-
دخول

عرض كامل الموضوع : القراءة والثقافة...هل اصبحا من منسياتنا؟؟؟؟

TheLight
25/09/2006, 08:09
انو هلق الساعة صارت سبعة الصبح وانا لسه مانمت لانو كنت عم نزل كم كتاب بالمكتبة وهاد بصراحة يللي شاغلي وقتي هالفترة....المكتبة....:clap:
انو اليوم اخدنا تصريح من الحكيم انو نقدر ننزل كتب بشكل ملفات مضغوطة حتى حجم 10 ميغا بايت....بس انو انا وقاعد عم نزل هالكم كتاب يللي نزلو اليوم بما فيهن كتاب التحولات لأوفيد ورواية الثلج يأتي من النافذة لحنا مينة وكتاب اغتصاب كان واخواتها لمحمد الماغوط....انو انا وعم نزل هالكتب استوقفني سؤال كتير كبير.....:(

في حدا عم يقرأ بهالايام؟؟؟
في حدا لسه مهتم بالثقافة والقراءة؟؟؟


وجر وراه السؤال عدد كبير من الاسئلة....في حدا عم يفوت ع مكتبة اخوية...؟؟؟اي في...بس الاسماء يللي عم تفوت معدودين ع اصابع الايد الواحد....اما الشبيبة الباقية؟؟؟ش عم يعملو؟؟؟:shock::shock:

شكلو اهتماماتهم منوعة...ومنها المقاتلات ع الاديان...شي مع وشي ضد...وشي عم يتخانقوا ع قصص سورية والسعودية...وشي عم يتخانق ع بشار الاسد....وعلقانة....:jakoush::jakoush:
بس ليش ماحدا بيهتم يقرأ؟؟؟:adal:
يعني بصراحة قسم المكتبة صار من اهم الاقسام حاليا بالمنتدى وفيه كتب لا يستهان فيها...بس لمين؟؟؟

انو معقول لهالدرجة صارت العالم بعيدة عن الثقافة والقراءة:shock:
ليش؟؟؟
حدا يفهمني
وياريت يللي يمر يجاوبلنا ع هالتصويت لنشوف اذا نظرتي صحيحة ولا خاطئة
ميرسي
Syrian__Angel
25/09/2006, 08:34
في حدا عم يفوت ع مكتبة اخوية...؟؟؟اي في...بس الاسماء يللي عم تفوت معدودين ع اصابع الايد الواحد....اما الشبيبة الباقية؟؟؟ش عم يعملو؟؟؟


اي اي عم نفوت ... بس مو بالضرورة ننزّل رد وقت اللي بندخل لنحمّل كتاب :D

بس بشكل عام .. معك حق ، نسبة كبيرة منا مو صحبة مع الكتب ...
Nirvana
25/09/2006, 09:14
ايه لانو الناس بطل يهمها إلا المظاهر وطق الحنك والمصخرا ..
وفي طبعا تأثيرات لتكنولوجيا العصر والحالة الاقتصادية والطبقة الاجتماعية وأهم شي سياسة التجهيل اللي قامت بها الدول الاستعمارية سابقا وامريكا حاليا .. وما زال الانسان في مجتمعنا تحت وطأتها ..

ايه ولسا بسوريا بحس انو في ميل للقراءة من ملاحظتي لبعض اصدقائي . . بس عنا بالأردن هالشي نادر تماما ..
Willi
25/09/2006, 09:21
لك شو دخل الدول الاستعمارية واميركا بقرائتنا.

اي هدول شعبون ما بفوت دقيقة ما بيقرا.

اذا نحن شعبنا قليل مروة. وما خرجو شي, شو دخل باقي العالم


انو معلم انا قريت كذا رواي من المكتبة, بس ما بخفيك انو الي فترة شي شهرين ما دست المكتبة
Nirvana
25/09/2006, 09:40
لك شو دخل الدول الاستعمارية واميركا بقرائتنا.

اي هدول شعبون ما بفوت دقيقة ما بيقرا.

اذا نحن شعبنا قليل مروة. وما خرجو شي, شو دخل باقي العالم


انو معلم انا قريت كذا رواي من المكتبة, بس ما بخفيك انو الي فترة شي شهرين ما دست المكتبة

ايه لانو الدول الاستعمارية .. لعنت ابو العالم ما خلت مجال للقراءة والتعليم .. بالاضافة انها اثرت على دول متل المغرب العربي ولبنان لدرجة انو الشعب بيحكي فرنسي احسن ما بيحكي عربي ..
بالاضافة انو الشعب كان معتر وطفران والمعتر والطفران ما معو حق كتاب ولا بهمو انو يتعلم .. بهمو انو يلاقي لقمة ياكلها ..

ايه امريكا .. اول شي فعّلت بعض الجماعات اللي غلفت عقولنا بالتعصب والجهل وسيطر على جزء كبير من شبابنا .؟
وامريكا سيطرت على دولنا ودولنا اللي سيطرت على المواطن ضمن نظرية المؤامرة فجوعت جزء منا .. وسكتت الباقي بالتكنولوجيا ..
اقتصاديا .. جزء كبير من الشعب ما بيقدر يدفع حق كتاب .. وفكريا .. جزء كبير من الشعب مزروع بعقلو أفكار غلط ..

طبعا هاي امور مو لحالها ادت لهالشي بس جزء كبير منها .
طبعا هاد كلو بيرجع لهبلنا واقتناعنا بتوافه الامور ..
Willi
25/09/2006, 10:54
انا ضد انو نحمل اي حدا تاني, اخطائنا
نيرفانا
25/09/2006, 10:59
انو هلق الساعة صارت سبعة الصبح وانا لسه مانمت لانو كنت عم نزل كم كتاب بالمكتبة وهاد بصراحة يللي شاغلي وقتي هالفترة....المكتبة....:clap:
انو اليوم اخدنا تصريح من الحكيم انو نقدر ننزل كتب بشكل ملفات مضغوطة حتى حجم 10 ميغا بايت....بس انو انا وقاعد عم نزل هالكم كتاب يللي نزلو اليوم بما فيهن كتاب التحولات لأوفيد ورواية الثلج يأتي من النافذة لحنا مينة وكتاب اغتصاب كان واخواتها لمحمد الماغوط....انو انا وعم نزل هالكتب استوقفني سؤال كتير كبير.....:(

في حدا عم يقرأ بهالايام؟؟؟
في حدا لسه مهتم بالثقافة والقراءة؟؟؟


وجر وراه السؤال عدد كبير من الاسئلة....في حدا عم يفوت ع مكتبة اخوية...؟؟؟اي في...بس الاسماء يللي عم تفوت معدودين ع اصابع الايد الواحد....اما الشبيبة الباقية؟؟؟ش عم يعملو؟؟؟:shock::shock:

شكلو اهتماماتهم منوعة...ومنها المقاتلات ع الاديان...شي مع وشي ضد...وشي عم يتخانقوا ع قصص سورية والسعودية...وشي عم يتخانق ع بشار الاسد....وعلقانة....:jakoush::jakoush:
بس ليش ماحدا بيهتم يقرأ؟؟؟:adal:
يعني بصراحة قسم المكتبة صار من اهم الاقسام حاليا بالمنتدى وفيه كتب لا يستهان فيها...بس لمين؟؟؟

انو معقول لهالدرجة صارت العالم بعيدة عن الثقافة والقراءة:shock:
ليش؟؟؟
حدا يفهمني
وياريت يللي يمر يجاوبلنا ع هالتصويت لنشوف اذا نظرتي صحيحة ولا خاطئة
ميرسي


أنا شخصياً ما رح صوّت لأنو ولا وحدة ركزت معي بس اللي بدي إحكي إني من عشاق القراءة
ومشكلة الناس مع القراءة هي إن القارئ العربي بيعتبر إنو القراءة رفاهية لذلك بمارس فعل القراءة بوقت فراغه في الوقت الي القراءة فيه يجب أن تكون واجباً و فعل اعتيادي وأن يخصص للقراءة جزء أو بعض الساعات من اليوم. وشكراً لصاحب الموضوع:D
Reemi
25/09/2006, 11:06
انا ضد انو نحمل اي حدا تاني, اخطائنا
اي اي ذكرتني بشغلة...
مرة بابا بيسال اختي شو بدنا نفطر ...قالت فول..راحت امي قالت لا الفول بيسطل....ما بدنا..راح بيي قلها لا بسطل ولا شي بس العرب دايما مسطلين فبعلقوها بالفول.....

اي خيو..انا بفوت ع المكتبة بتفرج شو عم تعملوا وهيك...حملت كم كتاب...بس بصراحة اول شي بشوف شي حد قرايانو باخد رايه فيه بعدين بنزله....

:D
hanny dagher
25/09/2006, 11:40
كتعليق اول الشي خارج الموضوع انا مع جاد بانو ما لازم نحمل حدا تاني اغلاطنا نحنا

انا من اول بحب القراي كتير ومو شي ويمكن قريان كتب انا وصغير على عدد شعر راسي

بس المشكلة اللي عم تصير هلأ
1 - انا ما عندي وقت اني اقرا كتاب جبت تسع كتب من سوريا بمجال دراستي مشان اقراهن اسا ما فتحت ولا كتاب منن لانو ما في وقت
2- بالفترة اللي نشطت فيها المكتبة انا خف نشاطي بشكل كبير باخوية يعني صرت ما عم فوت على معظم الاقسام مو بس على المكتبة بفوت بقرا موضوع او موضوعين محددات وبطلع
3- انا عندي مشكلة مع الكتب الالكترونية انو ما بقدر اقرا كتير كتب الكترونية بسبب مشكلة بعيوني بس مع هيك عم حاول حل المشكلة امس نزلت رواية زوربا وطبعتا على ورق الساعة تلاتة بالليل اخدت ساعة كاملة تمانين صفحة ونمت حد الطابعة ناطرا لحتى تخلص قريت اول فصل ومعد صرلي وقت كمل القصة

جبنا قصة لنجيب محفوظ مشان نقراها قرينا اول فصلين وفرطنا معد عنا وقت نكفيا

فما بعرف اي واحد بدي اختار لهيك ما رح اختار ونترك لكم الميكرفون
امرأة من ورق
25/09/2006, 13:19
انا بفوت عالمكتبة من وقت لتاني..... بس كل مابفوت وبيعجبني كتاب بحاول نزلو مابينزل بقوم بعصب وبكتأب..... مابعرف اذا المشكلة بجهازي او شو؟؟؟:cry:
فراشة
25/09/2006, 13:35
انا بالسبة الي مابحب الكتب الالكترونية ..بتعب كتير وانا عم اقراا
مشان هيك انا بفوت وبشوف شو في كتب عناوينها بتستهويني وبتشدني وبشتري الكتاب
يعني بعمل مكتبة تقليدية وليس مكتبة الكترونية
حاليا بدأت برواية زوربا ...مع انو عندي ياها من زمان بالبيت بس لما شفتها بالمكتبة قلت انو اجا وقتها ولازم اقراها
على فكرة جربت اني نزلت كم كتاب بس عنجد ماقدرت كمل قرايتهن لاني مو متعودة اني اقرا لساعات طويلة كتير من على الكمبيوتر ..وضلو عندي بالجهاز بلا فائدة
شكرا على الموضوع وعلى وجود المكتبة
TheLight
25/09/2006, 15:24
هاي شبيبة
انو صحيح فاجأتوني لأني ما كنت متوقع لاقي تجاوب بهالموضوع
هلق حابب رد ع السريع ع كم شغلة من الردود السابقة

اي اي عم نفوت ... بس مو بالضرورة ننزّل رد وقت اللي بندخل لنحمّل كتاب

اي هاد الشي بيسعدنا نعرفوا وبصراحة ما كتير بيهم انو تنحط ردود او لاء بس المهم الواحد يعرف انو في عالم عم تستفيد من الشيء يللي عم ينحط بالمكتبة

وفي طبعا تأثيرات لتكنولوجيا العصر والحالة الاقتصادية والطبقة الاجتماعية وأهم شي سياسة التجهيل اللي قامت بها الدول الاستعمارية سابقا وامريكا حاليا

كل الاسباب يللي ذكرتيها منطقية الا سبب الاستعمار يللي انا بعتبرو انو علاقة التياب يللي عم نعلق عليه اخطاءنا وراح نضل نغلقه عليها تلاتمية سنة....أنا ماني شايع علاقة بين الاستعمار يللي خلص بسورية من ستين سنة وبين الجيل الجديد يللي معظمو لاحق السخافة.....

بالاضافة انها اثرت على دول متل المغرب العربي ولبنان لدرجة انو الشعب بيحكي فرنسي احسن ما بيحكي عربي

طيب ليش ما بيقرو كتب فرنسي؟؟؟؟لانهن عرب وتنابل

انا بفوت عالمكتبة من وقت لتاني..... بس كل مابفوت وبيعجبني كتاب بحاول نزلو مابينزل بقوم بعصب وبكتأب..... مابعرف اذا المشكلة بجهازي او شو؟؟؟

بعتقد انو المشكلة من عندك يا امراءة من ورق هي انتي ونيرفانا كمان....

يعني بعمل مكتبة تقليدية وليس مكتبة الكترونية
انو معك حق....ان هي كانت فكرتي من قبل بس شوي شوي صرت غير رأيي وحاليا ما عاد اشتريت ولا كتاب بالعربي الا الشغلات يللي ما بلاقيها....صار عندي مكتبة ع الكمبيوتر تبعي بتخوف والاروع من هيك انو بتضل معي رغم انها ضخمة وكبيرة كتير...يعني وين مارحت صرتا قادر اني اقرا سواء بالقطار او بالجامعة او حتى بالجنينة مدام كل شي موجود ه الكمبيوتر....يعني بصراحة هلق هاد العصر هيك صار ماشي....

ع كل حال منيح انو قدرت افهم شو المشاكل يللي عم تصير بس للاسف بيتدايق الواحد وقت بيشوف اعضاء متلكون ما عم يقدرو يستفيدو من المنتدى
يعني اذا انتو وش السحارة هيك...معناتها البقية بسلامتكون...ما بيعرفوا انو عنا مكتبة من الاساس....
butterfly
25/09/2006, 15:46
هلق بصراحة ... أنا اليوم صرت راضية أكتر عن وضع المكتبة
من شهرين وقت فكرت أنو بدي شوف شوفي كتب بأخوية ... كتير تعزبت للاقيت الكتب .. . في كتب بقرأت لك .. وكتب بالمكتبة
بالمكتبة في خربوشات ... أشعار ... طلبات أعضاء ... مواضيع لحوار الروح .. مواضيع لقسم التاريخ .... مواضيع لعالطايروالصالون ... كانت غرفة الكراكيب من سنة ونص ... مواضيع ما بمحلا ...
لهيك أنا ماني مع حسان بتشاؤمو ... يمكن المكتبة ما كتير عم تشد ناس ... بس لكتير أسباب :
1 . أنو المكتبة ما ألا شهرين ... وهالشي لازم نعطي وقت للناس تشوف أنو المكتبة عم تتجدد
2 . أنو أخوية بتعبر عن المجتمع السوري بدون مثالية ... يعني مانا النخبة نحنا المجتمع كلو ... وبالمجتمع هي النسبة بس هي اللي بتحب تقرا

أنا بالعكس فرحانة ... صار في أكتر من 100 كتاب ... صار عنا مواضيع تنقرا ...ما عاد حدا عم ينزل مواضيع مسخرة بالمكتبة ...
وأنا بعتقد أنو في ناس عم تفوت
في 1600 واحد فاتو عالفهرس تبع الكتب ... خيو كب نصون ... كب تلتينون ... في 500 واحد فاتو استفادو ... بيكفي ...
يمكن يفوتو وما عم يكتبو ردود .,.. واقترحت عالحكيم لهالموضوع بالذات نعمل مشاركة أسما شكر ... يعني الواحد بدال ما يكتب رد ... بيكبس زر شكر وبيتجمعو كل الناس اللي شكروا تحت الموضوع
ومبسوطة أنو عالغوغل ...
بتحط أشعار غادة السمان ... بتطلعلك أخوية بأول صفحات .. بتحط غابرييل غارسيا ماركيز ..بيطلع الموضوع بأول الصفحات ... والأمثلة كتير وبرأيي رح يشد هالشي ناس جدد بتحب تقرا
بس نصبر شوي
:mimo:
TheLight
25/09/2006, 15:58
انو ياريت يكون حكيك صحيح انو التلت بس عم يفوت..وعم يقرا وعم يستفيد....بس انا بصراحة بشك بهالشي
ع كل حال انا مالي زعلة اذا العالم فاتت ع المكتبة او ما فاتت بالنهاية مو ابي يللي بدو يغتني او انا يللي بدو يرتفع مستواي الثقافي اذا العالم فاتت ع المكتبة وقرت بس انا يللي بيحز بقلبي هو مستوى الجهل المخيف يللي خارط المجتمع السوري بشكل خاص والمجتمع العربي بشكل عام....
انو وبيجلك واحد بيقلك انو احضارة العربية كانت اهم حضارة بالعالم وحضارة الاندلس وهيك قصص...وبالمقابل نحن كل مانا عم نرجع لورا ونصير بجهل مدقع
Reemi
25/09/2006, 15:58
بتحط أشعار غادة السمان ... بتطلعلك أخوية بأول صفحات .. بتحط غابرييل غارسيا ماركيز ..بيطلع الموضوع بأول الصفحات ... والأمثلة كتير وبرأيي رح يشد هالشي ناس جدد بتحب تقرا
بس نصبر شوي

اي اي انا جربتهن..بتطلع اخوية اول شي تقريبا....:yahoo:
امرأة من ورق
25/09/2006, 16:54
بعتقد انو المشكلة من عندك يا امراءة من ورق هي انتي ونيرفانا كمان....



انو حدا بيعرف شو الحل لهي المشكلة:cry:

في كم كتاب قلبي محروق عليون بس ماعم يرضو ينزلو :cry:
TheLight
25/09/2006, 16:56
انو حدا بيعرف شو الحل لهي المشكلة:cry:

في كم كتاب قلبي محروق عليون بس ماعم يرضو ينزلو :cry:

انو ما عم ينزلو ولا عم ينزلو وماعم تقدري تفتحيهم؟؟؟؟
butterfly
25/09/2006, 17:03
انو حدا بيعرف شو الحل لهي المشكلة:cry:

في كم كتاب قلبي محروق عليون بس ماعم يرضو ينزلو :cry:
ما عاشو اللي يحرقولك قلبك
بعتيلي شو هني برايفت .. ببعتلك ياهون عالأيميل ...
hanny dagher
26/09/2006, 00:10
انو حدا بيعرف شو الحل لهي المشكلة:cry:

في كم كتاب قلبي محروق عليون بس ماعم يرضو ينزلو :cry:

قليلي شو المشكلة اللي عم تصير معك
يعني لما عم تكبسي على الكتاب ما عم يفتح هاي النافذة اللي بتقلك وين بدك تحفظي
او عم تفتح وما عم ينحفظ يعني هوي وعم يحفظو بيطالعلك غلط

او عم ينحفظو بس ما عم ينفتحو معك

قليلنا مشان نشوف نحل المشكلة مشانك ومشان اللي عم تصير معاهن :D
Gazita
26/09/2006, 02:17
انو هلق الساعة صارت سبعة الصبح وانا لسه مانمت لانو كنت عم نزل كم كتاب بالمكتبة وهاد بصراحة يللي شاغلي وقتي هالفترة....المكتبة....:clap:
انو اليوم اخدنا تصريح من الحكيم انو نقدر ننزل كتب بشكل ملفات مضغوطة حتى حجم 10 ميغا بايت....بس انو انا وقاعد عم نزل هالكم كتاب يللي نزلو اليوم بما فيهن كتاب التحولات لأوفيد ورواية الثلج يأتي من النافذة لحنا مينة وكتاب اغتصاب كان واخواتها لمحمد الماغوط....انو انا وعم نزل هالكتب استوقفني سؤال كتير كبير.....:(

في حدا عم يقرأ بهالايام؟؟؟
في حدا لسه مهتم بالثقافة والقراءة؟؟؟


وجر وراه السؤال عدد كبير من الاسئلة....في حدا عم يفوت ع مكتبة اخوية...؟؟؟اي في...بس الاسماء يللي عم تفوت معدودين ع اصابع الايد الواحد....اما الشبيبة الباقية؟؟؟ش عم يعملو؟؟؟:shock::shock:

شكلو اهتماماتهم منوعة...ومنها المقاتلات ع الاديان...شي مع وشي ضد...وشي عم يتخانقوا ع قصص سورية والسعودية...وشي عم يتخانق ع بشار الاسد....وعلقانة....:jakoush::jakoush:
بس ليش ماحدا بيهتم يقرأ؟؟؟:adal:
يعني بصراحة قسم المكتبة صار من اهم الاقسام حاليا بالمنتدى وفيه كتب لا يستهان فيها...بس لمين؟؟؟

انو معقول لهالدرجة صارت العالم بعيدة عن الثقافة والقراءة:shock:
ليش؟؟؟
حدا يفهمني
وياريت يللي يمر يجاوبلنا ع هالتصويت لنشوف اذا نظرتي صحيحة ولا خاطئة
ميرسي

بالنسبة للكتب اللي بالمكتبة.ما بقراها لاني كل ما حملت كتاب بيتطلعلي كتابة غير شكل:pos: فبكتفي بقراة مقتطفات اللي بتنحط بقسم قرأت لك.وحاليا بقرا كتب بمجال دراستي باللغة الفرنسية على ما ابلش دوامي.والمشكل انو الواحد باوقات فراغو يا اما بيخصصو بشي بعيد عن القراءة.او قراءة كتب بتتعلق بدراستو.
وميرسي على مجهوداتكم بالمكتبة:D
abosleman
26/09/2006, 02:27
بالفعل في كتب ما عم نقدرننزلها
وفي بعض الكتب يلي نزلتها فيها اخطاء بالطباعه
يمكن من المصدر
butterfly
26/09/2006, 02:30
بالفعل في كتب ما عم نقدرننزلها
وفي بعض الكتب يلي نزلتها فيها اخطاء بالطباعه
يمكن من المصدر

حدا يحددلنا أي كتب ما عم تنزل معو ؟؟؟؟
سرسورة
26/09/2006, 03:01
انا مع مرسيل بالرأي
انو المكتبة صارت من احلى الاقسام بأخوية....ومن أرتب الاقسام
كتيير قليل لتشوف فيا مواضيع بلاطعمة...والناس اللي عم تفوت عليا عم تفوت مشان تقرا عنجد
يعني ...اكيييد مو كل الناس بتحب القراية...و بيجوز في ناس بتحب القراية و ما بتقدر تقرا ع الكومبيوتر
بس اللي انا شايفتو انو في نسبة منيحة عم تقرا و في نسبة منيحة عم تتابع موضوع اسبوع و كاتب..يعني تعبكون ما عم يروح عالفاضي:D :D
butterfly
26/09/2006, 03:07
انا مع مرسيل بالرأي
انو المكتبة صارت من احلى الاقسام بأخوية....ومن أرتب الاقسام
كتيير قليل لتشوف فيا مواضيع بلاطعمة...والناس اللي عم تفوت عليا عم تفوت مشان تقرا عنجد
يعني ...اكيييد مو كل الناس بتحب القراية...و بيجوز في ناس بتحب القراية و ما بتقدر تقرا ع الكومبيوتر
بس اللي انا شايفتو انو في نسبة منيحة عم تقرا و في نسبة منيحة عم تتابع موضوع اسبوع و كاتب..يعني تعبكون ما عم يروح عالفاضي:D :D

أنا مع سارة وسارة معي .. وهيك منكون مع بعض ... وترالا لا ترالا لا ....( هون سمايلي عم يرقص .. هزتين عاليمين ...هزتين عالشمال ... وياهو بالنص ..وهييييييي ) بس في جملة ما زبطت معي ... بدا تصحيح ... تعبنا ما عم يروح عالفاضي ...وهي سمايلي عم يرفع شابو ( برنيطة يعني ... مدام ما بقدر بنزل سمايليات بخترع سمايليات عكيفي ...
abosleman
26/09/2006, 03:38
كتب تشارلز ديكنز ماعم يشتغلو عندي
هدول يلي طلعو معي مبارح
ولسه ماشفت اليوم
واكيد رح خبركن إذا كان في شي تاني
امرأة من ورق
26/09/2006, 07:11
قليلي شو المشكلة اللي عم تصير معك
يعني لما عم تكبسي على الكتاب ما عم يفتح هاي النافذة اللي بتقلك وين بدك تحفظي
او عم تفتح وما عم ينحفظ يعني هوي وعم يحفظو بيطالعلك غلط

او عم ينحفظو بس ما عم ينفتحو معك

قليلنا مشان نشوف نحل المشكلة مشانك ومشان اللي عم تصير معاهن :D

شكرا كتير هاني وميمو وذا لايت :D

اللي عم يصير معي انو بس اكبس عالكتاب بتطلع النافذة تبع وين بدي احفظو وبعدين بتطلع نافذة تانية بتقلي
internet explorer cannot download الرابط اللي بكون طالبة حفظو

:cry:
هاد اللي عم يصير معي بالضبط
اذا حدا عندو حل بكون ممنونة عيونو :D
Willi
26/09/2006, 08:18
انو امرأة حطي موضوع بالبريد بخصوص هالمشكلة.
هيك منقدر ناخد ونعطي بالمشكلة اكتر.
احسن ما نغير مجرى الموضوع.