-
دخول

عرض كامل الموضوع : كل عام و انت بخير أبو النسيم

SABE
10/10/2006, 23:40
بعرف إنو هون مو التشريفات , بس هون كان أفضل قسم عند أبو النسيم و رفاقه , و من هون حبيت عيد شب من الصعب إنو يطلع من الذاكرة بهالسهولة ..

كل عام و انت بخير, و إنشالله يا رب عيد الجاي تكون معنا و عمتقرا معنا و نعيد سوا ...

بعتزر من المشرفين المسؤليين عن المنبر الحر, و بتمنا يضل الموضوع هون , و إذا بدكون تنقلوه , خلوه هون بس كام يوم .. مشان نتذكر إنو وقت في كتير عالم عمتعيد أعياد ميلاددها مع أهلها و رفقاتها و على رقص و غني .. في عالم وحدو الله بيعرف شو عميعملو بعيد ميلادهون .. و ما منعرف إذا بالأساس متذكر عيد ميلادو ..

شباب .. ما رح ننساكون :cry:
Reemi
11/10/2006, 00:45
:cry: :pos: :cry:
abosleman
11/10/2006, 00:48
انشاالله بيرجع بالسلامه
انشاالله ينعاد عليه بالخير والصحه
ويكون بين اهلو واحبابو واصحابو
Gazita
11/10/2006, 01:18
:cry: :cry: :cry: :cry:
sezar
11/10/2006, 04:14
لا تعليق :cry:
chefadi
11/10/2006, 05:47
يعني مافينا نقول غير انو الله يحميون للشباب
و نقلون متل مابيقول زياد : مع الاسف انتو الحطب تبع نار الحرية بس لابد ماتجي بالاخير هي اللي بيسموها حرية
امرأة من ورق
11/10/2006, 06:25
:cry: :cry: :cry:
وهي وردة لابو النسيم وياريت لو فينا نوصلو اياها :D
Majood
11/10/2006, 10:46
هلأ الشباب بيكونو مخمرين الخبز البايت وعاملين منو عرق و عم يحتفلو ......
الأنسان حتى بأصعب الظروف بحاول يوجد طرق ليسلي و يبسط حالو شوي .... و ممكن حتى يحتفل بهيك مناسبات بطرق خاصة .......
الحرية للجميع
toocoolfriend
11/10/2006, 12:36
الله يفك أسرك يا ابو النسيم وكل عام وانت حر
يمكن ما لازم نغنيلو هابي بيرث داي لازم نغنيلو اذا الشعب يوما أراد الحياة
سجناء الحرية متل ابو النسيم بخلوني حس ايام انو جنبلاط معو كتير حق ببعض الأشيا
Reemi
11/10/2006, 12:49
انو جنبلاط معو كتير حق ببعض الأشيا

:shock: :shock: :?
butterfly
11/10/2006, 12:54
الله يحميون ... كلون :cry: :cry:
ويقوي أهاليون ... :D

قلت له لا تخاف اتطلع
شوف الشمس اللي راح تطلع
واتطلع عالغابة وشاف
أمواج الحرية بتلمع
toocoolfriend
11/10/2006, 13:12
:shock: :shock: :?
"حتى الساعة المعطلة يمكنها ان تعطي الوقت الصحيح مرة في النهار"
Barleb
11/10/2006, 13:35
عقبال الحرية ..و عـقبال ما تنعاد عليه .. عليه و عـ الشعب المقموع كلو ..
Danito
12/10/2006, 15:56
:cry: :cry: :cry: :cry: :cry:
krimbow
18/10/2006, 19:10
الحمدلله على نعمة الالحاد
الحمد للعقل على نعمة الله

اما بعد

صديقي دياب، بعد ايام، يختفي قمر رمضان، و يهل عيد الفطر (السعيد) على جميع البلدان

اذكر اننا، و طارق معنا، قد اتفقنا في الفطر الماضي على ان نعايد بعضنا على سبيل "البروتوكول"، على اساس انو "كل شي ببلاش كتر منو"

مبارك مبارك

صديقي دياب
قد طال الغياب
و رحل السنونو عن سمانا
فرادا و اسراب
رحل إلى سماوات اخرى
فبقاء محلق في سنانا
مصيره الوأد في سرداب

اخباري؟
عايشين، و الحمد لهم، كالذباب
آكل كالدواب
أغب كالطين، حتى اسكر من خمر الجباب
و احسد نفسي على نعمة
انت تعرفها ... فأنت محروم منها
نعمتي اني استطيع ان افتح و ان اغلق الباب

ادعيلي ايها الكافر الكريم
فدعوى المظلوم ستلقى الجواب
ألا يزورني احد من الشباب
و ألا يوجه بحقي
اي تهمة تتعلق بالارهاب
و ان يبقي على نعمتي رب الارباب

صديقي الحزين
اتراك ترد المعايدة
في عيد .. اي عيد
حتى لو كان عيد الاحزاب؟
ام ان الحانة ستبقى خاوية
حتى اشعار اخر
او حتى موعد محكمة اخرى
من جميع الاتراب؟

تخيل صديقي!
هناك نعمة احسدك عليها
اعرفها جيدا ... فأنا محروم منها
فحيث تسكن في ذاك الجوف
لا تعرفون معنى الخوف
تخيل انك سبيت ابوه رامي مخلوف
ماذا سيفعلون؟ سيسجنوك؟
انت اصلا تسكن في قبو مسقوف

صديقي دياب
قد طال الغياب
و لكنني
و على الرغم من مللي
من انتظار غودو
ما زلت انتظر
كأب ينتظر مولودو
كمؤمن ينتظر يومه المشهود
كإله
متربص بمعبوده
و يؤجل
بكفر
يومه الموعود

فلا اخفيك سرا
ما زلت بالانتظار
لاسمع منك الاخبار
لاقرأ معك
ما كتب حسامنا من اشعار

ما زلت يا دياب
انتظر يوم الاياب
انتظر لقاء الاحباب
انتظر عودة السنونو
ليشق بجناحيه العباب


و في الختام.... عتاب
Nostalgia
18/10/2006, 22:07
اخباري؟
عايشين، و الحمد لهم، كالذباب
آكل كالدواب
أغب كالطين، حتى اسكر من خمر الجباب
و احسد نفسي على نعمة
انت تعرفها ... فأنت محروم منها
نعمتي اني استطيع ان افتح و ان اغلق الباب



أرفعُ القبعة .. :cry:
butterfly
19/10/2006, 00:39
من زمان ... ما قريت رد أكتر من خمس مرات ورا بعض ... كالعادة كريم رائعة ... بلومك أنك ما عم تكتب ... بحس فيا بخل ... مع أنك بتعرف شو التأثير اللي كلماتك بتحدثو بكتيرين منا ... الله ( تبعي ) يحميك يا رب
سرسورة
19/10/2006, 00:54
انت رائع كريم....رائع بمشاعرك و انسانيتك و حتى بحزنك الواضح بسطورك......
ما بعرف شو بدي قول...بس:D :D
Danito
19/10/2006, 10:21
كل عام و أنتو بخير
أعاده الله علينا بالخير و اليمن و البركات و الحرية

الله يبلينا نحنا و هالوطن الجريح بمصيبة الحرية و انشالله ما بتنقام عن قلبنا خلينا نقدر نعمة الديكتاتورية بعد فوات الأوان
krimbow
19/10/2006, 11:05
كل عام و أنتو بخير
أعاده الله علينا بالخير و اليمن و البركات و الحرية

الله يبلينا نحنا و هالوطن الجريح بمصيبة الحرية و انشالله ما بتنقام عن قلبنا خلينا نقدر نعمة الديكتاتورية بعد فوات الأوان
وافقت

آمين
BL@CK
10/10/2007, 01:20
بيلزم Up هون ..

كل عام و أبو النسيم و كل شباب الأخوية المعتقلين بألف خير ..

منتمنا سنة الجاية نشوفكون بيناتنا ..

:akh:
Reemi
10/10/2007, 01:29
ان شاء الله السننه الجاي تقدر ترد عهالموضوع :D
Syrian Gay
10/10/2007, 01:30
كل عام وانت بخير يا ابو النسيم :cry:

الله يكون معك وتطلع من محنتك انت وكل شباب المعتقلين

وكمان كريم يللي عيدك هديك السنة .. وما سلمت معو :cry:

وما حدا عرفان الدور على مين ..


:D
سرسورة
10/10/2007, 02:28
كنا منتمنى انو السنة نقول كل عام وانت بخير...ويجي ابو النسيم يرد علينا.....
حتى كريم مانو قدران يجي يعايدو معنا......
كل سنة وانت سالم ابو النسيم...وكل سنة وانتو سالمين يا شباب....
انشالله تكون صواتنا عم توصلكون....انشالله السنة اللي جاي بتكونو هون لتردو علينا....تردو علينا هون....
الله يحميكون ويكون معكون ويرد عنكون كل شر:D
phoenixbird
10/10/2007, 07:30
عالهامش ابو النسيم مين ؟ ما عرفته
كريم عرفته
بكل الاحوال عيد مبارك الكون ولاهاليكون
ليندا
10/10/2007, 07:49
كل سنه وهن سالمين وكل سنه وهن احرار
:D
sweetbaby
10/10/2007, 07:52
شو بدي قلك دياب....
بقلبي في حكي ومل من اعادة الحكي
حاسة انك بتعرف كل شي رح قلك ياه...
كل سنة وانت بخير
:cry::cry::cry::cry::cry:

الله يطالعك ونشوفك بيناتنا عن قريب يارب


انشالله نشوف كريم اللي عيدك هديك السنة بيناتنا
بدي شوفكن كلكن اشتقتلكن كتيير

:cry::cry::cry:

الله يكون معكون:D
brave heart2
10/10/2007, 09:33
;كل عام وهنة بخير

وبينضاف للقافلة اسم كريم

يلي علق على الموضوع سنة الماضية

انشالله سنة الجاي يطلع حدا ... ما يلتحلق بالقافلة حدا

خلص الاكلام
BL@CK
10/10/2007, 09:50
عالهامش ابو النسيم مين ؟ ما عرفته
كريم عرفته
بكل الاحوال عيد مبارك الكون ولاهاليكون

كنان بعرفك أزكا و أزوء من هيك من وين جبت كل هالفصحنة .. :lol:

أدامك واحد عم يتعايد و ما بتعرفو إما ما بتعايدوه و و ما بتروح بتدور ع مشاركاتو

أو ما بتعايدو و بتروح بتحبش ع مشاركاتو

أو بتعايدو زوئاً و بتروح بتبحبش ع مشاركتو متل ما أنا سويت

يعني الحلول واضحة من وين طلعت بهل الحل الرابع و فوتت أهالينا عم نعايد عالزلمة هون

عـ كل حال فوت هون

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
Majood
10/10/2007, 14:14
مرت سنة ... و حتمر سنوااااااااات .... و كل سنة حدا يرفع الموضوع من جديد ....
بتمنى انك تكون بخير .... بتمنى تكون تأقلمت مع وضعك الجديد ....

كل سنة و كل شهر و كل يوم و ساعة و انت بخير ....






سنرجع .... خبرني العندليب ....
phoenixbird
10/10/2007, 16:01
عفوا بس عنجد اول مرة كنت بسمع باسمه بعدين طمن قلبك لقيت مشاركاته

وبحبشت عليهون
Nirvana
10/10/2007, 19:00
كل سنة وانت حر ..
الحب الازرق
10/10/2007, 22:34
كل عام والجميع بخير
ونتمنى الحرية لكل الشباب
:sick::sick:
romadiz
12/10/2007, 00:05
كل عام وانت بخير يا ابو النسيم
Gazita
12/10/2007, 01:14
:cry: :cry: :cry: :cry:
:cry::cry::cry: