جميعنا نتمنى أن نـُـرزق بأبناء




لكن ماذا لو وَجَدت الفتاة شاباً في غاية الجمال وذو دين ٍ وأخلاق ٍعالية




ولكن عيبهُ الوحيد أنه لايـُـنجب ...




فهل تقبلين الزواج منه؟؟




وكذلك السؤال موجهٌ للشباب ...




هل تقبل الزواج بفتاةٍ لاتـُـنجب؟؟





أو ....





إذا تزوجتم وأكدت الفحوصات الطبية بأن أحدالطرفين لا يـُـنجب فما هي ردة الفعل ؟؟؟




هل تهون عليك عِشرة السنين التي قضيتموها مع بعض وبالتالي تفترقان ؟؟




أم أنك أيها الرجل تريد الزواج من إمرأة ثانية مع بقاء الأولى في عصمتك أم ماذا ؟؟




وأنتِ أيتها المرأة ماذاستكون ردة فعلكِ ؟؟




هل ستطلبين الطلاق والإنفصال ؟؟




أو ستبقين صابرةًمُحبه ومتعاونة وتحاولين أن تـُـنسيه همومه ؟؟







أنتظر آرائكم!!! :D

اذا الأنسان أتخذ قرار يجب أن يتحمل مسؤوليته وعواقب هذا القرار .....

بصراحه الموضوع محير
لان الواحد قبل ما ياخد قرار متسرع
يفكر ويقول لنفسه ممكن انه هو اللي يكون مكان حبيبته

ومن وجه آخر
توجد مشكله بمجتمعنا وهي الرجل الذي لا ينجب يصير منبوذ
وهذا راجع للثقافه العربيه التي لم ولن تري فيها الا كل ما هو رديء
يعني ممكن تتفاجيء من ناحيه تانيه لو الرجل هو اللي مش بينجب
انه هيخسر خطيبته او حبيبته نتيجه لقرار اهلها

فلا يستطيع الانسان ان يحكم علي مثل هذه الامور الا بالتصادم مع الموقف نفسه

الزواج قائم على الحب و الحب مكانه القلب اي يجب على الأنسان ان يتبع قلبه و يفكر بعقله قبل اتخاذ القرار

هلأ هاد الموضوع فيه موضوع داخل فيه وكتير مهم وهوي التبني...... يعني اللي بيقبل بفكرة التبني مابظن انو هاد رح يشكلو مشكلة كتير كبيرة
اما اللي بيرفض التبني بتصير مشكلتو كتير كبيرة

انا من ناحيتي بهيك حالة بتبنى طفل يكون مولود جديد بحيث انو من اول مابيوعى عالدنيا يعرف انو انا وزوجي (المستقبلي) اهلو وبيصير بالضبط متل ابن النا

وكمان في فكرة مهمة انو حاليا نادر مايكون في ثنائي عاجزين عن الانجاب لانو العلم والطب تطورو كتير بهي الناحية يعني كتير ممكن انو تنحل المشكلة طبيا ويصير حمل

شكرا كتير ليدي ان ريد :D

والله مافي جواب مقنع لسؤالك.....
بس انا من ناحيتي.....بتوقع انو اكيد بحاول انو ما اجرح الطرف التاني ووقف معو لاقصى الحدود
والامل من عند الله كبيير
ويا ما سمعانين بقصص انو عالم ما بتجيب بس الله رزقهم سباحن الخالق
وبعد مدة طويلة وانتظار من الممكن انو الواحد يفكر طبعا بعد المحاولات الطبية وكل شي وان ما نجح مالو حل ابدا غير انو يتجوز وحدة تانية....أي الجواز مو عيب
وانا مو مع انو يطلقها لانو حرام ششو ذنبها هي انو تكون ما بتجيب ولاد.....
كلو من عند ربك
ما بعرف اذا حدا عندو راي تاني والله لا يحرم حدا من الولاد:D

شكرا عالموضوع:D

من جهتي مسألة الإنجاب لن تكون عائقاً في طريقي لأن الإنجاب ليس طموحاً بالنسبة لي ولن يكون الأمر من أولوياتي في يوم من الأيام .

قد يدعو هذا الكلام للاستغراب لكنه جدي وفعلي بالنسبة لي ولكل ٍ نظرته في أمور الحياة .

شكراً على الموضوع:D

ولكن...
لو تعرضت لهذا الموقف شخصيا...
ماذا سيكون رد فعلك؟؟
وما هي الخطوة التي تقوم بها!!؟؟

انا من ناحيتي بهيك حالة بتبنى طفل يكون مولود جديد بحيث انو من اول مابيوعى عالدنيا يعرف انو انا وزوجي (المستقبلي) اهلو وبيصير بالضبط متل ابن النا
بس التبني حرام....
وما بيصير تاخدي ابن مو الك وتنزليه على اسمك؟

بس التبني حرام....
وما بيصير تاخدي ابن مو الك وتنزليه على اسمك؟

بردي الاول قلت انو في ناس رح يكون الها رأي تاني بموضوع التبني..... بس بالنسبة الي هاد هوي انسب حل :D

يعني بكون حليت مشكلتي انا وزوجي وبكون حليت مشكلة لهاد الطفل لانو اكيد مارح اخد طفل من عيلتو بس رح يكون من دار ايتام يعني يتيم او الو شي وضع صعب

واذا بتشوف انو المشكلة انو ينحط على اسمي..... طيب وبلا ماينحط على اسمي بس عالاقل بكون امنتلو جو عائلة وبكون امنت لحالي وزوجي احساس الامومة والابوة..... وبالتالي انحلت المشكلة بشكل يرضي الكل :D

يعني أنا بعتقد جازمة إنه شعور الأمومة ما في شي بالعالم ممكن يعوض المرأة عنه...:waa3:
عم تسألي إزا نحنا واجهنا هيك موقف شو الحل؟:? :nono:
هلأ حل التبني هو حل ممكن وافئ عليه مشان عيش حياتي مع اللي اختاره ألبي، بعرف رح طنش نداء الأمومة في البداية لإنه بتوقع مشاعر الحب العاتية رح تجرف كل شي وكل مشاعر تانية إداما.. ممكن إعمي حالي عن أشيا شايفتا في سبيل الحب..

هلأ إزا كان بيستاهل شريك الحياة هالمشاعر طول العمر...كتير منيح:yahoo: :clap: :king: ... بس رح تبئ حرءة بألبي وشعور مدائني طول العمر..:waa3: بس أكيد ما ممكن إزعجه فيه لإنه ما بيستاهل مني إجرحه بعد ما وافئت عليه خصوصا إنه كتيييييييييييير منيح.. فما بخرب حياتي وحياته... ولا بحياتي بفكر إنفصل عنه

إزا بلش يتغير وما عاد متل الأول يعني الإنسان يللي ضحيت مشانه... رح تكون الطامة الكبرى لإني رح حس إني ضيعت عمري وضحيت بأغلى شعور ممكن تحسه المرأة مشان ولا شي ولإني رح حس إني انخدعت:waa3: ... مالازم يتغير!!!
ولا شي... وأتا رح موت من البكي... رح تنبئ عيوني لإدام عشر متر... ما رح نام لا ليل ولا نهار... رح فكر بالإنفصال... ورح كون محتاجة لفترة نقاهة مشان إبدى حياة جديدة..:cry: :waa3: :waa3: :waa3: :waa3:
مشان هيك يضرب الحب شو بيزل... والله لاااااااااااااا يوئعنا هيك وئعة... لك أولو آآآآمين!!!

أنا برأيي أنو القصد من الزواج الأنجاب فأزا أكتشف قبل الزواج أحد الطرفين أن الآخر لا ينجب يفسخ
أما بعد الزواج فهناك حل غير الطلاق هو مشروعية تعدد الزوجات :hart:
شكرا عالموضوع الرائع :hart:

كل شي مقدر ومكتوب حتى لو ما قبلتي شخص ما بينجب.بركي تجوزتي غيرو وهوي كمان ما بينجب.انا برأيي اذا في حب حقيقي ما راح يأثر على الطرفين.انا بعرف وحدة متزوجة من عشر سنين وما انجبت وما حدث اي مشكل مع زوجها وتبنو طفل.وبعد عشر سنين الله اكرمهم وانجبو طفل.
ميرسي LaDyInReD:D

:blusted: موضوع مزعج التفكير فيه

مابدي اتزوج الا وحدة بحبها ومابحب بعدين اجيب عليها ضرة او اضطر اتركها :?

مابعرف شو ممكن يصير ازا لا سمح الله كان الغلط مني بتركها و ازا منها .. مابعرف بصراحة يمكن

بضطر اتركها كمان مشان ما بحب اتشتت بين النسوان :shock: !!

[quote=Lotus;475229] هلأ حل التبني هو حل ممكن وافئ عليه مشان عيش حياتي مع اللي اختاره ألبي، بعرف رح طنش نداء الأمومة في البداية لإنه بتوقع مشاعر الحب العاتية رح تجرف كل شي وكل مشاعر تانية إداما.. ممكن إعمي حالي عن أشيا شايفتا في سبيل الحب..


إزا بلش يتغير وما عاد متل الأول يعني الإنسان يللي ضحيت مشانه... رح تكون الطامة الكبرى لإني رح حس إني ضيعت عمري وضحيت بأغلى شعور ممكن تحسه المرأة مشان ولا شي ولإني رح حس إني انخدعت:waa3: ... مالازم يتغير!!!

لك اي يالي ببلش يتنازل بتنازل على طووول !!!;-)

لو صار معي!!!
اكبد رح أختار اللي بحبها قلبي
هلأ مين أحسن, أتزوج واحدة ما بحبها بتنجب وتصير بيناتنا مشاكل وننفصل ويتشرشحوا الاولاد والا اني أعيش مع اللي بحبها قلبي!!! وممكن فب المستقبل الله يرزقنا بالاولاد؟؟!!!!

أنا برأيي أنو القصد من الزواج الأنجاب فأزا أكتشف قبل الزواج أحد الطرفين أن الآخر لا ينجب يفسخ
أما بعد الزواج فهناك حل غير الطلاق هو مشروعية تعدد الزوجات :hart:
شكرا عالموضوع الرائع :hart:

عذرا منك
بس اذا كانت المشكلة فيك لاسمح الله.... يعني انت اللي طلعت عاجز عن الانجاب شو بيكون الحل..... تعدد الازواج؟؟؟:?

عذرا منك
بس اذا كانت المشكلة فيك لاسمح الله.... يعني انت اللي طلعت عاجز عن الانجاب شو بيكون الحل..... تعدد الازواج؟؟؟:?

:lol: :lol: :lol: رهيبة

مشان هيك يضرب الحب شو بيزل... والله لاااااااااااااا يوئعنا هيك وئعة... لك أولو آآآآمين!!!



هاي هي المشكلة:?

يضرب الحب شو بيزل و انا بتخيل اني رح غير جوابي و ما اظن اتنازل عن حب حياتي و هي زوجتي بسبب اي شي:jakoush:

لانه الحب و الدفا منها و معها رح يخلوني عيش بجنة و انسى الولاد ولو انه عن كزب:pos:

بس الحلو ما بيكمل

واكيد الله عزوجل بيتكرم على الانسان الي بصبر بالاخر

وهي لو بتحبني كمان ما ظنيتها تتركني:sosweet: يعني ماحلوة شوف ولاد من

مرا مابحبها وانا كلي مشاعر حب لوحدة تانية اي هي اكبر خيانه الها و

اكبر جحيم الي:cry:

لو صار معي!!!
اكبد رح أختار اللي بحبها قلبي
هلأ مين أحسن, أتزوج واحدة ما بحبها بتنجب وتصير بيناتنا مشاكل وننفصل ويتشرشحوا الاولاد والا اني أعيش مع اللي بحبها قلبي!!! وممكن فب المستقبل الله يرزقنا بالاولاد؟؟!!!!

وأنا معك
أنا بظن اني رح اختار ضل مع هاد اللي اختاره قلبي:sosweet:
مو شرط شب بالمواصفات الحاطيتها
المهم اني بحبه:hart: :hart: :hart:
طبعا بضل معو
والا شلون يعني ببقى حبه واتركه؟:shock:

انا ما بتفرق معي الولاد المهم الانسانة زاتها وبس ؟؟؟؟؟؟؟؟؟؟؟
لا تعليق أكثر لأنو حديث طويل وما بيخلص

وأنا معك
أنا بظن اني رح اختار ضل مع هاد اللي اختاره قلبي:sosweet:
مو شرط شب بالمواصفات الحاطيتها
المهم اني بحبه:hart: :hart: :hart:
طبعا بضل معو
والا شلون يعني ببقى حبه واتركه؟:shock:

أكييييييييييد!!!!!!

هاد السؤال للاسلام فقط لأنو المسيحي متل التوتو بدو يضل على وحدة بس هههه يعني ما بتسمعو لزقة نصرانية :lol: :lol: بقا أنا مارح جاوب :lol:

والله في الحقيقة أنا في رأيي إني يللي ماذاق طعمة الأولاد ما فيه يحكم على الموضوع
صدقوني أجمل نعمة عطانا إياها رب العالمين هي الأولاد وقت إلي بتشوف إبنك بإيدك وعم يضحك لإلك بتحس إني الدنيا كلها ما بتسوا إشي قدام هالضحكة الحلوة أو لما بتسمع منو كلمة بابا,الله لا يحرمهن لحدا
أما بالنسبة لموضوع إذا كان في مشكلة بالإنجاب من أحد الطرفين فأنا برأيي في حل!!!!!!!!!
الأول إذا كان العذر من الرجل فأنا متأكد إذا كان الرجل بيحب زوجتو فما لازم يخليها تنحرم من هالنعمة إلي حرمو ا إياها القدر ويتركها لحتى تشوف طريقا عسى ولعل تتجوز غيروا وتنجب أولاد , وساعتها بس المرأة هي بتعرف قديش كان زوجها بيحبها أكتر من نفسوا كونوا ما خلاها تنحرم من هالنعمة
أما بالنسبة إذا كان العذر من المرأة وليس هنالك أي أمل في الإنجاب فأنا برأيي الإتفاق سيد الموقف... فإذا كانت تستطيع أن تعيش معه في بيت واحد و زوجة ثانية في بيت آخر فما من مشكلة ولكن على شرط أن تكون متأكدة من أن زوجها صاحب عقل راجح يستطيع أن يتكيف مع هذا الوضع ولن تكون هي عبارة عن زوجة سابقة عقيمة فقط لا غير
صدقوني إن نعمة الأولاد لا تقدر بثمن
أما من ناحية أخرى أريد أن أسأل صاحبة الموضوع والأعضار الأكارم سؤال آخر
ماذا لو كانت زوجة إبنك هي اللتي لا تنجب أو زوج إبنتك فما أنت بفاعل وخاصة إذا كان عندك ولد وحيد أو إبنة وحيدة........هي في رأيي كمان مشكلة بس حلها بدو يكون قريب للواقع أكتر من الخيال
تحياتي
الحاج متولي.......دخيل الله النسوان شو حلوين:hart: ...والاولاد أحلى وأحلى:hart:

