-
دخول

عرض كامل الموضوع : حب من طرف واحد

Gilgamish
12/10/2006, 19:13
اهلا وسهلا باعضاء الاخوية ... كيف حالكم
عندى موضوع هون اتمنى الكل يشارك بجدية بليييييز لانو حالة بتمر فينا بحياتنا ...
اوكى
ماذا تفعل عندما تحب شخصا حبا حقيقيا من كل قلبك وتعلمه بذلك لكن هو لايهتم ولايحبك
كيف ستتعامل مع جروح قلبك ؟
اتمنى الاجابة ... باى
Odell
12/10/2006, 22:29
اهلين فيك خيووو.. احسنلك تنساه بكرة بيعيفه قلبك


ولو رجع ما ظنيتك تقبل فيه

خاصة انك بحتله بمشاعرك وهاد بنظري مو شي منيح الا لما تتاكد انه ببادلك المشاعر


اهلين فيك مرة تانية
Lotus
12/10/2006, 23:10
اهلا وسهلا باعضاء الاخوية ... كيف حالكم
عندى موضوع هون اتمنى الكل يشارك بجدية بليييييز لانو حالة بتمر فينا بحياتنا ...
اوكى
ماذا تفعل عندما تحب شخصا حبا حقيقيا من كل قلبك وتعلمه بذلك لكن هو لايهتم ولايحبك
كيف ستتعامل مع جروح قلبك ؟
اتمنى الاجابة ... باى


بتصير كتير ... مو آخر العالم ولا آخر الدنيي... رأيي؟ أنا بأيد Odell برأيه... مشان شو يعني تبئى تحبه وهو مو هون؟ ولإيمتى؟!!! عمرك مو ببلاش يا Gilgamish!!! كبوس Next وشوف حالك!!!! أهلا فيك...
بس يا ريت حطيت موضوعك بالصالون...:D
عيون الفلسطينية
12/10/2006, 23:14
ما بظن هاد الموضوع لازم يكون هون في الخيمه الرمضانيه
يمكن بالصالون احسن
على كل حال بظن انه عشان انا اعترف لواحد اني بحبه لازم اكون متأكده 100% انه بيحبني عشان اتفادى الاحراج
اما ازا صار اللي صار اللي صار ووقعت الفاس بالراس شو الواحد بدو يعمل life will go on
Odell
13/10/2006, 00:39
أنا بأيد Odell برأيه

اي يا ميت اهلا و سهلا بشريكة افكاري :D



كبوس Next وشوف حالك!!!:D

عجبتني هي هههههههههه احسنتي يا فتاة:gem: :king:

بس ياخوف قلببي ضل اكبس next next next next next واااااااااااااااااااع:cry:
Lotus
13/10/2006, 00:48
[/size][/color][/size]

اي يا ميت اهلا و سهلا بشريكة افكاري :D




100 اهلين:D

[/size][/color][/size]

عجبتني هي هههههههههه احسنتي يا فتاة:gem: :king:

بس ياخوف قلببي ضل اكبس next next next next next واااااااااااااااااااع:cry:




لأا وأت بتكبوس Next مرة... رح بتحتاج تترك الكيبورد كله مشان ترتاح!!!:o
LaDyInReD
13/10/2006, 00:55
جملة وحدة بتلخص كل كلامي:

هاد حب عالفاضي..وتضييع للوقت ...:pos:
Gilgamish
13/10/2006, 06:53
شكرا احبائى لمشارتكم عجبتنى كتيير ردودكم واسف لوضع الموضوع فى الخيمة صارت غلطة معى ما انتبهت ... بس يا اخوان قلبى متعلق فيها وهى كاملة الاوصاف خارجيا وصعب شوى نسيانها
وضع حالكن بمكانى ومشكور مرة تانية
Odell
13/10/2006, 07:28
معناتها لا تضغط على قلبك و رووح احكيها مرة تانية


طيب هي شو عذرها انها مابدها ؟؟
امرأة من ورق
13/10/2006, 15:11
انا عندي تعليقين على موضوعك يمكن يكونو قاسيين شوي
اول شي انو طالما هيي مابتحبك برأيي مافي امل بعلاقة او اذا صار علاقة تحت اي ضغط رح تكون فاشلة فاحسن شي تحاول تنساها وتستمر بحياتك

والشي التاني انو بمداخلتك الاخيرة قلت انها كاملة الاوصاف خارجيا...... طيب وداخليا؟؟ حسيت من هي الكملة انو حبك الها مابيتعدى الانجذاب حتى لو انت حاليا حاسو اكتر من هيك وبالتالي رح تنساه باسرع مانك متوقع

مع امنياتنا الك بالتوفيق :D
Gilgamish
13/10/2006, 20:53
شكرا امراءة من ورق عجبنى ردك وهو الحل الوحيد النسيان افضل شى والحياة مخلصت اكيد بس شو بنساوى لا زم نصبر عل الايام وااااااه من الايام :oops::sosweet::hart::hart::hart::hart::hart::hart :
عاشق السلطان
13/10/2006, 21:19
سماع مني احسن بنت بينزعل عليها ساعة مو اكثر
مايا *
14/10/2006, 00:02
سماع مني احسن بنت بينزعل عليها ساعة مو اكثر

:shock: :shock: :shock:
msham
14/10/2006, 14:38
سماع مني احسن بنت بينزعل عليها ساعة مو اكثر
الله يسامحك .... وبعدين مو كل البنات متل بعضن
msham
14/10/2006, 14:40
بالتسبة لموضوع الحب من طرف واحد أحسن شي تقنع حالك بأنك نسيت ويمكن مع الأيام كل شي بيروح بحال سبيله :(
Gilgamish
14/10/2006, 18:18
مشام وكافة الاعضاء شكرا لمروركم ولمشاركتكم معى
Alshami
14/10/2006, 19:52
أولا يجب التأكد من مشاعر الاخر ومن ثم المواجهة:gem:
وثانيا إذا قابل مشاعرك بالاهمال فعليك انت بإهماله أيضا ً;-)
وعلى هذا لايستحق هو ولاجزء يسير من حبك له ويبقى لكل منا وجهة نظره8)
وشكرا على الطرح الجيد:D
sydra
14/10/2006, 20:38
بصراحة اسوء شي انك تعبر لحدا عن اهتمامك وهو متل اللوح ما بيحس بس بكل الاحوال من الافضل انك تبعد لأنو هيك شخص ما بيستحق حبك طالما منو سائل
Gilgamish
14/10/2006, 20:58
right SYDRA
THANX
LiiMoOn
14/10/2006, 21:12
الحب من طرف واحد بأدي الى اتجاه واح وهو ......... الجنوووون:?
Nadoun
15/10/2006, 02:19
هو صعب انك تنحط بهيك موقف ..
و يمكن كمان صعب شوي انك تطلع منه ..بس أحسن شي فينك تعمله هو انك تقتنع انو
ما تكون على علاقة بهي البنت ، احسن ما تكونو على علاقة حب من طرف واحد .
و صدقني موضوع انك تنساها أسهل مما انت مفكر ..
عيش حياتك و نسا الموضوع .. و بكرا بتلاقي وحدة تحبها و تحبك و بتصير تضحك على الأيام الماضية ..:D
فلسطينية الشتات
15/10/2006, 09:43
والله يا شباب وصبايا حطيتوا ايدكم على الجرح
بس اللي ايده في النار مش مثل اللي ايده بمي باردة

بالنسبة الي اني اشعر بالحب هاي بحد ذاتها نعمة

اما الحب من طرف واحد، باعتقادي قمة الألم اللي بتختاره بإرادتك
وفي حال بحثت عن حل والله هداك للنسيان
فما رح تزبط معك
لأنك لو بتحب بجد ومن كل قلبك، بكون العطاء عندك بلا حدود، يعني ما بتستنى مقابل
لكن لحظة الجرح بتكون لما اللي بتعطيه ما بحاول ياخد اللي بتقدمله اياه، وبيتجاهل وجودك

وبرغم هيك، ما بتقدر تحول الحب بداخلك لتجاهل ونسيان ونكران
بالعكس حبه رح يضل موجود لكن الشطارة بتكون لما تعرف كيف تتعايش مع نفسك بوجود حب بلا نهاية، وتقدر توصل لاتفاق بينك وبين نفسك انه هالحب اللي قدمته ما كان خسارة بالإنسان اللي حبيته ولكنه ما بادلك نفس الشعور، لأنه لولا انه هالإنسان كان فعلا مميز ما كنت حبيته وأعطيته اسمى وأحلى شي ممكن ينعطى ""الحب""

بالتالي ما تندم على اللي بروح لكن تعلم كيف توظفه للجاي، وخليه بأعمق أعماقك وسكر عليه بالمفتاح وكبه، ولما تحس حالك بتحن للحب الأول ارجع وشوف شو صار وقارن شو كنت تتمنى بالواقع رح تعرف انه حبك حب من خارج الزمن، حب من عالم وردي لكن الواقع أحبطه.

اخلق من مواجهتك للواقع رؤيا جديدة لحياتك وخد الحلو من الماضي وخليه يكون أمل للمستقبل
اعتقد هيك الدنيا بتمشي، بحلوها وبمرها.

والله لا يطعمكم وتحبوا من طرف واحد، او حتى تحبوا حب بلا نهاية حتى لو كان حب من الطرفين
Lotus
16/10/2006, 21:28
سماع مني احسن بنت بينزعل عليها ساعة مو اكثر

ما حبيتا منك بنوب:jakoush: :jakoush: :jakoush: :jakoush: :aah: :aah: :aah: :aah:
sydra
17/10/2006, 03:10
right SYDRA
THANX
شكرا الك بس المهم انك تبعد لأنو الشخص وقت بيحب بيصير متل الفراشة بيقرب من النار لتدفى بتقوم بتنحرق:pos: