واحدة من أكبر عمليات الفساد المنظم في سورية [الأرشيـــــف]

عرض كامل الموضوع : واحدة من أكبر عمليات الفساد المنظم في سورية

Zahi

09/10/2006, 00:41

كشفت وزارة الاقتصاد من خلال الرقابة الميدانية، ومن خلال عمليات الجرد السنوية على مستودعات المؤسسة العامة الاستهلاكية،كشفت عن وجود واحدة من أكبر قضايا الفساد الاقتصادي التي طالت الوزارة مؤخراً، حيث استطاعت لجان الرقابة الكشف عن وجود عدم تطابق بين عدد القسائم التموينية، وبين الكميات الموجود والمستهلكة من تلك المواد، الأمر الذي أدى إلى نشوء شكوك حول عمليات توزيع المخصصات التموينية.

تطورت تلك الشكوك إثر الاستمرار في التحقيقات الميدانية، والكشف على مستودعات، وتدقيق حسابات المؤسسة العامة الاستهلاكية، وكانت النتيجة مذهلة، فقد كشف عن سرقة ما يقارب 108 ألف دفتر خاص بالقسائم التموينية من مديرية تموين دمشق خلال السنوات العشر الأخيرة، وقد قدرت قيمة المواد التموينية لهذه الدفاتر بـ18 مليار ليرة سورية، وعلى إثر هذه النتائج تم إيقاف ما يقارب الـ40 موظفاً معظمهم رؤساء مراكز.

عشر سنوات والاقتصاد يسرق بطريقة منظمة، وبعلم أو بدون علم الجهات المعنية، والفساد يمارس على قوت الشعب دون رقيب عليه، فهل سينال هؤلاء الفاسدون قصاصهم؟ وقد قامت الحكومة الآن بتعقيد أمور المواطنين عند أخذ مخصصاتهم من المواد التموينية بأن بدأت تطلب منهم دفاتر العائلة والهويات الشخصية علما أن السرقات تمت في المستودعات، ولم تتم في كوات التوزيع أبداً.

من ناحية أخرى يجب أن لا تعطي هذه القضية أي ذريعة للتيارات الليبرالية في الاقتصاد السوري للعزف على وتر إلغاء الدعم، فالمشكلة ليست في الدعم بمقدار ما هي في إدارته، والدفاع عن إلغائه ليس منطقياً أبداً وخاصة في ظل الظروف السياسية والاقتصادية التي تحيط بسورية.

قاسيون

jazz_music

09/10/2006, 01:56

صح النوم ..

بدي اكفر شوي و دخن حمرا و اشرب قهوة مرة و اسمع تصبحون على وطن و قول:

اننا محكومون بالأمل

Zahi

10/10/2006, 02:18

شوقصدك ( بدي اكفر شوي ) ؟؟؟ تكفر بشو ، لما قدصك ( تفكر ) ؟

لأ صديقي اننا محكومون بالعمل وبالاقتناع بحتمية التغيير وازالة الطغاة المجرمين الذين يحكموننا بكفرهم وديكتاتوريتهم و لصوصيتهم وجرائمهم التي لا تعد ولا تحصى : حزب البعث.

jazz_music

11/10/2006, 01:35

xena

11/10/2006, 04:31

لك اييييييييييه
فانييييييييييي

COSTA

11/10/2006, 04:40

لك اييييييييييه
فانييييييييييي

ما حبيتها هي فانييييييييييي

سوريا بضل قوية غصب عن الكل ........... واكيد بشعبها مو بحكامها

ويللي فاني هو المنتفعين

وعلى فكرة هنن يعتبرو من يللي دخلو التاريخ

بس من مزبلتو:lol: :o :clap:

xena

11/10/2006, 04:51

ما حبيتها هي فانييييييييييي

سوريا بضل قوية غصب عن الكل ........... واكيد بشعبها مو بحكامها

ويللي فاني هو المنتفعين

وعلى فكرة هنن يعتبرو من يللي دخلو التاريخ

بس من مزبلتو:lol: :o :clap:
هيهي عجبتني هي مزبلتو
اي شو بدنا نصلح لنصلح , أكلنا فساد عن عمرنا بهالكم سنة(30 سنة هههه)
سيدي ما علينا , بتضل بلدنا شو بدنا نساوي

scobee_83

11/10/2006, 05:08

الشام و سوريا باصلها و عراقتها
بنخوة رجالها و الحب المغروس فيهم لارض سوريا بالفطرة

و مشان قضية الفساد من هلأ و بكر بتقول سكوبي قال
في متل بينطبق على الحكومات العربية و اي فضيحة بتصير فيه
دود الخل منه و فيه
لو تبعات الرقابة مو قابضين ما كانو استشرفو بعد 10 سنين

Zahi

13/10/2006, 18:04

أصدقائي...

شكرا لكم و لردودكم الرائعة

نحن ننشر وننقل أخبار بلدنا سوريا حتى نكون على اطلاع على شئ ( ولو بسيط ) مما فعلة المجرمين الخونة البعثيين ورئيسهم الغير شرعي بشار.

المطلوب منا كسوريين جميعا أن نتكتل ونعمل لأسقاط هذا النظام الجائر الظالم ، كل منا في موقعة ، والا فالنظام ساقط بغير أيدينا.

والخيار للسوريين

xena

13/10/2006, 19:10

Zahi

13/10/2006, 21:58

مزبوط اخت زينا

لهيك قلت الخيار بايدينا ، اما نحني بنحول بلدنا لواحة ديمقراطية وامثولة للعالم ، أو البديل هو التغيير من بره!

وباقي القصة عندك

بتمنى منك التواصل عيوني

jazz_music

14/10/2006, 23:19

سوريا يا حبيبتي لعنت لي كرامتي .

leoprad

15/10/2006, 00:23

سوريا يا حبيبتي لعنت لي كرامتي .
مانك حافظ الكلمات صح

Zahi

16/10/2006, 23:29

له له له يا سكوبي 84 ليش الغلط هيك قلنا مليون مرة عيب الشتائم عيب

حبيبي نحنا بنحكي منشان سوريا هل ارض النقية وهل شعب الصابر المجاهد

الفساد يلي بتحكيلنا عنو هو مشكلتنا نريد أن نتخلص من الفساد من يلي جابلنا الفساد وعلى راسهم المجرمين الغير شرعيين الحاكمين لسوريا هلأ

تمام صاحبي وحبيبي؟ وبتمنى منك التواصل وتوصيل فكرتك من دون مسبات وشتائم

COSTA

28/11/2006, 18:54

سوريا هي البلد الوحيدة يلي وقفت شوكة بحنك اليهود و الاسرائيليين

اذا بتريد الشعب السوري هو يللي وقف
لانو لما بتقول سوريا بتنحسب علينا انو سوريا الاسد
وانا برفض سوريا الاسد توقف

علماني

04/12/2006, 17:31

مرحبا شباب أكثر من35سنة وهم يسرقون موضة قديمةولكن عندما تتكلم يقولون لك بأنك عميل للامبريالية هاهاها
لاشئ جديد من يجرؤ أن يحتج أو يخرج بمظاهرة يرسلونه وراء الشمس

Zahi

30/06/2007, 23:56

عزيزي الفوضوي

هذه حجة الضعفاء قصة ( عميل للامبريالية ) لأن النظام وزبانيتة وأدواتة ليس لديهم أي شئ يدافعون به عن أنفسهم سوى الشتائم و اتهام الآخرين بالعمالة من دون دليل واقعي.

شكرا لتواصلك الدائم

was616im

01/07/2007, 00:14

دائما السرقة و الاختلاس موجودين و بكل مكان بالعالم مو بس عنا بسورية ولا لانو الحاكم من بيت الاسد و بعثي صار بالنسبة الكن انو الفساد موجود بس عنا؟؟؟؟؟؟
انا ماني عم قول انو هالشي سليم و انو الاختلاس مسموح بالعكس هاد من الاخطاء المدمرة للبلد و كل بلد مو بس سورية ولازم كل موظف يبلش من حالو وما يرتشي و يختلس
اي شو كمان تعوا قولولي انو الرئيس بدو يشتغل مراقب تمويني كمان لحتى يمنع هالاشياء......اي تخنت كتييييررررر

Zahi

12/07/2007, 02:46

والله يا وسيم قلتلك نحنا مشكلتنا بسوريا مو بأي بلد آخر وما حدا قال أنو الفساد بس عنا!

بس الفساد بسوريا هو فساد منظم من قبل عصابة من اللصوص والمجرمين بقيادة الخائن بشار وحزبو وعائلتو!

يا ريت يا أخ وسيم تدافع عن سوريا بدل ما تدافع عن مجموعة من السرسرية!

was616im

12/07/2007, 12:26

حبيبي عارض وناضل بشكل معقول و مقبول بيقبلو العقل و المنطق ساعتها لكل حادث حديث

فوضوي

12/07/2007, 16:43

دائما السرقة و الاختلاس موجودين و بكل مكان بالعالم مو بس عنا بسورية
مظبوط بس عنا باليونان لما بتصير سرقة بينحكى عنها بكل الجرائد و بتطلع مظاهرات و بينقص عدد المصوتين للحزب الحاكم
ولازم كل موظف يبلش من حالو وما يرتشي و يختلس
هادا غير كافي هاي مثاليي
الموظف الصغير الله يعينو بياخد بخشيش منشان ما يجوع
بس المشكلي بوجود الرؤوس الفاسدي الكبيري يلي مستندي على فسادها بالحماي يلي بوفرها النظام الديكتاتوري
لهيك أنا بشوف أنو الحل للقضاء على الفساد هو القضاء على الديكتاتوريي
اي شو كمان تعوا قولولي انو الرئيس بدو يشتغل مراقب تمويني كمان لحتى يمنع هالاشياء
لأ بس بما أنو الرئيس ديكتاتور فهوي مسؤول عن كل فساد بهالبلد

was616im

12/07/2007, 18:00

مظبوط بس عنا باليونان لما بتصير سرقة بينحكى عنها بكل الجرائد و بتطلع مظاهرات و بينقص عدد المصوتين للحزب الحاكم

هادا غير كافي هاي مثاليي
الموظف الصغير الله يعينو بياخد بخشيش منشان ما يجوع
بس المشكلي بوجود الرؤوس الفاسدي الكبيري يلي مستندي على فسادها بالحماي يلي بوفرها النظام الديكتاتوري
لهيك أنا بشوف أنو الحل للقضاء على الفساد هو القضاء على الديكتاتوريي

لأ بس بما أنو الرئيس ديكتاتور فهوي مسؤول عن كل فساد بهالبلد
حبيبي الهيئة انك مانك عرفان انو عم تصير هيك شغلات عنا كمان صحي مو كتير بس بلشو وهذه بشائر خير و تفاؤل فيك تنكر هالشي؟؟؟
بعدين منرجع لموضوع الخيار و الفقوس يا أما حاسب الكل يعني الكل يا أما ما بيطلعلك تحكي على حد ابدا
مو تقعد تقلي هاد فقير معلش

فوضوي

12/07/2007, 20:39

حبيبي الهيئة انك مانك عرفان انو عم تصير هيك شغلات عنا كمان صحي مو كتير بس بلشو وهذه بشائر خير و تفاؤل فيك تنكر هالشي؟؟؟

قصدك محاكمة الفاسدين أنا معك في فاسدين عم بيتحاكمو و ينشالوا من مناصبهم
بس ما بكفي لأنو عم بروح فاسد و يجي فاسد غيره يعني متل بعضو
و برجع و بقول لا يمكن القضاء على الفساد دون القضاء على الديكتاتوريي
بعدين منرجع لموضوع الخيار و الفقوس يا أما حاسب الكل يعني الكل يا أما ما بيطلعلك تحكي على حد ابدا
مو تقعد تقلي هاد فقير معلش
أنا ما عم بقلك هادا فقير معليش
بس عطو معاشات متل العالم و حطو أسعار منطقيي منشان ما يضطر الموظف لينزل حالو و ياخد بخشيش

was616im

12/07/2007, 22:10

قصدك محاكمة الفاسدين أنا معك في فاسدين عم بيتحاكمو و ينشالوا من مناصبهم
بس ما بكفي لأنو عم بروح فاسد و يجي فاسد غيره يعني متل بعضو
و برجع و بقول لا يمكن القضاء على الفساد دون القضاء على الديكتاتوريي

أنا ما عم بقلك هادا فقير معليش
بس عطو معاشات متل العالم و حطو أسعار منطقيي منشان ما يضطر الموظف لينزل حالو و ياخد بخشيش
ما بعرف ليش انت مصر على انو تسميه بخشيش مو رشوة؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟والله حيرتني معك:?

صياد الطيور

12/07/2007, 22:58

بكل بلدان العالم بدون استثناء في رشاوي و فاسدين .... بس بنسب متفاوتة

dot

12/07/2007, 23:57

اي وشو الحل طيب..

فوضوي

13/07/2007, 19:14

بكل بلدان العالم بدون استثناء في رشاوي و فاسدين .... بس بنسب متفاوتة
برجع و بقول مظبوط هالحكي بس بدي إرجع قول أنو عنا باليونان وقت بينسرق شي بينحكى عنو بكل الجرايد و بتصير مظاهرات
و رح إحكي لما انسرق الخزان التأميني عنا باليونان طلعت مظاهرتين بأثينا و مظاهرتين بتثالونيك و مظاهرتين بباترا
اي وشو الحل طيب..

القضاء على الديكتاتوريي

was616im

13/07/2007, 20:25

القضاء على الديكتاتوريي[/quote]

ليك يا عزيزي فوضوي انا كوني موالي للرئيس اذا كان قصدك انو القضاء عالرئيس بشار بازاحته من الحكم و انو ينحط واحد غيرو فما بتوقع انو حدا عندو مانع اذا كان هالشخص احسن من بشار بس للاسف اللي بدو يجي انا متأكد انو بالاول رح ينتقم من كل الموالين للرئيس الاسد و بعدين يفكر بغير اشياء يعني ما منكون استفدنا شي غير انو شلنا ديكتاتور(متل ما انت بتسميه) و جبنا ديكتاتور تاني همه الاول الانتقام
فأفضل انو هالنظام هاد يحسن من علاقتو بالناس و يحسن من وضع البلد قدر المستطاع لحتى اذا اجى حدا غير بشار و استلم الرئاسة مو يقضيها انتقامات و انقلابات و من هاد الحكي

فوضوي

14/07/2007, 17:27

اذا كان قصدك انو القضاء عالرئيس بشار بازاحته من الحكم
لأ يا أخي ما هاد هوي الهدف
انو ينحط واحد غيرو فما بتوقع انو حدا عندو مانع اذا كان هالشخص احسن من بشار
يا أخي ما القضيي يروح بشار و يجي بشار تاني
القضيي بنظام الحكم يصير ديموقراطي
بس للاسف اللي بدو يجي انا متأكد انو بالاول رح ينتقم من كل الموالين للرئيس الاسد
لأ يا أخي
هلأ إذا إجى بانقلاب أنا معك رح يكون ديكتاتور أكتر من بشار الأسدو رح يسجن أنصارو
منشان هيك أنا ضد الحل العسكري
خيو أنا بدي حريي و أنا ما بعتقد تغيير شخص رح يجيب حريي
لهيك أنا بشوف الحل بالمؤتمر الوطني العام و هاد الحل نحنا بتجمع اليسار الماركسي طارحينو
و أنا شخصيا بشوف أنو الشعب لازم يثور ليجبر السلطة تفتح مؤتمر وطني عام
فأفضل انو هالنظام هاد يحسن من علاقتو بالناس و يحسن من وضع البلد
لو بدون يحسنوا الوضع بيفتحوا المؤتمر الوطني العام

was616im

14/07/2007, 18:35

لأ يا أخي ما هاد هوي الهدف

يا أخي ما القضيي يروح بشار و يجي بشار تاني
القضيي بنظام الحكم يصير ديموقراطي

لأ يا أخي
هلأ إذا إجى بانقلاب أنا معك رح يكون ديكتاتور أكتر من بشار الأسدو رح يسجن أنصارو
منشان هيك أنا ضد الحل العسكري
خيو أنا بدي حريي و أنا ما بعتقد تغيير شخص رح يجيب حريي
لهيك أنا بشوف الحل بالمؤتمر الوطني العام و هاد الحل نحنا بتجمع اليسار الماركسي طارحينو
و أنا شخصيا بشوف أنو الشعب لازم يثور ليجبر السلطة تفتح مؤتمر وطني عام

لو بدون يحسنوا الوضع بيفتحوا المؤتمر الوطني العام
هلق انت عيني و بيفهم الواحد عليك شو بدك
يا سيدي الله وايدكن لحتى يتم هالمؤتمر الوطني العام
المهم عندي و عند كل السوريين انو تتحسن سورية و تتقدم بس بدون خسائر و مشاكل بالبلد

فوضوي

14/07/2007, 20:09

يا سيدي الله وايدكن لحتى يتم هالمؤتمر الوطني العام
منيح معناتها اتفقنا على أهم شغلي بالنسبي إلي

was616im

14/07/2007, 20:48

منيح معناتها اتفقنا على أهم شغلي بالنسبي إلي
المهم شي ما يأئر عالموضع بسورية نحو الاسوء وبلا انقلابات و هيك حركات

فوضوي

16/07/2007, 19:49

وبلا انقلابات و هيك حركات
يا عيني أنا أكتر واحد ضد الانقلابات العسكريي
و الحكم بسوريا استبدادي لأنو وصل حافظ الأسد على الحكم عن طريق انقلاب عسكري

was616im

16/07/2007, 19:55

يا عيني أنا أكتر واحد ضد الانقلابات العسكريي
و الحكم بسوريا استبدادي لأنو وصل حافظ الأسد على الحكم عن طريق انقلاب عسكري
يا رجل الزلمي مات و لسى لاحقو:shock::shock::shock: يعني وقت اللي كان طيب ما سلم و هلق بعد ما صار الو 7 سنين متوفي كمان ما خلص منكن:shock::shock::shock::shock::shock::shock: :shock::shock::shock::shock:

فوضوي

17/07/2007, 16:10

يا رجل الزلمي مات و لسى لاحقو
مات ما يعني نسينا جرائمو
يعني وقت اللي كان طيب ما سلم و هلق بعد ما صار الو 7 سنين متوفي كمان ما خلص منكن
لما كان عايش ما خلا حدا بهالبلد يسلم من استبدادو

Zahi

22/07/2007, 01:14

لاحظوا شباب على الأخ وسيم يحمل العقلية الديكتاتورية تماما مثل سيدة الخائن بشار!

وسيم بيك...

لما بدنا ( نعين )!!! رئيس ما رح يكون رئيس ديكتاتوري! يعني رح تعينوا صناديق الاقتراع! هاد أولا ..

ثانيا مو لازم يفتعل مجزرة ( مثل حافظ وبشار ) لأستتباب الأمر له!

أرجوك تتخلى عن العقلية الديكتاتورية المتخلفة التي لقّمك اياها مجموعة الفساد والافساد عصابة البعث لحتى يكون الك مكان في سوريا المستقبل

syriennnnnn

21/11/2007, 13:33

al moshkelh hee alsoltah al dectatoreh oa al moshchkelh al akbar hee klab al soltah