-
دخول

عرض كامل الموضوع : ** خاص بالشوام : شلة شوام ..شاركونا يا بي... **

صفحات : [1] 2 3 4 5 6 7 8 9 10 11 12 13 14 15 16 17 18 19 20 21 22 23 24
prof711
11/10/2006, 19:13
السلام عليكن ....

**** فرمــــــــــــان ****

باسمي أنا الزعيم أبو النور زعيم حارة الشوام و باسم عضوات الحارة و سكانها
برحب فيكون كلكن بحارتنا و بئلكون كل عام و أنتو بألف ألف خير إلهي....
و بعلن ما يلي :

1- بالســ10ــاعة بالليل من تاريخ 10/10/2006 تم تأسيس شلة شوام الأصلية وذلك
بوجود كل من العضوات المؤسسين وهم :
زعيم الحارة Prof711
عكيد الحارة SchwarzerTuefel
مخرز الحارة DevilMayCry
ابن عريبي FreeBird

2- توزع المهام على الأعضاء الرئيسيين السابق ذكرهم حسب الفرمان الفرعي رقم 1/ف

3- توزع المهام على الأعضاء الجدد و ذلك بحسب رجوليتهم و زكرتاويتهم التي يظهرونها

4- يفتح باب الإنتساب للشلة من الشوام حصراً اعتباراً من تاريخ سريان هذا الفرمان و يتم مناقشة
ذلك بين عضوات الحارة و الزعيم و كل من العضوات الجدد ذوي المراجل و يتم الانتساب إلى شلتنا
عن طريق إرسال الطلب شيتك إلى العكيد أبو عماد SchwarzerTuefel عن طريق
المضافــــــة...(رسالة برايفيت - خاصة)

5- إن شلة حارتنا شلة زكرتاوية بدون التعدي على الشلل الأخرى (طبعاً إلا إذن هنن بلشوا )

6- يقبل عضوات من الجنس اللطيف وذلك بمجلس عضوات الحريم (مسترين هه.. )

والسلام يارجال..

هذا و يعتبر هذا القرار سارياً من تاريخ 11/10/2006 وذلك حصراً يلمسائلة الكانونية...

الزعيم أبو النور
زعيم شلة الشوام
SchwarzerTeufel
11/10/2006, 19:25
السلام عليكن

تحياتي زعييييم

أنا العكيد ابو عماد بعلن بدء قبول طلبات الانتساب لشلة شوام بناء على فرمان الزعيم أبو النور
يعني حاشكان حدا بدو يصير عضو عنا بالحارة يبعتلي عالخصوصي
شو بدو يبعتلي ياحزركن؟؟؟؟؟؟؟؟؟؟
بيبعتلي شوية شغلات عنو
يعني اصلو وفصلو وشغلتو واهتماماتو وما شابه زلك

على فكرة هلأ مفتوح باب تعيين عضوات الحارة ها
ايوا
اب حمرا
12/10/2006, 02:27
مخرز الحارة DevilMayCry


ههههههههههههههههههههههه

هلئ هاد المخرز هيهيهيهيهيهيهيهيهيهي

طولو شبرين وزنو 6 رطال
هيهيهيهيهيهي
بعدين هاد مو شامي
هاد عار عل الشوام
انا شوبدو يعرفني انوانتو مو متعديين عل شام متل هل مخرز الحارة DevilMayCry
SchwarzerTeufel
12/10/2006, 14:56
باااااااااطل
هي مي حلوة منك ابضاي
ال شو بيعرفني انكن شوام ال
شو هالحكي يابي
مو عييييييب
Alshami
12/10/2006, 15:02
أحلى شلة شوام وأحلى أعضوات:king:
على راسي
انا خادم للأوادم من الراس للمئادم:sosweet:
prof711
12/10/2006, 20:51
أهلين و سهلين بالحبيب....
شرف عالمضافة....

يا أبو عمــــــأد .....تعا قوم بالواجب يا بي....
أهلين و سهلين بهالقامة و بهالعين....قبضاي.
abosleman
12/10/2006, 21:15
انشاالله السلام عليكن ورحمه الله وبركاتو
اخي الكريم هدا الفرمان قبل مايطلع لازم تستشيرو العالم الموجوده هون
وطبعا لازم تتفقوا مع الزعيم اسير التشرد معلمنا الكبير هون
زعيم شله اخويه غروب الديمقراطيه
prof711
12/10/2006, 21:35
أول باشتان ...
وعليكن السلام و رحمة الله و بركاتو..
تاني باشتان :
شو السبب لحتا نستشير زعيمك و لا زعيمون ولا مين ماكان قبضاي ؟؟؟
شو مو معبيين عينك ...؟
ولا شلون ؟؟؟؟ لأني بعرفك معدل و ابن أصول !!! ولا شلون قبضاي؟؟
على كلٍ أهلا وسهلا فيك و بكل عضوات أخوية غروب....
وعلى راسي الأخوية كلا لأجلك .....
abosleman
12/10/2006, 21:45
على راسي قبضاي
والسبع تنعام منكن
بس القصد قبضاي انو هون لما بدك تعمل شله
لازم تشوف باقي الشلل الموجوده هون
بشان تتعرفو على بعض وتشوفو سياستكن بتمشي هون بالاخويه
وطبعا قبضاي بشان تتفقوا على طريقه التعامل بين بعضكن
والله محيي اصلك
prof711
12/10/2006, 21:58
لك انت بتأمر أمر قبضاي...
بس شوف ...حشكان مشان التعارف فأنا ما بحب أرمي حالي عالعالم ....
خوش كل العالم خير وبركة بس في عالم ..والعياذ بالله .... مابتسوى...منوب منوب
وحاشاك تكون منون لأنك معدل و أبضاي...بقى ياريت حشكان بدنا نتعارف ...
منتعارف عن طرقك انت ...لأنو فيك الخير و البركة....مو هيك أبضاي...؟؟؟ و لا أنا غلطان...؟؟

ونحنا منتعرف بمعيتك و معية الشباب الطيبة شرواك بالخير....
ودمتم...
Lotus
12/10/2006, 22:40
حلو كتير... بس يعني شو نشاطات هالشلة؟:? يعني ورجونا برنامجكن الانتخابي مشان نشترك:D
SchwarzerTeufel
12/10/2006, 22:56
أحلى شلة شوام وأحلى أعضوات:king:

على راسي

انا خادم للأوادم من الراس للمئادم:sosweet:

لك ياميت اهلين وسهلين بهالآمة والعين
عراسي ياأبضاي
اخي الكريم حاشكان عجبتك هالشغلة شيتنا وحابب تصير واحد منا
فأهلين وسهلين ومنحطك عالراس والعين
وياريت تتفضل عالمضافة (عالخصوصي يعني)
والله حيو الابضايات كلا
SchwarzerTeufel
12/10/2006, 23:02
حلو كتير... بس يعني شو نشاطات هالشلة؟:? يعني ورجونا برنامجكن الانتخابي مشان نشترك:D

اهلين وسهلين ست لوتس

مشان النشاطات والبرنامج وما شابه زلك
بركي الزعيم أبو النور بينزل بيان بهالشي قريبا

واهلين فيكي بحارتنا
Lotus
12/10/2006, 23:13
اهلين وسهلين ست لوتس

مشان النشاطات والبرنامج وما شابه زلك
بركي الزعيم أبو النور بينزل بيان بهالشي قريبا

واهلين فيكي بحارتنا

أهلا فيك:D معكن أنا:D :D ناطرة بيانكن:lol:
Abu Guzef
13/10/2006, 20:51
مبروك للشلة الجديدة المنشقة من شلة مافيا
KILLER011
13/10/2006, 21:03
يااخي ابو الموت لالالالالالالالالالا

لازم نبارك اليهم وندعليهم هو ماخانا بس انشق او انسحب

الله يوفقك



MAFIA
Abu Guzef
13/10/2006, 21:07
لك أنا مو أبو الموت أنا الموت الأسود
SchwarzerTeufel
14/10/2006, 03:25
اخي الكريم كيلر
انشالله الله يبارك فيك ويوفقنا وويفقك

واخي الكريم بلاك ديث
كمان الله يبارك فيك
بس شو مشان حاسك عم تتمألس وكأنو مو عاجبينك يابي؟؟؟؟؟
prof711
14/10/2006, 03:37
صغيرة عكيد.... صغيرة
شنو بلاك ديث صاحبنا من ايام زمان...
من أيام الكمبيوترات... والهاردات...
و بعدين قبضاي أهلين و سهلين بكل قبضاي و زكرتاوي بيفوت لعنا...
ومنحطوا على الراس..

و شرفتوا أخواتي بيتكون و مطرحكون ...
و أمانة أي شي بدكون ياه ...(معاونة على حدا - فزعة - اللي هو....) جاهزين و الروح بترخصلكون لأنو أنتو بتمونوا عالرقبة ....لكان ...!!
اللي بيشوفك بعين ...شوفو بالتنتين...!!!!

و دمتم...
الحالمة
14/10/2006, 14:28
يا أضاوات
ونحنا المساكين إلي على باب الله ما النا مكان بينكن

والله نحنا زكرتيه ومنعجبكن

عم استنا الرد
:x:x:x:x:x:x:x:x:x:x:x:x
KILLER011
14/10/2006, 16:00
شو حالمة شايفكبدك تنضمي الهم


وشو

المافيا
انسيتينا
طلبتي منا ندور اليك على مطرح
SchwarzerTeufel
14/10/2006, 16:42
اهلين وسهلين بالحالمة خانم
والله عراسي انتي واهل السويدا كلن
بس شوفت عينك الشلة اسما شلة شوام
يعني امانة لا تزعلي منا بس هيك قانون الشلة

على كلٍ اهلين فيكي بحارتنا وصديقة للشلة اذا ما عندك مانع
الحالمة
14/10/2006, 17:04
شو حالمة شايفكبدك تنضمي الهم


وشو

المافيا
انسيتينا
طلبتي منا ندور اليك على مطرح

لا:yahoo::yahoo::yahoo::yahoo::yahoo::yahoo::yah oo: والله كنت عم حركش بس

ما إلي غنى عن المافيا
وعم استن:adal::adal::adal::adal::adal::adal:ا
اب حمرا
14/10/2006, 17:45
سللام للأوادم كيف الرجال
مسطول على طول
14/10/2006, 18:20
لك شوهاد انقلاب ؟ لك موخايفين من البعث ولا من موهاترات :lol:

لك على راسي حارتكون:gem:

احلى شوام والله :D :D

الله يستركم من الحماصنه :yahoo:
SchwarzerTeufel
14/10/2006, 18:42
اهلين وسهلين بالرجال
الله حيو مسطول واب حمرا
Abu Guzef
15/10/2006, 00:50
مرحبا شبيبة
أنا زعلان من سشوارزر
ابو الموت
15/10/2006, 15:25
طول بالك زعيم ....
SchwarzerTeufel
15/10/2006, 16:40
مرحبا شبيبة
أنا زعلان من سشوارزر

له له
الله لا يجيب زعل
ليش زعلان مني؟؟؟
Abu Guzef
15/10/2006, 16:46
لا لا مافي شي بس شلون هيك بتحكي أنو عم أتمألس أنا بدي نساوي إتفاقية دفاعية هجومية بيناتنا
مسطول على طول
15/10/2006, 21:07
اهلين وسهلين بالرجال
الله حيو مسطول واب حمرا

اهلين وسهلين الله محي اصلك خالي

احلى شله وعلى راسي الابضايات :gem:
مسطول على طول
15/10/2006, 21:12
لا لا مافي شي بس شلون هيك بتحكي أنو عم أتمألس أنا بدي نساوي إتفاقية دفاعية هجومية بيناتنا

كيف يعني ابوشريك يعني في خناقات :gem:


ولاشلون :humm:
Abu Guzef
16/10/2006, 00:46
مرحبا شباب شو الأوضاع عندكون
Abu Guzef
16/10/2006, 00:48
كيف يعني ابوشريك يعني في خناقات :gem:


ولاشلون :humm:
لك لا مافي شي
FreeBird
16/10/2006, 00:49
سلام عالرجال كلن واحلى تحية مني لكل ابضاي موجود انا ابن عريبي وبقلكن انا بديت بالصلاة عالنبي وان شاء الله لح بيضة معكم يااهل حارتي وتشوفو الابضايات عن جد
prof711
16/10/2006, 01:04
أهلين فيك يا ابن عريبي...
اجيت بوقتك ...
حول لعند العكيد أبو عماد عالمضافة مشان يفهمك الأمور كلها...

وهي فرمان مني أنا زعيم شلة الشوام :

بعد السلام عليكن يا أبضايات..

انا زعيم حارة شوام بالأخوية بعلن أنو ابن عريبي و الملقب أبو حمزة وصل عالحارة ...
و شو ما بيلزمكن من فوتات وطلعات (علقات و خناقات, فزعات وإلى آخره ....) فهي
ابن عريبي صار جاهز...

و ببلغكون أني لح الحقكون بفرمان لاحق عن نشاطات الشلة بس برجع بأكد أنو :

هاللي بدو ينتسب للشلة هي العكيد أبو عماد هون وحاضر إيمت مابدكون (بالخدامة..)
ويا ريت تبعتو له....

وسلام للرجال ....ودمتم...
FreeBird
16/10/2006, 01:22
ابن عريبي لاحلى زعيم وعقيد
معلم كلشي صار عندي ومن هلى استلمت وانا قد الحمل
وكل الصبايا يلحي حابين يشتركو لح ابعت المعلومات عنهم
ملاحظة : اي صبية حابة تنتسب فيها تبعت المعلومات عالخصوصي لام
ابن عريبي
adel
16/10/2006, 01:57
شووو يابي لساتكون ولاد امبارح أي ماحلّكون تعملو زعامات :o
وفرمانات كمان روح عمو رووووح درمل من هون أنتي ويّاه :adal:
SchwarzerTeufel
16/10/2006, 14:08
شووو يابي لساتكون ولاد امبارح أي ماحلّكون تعملو زعامات :o
وفرمانات كمان روح عمو رووووح درمل من هون أنتي ويّاه :adal:
وينك حبيبي
حاشكان ما عجبناك بسمحلك تحمل حالك وتطلع من الحارة
شنو ماحدا مطّر عليك وعلى فوتك
ماشي الحال؟؟

ابقى خلينا نشتقلك
SchwarzerTeufel
16/10/2006, 14:13
ابن عريبي لاحلى زعيم وعقيد
معلم كلشي صار عندي ومن هلى استلمت وانا قد الحمل
وكل الصبايا يلحي حابين يشتركو لح ابعت المعلومات عنهم
ملاحظة : اي صبية حابة تنتسب فيها تبعت المعلومات عالخصوصي لام
ابن عريبي
أهلين وسهلين بابن عريبي

بس من أولها كلمتين احسن من عشرة عالشجرة
شو مشانك فاييت بقوة وطاحش علينا يابي
حبيبي كل واحد بدو ينضملنا بيعتلي عالخصوصي لعندي
ولا شو رأيك تلبسلي طربوشي؟؟؟؟؟؟؟؟؟؟؟؟؟؟؟؟؟؟؟؟
Abu Guzef
16/10/2006, 15:14
مرحبا شبيبة والله كنت بالسقيفة عم نفض غبرة قلنا لنسلم عليهون بطريقنا
SchwarzerTeufel
16/10/2006, 15:52
لك الله حياك عمي بلاك ديث
اهلين فيك بحارتنا

هات واحد شاي لعمك بلاك ديث ياولد
Abu Guzef
16/10/2006, 16:04
تسلم عكيد:hashish:
adel
16/10/2006, 22:44
وينك حبيبي
حاشكان ما عجبناك بسمحلك تحمل حالك وتطلع من الحارة
شنو ماحدا مطّر عليك وعلى فوتك
ماشي الحال؟؟

ابقى خلينا نشتقلك
حاشكان :lol: شو هي كمان بأني قاموس شايفا :shock:
بعدين أنت عم تألّعني :aah: الظاهر مالك عرفان أنا مين
سحاب شبريتك لشوف :willi:
SchwarzerTeufel
17/10/2006, 15:18
حاشكان :lol: شو هي كمان بأني قاموس شايفا :shock:
بعدين أنت عم تألّعني :aah: الظاهر مالك عرفان أنا مين
سحاب شبريتك لشوف :willi:
لأ وينك
خوفتني كتير ليكني عم دورلي على شي جيبة شي داخوشة اتخبى فيا
عمو الله يرضى عليك تاخد خمسة وتروح تلعب بعيد؟
Abu Guzef
17/10/2006, 15:21
شو في حدا عم يزعجك عكيد
SchwarzerTeufel
17/10/2006, 15:34
زغيرة ملعم بلاك
Abu Guzef
17/10/2006, 15:37
هلا بالحبيب شو مشان ال.....:hashish:
SchwarzerTeufel
17/10/2006, 15:42
السلام عليكن يا رجال

**فرمان**
بإسم الزعيم أبو النور واسم أعضاء شلة شوام
بحب رحب بالعضو الجديد علي هواري والملقب أبو عصام
وتعيينه في مجلس عضوات الحارة
Abu Guzef
17/10/2006, 15:44
اللهم زد وبارك صارو أكتر من المافيا ههه
عم أمزح :hashish: