كيف ننقد- محاولة لنقد أخوية بموضوعية [الأرشيـــــف]

butterfly

07/10/2006, 08:52

مسا الخير يا جماعة ...
قبل ما أبدا موضوعي .. حابة أحكي .. شوي عن كيف منقيم عمل .. ؟
اليوم بعد أي مخيم أو لقاء كنت أطلعو .. منعمل جلسة تقييم..
شو منقيم .. التقييم هوي سرد وقائع صارت وتحديد نقاط القوة لتنميتها .. ونقاط الضعف لنتلافاها ...
يعني يجي واحد يقول هاللقاء فاشل ونقطة يسكت .. هادا مانو تقييم .. هادا نق ..والنق ما بيبني عمل ... بل عالعكس بيحبط الأشخاص اللي عم تشتغل وأخطر شي أنو معدي .. يعني أنا بقول فاشل ...بينطو عشرة بيقولو أي فاشل ...( هادا بعلم النفس أسمو أيحاء جماعي ) طيب ليش فاشل؟ وين فاشل ؟؟ وعلى أي مقياس ؟؟
أول الشي إذا كل واحد حاطط تصور عن العمل وهدف على كيفو أكيد ما رح نقدر نقيم ...
يعني المتوقع أخوية منتدى مسيحي ... أكيد رح يحكم عليا اليوم أنو فشلت
المتوقع أخوية منتدى للمثقفين ... للملحدين لأيا تصنيف كان ... أكيد رح يحكم عليا أنو فشلت
بس ما ذنب أخوية ... الذنب من الأصل أنو هدف أخوية ما واضح ببالنا ..
أخوية مانا ال bbc أخوية منتدى ونقطة وبلا عالسطر كمان ...
شو الهدف .. أنو أخوية يعبر عن المجتمع السوري .. وأنو هالأشخاص تستفاد وتستمتع ..
هلق بما أنو الأشخاص بالمجتمع السوري كتير كتير مختلفين ( وهادا مصدر غنى ) لهيك رح نشوف كل الاختلافات .. ولازم هالأختلافات تطورنا ... اللي عم يدور على ناس بتشبهو... في كتير منتديات عالنت هيك ... للجماعات المتشابهة ... بس على ما أظن أخوية مو واحد منون ...
هلق من الأخطاء اللي منوقع فيا .. أنو في بعض الأشخاص بيرفضو التغيير ... بيحبو يضلو متل ما هني .. ( مراهق ما بيحب ينضج مثلاً ) لهيك أي تغيير بأخوية رح يلقى النقد .. لأنو ما بيشبه النسخة القديمة .. ومن سنة لهلق وأنا بأخوية والترحم عأيام زمان لازال مستمرا ً ... وطيب شو عم تعملو أنتو ؟؟ عم تنطرو شمس الحضارة العربية تشرق من جديد ؟؟
أي تقييم ما بيطرح حلول أواقتراحات على الأقل ..بيكون تقييم بيهد ما بيبني وبيخليني شك أنو الشخص قلبو عأخوية ... يمكن أفهما أنو عم ينق ليصير مشرف أو ليبين بأخوية .. ليزيد مشاركاتو ...

عم نتهم المواضيع السخيفة ... بصراحة مقابل كل موضوع سخيف في موضوعين نق بخصوصو ...
وتحية للكل ... ورح أبدا أنا أعطي رأيي باللي عم يصير ... مشان ما حدا يتهمني أني شايفة الوضع وردي أو منحازة .. او .....

Nirvana

07/10/2006, 10:43

يا ريت بترفلاي تنقديلي هالكم مثال على مواضيع ومشاركات حطوها وطولت كلها اهانة وعنصرية وعدم احترام:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// طبعا الموضوع حلو شوفي كيف نزعو... عيب هالردود.. لانو بتوقع الكل عارف انو في مشتركين اردنيين ما رح يحبو يشوفو هالشي بينكتب على بلدهم ... عيب كتير..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ما عندي مشكلة يناقش، بس ما حط ولا معلومة تاريخية .. همو بس كان يطلع العرب شحادين ومدري شو .

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// واللينك هو الوحيد اللي لقيتو عن المواضيع اللي كانت في المنبر وتحديدا موضوع روما .. لانو صار فيو سب وتخبيص لرب السما .

السخافة بقدر اتحملها .. والملل في المنتدى بقدر اتحملو .. لانو انا كمان بكون سطحية ومملة بوقت من الأوقات .. وما عم بدعي أي شي وأنا مو احسن من اي حدا بالمنتدى .. بس الاهانة لأ ما بقدر اتحملها.

وشكرا .

Willi

07/10/2006, 10:53

butterfly

07/10/2006, 11:04

بغض النظر عن المواضيع اللي عم أأقراها ... أنا فرحانة أنو موضوعي خلاني شوفك عم تكتبي
لأنو اشتقتلك ما بحب رفاق الكفاح ;-) يتخلو بنص الطريق :D

Nirvana

07/10/2006, 11:28

نيرفانا, الاهانات موجودة على مين ما كان.
بس انت وقت بتشوفي موضوع او رد فيه اهانة. فيكي بكل بساطة تبعتي تقرير عن مشاركة عاطلة.
هيك المشرف تبع القسم بشوف الرد وبيحذفو.
وانا متأكد لو شايفون ما رح يتركون.

كمثال انا شخصيا هلق لشفتون.

لما قلتي انو بدك تتركي عرفت انو السبب هو الحكي على الاردن.
بس عدم المؤاخزة انت اللي سمحتي للاعضاء يتمادو بهالشي.
يعني العالم عملو الحكومة السورية شريفة مكة. والباقي كلون غدارين. وانت كنتي عم تأيديهون بهالشي. حتى فكرو حالون شو ما حكو كلامون صح.

ويلي يا ويلي .. اذا انا قلت انو الموقف السوري الخارجي مشرف (بغض النظر جزء من مخطط أو لا) .. والموقف الخارجي للدول العربية التانية لا .. هالحكي ما بيعني انو سبو وهينوا الأردن والسعودية والجزائر .. الخ.
لانو انا في عز دين المشاكل لما كانت علقانة بين السوريين والسعوديين ما كنت راضية عن السب اللي صار حتى السب اللي على السعودية مع اني ضد الموقف الخارجي السعودي ..

اذا انا ما بدي احكي واقع لاني بخاف انو حدا يحكي علي .. خليني لكان ضلني برا اخوية احسن ..
أنا بدي احكي راي بجو من الاحترام ..
يمكن اتخانق معك برأي .. بموضوع .. برد ، بس ما بسب بلدك ولا دينك ولا أهلك ولا بوجه لشخصك الشتيمة والاهانة..

ما بعرف اذا فهمتني .. بس اذا حكيت رايي بموقف هالشي ما بيسمحلهم يعملو هيك ..

وعفكرا يمكن انت ما بتعرف هالشي .. بس الخلاف الفلسطيني الاردني موجود على ارض الواقع في الاردن وفلسطين للاسف (كراهية عمياء) وانا ما بأيد هالشي بالعكس بشمئز منو .

butterfly

07/10/2006, 11:29

بغض النظر عن المواضيع اللي عم أأقراها ... أنا فرحانة أنو موضوعي خلاني شوفك عم تكتبي
لأنو اشتقتلك ما بحب رفاق الكفاح ;-) يتخلو بنص الطريق :D
رجعت
نيرفانا ...
أول شي بخصوص الأهانات الأردن أكيد غالية عليكي ... وأنا كنيستي مثلا غالية عليي ... لو جبنا هندي رح يمكن تكون البقرة غالية عليو ... المشكلة انو المقدسات لايمكن حصرا ... بالنسبة للبعض أسامة بن لادن هوي مقدس ...
هلق أكيد الوطن والمعتقد ... أشيا المفروض أنو ما ينمس فيا .. بس هالشي صعب ضبطو وخاصة بمنتدى كبير ...
اليوم أنا بالكلية بسمع مية تعليق ما بيعجبني وبالشارع وبكل محل ... اخوية انعكاس للمجتمع وممكن كتير يصير فيها أخطاء مانا مدينة افلاطون الفاضلة ...
لهلق بأخوية على ماأذكر اتهمت بالهرطقة ( من مسيحيين ) وبالكفر .. وبالتعصب وبالمياعة والتفاهة و... ولشخصي ... نيرفانا بصراحة ... أي بدك تطنشي ... لأنو الناس ما كلا بتحكي بطريقة مدروسة .. إذا الرد حسيتيو كتير فيو تهجم .. بعتي تقرير مشاركة عاطلة .. يا أختي برايفت للمشرف ... للحكيم ...
أخر موضوع المسبات انحذف ...
نيرفانا أنت بعيون الكل أكبر من تجريح كام شخص معروفين بالنسبة لألنا شو .. :D

Nirvana

07/10/2006, 11:31

بغض النظر عن المواضيع اللي عم أأقراها ... أنا فرحانة أنو موضوعي خلاني شوفك عم تكتبي
لأنو اشتقتلك ما بحب رفاق الكفاح ;-) يتخلو بنص الطريق :D

شكرا الك .. انا حبيت وضح موقفي .. ولقيت موضوعك مناسب .. متل ما عودتينا .

Nirvana

07/10/2006, 11:33

نيرفانا أنت بعيون الكل أكبر من تجريح كام شخص معروفين بالنسبة لألنا شو .. :D

مشكورة جدا .. وكلامك بعتز فيو كتير ..

butterfly

07/10/2006, 11:46

مشكورة جدا .. وكلامك بعتز فيو كتير ..
أنا ما بدي تتشكريني ..... بصراحة أنا ماعم أقدر أفهم موقفك ... أنت من الأشخاص اللي لازم يواجهو ما ينسحبو ...
:? أنا بمدح فكرك ... مو شطارة مني .. اعترافا بالواقع .. بس انسحابك ما حبيتو وهادا رأيي وبتمنى أنك تتقبليو ...
خير لك أن تشعل شمعة من أن تلعن الظلام

محمد ابراهيم

07/10/2006, 12:00

خير لك أن تشعل شمعة من أن تلعن الظلام
ولماذا لا العن الظلام بينما اشعل الشمعه
الاثنان معا يشعرو الانسان بالقوه

Willi

07/10/2006, 12:01

اي بس ما رح تستفيد شي من لعن الظلام

butterfly

07/10/2006, 12:12

اي بس ما رح تستفيد شي من لعن الظلام
تماما ً ... لازم حدد هدفي ... إذا هدفي أني أحصل على قوة أي ألعن لترتاح .. بس إذا هدفي أنو أحصل على نور ما في غير اني أشعل شمعة

Government

07/10/2006, 12:14

انا الشي الوحيد المهم عندي انو ماتصير أخوية منتدى خليجي مواضيعو بايخة وأعضاء تافهين وبايخين :pos:

Nirvana

07/10/2006, 12:32

أنا ما بدي تتشكريني ..... بصراحة أنا ماعم أقدر أفهم موقفك ... أنت من الأشخاص اللي لازم يواجهو ما ينسحبو ...
:? أنا بمدح فكرك ... مو شطارة مني .. اعترافا بالواقع .. بس انسحابك ما حبيتو وهادا رأيي وبتمنى أنك تتقبليو ...
خير لك أن تشعل شمعة من أن تلعن الظلام

هالشي مو بس بتقبلو وكمان بنبسط منو ..

انا عم انسحب من الأخوية مو من الحياة .. أنا بدي اشعل شمعة وبمكانها المناسب كمان وهالشي ولا يمكن اتخلى عنو لانو هدف من اهدافي بالحياة ..
أخوية كانت عم تاخد من وقتي كتير .. ووبساطة صارلي أكتر من تلات أشهر عم حاول وحاول وحاول ابلع الكره الموجود والعنصرية واحاول التقي مع العالم بنص الطريق .. وانسبينا ونحكا حكي ما بينحكى (ما بعرف اذا بتتزكري ) وتسبب الي بمشاكل كتيرة وهاي عم بسبو بلدي بآخرها ..
انا ممكن اشعل شمعة تضوي بس هون العالم عم تحاول اتطفي الشمع .. يا ريت بس لو يتركو هالشمع بحالو (ما بدي يشعلو ولا شي .. بس هالشمع المضوي بلا ما يطفو ) ..

وعفكرا لاحظت ردود ومواقف من ناس كنت بحترمهم كتير هون (وما بدي اذكر اسماء) بصراحة احبطتني وخلتني حس انو ما في فايدة ..

butterfly

07/10/2006, 12:58

هالشي مو بس بتقبلو وكمان بنبسط منو ..

انا عم انسحب من الأخوية مو من الحياة .. أنا بدي اشعل شمعة وبمكانها المناسب كمان وهالشي ولا يمكن اتخلى عنو لانو هدف من اهدافي بالحياة ..
أخوية كانت عم تاخد من وقتي كتير .. ووبساطة صارلي أكتر من تلات أشهر عم حاول وحاول وحاول ابلع الكره الموجود والعنصرية واحاول التقي مع العالم بنص الطريق .. وانسبينا ونحكا حكي ما بينحكى (ما بعرف اذا بتتزكري ) وتسبب الي بمشاكل كتيرة وهاي عم بسبو بلدي بآخرها ..
انا ممكن اشعل شمعة تضوي بس هون العالم عم تحاول اتطفي الشمع .. يا ريت بس لو يتركو هالشمع بحالو (ما بدي يشعلو ولا شي .. بس هالشمع المضوي بلا ما يطفو ) ..

وعفكرا لاحظت ردود ومواقف من ناس كنت بحترمهم كتير هون (وما بدي اذكر اسماء) بصراحة احبطتني وخلتني حس انو ما في فايدة ..
بحترم قرارك رغم انو ما فهمتو لهلق ... انصدمتي بناس ... طبيعي الحياة أكتر من الصدمات مافي ... في ناس ما بتحترم الاختلاف والرأي الأخر ... كمان هادا كتير طبيعي أخوية هي مجتمع واقعي لأبعد درجة :D
أعيدي النظر وجودك معنا إغناء لكثيرين .. أنا منهم

Nirvana

07/10/2006, 13:06

بحترم قرارك رغم انو ما فهمتو لهلق ... انصدمتي بناس ... طبيعي الحياة أكتر من الصدمات مافي ... في ناس ما بتحترم الاختلاف والرأي الأخر ... كمان هادا كتير طبيعي أخوية هي مجتمع واقعي لأبعد درجة :D
أعيدي النظر وجودك معنا إغناء لكثيرين .. أنا منهم

انا بتشكر اهتمامك كتير ...

وبس بحب نوه انو الناس الأعضاء اللي انصدمت بردودهم ومواقفهم مو قصدي هون بهالموضوع .. قصدي بمواضيع تانية مختلفة في الاخوية ..
وانا انصدمت فيهم لاني كنت مفكرة انهم أصحاب موقف وفكر منفتح وبعدين شفت ازدواجية بمواقفهم .. وهالشي ما بعرف اتعامل معو ..

butterfly

07/10/2006, 13:08

انا بتشكر اهتمامك كتير ...

وبس بحب نوه انو الناس الأعضاء اللي انصدمت بردودهم ومواقفهم مو قصدي هون بهالموضوع .. قصدي بمواضيع تانية مختلفة في الاخوية ..
وانا انصدمت فيهم لاني كنت مفكرة انهم أصحاب موقف وفكر منفتح وبعدين شفت ازدواجية بمواقفهم .. وهالشي ما بعرف اتعامل معو ..
:? اكيد مو هون ... هون ما في غير أنا وأنت ( وويلي ومحمد هدول فراطة :yahoo: )
وعكل يمكن يعلموك هالناس تتعاملي مع الاذدواجية ..
رح ضل نق ... لتقولي رجعت
:?

امرأة من ورق

07/10/2006, 13:25

وعكل يمكن يعلموك هالناس تتعاملي مع الاذدواجية ..
رح ضل نق ... لتقولي رجعت
:?

ميمو بتسمحيلي نق معك
عن جد نيرفانا انت وحدة من الشخصيات القليلة اللي كتير حبيتها بالاخوية وبحس انو بستفيد وبنبسط بس اقرا اي شي من كتاباتك لهي بتمنى تضلي معنا وماتتركينا :D
ومتل ماقالتلك ميمو انو يمكن اذا بتضلي هون رح تتعلمي تتعاملي مع الازدواجية لانو اكيد هي من الاشياء اللي مع كل ازعاجها بس موجودة حوالينا بكل مكان ومو بس بالاخوية
خليكي معنا ولما بتشوفي اي شئ بيدايقك قاتلي ضدو او اذا حسيتي انو الشخص مو مستاهل حتى تقاتلي ضدو فيكي تنطيشه او تبعتي تقرير عن مشاركة عاطلة...... بس عن جد لاتتركينا :cry:

وسؤال برا الموضوع ازدواجية او اذدواجية؟؟:?

butterfly

07/10/2006, 13:29

ميمو بتسمحيلي نق معك
عن جد نيرفانا انت وحدة من الشخصيات القليلة اللي كتير حبيتها بالاخوية وبحس انو بستفيد وبنبسط بس اقرا اي شي من كتاباتك لهي بتمنى تضلي معنا وماتتركينا :D
ومتل ماقالتلك ميمو انو يمكن اذا بتضلي هون رح تتعلمي تتعاملي مع الازدواجية لانو اكيد هي من الاشياء اللي مع كل ازعاجها بس موجودة حوالينا بكل مكان ومو بس بالاخوية
خليكي معنا ولما بتشوفي اي شئ بيدايقك قاتلي ضدو او اذا حسيتي انو الشخص مو مستاهل حتى تقاتلي ضدو فيكي تنطيشه او تبعتي تقرير عن مشاركة عاطلة...... بس عن جد لاتتركينا :cry:

وسؤال برا الموضوع ازدواجية او اذدواجية؟؟:?
هلا هلا هلا ....
أي ها ...
صديقتي ... هية ازدواجية ;-)
عطيني رأيك بالموضوع ؟؟
هي نيرفانا خربتلي الموضوع صار الكل بدو يفوت يطالب بعودتا :jakoush:
( عم أمزح ... :lol: )

بخصوص أخوية . ... يا جماعة أخوية أغنتني ... وقت بقرا نيرفانا بغنى ...لك توقيعا لمجود خلق فيي كتير تساؤلات ... التقارب العجيب مع أمرأة الورق كتير عنالي وحسسني اني مو كائن مريخي ... لاوديسا .. مارو 18 ... ري مي ... ريمي وطبعا قارضة الكتب سرسورة ... ( بس بنات ...في تفوق أنثوي رهيب :yahoo: )

ِAbu Alzooz

07/10/2006, 13:47

امرأة من ورق

07/10/2006, 13:49

هلا هلا هلا ....
أي ها ...
صديقتي ... هية ازدواجية ;-)
عطيني رأيك بالموضوع ؟؟
هي نيرفانا خربتلي الموضوع صار الكل بدو يفوت يطالب بعودتا :jakoush:
( عم أمزح ... :lol: )

بخصوص أخوية . ... يا جماعة أخوية أغنتني ... وقت بقرا نيرفانا بغنى ...لك توقيعا لمجود خلق فيي كتير تساؤلات ... التقارب العجيب مع أمرأة الورق كتير عنالي وحسسني اني مو كائن مريخي ... لاوديسا .. مارو 18 ... ري مي ... ريمي وطبعا قارضة الكتب سرسورة ... ( بس بنات ...في تفوق أنثوي رهيب :yahoo: )

اي صح بنرجع لموضوع الاخوية :lol:
ياميمو مابعرف شو بدي قلك بفوت عالمنبر الحر........ عم يكون فيه ركود بتمنى شوف موضوع جديد يفتح النفس عالنقاش..... اغلب المواضيع محطوطة ومقصود منها انو الواحد يفوت ويبلش يسب على كاتب الموضوع او على اللي مكتوب عنو...... يعني نادر ماشوف شي موضوع محطوط فعلا كرمال يصير فيه نقاش
بفوت عالصالون اغلبو مواضيع مكررة بحرفيتها او بمحتواها الغير حرفي...... بشوف بالصدفة شي موضوع حلو بتحمس وبكتب فيه بتفاجأ بعدين انو في اشخاص عندون هوس تكتير المشاركات وبفوتو شي بيكتبو شعر ضمن الموضوع وشي بيدخلو بتشكرو حدا (من الجنس الاخر غالبا) وشي بيتغزلو بحدا من المشاركين (كمان من الجنس الاخر ) بيكون الموضوع انقلب لغزل وحب:sosweet: واحاديث جانبية
بفوت عالمكتبة.....رووووووووووعة بس ماعم ينزلو معي الكتب:jakoush: ....... حاسة في مؤامرة ضدي:cry:

عموما هي المحلات اللي بحبها اكتر شي بالاخوية واللي بحس اني ممكن استفيد منها والمشاكل اللي عم شوفها فيها

هلأ بنجي للحلول
حاولت اني صلح الجو بطريقة خلط المزح بالجد احيانا على امل انو يلاحظو اصحاب العلاقة انو تخنوها بدون مااجرحون بس مامشي الحال واخدينها طناااااااااش لانو المهم تكتر المشاركات
حاولت اجرح عالخفيف بيكون طلع كذا واحد قاتلوني وصارو يجاكرو فيي بانو الموضوع روووووووووووعة مع انو هني يمكن بيكونو مقتنعين اكتر مني انو الموضوع مثلا مو بمحلو او .... او..... المهم بيكونو حاسين انو الموضوع فيه شي غلط بس بيصيرو ضدي لانو انا جرحت احساس اللي خالف قانون الاخوية

هي احساسي من الاخوية بشكل عام وهي الافكار اللي طلعت ببالي كرمال اني حاول زبط شي بس كلها مامشي حالها...... بكل الاحوال انا مايأست من الاخوية :D

butterfly

07/10/2006, 13:50

خيتي بتيرفيلت بدك تنقتي بموضوعية
سؤال بس
أنا يمكن مو من جماعة المنبر
بس هلق فيكي تفوتي على الصالون أو أخبار الفنانين
بدون ما يصير معك جلطة و إنخفاض توتر ضغط شرياني
و إنخفاض نسبة الأنسولين بالدم و إنخفاض ghو adh
و التيروكسين
بعيد الشرعنك بس هي أعراض الفوتي على الصالون
أنا بس بدي علق على قصة الخناق بين السورريين و السعوديين
أنو هي نحن ما بلشنا بالخناقة و إحترمنا كل العالم
بس أنو حدا يقرب علينا بدو يندم
قسمين بأخوية فيون مشاكل ؟؟؟
:? ياااااااخ شو هالأزمة الرهيبة في أزمة بقسم الصالون ... حطو اقتراحاتكون وحطوا بالبريد
أما الفن ... هدول فنانين اليوم ... لهيك القسم يعبر عن الواقع

أما بخصوص السعودية وسوريا واللي بيندم ومدري شو بعتذر ما بفوت مهاترات :D

butterfly

07/10/2006, 13:58

اي صح بنرجع لموضوع الاخوية :lol:
ما انحرم من هالضحكة يا رب .

ياميمو مابعرف شو بدي قلك بفوت عالمنبر الحر........ عم يكون فيه ركود بتمنى شوف موضوع جديد يفتح النفس عالنقاش..... اغلب المواضيع محطوطة ومقصود منها انو الواحد يفوت ويبلش يسب على كاتب الموضوع او على اللي مكتوب عنو...... يعني نادر ماشوف شي موضوع محطوط فعلا كرمال يصير فيه نقاش

بتعرفي الركودة مننا ... بتعرفي الأسماء اللي ذكرتا ... ضيفي عليا الشباب اللي بخاف أذكرأساميون لأنسى حدا ... نحنا رواد المنبر ما عم نكتب ؟؟؟ من وين بدا تجي المواضيع ؟؟ من السما :? باقي الله هي بس ما عملا ... ;-)

بفوت عالصالون اغلبو مواضيع مكررة بحرفيتها او بمحتواها الغير حرفي...... بشوف بالصدفة شي موضوع حلو بتحمس وبكتب فيه بتفاجأ بعدين انو في اشخاص عندون هوس تكتيير المشاركات وبفوتو شي بيكتبو شعر ضمن الموضوع وشي بيدخلو بتشكرو حدا (من الجنس الاخر غالبا) وشي بيتغزلو بحدا من المشاركين (كمان من الجنس الاخر ) بيكون الموضوع انقلب لغزل وحب:sosweet:
الحب أزمة الصالون ... الصالون فعلا لا يداس لازم يكون في حزم أكتر بالتعامل مع المواضيع المكررة من قبل الأشراف بداية اتفقنا على شي ...أنو الصالون في مشكلة ...
شو الحل ؟؟؟ ما ضروري نحنا ننفزو منقدر نوصلو ونرفعو للقوى العليا ... ما حدا يقلي ما بيردو علينا أنا عني لسى ما جربت وبصراحة انا شخص علمي يؤمن بالتجربة أكتر من النظريات

بفوت عالمكتبة.....رووووووووووعة بس ماعم ينزلو معي الكتب:jakoush: ....... حاسة في مؤامرة ضدي:cry:
:? :? :? يا أختي لهلق ما فهمت شو عم يصير معك ؟ أنت وابو سليمان ... هداك كمان ما عم ينزلو معو وقلي عأيا روابط ... جيت انا نزلتون نزلو معي
وبخصوص المكتبة والشعر برأيي ماشيين متل الساعة

لأ بنجي للحلول
حاولت اني صلح الجو بطريقة خلط المزح بالجد احيانا على امل انو يلاحظو اصحاب العلاقة انو تخنوها بدون مااجرحون بس مامشي الحال واخدينها طناااااااااش لانو المهم تكتر المشاركات
حاولت اجرح عالخفيف بيكون طلع كذا واحد قاتلوني وصارو يجاكرو فيي بانو الموضوع روووووووووووعة مع انو هني يمكن بيكونو مقتنعين اكتر مني انو الموضوع مثلا مو بمحلو او .... او..... المهم بيكونو حاسين انو الموضوع فيه شي غلط بس بيصيرو ضدي لانو انا جرحت احساس اللي خالف قانون الاخوية

بحييكي أنو ما يأستي
خلونا نتفق كلنا ... الموضوع المكرر رح نقول مكرر الموضوع اللي مو بمحلو منكتبلون مو بمحلو
أنا جربتا من فترة ...صرت حطلون روابط المكررة وبظن أنو بتنجح
بحييكي على تصميمك ... :mimo:

ِAbu Alzooz

07/10/2006, 14:11

ليش حدا عما يرد علينا بالبريد حطينا و حكينا و طلع الشعر على اللسان

butterfly

07/10/2006, 14:12

ليش حدا عما يرد علينا بالبريد حطينا و حكينا و طلع الشعر على اللسان
شو حطينا بالبريد ؟؟؟ :?

امرأة من ورق

07/10/2006, 14:16

بتعرفي الركودة مننا ... بتعرفي الأسماء اللي ذكرتا ... ضيفي عليا الشباب اللي بخاف أذكرأساميون لأنسى حدا ... نحنا رواد المنبر ما عم نكتب ؟؟؟ من وين بدا تجي المواضيع ؟؟ من السما :? باقي الله هي بس ما عملا ... ;-)

معك حق انو الركود مننا بس انا لحالي مافي اعمل شي حاولت من فترة نزلت موضوع وحرك الجو الى حد ما بس صعب انو كل يوم يخطر ببالي موضوع هيك وبتمنى من الشباب والصبايا يرجعو ويحركو الجو شوي لانو هاد الحل الوحيد:D

الحب أزمة الصالون ... الصالون فعلا لا يداس لازم يكون في حزم أكتر بالتعامل مع المواضيع المكررة من قبل الأشراف بداية اتفقنا على شي ...أنو الصالون في مشكلة ...
شو الحل ؟؟؟ ما ضروري نحنا ننفزو منقدر نوصلو ونرفعو للقوى العليا ... ما حدا يقلي ما بيردو علينا أنا عني لسى ما جربت وبصراحة انا شخص علمي يؤمن بالتجربة أكتر من النظريات

الحب بالصالون فعلا بدو حل بس ماعم اعرف شو ممكن يكون الحل..... والمشكلة مو انو المواضيع اللي عم تنطرح الها علاقة بالحب وبس..... المشكلة انو في اعضاء مسجلين بالاخوية بس منشان التطبيق بقى بيفوتو على اي موضوع وبيقلبوه غزل وتطبيق:? وهدول المشكلة الاكبر بس شو الحل؟؟؟ كمان مابعرف بس يمكن التقارير عن مشاركات عاطلة بحجة الخروج عن سياق الموضوع تكون حل ممكن

ومنشان القوى العليا انا جربتها مرة بالمنبر وللصراحة لقيت تجاوب وسريع كمان من مجود وبسرعة رجع الموضوع للطريق الصح....... يعني مافينا نلوم المشرفين ابدا لانو ماعم يقصرو وقت عم نبهون عالغلط اما انو ينتبهو لحالون بسرعة عالغلط فهي مستحيلة ومافينا نلومون عليها لانو اكيد كل واحد منون عندو حياتو وماممكن يضل 24 ساعة بس عم يراقب كل كلمة بتنكتب...... وتحية لمجود وللمشرفين :D

محمد ابراهيم

07/10/2006, 14:39

اليكم احد الاساليب المجربه لحل مثل هذه المشاكل

* الحوار واقناع الاخر

قد يطول الامر لاكثر من جوله وقد نبذل مجهود كبير ,لكن النجاح صادفني بنسبه اكبرمن 95%

السؤال هو (هل يمكن الحوار مع كل الاعضاء)

من الناحيه النظريه يمكن ولكن كم(نحن من الاشخاص المهتمين بالامر) سنحتاج من الوقت والمجهود لنتحاور ونقنع 5000 عضو ؟؟؟؟

اعتقد انه عمليا سنحتاج مجهود كل المنتقدين للمشاركه في حوار الاعضاء الجدد

وفقا لمبادئ محدده

* لايتم التعامل مع العضو الجديد على انه منبوذ (فهو بالفعل مكسب للمنتدى اذا أَحسن التعامل معه)
*لا يتم التعامل معه من منطلق الاستعلاء لاننا القدامى وهو الجديد (فهي تترك اثر نفسي سلبي يضعف من نجاح الاقناع)

* الاحترام لاسلوبه وطريقته مهما كنا غير مقتنعين بها انها سطحيه وغير مفيده أو الى ماهو غير ذلك

*الاحتواء وثقافة الاحتواء (بمعنى ان نستوعب فكر الجداد وان لا نعاديهم في فكرهم بل نلتف حوله ونصادقه كي نستطيع التعامل معهم بافضل طريقه)

*ان نصبر عليهم اكثر من مره .

*ان نوجههم الى المواضيع الجيده وننتقد مواضيعهم السلبيه وتكون الرسائل الخاصه هي الاسلوب الاول للنصيحه (لان النصيحه على الملأ فضيحه)

وافكار اخرى ومبادئ اترك غيري للتعليق :D

butterfly

07/10/2006, 16:54

لي عودة ورد محمد أكتر من رائع ... :yahoo:

محمد ابراهيم

07/10/2006, 17:06

انتا اللي رائع يا جميل :D

Willi

08/10/2006, 06:35

انا متابع.....

أسير التشرد

08/10/2006, 06:45

اي صح بنرجع لموضوع الاخوية :lol:
ياميمو مابعرف شو بدي قلك بفوت عالمنبر الحر........ عم يكون فيه ركود بتمنى شوف موضوع جديد يفتح النفس عالنقاش..... اغلب المواضيع محطوطة ومقصود منها انو الواحد يفوت ويبلش يسب على كاتب الموضوع او على اللي مكتوب عنو...... يعني نادر ماشوف شي موضوع محطوط فعلا كرمال يصير فيه نقاش
بفوت عالصالون اغلبو مواضيع مكررة بحرفيتها او بمحتواها الغير حرفي...... بشوف بالصدفة شي موضوع حلو بتحمس وبكتب فيه بتفاجأ بعدين انو في اشخاص عندون هوس تكتير المشاركات وبفوتو شي بيكتبو شعر ضمن الموضوع وشي بيدخلو بتشكرو حدا (من الجنس الاخر غالبا) وشي بيتغزلو بحدا من المشاركين (كمان من الجنس الاخر ) بيكون الموضوع انقلب لغزل وحب:sosweet: واحاديث جانبية
بفوت عالمكتبة.....رووووووووووعة بس ماعم ينزلو معي الكتب:jakoush: ....... حاسة في مؤامرة ضدي:cry:

عموما هي المحلات اللي بحبها اكتر شي بالاخوية واللي بحس اني ممكن استفيد منها والمشاكل اللي عم شوفها فيها

هلأ بنجي للحلول
حاولت اني صلح الجو بطريقة خلط المزح بالجد احيانا على امل انو يلاحظو اصحاب العلاقة انو تخنوها بدون مااجرحون بس مامشي الحال واخدينها طناااااااااش لانو المهم تكتر المشاركات
حاولت اجرح عالخفيف بيكون طلع كذا واحد قاتلوني وصارو يجاكرو فيي بانو الموضوع روووووووووووعة مع انو هني يمكن بيكونو مقتنعين اكتر مني انو الموضوع مثلا مو بمحلو او .... او..... المهم بيكونو حاسين انو الموضوع فيه شي غلط بس بيصيرو ضدي لانو انا جرحت احساس اللي خالف قانون الاخوية

هي احساسي من الاخوية بشكل عام وهي الافكار اللي طلعت ببالي كرمال اني حاول زبط شي بس كلها مامشي حالها...... بكل الاحوال انا مايأست من الاخوية :D
ليش ما عم ينزلو عندك الكتب ... ؟؟

وائل 76

08/10/2006, 21:33

طبعا هلكت وانا اقرا مشاركاتكم وطلعت بنتيجة وحدة انو كلكم صح وكل واحد طرح جزء من همنا والبعض طرح جزء من الحل
مع احترامي الكم جميعا ولارائكم انا بعتقد انو رغم كل يلي عم تشوفوه لكن هذا ما يعطيكم الحقر انكم تنسحبوا او انكم تتخلوا عن واجبكم تجاه اشخاص بحاجة الكم ولارائكم ولتوجيهاتكم
معظم المشاركين هون هم من الاعضاء المثقفين يلي بحترم كلامهم وبكون سعيد لما بتحاور معهم
لكن في شغلة صغيرة ملاحظها ويمكن يكون عتب عليكم انكم اقتصرتوا كتاباتكم في الفترة الاخيرة على مواضيع الانتقاد او اعتكفتم عن المشاركة بمواضيعكم الجديدة
نيرفانا وقت يلي عملتي جريدتك بيومين صارت 30 صفحة بسالك شو السبب؟؟؟؟؟؟؟؟؟؟؟؟؟؟
انا بعتقد انو السبب هو وجود اسم نيرفانا تحت موضوع الجريدة
اسمك بيفرض على كتير ناس انو تفوت وتشارك معك لتستفيد شوي من ثقافتك من مرحك من ابو حشيشة يلي صار رمز النا هون
امراة من ورق كنت دايما بتابع مواضيعك ومشاركاتك وبحاول باي شكل اوقف ضد وجهة نظرك المناصرة للمراة بشكل كبير بعترف انو بكتير احيان فشلت اني اضحض وجهة نظرك بس اقسملك اني كنت سعيد جا وقت يلي بشوف بنت عربية بيجمعني معها ماضي وحاضر ومستقبل عندها هاي الجرءة والوعي في اثبات وجهة نظرها

متل ما قلتوا كلكم بدل ان نلعن الظلام فلنشعل شمعة ننير بها الظلام
بعتقد انو بدل ما نضيع وقتنا بهيك مواضيع وننتقد الافضل انو نرجع متل الاول نكتب ونشارك بعض والوقت كفيل انو كل التفاهات يلي عم نشوفها تتساقط الواحدة تلو الاخرى
ويبقى وطنا الاخوية متل ما تمنيناه دايما ملتقانا للحوار والحب والاحترام

بشكركم جميعا وبشكرك بيترفلاي على موضوعك الرائع وبشكل كل يلي شاركوا هون :D