو حد وفي خطوط حمر بتمنا انو ما حدا يتخطاها لان وقتا بيصير الوضع بدو رد قاسي..:?

:D:D:D:D:D:D

وانا ماقلت انك طائفي وماقلت انك كذاب وبعتذر اذا فهمتني هيك...... بس رأيي سبق وشرحتو بالكم كلمة اللي فوق بانو مافي اي انسان يكون واقف عالحياد من اي ظاهرة حواليه وبالتالي وبشكل لا شعوري رح ينظر للظاهرة بطريقة عاطفية ممكن تضخم من هي الظاهرة:D

بتمنى يكون وضح رأيي وماتضل مدايق مني :D

مرحبا شباب هاد الموضوع فعلا مهم، بالإضافة للأشياء يلي حكيتا فوق بدي علق على نقاشكم أول شي و بعدين ضيف رأيي:

هلق أنتو الأثنين عم تحكو من وحي تجربتكون الخاصة مو الإحصاء يعني بغض النظر عن التحيز اللاشعوري أو الأفكار المسبقة اللي حكت عنو امرأة من ورق ، بدكون تاخدو بعين الاعتبار التجربة الشخصية بتتأثر بظروف الشخص، يعني أمرأة لما بتجي من الساحل حيث التركيب الطبيعي أكبر بتحس بفرق كبير و بوجود عدد أقل و بشكل ملحوظ من العلويين، بينما أبوطريق و بسبب حساسيتو الظاهرة للموضوع بحس بأنو أعداد هائلة بالوظائف، الشغلة التانية أنتو الاثنين احتكاكون بطبقة معينة هني موظفي الخدمات العامة و الإدارية و يلي باحتكاك مباشر مع المواطنين بينما الدولة فيها وظائف إنتاجية و غير إنتاجية (معامل و مؤسسات إدارية..) يعني كيف ما كان تجربتكون مو شاملة أبدا و العينة كتير متحيزة و ضيقة (دوائر محددة بوزارات محددة) احصائيات رسمية مافي

الشغلة المهمة أنو على أي أساس عم تحددو و تعرفو أنو الموظف علوي؟ على لهجتو؟ شكلو؟ عفوا بس في إذا أخدنا موضوع اللهجات و تحديدا حرف القاف.. الغالبية العظمى من الناس بتفكر أي واحد بيقافي علوي و هي مغالطة كبيرة لأنو في كتير ناس لهجتون فيها قاف بتبدا بلهجة الدير و الحسكة اللي سهل تمييزها عن الساحل و بتمر بلهجة السويدا يلي أصعب شوي و ما بتخلص بقرا حمص و حماه و أدلب و حتى الساحل يلي فعلا صعب على غير سكان هديك المناطق تمييزها و حتى إذا تميزت اللهجة فهي مو دليل أبدا على دين أو طائفة صاحبه و اللي بيعرف اللهجات بيعرف تماما شو اللي عم بحكي عنو أنا

المحصلة : لا تاخدو تجاربكون الشخصية كمصدر وحيد للتعميم و البث في الأمور و إنما سمعوا و نوعوا مصادركم و حاولو تناقشو لب المشكلة بدون ما تنحازوا عاطفيا (طبعا الكلام بينطبق علي و على الكل )
هلق أنا باعتقد أنو أمرأة من البداية ما قصدت تكذبك و إنما تعلق على وجهة نظرك و بالنسبة للتملق أنا فعلا متابعها بحياتي ما شفت عندها تملق أو حتى مديح للحكومة
أبوطريق أنا فعلا بحس أنك مانك طائفي من حيث المبدأ و من كتاباتك و آرائك يلاحظ أنك بتفهم شو يعني طائفية و بتكرهها و بتحاول تتفاداها بس بنفس الوقت أنت ببعض الأحيان ممكن تقول شي أو فكرة فيها محتوى طائفي بس بعتقد المهم المبدأ و أنتي لما بتغلط فهي ناجمة عن الوضع الخطأ للنظام

أنا حابب ناقش الموضوع أكتر من ناحية دور الحكومة والسياسات الحكومية يلي هي حجر الزاوية بالموضوع بس مابدي بس صف حكي و مشاركات طويلة مملة يعني رح اترك هي النقطة لألكن لتحركوها بعدين بحط مشاركة فيها

دمجت موضوع "عيب يا جماعة" مع هاد الموضوع لأنو رد على هاد الموضوع

يعني ملاحظ انو مصطلحاتك كتير كبيرة وعم تبين انك متحامل علينا بس مانك حاسس وما بدك تعترف
بس الله يسامحك بتعرف ليش ولا يلا بلاها احسن ما اجرح مشاعرك متل ما انت عملت :D

وهي لامراة من ورق :D
لاوديسا يا عيوني، فكرتي ما عمتوصل، أنا ما عبشمل كل العلويين، أنا عمبحكي عن النسبة الضئيلة منن، و يللي مستلمين مناصب حكومية، هدول بيعتبروا حالن من جماعة الرئيس، و بالتالي هنن فوق القانون، هدول اللي وصفتن بولاد الحرام، مو كل العلويين لا سمح الله، قسما بالله كتير انقهرت لما حسيتك فكرتيني عمبحكي عن الكل:cry: :sick: ، أما مشان الموظفين من الطوائف التانية، مانن أنظم، كمان فاسدين، و مو كل الموظفين العلويين فاسدين، في منن أكابر و ولاد حلال، بس المشكلة بالموظفين العلويين الفاسدين عميحتموا بظهر الرئيس، و هالشي كتير خف من لما استلم بشار، و الدليل إنو تجوز وحدة سنية و زت الطائفية ورا ظهروا، و كأنوا عمبقول للموظفين العلويين الفاسدين، لا تحطوا إنو إنتو علويين متلي حجة للفساد، هي انا الرئيس أخدت وحدة من غير طائفتي، و كانت هي رسالة واضحة لكل العلويين يللي عميستبدوا و يذلوا الشعب بحجة إنهن من جماعة الرئيس، و للأسف هدول الزمرة من الموظفين الفاسدين هنن أغلبية بالدوائر، و إزا مو أغلبية فبكونوا مستلمين مناصب حساسة، يعني مافي معاملة بتمرؤ بدون موافقتن.
أما مشان إني متحامل، إي أنا متحامل، بس متحامل على كل الموظفين الفاسدين بالدولة، شو ما كانت طائفتن، متحامل عليهن لأن خلوا الفساد يعشعش بالمواطن السوري.
أما دانيتو فإنو كيف بقدر ميز الموظف، فهي مو معقول اعتمد عاللهجة، لأن القروي بيحكي بالقاف، مو بس العلوي، يعني مو معقول خبرة شي 10 سنين بدوائر الحكومة المختلفة تعلمني هيك‘ بس لما تاخد و تعطي مع الموظف مشان تعرف شو نوع الرشوة يللي بدو ياها، و طبعا لازم تضرب صحبة معو مشان يمشيلك المعاملات الجاية، و هيك بتعرف أصلو و فصلو، سيرة حياتو من طقطق لسلام عليكم، و للأسف بتلاقين متعاجقين إننن من جماعة الرئيس، و ما حدا بيسترجي يحكي معن لأنن مدعومين من فوق، و بيقولوا إنن حرروا الشام .
بتمنى تكون وجهة نظري وصلت منيح هالمرة، و آسف للإطالة.

أنا حابب ناقش الموضوع أكتر من ناحية دور الحكومة والسياسات الحكومية يلي هي حجر الزاوية بالموضوع بس مابدي بس صف حكي و مشاركات طويلة مملة يعني رح اترك هي النقطة لألكن لتحركوها بعدين بحط مشاركة فيها
أنا معك، و بظن دور الحكومة مهم كتير، ولازم يبدأ بالرئيس نفسو، و هادا الشي أنا بعترف إنو صار، و تحديدا لما تجوز الرئيس من الطائفة السنية، هي كانت رسالة واضحة لنبذ العنصرية، رغم استياء و امتعاض عدد من العلويين، و مرة سمعت كلمة، طبعا بحكم فوتاتي و طلعاتي بالدوائر الحكومية، سمعت موظف قال "ربوا و اتعبوا" هي لما بشار تجوز أسماء الأخرس، و بظن هادا الارتباط كان متل صفعة للعلويين الفاسدين بسوريا، و طبعا بوقتها كلنا تفاءلنا ببشار و قلنا في تغيير جذري رح يصير بسوريا، بس للأسف كانت هي الخطوة الوحيدة للأمام، لأن الفساد ضل متل ما هوي، و الاعتقالات التعسفية ما انتهت، و الظلم لساتو عمبهددنا، لسا الشرطي بيرتشى و الموظف بيرتشى و أقرباء الرئيس لسا ماسكين البلد، و اللي صار من تغييرات اقتصادية أو ما يسمى باصلاحات كان هدفها إيجاد تبرير قانوني لثروة آل مخلوف و غيرن يللي ما جمعوها إلا على حساب 16 مليون مواطن سوري مذلول و منهان.
ما بدي طول أكتر و بدي خلي مجال لغيري إنو يشارك بهالنقطة، آسف عالإطالة.

شكرا شباب وصبايا مرة تانية على مشاركاتكن في الموضوع

بحب زكّر الشباب والصبايا انو موضوعنا واضح وما في داعي ندخل بجدالات بيزنطية ونبتعد عن الجوهر الرئيسي للموضوع وهوه:

الطائفة العلوية جزء أساسي ورئيسي من البنيان الطائفي السوري يجب أن تحترم ، اصيبت مثلها مثل باقي الطوائف السورية بالظلم جراء الممارسات الاجرامية التي مارسها النظام الغير شرعي على سوريا..

وبنفس الوقت بندعو العلويين يكونوا بصف سوريا مو بصف حزب المجرمين والعملاء وقيادتة الخائنة

سوف يُقتص من هذا العلوي بقرار القاضي،


هذه الكلمة بتجرح.... ولو أنك بدك تحاول تحكي بعقلانية ..ما في داعي تذكر أسماء الطوائف

هذه الكلمة بتجرح.... ولو أنك بدك تحاول تحكي بعقلانية ..ما في داعي تذكر أسماء الطوائف
الظاهر ما بتعرفو للاخ ... زاهي.:pos:.؟!؟!!؟

الاخ ... همو الوحيد بشار الاسد والعلويين..ومواضيعو دايما طروحها هدامه....!

الربط بين النظام والعلويين مو تمام

بتقول أساسيين بالمجتمع بعدين بطلع تعابير طائفية

وكاتب أنت العلويين بعد سقوط بشار

يعني ليش التحديد ليش مو سوريا

شو هن دولة لحالون

ما كل الأنظمة العربية المتعاملة مع أمريكا واسرائيل والقامعة شعوبا سنية

ليش مائلت شو بدو يصير بالسنة بعدون

منيجي نحاسب السنة

كلام فاضي

الديكاتورية ما إلها دين إلا السلطة

لك والي بيقهرك ... انو يعني العلويين ع اساس ... هنن اغنى طبقات سوريا..... وع اساس نحنا اكلين البلد اكل ...!

روح فييييييييييييق رووووح

لك والي بيقهرك ... انو يعني العلويين ع اساس ... هنن اغنى طبقات سوريا..... وع اساس نحنا اكلين البلد اكل ...!

روح فييييييييييييق رووووح
و لك عراسي العلويين و كل الساحل لأجلك بس يا أحلى ريمي :clap::clap::clap::clap::clap:
عراسي العلوم و التكنولوجيا :yahoo::yahoo::yahoo::yahoo:

يا جماعه الموضوع كلو عيب ينطرح ....شو منشان العالم عم تحكي بالطائفيه من تحت لتحت على اساس انو هنن مو طائفيين ...ومو ضد حدا ...اصلاً الموضوع كلو غلط بغلط وكل ....
ورساله للسيد زاهي و المعارضه هي الرسائل الموجهه و المبطنه ....بالاحرى هي القنابل الموقوته مو علينا يا معارضه يا وطنيه ....موضوعك هاد بحد ذاتو اثبت انو انت مانك شخص وطني بل شخص طائفي لانك اعتمدت المبدا الطائفي كاساس للتفكير لحتا انتجت هالمعلقه يلي رح تشهد على وطنيتك المزيفه
لحظه شوي ...كتاب باتريك سيل (الاسد وصراع الشرق الاوسط) قراو قبل ما تحكي عنو شكلك مو قارؤو بس حاكينلك عنو...

ان الصفه المميزه لنظام راسماليه الدوله هو دكتاتوريتها

وحزب البعث لعب هذا الدور في سوريه والعراق وفي معظم بلدان العرب وجد شيء مشابه من الدكتاتوريه العسكريه

تسلقت السلطه عن طريق الجيش بدأ من مصر ثم سوريه وتتالت حبات المسبحه

تكرارا

بعد فشل معظم البرجوازيات الوطنيه بالنهوض بالعبء الاجتماعي السياسي الاقتصادي الذي فرضه رحيل المستعمر عن البلاد

فكان لدخول القطاعات الريفيه والمدنيه الفقيره الى الجيش الاثر الاكبر
في التحريض على ما سمي المد القومجي الثوري


وبناء احزاب سياسيه ذات طابع انقلابي منعت وحظرت ممارسه السياسه داخل المجتمع على مدى ما يزيد عن نصف قرن
مدعومه بمد شيوعي اكثر عميا منها واكثر رديكاليه منها

مشكلين تحالفا ضدد اي مد فكري وديمقراطي وملتفين حول عنق الشعب كحبل يشتد عقده مع محاوله للتخلص منه

قد يقول قائل انهم قدمو لهذه البلاد الكثير؟؟؟؟؟؟؟؟؟؟
لكنهم اخذو اكثر بكثير مما قدموه عبر نهب منظم لكافه قطاعات المجتمع

وشكلو طبقه من البيروقراطيه التي اثرت على حساب جيوب منهوبه من الشعب

هذا بشكل عام اما ما نحن بصدده في سوريه فليس مختلفا الا من حيث تشكيله المجتمع السوري عرقيا وطائفيا
وكان لتشكيل البعث والعربي الاشتراكي الاثر الاكبر في دخول الريف الى الحياه السياسيه والجيش

ووصول العلويين الى سده السلطه في الثامن من اذار عم الف وتسعمائه وثلاثه وستون

وهذا لا يعني ابتعاد السنه عن الحكم انما تغير الادوار

دفع بالعلويين الى الواجهه

وحافظ الاسد كونه عسكري فهم انه لن يمكنه حكم سوريه بدون حكم الجيش اذا انه المصدر الوحيد للخطر
لذا كان من الضروري تنظيف الجيش وحشد الطائفه خلفه
بتجييش الفكره الطائفيه حول حمايه رئيس الطائفه كما فعل صدام حسين في العراق
فجعل من الطائفه خزانه الاحتياطي للجيش والامن وحرسه ومقربيه ومنحهم كل التفويض للحفاظ على شكل النظام القائم فنتشر الفساد انتشار النار في الهشيم
وكون الجيش والامن اليد الضاربه للنظام ضضد خصومه وكون هذه اليد في غالبيتها من الطائفه العلويه تشكلت وجه نظر لدى مختلف الشرائح الاجتماعيه بأن الطائفه العلويه مسؤوله عن الفساد وعن القهر الذي تعرض له الشعب السوري


وهنا تكمن الفكره الخاطئه انتهز المعارضون الاسلاميون الفرصه وحشدو حشود الطوائف الاخرى على اساس الطائفيه والكل يعرف ما حدث وكان الرد دمويا بشكل لم يسبق له نظير مما ذاد من تأكيد وجه النظر المغلوطه لدى الطوائف الاخرى بأن النظام طائفي بحت
طبعا انا لا انكر ان هناك بعض الممارسات الطائفيه لبعض مرتزقه هذا النظام

ولكن لو نظرنا بعين من التحليل لعرفنا ان المال هو سيد الموقف

وبتحالف غير معلن بين البيروقراطيه في النظام وبين راسماليه السوق
تم اقتسام البلد بشعبها وخيراتها

اما بما يختص بالعلويين ما بعد حكم بشار او غير بشار لايهم اييا يكن المهم ان تتغير صيغه الحكم وليس الشخص

والعراق مثل على ذالك

فسوريه حوت العراقيين الفارين من مختلف الالوان شيعي ثري سني ثري كردي ثري او من مختلف الطوائف هرب من بلده طلبا للامان


وان حدث في سوريه ما بعد سقوط مفاجئ للنظام فأنه سيكون كما في مختلف الدول التي يتصارع نهبتها على حصصهم اما ما سيكون ذات وجه طائفي حقيقي فهو بظني قليل

المعاناه جامعه لكل الشعب السوري ومن يجعل هذا الشعب يعاني ايضا هو واحد ويعرفه كل الشعب السوري



تحيه الى كل السوريين :deal::deal::deal::deal::deal::deal:من كل الطوائف والقوميات

فلنتحد سويّا كمناضلين نحو الحرية ....

في وجة حزب العمالة والخيانة حزب البعث عدو العرب والانسانية وقائدة الديكتاتور بشار

فلنتحد سويّا كمناضلين نحو الحرية ....

في وجة حزب العمالة والخيانة حزب البعث عدو العرب والانسانية وقائدة الديكتاتور بشار





خسئت بكل ما قلته عن سيدي وقائدي بشار اريد أن أسئلك بماذا تتميز عن جنبلاط وخدام و الحريري أريد ان اقول لك انت لا تملك مبدا ولا اخلاق واريد منك ان تقول لي من اين اتيت بهذه المعلومات الضالة أيها الضال وأخيرا اطلب منك أيها البوشي والشاروني أن تكف عن هذه الإدعاءات القذرة واطلب منكم يا جميع زوار هذا الوقع بالرد على هذا المتصهين :frown:

وهنا تكمن الفكره الخاطئه انتهز المعارضون الاسلاميون الفرصه وحشدو حشود الطوائف الاخرى على اساس الطائفيه والكل يعرف ما حدث وكان الرد دمويا بشكل لم يسبق له نظير مما ذاد من تأكيد وجه النظر المغلوطه لدى الطوائف الاخرى بأن النظام طائفي بحت
طبعا انا لا انكر ان هناك بعض الممارسات الطائفيه لبعض مرتزقه هذا النظام

ولكن لو نظرنا بعين من التحليل لعرفنا ان المال هو سيد الموقف

وبتحالف غير معلن بين البيروقراطيه في النظام وبين راسماليه السوق
تم اقتسام البلد بشعبها وخيراتها

اما بما يختص بالعلويين ما بعد حكم بشار او غير بشار لايهم اييا يكن المهم ان تتغير صيغه الحكم وليس الشخص

والعراق مثل على ذالك


اعتقد أن هذا التحليل الأسلم والأقرب إلى المنطق و الدليل ما نجده من اقتسام السلطة و المنفعة بين أقلية من مختلف الطوائف بينما ترزج الغالبية العظمى للشعب بجميع طوائفه و اديانه تحت نير الاستغلال و انتهاك الحقوق

و أضيف على ما سبق أن ما نجده من سجالات و الاتهامات المتبادلة بين الأطراف المتنازعة على السلطة (و ليس المتنازعة على مصحلة الوطن) هو ميلها لإلقاء التهمة الطائفية على الآخر بينما كلٌ يحاول إلهاب المشاعر الطائفية خلفه و العداء للآخر : فنجد المدافعين عن النظام يرددون : هل تريدون حكم متطرفين دينيين؟ و من جهة أخرى ترد المعارضة الطائفية : العلويين استأسروا بالسلطة
ضمنيا كل طرف يعترف أنه يطلب بالسلطة لنفسه على أساس "المشكلة الطائفية الدينية" للآخر و ليس على أساس إدارة دولة و بناء مجتمع و حضارة

المواطن السوري مواطن سوري مهما كان لونه او عرقه أو أصله أو فصله أو قومتيه أو جنسه أو دينه أو طائفته أو انتماءه السياسي أو الحزبي

يعني هلق كيف زبطت هادي انو الحكم علوي و انو الطائفة العلوية هيي اللي ماسكة الدولة من كبيرها لصغيرها و مبلشة السخ فيهن بدون تقصير؟؟؟؟؟؟؟؟؟؟؟؟؟منين انتو بتجيبوا الافكار الغريبة و التهيؤات تبعتكن؟؟؟؟و كأنو نسيانين انو مرة الرئيس مانها علوية و اغلب السلطة مانها بايد العلويين هاد من ناحية
من ناحية تانية و الله العظيم عيب علينا نحكي بهيك موضوع طائفي لانو كلياتنا عرب سوريين و اذا النظام عم يغلط مو معناتو انو الطائفة العلوية هيي اللي عم تغلط
و تحياتي لكل مواطن بيقول انا سوري بدون النظر الى هكذا فتن

والله يا سيد وسيم الخائن بشار هو علوي ووالدة ووالدتة علويان وهذه حقيقة وزوجتة ملحدة مثل والدها وهذه أيضا حقيقة

لكن السؤال : هل يحكم بشار لأجل علويتة أم يحكم لأجل ايديولوجيتة البعثية الماركسية ؟

الطائفة لا تعني شيئا كثيرا لبشار الا زيادة في أعداد المؤيدين ، البعث وقيادة البعث وموجهي البعث ( داخل وخارج سوريا ) يستغلون الطائفة العلوية لتحقيق مصالحهم الايديولوجية الاستراتيجية وعلى رأسها اسرائيل الكبرى.

ما رأيك؟

وبمناسبة الكلام عن الطائفية فأنا من اليوم طائفي من الدرجة الأولى! ولكن لسوريا وليس للخونة البعثيين و أدواتهم وعملائهم مدفوعي الأجر

لك ياعمي عيشو عيشو . شوفو حياتكن . لك نبسطو . واذا مالقيتو جو بسط . نكشو من تحت الأرض بس نبسطو . شو بدكن بوجعة هلراس مابعرف