والله في الحقيقة أنا في رأيي إني يللي ماذاق طعمة الأولاد ما فيه يحكم على الموضوع
صدقوني أجمل نعمة عطانا إياها رب العالمين هي الأولاد وقت إلي بتشوف إبنك بإيدك وعم يضحك لإلك بتحس إني الدنيا كلها ما بتسوا إشي قدام هالضحكة الحلوة أو لما بتسمع منو كلمة بابا,الله لا يحرمهن لحدا
أما بالنسبة لموضوع إذا كان في مشكلة بالإنجاب من أحد الطرفين فأنا برأيي في حل!!!!!!!!!
الأول إذا كان العذر من الرجل فأنا متأكد إذا كان الرجل بيحب زوجتو فما لازم يخليها تنحرم من هالنعمة إلي حرمو ا إياها القدر ويتركها لحتى تشوف طريقا عسى ولعل تتجوز غيروا وتنجب أولاد , وساعتها بس المرأة هي بتعرف قديش كان زوجها بيحبها أكتر من نفسوا كونوا ما خلاها تنحرم من هالنعمة
أما بالنسبة إذا كان العذر من المرأة وليس هنالك أي أمل في الإنجاب فأنا برأيي الإتفاق سيد الموقف... فإذا كانت تستطيع أن تعيش معه في بيت واحد و زوجة ثانية في بيت آخر فما من مشكلة ولكن على شرط أن تكون متأكدة من أن زوجها صاحب عقل راجح يستطيع أن يتكيف مع هذا الوضع ولن تكون هي عبارة عن زوجة سابقة عقيمة فقط لا غير
صدقوني إن نعمة الأولاد لا تقدر بثمن
أما من ناحية أخرى أريد أن أسأل صاحبة الموضوع والأعضار الأكارم سؤال آخر
ماذا لو كانت زوجة إبنك هي اللتي لا تنجب أو زوج إبنتك فما أنت بفاعل وخاصة إذا كان عندك ولد وحيد أو إبنة وحيدة........هي في رأيي كمان مشكلة بس حلها بدو يكون قريب للواقع أكتر من الخيال
تحياتي
الحاج متولي.......دخيل الله النسوان شو حلوين:hart: ...والاولاد أحلى وأحلى:hart:

لك شو هالقد بتحب النساوين؟:sosweet:
شو عاملنلك بحياتك؟؟

اما بالنسب لسؤالك ما رح اقدر جاوب عليه الا لأجرب الموقف واواجه حقيقة..
لأنه كتير صعب..
وبكل الاحوال انا لا استطيع التدخل بحياة ابني او ابنتي الزوجية..!
هو بقدر يعمل يلي شايفه مناسب..هاي حياته الخاصة.

بصراحة انا ما بعرف....ما خطر ببالي الموضوع من ئبل وهلأ عم فكر ما لئيت جواب اكيد....
بس بظن (ما تفهموني غلط)اني ئد ما كنت بحبو ما راح ابئى معو لانه الولاد شي كتير مهم وبلاهن الحياة مملة وفاضية
وكمان لأنه اكيد ازا كانت المشكلة مو منو ما راح يحسب حسابي وراح يروح يتجوز فليه لحتى ما عاملو بنفس الطريقة...
والتبني مو حل اولا حرام وكمان ما راح يعوض عن الابن وما راح تشعر بانه ابنك عنجد.,...

الله لا يحط حدا بهالموقف لانه كتيييير صعب...

اذا حبيت تحمل العواقب لان الحب بيجي مره وحده وصدقني اذا حبيت من قلبك بصدق واللي حبيتها كانت ما تنجب فأنصحك انك لا تتركها لانك بتفكر فيها طول عمرك وبيحرقك صدرك كل ما تذكرتها وممكن تبكي وبيكون الزوجه اللي خذيتها مثل ما تقول مخدوعه بحبك لانه حب كاذب حبك الحقيقي مع وحده ثانيه واذا حبيت تجاذف بكل شي حت الانجاب وبعدين ممكن تعمل تلقيح تزاوجي...والله هذا رايييي واعتقد انه راي كل انسان عنده مشاعر ...وشكرا على هذا الموضوع لانه كان لازم يتكلم فيه احد من الناس ولا ينكتم من زمان واسف لاني طولت معاكم .

:p لك شو هالقد بتحب النساوين؟:sosweet:
شو عاملنلك بحياتك؟؟

اما بالنسب لسؤالك ما رح اقدر جاوب عليه الا لأجرب الموقف واواجه حقيقة..
لأنه كتير صعب..
وبكل الاحوال انا لا استطيع التدخل بحياة ابني او ابنتي الزوجية..!
هو بقدر يعمل يلي شايفه مناسب..هاي حياته الخاصة.
هلق بدينك في أطيب من النسوان وأو أحلى من البنات الطيوبات لك هادا أحسن جنس في الدنيا الله بعتلنا إياه من عندو
أما بالنسبة شو مساوينلي فالحمد لله مو مساوين معي غير كل خير ..هيك سبحان الخالق و دخيل إسمو هالرب
لما الواحد بيشوف وحدة ديخلة عليه ...هيك بيحس إني الدنيا عم تضحك:yahoo: بيحس إني ردتلي الروح:o لك الله لا يحرمنا منهن يارب..لك إنتو أحلى شغلة بهل دنيا:D :D :D
0 (منيح عم بكتب وزوجتي مو جنبي):p :p
أما بالنسبة لسؤالي فأنا ما بقصد فيو شو هو موقفك أنا بقصد شو هو شعورك أو شو بتتمني

واللهي الموضوع كتير محير
بس انا من وجهة نظري
لانو مهما كان الزوجين بيحبوا بعض
مش هيقدروا يستغنوا عن الأولاد
لأنو مع الوقت هيزهقوا من بعض
لأن حياتهم هتكون ممله ما فيها اي جديد

بس بردو مش هينفع ينفصلوا وكل واحد منن
يروح يتزوج حد تاني مش بيحبوا كمان هتكون حياه ممله مجرده من المشاعر

بصراحه انا مش لاقيه حل للمشكله
لو حصل ده لاقدر الله يبقى ربنا يحلها من عنده
انشا الله ماحدش يتعرض للموقف ده يا رب

هاد السؤال للاسلام فقط لأنو المسيحي متل التوتو بدو يضل على وحدة بس هههه يعني ما بتسمعو لزقة نصرانية :lol: :lol: بقا أنا مارح جاوب :lol:

يا معلم احنا بنتكلم علي اساس
الفحص قبل الزواج
لو اكتشف انه احد الزوجين قبل الزواج لا يستطيع الانجاب
يبقي ما هو العمل في هذه الحاله ؟؟؟

واظن اني جاوبت في الرد رقم 3#

[quote=Lotus;475229]
لك اي يالي ببلش يتنازل بتنازل على طووول !!!;-)

مزبوط كلامك بس إزا التنازل في مكانه.... بتصور ما في مشكلة:D

أنا شخصياً ضد فكرة الزواج من الأصل و لذلك الموضوع لا يهم أبداً ان كانت الفتاة تنجب او لا المهم أن تكون البنت رومانسيه و قطقوطه

[quote=الحاج متولي;476491]

أما بالنسبة إذا كان العذر من المرأة وليس هنالك أي أمل في الإنجاب فأنا برأيي الإتفاق سيد الموقف... فإذا كانت تستطيع أن تعيش معه في بيت واحد و زوجة ثانية في بيت آخر فما من مشكلة


صحيح إنه الإسلام محلل هالشي وإله أسبابه اللي معو حئ فيا وبحترما... بس، على المستوى الشخصي، بحس إنه هالإنسان اللي حبيته وهو شريك حياتي ما رح كون أنا وبس بألبه:waa3::krimbow:... إي والله بنفجر وبحترء وبموت!! :-(:cry: :tears::waa3: :evil: :krimbow: :sick: :sick: :sick: بحس مستحيل الحب يبئ وأت بيكون في تانية!!!!! شو الفايدة إزن إبئى معه؟ لإرتك بحالي رتك؟!!!!!


[quote=الحاج متولي;476491]
ولكن على شرط أن تكون متأكدة من أن زوجها صاحب عقل راجح يستطيع أن يتكيف مع هذا الوضع ولن تكون هي عبارة عن زوجة سابقة عقيمة فقط لا غير


أي... ومنين بدك تجيب هيك رجال في وقتنا الحاضر؟:? :shock:

ولكن...
لو تعرضت لهذا الموقف شخصيا...
ماذا سيكون رد فعلك؟؟
وما هي الخطوة التي تقوم بها!!؟؟
لا ما برضى بس اذا كنت يعني غرقانة:sosweet: ما بعرف اذا ممكن وافق

انا لو عرفت انه حبيبي ما بينجب
مستحيل اتركه لهالشي بعيش معه
بنجرب اكتر من طريقه للانجاب وازا ما زبطت
بنتبنى ولد وبنربيه
وازا ما لقينا طفل نتبناه بربي قطه ما بتفرق معي
مع انه روحي معلقه بولادي من قبل ما شوفون
بس ازا كان الخلل مني
ما بقبل انه ينظلم وما يكون له ولد يحمل اسمه
انا بدورله على عروس وعروس بتجنن كمان مشان يطلعو ولادها
حلوين
ما بهون علي شوف حبيب قلبي بيتطلع عالاطفال وهو محروم منهون
حبيبي هاد
حبيبي عمري
ما فيني احرمه من شي حتى لو على حسابي
:hart: :hart: :hart: :hart:

انا لو عرفت انه حبيبي ما بينجب
مستحيل اتركه لهالشي بعيش معه
بنجرب اكتر من طريقه للانجاب وازا ما زبطت
بنتبنى ولد وبنربيه
وازا ما لقينا طفل نتبناه بربي قطه ما بتفرق معي
مع انه روحي معلقه بولادي من قبل ما شوفون
بس ازا كان الخلل مني
ما بقبل انه ينظلم وما يكون له ولد يحمل اسمه
انا بدورله على عروس وعروس بتجنن كمان مشان يطلعو ولادها
حلوين
ما بهون علي شوف حبيب قلبي بيتطلع عالاطفال وهو محروم منهون
حبيبي هاد
حبيبي عمري
ما فيني احرمه من شي حتى لو على حسابي
:hart: :hart: :hart: :hart:
و ليش هو ما بدورلك ع عريس:shisha:

و ليش هو ما بدورلك ع عريس:shisha:
ازا هو دورلي على عريس
مضطرين ننهي ارتباطنا
اما ازا هو اتجوز بنستمر بحياتنا حتى لو تغيرت
مشاعره تجاهي
على كل الاحوال بتتغير مشاعر الانسان بمرور الوقت
ولو ما كان اله زوجه تانيه
وبس هيك
وتحياتي الك اكيد

انا لو عرفت انه حبيبي ما بينجب
مستحيل اتركه لهالشي بعيش معه
بنجرب اكتر من طريقه للانجاب وازا ما زبطت
بنتبنى ولد وبنربيه
وازا ما لقينا طفل نتبناه بربي قطه ما بتفرق معي
مع انه روحي معلقه بولادي من قبل ما شوفون
بس ازا كان الخلل مني
ما بقبل انه ينظلم وما يكون له ولد يحمل اسمه
انا بدورله على عروس وعروس بتجنن كمان مشان يطلعو ولادها
حلوين
ما بهون علي شوف حبيب قلبي بيتطلع عالاطفال وهو محروم منهون
حبيبي هاد
حبيبي عمري
ما فيني احرمه من شي حتى لو على حسابي
:hart: :hart: :hart: :hart:

والله قلبك قوي ونياله اللي بدو ياخدك!!!
بس أحلى شي عجبني بالموضوع!! بنربي قطه!!

أنا شخصياً ضد فكرة الزواج من الأصل و لذلك الموضوع لا يهم أبداً ان كانت الفتاة تنجب او لا المهم أن تكون البنت رومانسيه و قطقوطه
شلون يعني ضد فكرة الزواج؟:? :shock:

بصراحة
عرد الانجاب لا يمكن معرفته قبل الزواج إلا اذا كان أحد الزوجين متزوجاً من قبل .
لذلك أنا استبعد الاحتمال الأول وهو ارتباطي با مرأة لا تنجب لأنها أولا ستكون متزوجة سابقاً أي متطلقة أو أرملة .

أما بالنسبة للحالة الثانية وهي عدم القدرة على النجاب بعد الزواج وهنا لدينا حالتين :

اذاكان السبب مني : فأني بإذن الله وبعد التأكد من عدم القدرة على الانجاب طبياً سأخيرها بين البقاء معي وبين الطلاق وهي تختار .

أما اذا كان السبب منها : فإني بإذن الله سوف أتركها لدي ولكني سأتزوج مرة أخرى وعندها أيضاً سأخيرها بين البقاء معي وقبولها الضرة أو الطلاق .

هلق المشكلة عندي مو إنو مابيجيب ولاد....المشكلة إنو متدين (ذو دين)

هلق المشكلة عندي مو إنو مابيجيب ولاد....المشكلة إنو متدين (ذو دين)

:?
شو دخل المتدين بموضوع الانجاب او عدم الانجاب اللي نحنا بصددو؟؟

رجعنا و رجعت ليالينا
ا
ا
ا