انو لا مرحبا ولا شي
انا معصب وواصلة معي لعند الله
ليش؟؟؟ومن ايمتى؟؟ولايمتى راح يضل الوضع هيك؟؟
لا تستعجلوا...جاييكون...
بس حابب هيك اتذكر وذكركون بطريقة حكومتنا حكومة الاشاوس بالشغل...يعني بالتصليح وتدارك الاخطاء...مثلا بيجي وزير اخو شليتة حمار ما بيعرف ط...زو من وكر الفارة بياخد الضو الاخضر من فوق منشان يطالعلو شي قرار من القرارات العفشيكة....وبيضل يطح ويتعصور ويطبل ويزمر خمس شهور قبل ما يطالع القرار يللي بيكون من اولتو مبين انو بدو يلعن رب البلد...وما بيضل كر بالبلد الا وبيزمرلو وبيقول انو هاد هو القرار يللي بدو يطالع البلد من الهاوية....ودجججججج
بيطلع القرار....
بينطو كم واحد فهمانين بيقولو رأيهن بالقرار انو مو مدروس بشكل جيد وانو بدو يقلب الامور شوربة....بيقوموا بيضبوهن الشباب او بيعملولهم فركة ادن....
هلق بيبلش القرار يتنفذ وبعد فترة بيكتشفو الشباب انو القرار بيخري بس ما بيرتكسوا....ليش؟؟؟
منشان ما يبين موقفهم ضعيف وما يبينو انو غلط....وشو بيصير؟؟؟بينامو ع السيرة وبينحرق الفيلم والله ما عاد يظبط الوضع....
انو هلق شو المطلوب؟؟؟؟؟؟؟
المطلوب هو المقارنة بين البلد واخوية
بين الحكومة وجهاز الاشراف العتيد
بين الاصوات يللي انضبت والاعضاء بأخوية يللي فركوها

بيوم من الايام انفتح باب التسجيل....طحشت البشر...صرنا كل يم نسجل 200 عضو جديد...
نطينا واتحمينا واتزمينا وعملنا عرائض انو القرار راح يكون وبال....طنشو الشباب وانكبت العريضة متل العادة ع الزبالة....
سكتنا وقلنا لنشوف....وشو كانت النتيجة؟؟؟؟

بصراحة....صار الوضع ومتل ما بيقولوا بالفرنسي -بورديل-
يعني الفايت فايت والطالع طالع
وميت موضوع بالصالون كل ساعة
والصفحات عم تقلب والمشاركات عم تزيد والكل عم يصيرو مستشارين
اي حلو
بس وين المستشارين القدام؟؟؟والشباب الفهمانين؟؟؟
مو ملاحظين انو العالم يا طفشت يا بلشت تطفش؟؟؟؟

مي تو راح....
Nirvana....قرفت
دانيتو...اختفى
كوستا...يللي كان يضل بأخوية 24 ساعة صار يفوت ساعو ويا دوب يكتب شي
نمر سوريا..تهجر وانترك بلا تفسير....
وخايف كمل وعد....لانو القائمة عم تطول

بيجوز تقول انو يللي بدو يضل اهلا وسهلا فيه ويللي بدو يروح الله معو
بس انا بدي اسأل
وين كنا ووين صرنا؟؟؟
الوضع منيح هلق؟؟؟
كيف راح يصير الوضع قريبا؟؟
يا خوفي التفت وما لاقي حدا من يللي بحبهن....وقتها-اذا مو قبلها- بدي ضب غراضي وفل...

وانا كمان رح اطلع
مين انا ؟؟وشو دخلني انا ؟؟ولاشي انا
بس حبيت اخويه بالاعضاء يلي فيها
ووقت ببطلو يكونو فيها
بيكون بلاها احسن
لان الجنه بدون ناسهاا ما بتنداس


بتمنى ماتفكر كلامي حكي بالهوا
بس صدقا بحس انو اخويه بيتي

هوي بصراحة يعني مالي علاقة بأخوية بس كلامك عن الحكومة عجبني و أنا معو مية بالمية

حبيب مشكور ع رأيك
بس الفكرة اكبر من هيك بكتير
يعني بكتير
عم قول انو اخوية صارت بورديل
يعني فليتو
يعني خربت
اخوية بحححححححح
يعني بالمشرمحي

اخوية ايام زمان انتهت

آآآآآخ ......
يعني فوتتني بالحيط يا صاحبي عند هالمسا .......
و مع الأسف كلامك صح .....
خسرنا كتير شباب بيرفعو الراس .....
فعلا الأخوية بنوعية أعضائها مو بكميتون .....
بتمنى ما نخسر حدا كمان من ولاد البيت ......
لآنو الجنة بلا ناس ما بتنداس ......

انشا الله بيرجع كل شخص ساهم بانو اخوية تضل احسن بيت.وعن جد اشتقنا لكتير ناس.وما بدنا يروحو بدون رجعة على الاقل يطلو.متل ما راح طل انا كمان ابتداء من الاسبوع الجاي .ويلكم باك ذي لايت:D

كلام سليم ..
بس برأيي اخوية من ايام زمان منتهية وسلامة تسلمك !!
حتى بالعكس .. يمكن هلأ احسن من قبل ( اذا قارنّا )
بكل الاحوال .. الا ما تجي فترة ما بتعود بتطيق فيها شي اسمو اخوية من ورا المشاكل والاعضاء اللي بيطحشو بفرد مرة... بس بعدين بترجع بتهدى الامور وبتتحسن وبيبيّن الناس الفهمانة من العلاّكة ..

بالمختصر ..اخوية بتمرئ عليها فترات هيك وفترات هيك ... :D

آآآآآخ ......
يعني فوتتني بالحيط يا صاحبي عند هالمسا .......
و مع الأسف كلامك صح .....
خسرنا كتير شباب بيرفعو الراس .....
فعلا الأخوية بنوعية أعضائها مو بكميتون .....
بتمنى ما نخسر حدا كمان من ولاد البيت ......
لآنو الجنة بلا ناس ما بتنداس ......


للاسف بدنا نخسر وجاية الايام

انشا الله بيرجع كل شخص ساهم بانو اخوية تضل احسن بيت.وعن جد اشتقنا لكتير ناس.وما بدنا يروحو بدون رجعة على الاقل يطلو.متل ما راح طل انا كمان ابتداء من الاسبوع الجاي .ويلكم باك ذي لايت:D

ميرسي غازيتا
والمهم تضلي معنا حتى لو كل يوم شي ساعة

كلام سليم ..
بس برأيي اخوية من ايام زمان منتهية وسلامة تسلمك !!
حتى بالعكس .. يمكن هلأ احسن من قبل ( اذا قارنّا )
بكل الاحوال .. الا ما تجي فترة ما بتعود بتطيق فيها شي اسمو اخوية من ورا المشاكل والاعضاء اللي بيطحشو بفرد مرة... بس بعدين بترجع بتهدى الامور وبتتحسن وبيبيّن الناس الفهمانة من العلاّكة ..

بالمختصر ..اخوية بتمرئ عليها فترات هيك وفترات هيك ... :D

انو بيجوز مرت فترات اسوأ
بس مو معناتها انو نضل نقبل يللي عم يصير
يعني وقت بتعجق اخوية مو مشكلة اكيد راح ترجع تهدى
بس وقت العالم بتفل هون المشكلة

اي اوكي انا معك .. بس يعني هالعالم اللي تركت هنن مو اول ولا اخر ناس تركو او رح يتركو !!
مثلا وقت اللي انا سجلت .. كانو عم يقولو وين هاد ووين هداك ويرحم هديك الايام شو كانت حلوة ..
بعد فترة صرت انا شوف عالم كتير عم تسجل وداخلة بقلب قوي والجماعة اللي متعودة شوفهون يتركو.. قام صرنا نقول وين راحو ووالله الاخوية بلاهم ما حلوة ... ولمين تاركينها ؟؟
وهلأ صارت الشغلة عندك ... الناس اللي كنت متعود تشوفهون من اول ما سجلت وصرت صحبة معهم ما عدت لقيتهم .. وما عم تشوف غير كل يوم 100 واحد مسجل ونازل سلخ مواضيع وردود بطعمة وبلا طعمة ... بكرا يا بيتعودّو يا بيعودونا ... ويا بنطفشهم يا بيطفشونا ...
ايوااااا .. بئا هيك ....:pos:

نفس الكلام كنت رح قولو انا كمان ........
أنو وقت سجلت كانو يترحمو على ايام زمان و يلي بعدو يترحم علي قبلو وهكذا دواليك .......
متل حكاية الجد و الأب و الأبن ........ الجد بيترحم على ايام شبوبيتو ..... انو يابا وييييييين هديك الأيام يا عمي راحت ........ بيجي الأب كمان بيترحم على ايام العز يللي هي ايام الجد يللي ما كانت عاجبتو للجد ........... و بيجي الأبن بيكون شبيب ....كمان هاد بيترحم على أيام زمان ايام ابو و قت ابو ما كان عاجبو ............ كلو بيترحم عالماضي .......
و كل ما وقعنا مرة منرجع منوقف على رجلينا مرة تانية ........ ومن كل وقعة عم نتعلم شغلة ........
ايد على ايد الكل بيستفيد ...........

تحياتي :D

يا جماعة
اا اعتراضي مو ع فكرة انو العالم عم تروح
لانو شي كتير طبيعي انو العالم تروح
انا نفسي راح فل بعد أقل من شهر
بس الفكرة المزعجة...انو شو السبب يللي منشانو العالم عم تروح...السبب واضح....وبعتقد انو فهمكم كفاية....والدليل انو العالم ما عم تترك اخوية لانو ما عاد فاضية بل لانو ما عاد عجبها الجو هو انتقال معظم الشباب والبنات القدام ع موقع تاني
وشكلو نحن ع الطريق اذا ضل البورديل بأخوية
هي الفكرة من كل الموضوع اضافة لتجديد المطلب السابق بايقاف التسجيل ع الاقل لفترة مؤقتة لبين ما تهدا الامور
وصلت شباب؟؟؟

أنا برأيي قرار فتح التسجيل ما هو المشكلة ...
في تقصير .. أوكي ... بس خلونا نطلع صح .. في مواضيع كتير حلوة في ناس عم تروح وتستسلم وهادا طبيعي ... أخوية هلق ... انا شايفتا أروق من قبل في كثرة مواضيع بالصالون ؟؟؟ بالمنبر ؟؟؟ وين المشكلة تعو نحدد مشاكلنا ... مو نقول في مشاكل وبكل الدني ومدري شو ...
الموسيقى ماشي متل الساعة ... المسابقات رجع صار قسم بعد ما كان حمام مقطوعة ميتو ... التاريخ .. ماشي وعم يتنشط مع أنو ما كان ينزل كل شهرين تلاتة موضوع ... المكتبة عشوي وبيمشي تمام ...
شو مشاكلنا ؟؟ نحددا أكتر ممكن ؟

أححلا ذا لايت و أحلى كلام
حبيب القلب

يا جماعة
اا اعتراضي مو ع فكرة انو العالم عم تروح
لانو شي كتير طبيعي انو العالم تروح
انا نفسي راح فل بعد أقل من شهر
بس الفكرة المزعجة...انو شو السبب يللي منشانو العالم عم تروح...السبب واضح....وبعتقد انو فهمكم كفاية....والدليل انو العالم ما عم تترك اخوية لانو ما عاد فاضية بل لانو ما عاد عجبها الجو هو انتقال معظم الشباب والبنات القدام ع موقع تاني
وشكلو نحن ع الطريق اذا ضل البورديل بأخوية
هي الفكرة من كل الموضوع اضافة لتجديد المطلب السابق بايقاف التسجيل ع الاقل لفترة مؤقتة لبين ما تهدا الامور
وصلت شباب؟؟؟

كلامك سليم
بس وين انت تارك وماشي اذا كل واحد هيك معناتو فرطت الامور

على فكرة في عضو كتير آكابروأخ عزيز عليي كمان ترك من هون وهي خسارة تانية بعد مي تو هو مستر سامو

يا جماعة
اا اعتراضي مو ع فكرة انو العالم عم تروح
لانو شي كتير طبيعي انو العالم تروح
انا نفسي راح فل بعد أقل من شهر
بس الفكرة المزعجة...انو شو السبب يللي منشانو العالم عم تروح...السبب واضح....وبعتقد انو فهمكم كفاية....والدليل انو العالم ما عم تترك اخوية لانو ما عاد فاضية بل لانو ما عاد عجبها الجو هو انتقال معظم الشباب والبنات القدام ع موقع تاني
وشكلو نحن ع الطريق اذا ضل البورديل بأخوية
هي الفكرة من كل الموضوع اضافة لتجديد المطلب السابق بايقاف التسجيل ع الاقل لفترة مؤقتة لبين ما تهدا الامور
وصلت شباب؟؟؟


:? :? :? :? :shock: :shock: :shock:
وين رايح ؟؟؟؟؟؟ :cry: :cry:

أنا مع the light بكلشي قالو، و أنا لما سجلت بالمنتدى لما كان دعوة كتيييييييير كنت حابو، بس هلأ صار يفوت شروي غروي، اللي بيسوا واللي ما بيسوا، أنا برأيي كان قرار فتح التسجيل قرار غلط كتيييييييييييييير، و إزا بدنا نوقفو هلأ مارح نستفيد شي، لأن التافهيين فينن يعزموا رفقاتن يللي أتفه منن، إلا إزا وقفوا للعزايم و سمحوا فيها بس للأعضاء اللي سجلوا قبل ما ينفتح التسجيل، و إزا ما صار هيك فأنا بظن إنها مسألة وقت مو أكتر قبل ما تفضى أخوية من الفهمانيين و ما يلتقى فيه إلا التافهيين و الحثالة من البشر، و بظن هنن معروفين و مو مخفيين، ساعتها و متل ما قال the light و يمكن قبل رح إحمل حالي و ريح هالمنتدى مني.

أنا برأيي قرار فتح التسجيل ما هو المشكلة ...
في تقصير .. أوكي ... بس خلونا نطلع صح .. في مواضيع كتير حلوة في ناس عم تروح وتستسلم وهادا طبيعي ... أخوية هلق ... انا شايفتا أروق من قبل في كثرة مواضيع بالصالون ؟؟؟ بالمنبر ؟؟؟ وين المشكلة تعو نحدد مشاكلنا ... مو نقول في مشاكل وبكل الدني ومدري شو ...
الموسيقى ماشي متل الساعة ... المسابقات رجع صار قسم بعد ما كان حمام مقطوعة ميتو ... التاريخ .. ماشي وعم يتنشط مع أنو ما كان ينزل كل شهرين تلاتة موضوع ... المكتبة عشوي وبيمشي تمام ...
شو مشاكلنا ؟؟ نحددا أكتر ممكن ؟

كلامك احصائيا مضبوط
ونظريا صح
ومنطقيا لا غبار عليه
بس الحكي شي ويللي عم يصير شي تاني
والنتيجة عم تبين شوي شوي
وبصراحة
فيكي تقري ردود العالم بهالموضوع بس لتشوفي العالم شو عم تحس
احيانا بيكون كل شي مرسوم ومكتوب صح
بس بتكون في شرارة بالجو كافية انها تخرب كل شي وتطفش العالم بدون ما تكون ملموسة

أححلا ذا لايت و أحلى كلام
حبيب القلب

ابو وليم الحبيب
ع راسي و ميت وردة

كلامك سليم
بس وين انت تارك وماشي اذا كل واحد هيك معناتو فرطت الامور

على فكرة في عضو كتير آكابروأخ عزيز عليي كمان ترك من هون وهي خسارة تانية بعد مي تو هو مستر سامو

بالنسبة لمستر سامو انا حسيت فيه من زمان وحكينا ع الماسنجر مرة
بس ما حبيت حطو مع اسماء يللي فلو قلت بلكي مشغول
بتمنى انو يرجع وما يكون ناوي يفل كمان

:? :? :? :? :shock: :shock: :shock:
وين رايح ؟؟؟؟؟؟ :cry: :cry:

اذا كنت لساتني ناوي كمل بالمنتدى فممكن ظروف شغلي الجديد ما تسمحلي كمل ابتداءا من اول الشهر الجاية
بس ان شاء الله بقدر وما بضطر كون الشخص التالي بقائمة المغادرين

أنا مع the light بكلشي قالو، و أنا لما سجلت بالمنتدى لما كان دعوة كتيييييييير كنت حابو، بس هلأ صار يفوت شروي غروي، اللي بيسوا واللي ما بيسوا، أنا برأيي كان قرار فتح التسجيل قرار غلط كتيييييييييييييير، و إزا بدنا نوقفو هلأ مارح نستفيد شي، لأن التافهيين فينن يعزموا رفقاتن يللي أتفه منن، إلا إزا وقفوا للعزايم و سمحوا فيها بس للأعضاء اللي سجلوا قبل ما ينفتح التسجيل، و إزا ما صار هيك فأنا بظن إنها مسألة وقت مو أكتر قبل ما تفضى أخوية من الفهمانيين و ما يلتقى فيه إلا التافهيين و الحثالة من البشر، و بظن هنن معروفين و مو مخفيين، ساعتها و متل ما قال the light و يمكن قبل رح إحمل حالي و ريح هالمنتدى مني.

خازوق دق بأسفلنا
وبس.........

طيب كل اللي مرو وشاركوك الرأي ممكن أفهم الخلل وين ؟؟؟ بدنا نعالج بدنا نشخص صح ...
شو المشكلة ؟؟؟؟ :?

طيب كل اللي مرو وشاركوك الرأي ممكن أفهم الخلل وين ؟؟؟ بدنا نعالج بدنا نشخص صح ...
شو المشكلة ؟؟؟؟ :?

سمعانة بالكهرباء ؟؟
يعني وقت بيكون الجو مكهرب؟؟؟
بتشوفي الكهربا؟؟
بتعرفي وين البريز يللي عم يبخ كهربا بالجو؟؟
بتشوفي الالكترونات؟؟
اذا حطيتي لمبة ع الطاولة بتاخد كهربا من الجو وبتشعل؟؟
اكيد لاء...............
:pos:

سمعانة بالكهرباء ؟؟
يعني وقت بيكون الجو مكهرب؟؟؟
بتشوفي الكهربا؟؟
بتعرفي وين البريز يللي عم يبخ كهربا بالجو؟؟
بتشوفي الالكترونات؟؟
اذا حطيتي لمبة ع الطاولة بتاخد كهربا من الجو وبتشعل؟؟
اكيد لاء...............
:pos:
طيب والحل ؟؟؟
ما بحب النقد اللي ما بيبني .. خلونا عسبيل التغيير ... نقول شو الحلول ؟ :?
أنا حاسة أنتو المشحونين والله ..:pos:

الحل مو مهم
لانو ما راح عذب حالي وفكر واكتب حلول
لانو الحكومة مطنشة
بس الحلول معروفة وواضحة....

الحل مو مهم
لانو ما راح عذب حالي وفكر واكتب حلول
لانو الحكومة مطنشة
بس الحلول معروفة وواضحة....
لأ الحل مهم ... إذا كان قلبك عأخوية متل ما عم تقول الحلول كتير مهمة .. أنا لهلق ما شفت الحكومة مطنشتكون عشي

بدك حلول ومطالب؟؟؟؟؟؟
شرفي
1 اغلاق باب التسجيل لفترة مؤقتة
2 تفعيل جهاز الاشراف يللي بنص الاقسام نايم وزيادة عددهم
3 تحديد قوانين صارمة لعدد المواضيع الموضوعة يوميا والمعاقبة بقسوة عند المخالفة
4 حملة تنظيف للارشيف وحذف كل المواضيع يللي بلا طعمة
5 تفعيل القوانين المتعلقة بالكتابة بأخوية
6 حظر كل عضو ذو فكر طائقي او شعوبي
وكلو بعد اغلاق باب التسجيل منشان يللي بيروح ما عاد يجي غيرو

هي الحلول
وعذبت حالي وكتبتها
وماحدا راح يرد عليها لانو المشرفين مو مقتنعين فيها
وادن سطح وادن مزراب
وجاة الايام وبكره بتقولو ذا لايت قال
بون نوي

شكرا على الموضوع أولا

انا ماني عارفة شو النظام الحكومي عندكو بي والله معك حق TheLihgt
الاخوية فعلا خربت من وقت فتح باب التسجيل ونحنا متل الي بيأذن في مالطا ما حدا فاهم شو بيقول ولا بينتبه لكلامة

وقت الي عملنا العريظة والاستبيان كتار من الاعضاء وقعو وكانت النسبة الي عاوزة يرجع نظام الدعوات كبيرة لكن لا حياة لمن تنادي
قلنا يمكن فتح الباب لفترة منشان يكون في روح جديدة وسكتنا
لكن مع الاسف الارواح الجديدة معظمها فاسد زما جانا من ورا فتح التسجيل غير الهم والموضوعات المكررة والي مش بمحلها وياريت القائمين سكرو الباب بعد الي صار لأ ما عملو ولا شي
هلق نحنا صرنا اكتر من 30 الف عضو وغير فعالين بالمرة وقبل التسجيل كنا 10 الاف وكانو متل الاسرة الواحدة
ياريت تنتبهو قبل ما تخرب الاخوية اكتر من هيك لأن وقتا انتو الي بتخسرو اكتر شي لأن متل ما بيقول ابوسليمان
الجنة من دون ناس ما تنداس

وانا واحدة من ضمن من قل تواجدهم بالاخوية بعد ما كنت عاملتها صفحة البداية عندي علاكسبلورر
بس علشان صارت الموضووعات كتير تافهه وسطحية

بدي قول كلمة اخيرة للقائمين

انتبهو لأن الاعضاء بيتجهو لمنتديات اخري وبيتجمعو هناك يعني نحنا ما رح نخسر بعضنا انتو بتخسرو الاعضاء المميزين واحد تلو الاخر
آسفة للاطالة لكن عنجد انا اعصابي فلتت من القهر على الاخوية

1 اغلاق باب التسجيل لفترة مؤقتة
هادا سبق ووضحت رأيي فيو .. وأنا برأيي إذا باقي الاحتمالات مشي حالو .. ما في ضرؤرة

2 تفعيل جهاز الاشراف يللي بنص الاقسام نايم وزيادة عددهم
هادا الاقتراح أول مرة بشوفك عم تكتبو ... بداية معناتا عمول موضوع عن هادا الشي كاقتراح بالبريد وشوف رأي الأدراة
3 تحديد قوانين صارمة لعدد المواضيع الموضوعة يوميا والمعاقبة بقسوة عند المخالفة
:? ما بظن أنو المواضيع اللي عم تنزل كتيرة

4 حملة تنظيف للارشيف وحذف كل المواضيع يللي بلا طعمة
بهي أنا معك

5 تفعيل القوانين المتعلقة بالكتابة بأخوية
كمان أنا معك

6 حظر كل عضو ذو فكر طائقي او شعوبي
حظر كل عضو يثير مشاكل طائفية ؟ أوكي .. كمان فكرة


بون نوي
بون نوي
أنا برأيي ابعات هالاقتراحات للحكيم .. بالنهاية هون السقيفة مانا البريد يعني احتمال كبير ما يشوفون :D

بدك حلول ومطالب؟؟؟؟؟؟
شرفي
1 اغلاق باب التسجيل لفترة مؤقتة
هاد الحل يستخدم وقت حالات الطوارئ.

2 تفعيل جهاز الاشراف يللي بنص الاقسام نايم وزيادة عددهم
عالطريق ..... بس طولي بالك نتوفة ..... المصدرموثوق و اكيد 100%
3 تحديد قوانين صارمة لعدد المواضيع الموضوعة يوميا والمعاقبة بقسوة عند المخالفة
شفتلي الموضوع المثبت بكل قسم عن المخالفات ....... قراه وشوف المخالفات الموجودة بتوقعي كافية و وافية و ازا كل المشرفين عطو مخالفات حسب الموجود و كل الأعضاء ارتدعو و ما عد عادو المشكلة يللي اخدو المخالفة عليها .... منصير
اقرا موضوع المخالفات من هون اي من هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

4 حملة تنظيف للارشيف وحذف كل المواضيع يللي بلا طعمة
هي النقطة ما عندي تعليق عليها
5 تفعيل القوانين المتعلقة بالكتابة بأخوية
القوانين موجودة لكن الأعضاء ما عم يلتزمو فيها
6 حظر كل عضو ذو فكر طائقي او شعوبي
هي أغلب الأحيان عم تصير


و تحياتي :king:

و تحياتي :king:
تحياتي ألك


وعالهامش ... القضية اللي طارحتيا بتوقيعك ... جدا أنسانية وسامية بحييكي :D

بدك حلول ومطالب؟؟؟؟؟؟
شرفي
1 اغلاق باب التسجيل لفترة مؤقتة
هاد الحل يستخدم وقت حالات الطوارئ.
شو تعريف حالة الطوارئ؟؟؟؟

2 تفعيل جهاز الاشراف يللي بنص الاقسام نايم وزيادة عددهم
عالطريق ..... بس طولي بالك نتوفة ..... المصدرموثوق و اكيد 100%
مطولين بالنا ان قلنا اي وان قلنا لاء

3 تحديد قوانين صارمة لعدد المواضيع الموضوعة يوميا والمعاقبة بقسوة عند المخالفة
شفتلي الموضوع المثبت بكل قسم عن المخالفات ....... قراه وشوف المخالفات الموجودة بتوقعي كافية و وافية و ازا كل المشرفين عطو مخالفات حسب الموجود و كل الأعضاء ارتدعو و ما عد عادو المشكلة يللي اخدو المخالفة عليها .... منصير
قريتو يوم يللي نزل كلو سطر سطر....
الحكي حلو وما عليه جمرك
والاعضاء ما راح يرتدعوا الا اذا تعلمو
وما بيجي هالشي الا بوجود مشرفين جاهزين دائما
وانا يللي عم بقصدو مو انو المشرفين ما عم يشتغلو
لاء معاذ الله
بس انا شايف انو في اقسام المشرغين تبعها ما كتير قابضينها جدية وما بيعملو الا الشديد القوي
وبنفس الوقت في اقسام عليها مشرفين وما عم يلحقو


4 حملة تنظيف للارشيف وحذف كل المواضيع يللي بلا طعمة
هي النقطة ما عندي تعليق عليها
هي بعتقد من اهم النقط لسبب بسيط
انو عنا بالارشيف مواضيع كتير مثير للمشاكل والطائفية والكراهية وهي انا برأيي انو لازم تتنسق او تغلق ع الاقل لانو متى ما اننكش موضوع منهن بترجع بتعلق

5 تفعيل القوانين المتعلقة بالكتابة بأخوية
القوانين موجودة لكن الأعضاء ما عم يلتزمو فيها
في قانون وفي شي اسمو تطبيق القانون وهن دائما من مسؤولية الحكومة

6 حظر كل عضو ذو فكر طائقي او شعوبي
هي أغلب الأحيان عم تصي
اي الحمد الله بس اذا بتحبي في كم اسم وكم موضوع ما ندقروا ولساتهم اضحابهم مولعين

أنا برأيي ابعات هالاقتراحات للحكيم .. بالنهاية هون السقيفة مانا البريد يعني احتمال كبير ما يشوفون :D
ان شاء الله قريبا

بتعرف شو صاير فينا .......... متل غنية الولاد الصغار هي تبع .....و المفتاح عند الحداد و الحدادبدو بيضة و البيضة عند الجاجة والجاجة بالطاحون و الطاحون مسكرة فيها مي معكرة :o

بتعرف شو صاير فينا .......... متل غنية الولاد الصغار هي تبع .....و المفتاح عند الحداد و الحدادبدو بيضة و البيضة عند الجاجة والجاجة بالطاحون و الطاحون مسكرة فيها مي معكرة :o

ما دارتلي
:shock::shock::shock:

انو كل المتطلبات المفروض تصير بأخوية مرتطبة ببعضها متل السلسلة .... بغياب احدى الحلقات السلسلة ما بكنلا معنى و ما بتأدي وظيفتها

انو كل المتطلبات المفروض تصير بأخوية مرتطبة ببعضها متل السلسلة .... بغياب احدى الحلقات السلسلة ما بكنلا معنى و ما بتأدي وظيفتها

هلق دارتلي
8)8)8)

مرحبا,اذا ممكن اشارك برأيي ..I think it's natural that the members are conserned about the integrity of this place..TheLight ppl fear the unknown and they want everything to stay the same way it was ,but nothing stays the same change is good in a way,look at you ,you were new too i bet some of your friends at first thought "here comes another wanna be" but look at you now.. in short i'm saying that you should give new members a chance before you yell"Off with their heads":jakoush: peace:D

:shock: يــــــــــــــــــــــابــــــــــــــــــــ ـا :shock:
يور انجليش فري فري كود .....

