جلس عيسوى قدام أم العروسه
يسمع درس فى الجواز والشوار
قالت أمها تملى شروطها
فى فرمان عالى مايقبل هزار
الدهب بعشرة الاف جنيه
واربعه وعشرين عيار
والسكن اربع اوض كبيره
فى حى جميل المزار
والعفش من دمياط ومدهب
احسبلهم تلاتين باكو ياراغب العمار
أما الفرح يانور عينى
ففى فندق أقله تلاته ستار
عايزين بقه نفرح بيكم
دنا ماعنديش اغلى من افكار
جلس عيسوى فى زهول
يسمع شروط ست الدار
كأن أمها عطت لة بنج
أو عملتله أعمال واسحار
وقرر بسرعه انه لازم
يفك بسرعه هذا الحصار
قام وجرى على باب الشقه
زى مجنون بيطارده أطفال
ووضع أيده على دقنه
وقالهم بتهكم واستهتار
ان دخلت بيت أخطب تانى
سمونى البهيم أو نادونى ياحمار