لك يا صديقي انا و الله ( بكسر الهاء) رح اطفش بس مارح اطفش غير لحتى طفش كم واحد متعصب و متدين ..

لك و الله صار منبر الأخوية للسببة و النقاشات يلي بت***

و صار كلما فات واحد سعودي و حكا شي شغلة مزعجة بتقوم الدنيا و ما تقعد .. و غيرو كتير ..


بس و الله الموقع كان حلو بس هلء هههههههههههههههه ...


باي باي مع السلامة اخوية .

مرحبا,اذا ممكن اشارك برأيي ..I think it's natural that the members are conserned about the integrity of this place..TheLight ppl fear the unknown and they want everything to stay the same way it was ,but nothing stays the same change is good in a way,look at you ,you were new too i bet some of your friends at first thought "here comes another wanna be" but look at you now.. in short i'm saying that you should give new members a chance before you yell"Off with their heads":jakoush: peace:D

It isn't a matter of accepting or rejecting new people...it is all about respect and nothing but respect....u r right,once i was a new member in this forum but at least i was respecting the others without being aggressive or raciste....nowadays it is different,althought we had a lot of respectful new members but on the other we have thousands of impolite members who express theirselves with the most agressive possible way....

لك و الله صار منبر الأخوية للسببة و النقاشات يلي بت***

ألو ألو............ روووء حبيب ........ و ين شايف هالمسبات و الحكي الفاضي .........
خيو المنبر متابع قدر الأمكان و ازا مرء شي و ما شفنا ......فيك تبعتلنا فيه تقرير مشاركة عاطلة ...... مو الشطارة نحكي شروي غروي
عاملينلي المنبر شمّاعة و نازلين فيه ....... حاج يا

بس و الله الموقع كان حلو بس هلء هههههههههههههههه ...

على أساس صرلك عمر انت بأخوية مو ......... ما انت ابن شهرين ...... ازا عم تتحسر على هديك الأيام ( يعني قبل شهرين ) معناها و الله لنكيف


باي باي مع السلامة اخوية .

بالسلامة و:hart: داعيلك

Then leave it to time only the worthy shall stay..members with bad intentions or ppl come here only to disrespect others won't last long..Be well

دانيتو...اختفى

داني ما اختفى...داني سافر ع دبي وعنده شغل كتير...ولسا ما استقر عم بفت يسلم عليي شي عشر دقايق ويطلع... بس يستقر بيرجعلنا واحسن من اول
بس يا ريت ضيف ع الاسماء
سعيد sabe
here i am ابو المجد
وكبيرناوحبيبنا وابونا وكل شي كريم karimbow
اي خيو بانتظار البقية...
مشان التسجيل والاقتراحات اقتراحنا كتير ..

و الله يا خي ذا لايت الوضع بيقرف
طالما بتفوت على الصالون و بتشوف موضيع عن أعرف شخصيتك
من للون كيلوتك و ينك يا طارق
أعرف أننا من خرا لأخرا
ولا المشرفين صايرين متل الأخلاقية
على كم صورة بالمايو لهيفا صرت
أنا سبب بفساد الشباب العربي
و البطالة و إغتيال رفيق الحريري مع تنبيه و شي كم زعلة
ومع تحذير بحذفي ومنع إشتركات بسبب صورة داعرة
تصور يرعاك الله
بقا بأي نفس بدي أرجع

حبيبي مو صار في شي اسمو عملة اخوية
يعني الموقع بدو يصير يئبض عملة مشان يعطيك ميزات
اي مشان هيك حبيبنا ولو

ردي عل الموضوع وعموضوع أبو وليم
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

حبيبي مو صار في شي اسمو عملة اخوية
يعني الموقع بدو يصير يئبض عملة مشان يعطيك ميزات
اي مشان هيك حبيبنا ولو
لك يا ميت السلامي، وين هالغيبة يا زلمي؟؟؟؟؟؟؟؟؟؟، اشتقنالك:clap: